Tag bollywood

ممبئی(ایمرا نیوزآن لائن) نامور بھارتی اداکارہ ارمیلا ماٹونڈکر کے بھارتی سیاسی جماعت کانگریس میں شامل ہونے کے 24 گھنٹے بعد ہی سوشل میڈیا پر ان کے دائرہ اسلام میں داخل ہونے کی خبریں گردش کرنے لگیں۔فلم’’رنگیلا ‘‘سے شہرت حاصل کرنے والی نامور بالی ووڈ اداکارہ ارمیلا ماٹونڈکر دوروز قبل ہی بھارتی سیاسی جماعت کانگریس میں شامل ہوئی ہیں اور یہ بھی کہا جارہا ہے کہ وہ کانگریس کی طرف سے لوک سبھا کے الیکن میں حصہ لے سکتی ہیں۔ تاہم ان کی کانگریس میں شمولیت کے 24 گھنٹوں بعد ہی بھارتی سوشل میڈیا پر یہ افواہیں گردش کرنے لگیں کہ ارمیلا دائرہ اسلام میں داخل ہوگئی ہیں اور انہوں نے اپنا نام بھی ارمیلا ماٹونڈکر سے تبدیل کرکے مریم اختر میر رکھ لیا ہے ۔ارمیلا ماٹونڈ کرنے 2016 میں کشمیری بزنس مین اور ماڈل محسن اختر میر سے شادی کی تھی۔ جب اس حوالے سے ان کے شوہر سے پوچھاگیا تو انہوں نے ارمیلا کے دائرہ اسلام میں داخل ہونے کی تردید کرتے ہوئے کہا کہ الیکشن سے قبل اس طرح کے گیم کھیلنا بہت عام بات ہوگئی ہے لیکن ہم اس چیز سے پریشان نہیں ، میری بیوی نے اسلام قبول کیا اور نہ ہی انہوں نے اپنا نام تبدیل کیا ہے ۔دوسری جانب کانگریس کے ترجمان سچن ساونت نے ان افواہوں کا ذمہ دار بی جے پی کو قرار دیتے ہوئے کہا ہے کہ اس پروپیگنڈے سے ظاہر ہورہا ہے کہ بی جے پی ارمیلا کو اپنا سخت حریف سمجھ رہی ہے ۔

ممبئی(ایمرا نیوز آن لائن) بالی ووڈ کے مسٹر پرفیکشنسٹ عامر خان کی 22 سالہ صاحبزادی ویسے تو بالی ووڈ کی لائم لائٹ سے دور رہتی ہیں لیکن اب وہ اپنے مبینہ معاشقے کے باعث خبروں کی زینت بن گئی ہیں۔عامر خان اور رینا دتہ کی صاحبزادی ایرا خان بیرون ملک اپنی تعلیم مکمل کر رہی ہیں جس کے باعث وہ بالی ووڈ کی تقریبات میں نظر نہیں آتیں۔ ایرا خان انسٹاگرام پر اپنے دوستوں کے ساتھ تصاویر شیئر کرتی رہتی ہیں لیکن اب ان کی جانب سے ایک لڑکے کے ساتھ شیئر کی جانے والی تصویر نے انہیں خبروں کی زینت بنادیا۔ایرا خان اپنے دوست مشال کرپلانی کے ساتھ پہلے بھی تصاویر شیئر کرتی رہتی ہیں لیکن اب انہوں نے جو تصویر شیئر کی ہے اس میں نوجوان کو اداکار عامر خان کی بیٹی کی پیشانی پر بوسہ لیتے ہوئے دیکھا جاسکتا ہے۔ انہوں نے اس تصویر کے ساتھ لکھا ’ امید ہے کہ تمہاری موسم بہار کی چھٹیاں دھوپ اور مسکراہٹوں سے بھرپور رہی ہوں گی‘۔یہ تصویر سامنے آنے کے بعد سوشل میڈیا کے ساتھ ساتھ مین سٹریم میڈیا پر بھی چہ میگوئیاں شروع ہوگئی ہیں۔ بھارتی میڈیا کی جانب سے دعویٰ کیا جارہا ہے کہ ایرا خان اور مشال کرپلانی ایک دوسرے کو ڈیٹ کر رہے ہیں۔

ممبئی (ایمرا نیوزآن لائن)
بھارت میں 2ہفتے بعد ہونیوالے عام انتخابات میں ہالی ووڈ کے کئی ستارے بھی فلمی دنیا کے بعد اب سیاسی افق پر چمکنے کی کوشش کرتے نظر آ رہے ہیں۔ سیاسی میدان میں قدم رکھنے والا بالی ووڈ کا ایک نیا نام ارمیلا ماتونڈ کرکا ہے جو ممبئی سے کانگریس کی امیدوار ہونگی جبکہ سینئر اداکارہ جیا پرادھا نے سماج وادی پارٹی سے برسوں پرانا رشتہ ختم کر کے گزشتہ روز بھارتیہ جنتا پارٹی میں شمولیت اختیار کر لی اور رام پور حلقہ سے الیکشن لڑیں گی جہاں ان کا مقابلہ سماج وادی پارٹی کے سینئر رہنما اعظم خان سے ہو گا، جنہوں نے ماضی میں انہیں لوک سبھا تک پہنچانے میں اہم کردار ادا کیا۔ بھارت میں سیاست اور فلموں کے درمیان گہرا تعلق رہا ہے۔ 1952ءمیں ہریندرناتھ چٹوپادھیائے اور پیڈی لکشمیا نامی دو اداکار منتخب ہوئے تھے، اس کے بعد سے اب تک 58فلمی اداکار عام انتخابات میں حصہ لے چکے ہیں اور 48 لوک سبھا میں جگہ بنانے میں کامیاب رہے۔

سلمان خان نے آئندہ الیکشن لڑنے کی تردید کر دی ہے بلکہ سکی بھی سیاسی پارٹی کی مہم چلانے سے بھی انکار کیا ہے، سنجے دت کا کہنا ہے کہ وہ خود تو الیکشن نہیں لڑینگے تاہم اپنی بہن اور کانگریس کی امیدوار پریادت کو بھرپور سپورٹ کرینگے۔ پنجاب کے گرداس پور حلقہ سے اکشے کھنہ کو بی جے پی کا امیدوار بنانے کی خبریں گشت کر رہی ہیں۔ سیاسی تجزیہ کار کا کہنا ہے کہ بالی ووڈ کے بہت سے سٹار مودی کے حامی بن کر ابھرے ہیں۔ ان میں پریش راول، انوپم کھیر، روینہ ٹنڈن، ہیما مالنی اور رجنی کانت وغیرہ شامل ہیں۔ کسی فلم سٹار کی مقبولیت سے سیاسی جماعت کو یقینا فائدہ ہوتا ہے اور مودی نے اس بات کو اچھی طرح سمجھ لیا ہے۔1980ءمیں بننے والی بھارتیہ جنت پارٹی نے آج تک 18فلمی ستاروں کو ٹکٹ دیا جب کہ 132برس پرنی پارٹی کانگریس نے صرف 17کو اپنا امیدوار بنایا۔

معمولی سی غلطی وویک اوبرائے کو ایشوریہ سے بہت دور کر گئی،سلمان خان
ممبئی (ایمرا نیوز آن لائن) سابق مس ورلڈ اور بالی ووڈ اداکارہ ایشوریہ رائے کی شادی کو 12 برس ہوچکے ہیں لیکن ان کے سلمان خان اور وویک اوبرائے کے ساتھ چلنے والے افیئرز آج بھی زبان زد عام ہیں۔ بھارتی میڈیا پر ہر دن اس بارے میں کوئی نہ کوئی خبر چھپتی رہتی ہے جو مداحوں کیلئے انکشافات سے بھرپور ہوتی ہے۔ایک بھارتی ٹی وی نے بھی وویک اوبرائے اور ایشوریہ رائے کے افیئر کے حوالے سے ایک خبردی ہے۔ ایشوریہ رائے کا جب سلمان خان سے بریک اپ ہوا تو ان کا وویک اوبرائے سے افیئر خبروں کی زینت بن گیا۔ دونوں کی بات اس حد تک آگے بڑھ چکی تھی کہ ایشوریہ کی 30 ویں سالگرہ پر وویک نے انہیں 30 تحائف دیے۔ بات اتنی آگے جانے کے باوجود وویک اوبرائے نے ایک ایسی غلطی کردی جس کے باعث ایشوریہ رائے ان کے ہاتھ سے نکل گئیں۔

ممبئی(ایمرا نیوزآن لائن) کنگنارناوت نے ایک بار پھر سب اداکاروں کو پیچھے چھوڑ دیا، اور بالی ووڈ میں سب سے زیادہ معاوضہ لینے والی اداکارہ بن گئیں.
بھارتی فلم انڈسڑی کی معروف اداکارہ کنگنارناوت بالی ووڈ کی سب سے زیادہ معاوضہ لینے والی اداکارہ بن گئی ہیں جوآئندہ اپنی آنے والی فلم کے لیے 24 کروڑ روپے وصول کریں گی۔بھارتی میڈیا رپورٹس کے مطابق اداکارہ کنگنا رناوت کی اگلی فلم بھارتی سیاست دان ’جے للتا‘ کی بائیوپک ہے جس میں وہ جے للتا کا کردار ادا کریں گی۔ جے للتا بھارتی ریاست ’تامل ناڈو‘ کی وزیر اعلیٰ اور سابقہ اداکارہ تھیںجو 2015 میں اس دنیا سے رخصت ہوچکی ہیں۔کنگنا رناوت نے اپنی سالگرہ کے موقع پر میڈیا سے گفتگوکرتے ہوئے بتایا کہ ’یہ میرے لیے اعزاز کی بات ہے کہ میں ایک ایسی شخصیت کی بائیوپک کر رہی ہوں جس نے اداکاری اور سیاست دونوں میدانوں میں لوگوں کوبہت فائدہ پہنچایا ہے۔‘ اس کے علاوہ انہوں نے کہاکہ یہ فلم تامل اور ہندی دونوں زبانوں میں نشر کی جائے گی۔دوسری جانب انہوں نےیہ بھی بتایا کہ جے للتا کی یہ بائیوپک تامل میں’Thalaivi‘ جبکہ ہندی میں ’Jaya‘ کے نام سے ریلیز کی جائے گی۔ واضح رہے جے للتا کی بائیوپک کے ہدایت کار اے ایل وجے ہیں جبکہ کہانی وجیندرپرساد نے لکھی ہے۔بھارتی سیاست دان جے للتا کی زندگی پر بننے والی اس فلم کے لیے اداکارہ کنگنا رناوت نے 24 کروڑ روپے معاوضہ لینے کا فیصلہ کیا ہےاور اس طرح وہ بالی ووڈ میں سب سے زیادہ معاوضہ لینے والی پہلی اداکارہ ہونگی۔

بھارت جاکر اچھا تجربہ نہیں اچھا سبق ملا‘اداکارہ
کراچی (ایمرا نیوز آن لائن) پاکستانی اداکارہ و ٹی وی میزبان وینا ملک نے کہا ہے کہ اب اگر بھارت سے فلموں میں کام کرنے کی پیش کش موصول بھی ہو تو کام کے لیے نہیں جاؤں گی،چاہے کتنی بھی بڑی پیش کش کی جائے یا انہیں سلمان خان اور شاہ رخ کے ساتھ کام کرنے کا کہا جائے پھر بھی پاکستان چھوڑ کر کام کے لیے بھارت نہیں جاوں گی۔منگل کو ایک انٹرویو میں انہو ں نے کہا کہ بھارت میں کام کرنا اپنی مرضی سے چھوڑا،اگرچہ اس دوران مجھے دھمکیاں بھی ملتی رہیں، لیکن میں نے کبھی دھیان نہیں دیا ۔۔وینا ملک نے بتایا کہ بھارتی فلم انڈسٹری میں مرضی سے کام نہ کرنے کی مختلف وجوہات اور مسائل تھے۔اداکارہ نے کہا کہ اگر کوئی پاکستانی اداکار پوری زندگی بھی بھارتی فلم انڈسٹری کو دے دے گا تو بھی وہاں اس کا نام نہیں ہوگا جبکہ پاکستان میں تھوڑا بھی کام کرنے کے بعد اس کے مرنے کے بعد بھی اس کا نام پاکستانی انڈسٹری میں یاد رکھا جائےگا۔انہوں نے کہا کہ بھارت سے کام ملنے کی پیشکش بند نہیں ہوئی، ہر کسی کو اپنے تجربات سے سیکھنا چاہیے اور میں نے بھی تجربات سے ہی سیکھا ہے۔وینا ملک نے کہا کہ اب بھارت کی بجائے اپنے ملک میں رہ کر محنت کروں گی ، بھارت جا کر اچھا تجربہ نہیں بلکہ اچھا سبق ملا۔

”می ٹو“ مہم میں ایک اور اضافہ ‘ فاطمہ ثنائشیخ سامنے آگئی
بالی ووڈ میں بھی می ٹو مہم زوروں پر ہے اور اب تک کئی پردہ نشینوں کے نقاب الٹ چکے ہیں میرا بھی بالی ووڈ میں جنسی استحصال ہوا ہے لیکن میں بات نہیں کرنا چاہتی‘اداکارہ
ممبئی (ایمرا نیوز آن لائن) ہالی ووڈ کے بعد بالی ووڈ میں بھی می ٹو مہم زوروں پر ہے اور اب تک کئی پردہ نشینوں کے نقاب الٹ چکے ہیں۔ کئی اداکاراﺅں نے خود کےساتھ ہونے والے جنسی استحصال کے بارے میں بات کی ہے جس میں ایک نیا اضافہ بالی ووڈ کی دنگل گرل فاطمہ ثنا شیخ ہیں۔اداکارہ فاطمہ ثنا شیخ نے ایک انٹرویو کے دوران انکشاف کیا کہ ان کا بھی بالی ووڈ میں جنسی استحصال ہوا ہے لیکن وہ اس بارے میں بات نہیں کرنا چاہتیں۔اداکارہ نے واضح کیا کہ وہ اپنی زندگی کی کوئی بھی ایسی بات لوگوں کے سامنے نہیں لانا چاہتیں بلکہ خود ہی اپنے طریقے سے ان معاملات سے نمٹیں گی۔انہوں نے می ٹو مہم کی تعریف کرتے ہوئے کہا کہ بھارتی معاشرے میں بھی جنسی استحصال جیسے مسائل پر بات کرنا شروع ہوگئی ہے جو کہ اچھی پیشرفت ہے، اس مہم کی وجہ سے اب لوگ ایسا کچھ کرنے سے ڈرنے لگے ہیں۔

بالی ووڈ اداکارہ کا اپنی سالگرہ پر خود کو 10دن خاموشی کا تحفہ دینے کا فیصلہ
صرف 10دن کیوں؟تم جتنے دن چاہے خاموش رہ سکتی ہو، اہلیہ وسیم اکرم
کراچی(ایمرا نیوز) پاکستان کرکٹ ٹیم کے سابق کپتان وسیم اکرم کی اہلیہ شنیرا اکرم نے بالی ووڈ اداکارہ کنگنا رناوت کو کراراجواب دے کر سوشل میڈیا پر دھوم مچاد ی۔پاکستان کے بارے میں آگ اگلنے والی بالی ووڈ اداکارہ کنگنا رناوت نے اپنی 32 ویں سالگرہ کے موقع پرخود کو خاموشی کا تحفہ دینے کا فیصلہ کیا ہے ، یعنی وہ اپنی سالگرہ پر10 روز تک مکمل خاموش رہیں گی۔ کنگنا کے اس فیصلے پر شنیرا اکرم نے ٹویٹ کرتے ہوئے کہا ” صرف 10 دن کیوں ؟ تم جتنے دن چاہے خاموش رہ سکتی ہو۔“شنیرا کی اس ٹویٹ کا مقصد کنگنا کو یہ باور کرانا تھا کہ وہ جب بھی بولتی ہیں ہمیشہ کسی نا کسی کے خلاف بولتی ہیں۔اب کچھ عرصے سے وہ پاکستان مخالف بیانات دینے میں مصروف ہیں لہٰذا بولنے سے بہتر ہے کہ وہ خاموش ہی رہیں۔سوشل میڈیا پر شنیرا کی اس ٹویٹ کو بہت سراہا جارہا ہے اور صارفین شنیرا کی تعریفیں کررہے ہیں۔ ایک صارف نے لکھا بھابھی نے کیا چھکا مارا ، کچھ لوگ کہہ رہے ہیں بھابھی نے اتنی اچھی گیم وسیم اکرم سے سیکھی۔

ممبئی (ایمرا نیوزآن لائن) ایک دوسرے کے ساتھ 2016 میں کام کرنے کے بعد بالی ووڈ کا رومینٹک کپل ٹائیگر شروف اور شردھا کپور ایک بار پھر ساتھ نظر آنے کے لیے تیار ہیں. ٹائیگر شروف اور شردھا کپور تین سال پہلے 2016 میں ایک ایکشن فلم ‘Baaghi’ میں نظر آئے تھے. اس فلم نے باکس آفس پر تباہی مچا دی تھی اور یہ فلم سپرہٹ ہوگئی تھی. اس کے بعد باغی2 ریلیز کی گئی اس فلم میں ٹائیگر شروف کے ساتھ شردھا کپور کی بجائے ڈیشا پٹانی نے کام کیا اور یہ فلم ڈیشا پٹانی کی پہلی فلم تھی. اس فلم میں ٹائیگر شروف اور ڈیشا پٹانی ایک دوسرے کے بہت قریب آگئے تھے، اور اس فلم کے بعد بھی وہ ایک دوسرے کے ساتھ بھی نظر آتے رہے ہیں اور وہ دونوں ایک دوسرے کے بہت اچھے دوست ہیں.اب باغی3 میں ایک دفعہ پھر ٹائیگر شروف اور شردھا کپور نظر آئیں گے، اور اس کے لیے انہوں نے تیاریاں بھی شروع کردیں ہیں. باغی فلم کا ایک خاص گانا بارش کا ہے، جو اس فلم سے خاص تعلق رکھتا ہے. اب خبریں آرہی ہیں کہ باغی 3 میں بھی اس گانے کا سیکوئل ڈالا جائے گا، اور اس گانے کی تیاری کے لیے ٹائیگر اور شردھا اور بہت ہیں.اس گانے کا نام چم چم ہے اور اس گانے نے لوگوں میں کافی مقبولیت پائی تھی. اس گانے میں شردھا کپور نے زبردست ڈانس پر فارمنس دی تھی. ٹائیگر شروف نے شردھا کپور کو باغی 3 میں ایک بار پھر اکٹھے کام کرنے کے لیے خوش آمدید کہا ہے، اور کہا ہے شردھا باغی 3 میں خوش آمدید اور شاید بارش کا بھی.
اس گانے کو مونالی ٹھکر نے اپنی خوبصورت آواز میں گایا ہے. ٹائیگر اور شردھا کے مداح اب باغی 3 کے بارش والے گانے کا بہت بے صبری سے انتظار کررہے ہیں. بلکہ ٹائیگر اور شردھا بھی اس گانے کا بہت انتظار کررہے ہیں.

مہیش بھٹ اور سونونگم سمیت بہت سے فنکار اپنے میڈیا پر پہلے ہی انگلیاں اٹھا چکے ہیں
ممبئی (ایمرا نیوز آن لائن)بالی ووڈ اداکارہ و ہدایت کارہ نندیتا داس نے بھارتی بے لگام میڈیا کو بی جے پی کی پروپیگنڈا مشین قرار دے دیا۔پاک سرزمین پر بھارت کی جانب سے ناپاک حملے کی کوشش کو پاک فضائیہ کے شاہینوں کی طرف سے ناکام بنائے جانے کے بعد بھارتی میڈیا سفید کو سیاہ دکھاتا رہا اور اپنی پیشہ ورانہ خدمات انجام دینے کے بجائے منفی پروپیگنڈا کے ذریعے عوام کو حقیقت سے آشنا رکھنے کے بجائے جنگ کے خلاف اکساتا رہا۔بھارتی میڈیا کے زہر اگلتے پروپیگنڈے کو جہاں بین الاقوامی سطح پر جھوٹا قرار دیا گیا وہیں بھارت میں بھی اسے شدید تنقید کا نشانہ بنایا گیا اور اب بالی ووڈ اداکارہ نندیتا داس نے بھی بھارتی میڈیا کو پروپیگنڈا مشین قرار دے دیا ہے۔فلم منٹو کی ہدایت کارہ نندیتا داس نے ایک ٹوئٹ میں بھارتی میڈیا کو تنقید کا نشانہ بناتے ہوئے کہا کہ پلوامہ حملے کے بعد سے بھارتی میڈیا نے ثابت کردیا کہ وہ حکمران جماعت (بھارتیہ جنتا پارٹی) کی پروپیگنڈا مشین ہے۔واضح رہے کہ 27 فروری کو پاک فضائیہ نے پاکستانی فضائی حدود کی خلاف ورزی پر دو بھارتی طیارے مار گرائے تھے اور ایک پائلٹ کو گرفتار کرلیا تھا۔