Tag bollywood

لاہور(ایمرا نیوز آن لائن)پاکستانی ٹی وی اداکارہ اور سوشل میڈیا پر مقبول منال خان کے نئے اسٹائل کے چرچے زبان زد عام ہیں جس پر مداحوں نے ملے جلے ردعمل کا اظہار کرتے ہوئے ان کی مماثلت بالی وڈ اداکارہ کنگنا رناوٹ سے کی۔ٹی وی کی ابھرتی ہوئی اداکارہ منال خان ان دنوں مختلف ڈراموں میں اداکاری کے جوہر دکھا رہی ہیں اور اپنے منفرد انداز سے سب کو محظوظ کر رہی ہیں۔اداکارہ نے حال ہی میں ایک میگزین کے لیے فوٹو شوٹ کروایا جس کے لیے انہوں نے پہلے سے مختلف انداز کا انتخاب کیا۔

منال کے نئے اسٹائل میں دیکھا جاسکتا ہے کہ وہ مغربی اسٹائل اپنائی ہوئی ہیں، اس سے قبل وہ ہمیشہ اسٹریٹ یعنی سیدھے لمبے بالوں میں دکھائی دیتی تھی لیکن نئے فوٹو شوٹ میں ان کے بال مختصر اور گھنگرالے ہیں۔منال نے اپنی نئے اسٹائل میں فوٹو شوٹ کو پوسٹ کرتے ہوئے لکھا کہ میں اپنے آرام دہ دائرے سے باہر آگئی ہوں، آگے آپ جب ہی بڑھتے ہیں جب باہر نکلتے ہیں اور کچھ مختلف کرتے ہیں۔منال خان نے اپنے نئے انداز کو دقیانوسی سوچ کو توڑنا قرار دیا۔

اداکارہ کی نئے اسٹائل پر جہاں مداحوں نے پسندیدگی کا اظہار کیا وہیں کچھ نے ناپسندیدگی بھی ظاہر کی۔رابی نامی صارف نے منال کی نئے اسٹائل کو خوبصورت قرار دیا جب کہ مناہل نامی صارف لکھتی ہیں کہ اداکارہ پر اسٹریٹ ہیئرز ہی اچھے لگتے ہیں۔کچھ صارفین نے ان کے میک اپ پر بھی تنقید کی اور کچھ نے اسے بہترین قرار دیا۔

لاہور(ایمرا نیوزآن لائن) کینسر کے مرض میں مبتلا مریضوں کے لئے طاقت اور جرات کی علامت بھارتی اداکارہ سونالی باندرے نے انکشاف کیا ہے کہ جب انہیں ’’ہائی گریڈ کینسر‘‘ جیسے موذی مرض کی تشخیص ہوئی تو وہ پوری رات روئیں۔بھارتی ویب سائٹ ٹائمز آف انڈیا کی رپورٹ کے مطابق سونالی باندرے نے کینسر تشخیص کے بعد ہمت کا مظاہرہ کرتے ہوئےحالات سے سمجھوتا کر لیا اور ارادہ کیا کہ وہ آئندہ نہیں روئیں گی۔اداکارہ نے اپنے شوہر گولڈی بہل کو اپنی زندگی میں سب سے اہم شخص قرار دیتے ہوئے کہا کہ انہوں نے میری زندگی کے اس مشکل فیز سے نکلنے میں میری بہت مدد کی۔یاد رہے سونالی باندرے نے گولڈی بہل سے 2002 میں شادی کی تھی اور دونوں کا ایک بیٹا رنویر بہل ہے۔

واضح رہے کینسر کے مرض کو شکست دینے والی بالی ووڈ کی معروف اداکارہ سونالی باندرے تقریباً دو ماہ امریکا کے شہر نیویارک میں زیر علاج رہنے کے بعدصحت یاب ہو کر دسمبر میں واپس بھارت پہنچی تھیں۔44سالہ سونالی باندرے نے کیریئر کا آغاز 1994 میں ریلیز ہونے والی فلم ’آگ’ سے کیا، انہوں نے 50 کے قریب فلموں میں اداکاری کے جوہر دکھائے۔سونالی باندرے کی مشہور فلموں میں ‘کل ہو نہ ہو، لجا، جس دیش میں گنگا بہتی ہے، ہمارا دل آپ کے پاس ہے، ڈھائی اکشر پریم کے، زخم، انگارے، میجر صاحب، دل جلے،بھائی، انگلش بابو، دیسی میم، ثپوت‘ اور ’اپنے دم پر‘ شامل ہیں۔ان کی آخری فلم ’ونس اپون ٹائم ان ممبئی: دوبارہ‘ 6سال قبل 2013 میں ریلیز ہوئی تھی۔

فلم دی گرل آن دی ٹرین کی پروڈکشن کا عمل جولائی سے برطانیہ میں شروع ہوگا
ممبئی(ایمرا نیوز آن لائن )ہولی وڈ مسٹری فلم دی گرل آن دی ٹرین 2016 میں ریلیز ہوئی تھی، جس نے تجزیہ کاروں کا دل جیتنے کے ساتھ ساتھ باکس آفس پر بھی اچھا بزنس کیا اور اب بولی وڈ میں اس فلم کا ریمیک بنانے کا ارادہ کیا جارہا ہے۔ریلائنس انٹرٹینمنٹ کمپنی اس ہولی وڈ فلم کا بولی وڈ ریمیک بنانے جارہی ہے.

جس میں اداکارہ پرینیتی چوپڑا مرکزی کردار نبھائیں گی۔فلم میں پرینیتی ہولی وڈ اداکارہ ایملی بلنٹ کی جگہ لے رہی ہیں، جنہوں نے فلم میں ایک طلاق یافتہ خاتون کا کردار نبھایا جو ایک ایسی مسٹری کو سلجھا رہی ہے جو اس کی نظر میں اس سے کیا ہوا گناہ تھا۔ فلم کی پروڈکشن کا عمل رواں سال جولائی سے برطانیہ میں شروع ہوگی.

ممبئی: (ایمرا نیوزآن لائن) انوشکا شرما کچھ عرصے سے فلموں سے غائب ہیں، وہ زیادہ سے زیادہ وقت اپنے شوہر ویرات کوہلی کے ساتھ گزار رہی ہیں، اس لیے میڈیا میں ان کے حاملہ ہونے کی خبریں زیر گردش ہیں۔گزشتہ دنوں پریانکا چوپڑا اور دیپکا پڈوکون بھی ایسی خبروں کی زینت بنی رہیں جو جھوٹی ثابت ہوئیں۔ اب ایک اور اداکارہ کے حاملہ ہونے کی خبریں میڈیا میں زیر گردش ہیں اور وہ کوئی اور نہیں بلکہ انوشکا شرما ہیں۔ سوشل میڈیا پر ان کے بارے میں گرما گرم بحث جاری ہے۔

دراصل انوشکا شرما گزشتہ کچھ عرصے سے فلموں سے غائب ہیں اور وہ زیادہ سے زیادہ وقت اپنے شوہر ویرات کوہلی کے ساتھ گزار رہی ہیں۔ شاہ رخ کے ساتھ آئی فلم زیرو کے بعد سے انوشکا شرما کسی بھی فلم میں نظر نہیں آئی ہیں۔

میڈیا رپورٹس کے مطابق انوشکا شرما نے کوئی نیا پروجیکٹ بھی سائن نہیں کیا ہے۔ اس لیے انوشکا کے فینز اور میڈیا والے ان کے حاملہ ہونے کا اندازے لگانے لگے ہیں۔ قابل ذکر بات یہ ہے کہ نہ تو انوشکا اور نہ ہی ویرات کوہلی نے ایسی کوئی بات نہیں کہی ہے۔

(ایمرا نیوزآن لائن) بالی ووڈ اداکارہ کنگنا رناوت کی بہن رنگولی چاندیل نے ہدایت کار مہش بھٹ سے متعلق اہم انکشاف کرتے ہوئے بتایا ہے کہ انہوں نے فلم کے سیٹ پر اُن کی بہن اداکارہ کنگنا پرکھنچ کے چپل ماری تھی۔بھارتی اخبار ہندوستان ٹائمز کے مطابق عالیہ بھٹ کی والدہ سونی رزدان بھی گزشتہ روز عالیہ کی حمایت میں بول پڑیں اور کنگنا کو آڑے ہاتھوں لے لیا، انہوں نے ٹوئٹ کرتے ہوئے کہا کہ ’میرے شوہر مہیش بھٹ کی وجہ سے کنگنا اس انڈسٹری میں آئی ہے اور اُن ہی کی بیٹی کو بار بار تنقید کا نشانہ بنا رہی ہے؟‘

جس پرکنگنا رناوت کی بہن رنگولی نے انہیں جواب دیا کہ مہیش بھٹ نہیں بلکہ انوراگ باسو نے کنگنا کو انڈسٹری میں بریک دیا تھا جبکہ مہیش بھٹ نے کنگنا کو فلم ’دھوکا‘ کے لیے سائن کرنا چاہا تھا مگر کنگنا نے خود کش حملہ آور کا کردار ادا کرنے سے منع کردیا تھا جس پر وہ نا صرف کنگنا پر چلائے تھے بلکہ فلم ’وہ لمحے‘ کی اسکرینگ کے دوران تھیٹر میں کنگنا پر چپل بھی کھنچ کرماری تھی۔عالیہ بھٹ کی والدہ سونی رزدان سے قبل بالی ووڈ اداکار رندیپ ہودا بھی عالیہ کی حمایت میں سامنے آچکے ہیں، انہوں نے ٹوئٹ میں کہا تھا کہ ’ڈیئر عالیہ مجھے بے حد خوشی ہوئی ہے کہ آپ وقتی اداکاراؤں کی رائے کو اپنے کام پر اثر انداز نہیں ہونے دے رہی ہیں، مبارک ہو آپ کو اور آپ کی آگے بڑھنے کی اس لگن کو ۔‘ جس پر عالیہ نےبھی رندیپ کو خیر مقدم انداز میں جواب دیا۔لیکن کنگنا کی بہن اس پر بھی خاموش نا رہیں اور انہوں نے رندیپ کو غیر مناسب زبان میں مخاطب کرتے ہوئے کہا ہے کہ ’ عالیہ کو بچانے کے لیے نیپوٹزم (nepotism ) گروہ کی ہمت نہیں ہوئی تو تمہیں آگے کر دیا۔‘ رنگولی نے رندیپ کو الزامات کا نشانہ بناتے ہوئے مزید کہا ہے کہ مجھے پتہ ہے کہ فلم ’انگلی‘ کی شوٹنگ کے دوران رندیپ نے کنگنا کو ہراساں بھی کیا تھا۔

کنگنا اور رنگولی نے نہ صرف عالیہ بھٹ کو تنقید کا نشانہ بنا یا بلکہ بالی ووڈ کے نامور ہدایت کار اور پروڈیوسر کرن جوہر کو بھی کڑی تنقید کا نشانہ بناتے ہوئے انہیں نیپوٹزم گینگ کا سرغنہ قرار دیا۔واضح رہے کہ کنگنا کی فلم ’مانیکر نیکا‘ باکس آفس پر دھوم نہیں مچا سکی تھی اور نہ ہی کسی بالی ووڈ فنکار نے انہیں اس فلم کے لیے سراہا تھاجبکہ عالیہ بھٹ کی فلم گلی بوائےکے آتے ہی پورے بالی ووڈ نےاُن کو اس فلم کے لیے بے حد سراہا تھااور عالیہ کی یہ فلم باکس آفس پر سپر ہٹ ثابت ہوئی۔جس کے بعد کنگنا کی جانب سےمسلسل عالیہ اور ان کے حمایتوں پر تنقید کا سلسلہ جاری ہےاور اب تو اُن کی بہن رنگولی چاندیل بھی کنگنا کی طرح عالیہ کے حمایتوں کو بھرپور جواب دیتی نظر آرہی ہیں۔

ممبئی(ایمرا نیوزآن لائن) بالی ووڈ کی خوبرو اداکارہ عالیہ بھٹ کے ذہن پر کام کرتے وقت بھی چاکلیٹی اداکار رنبیر کپور سوار رہتے ہیں۔بھارتی میڈیا کے مطابق گزشتہ دنوں اپنی اگلی فلم ’کلنک‘ کی تشہیری مہم میں مصروف ایک ٹی وی شو کے دوران جب ورن دھون، عالیہ بھٹ کے سر پر ہاتھ پھیرتے ہوئے اُن کے بالوں کے ساتھ کھیل رہے تھے تو عالیہ بھٹ نے پریشان ہو کر ورن دھون کو منا کرنے کے لیے اپنے بوائے فرینڈ اداکار رنبیر کپور کا نام پکار دیا۔

View this post on Instagram

Oops! @aliaabhatt just referred to @varundvn as #RanbirKapoor! ? . . . . . _________________________________ • All credits to the photographer/ owner • • Follow: @mysharepost ? #aliabhatt #ranbirkapoor #deepikapadukone #ranveersingh #ranbiralia #cute #bollywood #mumbaifood #ipl #filmfare #aliabhattfans #alia #kalank #brahmastra #ranbir #couplegoals #varundhawan #kalank #varia #ranbirkapoor #aliaranbir #kalankpromotions #varunalia #aliavarun #oops

A post shared by Filmykiida (@filmykiida) on Apr 13, 2019 at 11:09pm PDT

عالیہ بھٹ نے پریشان ہو تے ہوئے کہا ’رن‘ اوہ ’ورن‘ نہیں کرو، جس کی ویڈیو سماجی رابطے کی ویب سائٹ انسٹاگرام پر 80ہزار سے زائد لوگ دیکھ چکے ہیں۔واضح رہے کہ عالیہ بھٹ اور رنبیر کپور پہلی مرتبہ فلم ’براہما سترا‘ میں ایک ساتھ کام کر تے نظر آئیںگے، فلم 20 دسمبر 2019 کو ریلیز کی جائے گی۔ابتدا میں عالیہ بھٹ اور رنبیر کے درمیان گہری دوستی تھی جو بعد میں محبت میں تبدیل ہوئی اوراب دونوں شادی کا فیصلہ کر چکے ہیں جو کہ2020 تک متوقع ہے۔کرن جوہر کی فلم ’کلنک‘ میں ورن دھون ، عالیہ بھٹ کے علاوہ مادھوری ڈکشٹ، ادیتیا رائے کپور،سوناکشی سنہا اور سنجے دت بھی اہم کردار ادا کرتے نظر آئیں گے، فلم’ کلنک‘ 17 اپریل 2019 کو ریلیز ہوگی۔

ممبئی(ایمرا نیوزآن لائن) بالی ووڈ اداکارہ اور اداکار انیل کپور کی صاحبزادی سونم کپور نے انکشاف کیا ہے کہ لوگ اکثر انہیں تنقید کا نشانہ بناتے ہیں۔بھارتی خبر رساں ادارے کے مطابق اداکارہ سونم کپورنے ارباز خان کے آن لائن شو ’کوئیک ہیل پنچ‘ ( Quick Heal Pinch) میں شرکت کی جہاں انہوں نے یہ انکشاف کیا کہ نا صرف فلم انڈسٹری میں آنے سے قبل بلکہ اب بھی اکثر لوگ انہیں تنقید ی نظر سے دیکھتے ہیں اور اُن پر تبصرے کرتے ہیں۔دوران شو سونم کپور نے کہا کہ صرف انہیں ہی نہیں بلکہ بالی ووڈ کی بیشتر اداکاراؤں کو لوگوں کی جانب سے شدید تنقید کا نشانہ بنایا جاتا ہے، کبھی ان کے موٹے ہونے پر لوگوں کو اعتراض ہوتا ہے تو کبھی ان کے رنگ کو لے کر۔ سونم بھی کئی مرتبہ اسی طرح کی تنقید کا نشانہ بن چکی ہیں جس کا ذکر انہوں نے ارباز خان کے شو کے دوران کیا اور کہا کہ لوگ اُنہیں کہا کرتے تھے کہ ’بہت پتلی ہے، بہت موٹی ہوگئی ہے، کالی ہوگئی ہے، لمبی ہوگئی ہے، شادی کون کرے گا۔‘اداکارہ نے بتایا کہ کچھ لوگ تو ٹوئٹر پربھی اُن سے کہتے ہیں کہ ’ٹوئٹر سے دور ہی رہو دیش کا بھلا ہوگا‘ جس کا انہوں نے جواب دیتے ہو ئے کہا ہے کہ ’مجھے نہیں پتا ٹوئٹر پر کیسے دیش کا بھلا ہو سکتا ہے۔‘سونم کپور نے اپنی شخصیت سے نفرت کرنے والوں کو مخاطب کر کے کہا کہ ’مجھے ایمانداری سے ایسا لگتا ہے کہ نفرت کرنے والے بھی محبت کرنے والے ہی ہوتے ہیں۔‘

ممبئی:(ایمرا نیوزآن لائن) نامور بالی ووڈ اداکار سنجے دت نے فلم ’کلنک‘ سائن کرنے کی وجہ بتاتے ہوئے کہا ہے کہ پاکستان کی وجہ سے انہوں نے اس فلم میں کام کرنے کی ہامی بھری۔کرن جوہر کی پروڈکشن میں بننے والی فلم ’کلنک‘ کا پاکستان کے ساتھ گہرا تعلق بتایا جارہا ہے۔ پہلے فلم کی مرکزی اداکارہ عالیہ بھٹ نے یہ بیان دے کر پاکستانی اوربھارتی میڈیا میں خوب توجہ حاصل کی کہ انہوں نے فلم میں اپنے کردار روپ کو بہترین انداز میں اداکرنے کے لیے پاکستانی ڈراما سیریل ’زندگی گلزار‘ ہے کے کردار کشف سے رہنمائی لی جسے اداکارہ صنم سعید نے ادا کیاتھا اور اب فلم ’کلنک‘ میں پاتریاچ بلراج چوہدری کا اہم کردار ادا کر رہے بالی ووڈ کے سنجو بابا کا کہنا ہے کہ انہوں نے فلم ’کلنک‘ پاکستان کے ساتھ جذباتی تعلق کی وجہ سے سائن کی۔سنجے دت نے حال ہی میں ایک بھارتی ویب سائٹ کو انٹرویو دیتے ہوئے کہا ہے کہ 1993 میں جب وہ فلم ’گمراہ‘ میں کام کررہے تھے اس وقت پروڈیوسریش جوہر(کرن جوہر کے والد)نے انہیں فلم ’کلنک‘ کی کہانی سے متعلق بتایا۔ یش اور کرن جوہر کی پروڈکشن کمپنی ’دھرما پروڈکشن‘ بالکل میری فیملی کی طرح ہے لہٰذا گزشتہ برس کرن جوہر نے جب دوبارہ مجھ سے اس فلم کے حوالے سے بات کی تو میں نے فلم میں کام کرنے کی ہامی بھرلی۔سنجے دت نے فلم میں کام کرنے کی وجہ بتاتے ہوئے کہا کہ ’کلنک‘ میں میرے کردار کانام بلراج ہے جو کہ میرے والد سنیل دت کا اصل نام ہے۔ برصغیر کی تقسیم کے وقت میرے والد پاکستان سے بھارت آئے تھے لہٰذا اس سے میرا جذباتی تعلق ہے۔اس سے قبل یہ خبر بھی سامنے آچکی ہے کہ یش جوہر نے فلم ’کلنک‘ کے سیٹ کی تیاری کے لیے 15 سال قبل پاکستان کے شہر لاہور کا دورہ کیا تھا تاہم وہ یہ فلم مکمل نہ کرسکے اور اب ان کے بیٹے کرن جوہر نے اپنے والد کا خواب پورا کرنے کے لیے فلم ’کلنک‘ بنائی ہے۔ فلم میں عالیہ بھٹ، ورون دھون، سوناکشی سنہا، آدیتیہ رائے کپور کے علاوہ تقریباً دو دہائیوں بعد سنجے دت اور مادھوری ڈکشٹ ایک ساتھ نظر آئیں گے۔

ممبئی(ایمرا نیوزآن لائن) بالی ووڈ کی ہر دل عزیز اداکارہ مادھوری ڈکشٹ نے اپنی نئی آنے والی فلم ’کلنک‘ سے متعلق اہم انکشافات کیے ہیں۔بھارتی اخبار ’ہندوستان ٹائمز‘ کے مطابق اداکارہ مادھوری ڈکشٹ نے اپنی اگلی فلم ’کلنک‘ میں ایک بہترین ڈانسر کا کردار ادا کیا ہے، اس حوالے سے اہم انکشافات کرتے ہوئے مادھوری نے بتایا کہ انہوں نے اس فلم میں ڈانسر کا کردار ادا کر کے لوگوں کے دقیانوسی خیالات کو غلط قرار دے دیا کہ ایک اداکارہ ماں بننے کے بعد ایسے کردار نہیں کرسکتی۔

مادھوری ڈکشٹ نے مزید وضاحت کرتے ہوئے کہا کہ فلمی شائقین سمیت کچھ لوگوں کا شاید یہ ماننا ہے کہ ایک اداکارہ شادی کے بعد اور خصوصاً ماں بننے کے بعد ویسے کردار ادا نہیں کرسکتی جیسے وہ شادی سے قبل بخوبی ادا کرلیتی تھی، لیکن انہوں نے لوگوں کے ان خیالات کو غلط اور بے بنیاد قرار دیتے ہوئے بتایا کہ انہوں نے اپنی اگلی فلم میں ایک ڈانسر کا کردار ادا کیا ہے۔ اس کے علاوہ انہوں نے بتایا کہ فلم ’کلنک‘ بہت خاص ہے جس میں وہ سنجے دت کےمد مقابل کام کرتی نظر آئیں گی۔ یاد رہے کہ مادھوری اور سنجے دت 90 کی دہائی کے بعداب ایک مرتبہ پھر ایک ساتھ کام کرتے دکھائی دیں گے۔

میڈیا رپورٹس کے مطابق ہدایت کار ابھیشیک ورمان کی فلم کلنک میں مادھوری سے قبل ’بہار بیگم‘ کا کردار لیجنڈ اداکارہ سری دیوی کو دیا گیا تھا لیکن اُن کی اچانک موت ہوجانے کے بعد یہ کردار مادھوری کو دےدیا گیا۔واضح رہے کہ بھارتی فلم انڈسٹری کی دلکش اداکارہ مادھوری ڈکشٹ 90 کی دہائی کی سب سے مقبول ترین اداکارہ رہی ہیں اور آج بھی اپنی شاندار اور منفرد اداکاری کے باعث وہ لوگوں کے دلوں پر راج کررہی ہیں۔ مادھوری ڈکشٹ اور سنجے دت کے علاوہ فلم میں ورن دھون، عالیہ بھٹ، سوناکشی سنہا اور دیگر کام کرتے نظر آئیں گے جبکہ فلم 17 اپریل کو سنیما گھروں کی زینت بنے گی۔

ممبئی(ایمرا نیوزآن لائن) بالی ووڈ کی دیسی گرل پریانکا چوپڑا نے انکشاف کرتے ہوئے بتایا ہے کہ انہوں نے کبھی بھی نہیں سوچا تھا کہ وہ نک جونس سے شادی کریں گی۔بھارتی میڈیا رپورٹس کے مطابق اداکارہ پریانکا چوپڑانے ایک انٹرویو کے دوران اپنے شوہر گلوکار نک جونس کے حوالے سے اہم انکشاف کرتے ہوئے کہا ہے کہ ’میں نے یہ کبھی نہیں سوچا تھا کہ میں نک سے شادی کروں گی مگر اُن کے خلوص کی وجہ سے مجھے اپنا فیصلہ بدلنا پڑا۔

‘پریانکا نے انٹرویو میں مزید بتایا کہ جب نک نے مجھے شادی کا کہا تو کئی بار ایسا ہوا کہ میں اپنےکیرئیر کو لے کر کافی خوفزدہ تھی مگر نک نے ہر دفعہ میری حمایت کی اور ہمیشہ میرے کام میں مداخلت نہ کرنے کے وعدے کیے ، جس نے میری سوچ کو بدلنے پر مجبور کردیا اور میں اُن سے شادی کے لیے مان گئی۔انہوں نے کہا کہ میں ہمیشہ سےایک ایسی انسان رہی ہوں جو اپنے فیصلے لینے میں کافی جلد بازی سے کام لیتی ہے مگر نک نے مجھے ہمیشہ غلط ثابت کیا۔واضح رہے کہ پریانکا چوپڑا نے ان خیالات کا اظہار نیویارک میں منعقدہ ’و یمن ان دا ورلڈ‘ کے ایونٹ میں کیا ہے، اس کے علاوہ انہوں نے اپنی طلاق کے حوالے سے تمام افواہوں کی تردید بھی کی ہے اور کہا کہ وہ خوش حال شادی شدہ زندگی گزار رہی ہیں۔