Tag geo news lahore

اسلام آباد(وقت نیوز آن لائن)وزیراعظم عمران خان 2 روزہ دورے پرآج ملائیشیا جائیں گے ،وفاقی وزراءکا وفد بھی وزیراعظم کے ساتھ ہوگا ۔
میڈیا رپورٹس کے مطابق وزیراعظم عمران خان آج ملائیشیا کا دو روزہ دورے کرےں گے،وفاقی وزراءکا وفد بھی وزیراعظم کے ساتھ ہوگا ۔وزیراعظم کے دورے کے دوران پاکستان اورملائیشیا کے درمیان مختلف ایم او یوز پر دستخط ہوں گے ،وزیراعظم کی مہاتیر محمد سے ون آن ون ملاقات اوروفود کی سطح پر مذاکرات ہوںگے ۔ وزیراعظم عمران خان ملائیشین ہم منصب کے ساتھ مشترکہ پریس کانفرنس بھی کریں گے ،وزیراعظم کے دورہ ملائیشیا کے باعث رواں ہفتے کابینہ اجلاس نہ ہونے کا مکان ہے ،وزیراعظم کے دورہ ملائیشیا کامقصددوطرفہ تعلقات کو مضبوط کرنا ہے ،وزیراعظم عمران خان کے دورہ کے دوران ملائیشیا سے تجارت،سیاحت پربات ہوگی۔

اسلام آباد (ایمرا نیوزآن لائن) پاکستان میں تعینات چینی سفیر یاﺅ جنگ کا کہنا ہے کہ پاکستان اور چین کے مابین فلائٹس کرونا وائرس کی وجہ سے نہیں بلکہ بہار کے جشن کی وجہ سے ملتوی کی گئی تھیں، پاکستان کا اپنے شہریوں کو واپس نہ بلانا ایک ذمہ دارانہ فیصلہ ہے۔
پاکستانی ایف ایم ریڈیو 98 سے گفتگو کرتے ہوئے چینی سفیر کا کہنا تھا کہ پاکستان میں کرونا وائرس کا کوئی بھی کیس سامنے نہیں آیا، جو مشتبہ کیسز رپورٹ ہوئے تھے ان میں بھی کرونا وائرس کی تصدیق نہیں ہوئی ، چین سے پاکستان آنے والے تمام شہریوں کو 2 ہفتے کیلئے آئسولیشن میں رکھا جارہا ہے تاکہ اگر کسی کو یہ مسئلہ ہو تو اس کی تشخیص ہوسکے ۔
انہوں نے کہا کہ چین میں مقیم 4 پاکستانی طلبہ میں کرونا وائرس کی تصدیق ہوئی ہے، اس حوالے سے پاکستانی حکومت اور چینی سفارتخانہ مکمل رابطے میں ہیں، چین پاکستانی طلبہ کے ساتھ اپنے شہریوں جیسا سلوک کر رہا ہے، پاکستان کا اپنے شہریوں کو واپس نہ بلانا ایک ذمہ دارانہ فیصلہ ہے۔
چین میں کرونا وائرس کی صورتحال کے حوالے سے گفتگو کرتے ہوئے یاﺅ جنگ کا کہناتھا کہ اس وقت چین میں کرونا وائرس کے خلاف مہم پہلی ترجیح بنی ہوئی ہے، مریضوں کی تعداد میں اضافہ ہورہا ہے اور صحتیاب ہونے والوں کی شرح کم ہے۔

کراچی(وقت نیوز آن لائن) دنیا بھر میں دہشت کا سبب بننے والے کورونا وائرس کے گڑھ چین کے شہر ووہان کی یونیورسٹی میں زیر تعلیم کراچی کا نوجوان طالب علم ارسلان امین شدید مشکلات کا سامنا کرنے کے بعد آخر کار اپنے گھر پہنچ گیا، ارسلان ووہان یونیورسٹی میں چینی ادب میں تعلیم حاصل کررہا ہے جو خوش قسمتی سے22جنوری کو ووہان سٹی کی آمدورفت کے راستے بند کیے جانے سے قبل ہی شنگھائی روانہ ہوگیا تھا، کراچی کے علاقے لیاری میں اپنی رہائش گاہ پر مقامی میڈیا سے بات چیت کرتے ہوئے ارسلان نے ووہان شہر میں محصور پاکستانیوں کو درپیش مشکلات بیان کیں۔
ایکسپریس کے مطابق ارسلان نے بتایا کہ ووہان شہر یں 559پاکستانی محصور ہیں صرف ووہان یونیورسٹی میں محصور طلبا کی تعداد 105کے قریب ہے جن میں پی ایچ ڈی کرنے والے ایسے طلبا بھی شامل ہیں جن کے ہمراہ ان کی فیملی اور شیر خوار بچوں سمیت چھوٹے بچے بھی ہیں۔ارسلان کے مطابق کوروناوائرس کی وبا جنوری میں ہی پھیلنا شروع ہوگئی تھی تاہم لوگوں کی جانب سے ابتدا میں اس پر کوئی زیادہ توجہ نہیں دی گئی لیکن بین الاقوامی میڈیا پر خبریں نشر ہونے پر احتیاطی تدابیر اختیار کی گئیں، ارسلان ووہان میں محصور طلبا کے ساتھ رابطہ میں ہیں، انھوں نے بتایا کہ ووہان شہر میں محصور پاکستانیوں میں ایک اور پاکستانی میں کورونا وائرس کی موجودگی کی تصدیق ہوگئی ہے اور آج تک تعداد5تک پہنچ چکی ہے۔ارسلان امین کے مطابق وہ 22جنوری کو اپنی تعطیلات گزارنے کے لیے شنگھائی پہنچے، اسی دوران کورونا وائرس کی وبا پھیل گئی اور ووہان شہر کو سیل کردیا گیا، انھوں نے بتایا کہ ان کے ہمراہ سندھ کے دو اور لاہور کا بھی ایک طالب علم تھا ہم نے اپنی یونیورسٹی سے پاکستان جانے کی اجازت مانگی جو مل گئی تاہم انھیں شنگھائی میں قیام کے لیے کسی ہوٹل میں جگہ نہیں مل سکی کیونکہ جیسے ہی کسی کو معلوم ہوتا تھا کہ ہم ووہان شہر سے آئے ہیں تو کوئی ہاتھ ملانے کو بھی تیار نہ ہوتا تھا، اسی حالت میں ایئرپورٹ کا رخ کیا جہاں بورڈنگ کے بعد حکام نے روانگی سے روک دیا اور طبی معائنے کی شرط عائد کردی۔ ارسلان کے مطابق انھوں نے نجی طور پر طبی معائنہ کرایا جس کی رپورٹ آنے کے بعد حکام نے پاکستان روانگی کی اجازت دی اور وہ براستہ دبئی 28جنوری کی رات کو کراچی پہنچے، پاکستانی طلبا ابھی تک ان سے رابطے میں ہیں اور ان طلبا نے ہی ارسلان سے اپیل کی ہے کہ میڈیا کے ذریعے ان کی التجا وزیر اعظم عمران خان اور حکومت پاکستان تک پہنچائی جائے اور جلد از جلد انھیں چین سے پاکستان لایا جائے۔

اسلام آباد(وقت نیوزآن لائن) متحدہ عرب امارات نے پاکستان کو کامیاب جواب پروگرام کے لیے 20 کروڑ ڈالر دینے کا اعلان کردیا۔
ایکسپریس کے مطابق متحدہ عرب امارات کی حکومت نے حکومت پاکستان کو کامیاب جوان پروگرام میں تعاون کی غرض سے بڑی پیشکش کردی۔ یو اے ای کے سفیر نے وزیراعظم کے معاون خصوصی عثمان ڈار سے ملاقات کی اور پاکستانی نوجوانوں کے لیے 200 ملین ڈالرز کی رقم دینے کا اعلان کیا۔
رقم کا وعدہ ابو ظہبی کے کراؤن پرنس محمد بن زید النہیان کی جانب سے حالیہ دورہ کے دوران کیا گیا تھا۔ متحدہ عرب امارات کے سفیر نے عثمان ڈار سے ہونے والی ملاقات میں گفتگو کرتے ہوئے کہا کہ پاکستانی نوجوانوں میں بے پناہ ٹیلنٹ اور صلاحیت دیکھی ہے، پاکستان سے مل کر نوجوانوں کی تعمیر و ترقی کے لیے کردار ادا کریں گے، پاکستانی نوجوانوں کے لئے عملی اقدامات کا آغاز جلد کیا جا رہا ہے۔
یو اے ای کے سفیر نے پاکستان کے ساتھ یوتھ ایکسچینج پروگرم شروع کرنے کا بھی اعلان کرتے ہوئے پاکستانی نوجوانوں کے وفد کو متحدہ عرب امارات بھیجنے پر اتفاق کیا۔ سفیر نے کہا کہ پاکستانی نوجوانوں کو انٹرپرینیور شپ سمیت آرٹی فیشل انٹیلی جنس کی مہارت سکھائی جائے گی۔ ساتھ ہی متحدہ عرب امارات نے پاکستانی نوجوانوں کو دبئی ایکسپو 2020ء میں بھی شراکت دار بنانے کی پیشکش کی۔
ملاقات میں فیصلہ کیا گیا کہ دبئی ایکسپو 2020ء میں پاکستانی نوجوانوں کو خصوصی پویلین دئیے جائیں گے، مستقبل میں ہنرمند نوجوانواں کو شاندار مواقع فراہم کریں گے۔
معاون خصوصی عثمان ڈار نے کامیاب جوان پروگرام میں تعاون کی پیشکش کا خیر مقدم کرتے ہوئے کہا کہ وزیراعظم کے ویژن کے مطابق نوجوان طبقے کو اوپر اٹھانا ہے، ملکی تاریخ میں پہلی بار نوجوانوں پر خطیر سرمایہ کاری کی جارہی ہے۔

لاہور(وقت نیوز آن لائن)نجی ٹی وی چینل’’نیونیوز‘‘کومظلوم کشمیریوں کی آوازبننےپرسخت آزمائش کاسامنا،پاک سیٹ پر نجی ٹی وی کی فریکوئنسی پر ہیکرز کا بڑا حملہ ، سیٹلائیٹ پر فریکوئنسی ہیک ہونے کی وجہ سے چینل بلیک آؤٹ ہو گیا.
نجی ٹی وی کےمطابق کشمیر کی آواز بننےپرنجی ٹی وی نیو نیوز کی نشریات ہیک کر لی گئیں’’نیو نیوز‘‘ ٹی وی کی رپورٹ کے مطابق پاک سیٹ پر نجی ٹی وی ’’نیو نیوز‘‘ کی فریکوئنسی پر ہیکرز نے حملہ کیا ہے،پرائم ٹائم نشریات کے دوران سیٹلائیٹ پر فریکوئنسی ہیک ہونے کی وجہ سے چینل بلیک آؤٹ ہو گئے.نجی ٹی وی نے دعویٰ کیا ہے کہ پاکستانیوں اور کشمیر کی آواز بننے پر انہیں کئی روز سے مسلسل سزا دی جا رہی ہے اور پرائم ٹائم میں مسلسل نشریات تعطل کا شکار ہو رہی تھیں تاہم آج چینل مکمل بلیک آؤٹ کر دیا گیا ہے جبکہ بار بار شکایت کے باوجود پاک سیٹ انتظامیہ سراغ لگانے میں ناکام ہے۔چینل انتظامیہ کا کہنا ہے کہ نیو پاکستانیوں اور کشمیریوں کی آواز اٹھا رہا ہے، نیو نے کشمیر کی آزادی کے حق میں میڈیا مہم چلائی اور انسانیت کے دشمن بھارت کو میڈیا وار میں منہ توڑ جواب دیتے ہوئے اسے بے نقاب کیا جس کی وجہ سے چینل کی آواز دبائی جا رہی ہے.نیو نیوز کے ایگزیکٹو ڈائریکٹر اور معروف اینکر پرسن نصراللہ ملک نے کہا کہ ہیکنگ میں انڈین ہیکرز بھی ملوث ہو سکتے ہیں کہ وہ چینل پر حملے کریں تاہم سوال یہ اٹھتا ہے کہ صرف نیو نیوز کے ساتھ ہی ایسا کیوں ہےاور صرف نیو نیوز کو ہی ٹارگٹ کیوں کیا جا رہا ہے؟میں سمجھتا ہوں کہ پاک سیٹ کے لئے یہ بہت بڑا چیلنج ہے کیونکہ یہ کوئی ایک دن کا واقعہ نہیں ہے ،دو ماہ سے مسلسل چینل کی نشریات کو روک دینا اور پاک سیٹ کی جانب سے اس کا کوئی سراغ نہ لگانا پاک سیٹ کے لئے ایک بہت بڑا چیلنج ہے۔نصراللہ ملک نے کہا کہ پاک سیٹ کی انتظامیہ سے جب بات کی گئی تو اُن کا کہنا تھا کہ ہم دیکھ رہے ہیں کہ ایسا کیوں ہو رہا ہے؟نیو نیوز کے ساتھ ہزاروں صحافیوں کا روزگار وابستہ ہے،اب اگر ایک چینل کی فریکوینسی ہیک کی جاتی رہے گی تو پھر چینل کا بہت بڑا نقصان ہوگا ،یہ میڈیا کی آواز دبانے کی سازش ہے ،اگر پاک سیٹ کا سیٹلائٹ ہی محفوظ نہیں ہے تو پھر حکومت کے لئے بھی یہ بہت بڑا سوالیہ نشان ہے ،اس پر حکومت کو فوری ایکشن لینا چاہئے۔

کراچی(وقت نیوز آن لائن ) جاپان نے کورونا وائرس کی تشخیص کے لیے ایک ہزار نمونوں کی کٹس پاکستان بھجوا دیں۔نجی نیوز چینل جیو نیوز کے مطابق قومی ادارہ برائے صحت اسلام آباد کے لیب ڈویژن کے انچارج ڈاکٹر محمد سلیمان نے بتایا کہ جاپانی حکومت کی جانب سے بھجوائی گئیں کٹس جمعے کی صبح موصول ہوجائیںگی۔
انہوں نے کہا کہ جاپان کے علاوہ امریکا کے ادارے سینٹر فار ڈیزیز کنٹرول کی جانب سے بھی کیمیکلز پاکستان کو مہیا کیے جارہے ہیں جو کہ چند دنوں میں پاکستان پہنچ جائیں گے۔ان کا کہنا ہے کہ حکومت نے جرمنی، چین اور ہانگ کانگ سے ان کیمیکلز کی خریداری کے لیے بھی رابطہ کیا ہے تاکہ مقامی طور پر کورونا وائرس کی تشخیص کی جا سکے۔ڈاکٹر محمد سلیمان کے مطابق اِس وقت قومی ادارہ برائے صحت تقریباً تمام وائرسز کی تشخیص کی صلاحیت رکھتا ہے لیکن چونکہ کورونا وائرس ایک نیا جرثومہ ہے، اس لیے اس کی تشخیص میں استعمال ہونے والے پرائمرز یا کیمیکلز پاکستان میں تیار نہیں ہورہے۔ان کا کہنا تھا کہ جمعے کے روز قومی ادارہ برائے صحت کو پرائمرز ملنے کے بعد پورے ملک سے مشتبہ نمونے ان کے پاس پہنچنا شروع ہو جائیں گے۔

اسلام آباد(وقت نیوز آن لائن)پاکستان مسلم لیگ(ن) کے ڈپٹی سیکرٹری جنرل عطاءاللہ تارڑ نے وزیر اعظم عمران خان کے معاون خصوصی برائے احتساب شہزاد اکبر کو چیلنج دیتے ہوئے کہا ہے کہ وہ کسی عدالت میں نہیں بلکہ ٹی وی ٹاک شو پر ہی آکر ثابت کردیں کہ اسلام آباد ائیر پورٹ کے ٹھیکے کے پیسے چوہدری شوگر مل گئے تو میں نہ صرف ن لیگ کا دفاع کرنا چھوڑ دوں گا بلکہ پارٹی سے بھی استعفی دے دوں گا۔
نجی ٹی وی کے پروگرام میں گفتگو کرتے ہوئے عطا ءاللہ تارڑ نے کہا کہ ڈیلی میل کیس میں وزیر اعظم عمران اور شہزاد اکبر کو بھی پارٹی بنایا جا سکتا ہے، ابھی دائرہ کار کا مسئلہ تھاکیونکہ وزیراعظم عمران خان اور شہزاد اکبر پاکستانی شہری ہیں، یہ حقیقت ہے کہ ڈیوڈ روز کو جیل میں بندوں تک رسائی دی گئی ،اس لئے یہ بات خارج از امکان نہیں کہ وزیر اعظم عمران خان اور شہزاد اکبر کو کیس میں پارٹی بنایا جائے،ن لیگ اپنی وکلا ٹیم کے ساتھ مشاورت کرے گی جس کے بعد وزیراعظم عمران خان اور مشیر برائے احتساب کو بھی پارٹی بنایا جا سکتا ہے۔ چوہدری شوگر مل معاملے پر مسلم لیگ (ن) کے ڈپٹی سیکرٹری جنرل عطاتارڑ نے شہزاد اکبر کو چیلنج دیا کہ کسی عدالت میں نہیں ٹاک شو پر ہی آکر ثابت کردیں کہ اسلام آباد ائیر پورٹ کے ٹھیکے کے پیسے چوہدری شوگر مل گئے تو میں ن لیگ کا دفاع کرنا چھوڑ دوں گا اور پارٹی سے استعفی دے دوں گا اور اگر نہ کرسکے تو شہزاد اکبر استعفی دیں

لاہور(ایمرا نیوز آن لائن) ضلعی انتظامیہ لاہور نے معروف ڈانسر ندا چوہدری کے بےہودہ ڈانس پرلاہور کے مشہور محفل تھیٹر کے خلاف کارروائی کرتے ہوئے اسُے سیل کردیا ہے،تھیٹر انتظامیہ پر قواعد و ضوابط کی خلاف ورزی کے الزامات بھی عائد کیے گئے ہیں۔
نجی ٹی وی کے مطابق ضلعی انتظامیہ کو شکایت موصول ہوئی کہ محفل تھیٹر میں سٹیج ڈرامےکےدوران قواعد وضوابط کی خلاف ورزی کی جارہی ہے،انتظامیہ نے جب تحقیق کی تو ڈرامہ ’یہ میرا دل ہے‘ میں معروف ڈانسر ندا چوہدری نےانتہائی بیہودہ ڈانس کیا تھا جس پر اے سی شالیمار نے فوری کارروائی کرتے ہوئے محفل تھیٹر کو سیل کردیا ہے جبکہ تھیٹر انتظامیہ سے قواعد وضوابط کی خلاف ورزی پر ضلعی انتظامیہ نے جواب طلبی بھی کی ہے۔ڈپٹی کمشنر لاہور دانش افضال کا اس سلسلے میں کہنا ہے کہ ضلعی انتظامیہ کسی بھی تھیٹر کو قواعد و ضوابط کی خلاف ورزی کرنے کی اجازت نہیں دے گی اور جو بھی ملوث پایا گیا اس کے خلاف کارروائی کی جائے گی

اسلام آباد(وقت نیوز آن لائن)کرونا وائرس سے بچنے کیلئے حکومتی اقدامات کا سلسلہ جاری ہے۔چین سے آنے والی تمام پروازوں کے پاکستان آنے پر پابندی عائد کردی ہے جبکہ کروناوائرس سے مشتبہ شخص کے علاج کیلئے ڈاکٹرز کو مخصوص لباس پہننے کی ہدایت کردی گئی۔
نجی ٹی وی کی رپورٹ کے مطابق حکومت نے کرونا وائرس کے علاج کیلئے مخصوص لباس خریدنے کیلئے مختلف کمپنیوں سے رابطہ کرلیا ہے۔ ایک لباس کی قیمت تین ہزار ڈالرز بتائی جاتی ہے جبکہ مخصوص لباس کو صرف ایک بار پہنا جاسکے گا۔قومی ادارہ برائے صحت نے ہدایت کی ہے کہ کوئی بھی ڈاکٹر بغیر خصوصی لباس کے کسی مریض کے قریب نہ جائے ۔
دوسری جانب حکومت نے ایک اور بڑا قدم اٹھاتے ہوئے چین سے آنے والی تمام پروازوں کا سلسلہ روک دیا۔ آئندہ احکامات تک چین سے کوئی پرواز پاکستان نہیں آئے گی۔قبل ازیں ایئرپورٹس پر سکریننگ سسٹم نصب کئے گئے ہیں جبکہ گزشتہ روز پنجاب حکومت نے صوبائی وزیر صحت کی زیر صدارت ایک کمیٹی قائم کی گئی ہے جو ہسپتالوں کی مانیٹرنگ کرے گی اور حفاظتی انتظامات کا جائزہ لے گی۔ یہ کمیٹی وفاق، عالمی ادارہ صحت اور دیگر عالمی اداروں سے روابط کی بھی مجاز ہوگی۔

وہان (وقت نیوز آن لائن) تبدیلی سرکار ایک مرتبہ پھر ناکام دکھائی دے رہی ہے اور کرونا وائرس پھیلنے کے خدشے کے پیش نظر چین میں پھنسے پاکستانیوں کو بھی واپس لانے سے گریزاں ہیں جس کی وجہ سے وہاں محصور پاکستانی طلبا برس پڑے ہیں جن کی نئی ویڈیو سامنے آگئی ہے ۔یہاں یہ امر بھی قابل ذکر ہے کہ کرونا وائرس کے خطرے کے پیش نظر پاکستان نے چین کیلئے فضائی آپریشن معطل کردیا ہے جبکہ وزیراعظم کے معاون خصوصی برائے صحت ڈاکٹر ظفر مرزا کا کہنا ہے کہ کرونا وائرس پھیلاو کے خدشے کے پیش نظر لوگوں کو چین سے نہیں نکال رہے ہیں۔