Tag business

(وقت نیوزآن لائن) پاکستان اور عالمی مالیاتی فنڈ (آئی ایم ایف) کے درمیان پالیسی سطح کے مذاکرات اسلام آباد میں ہوئے۔

ذرائع کے مطابق آئی ایم ایف سے پالیسی سطح کے مذاکرات میں پاکستانی ٹیم کی قیادت سیکریٹری خزانہ نے کی جس میں گورنر اسٹیٹ بینک اور چیئرمین فیڈرل بورڈ آف ریوینیو (ایف بی آر) بھی شریک تھے۔

آئی ایم ایف وفد نے مشن ہیڈ کی قیادت میں پالیسی سطح کے مذاکرات میں شرکت کی۔ آئی ایم ایف مشن کے پاکستان کی معاشی ٹیم سے مذاکرات، ٹیکس اصلاحات پر پیشرفت کا جائزہ ذرائع نے بتایا کہ پاکستان کے ٹیکس وصولیوں کے ہدف پر نظر ثانی کی گئی جبکہ آئی ایم ایف کو نجکاری پروگرام میں پیشرفت پر آگاہی فراہم کی گئی۔

ذرائع کے مطابق مالی سال کی دوسری سہ ماہی کیلئے اہداف پر بھی بات چیت کی گئی۔ وزارت خزانہ کے حکام نے بریفنگ میں بتایا کہ مالی سال کے پہلے 4 ماہ میں ٹیکس وصولیوں کا ہدف 1447 ارب روپے تھا، اس عرصے میں 167 ارب روپے کم ٹیکس وصولیاں ہوئیں۔

ذرائع کا کہنا ہے کہ آئی ایم ایف کے ساتھ 45 کروڑ ڈالر کی قسط پر بات ہوئی اور اب تک آئی ایم ایف سے 6 ارب ڈالر کے پروگرام سے 99 کروڑ 10 لاکھ ڈالر مل چکے ہیں۔ ذرائع کے مطابق 7 نومبر کو مذاکرات کامیاب ہونے پر پاکستان کو قرضے کی نئی قسط جاری ہوگی جس سے پاکستان کو ایک ارب 44 کروڑ ڈالر مل جائیں گے۔

خیال رہے کہ گزشتہ دنوں عالمی مالیاتی فنڈ (آئی ایم ایف) کے جائزہ مشن نے پاکستان کا دورہ کیا تھا۔ پاکستان اور آئی ایم ایف کے درمیان 6 ارب ڈالر کا معاہدہ طے پایا ہے جس کے تحت عالمی مالیاتی فنڈ تین سالہ معاشی پیکج کے تحت پاکستان کو یہ رقم فراہم کرے گا۔ رواں سال جون میں پاکستان اور عالمی بینک کے درمیان 91 کروڑ 80 لاکھ ڈالر قرض کا معاہدہ بھی طے پایا تھا۔

اسلام آباد(ایمرا نیوزآن لائن) پاکستان اور چین نے سی پیک سمیت تمام چینی منصوبوں کو امریکی ڈالر کے بجائے چینی کرنسی(RMB) استعمال کرنے پر رضامندی کا اعلان کیا ہے ، اس کی حتمی منظوری کے لیےحکام اس کی سمری کابینہ کی اکنامک کوآرڈینیشن کمیٹی کے سامنے پیش کرے گی۔

اعلیٰ سرکاری ذرائع نے اس بات کی تصدیق کرتے ہوئے بتایا کہ جوائنٹ ورکنگ گروپ نے چینی کرنسی کے استعمال کے کی منظوری گزشتہ ہفتے دی تاکہ بدھ کو ہونے والے جوائنٹ کوآرڈینیشن کمیٹی کے اجلاس میں اس پر پیش رفت ہوسکے، حبیب بینک نے چینی کرنسی کے استعمال کے لیے لائسنس حاصل کرلیا ہے،جوائنٹ ورکنگ گروپ میٹنگ میں دونوں اطراف سے یہ فیصلہ کیا گیا کہ توانائی کے تمام نئے منصوبوں میں RAM (چینی کرنسی) کو استعمال کیا جائے گا۔

گزشتہ اتوارکو سینیٹر مشاہد حسین سید کی سربراہی میں ہونے والے پاکستان چین انسٹی ٹیوٹ کے تحت ہونے والے ایک اجلاس میں اہم پیش رفت کے بارے میں بھی تبادلہ خیال کیا گیا تھا، گزشتہ روز پارلیمنٹیرنز کے گروپ اور صحافیوں نے سی پیک کے تحت توانائی کے منصوبوں کے جائزہ لینے کے لیے پورٹ قاسم اور اسلام کوٹ (تھر) کا دورہ کیا گیا تھا، گول میز اجلاس میں حبیب بینک لمیٹیڈ کےہیڈ آف کارپوریٹ اینڈ انویسٹمنٹ نے بتایا کہ چین میں حبیب بینک ارومقی براچ نے چینی کرنسی کے استعمال کے لیے لائسنس حاصل کرلیا ہے۔

ان کا یہ بھی کہنا تھا کہ چونکہ پاکستان نے پہلے امریکی ڈالرز میں معاملات طے کئے تھے اس لیے کچھ مسائل تھے جنہیں حل کیا جارہا ہے اور یہ کہ حبیب بینک نے گوادر میں اپنی برانچ کھول لی ہے تاہم کچھ مسائل کے باعث وہ پوری طرح سے چینی کرنسی میں کام نہیں کرسک رہی جس کو جلد حل کر لیا جائے گا۔

حبکو کے چیف ایگزیکیٹو افسر نے بتایا کہ انرجی مکس ایک بڑا مسئلہ ہے اور اب وقت آگیا ہے کہ توانائی کے منصوبوں کے لیے مقامی کوئلے کو استعمال کیا جائے،انہوں نےچین کی تعریف کرتے ہوئے کہا کہ چین نے مقامی کوئلے کے استعمال سے توانائی منصوبوں کو اس وقت فائنانس کیا جب بین الاقوامی طور پر کوئی بھی اس پر فائنانس کرنے کو تیا ر نہیں تھا،نیشنل بینک آف پاکستان کے سربراہ عارف عثمانی نے بتایا کہ سی پیک منصوبےکے لیے ون ونڈو سسٹم کی ضرورت ہے۔

ان کا یہ بھی کہنا تھا کہ اس وقت پاکستان میں توانائی کے 22 منصوبے جس میں سے کچھ مکمل ہوچکے ہیں باقی تکمیل کی طرف گامزن ہیں۔ آئی ایم ایف پاکستان میں توانائی کے منصوبوں میں چینی کرنسی کے استعمال پر اپنے خیالات کا اظہار کرنے سے گریزاں تھا، آئی ایم ایف سے جب رابطہ کیا گیا تو ان کا کہنا تھا کہ انہیں اس بارے میں کوئی معلومات نہیں کہ چینی کرنسی کے استعمال میں کیا پیش رفت ہے۔

ان کا یہ بھی کہنا تھا کہ چینی کرنسی کو پہلے ہی اسپیشل ڈرائینگ رائٹس میں شامل کیا جاچکا ہے انہیں چینی کرنسی کے استعمال سے کوئی مسئلہ نہیں تاہم بغیر مکمل طور پرجائزہ لیے ہوئے، سرکاری موقف فوری طور پر نہیں دیا جاسکتا۔

اسلام آباد(ایمرا نیوزآن لائن) سیلز ٹیکس کے نفاذ اور شناختی کارڈ کی شرط پر حکومت اور تاجروں کے خلاف مذاکرات کامیاب ہوگئے۔

آل پاکستان انجمن تاجران کے صدر اجمل بلوچ نے حکومت اور تاجروں کے درمیان مذاکرات کامیاب ہونے کی تصدیق کرتے ہوئے بتایا کہ شناختی کارڈ کی شرط پر خریدو فروخت پر کارروائی 31 جنوری تک مؤخر کردی گئی ہے۔

انہوں نے کہا کہ 10 کروڑ تک ٹرن اوور پر ڈیرھ فیصد کے بجائےاعشاریہ 5 فیصد ٹرن اوور ٹیکس ہوگا جب کہ 10 دس کروڑ روپے تک کی ٹرن اوور والا ٹریڈر ودہولڈنگ ایجنٹ نہیں بنے گا، اس کےعلاوہ سیلز ٹیکس رجسٹریشن کیلئے بجلی کے سالانہ بل کی حد 6 لاکھ روپے سے بڑھاکر 12 لاکھ روپے کردی گئی ہے، کم منافع رکھنے والے سیکٹرز کے ٹرن اوور ٹیکس کا تعین ازسرنو کیا جائے گا۔

اجمل بلوچ نے مزید بتایا کہ تاجروں پر مشتمل ریجنل اور مرکزی سطح پر کمیٹیاں بنائی جائیں گی، جیولرزایسوسی ایشنز سے مل کر ان کے مسائل ترجیحی بنیادوں پر حل کیے جائیں گے، آڑھتیوں کی تجدید لائسنس فیس پر ودہولڈنگ ٹیکس کا ازسرنو جائزہ لیا جائے گا، ٹریڈرزکےمسائل کےفوری حل کیلئے اسلام آبادایف بی آرمیں ڈیسک قائم ہوگا جب کہ نئےٹریڈرزکی رجسٹریشن اور انکم ٹیکس ریٹرن کےلئےاردومیں فارم ہوگا۔

واضح رہے کہ حکومت کی جانب سے ٹیکسٹائل، چمڑے، کارپٹ، اسپورٹس اور سرجیکل آلات کیلئے زیرو ریٹنگ سہولت ختم کرکے واپس 17 فیصد سیلز ٹیکس عائد کرنے اور 50 ہزار سے زائد کسی بھی قسم کی خرید و فروخت میں شناختی کارڈ کا ریکارڈ رکھنے کی شرط کے خلاف تاجر برادری نے 13 جولائی کو بھی ملک گیر شٹر ڈاؤن ہڑتال کی تھی۔

آل پاکستان انجمن تاجران اور فیڈرل بورڈ آف ریونیو (ایف بی آر) کے درمیان مذاکرات ناکام ہونے کے بعد تاجروں نے ملک بھر میں 29 اور 30 اکتوبر کو ہڑتال کا اعلان کیا تھا۔

تاجر برادری کی ہڑتال کے بعد کراچی، حیدرآباد، کوئٹہ، خاران، پشاور، کوہاٹ، بنوں، سرگودھا، گوجرانوالہ، راولپنڈی اور ملتان سمیت ملک کے ہر چھوٹے بڑے شہر میں دکانیں اور مارکیٹیں بند اور کاروباری سرگرمیاں معطل رہیں۔

فارمولے سے کمپیوٹروں کی حساب کتاب کرنے کی استعداد کار میں خاطرخواہ اضافہ ہو گا، کمپنی
ٹوکیو(ایمرا نیوز آن لائن )جاپان کی الیکٹرانکس کی بڑی کمپنی توشیبا نے دنیا کا تیز ترین الگورزم تیار کرنے کا اعلان کردیا ہے۔کمپنی کے مطابق اس فارمولے سے کمپیوٹروں کی حساب کتاب کرنے کی استعداد کار میں خاطرخواہ اضافہ ہو گا۔ توشیبا کا کہنا ہے کہ یہ الگورزم مختلف تراکیب کے شعبے میں بہترین نتائج حاصل کرنے کی جانب بڑی پیشرفت ہے۔اس عمل کے تحت مختلف ممکنہ صورتوں میں سے بہترین عمل کی نشاندہی کے ساتھ ساتھ معاشرے اور کاروبار میں درپیش مختلف مسائل کو حل کرنے میں مدد ملے گی۔ ان میں ترسیل کے باکفایت راستوں کی نشاندہی اور نئی ادویات کی تیاری کو آسان بنانے کا عمل شامل ہے۔ ماہرین کا خیال رہا ہے کہ کسی مسلے کے کئی حل میں سے بہترین حل تلاش کرنے کے لیے کوانٹم کمپیوٹرز کہلانے والے کمپیوٹروں کی مدد سے اعدادوشمار کا بڑا حساب کتاب کرنا ہو گا۔ توشیبا کا کہنا ہے کہ اس کا الگورزم عام کمپیوٹروں پر استعمال کیا جا سکتاہے اور دنیا کے تیز ترین کمپیوٹروں کی ممکنہ اہلیت کے مقابلے میں دس گنا تیز ہے۔

کراچی(ایمرا نیوزآن لائن) فرانسیسی کار ساز کمپنی ’رنالٹ‘ پاکستان میں کاریں بنانے کا خارکانہ لگانے کی خواہش کا اظہار کر دیا ہے۔ فرانسیسی سینیٹر پاسکل الیزارڈ نے پاکستان کے دورے کے دوران کہا ہے کہ فرانسیسی کار ساز کمپنی ’رنالٹ‘ پاکستان میں کار یں بنانے کا کارکانہ لگانے کی خواہش رکھتی ہے۔انہوں نے کہا کہ فرانس کار سازی کے ساتھ دوسرے شعبوں میں بھی پاکستان میں سرمایہ کاری کرنا چاہتا ہے۔فرانسیسی سینیٹر پاسکل الیزارڈ پاک فرنچ انٹر پارلیمنٹیری گروپ کے چئیر مین ہیں.

اور ان دنوں فرانسیسی سینیٹرز کے ساتھ پاکستان کے دورے پر ہیں انہوں نے کہا کہ وہ پیرس میں جا کر گوادر کے ھوالے سے سیمینار کا اہتمام بھی کریں گے جہاں فرانسیسی کمپنیوں کو گوادر کی اہمیت کے حوالے سے بتایا جائے گا تا کہ وہ پاکستان مین سرمایہ کاری کریں۔

انہوں نے مزید کہا کہ وہ فرانسیسی کمپنیوں کو اس بات کے لیے بھی قائل کریں گے کہ وہ پاکستان میں آکر پاکستان کے ڈیری فارمنگ کے شعبے میں دودھ کو دیر تک محفوظ بنانے کی نئی ٹیکنالوجیز لائیں۔انہوں نے کہا کہ پاکستان دودھ پیدا کرنے والادنیا کا تیسرا برا ملک تھا لیکن یہاں دودھ کو محفوظ کرنے کے ذرائع بہت محدود ہیں اس لیے اس شعبے میں کام کرنے کی ضرورت ہے اور فرانس اس حوالے سے پاکستان کی مدد کرے گا۔

اسلام آباد(ایمرا نیوز آن لائن )پاکستان میں مراکش کے سفیر محمد کرمون نے کہا ہے کہ پاکستان ایک انتہائی اہم ملک ہے جس کااقتصادی مستقبل بہت تابناک ہے۔مراکش صنعت و تجارت کے مختلف شعبوں پاکستان سے تعلقات بڑھانے کا خواہاں ہے ۔ مراکش میں سالانہ ایک کروڑ سے زیادہ سیاح آتے ہیں اور پاکستان سیاحت کی صنعت کی ترقی کے لئے انکے تجربہ سے استفادہ کر سکتا ہے۔ مراکش خام پٹرولیم، ٹیکسٹائل، کپڑا، ٹیلی مواصلات کا سامان ، گیس، بجلی اور ٹرانسمیٹراور پلاسٹک وغیرہ درامد کرتا ہے جس سے پاکستانی تاجر فائدہ اٹھا سکتے ہیں۔اس موقع پر ڈاکٹر مرتضیٰ مغل اور اکانومی واچ کے چئیرمین اسلم خان نے کہا کہ دونوں ممالک کے تعلقات بہتر مگر تجارت کم ہے جسے بڑھانے کی ضرورت ہے۔تجارت میں اضافہ کے لئے دونوںبرادر ممالک آزادانہ تجارت کا معاہدہ کرنے پر سنجیدگی سے غور کریں۔

اسلام آباد(ایمرا نیوز آن لائن) رواں مالی سال2018-19 کے ابتدائی نو مہینوں (جولائی تا مارچ) کے دوران تیل کی ملکی درآمدات میں3.8 فیصد کا اضافہ ہوا ہے۔ادارہ برائے شماریات پاکستان( پی بی ایس) کے اعدادوشمار کے مطابق جاری مالی سال میں جولائی تا مارچ2018-19 کے دوران تیل کی درآمدات10.6 ارب ڈالر تک بڑھ گئیں جبکہ گذشتہ مالی سال میں جولائی تا مارچ2017-18 کے دوران تیل کی درآمدات10.22 ارب ڈالر رہی تھیں۔ پی بی ایس کی رپورٹ کے مطابق رواں مالی سال کے دوران مجموعی درآمدی بل میں7.96 فیصد کی کمی سے درآمدات کا حجم 40.75 ارب ڈالر تک کم ہوگیا جس کے نتیجہ میں ملک کا تجارتی خسارہ13 فیصد کی کمی سی23.67 ارب ڈالر تک کم ہوگیا۔

اسلام آباد:(ایمرا نیوزآن لائن) مشیر خزانہ ڈاکٹر عبدالحفیظ شیخ نے کہا ہے کہ عالمی بینک پاکستان کیلیے فنانسنگ کا عمل تیزکرے۔مشیر خزانہ ڈاکٹر عبدالحفیظ شیخ نے ملاقات کیلئے آئے ہوئے چینی سفیر یاؤجنگ سے گفتگو کرتے ہوئے کہا ہے کہ پاکستان میں سرمایہ کاری کا ماحول سازگارہے، چینی سرمایہ کاروں کو ہر ممکن مراعات اورسہولیات فراہم کی جائیں گی۔ ملاقات میں دوطرفہ اقتصادی تعلقات پر تبادلہ خیال کیاگیا۔

ڈاکٹرحفیظ شیخ نے کہاکہ پاکستان میں غیرملکی سرمایہ کاروںکو مراعات دی جا رہی ہے، چینی سرمایہ کارپاکستان میں سرمایہ کاری کرسکتے ہیں، چین پاکستان کا قابل اعتماد دوست ہے، چین نے پاکستان کے سماجی اور اقتصادی شعبوں میں تعاون کیا ہے۔

چینی سفیریاوجنگ کاکہنا تھا کہ چینی سرمایہ کار پاکستان میں سرمایہ کاری کرنا چاہتے ہیں، چینی قیادت سی پیک کی مکمل سپورٹ جاری رکھے گی اور سی پیک منصوبوں پر عمل درآمد یقینی بنایا جائیگا۔ ملاقات میںوزیر اعظم کے دورہ چین پر بھی تبادلہ خیال کیاگیا۔علاوہ ازیں ڈاکٹرعبدالحفیظ شیخ سے عالمی بینک کے کنٹری ڈائریکٹر پیچا موتھو الینگووان نے ملاقات کی۔

اسلام آباد:(ایمرا نیوزآن لائن) امریکا نے پاکستان کو ڈیوٹی فری مارکیٹ تک رسائی دینے سے انکار کردیا۔ٹرمپ انتظامیہ نے پاکستان کی جانب سے امریکی مارکیٹ تک ڈیوٹی فری رسائی کا مطالبہ مسترد کردیا۔ اس بات کا انکشاف وزیر اعظم عمران خان کے معاون خصوصی عبدالرزاق داود نے کیا۔وزیر اعظم کے مشیر برائے تجارت، ٹیکسٹائل اور انڈسٹری عبدالرزاق داؤد نے قومی اسمبلی کی قائمہ کمیٹی برائے تجارت اور ٹیکسٹائل کو بتایا کہ پاکستان اپنی برآمدات کی امریکی مارکیٹ تک ترسیل کے لیے ڈیوٹی فری رسائی چاہتا ہے، تاہم ٹرمپ انتظامیہ اس کے راستے میں بڑی رکاوٹ ہے۔

ان کا کہنا تھا کہ امریکی صدر ڈونلڈ ٹرمپ کی مدت صدارت پورا ہونے کے بعد حکومت پاکستان ایک بار پھر امریکی انتظامیہ سے اس بارے میں بات کرے گی۔امریکا کی جانب سے ترکی اور بھارت کو تجارتی مراعات کے خاتمے کیے جانے کے بعد پاکستان کی کوشش تھی کہ امریکا کو پاکستانی مصنوعات کی برآمدات میں ڈیوٹی رعایت حاصل کی جائے کیونکہ عالمی مارکیٹ میں بھارت اور ترکی پاکستان کے بڑے تجارتی حریف سمجھے جاتے ہیں۔

عبدالرزاق داؤد نے مزید بتایا کہ چین کے ساتھ آزاد تجارتی معاہدے کے دوسرے مرحلے میں بیجنگ نے مزید پاکستانی مصنوعات کی برآمدی مصنوعات کی ڈیوٹی میں کمی پر رضامندی ظاہر کی ہے، اور اس حوالے سے حتمی معاہدہ 28 اپریل کو وزیر اعظم عمران خان کے دورہ بیجنگ پر طے پا جائے گا۔انہوں نے بتایا کہ چین کی اندرونی سیاست کی وجہ سے آزاد تجارتی معاہدے کا دوسرا مرحلہ پہلے ہی چھ سال تاخیر کا شکار ہوچکا ہے۔عبدلرزاق داؤد کا مزید کہنا تھا کہ چین کے وزیر تجارت 313 پاکستانی مصنوعات کی برآمدات پر کوئی ڈیوٹی رعایت دینے پر تیار نہیں ہیں تاہم چینی وزیر خارجہ اور چینی وزیر اعظم اس بات کے حق میں ہیں کہ مذکورہ پاکستانی مصنوعات پر ڈیوٹی میں رعایت دی جانی چاہیے۔

اسلام آباد:(ایمرا نیوزآن لائن) چینی قرضوں سے حکومت کو مالی ضروریات پوری کرنے میں مدد ملی یہی ایک بنیادی وجہ ہے جس کے سبب آئی ایم ایف کے بیل آؤٹ پیکیج کی منظوری میں تاخیر ہورہی ہے۔آئی ایم ایف سے بیل آؤٹ پیکیج کے اجرا میں تاخیر کا سبب عالمی مالیاتی فنڈ کی شرائط ہیں جن میں چینی قرضوں کی تفصیلات سے آگہی، بجلی کے نرخ میں اضافہ،روپے کی قدر، قرضوں کی ایڈجسٹمنٹ اور ٹیکسز کانفاذ شامل ہے۔ حکومتی ذرائع کا کہناہے کہ میڈیا کی توجہ صرف قرضوں، روپے کی قدر اور بجلی کے نرخ پر ہے۔ آئی ایم ایف چین اور پاکستان کے درمیان مالی تعاون کی تفصیلات کے حصول سے دست بردار ہونے کو تیارنہیں۔ بیجنگ اور اسلام آباد کا دوطرفہ تعاون صرف سی پیک تک محدود نہیں ہے، پاکستان قومی اہمیت کے کئی منصوبے چین کے تعاون سے چلارہاہے جن میں انفرااسٹرکچر، جوہری توانائی، جے ایف17تھنڈرکی تیاری اور آبدوزوں کی خریداری شامل ہے۔واضح رہے کہ چین نے پاکستان کو بطوربیل آؤٹ 6.5ارب ڈالر کے تجارتی قرضے دیے ہیں اور اسٹیٹ بینک آف پاکستان میں 2ارب ڈالر جمع کرائے ہیں۔