Tag bollywood

ممبئی(شوبز ڈیسک/ایمرا نیوز) یہ دن اینڈین کرکٹ ٹیم کے لیے بہت بڑا تھا کیونکہ تقریبا 72 سال کے بعد اور 11 دوروں کے دوران آسٹریلیا کو انہیں کے گھر میں ان کو شکست دی.ویرات اور ان کی ٹیم اس جیت کا شاندار انداز سے جشن منایا،اور ان کی خوشی کی کوئی حد نہیں ہے.

ویرات کی اہلیہ اور بالی ووڈ اداکارہ انوشکا شرما بھی انڈین ٹیم کو سپورٹ کرنے سٹیڈیم میں موجود تھیں اور انہوں کی جیت کی خوشی میں اور بھی اضافہ کردیا، وہ بہت زبردست لمحہ تھا جب انوشکا نے گراؤنڈ میں قدم رکھا. میچ کی اختتامی تقریب کے بعد انوشکا اور ویرات کو ایک ساتھ دیکھا گیا وہ ایک دوسرے سے گلے مل رہے تھے اور وہ لمحہ بہت ہی شاندار تھا.اب ہم یہ تصویر دیکھیں گے جس میں انوشکا اور ویرات جیت کا کیک کاٹ رہے ہیں. اور وہ دونوں اس تصویر میں ایک دوسرے کے ساتھ بہت خوش لگ رہے ہیں.

ممبئی(شوبز ڈیسک/ایمرا نیوز) بالی ووڈ اداکار شاہد کپور نے بھارتی اداکارہ پریانکا چوپڑا کے شوہر اور امریکی گلوکار نک جونس کو خاص مشورہ دیتے ہوئے کہا کہ ’وہ کبھی بھی پیچھے نہ ہٹیں، کیونکہ ایک خالص دیسی لڑکی ان کے ساتھ ہے۔‘اداکار شاہد کپور نے کچھ روز قبل اپنے سوتیلے بھائی ایشان کھتر کے ہمراہ بھارت کے مقبول ترین شو ’کافی ود کرن‘ کے سیزن 6 میں شرکت کی۔ شو کے دوران دونوں بھائیوں نے اپنےتعلق اور دیگر معاملات پر کھل کر بات کی۔بالی ووڈ ہدایت کار اور پروڈیوسر کرن جوہر کے شو میں اداکار شاہد کپور اپنے بھائی ایشان کھتر کواُن کی ڈیبیو فلم ’دھڑک‘ کی ہیروئن جھانوی کپور کے نام سے چھیڑتے ہوئے بھی نظر آئے۔ دوسری جانب کرن جوہر نےشو کے دوران ایک موقع پر شاہد کپور سے سوال کیا کہ ’اگر اُنہیں پریانکا چوپڑا کے شوہر نک جونس کو کوئی مشورہ دینا ہوتو وہ کیا ہوگا؟ جس پر شاہدکپور نے نک جونس کو مخاطب کرتے ہوئےکہا کہ ’دوست کبھی پیچھے مت ہٹنا، تم ایک اصل دیسی لڑکی کے ساتھ ہو۔‘واضح رہے سال 2009 میں فلم ’کمینے‘ کی شوٹنگ کے دوران شاہد کپور اور پریانکا چوپڑا کے تعلق سے متعلق مختلف خبریں گردش کرنے لگی تھیں،تاہم دونوں نے اس تعلق کی کبھی تصدیق نہیں کی اور اب دونوں اداکار اپنی اپنی شادی شدہ زندگیوں میں مگن ہیں۔

ممبئی(شوبز ڈیسک/ایمرا نیوز) بالی ووڈ کی مشہور اداکارہ کرٹی نے اپنے متعلق تمام افواہوں کا دم توڑ دیا، یاد رہے کہ کافی دنوں سے یہ خبریں گردش کرہی ہیں کرٹی فلم میکر Rakesh Roshan سے ‘Krrish 4’ میں کردار لینے کے لیے ملیں ہیں.

جہاں انہیں ان کے آفس میں دو بار جاتے دیکھا گیا ہے لیکن ان خبروں میں کوئی بھی سچائی نہیں ہے دراصل کرٹی اپنے talent management کے پاس گئیں تھی لیکن اسی بلڈنگ میں Rakesh Roshan کا بھی آفس ہے اس وجہ سے یہ افواہیں گردش کرنے لگیں.اداکارہ نے ان افواہوں کو مستعدد کردیا ہے اور کہا ہے کہ وہ کبھی بھی Rakesh Roshan کے آفس نہیں گئیں اورنہ ہی ان کی ان کے ساتھ کوئی تصویر ہے.کرٹی سنن اس سال ایک ساتھ دو فلموں میں نظر آئیں.

حال ہی میں اداکارہ نے اس سال اپنی پہلی فلم کے پہلے schedule کو ختم کیا ہے جس کا نام ‘Panipat’ ہے اب وہ بہت سے brands کے لیے کام کررہی ہیں .

ممبئی(شوبز ڈیسک/ایمرا نیوز) رنویر سنگھ اور ڈیپکا کافی عرصے سے خبر کی زینت بنے ہوئے ہیں چاہے وہ سوشل میڈیا پر اپنی شادی کی خبر کی وجہ سے یا پھر اپنی کسی نئی تصویر یا کوئی نئی پوسٹ کی وجہ سے ہمیشہ خبروں میں رہے ہیں. کل رات ان کو ممبئی کے ائیرپورٹ پر دیکھا گیا جہاں پر وہ اپنے honeymoon سے واپس آرہے تھے.
رنویر سنگھ کی کامیابیوں کا سلسلہ جاری ہے جہاں ان کی فلم ‘Simmba’ نے شاندار کامیابی حاصل کی اور وہیں ‘Gully Boy’ کے پوسٹر نے بھی سوشل میڈیا پر وائرل ہوگیا اور اب رنویر سنگھ اپنی ایک اور نئی فلم کی تیاری میں مصروف ہیں.
جو کرکٹر کپل ڈیو کی زندگی پر مبنی biopic ہے. یہ biopic کبیرر خان بنا رہے ہیں. اس فلم کا ٹائٹل 83 ہے اس فم میں ڈیپکا کپل ڈیو کی بیوی کا کردار ادا کریں گی.اب ہم رنویر اور ڈیپکا سکرین پر بھی میاں بیوی کے کردار میں نظر آئیں گے.

لاہور (ایمرا نیوز/رپورٹ رضا ملک سے) پاکستان پیپلز پارٹی کے چیئرمین بلاول بھٹو زرداری نے جوائنٹ انوسٹی گیشن کی رپورٹ کو سیاسی قرار دیتے ہوئے اسے تسلیم کرنے سے انکار کر دیا ہے۔ انہوں نے کہا کہ نیب حکومت کے دباو¿ پر کام کر رہی ہے، ہم جے آئی ٹی رپورٹ کو نہیں مانتے۔ لاہور میں میڈیا نمائندوں سے گفتگو میں بلاول بھٹو زرداری کا کہنا تھا کہ حکومت اداروں کو دباو میں لا کر سیاسی مخالفین کو نشانہ بنا رہی ہے، نیب حکومت کے دباو¿ پر کام کر رہی ہے، ہم جے آئی ٹی رپورٹ کو نہیں مانتے۔ دھمکیوں سے ڈرنے والے نہیں، ایک سال کی عمر سے جیلوں کا سامنا کرتے آیا ہوں۔ بلاول بھٹو کا کہنا تھا کہ کیا یہ حکومت چل رہی ہے؟ اتنی نااہل اور نالائق حکومت زندگی میں نہیں دیکھی، سردیوں میں بھی بجلی کی بدترین لوڈشیڈنگ جاری ہے۔ موجودہ حکومت کی کوئی پرفارمنس ہی نہیں ہے، ملک کی معیشت تباہ ہو رہی ہے۔ ان کا کہنا تھا کہ ہم جانتے ہیں یہ سارے کیسز جھوٹے اور جعلی ہیں۔ مخصوص طاقتوں کی کوشش ہے کہ پیپلز پارٹی کو بدنام کرنا ہے، شہید ذوالفقار علی بھٹو اور محترمہ بینظیر کی زندگی میں بھی سب کچھ ہو رہا تھا، آصف زرداری کو بغیر کسی جرم کے گیارہ سال جیل میں رکھا گیا۔ ہم اب بھی بھٹو کے اصولوں پر کمپرومائز نہیں کریں گے۔ ایک سوال کے جواب میں انہوں نے الزام لگایا کہ جے آئی ٹی سیاسی بنیادوں پر بنی، ہم سیاسی حملوں کا سیاسی جواب دے رہے ہیں اور لیگل ایشوز کا جواب عدالت میں دے رہے ہیں۔ یہ پولیٹیکل انجینئرنگ کے لیے عدالت کو استعمال کرنا چاہتے ہیں۔ پیپلز پارٹی کے چیئرمین نے واضح کیا کہ اپوزیشن کیلئے ہماری جماعت اکیلے ہی کافی ہے، حکومت کو ٹف ٹائم دیں گے، یہ لوگ الیکشن میں ہمارا مقابلہ نہیں کر سکتے، ہم گرینڈ الائنس کی طرف نہیں جا رہے، آصف زرداری کی مولانا فضل الرحمان سے ملاقات ہوتی رہتی ہے۔ انہوں نے کہا کہ اگر شیخ رشید میری سیاست پر تبصرہ کرے گا تو ٹرین کو کون چلائے گا؟ وہ اپنی وزارت پر توجہ دیں۔

ممبئی(شوبز ڈیسک/ایمرا نیوز) بالی ووڈ اداکارہ عالیہ بھٹ نے انکشاف کیا ہے کہ انہیں رنبیر کپور سے 11 برس کی عمر میں محبت ہوگئی تھی۔بھارتی میڈیا رپورٹ کے مطابق حال ہی میں ایک انٹرویو کے دوران جب عالیہ بھٹ سے پوچھا گیا کہ آپ کوفلم انڈسٹری میں سب سے پہلے کون اچھا لگا ؟جس کے جواب میں عالیہ نے رنبیر کپور کانام لیا۔عالیہ نے رنبیر کپور کا نام لیتے ہوئے انکشاف کیا کہ جب وہ 11سال کی تھیں تو وہ فلم ’’بلیک‘‘ کے لئے آڈیشن دینے گئی تھی اور وہاں پہلی باررنبیر سے ملی تھی اور انہیں دیکھتے ہی ان سے محبت ہوگئی تھی۔

اس سے قبل بھی عالیہ بھٹ متعدد مواقعوں پر رنبیرکے لیے اپنی محبت کا اظہار کرچکی ہیں جبکہ رنبیر کپور بھی عالیہ کے لیے اپنی دیوانگی کا اظہار کرچکے ہیں۔یاد رہے کہ عالیہ بھٹ آج کل نیویارک میں رنبیر کپور کے خاندان کے ساتھ موجود ہیں، جہاں انہوں نےنئے سال کی آمد کا جشن منایا ۔واضح رہے کہ عالیہ بھٹ اور رنبیر کپور آج کل اپنی نئی آنے والی فلم ’براہمسٹرا‘ کی شوٹنگ میں مصروف ہیں جو اس سال ریلیز کی جائے گی۔فلم ’’براہمسترا‘‘ میں پہلی بار رنبیر کپور کے ساتھ مرکزی کردار میں دکھائی دیں گی۔

ممبئی(شوبز ڈیسک/ایمرا نیوز) ارباز خان اور ان کی گرل فرینڈ جیوریا اینڈریریی ایک دوسرے کے ساتھ بہت زیادہ وقت گزارہے ہیں اور اکثر انہیں ایک دوسرے کے ساتھ دیکھا جاتا ہے.

کل رات کو ان lovebirds کو اپنے قریبی دوستوں کے ساتھ dinner date پر دیکھا گیا.اس جوڑے کے چرچے آج کل پورے شہر میں ہو رہے ہیں. جورجیا ارباز کے ساتھ ساتھ تمام خاندان کے تہوار میں شرکت کر رہی ہیں. اور ان کی شادی کرنے سے متعلق افواہیں کے باوجود وہ ایک دوسرے کے ساتھ خوب enjoy کر رہے ہیں.

ممبئی(شوبز ڈیسک/ایمرا نیوز) بالی وڈ اداکارہ دپیکا پڈوکون آج اپنی 33 ویں سالگرہ منا رہی ہیں، رنویر سنگھ سے شادی کے بعد یہ ان کی پہلی سالگرہ ہے اور اس موقع پر انہوں نے مداحوں سے کچھ خاص شیئر کرنے کا اعلان کیا ہے۔اداکارہ نے انسٹاگرام اسٹوری پر ایک کاؤنٹ ڈاؤن شیئر کرتے ہوئے لکھا کہ ’کچھ بہت زبردست ہونے جارہا ہے، آپ سب سے یہ شیئر کرنے کے لیے مجھ سے انتظار نہیں ہو رہا‘۔

اس کاؤنٹ ڈاؤن سے واضح ہوتا ہے کہ جیسے ہی یہ دورانیہ مکمل ہوگا دپیکا اپنے مداحوں سے کچھ زبردست خبر شیئر کرنے والی ہیں۔اب مداحوں کو اس بات کا انتظار ہے کہ یہ خبر دپیکا کی نئی فلم سے متعلق ہے یا اُن کی ذاتی زندگی کے حوالے سے۔واضح رہے کہ گزشتہ برس نومبر میں دپیکا اور رنویر اٹلی کے خوبصورت ترین مقام ‘لیک کومو’ پر رشتہ ازدواج میں منسلک ہوئے تھے۔

ممبئی:(شوبز ڈیسک/ایمرا نیوز) بھارتی ہندو انتہا پسند جماعت شیوسینا کے ڈر سے اداکارعمران ہاشمی کی فلم ’چیٹ انڈیا‘ کے فلمسازوں نے اپنی فلم کی ریلیز کی تاریخ تبدیل کرنے کا فیصلہ کرلیا اب فلم اپنی مقررہ تاریخ سے ایک ہفتے قبل ریلیزہوگی۔ناموربالی ووڈ اداکارعمران ہاشمی کی فلم ’چیٹ انڈیا‘ کا انتظار ان کے مداح بے چینی سے کررہے تھے فلم رواں ماہ 25 جنوری کو ریلیزہونی تھی تاہم بھارتی ہندو انتہا پسند جماعت شیوسینا کے کہنے پر اب ’چیٹ انڈیا‘ 25 جنوری کے بجائے 18 جنوری کو نمائش کے لیے پیش کی جائے گی۔

25 جنوری کو ہندوانتہا پسند جماعت شیو سینا کے سربراہ اور بھارتی سیاستدان بال ٹھاکرے کی زندگی پرمبنی فلم ’ٹھاکرے‘ بھی ریلیز ہورہی ہے، فلم میں اداکار نوازالدین صدیقی نے بال ٹھاکرے کا مرکزی کردارادا کیا ہے، لہٰذا شیوسینا جماعت کے ممبران نہیں چاہتے کہ فلم ’ٹھاکرے‘ کے ساتھ کوئی اورفلم ریلیز ہو اسلیے انہوں نے ’چیٹ انڈیا‘ کے ہدایت کار سے کہا تھا کہ وہ اپنی فلم کی ریلیزکسی اوردن ملتوی کردیں۔ شیوسینا کی درخواست کے بعد ’چیٹ انڈیا‘ کو مقررہ تاریخ سے ایک ہفتے قبل یعنی 18 جنوری کو نمائش کے لیے پیش کیا جائے گا۔ایک بھارتی ویب سائٹ کے مطابق اس سے قبل بھی شیو سینا فلم کے سیکریٹری بالا لوکرے نے فیس بک پر ایک پوسٹ کے ذریعے دھمکی دی تھی کہ 25 جنوری کو وہ کوئی اورفلم ریلیز نہیں ہونے دیں گے۔

ممبئی(شوبز ڈیسک/ایمرا نیوز) انٹرنیٹ پر ایک پرانی ویڈیو وائرل ہو رہی ہے جس میں گزشتہ دنوں انتقال کر جانے والے معروف بھارتی لیجنڈ اداکار قادر خان نے اس راز سے پردہ اٹھایا تھاکہ امیتابھ بچن اور ان کے آپس کےتعلقات خراب کیوں ہوئے تھے ۔‘82 سالہ بالی ووڈلیجنڈ مزاحیہ اداکار قادر خان 31 دسمبر کو طویل علالت کے بعد انتقال کر گئے، امیتابھ بچن سے لے کر گووندا تک تمام بالی وود اداکر ان سے جڑی یادیں سوشل میڈیا پر شیئر کر رہے ہیں۔سب کو ان کے بچھڑنے کا انتہائی غم ہے۔ایسے میں قادر خان کی ایک پرانی ویڈیو نے انٹرنیٹ پر دھوم مچا رکھی ہے جس میں انکشاف ہوا ہے کہ ایک ساتھ کئی نامور فلموں میں کام کرنے والے امیتابھ بچن اور قادر خان کے درمیان کشیدگی کی وجہ کیا تھی۔

بھارتی میڈیا کے مطابق یہ ویڈیو 2012 کی ہے جس میں قادر خان کا کہنا تھا کہ’ ’ میں امیتابھ بچن کو ہمیشہ سے امیت کہ کر پکارتا تھا، ایک دفعہ ایک پروڈیوسر نے مجھ سے کہا کہ کیا آپ ’سر جی‘ سے ملے ہیں، میں نے کہا کون’ سر جی‘ـ؟ انہوں نے قریب آنے والے امیتابھ بچن کی جانب اشارہ کرتے ہوئے کہا یہ لمبا شخص۔اس پر میں نے کہا یہ تو ’ امیت جی ‘ ہیں، یہ ’ سر جی ‘ کب سے ہوئے؟‘‘انہوں نے بتایا کہ’ پروڈیوسر نے مجھ سے کہا ہم تو انہیں سر جی کہتے ہیں اور تب سے ہی انہین ہر کوئی سر جی کہ کر پکارتا ہے۔‘قادر خان کا کہنا تھا کہ’’ میں امیت کو کبھی سر جی نہیں کہہ پایا کیونکہ مجھے عادت ہی نہیں ہوئی۔کوئی اپنے دوست یا بھائی کو جس نام سے پکارتا ہو وہ اچانک اس میں تبدیلی کیسے لے آئے؟‘‘انہوں نے کہا کہ ’’میں یہ نہیں کر پایا تو پھر کوئی فلم بھی ان کے ساتھ نہیں کر پایا، وہیں سے ہمارے تعلقات کے درمیان دراڑ پڑگئی۔میں نے کئی فلموں پر کام شروع کر دیا تھا مگر اس تنازع کی وجہ سے مجھے کام ادھورا چھوڑنا پڑا۔‘‘2013 میں دیئے گئے ایک انٹرویو کے دوران قادر خان کا کہنا تھا کہ امیتابھ بچن اور ان کے درمیان تعلقات بحال ہوگئے ہیں۔انہوں نے کہا تھا کہ امیتابھ نے ان سے بات چیت کی اور تمام تنازعات حل کرلیے۔واضح رہے بالی ووڈ شہنشاہ امیتابھ بچن نے قادر خان کی علالت پر دعائیہ پیغامات بھیجے تھے اور عوام سے ان کی صحت یابی کے لئے دعا کی اپیل کی تھی ، بعد ازاں قادر خان کی موت کی خبر سن کر انہوں نے سوشل میڈیا پر جذباتی پیغام بھیجا تھا۔