Tag Fashion

لاہور(ایمرا نیوزآن لائن رپورٹ اظہر محمود سے) احتساب عدالت نے پنجاب کے سابق سینئر وزیرعلیم خان کو 15 فروری تک جسمانی ریمانڈ پر نیب کے حوالے کردیا۔نیب کی جانب سے آف شور کمپنی اور آمدن سے زائد اثاثوں کے الزام میں گرفتار سابق سینئر وزیرعبدالعلیم خان کو آج لاہورکی احتساب عدالت میں پیش کیاگیا۔لاہور کی احتساب عدالت میں علیم خان کے خلاف کیس کی سماعت کے دوران نیب حکام نے اثاثوں اور آمدن کے ذرائع کی تحقیقات کے لیے جسمانی ریمانڈ کی استدعا کی۔دوران سماعت نیب پراسیکیوٹر وارث جنجوعہ نے عدالت کو بتایا کہ علیم خان کا دوہزار دو میں 190لاکھ کا بانڈ نکلا،انہوں نے دوہزار اٹھارہ میں 871 ملین اثاثےظاہرکیے،ان کے اثاثےآمدن سےمطابقت نہیں رکھتے۔اس پر علیم خان کے وکیل نے کہا کہ نیب نے آج تک ایک ثبوت پیش نہیں کیا،نیب جن دستاویزات کی بات کر رہی ہے وہ ہم نے خود فراہم کیے۔ایک سو نو ملین باہر سے ان کے والد کو آمدن آئی، مگر بھیجنے والا کوئی نہیں جس پر عدالت نے ریمارکس دیئے کہ والد اگر فوت ہو چکے ہیں تو ان کا نام نہیں لینا چاہیے۔اے اینڈ اے سے والدہ کو 198 ملین 2012 میں آمدن آئی، نیب پراسیکیوٹر نے اپنی بات جاری کرتے ہوئے عدالت کو بتایا کہ باہر سے آنے والی آمدن کو تسلیم نہیں کرتے البتہ بانڈ کو تسلیم کرتے ہیں ، علیم خان اثاثوں اور آمدن کے متعلق مطمئن نہیں کر سکے۔نیب پراسیکیوٹر نے استدعا کی کہ اثاثوں اور آمدن کے ذرائع کی تحقیقات کے لیے جسمانی ریمانڈ دیا جائے۔عدالت نے علیم خان کے جسمانی ریمانڈ کی درخواست پر فیصلہ محفوط کر لیا۔
علیم خان کا عدالت میں بیان
سابق صوبائی وزیرعلیم خان نے عدالت میں بیان دیا کہ انہوں نے جو اثاثےظاہر کیے،انکےعلاوہ ایک روپیہ یا ایک انچ زمین ان کے پاس نہیں،نیب کو تمام تفصیلات فراہم کر چکے، اب جسمانی ریمانڈ کی کیا ضرورت؟انہوں نے کہا کہ جو دستاویزات مانگیں وہ فراہم کیں ،ایسا نہ کیا تو ذمے دار ہوں،کل گیاتوکہاگیاخط پرچیئرمین نیب ناراض ہیں اس وجہ سے گرفتار کیا گیا،حلفا کہتا ہوں میرے وکیل کے نیب کو بھجوائےگئےخط کاکوئی علم نہیں ۔واضح رہےنیب لاہور نے گذشتہ روز علیم خان کو آف شور کمپنی اسکینڈل اور آمدن سے زائد اثاثوں کی تفتیش کے لیے طلب کیا تھاجس کے لیے وہ نیب آفس پہنچے، جہاں انہیں حراست میں لے لیا گیا تھا۔گرفتاری کے بعد علیم خان نے سینئر صوبائی وزیر بلدیات کی وزارت سے استعفیٰ دے دیا تھا۔پاکستان تحریک انصاف کے سینئر رہنماعلیم خان کو نیب حکام سخت سیکیورٹی میں عدالت لائے۔ پولیس نے کنٹینر لگاکر عدالت جانے والے راستے بند کردیے۔

لاہور (ایمرا نیوز آن لائن) پنجاب حکومت نے پانچ لاکھ ٹن گندم کو بیرون ممالک برآمد کرنے کی اجازت دے دی ہے جبکہ حکومت اس فیصلے پر کاشتکاروں میں خوشی کی ایک لہر دوڑ گئی ہے اور کاشتکاروں نے حکومت کے اس فیصلے کو خوش آئندہ قرار دیتے ہوئے کہا کہ گندم کو ایکسپورٹ کئے جانے کے بعد گندم کی آئندہ فصل کو حکومتی گوداموں میں سٹاک کیا جا سکے گا۔

لاہور (ایمرا نیوز آن لائن) صوبائی وزیر صنعت و تجارت میاں اسلم اقبال نے کہا ہے کہ کوٹ لکھپت جیل میں قید سابق وزیر اعظم نواز شریف کی زندگی کی اتنی ہی اہمیت ہے جتنی جیل میں قید دیگر قیدیوں کی ہے۔ گزشتہ روز میڈیا سے گفتگو کرتے ہوئے میاں اسلم اقبال نے کہا کہ جیل میں قید ایک بیمار چھابڑی والے کو علاج کی ضرورت ہے۔ انہوں نے کہا کہ سابقہ حکمرانوں نے گزشتہ 40 سال میں کیا کیا۔ پاکستان میں ہر بیماری کا علاج موجود ہے۔ انہوں نے کہا کہ ضلعی حکومتوں کے مسائل سب سے زیادہ ہیں۔ جن پر توجہ دینے کی ضرورت ہے۔ حکومت ملکی صنعت کو گیس اور بجلی کی فراہمی کو یقینی بنائے گی۔

لاہور (آن لائن) پاکستان پیپلز پارٹی کے پارلیمانی لیڈر پنجاب اسمبلی سید حسن مرتضیٰ نے سابق وزیر اعظم یوسف رضا گیلانی کو طیارے سے آف لوڈ کرنے پر حکومت کے خلاف شدید تنقید کرتے ہوئے حکومت کے اس اقدام کو انسانی حقوق کی کھلی خلاف ورزی قرار دیا ہے اور کہا ہے کہ پاکستانی پیپلز پارٹی حکومت کے اس اقدام کو عدالت میں چیلنج کرے گی اور عدالت کا دروازہ کھٹکھٹائے گی۔ گزشتہ روز اپنے ایک بیان میں سید حسن مرتضیٰ نے کہا کہ سابق وزیراعظم کو آف لوڈ کیا جانا حکومت کے انتقام کا حصہ ہے۔ حکومت لوگوں کو ہراساں کر کے اٹھارہویں ترمیم ختم کرنے کی کوشش میں مصروف ہے جبکہ موجودہ حکومت گزشتہ 6 ماہ سے مختلف مدات میں انسانی بنیادی حقوق کی خلاف ورزی کی مرتکب ہو رہی ہے۔ انہوں نے کہا کہ ا نصاف کے حصول کے لئے پیپلز پارٹی ہر دروازے پر دستک دے گی۔

لاہور (ایمرا نیوز آن لائن) پاکستان تحریک انصاف کی رکن پنجاب اسمبلی سعدیہ سہیل رانا نے صحت انصاف کارڈ کے اجراءپر تہنیتی قرارداد پنجاب اسمبلی میں جمع کروا دی ہے جس میں کہا گیا ہے کہ حکومت کی طرف سے صحت انصاف کارڈ کا اجراءقابل تحسین ہے ”صحت انصاف کارڈ“ پروگرام تیسری د±نیا کے ملکوں میں اپنی نوعیت کا اولین منصوبہ ہے۔ جس سے عوام کو بڑا ریلیف ملے گا اور مریض 150 سے زائد سرکاری اور نجی ہسپتالوں میں 7 لاکھ 20 ہزارروپے تک کا علاج کروا سکیں گے۔ ایک ماہ میں ملک کے بڑے صوبے پنجاب کے ایک کروڑ خاندانوں کو ہیلتھ کارڈ فراہم کرنے کا عندیہ تبدیلی کا مظہر اور حکومتی سنجیدگی کا منہ بولتا ہے لہذا پنجاب کا یہ مقدس ایوان حکومت کے اس عوام دوست اقدام کو سراہتا ہے کیونکہ ملکی وسائل کو عوام پر خرچ کرنا قابل تحسین عمل ہے اور عوام کی تعلیم اور صحت پر خرچ کئے بغیر کوئی معاشرہ ترقی نہیں کر سکتا۔

جوہری صلاحیت کو مزید بڑھانے کیلئے 4فضائی بیڑے تعمیر کرنے کا فیصلہ
بیجنگ(ایمرا نیوز آن لائن) چین نے اپنی جوہری صلاحیت کے حامل چار فضائی بیڑے تعمیر کرنے کا اعلان کردیا ہے ۔ ملکی میڈیا رپورٹ کے مطابق چین اپنی مسلح افواج کو تیز رفتاری سے جدید ترین بنانے کی پالیسی پر گامزن ہے بحریہ ایک ماہر وانگ یونفائی کا حوالہ دیتے ہوئے کہا گیا ہے کہ چین کے ایمالز نظام پر مشتمل جوہری صلاحیت کے حامل ائر کرافٹ بیڑہ کا 2035 تک بحریہ میں شامل ہونے کا امکان ہے جس کے بعد ان بیڑوں کی مجموعی تعداد چھ ہو جائیگی انہوں نے کہا کہ ان میں سے صرف چار بیڑے فرنٹ لائن پر کام کرینگے انہوں نے کہا کہ اگرچہ اقتصادی بحران بھی چین کے اس بحران پر اثر انداز ہورہا ہے تاہم چین اپنے مجموعی فوجی اخراجات کو منظم کرنے میں کامیاب رہے گا اور اپنی فوج کو جدید خطوط پر استوار کرنے کی پالیسی پر گامزن رہے گا.

وزیر جنگلات کی زیر صدارت شجرکاری اور جاری منصوبوں سے متعلق جائزہ اجلاس
ناظم اعلیٰ جنگلات کی تفصیلی بریفنگ
مظفرآباد (ایمرا نیوز آن لائن)وزیر جنگلات سردار میراکبرخان کی زیر صدارت محکمہ جنگلات کے زیر اہتمام رواں سال میں ہونے والی شجرکاری اور جاری منصوبوں کے حوالئے سے جائزہ اجلاس منعقد ہوا اجلاس میں سیکرٹری جنگلات ڈاکٹر شہلاوقار ناظم اعلیٰ ترقیاب ڈاکٹر اورنگزیب خان ناظم جنگلات غلام مجتبےٰ مغل اور د یگر آفیسران نے شرکت کی اجلاس میں ناظم اعلیٰ جنگلات ڈاکٹر اورنگزیب خان نے محکمہ جنگلات کی کارکردگی شجرکاری اور جاری منصوبہ جات کے حوالئے سے بریفنگ دی ۔اس مو قع پر اجلاس سے خطاب کر تے ہوئے وزیر جنگلات سردار میراکبرخان نے کہا ہے کہ پاکستان آرمی اور دیگر اداروں کے ساتھ ملکر شجرکاری کریںشجرکاری کے ساتھ شجرپروری اور نگرانی کے لئے موثراقدامات اٹھائے جایں۔تمام ضلعی آفیسران سرکاری اور آرمی کے اداروں کے ساتھ ملکر شجرکاری کو کامیاب بنانے کے لئے آرمی کے جوانوںکو شجرکاری کے لئے تربیت کا بندوبست کریں تاکہ زیادہ سے زیادہ پودا جا لگاے جا سکے اور ان کی پرورش اچھی طرح سے کی جا سکے انہوں نے کہا کہ محکمہ کی کارکردگی کو موثر انداز میں تشہر نہیں کیا جا رہا اس کے لئے کمیٹی قائم کی جائے جو روزانہ کی بنیادپر عوام میں شعور واگاہی اور محکمانہ کارکردگی کو اخبارات میں شائع کراوئے۔انہوں نے کہا کہ پورئے آزاد کشمیر میںجہاں جہاں شجرکاری کی گئی ہے اس علاقے میں بورڈلگاے جائیں تاکہ عوام کو بھی پتہ چلے کہ محکمہ جنگلات نے اس سال اس علاقے میں کتنی شجرکاری کی ہے انہوں نے کہا کہ فاریسٹ ریکریشنل پارک بڑوڑہ چھترکلاس قومی نوحیت کا منصوبہ ہے اس کی تعمیر کے لئے تمام وسائل بروکارلائے جاہیں تاکہ اس کو آزاد کشمیر کا سب سے خوبصورت پارک بنایا جا سکےچار سو کنال رقبے پر فاریسٹ ریکریشن پارک چھتر کلاس کوجلد ہی وزیر اعظم آزاد کشمیر راجہ فاروق حیدر خان کے ہاتھوں سے افتتاح کروایں گئے محکمہ جنگلات کے لئے مزید منصوبے آرہے ہیں اس لئے جن منصوبوں پر کام جاری ہے ان کی بروقت معیاری تعمیر کو یقینی بنایا جائے اس میں کسی قسم کی کوتاہی برداشت نہیں کی جائے گئی تمام آفیسران 15دن فیلڈمیں گذاریں اور پراگرس روپورٹ سیکرٹریٹ کو دکھاہیںاس سے نظام بہتر ہو گا میں خود بھی کروں گا محکمانہ تبادلہ جات میں کسی قسم کا سیاسی دباوہ اور بلیک ملینگ برداشت نہ کیا جائے انہون نے کہا کہ حدبندی ڈویژن اپنی پراگرس روپوٹ بنا کر سیکرٹریٹ کو دیں اور بتایں کتنی زمین وگزار کروائی ہیں ۔انہوں نے ہدایت دی کہ ہر شعبہ کی الگ میٹنگ رکھی جائے فروری میں میرپور میں میٹنگ کا اہتمام کیا جاے تاکہ وہ کی عوام کے مسائل اور جنگلات کے حوالئے سے بات کی جاسکے ۔ انھوں نے کہا کہ بلین ٹری پراجیکٹ کی کامیابی کے لیے پوری لگن اور ایمانداری سے تیاری کریں اس قومی ہیت کے منصوبے کو کامیاب بنانے میں اپنا کلیدی کردار ادا کریں اس سے آنے والے نسلوں کی بقاءہے انہوں نے کہا کہ نقصان جنگل کے حوالے سے سوشل میڈیا اور اخبارت میں شکایات موصول ہو رہی ہیں اس کے فوری ازلے کے لئے محکمہ اپنے فرائض اور زمہ داریاں بہتر طریقے سے ادا کریں جس ڈویژن کے حوالے سے خبریں شائع ہورہی ہیں اُسکی تردید اس ڈویژن کے آفیسران کی ذمہ داری ہے اس سے محکمہ کی ساکھ بہتر ہوگی انھوںنے کہا کہ چھاپہ مار آفیسران کی ذمہ داری ہے کہ وہ اپنی استعداد کو استعمال کرتے ہوئے نقصان جنگل کی شکایات پر زیادہ سے زیادہ سے چھاپے مارے اور کی گئی کارروائیوں کی مناب تشہیر کریں تاکہ عوام میں محکمہ کا وقار بلند ہو ں کسی آفیسرکے دفتر میں کو ئی بھی فائل ایک دن سے زیادہ نہ رہے عوام کے لئے آسانیاں پیدا کریں۔#/s#

دنیش چندیمل جنوبی افریقہ کیخلاف ٹیسٹ سیریز نہیں کھیلیں گے ، ڈومیسٹک کرکٹ کھیلنے کی ہدایت، ٹور کیلیے ٹیم کی قیادت اب اوپننگ بیٹسمین ڈیموتھ کرونا رتنے کے حوالے
کینبرا (ایمرا نیوز آن لائن) سری لنکا نے ناقص فارم پر اپنے کپتان کو ہی ڈراپ کردیا تاہم دنیش چندیمل جنوبی افریقہ کے خلاف ٹیسٹ سیریز نہیں کھیلیں گے۔سری لنکن ٹیم کی تمام فارمیٹس اور خاص طور پر ٹیسٹ کرکٹ میں پرفارمنس گذشتہ کچھ عرصے سے انتہائی مایوس کن ہے، ہوم گرانڈز پر انگلینڈ کے ہاتھوں 3 میچز کی سیریز میں وائٹ واش کے بعد آئی لینڈرز کو نیوزی لینڈ میں دو ٹیسٹ میچز کی سیریز میں 1-0 سے شکست کا منہ دیکھنا پڑا، جس کے بعد اتنے ہی ٹیسٹ میچز کی سیریز کیلیے آسٹریلیا پہنچے جہاں پر ٹیم کی کارکردگی مزید زوال کا شکار دکھائی دی۔فٹنس مسائل کی وجہ سے اہم پلیئرز کی خدمات سے محروم سری لنکا کو دونوں میچز میں بڑے مارجن سے ناکامی کا منہ دیکھنا پڑا، جس پر سری لنکن کرکٹ بورڈ نے ایکشن میں آتے ہوئے کپتان دنیش چندیمل کو ہی دورہ جنوبی افریقہ کیلیے ٹیم سے ڈراپ کردیا ہے۔آئی لینڈرز نے 13 فروری سے پروٹیز دیس میں دو ٹیسٹ میچز کی سیریز کھیلنا ہے۔ ایس ایل سی کے اعلامیہ میں بتایا گیا ہے کہ دنیش چندیمل کو ڈومیسٹک کرکٹ میں اپنی فارم بحال کرنے کی ہدایت کی گئی ہے۔جنوبی افریقہ کے ٹور کیلیے ٹیم کی قیادت اب اوپننگ بیٹسمین ڈیموتھ کرونا رتنے کو سونپ دی گئی ہے جبکہ باقی کھلاڑیوں میں نروشن ڈیکویلا، لاہیرو تھریمانے، کشول سلوا، کولش مینڈس، کوشل پریرا، ملندا سروردانا، دھنن جایا ڈی سلوا، اوشیڈا فرنانڈو، انجیلو پریرا، سورنگا لکمل، کاسن راجیتھا، وشوا فرنانڈو، چمیکا کرونارتنے، محمد شیراز، لکشن سنداکن اور لیستھ ایمبولڈینیا شامل ہیں۔

لاہور (ایمرا نیوز آن لائن) معروف اداکارہ ماہرہ خان نے کہا ہے کہ محبت لفانی جذبہ ہے اور یہ فطرتاً اً انسان میں موجود ہوتاہے ، جو لوگ یہ کہتے ہیں کہ محبت اور جنگ میں سب کچھ جائز ہے یہ فلسفہ غلط ہے۔انہوںنے ایک انٹرویو کے دوران کہا کہ ہماری لوک داستانوں کے کردار ہیر رانجھا ، سسی پنوں ،لیلیٰ مجنوں ،سوہنی مہیوال جیسے بے شمار کردار ہیں جن کی محبت کے افسانے آج بھی لوگوں کو یاد ہیں اور دنیا میں جنگ کیلئے بھی اصول واضح کیے گئے ہیں اسی لیے یہ بات کسی طورپر بھی ٹھیک نہیں ہو سکتی کہ محبت اور جنگ میں سب کچھ جائز ہے۔ماہرہ خان نے کہا کہ عشق میں جدائی کے غم کا بھی اپنا ہی نشہ ہے جسے کوئی بھی بیان نہیں کر سکتا۔

لاہور(ایمرا نیوز آن لائن)محکمہ داخہ نے نواز شریف کو پی آئی سی منتقل کرنے کا فیصلہ کرلیا گیا ہے، اور پی آئی سی کو سب جیل بھی قرار دے دیا گیا ہے. نواز شریف کو سول اسپتال سے ڈسچارج کردیا گیا ہے.
https://emra.tv/2019/02/06/عالیہ-بھٹ-کی-ہم-شکل-سامنے-آگئی/
یاد رہے کہ نواز شریف کو گزشتہ روز جیل سے سول اسپتال منتقل کیا گیا تھا لیکن اب خبر آرہی ہے کہ محکمہ داخہ نے نواز شریف کو پی آئی سی منتقل کرنے کا حکم دے دیا گیا ہے.