Tag facebook

سوشل میڈیا(ایمرا نیوزآن لائن) صارفین میمز کا استعمال کرکے لطف اندوز ہوتے ہیں جس کی وجہ سے اس رجحان میں تیزی سے اضافہ ہوتا جارہا ہے۔

میمز کے مقبول ہونے کو مدِنظر رکھتے ہوئے سماجی رابطوں کے سب سے زیادہ استعمال کیے جانے والے سوشل میڈیا پلیٹ فارم ’فیس بک‘ نے میمز کے شوقین افراد کی خواہش پوری کردی ہے۔ فیس بک نے ایک ایسی ایپلیکیشن پیش کی ہے جس کو ڈاؤن لوڈ کر کے صارفین اپنی پسند کی میمز کو خود بنا سکتے ہیں اور اس ایپ کا نام ’وہیلز‘ رکھا گیا ہے۔

دی انفارمیشن کی رپورٹ کے مطابق فیس بک کی جانب سے (نیو پروڈکٹ ایکسپیری مینٹیشن ) گروپ نے یہ ایپلیکیشن پیش کی ہے جو کہ فی الحال صرف کینیڈین ایپ اسٹور پر میسر ہے۔ رپورٹس کے مطابق یہ ایپ صارفین کو مفت فراہم کی جائے گی، وہیلز ایپ کے ذریعے صارفین اپنی تصویر یا اپنے فون گیلیری کی پسندیدہ تصاویر کو استعمال کرتے ہوئے میمز بنائیں گے۔
اس ایپ میں صارفین تصویر چُننے کے بعد اس میں من پسند پیغام، ایموجیز، اور اسٹیکرز بھی شامل کر سکتے ہیں۔

(ایمرا نیوزآن لائن) اکثر ہم اپنے گھر کے کام کاج کرانے یا ان کاموں میں مدد کے لیے کام والی رکھتے ہیں لیکن آپ نے شاید ہی کبھی ایسا سنا ہو کہ کام کرنے والی ماسیاں اپنا بزنس کارڈ بھی رکھتی ہیں؟

بھارتی شہر پونے کی گھریلو کام کاج میں مدد کرنے والی گیتا کلے کو ہندوستان کے کونے کونے سے نوکری کی پیشکش ہو رہی ہیں، گیتا کو بے شمار نوکریوں کی پیشکش کی وجہ ایک بزنس کارڈ ہے جو کہ اسے دھناشری شندے نامی خاتون نے تیار کر کے دیا تھا جو کہ سوشل میڈیا پر خوب وائرل ہو گیا ہے۔ گیتا کلے اور دھناشری شندے کی ناقابل یقین کہانی اسمیتا جاوڈیکر نامی صارف نے فیس بک پر شیئر کی تھی جس کے بعد یہ کہانی اور بزنس کارڈ وائرل ہو گیا۔

اسمیتا نے اپنے فیس بک کے اکاؤنٹ پر لکھا کہ دھناشری ایک دن آفس سے اپنے گھر آئی جہاں انہوں نے دیکھا کہ گیتا جو کہ ان کے گھر میں کام کرتی تھی، وہ مایوس بیٹھی تھی کیونکہ اسے کسی نے اپنے گھر سے کام کاج کرنے کے لیے ہٹا دیا تھا اور وہ وہاں سے ماہانا 4000 کما رہی تھی۔ دھناشری جو کہ ولاس جاوڈیکر ڈیولوپرز میں سینئر مینیجر ہیں انہوں نے یہ سوچا کہ کیوں نہ گیتا کے لیے ایک بزنس کارڈ بنایا جائے، انہوں نے فوراً ہی اپنی سوچ پر عمل کرتے ہوئے گیتا کے لیے ایک بزنس کارڈ تیار کیا اور اس کارڈ کے 100 پرنٹ نکلوائے۔

اسمیتا نے اپنے فیس بک اکاؤنٹ پر اس کہانی کے ساتھ گیتا کے بزنس کارڈ کی تصویر بھی شیئر کی جس میں کام والی کا نام، کام کی تفصیلات اور ماہانا معاوضے کے حوالے سے تمام تر تفصیلات بھی درج تھیں۔ اسمیتا کی سوسائٹی کے چوکیدار نے ان کے پڑوس میں یہ کاروباری کارڈ دیا اور ان کا کہنا تھا یہ بظاہر چھوٹا سا قدم ہے لیکن اس کا رد عمل ناقابل تصور تھا۔

انہوں نے اپنی پوسٹ میں مزید لکھا کہ بزنس کارڈ راتوں رات انٹرنیٹ پر وائرل ہو گیا اور گیتا کالے کا کارڈ وائرل ہونے کے بعد سے ہی ہندوستان کے کونے کونے سے انہیں بے شمارنوکریوں کی پیشکش کی جا رہی ہیں۔ فیس بک پر دھناشریاور گیتا کلے کی کہانی پر اب تک 1600 سے زائد لائیکس آچکے ہیں اور اس پوسٹ پر سیکڑوں لوگوں نے کمنٹس بھی کیے ہیں۔

فیس بک (ایمرا نیوزآنلائن) نے اپنی متنازع پالیسی کو برطانیہ تک پھیلاتے ہوئے وہاں سیاستدانوں کو الیکشن کے دوران جھوٹے اشتہارات چلانے کی اجازت دے دی ہے۔

امریکی نشریاتی ادارے سی این این کے مطابق اس متنازع پالیسی کا دفاع برطانیہ کے سابق ڈپٹی وزیراعظم اور فیس بک کے ملازم نک کلیگ بھی کر رہے ہیں جو 2016 کے بریگزٹ ریفرنڈم کے دوران سوشل میڈیا پر جھوٹ پھیلائے جانے کی شکایت کرنے میں پیش پیش تھے۔

برطانیہ میں دار العوام یعنی ہاؤس آف کامنز کے تاریخی انتخابات اگلے ماہ یعنی دسمبر میں ہوں گے اور اب فیس بک اپنی اس پالیسی کے تحت برطانیہ میں انتخابی امیدواروں کی جانب سے چلائے جانے والے اشتہارات کو فیکٹ چیکنگ یعنی جھوٹ اور سچ کی تفریق کے عمل سے نہیں گزارے گا۔

جب کہ اس کے برعکس فیس بک بریگزٹ کے حامی “لیو ای یو ” سمیت دیگر سیاسی گروپس پر پابندی کی پالیسی کو برقرار رکھے گا۔ فیس بک ایسی ہی پالیسی امریکا کے انتخابات میں بھی وہاں نافذ کر چکا ہے اور اس کی مخالفت صدارتی امیدوار وں، کانگریس اور حتیٰ کہ فیس بک کے کچھ ملازمین نے بھی کی ہے۔

اسی وجہ سے فیس بک کی حریف کمپنی ٹوئٹر نے اعلان کیا ہے کہ وہ آئندہ ماہ ہونے والے الیکشن کے دوران سیاسی مواد پر مشتمل اشتہارات بالکل قبول نہیں کرے گی جب کہ گوگل ابھی اس حوالے سے خاموش ہے۔

(ایمرا نیوزآن لائن) مائیکرو بلاگنگ سائٹ ٹوئٹر پر آئندہ ماہ سے تمام سیاسی اشتہارات پر پابندی عائد ہو گی۔

خبر رساں ادارے رائٹرز کے مطابق کمپنی کی جانب سے ٹوئٹر پر سیاسی اشتہارات پر پابندی عائد کرنے کا فیصلہ 2020 کے امریکی انتخابات کو مد نظر رکھتے ہوئے کیا گیا ہے جس کا اطلاق 22 نومبر سے ہو گا۔

ٹوئٹر انتظامیہ کے مطابق سیاسی اشتہارات سے متعلق نئی پالیسی کی مکمل تفصیلات 15 نومبر کو جاری ہوں گی۔ اس حوالے سے ٹوئٹر کے سی ای او جیک ڈورسی نے ٹوئٹ میں لکھا کہ ہم نے فیصلہ کیا ہے کہ عالمی سطح پر ٹوئٹر کے تمام سیاسی اشتہارات روک دیئے جائیں۔

سیاسی اشتہارات پابندی سیاستدانوں کی سوشل میڈیا پر غلط اطلاعات پر بڑھتی ہوئی تنقید کی وجہ سے لگائی گئی ہے۔ ٹوئٹر پر سیاسی اشتہارات پر پابندی عائد کرنے پر امریکی صدر ڈونلڈ ٹرمپ کی انتخابی مہم کے منیجر بریڈ پارسکل کا کہنا ہے یہ پابندی بائیں بازو کی سیاست کرنے والوں کی طرف سے ٹرمپ اور کنزرویٹوز کو روکنے کی ایک اور کوشش ہے۔

دوسری جانب ڈیموکریٹک صدارتی امیدوار جو بائیڈن کی صدارتی مہم کے ترجمان بِل روسو کا کہنا تھا کہ اشتہاری ڈالرز اور جمہوریت کی سالمیت کے درمیان پیسے کی جیت نہ ہونا انتخاب کے لیے حوصلہ افزا ہوتا ہے۔

یاد رہے کہ گزشتہ برس فیس بُک نے بھی اپنی ویب سائٹ پر سیاسی اشتہارات پوسٹ کرنے پر سخت شرائط نافذ کرتے ہوئے تصدیق لازمی قرار دی تھی۔ مقبول سائٹ فیس بُک اُس وقت شدید تنقید کی زد میں آئی تھی جب یہ انکشاف ہوا کہ سیاسی مشاورت فراہم کرنے والی فرم، کیمبرج انالیٹیکا جس نے ڈونلڈ ٹرمپ کی صدارتی مہم کے لیے بھی خدمات انجام دی تھیں، اسے فیس بُک کے 87 ملین صارفین کی ذاتی معلومات تک رسائی حاصل تھی۔

بعدازاں فیس بُک کے بانی مارک زکربرگ نے فیس بک پر سیاسی اشتہارات پوسٹ کرنے سے قبل اس کی تصدیق لازمی قرار دے دی تھی۔

دنیا (ایمرا نیوزآن لائن) میں سب سے زیادہ استعمال کی جانے والے سوشل میڈیا ویب سائٹ فیس بک نے امریکا میں ایک ایسا ہیلتھ ٹول متعارف کرایا ہے جو کہ صارفین کو صحت سے متعلق یقین دہانی کرائے گا۔

یہ ہیلتھ ٹول امریکی صارفین کو نزلا زکام، بلڈ پریشر کی جانچ، کینسر اسکریننگ اور دیگر صحت کے مسائل سے متعلق ڈاکٹر سے رجوع کرنے کے لیے یاددلائے گا۔

کمپنی کا کہنا ہے کہ انہوں نے یہ نیا فیچر امریکا میں متعارف کرایا ہے جب صارفین اس فیچر میں اپنی عمر اور جنس کے سیکشن کو پُر کریں گے تویہ ہیلتھ ٹول ان کی عمر کے حوالے سے انہیں چیک اپ کی ایک فہرست مرتب کرکے تجویز کرے گا۔

یہ ہیلتھ ٹول ابھی صرف فیس بک کی موبائل ایپ میں دستیاب ہے، صارف اس فیچر کے ذریعے اپنے ٹیسٹ کے شیڈول کے حوالے سے یاد دہانیاں بھی مرتب کرسکتے ہیں جب کہ تمام تر ٹیسٹ مکمل ہونے کی صورت میں صارفین ایپ میں مارک کرسکیں گے۔

اس ہیلتھ ٹول میں صارفین اپنا معائنہ کرانے کے لیے سستی جگہوں کو بھی ڈھونڈ سکیں گے۔ واضح رہے کے کچھ عرصے سے فیس بک پر لوگوں کی معلومات اور راز داری کے حوالے سے کافی تنازعات سامنے آچکے جس کے باوجود بھی کمپنی اپنے صارفین تک جدید فیچرز کی فراہمی کو ممکن بنانے کیلیے کوشاں رہتی ہے۔

لاہور (میڈیا 92 نیوز آن لائن ) رواں سال شادی کے بندھن میں بندھنے والی معروف ماڈل اور اداکارہ ایمان علی نے انکشاف کیا ہے کہ کچھ سال قبل وہ ایک جان لیوا مرض کا شکار ہوئیں جس نے ان کی زندگی کو بدل کر رکھ دیا۔

ایمان علی نے ایک انسٹاگرام پوسٹ میں انکشاف کیا کہ وہ ایک دہائی قبل ملٹی پل اسکلیروسز (ایسی بیماری جس میں دماغ اور ریڑھ کی ہڈی کے حصے سخت ہوکر رسولی، اعصابی کمزوری اور دیگر کمزوریوں کا باعث بنتے ہیں) کا شکار ہوئیں اور اب آٹو امیون مرض کے عالمی دن کے موقع پر انہوں نے اس پر بات کی۔

انہوں نے لکھا ‘ہوسکتا ہے کہ آپ میں سے چند کو پہلے سے علم ہو کہ میں ملٹی پل اسکلیروسز کے ساتھ زندگی گزار رہی ہوں، یہ اب میری زندگی کا حصہ ہے اور میری طرز زندگی مکمل طور پر بدل چکا ہے۔ میرے بولنے ، چلنے کا انداز، ہر چیز پر اثرات مرتب ہوئے، مگر میں اس سے لڑ رہی ہوں، بالکل اسی طرح جیسے اس مرض کے شکار دیگر مریض لڑتے ہیں’۔

انہوں نے لکھا ‘یہ مرض دماغی اعصاب کو متاثر کرتا ہے اور اس کی سب سے عام علامت بینائی دھندلانا ہے، اس دھندلاہٹ کے ساتھ سر بھی چکراتا ہے، تو اس مرض کے عالمی دن کے موقع پر میں ایک #Blurfie اپ لوڈ کررہی ہوں اور آپ سب پر بھی سپورٹ کے لیے زور دیتی ہوں۔ اپنی پروفائل تصویر کو بھی Blurfie سے بدل دیں’۔

https://www.instagram.com/p/ByD2biQHXy0/?utm_source=ig_web_copy_link

فرانس(ایمرا نیوزآن لائن) فرانس کے صدر ایمانویل میکرون نے فیس بک کے چیف مارک زکربرگ سے ملاقات کی ہے۔فرانسیسی میڈیا کے مطابق ملاقات کے دوران فرانسیسی صدر کا کہنا تھا کہ دہشت گردی کو روکنے کےلئے فیس بک کے ایسے اکاونٹ جو دہشت گردی انتہا پسندی کو فروغ دیتے ہیں ان کو فوری بند کیا جائے بلکہ ایسے عناصر کی فہرستیں متعلقہ اداروں کو فراہم کی جائیں۔

ایمانویل میکرون نے ایوان صدر میں فیس بک کے چیف سے ون ٹو ون ملاقات میں زور دیا کہ فرانس میں مقیم دیگر ممالک کے افراد کی فیس بک پروفائل کی مکمل جانچ پڑتال کی جائے ۔واضح رہے کہ قبل ازیں فرانس بھر میں پیلی جیکٹ والوں کی مہم کے دوران پرتشدد واقعات شیئر کرنے والوں کے خلاف کاروائی کا کہا گیا تھا۔

جہلم(ایمرا نیوزآن لائن) فیس بک کی دوستی محبت میں بدل گئی، یونانی حسینہ نے جہلم کے چوہدری اعجاز سے بیاہ رچا لیا۔جہلم کے علاقہ شمالی محلہ کے رہائشی نوجوان چوہدری اعجاز گجر کی 8 سال قبل یونانی لڑکی سے فیس بک پر دوستی ہوئی، دوستی محبت میں بدلی تو یونانی حسینہ جہلم پہنچ گئی، اسلام قبول کیا اور چوہدری اعجاز سے رشتہ ازواج میں منسلک ہوگئی۔

شادی کی تقریب مقامی میرج ہال میں ہوئی، جس میں دولہے کے والدین، بہن بھائیوں سمیت عزیز و اقارب اور دوستوں نے شرکت کی۔یونانی دلہن کی مہندی کی رسم بھی ادا کی گئی، دلہے کے دوستوں نے ڈھول کی تھاپ پر خوب بھنگڑے بھی ڈالے۔

لاہور(ایمرا نیوزآن لائن) فیس بک کا ’غیر معمولی رویے‘ کے خلاف بڑا ایکشن سامنے آگیا. فیس بک نے ڈھائی ہزارسے زائد اکاؤنٹس اور پیجز بند کر دیئے.
فیس بک کی انتظاميہ نے ’مشکوک رویے‘ کو بنیاد بناتے ہوئے ڈھائی ہزارسے زائد اکاؤنٹس اور پیجز بند کر دیئے۔خبرایجنسی کےمطابق فیس بک انتظاميہ نے مجموعی طور پر 2,632 پيجز، اکاؤنٹس اور گروپس بند کیے۔متاثر ہونے والے ان اکاؤنٹس کا تعلق ایران، مقدونيہ، روس اور کوسوو سے ہے۔بند کیے گئے 513 اکاؤنٹس کا ایران سے جبکہ 1ہزار 907 اکاؤنٹس کا تعلق روس سے ہے۔يہ بھی واضح کیا گیا ہے کہ ان اکاؤنٹس کو بند ان پر موجود مواد کی وجہ سے نہیں بلکہ ان کے ’غیر معمولی رویے‘ کی بنیادپر کیا گیا ہے۔

ٹیکنالوجی کمپنیوں نے ایسا مواد پھیلانے میں مدد کی جو دہشتگردی کی حوصلہ افزائی کرتا ہے اور انسانیت کے احترام کو نقصان پہنچاتا ہے، فرانس کے طاقتور مسلم گروپ کا بیان
کرائسٹ چرچ(ایمرا نیوز آن لائن)فرانس کے ایک طاقتور مسلم گروپ نے نیوزی لینڈ کے شہر کرائسٹ چرچ میں 2 مساجد پر دہشت گرد حملے کی ویڈیو نشر کرنے پر فیس بک اور یوٹیوب کے خلاف مقدمہ دائر کرنے کا اعلان کیا ہے۔فرنچ کونسل آف دی مسلم فیتھ (سی ایف سی ایم) کی جانب سے جاری بیان کے مطابق ان ٹیکنالوجی کمپنیوں نے ایسا مواد پھیلانے میں مدد کی جو دہشتگردی کی حوصلہ افزائی کرتا ہے اور انسانیت کے احترام کو نقصان پہنچاتا ہے۔سی ایف سی ایم نے ان دونوں کمپنیوں کے خلاف قانونی دستاویزات بھی جمع کرادیئے ہیں۔خیال رہے کہ کرائسٹ چرچ میں دہشتگردی سے 50 افراد شہید ہوگئے تھے۔سی ایف سی ایم کے صدر احمد اوگراس نے سی این این کو بتایا کہ ان کا گروپ فیس بک کے خلاف فوری طور پر پرتشدد ویڈیو کو نہ ہٹانے پر قانونی کارروائی کرے گا۔ان کا کہنا تھا ‘یہ قابل قبول نہیں، فیس بک کو اپنی ذمہ داری قبول کرنا ہوگی اور اس طرح کی لائیو اسٹریمز کے خلاف ہر ممکن اقدام کرنا ہوگا جبکہ ان نیٹ ورکس میں موجود اسلاموفوبیا اور نفرت انگیز پیغامات کو بھی ہٹانا ہوگا’۔گروپ نے تصدیق کی کہ وہ فیس بک اور یوٹیوب کے فرانس میں موجود دفاتر کے خلاف قانونی کارروائی کریں گے۔سی ایف سی ایم کے عہدیدار عبداللہ ذکری نے بتایا کہ ہم ان ویڈیو کو شوٹنگ کی فلموں کی طرح نہیں لے سکتے، یوٹیوب اور فیس بک کو مستقبل میں اس طرح کے واقعات کی روک تھام کے لیے اقدامات کرنا ہوں گے۔کونسل کی جانب سے پیرس میں پراسیکیوٹرز کے پاس شکایت دائر کرتے ہوئے فیس بک اور یوٹیوب کے خلاف مقدمہ دائر کرنے کا کہا ہے۔فرانسیسی قوانین کے تحت اگر مسلم گروپ اپنی شکایت ثابت کرنے میں کامیاب ہوا تو اس پر تین سال قید اور 75 ہزار یورو جرمانے کی سزا سنائی جاسکتی ہے۔فیس بک اور یوٹیوب نے اس حوالے سے فی الحال کوئی ردعمل ظاہر نہیں کیا۔