لندن(ایمرا نیوز آن لائن) آئی سی سی کی جاری کردہ نئی رینکنگ میں ورلڈ کپ کی ٹرافی اپنے نام کرنے والی انگلش ٹیم نے ورلڈ کپ میں پہلی پوزیشن حاصل کر لی۔ جبکہ رینکنگ میں پاکستان کا چھٹا نمبر ہے۔ اس کے علاوہ بلے بازوں کی فہرست میں ورات کوہلی نمبر ایک پوزیشن پر براجمان ہیں جبکہ پاکستان کے ابھرتے ہوئے نوجوان بیٹسمین بابر اعظم ، تیسرے نمبر پر آ گئے، بولنگ میں بھارتی فاسٹ باﺅلر جسپریت بھمرا نمبر ایک درجے پر آ گئے جبکہ ٹاپ ٹین میں کوئی بھی پاکستانی باﺅلر جگہ بنا بنا سکا۔

مسٹر 360اے بی ڈی ولٹیرز نے چپ کا روزہ آخر توڑ ہی دیا

لاہور(ایمرا نیوز آن لائن)مسٹر 360اے بی ڈی ویلیرز نے چپ کا روزہ آخر توڑ ہی دیا۔جنوبی امریکہ کے سابق کپتان نے کہا کہ انہوں نے ورلڈ کپ میں شامل کرنے کا مطالبہ نہیں کیا تھا بلکہ صرف تجویز دی تھی کہ اگر ٹیم کو ان کی ضرورت ہے تو وہ دستیاب ہیں، بیان میں مزید کہا کہ ورلڈ کپ میں مزید کہا کہ ورلڈ کپ میں پروٹینز کی ٹیم اب اختتام پذیر ہو چکی ہے تاہم ٹورنامنٹ کے دوران بلا جواز تنقید کا جواب دینا چاہتا تھا میں نے مئی 2018ءمیں انٹرنیشنل کرکٹ سے ریٹائر ہونے کا اعلان کر چکا ہوں کیونکہ میں اپنے بچوں اور فیملی کو ٹائم دینا چاہتا ہوں۔

برمنگھم(ایمرا نیوز آن لائن)
ورلڈ کپ 2019 کے دوسرے سیمی فائنل میں کینگروز کے 224 رنز کے تعاقب میں انگلینڈ کی بیٹنگ جاری ہے اور اس وقت 11 اوورز کے اختتام پر بغیر کسی نقصان کے 63 رنز بنا لیے.

برمنگھم میں کھیلے جانے والے دوسرے سیمی فائنل میں آسٹریلیا نے انگلینڈ کے خلاف ٹاس جیت کر پہلے بیٹنگ کا فیصلہ کیا ہے، آسٹریلیا کی جانب سے اننگز کا آغاز ایرون فنچ اور ڈیویڈ وارنر نے کیا.

تاہم دونوں اوپنر صرف 10 کے مجموعی اسکور پر پویلین لوٹ گئے، کچھ ہی دیر بعد پیٹر ہینڈز کومب بھی صرف 4 رنز بناکر آؤٹ ہوگئے۔

ٹاپ آرڈر کی ناکامی کے بعد اسٹیو اسمتھ اور الیکس کیرے نے محتاط انداز میں بیٹنگ کرتے ہوئے ٹیم کا اسکور آگے بڑھایا اور 103 رنز کی شراکت قائم کی جس کے بعد 46 رنز بناکر آؤٹ ہوگئے.

جب کہ کچھ ہی دیر بعد اسٹوئنس بغیر کوئی رن بنائے پویلین لوٹ گئے۔ ٹیم آسٹریلیا کو گلین میکسوئل سے کافی امیدیں وابستہ تھیں لیکن وہ بھی 22 رنز ہی بناسکے، پیٹ کمنز 6 اور مچل اسٹارک 29 رنز بنانے کے بعد آؤٹ ہوئے.

جب کہ اسٹیو اسمتھ نے ذمہ داری کا مظاہرہ کرتے ہوئے اسکور کو آگے بڑھایا تاہم وہ آخری لمحات میں 85 رنز بنانے کے بعد رن آؤٹ ہوگئے۔ انگلینڈ کی جانب سے کرس ووکس اور عادل رشید نے 3،3 جب کہ جوفرا آرچر نے 2 وکٹیں حاصل کیں۔

کرکٹ ورلڈکپ کے لیگ میچز میں آسٹریلیا نے 9 میں سے 7 میچز کھیلے اور 2 میں شکست کا سامنا کرنا پڑا جب کہ انگلینڈ کی ٹیم 6 میچز میں فاتح رہی اور 3 میں شکست کا سامنا کرنا پڑا. پوائنٹس ٹیبل پر آسٹریلیا کی ٹیم 14 پوائنٹس کے ساتھ دوسرے نمبر پر ہے جب کہ انگلینڈ کی ٹیم 12 پوائنٹس کے ساتھ تیسرے نمبر پر ہے۔

سیمی فائنل سے قبل راؤنڈ میچز میں آسٹریلیا نے میزبان انگلینڈ کو 64 رنز سے شکست دی تھی جب کہ وارم اپ میچ میں بھی آسٹریلوی ٹیم نے ساؤتھمپٹن میں انگلش سائیڈ کو 12 رنز سے زیر کیا تھا۔ واضح رہے کہ گزشتہ روز ورلڈکپ کے پہلے سیمی فائنل میں نیوزی لینڈ نے بھارت کو سنسنی خیز مقابلے کے بعد 18 رنز سے شکست دیکر ایونٹ سے باہر کردیا تھا۔

مانچسٹر (ایمرا نیوز آن لائن) کرکٹ ورلڈکپ 2019 کے پہلے سیمی فائنل میں آج نیوزی لینڈ نے بھارت کے خلاف ٹاس جیت کر بیٹنگ کا فیصلہ کیا ہے۔ورلڈکپ سیمی فائنل کا پہلا مرحلہ آج اولڈ ٹریفورڈ گراؤنڈ میں بھارت اور نیوزی لینڈ کے درمیان کھیلا جائے گا جس کی فاتح ٹیم فائنل کے لیے کوالیفائی کرے گی۔بھارت اور نیوزی لینڈ کے درمیان کھیلے جانے والے میچ کا ٹاس دوپہر 2 بجے ہوگا جب کہ میچ کا آغاز پاکستانی وقت کے مطابق دوپہر ڈھائی بجے کیا جائے گا۔ورلڈکپ میں سیمی فائنل کیلئے بھارت نے 7 ویں مرتبہ کوالیفائی کیا ہے، اس سے قبل وہ 6 مرتبہ سیمی فائنل کھیل چکا ہے جن میں سے اسے 3 میں کامیابی اور 3 میں ناکامی کا سامنا کرنا پڑا ہے۔جب کہ ورلڈکپ میں نیوزی لینڈ کی ٹیم 8 ویں مرتبہ سیمی فائنل میں جگہ بنانے میں کامیاب ہوئی ہے، کیویز اب تک ورلڈکپ کے 6 سیمی فائنلز میں ناکام اور ایک میں فاتح رہے ہیں۔آج کھیلے جانے والے انتہائی اہم میچ میں دونوں ٹیموں کی جانب سے پلیئنگ الیون میں ایک دو تبدیلیوں کا امکان ہے۔بھارت کی ٹیم کا آج کیدر جادھو سمیت 6 بولرز کے ساتھ میدان میں اترنے کے امکان ہے جب کہ نیوزی لینڈ کی ٹیم میں آج کے میچ میں بھی فرگوسن کی جگہ ٹم ساؤتھی کو شامل کیے جانے کی توقع ہے۔بھارتی کپتان ویرات کوہلی کا سیمی فائنل کے حوالے سے کہنا تھا کہ ہر میچ کے لیے ٹیم پر بے حد پریشر ہوتا ہے، کوشش کریں گے آج کا میچ بھی بہترین کھیلیں۔انہوں نے کہا کہ بھارتی ٹیم پُراعتماد ہے اور سب ہی بھرپور محنت کررہے ہیں۔دوسری جانب نیوزی لینڈ کے کپتان کین ولیم سن کا کہنا ہے کہ ہم نے ٹورنامنٹ میں ٹف ٹائم کا سامنا کیا ہے، اُن غلطیوں سے بہت سیکھا ہے، بھارت سے میچ دلچسپ ہوگا، بہترین پرفارمنس کی امید ہے۔

لارڈز (ایمرا نیوز آن لائن)

ورلڈ کپ کے 43 ویں میچ میں پاکستان کی بنگلا دیش کے خلاف بیٹنگ جاری ہے۔

ورلڈ کپ کے 43 ویں میچ میں آج پاکستان اور بنگلا دیش مد مقابل ہیں، پاکستان نے بنگلا دیش کے خلاف ٹاس جیت کربیٹنگ کا فیصلہ کیا

پاکستان کی جانب سے اننگز کا آغاز فخرزمان اور امام الحق نے کیا تاہم صرف 23 کے مجموعی اسکور پر فخرزمان 13 رنز بناکر آؤٹ ہوگئے۔

کپتان سرفراز احمد کا کہنا تھا کہ ایک میچ کا فرق رہ گیا جس پر بہت افسوس ہے، میچ جیتنے کی کوشش کریں گے تاکہ ورلڈ کپ کا اچھا اختتام ہو، ہم جانتے ہیں بہت ہی بڑے فرق سے جیتنا ہوگا۔

میں نے سابق آرمی چیف راحیل شریف کے ساتھ میچ کھیلا جس میں جان بوجھ کر ہار مان لی تھی،راحیل شریف کو ایسی گیند کروائی کہ انہوں نے چوکا لگا دیا

(ایمرا نیوز آن لائن)
پاکستان کرکٹ ٹیم کے سابق کپتان چاہد آفریدی نے اپنے کیرئیر میں ایک فکسڈ میچ کھیلنے کا اعتراف کیا ہے۔لیکن دلچسپ بات یہ ہے کہ شاہد آفریدی کے میچ فکسڈ کھیلنے پر کسی پاکستانی کو بھی اعتراض نہیں ہو گا کیونکہ شاہد آفریدی نے یہ میچ وزیرستان میں کھیلا تھا جو کہ سابق آرمی چیف راحیل شریف کے ساتھ کھیلا گیا تھا۔

میڈیا رپورٹس میں بتایا گیاہے کہ شاہد آفریدی نے اپنی کتاب میں لکھا ہے کہ جب وہ اور راحیل شریف میچ کھیلنے جا رہے تھے تو راحیل شریف نے کہا کہ میں تمہاری گیند پر چوکا ماروں گا۔مجھے یہ معلوم نہیں تھا کہ وہ اپنا پلان بتا رہے ہیں یا پھر آرڈر دے رہے ہیں۔شاہد آفریدی کا کہنا تھا کہ میں چاہتا تو انہیں بولڈ کرسکتا تھا تاہم میں نے بہت آرام سے انہیں گیند کروائی کیونکہ وہ مجھ سے بڑے تھے۔

واضح رہے 2015ء میں یوم آزادی کے موقع پر آئی ڈی پیز کی مالی امداد کیلئے آرمی الیون اور پی سی بی الیون میں میچ کھیلا گیا تھا جس میں سابق آرمی چیف جنرل راحیل شریف نے گراؤنڈ کے اندر بھی دھاک بٹھا دی تھی ، سٹار کرکٹر شاہد آفریدی کی گیند پر چوکا لگای تھا۔اس دوران سابق ڈی جی آئی ایس پی آر میجر جنرل عاصم سلیم باجوہ نے وکٹ کیپر کے فرائض سرانجام دئیے۔

فنڈ ریزنگ میچ کے مہمان خصوصی سابق آرمی چیف جنرل راحیل شریف تھے۔میچ شروع ہونے سے قبل راحیل شریف سے گراؤنڈ میں دونوں ٹیموں کا تعارف کرایا گیا۔اس موقع پرپاک فوج اور پی سی بی کے دیگر حکام بھی موجود تھے۔کھلاڑیوں سے تعارف کرانے کے بعد شاہد آفرید ی نے راحیل شریف کے ہاتھ میں بیٹ تھمادیا اور ’’پچ ‘‘پر لے آئے جہاں شاہد آفریدی نے گیندکرائی جس پر راحیل شریف نے شاندار چوکا لگاکرمیچ کا آغاز کیا، آرمی الیون کی قیادت شاہد آفرید ی نے کی تھی ، دوستانہ میچ میں محمد حفیظ ،احمد شہزاد،اظہر علی، مصباح الحق،محمد رضوان ،یاسر حمید،سہیل تنویر، باؤلنگ کوچ محمد اکرم اور ان کے علاوہ انڈر 19 سے بھی کھلاڑی شامل تھے۔

(ایمرا نیوز آن لائن)
لیڈز: ورلڈکپ کے 36ویں میچ میں افغانستان نے پاکستان کے خلاف ٹاس جیت کر پہلے بیٹنگ کرنے کا فیصلہ کیا ہے۔

لیڈز میں کھیلے جارہے کرکٹ ورلڈکپ کے 36ویں میچ میں افغانستان کے ٹیم کے کپتان گل بدین نائب نے ٹاس جیت کر پہلے خود بیٹنگ کرنے کا فیصلہ کیا تو گل بدین نائب اور رحمت شاہ نے اننگز کا آغاز کیا لیکن شاہین شاہ آفریدی نے پانچویں اوور میں گل بدین کو 15 رنز پر پویلین بھیج دیا اور اگلی ہی گیند پر ہشمت اللہ شہیدی کو بھی کھاتہ کھولے بغیر پویلین واپس بھیج دیا۔

دوسری جانب وہاب ریاض فٹنس مسائل کے باوجود ٹیم میں شامل کیے گئے ہیں، ٹیم مینجمنٹ نے اہم میچ کے سبب وہاب ریاض کو آرام نہ دینے کا فیصلہ کیا۔
ٹاس کے وقت بات کرتے ہوئے قومی ٹیم کے کپتان سرفراز احمد نے کہا کہ ہم بھی پہلے بیٹنگ کرنا چاہتے تھے لیکن ٹاس کا فیصلہ ہمارے ہاتھ میں نہیں ہوتا تاہم ہماری بولنگ لائن اچھی ہے اور ہم افغانستان کو کم سے کم اسکور پر روکنے کی کوشش کریں گے جب کہ قومی ٹیم میں کوئی تبدیلی نہیں کی گئی ہے۔

افغانستان ٹیم کے کپتان گل بدین نائب نے کہا کہ اچھا ٹوٹل بناکر پاکستان کو دباؤ میں لانے کی کوشش کریں گےاور پاکستان کو ہرانے کی کوشش کریں گے، ٹیم میں ایک تبدیلی کی گئی ہے۔

(میڈیا 92 نیوز آن لائن)
لاہور: پاکستان شکستوں کی بھول بھلیوں سے نکلنے کا راستہ تلاش کرنے لگا ایونٹ میں بقا کی موہوم سی امید لیے کھلاڑی جنوبی افریقہ کیخلاف میچ کی تیاری میں مصروف رہے۔

ہیڈ کوچ مکی آرتھر نئے معرکے سے قبل اعتماد بحال کرنے کیلیے کوشاں نظر آئے، پریکٹس سیشن میں بیٹسمین شارٹ گیندوں پر کارکردگی بہتر بنانے کیلیے سرگرم رہے، بولرز نے اپنی لائن و لینتھ پر کام کیا، اسپنرز نے بھی خود کو لارڈز کی کنڈیشنز سے ہم آہنگ کرلیا، پروٹیز کیخلاف گزشتہ 4ورلڈکپ مقابلوں میں صرف ایک فتح سمیٹنے والے گرین شرٹس کیلیے نیا چیلنج بھی آسان نہیں ہوگا۔

تفصیلات کے مطابق ورلڈکپ میں پاکستان اور جنوبی افریقہ اتوارکو ہوم آف کرکٹ لارڈز میں مقابل ہوں گے، ابھی تک دونوں ٹیموں کی کارکردگی ناقص رہی ہے، جنوبی افریقہ کے 6 میچز میں 3پوائنٹس ہیں، پاکستان نے 5 مقابلوں میں 3 پوائنٹس جوڑے ہیں، پروٹیز کا میگا ایونٹ میں سفر اصولی طور پر تمام ہوگیا۔

پاکستان کی سیمی فائنل میں رسائی کا امکان نہ ہونے کے برابر رہ گیا ہے، گرین شرٹس اگر اپنے چاروں میچ بھی جیت جائیں تو 11 پوائنٹس ہوں گے،اس کے بعد بھی پیش قدمی جاری رکھنے کا انحصار اس بات پر ہوگا کہ انگلینڈ، نیوزی لینڈ،آسٹریلیا اور بھارت جیسی مضبوط ٹیموں میں سے کوئی ایک مسلسل ناکامیوں سے دوچار ہوکر راستے سے ہٹ جائے، بظاہر ایسا ہوتا نظر نہیں آتا۔

گزشتہ روز لارڈز میں پریکٹس سیشن کے دوران پاکستانی کرکٹرز شکستوں کی بھول بھلیوں سے نکلنے کے راستے تلاش کرتے نظر آئے،ہیڈ کوچ مکی آرتھر نے بھارت کیخلاف میچ میں ناقص کارکردگی سے مزید متزلزل ہونے والا اعتماد بحال کرنے کیلیے لیکچر دیا، لارڈز کی کنڈیشنز اور پچ کی ممکنہ صورتحال سے بھی آگاہ کیا،بعد ازاں سخت مشقت سے کھلاڑیوں کا لہوگرمایا گیا، نیٹ میں بیٹنگ کرنے والوں کو تسلسل کیساتھ شارٹ گیندوں کا سامنا کرایا گیا۔

ٹاپ آرڈر بیٹسمینوں نے محمد عامر، وہاب ریاض، محمد حسنین، شاہین شاہ آفریدی اور مقامی بولرز کی پیس اور باؤنس پر اپنی تکنیک بہتر بنانے کیلیے کام کیا،فخرزمان، امام الحق اور بابر اعظم مشکل گیندوں پر اچھے اسٹروکس کھیل کر کوچز سے داد وصول کی، سرفراز احمد نے بھی طویل سیشن میں اپنا کھویا ہوا اعتماد حاصل کرنے کی کوشش جاری رکھی، محمد حفیظ اور حارث سہیل بھی نیٹ میں سرگرم رہے، بولنگ کوچ اظہر محمود پیسرز کی کارکردگی کا جائزہ لیتے ہوئے خامیوں سے آگاہ کرتے نظر آئے،اسپنرز شاداب خان، عماد وسیم الگ نیٹ میں اپنی لائن اور لینتھ درست کرنے کیلیے کوشاں رہے۔

یاد رہے کہ پاکستان اور جنوبی افریقہ کے مابین ابھی تک 78ون ڈے انٹرنیشنل میچ کھیلے گئے ہیں جن میں سے گرین شرٹس نے صرف 27جیتے اور 50میں مات کھائی،ایک مقابلہ بے نتیجہ رہا،گزشتہ سیریز میں جنوبی افریقہ نے مہمان پاکستان ٹیم کو 3-2 سے مات دی تھی،ورلڈکپ کے باہمی مقابلوں میں بھی پروٹیز کا پلڑا بھاری رہا ہے۔

دونوں ٹیمیں ابھی تک 4 بار مقابل ہوئی ہیں،پاکستان ٹیم نے صرف ایک بار کامیابی حاصل کی،ورلڈکپ 1992میں برسبین میں کھیلے جانے والے میچ میں پاکستان کو بارش زدہ میچ میں 20رنز سے مات ہوئی، 1996میں کراچی میں کھیلے جانے والے میچ میں گرین شرٹس عامر سہیل کی سنچری کی بدولت 6 وکٹ پر 242رنز بنانے کے بعد ہدف کا دفاع نہیں کرپائے اور 5 وکٹ سے مات کھائی،وقار یونس3اور ثقلین مشتاق 2وکٹیں لینے کے باوجود شکست کو نہ ٹال سکے۔

ورلڈکپ1999میں ناٹنگھم میں کھیلے جانے والے میچ میں پاکستان ٹیم نے معین خان کے 63 رنز کی مدد سے 7 وکٹ پر 220 رنز بنانے کے بعد 3 وکٹ سے ناکام ہوئی،لانس کلوزنر کے ناقابل شکست 46 رنز نے گرین شرٹس کو یقینی فتح سے محروم رکھا، اظہر محمود کی 3 اور شعیب اختر کی 2 وکٹیں کسی کام نہ آئیں، پروٹیز کیخلاف پاکستان کی اکلوتی فتح گزشتہ ورلڈکپ میں تھی، گرین شرٹس نے مصباح الحق(56) اور سرفراز احمد(49) کی بدولت 222 کا مجموعہ حاصل کیا،جواب میں ڈک ورتھ لوئیس میتھڈ پر جنوبی افریقی ٹیم 29 رنز سے ناکام ہوئی، ڈی ویلیئرز کے 77رنز بیکارگئے، محمد عرفان، راحت علی اور وہاب ریاض نے 3،3شکار کیے۔

لاہور: (ایمرا نیوز آن لائن)سابق کپتان اور مایہ ناز باولر وقار یونس نے کہاہے کہ پاکستانی ٹیم نے جس طرح 1992 کا ورلڈ کپ جیت کر پوری دنیا کو حیران کر دیا تھا بالکل اس طرح اس ورلڈ کپ میں بھی پاکستانی ٹیم ہر کسی کو حیران کر دے گی

تفصیلات کے مطابق وقار یونس کا کہناتھا کہ میں زخمی ہو جانے کے باعث 1992 کے ورلڈ کپ میں ٹیم کا حصہ نہیں بن پایا تھا لیکن مجھے یاد ہے جب ورلڈ کپ کی ٹرافی پاکستان آئی تو پورا ملک سڑکوں پر آ گیاتھا اور وہ عید کا سا سماں تھا ۔انہوں نے کہا کہ اس دفعہ بھی ہم یہ خوشی لوٹا سکتے ہیں لیکن اس کیلئے زیادہ محنت کرنا ہو گی ۔بابراعظم اور سہیل کی تعریف کرتے ہوئے کہا کہ یہ دونوں بلے باز بہترین کارکردگی دکھاتے ہوئے ہائی اسکور کرتے ہیں۔ان کا کہنا ہے کہ وہ محمد عامر، شاہین آفریدی اور محمد حسنین کو ورلڈ کپ میں کھیلتے دیکھنے کے لئے بیتاب ہیں۔ان تینوں کی پرفارمنس بھی نہایت اچھی ہے۔انہوں نے ٹیم کی حوصلہ افزائی کرتے ہوئے کہا کہ پوری قوم ٹیم کے ساتھ ہے، سب کو جیت پر یقین ہے، ٹرافی گھر ضرور آئے گی۔ہماری ٹیم میں جادوئی صلاحیتیں ہیں۔

اسلام آباد (میڈیا 92 نیوز آن لائن ) وفاقی وزیر سائنس اینڈ ٹیکنالوجی فواد چوہدری نے قومی کرکٹ ٹیم کو افغانستان کے ہاتھوں شکست پر کڑی تنقید کا نشانہ بنایا ہے۔ قومی ٹیم کی افغانستان کے ہاتھوں ورلڈ کپ سے قبل وارم اپ میچ میں شکست پر فواد چوہدری نے ٹوئٹر پر اپنے پیغام میں کہا ’مجھے تو مکی آرتھر کی فکر ہے، ابھی تو باب وولمر کا غم نہیں بھولے‘ ۔ وارم اپ میچ میں افغانستان نے پاکستان کو 3 وکٹوں سے شکست دی تھی۔ اس سے قبل قومی ٹیم انگلینڈ کے خلاف پانچ ون ڈے میچز کی سیرز بھی 4-0 سے ہاری ہے۔

واضح رہے کہ 17 مارچ 2007 کو ورلڈ کپ میچ میں پاکستان ٹیم کی آئرلینڈ کی نووارد ٹیم کے ہاتھوں شکست کے کچھ گھنٹوں کے بعد کوچ باب وولمر اپنے کمرے میں مردہ پائے گئے تھے۔ ان کی موت پر شکوک و شبہات کا اظہار کیا گیا جبکہ ان کی موت کو پاکستان ٹیم کی آئرلینڈ کے ہاتھوں شکست سے بھی جوڑا گیا ۔جمائیکا کی پولیس نے کئی مہینے تک ان کی موت کی تحقیقات کیں تاہم نومبر 2007 میں ان کی موت کو فطری قرار دے دیا تھا۔ 2007 کے ورلڈ کپ میں انضمام الحق قومی کرکٹ ٹیم کے کپتان تھے جبکہ 2019 کے ورلڈ کپ میں وہ قومی ٹیم کے چیف سلیکٹر ہیں۔