Tag earthquake

راولپنڈی(وقت نیوز آن لائن)ترکی میں آنے والے خوفناک زلزلے میں قیمتی جانوں کے ضیاع پر آرمی چیف جنرل قمر جاوید باجوہ نے گہرے دکھ اور رنج کااظہارکیاہے۔

آئی آیس پی آر کی جانب سے جاری کردہ بیان میں کہا گیا ہے کہ آرمی چیف جنرل قمر جاوید باجوہ نے ترکی میں زلزلے سے جانی نقصان پر رنج و غم کا اظہارکیاہے۔آئی ایس پی آرکے مطابق جنرل قمر باجوہ نے کہا ترکی میں زلزلہ متاثرین کی امدادکےلئے حکومت پاکستان نے پیشکش کررکھی ہے، آرمی چیف نے کہا ہے کہ پاک فوج کا دستہ امدادی سرگرمیوں میں حصہ لینے کےلئے تیار ہے۔پاک فوج کے دستے میں خصوصی ریسکیوریلیف اورمیڈیکل ٹیمیں شامل ہیں۔

یاد رہے کہ مشرقی ترکی میں آنے والے شدید زلزلے میں حکام کے مطابق 20 افراد ہلاک ہو گئے ہیں۔زلزلے کی شدت 6.8 ریکارڈ کی گئی اور اس کا مرکز ایلازہ صوبے میں سیوریس نامی قصبہ بتایا جا رہا ہے، جس کی وجہ سے عمارتیں گر گئیں اور لوگ سڑکوں پر نکل آئے۔زلزلے کے جھٹکے پڑوسی ممالک شام، لبنان اور ایران میں بھی محسوس کیے گئے۔

لاہور(وقت نیوز آن لائن)ترکی کے مشرقی حصوں میں آنے والے طاقتور زلزلے سے 18 افراد ہلاک اور سیکڑوں زخمی ہو گئے۔ترکش میڈیا رپورٹس کے مطابق 6 اعشاریہ 8 شدت کے زلزلے سے درجنوں عمارتیں ملبے کا ڈھیر ہو گئیں جب کہ کئی افراد اب بھی ملبے تلے دبے ہوئے ہیں۔

ڈیزاسٹر اینڈ میجنمنٹ حکام کے مطابق زلزلے کا مرکز الیزگ کا علاقہ تھا جس کی زیرزمین گہرائی 6 اعشاریہ 7 کلومیٹر تھی، زلزلے کے جھٹکے شام، جارجیا اور ارمینیا میں بھی محسوس کئے گئے۔ریسکیو ٹیموں نے شدید سرد موسم کے باوجود فلاحی کام شروع کر دیا ہے جب کہ ترک وزیر دفاع کا کہنا ہے کہ امدادی کاموں کے لیے فوج بھی سٹینڈ بائی پر ہے۔

ترکی کے وزیر صحت نے زلزلے کے باعث 18 ہلاکتوں کی تصدیق کر دی ہے جب کہ 553 افراد زخمی ہیں جن میں سے 11 کی حالت تشویشناک ہے۔مقامی میڈیا کے مطابق جس وقت زلزلہ آیا تو ترکی کے وزیر داخلہ زلزلوں سے بچاؤ کے اقدامات کے حوالے سے اجلاس کی صدارت کر رہے تھے۔

ترک صدر رجب طیب اردوان نے زلزلے کے باعث ہونے والے جانی و مالی نقصان پر افسوس کا اظہار کرتے ہوئے کہا ہے کہ متاثرہ علاقوں میں تمام ضروری اقدامات اٹھائے جا رہے ہیں۔

جاپان(ایمرا نیوزآن لائن) جاپان کے جنوبی حصے میں 6اعشاریہ 3شدت کے زلزلے سے زمین لرز اٹھی، جاپانی حکام کا کہنا ہے کہ زلزلے سے سونامی کا خطرہ نہیں۔زلزلہ آج صبح جاپان کے شہر میازاکی Miyazaki کے قریب بحر الکاہل کے پانی میں 24 کلومیٹر کی گہرائی میں آیا۔زلزلے کی شدت ریکٹر اسکیل پر 6اعشاریہ 3 ریکارڈ کی گئی ہے، جاپانی حکام کے مطابق اس زلزلے میں کوئی جانی یا مالی نقصان نہیں ہوا۔امریکی جیولوجیکل سروے کا کہنا ہے کہ 6اعشاریہ 3 شدت کے زلزلے کے بعد اسی علاقے میں 5اعشاریہ1 شدت کا دوسرا زلزلہ بھی آیا ہے۔

بلوچستان میں زلزلے کے جھٹکے،کوئی جانی ومالی نقصان نہیں ہوا
کراچی (ایمرا نیوز آن لائن)بلوچستان کے ضلع ژ وب اور گردو نواح میں زلزلے کے جھٹکے محسوس کیے گئے ،تاہم ان کی شدت خطرناک نہیں تھی،جن سے کوئی جانی و مالی نقصان نہیں ہوا ۔جمعہ کو زلزلہ پیما مرکز کے مطابق ژوب اور گردونواح میں محسوس ہونے والے زلزلے کے جھٹکوں کی شدت 4.6 ریکارڈ کی گئی ہے جبکہ اس کا مرکز ژوب سے 85 کلومیٹر شمال مشرق میں تھا۔زلزلے کے جھٹکوں کے باعث شہریوں میں خوف پھیل گیا اور لوگ کلمہ طیبہ کا ورد کرتے ہوئے گھر وں سے باہر نکل آئے۔

چین میں زلزلے کے شدید جھٹکے ، کوئی جانی نقصان نہیں ہوا ، شدت 5.7 درجے تھی
بیجنگ(ایمرا نیوز آن لائن) چین میں 5.7 درجے کے زلزلے کے جھٹکے محسوس کئے گئے تاہم کوئی جانی نقصان نہیں ہوا ۔ حکام کے مطابق ریکٹر سکیل پر زلزلے کی شدت 5.7 درجے ریکارڈ کی گئی جبکہ زلزلے کا مرکز 22.95 درجے شمالی ارض بلد اور 120.87 درجے مشرقی طول بلد میں 12 کلومیٹر کی گہرائی میں تھا ۔( جاوید)

بیجنگ(ایمرا نیوز آن لائن) چین میں زلزلے کے شدید جھٹکے محسوس کئے گئے تاہم کوئی جانی نقصان نہیں ہوا ۔ حکام کے مطابق ریکٹر سکیل پر زلزلے کی شدت 5.0 درجے ریکارڈ کی گئی ۔ زلزلے کا مرکز 38.28 درجے شمالی ارض بلد اور 90.89 درجے مشرقی طول بلد میں نو کلومیٹر کی گہرائیٰ میں تھا ۔( جاوید)

کوئٹہ(ایمرا نیوز آن لائن) صوبہ بلوچستان کے علاقے سبی اورگردونواح میں زلزلے کے جھٹکے محسوس کیے گئے، شہری خوف وہراس کا شکار ہو کر گھروں سے نکل آئے تفصیلات کے مطابق صوبہ بلوچستان کے ضلع سبی اوراس کے گردونواح میں زلزلے کے جھٹکے محسوس کیے گئے، زلزلہ پیما مرکز کے مطابق ریکٹر سکیل پرزلزلے کی شدت 3 ریکارڈ کی گئی۔زلزلے کے جھٹکے مختصر دورانیے کے تھے۔ جھٹکے شروع ہوتے ہی شہری کلمہ طیبہ کا ورد کرتے ہوئے عمارتوں سے باہر آگئے زلزلہ پیما مرکز کا کہنا ہے کہ ضلع سبی میں محسوس کیے جانے والے زلزلے کا مرکزسبی سے 90 کلومیٹرجنوب مغرب میں تھا، زلزلے کی گہرائی 20 کلومیٹرریکارڈ کی گئی.

شدت 5.1 درجے تھی ،کوئی جانی نقصان نہیں ہوا
نئی دہلی (ایمرا نیوز آن لائن) خلیج بنگال میںزلزلے کے درمیانے درجے کے جھٹکے محسوس کئے گئے تاہم کوئی جانی نقصان نہیں ہوا ۔حکام کے مطابق ریکٹر سکیل پر زلزلے کی شدت پانچ اعشاریہ ایک درجے ریکارڈ کی گئی جبکہ زلزلے کا مرکز 14.5 درجے شمالی ارض بلد اور 85.7 درجے مشرقی طول بلد میں دس کلو میٹر کی گہرائی میں تھا ۔

بلوچستان(نیٹ نیوز/ایمرا نیوز) بلوچستان کے ضلع قلات اور گردو نواح میں زلزلے کے جھٹکے محسوس کئے گئے جن کی ریکٹر اسکیل پر شدت 2 اعشاریہ 5 ریکارڈ کی گئی۔زلزلہ پیما مرکز کے مطابق صبح4 بجکر14 منٹ پر قلات اور گردو نوح میں زلزلے کے جھٹکے محسوس کیے گئے، زلزلے کی شدت ریکٹر اسکیل پر 2 اعشاریہ 5 ریکارڈ کی گئی۔زلزلے کا مرکز قلات کے جنوت مغرب میں واقع 50 کلو میٹر کے فاصلے پر تھا، جبکہ اس کی زیر زمین گہرائی 15 کلو میٹر ریکارڈ کی گئی۔اس سے قبل گزشتہ رات ایک بجکر 7 منٹ پر بھی قلات میں زلزلے کے جھٹکے محسوس کئے گئے تھے، زلزلے کی شدت3 اعشاریہ8 ریکارڈ ہوئی تھی اور اس کا مرکز قلات کے جنوب میں 30 کلومیٹر تھا،جبکہ اس کی زیر زمین گہرائی 19 کلو میٹر تھی، تاہم کسی قسم کا کوئی نقصان نہیں ہوا۔

سبی(نیٹ نیوز/ایمرا نیوز) بلوچستان کے شہر سبی اور اسے کے گرد و نواح میں زلزلے کے جھٹکے محسوس کیے گئے ہیں۔زلزلے کے جھٹکے محسوس ہوتے ہی خوف و ہراس پھیل گیا اور سبی کے مکین گھروں اور دکانوں سے کلمۂ طیبہ کا ورد کرتے ہوئے کھلے علاقوں میں نکل آئے۔فوری طور پر اس زلزلے کے نتیجے میں ہونے والے کسی قسم کے نقصان کی اطلاع سامنے نہیں آئی ہے۔زلزلہ پیما مرکز کے مطابق سبی میں آنے والے زلزلے کی شدت ریکٹر اسکیل پر 3اعشاریہ 1 ریکارڈ کی گئی ہے جس کا مرکز سبی سے 102 کلو میٹر جنوب مشرق میں تھا، جبکہ اس زلزلے کی گہرائی 40کلومیٹر زیر زمین تھی۔