Tag hamza shahbaz

لاہور(عامر بٹ سے)اپوزیشن لیڈر پنجاب اسمبلی حمزہ شہباز کے پروڈکشن آرڈر جاری ۔اپوزیشن لیڈر پنجاب اسمبلی حمزہ شہباز کے پروڈکشن آرڈرسپرنٹنڈنٹ جیل کو موصول ہو گئے۔

حمزہ شہباز کے پروڈکشن آرڈرسپیکر پنجاب اسمبلی چوہدری پرویز الہی نے جاری کئے۔تفصیلات کے مطابق حمزہ شہباز کے پروڈکشن آرڈرسپیکر پنجاب اسمبلی کی جانب سے 23 جنوری کو اسمبلی کے 18 ویں سیشن کیلئے کئے گئے ہیں۔

سپرنٹنڈنٹ جیل کی جانب سے محکمہ داخلہ پنجاب کو بھی حمزہ شہباز کے پروڈکشن آرڈر کے بارے میں آگاہ کیا جائے گا۔23جنوری کو جیل حکام حمزہ شہباز کو پنجاب اسمبلی میں پیش کریں گے۔

لندن(ایمرا نیوز آن لائن) مسلم لیگ (ن) کے صدر اور قومی اسمبلی میں اپوزیشن رہنما شہباز شریف کا لندن میں صحافیوں سے سامنا ہوا تو انہوں نےکسی سوال کا جواب نہیں دیا اور وہ صحافیوں کے ہر سوال پر خاموش رہے اور چپ چاپ گاڑی میں بیٹھ کر روانہ ہوگئے۔

ذرائع کے مطابق شہباز شریف نے نواز شریف سے لندن میں ملاقات کی جو تقریباً ایک گھنٹے تک جاری رہی۔ملاقات کے بعد جب شہباز شریف سے صحافیوں نے سوالات کیے تو انہوں نے جواب دینے سے گریز کیا۔

ایک صحافی نے سوال کیا کہ آرمی ایکٹ پر تنقید ہو رہی ہے جس پر انہون نے جواب میں کہا کہ آپ بھی تنقید کریں اور گاڑی میں بیٹھ کر چلے گئے۔

لاہور(ایمرا نیوز آن لائن)مسلم لیگ ن کے رہنما اور ممبر قومی اسمبلی رانا ثناء اللہ کا کہنا ہے کہ ن لیگ اور پیپلز پارٹی نے دھرنے میں دل سے مولانا فضل الرحمان کا ساتھ نہیں دیا۔مسلم لیگ ن کے سینئر رہنما رانا ثنااللہ کا جیو پارلیمنٹ میں گفتگو کرتے ہوئے کہنا تھا کہ اینٹی نارکوٹکس فورس (اے این ایف) کا گرفتار کرنا بہت حیران کن واقعہ تھا۔انہونے نے بتایا کہ سابق ڈی جی ایف آئی اے بشیر میمن نے گرفتاری کا بتایا تھا، وزیراعظم میرا نام لے کر گرفتار کرنے کی ہدایات دیتے رہے، اس طرح گرفتاری سے لگا کہ ملک میں جنگل کا قانون ہے۔

ان کا کہنا تھا کہ معاملہ پارلیمان میں رکھوں گا، جوڈیشل یا پارلیمانی کمیشن نہ بنا تو عدالت سے رجوع کروں گا۔رانا ثناء اللہ نے بتایا کہ مسلم لیگ ن میں منحرف گروپ بنانے میں رکاوٹ بننے پر میرے خلاف کارروائی کی گئی۔سابق وزیر قانون پنجاب رانا ثناء اللہ کو رہا کر دیا گیا انسداد منشیات فورس نے ن لیگی رہنما رانا ثناء اللہ کو حراست میں لے لیا جیل میں گزرے ایام کے حوالے سے بات کرتے ہوئے رہنما ن لیگ نے کہا کہ جن حالات میں جیل میں رکھا کوئی اور ایسے نہیں رہ سکتا، فرش پر لیٹا، ساری رات بندہ سو نہیں سکتا تھا۔

ممبر قومی اسمبلی نے بتایا کہ آنکھ کے علاج پر کہا گیا ہدایت ہے کہ جیل اسپتال میں قدم بھی نہ رکھوں، نواز شریف اور شہباز شریف میرے اہل خانہ سے رابطے میں رہے۔جے یو آئی ف کے مارچ کے حوالے سے بات کرتے ہوئے رانا ثناء اللہ نے بتایا کہ مولانا نے یکطرفہ فیصلہ کیا لیکن بہت طاقتور احتجاج کیا، ن لیگ اور پیپلزپارٹی نے دل سے مولانا کا ساتھ نہیں دیا۔یاد رہے کہ اے این ایف نے رانا ثناءاللہ کو 2 جولائی 2019 کو فیصل آباد سے لاہور جاتے ہوئے گرفتار کیا تھا اور اے این ایف نے دعویٰ کیا تھا کہ رانا ثناء کی گاڑی سے بھاری مقدار میں منشیات برآمد کی گئی۔

رانا ثناء اللہ نے اپنی گرفتاری کے خلاف عدالت میں مقدمہ دائر کیا اور پھر 24 دسمبر کو لاہور ہائیکورٹ نے رانا ثناء اللہ کو ضمانت پر رہا کرنے کا حکم دیا، رانا ثناء اللہ کی جانب سے 10، 10 لاکھ روپے کے دو حفاظتی مچلکے جمع کرائے جانے کے بعد 26 دسمبر کو انہیں رہا کر دیا گیا۔انسداد منشیات فورس نے پاکستان مسلم لیگ کے رہنما رانا ثناء اللہ کی ضمانت پر رہائی کو افسوسناک قرار دیتے ہوئے سپریم کورٹ میں جانے کا اعلان کیا ہے۔

اسلام آباد(ایمرا نیوز آن لائن )سابق وزیراعظم نواز شریف کے بیٹے حسین نواز نے والد کو زہر دیئے جانے سے متعلق اپنے بیان کی وضاحت کر دی ہے۔حسین نواز نے گزشتہ ماہ اپنے ایک بیان میں نواز شریف کو زہر دیئے جانے کا خدشہ ظاہر کیا تھا۔

حسین نواز نے نواز شریف کو زہر دیے جانے کا خدشہ ظاہر کردیااب اپنے بیان کی وضاحت دیتے ہوئے حسین نواز کا کہنا ہے کہ والد کے پلیٹیلیٹس میں کمی کی وجہ سے سلو پوائزن کا خدشہ ظاہر کیا تھا، سلو پوائزن کے خدشے کی تحقیقات ہونی چاہیے۔حسین نواز نے مزید کہا کہ میں کوئی سیاسی بات نہیں کرنا چاہتا، سب سے اہم چیز والد کی صحتیابی ہے۔انہوں نے کہا کہ والد کو علاج کے لیے امریکا جانا چاہیے، ضرورت ہےکہ تمام بیماریوں کا ایک چھت تلے علاج ہو۔

فیصل آباد(ایمرا نیوز آن لائن نیوز) فیصل آباد کے محکمہ ایکسائز آفس میں کروڑوں روپے کی بے ضابطگیوں کے انکشافات سامنے آ گئے۔ ان بے ضابطگیوں کو چھپانے کیلئے درجنوں پراپرٹیز کو دو دو نمبر آلاٹ کردئیے گئے۔فیصل آباد کے محکمہ ایکسائز اینڈ ٹیکسیشن آفس کی پراپرٹی برانچ میں کروڑوں روپے کی بےضابطگیوں کے انکشافات سامنے آ گئے۔ ملازمین کی جانب سے بااثر سرمایہ کاروں کو نوازتے ہوئے مبینہ طور پر انکی پراپرٹریز کا ریکارڈ کم ظاہر کر کے ٹیکس میں کمی کر دی گئی جبکہ ریکارڈ کو ختم کرنے کیلئے ایک ہی پراپرٹی کو دو دو نمبرز بھی الاٹ کردئیے گئے۔ محکمہ ایکسائز کی بے ضابطگیوں پر عام شہری بھی حکام سے نالاں دکھائی دیتے ہیں۔

ملازمین کی جانب سے کی جانے والی بے ضابطگیوں کی دستاویزات بھی دنیا نیوز نے حاصل کر لیں۔ دستاویزات کے مطابق بے ضابطگیوں سے محکمہ کو 41 کروڑ روپے سے بھی زائد کے خسارے کا سامنا کرنا پڑا البتہ معاملے پر ڈائریکٹر ایکسائز احمد سعید کہتے ہیں کہ تحقیقات کرتے ہوئے ذمہ داران کے خلاف کاروائی عمل میں لائی جائے گی۔ذرائع کے مطابق بے ضابطگیوں کے مرتکب افسران اور ملازمین کے اثرورسوخ کی وجہ سے حکام انکے خلاف کارروائی سے بھی گریزاں ہیں۔

کراچی(ایمرا نیوز آن لائن) سابق وزیراعظم نوازشریف کا علاج کرنیوالے ڈاکٹر شمسی کا کہنا ہےکہ نواز شریف کی بیماری کی تشخیص ہوگئی جس کا نام اکیوٹ آئی ٹی پی ہے اور یہ بیماری عموماً چھوٹے بچوں کی ہوتی ہے ۔جیونیوز کے پروگرام ’نیا پاکستان شہزاد اقبال کے ساتھ: میں میزبان شہزاد اقبال سے گفتگو کرتے ہوئے مسلم لیگ (ن) کی ترجمان مریم اورنگزیب نے کہا کہ آزادی مارچ کیلئے ن لیگ کا پروگرام جاری رہے گا، نواز شریف کے ملک میں یا بیرون ملک علاج کی بحث قبل از وقت ہے۔انہوں نےکہا کہ امید ہے حکومت منگل کو اسلام آباد ہائیکورٹ میں بھی نواز شریف کی صحت سے متعلق اصل حقائق کے ساتھ عدالت کی مدد کرے گی، نواز شریف کا نام ای سی ایل میں ہے، انہیں علاج کیلئے فوری طور پر بیرون ملک جانے کی ضرورت پڑسکتی ہے،اسی تناظر میں شہباز شریف نے اپیل میں ملک اور بیرون ملک علاج دونوں آپشن رکھے ہیں۔

پروگرام میں گفتگو کرتے ہوئے نوازشریف کا علاج کرنے والے ڈاکٹر طاہر شمسی نے بتایا کہ نواز شریف کی بیماری کی تشخیص ہوگئی ہے جس کا نام اکیوٹ آئی ٹی پی ہے اور یہ عموماً چھوٹے بچوں کو ہوتی ہے لیکن بڑی عمر کے لوگوں کو بھی ہوجاتی ہے۔ان کا کہنا تھا کہ نوازشریف کو لاحق بیماری کی ریکوری دو قسم کی دواؤں سے ہوتی ہے، ایک اسٹیرائیڈز ہوتے ہیں جب کہ دوسرے آئی وی آئی جی کے نام سے انجکشنز ہوتے ہیں، یہ دوائیں ملنے کے بعد عمومی طور پر چار پانچ دن میں پلیٹ لیٹس کی ریکوری شروع ہوجاتی ہے۔پروگرام میں گفتگو کرتے ہوئے سینئر تجزیہ کار ارشاد بھٹی نے کہا کہ نواز شریف چوہدری شوگر ملز کیس میں جسمانی ریمانڈ میں ہیں لیکن انہیں ضمانت مل گئی، جسمانی ریمانڈ کے بعد عدالتی ریمانڈ ہوتا ہے اس کے بعد ضمانت ملتی ہے، عدالتیں بھی بڑی مہربان ہیں ریلیف پر ریلیف دے رہی ہیں۔

ارشاد بھٹی کا مزید کہنا تھا کہ پہلے عمران خان نے نواز شریف سے استعفیٰ مانگا اور اب مولانا فضل الرحمن جتھے لاکر وزیراعظم سے مستعفی ہونے کا مطالبہ کر رہے ہیں، یہ کوئی ملک ہے جہاں کوئی بھی جتھہ لاکر وزیراعظم سے استعفیٰ مانگنے لگ جاتا ہے، مولانا فضل الرحمن 15 لاکھ لوگ لاسکتے ہیں تو ان سے کشمیر آزاد کروالیں۔انہوں نے کہا کہ فضل الرحمن کا بیٹا اور پارٹی ارکان جس پارلیمنٹ میں بیٹھے ہیں اسے ہی جعلی کہہ رہے ہیں، یہ کیسا یزیدی نظام ہے جس میں فضل الرحمن صدر اور ان کا بیٹا ڈپٹی اسپیکر کا الیکشن لڑتا ہے، اپوزیشن کی رہبر کمیٹی میں یوسف رضا گیلانی بھی ہیں جو ترک خاتون اول کا ہار لے گئے تھے، اپوزیشن سے مذاکرات کرنے والے پرویز خٹک خیبرپختونخوا سے جتھے کے ساتھ اسلام آباد آئے تھے اب بھگتیں۔ارشاد بھٹی کا کہنا تھا کہ ہم سانحہ ماڈل ٹاؤن اور بلدیہ ٹاؤن فیکٹری کو رو رہے تھے کہ عمران خان کے دور میں سانحہ ساہیوال کے ملزم بری ہوگئے۔

اسلام آباد(ایمرا نیوز آن لائن)دفتر خارجہ میں شاہ محمود سے ملنے گئی تھی،حریم شاہ پاکستانی ٹک ٹاک اسٹار حریم شاہ کا کہنا ہے کہ مجھے وزیر خارجہ شاہ محمود قریشی سے ذاتی کام تھا اور اس لیے میں اُن سے ملنے دفتر خارجہ گئی تھی۔جیو نیوز کے مارننگ شو ’جیو پاکستان‘ میں حریم شاہ نے وائرل ہونے والی اپنی متنازع ویڈیو پر خاموشی توڑتے ہوئے پوری کہانی سنائی۔انہوں نے بتایا کہ ’میں نے دفتر خارجہ جانے کی کوئی درخواست نہیں دی، شناختی کارڈ چیک کر کے اندر جانے دیا گیا۔

ٹک ٹاک اسٹار سرکاری دفتر کیسے گئیں؟ تحقیقات شروع حریم شاہ نے کہا کہ اعلیٰ سرکاری دفتر کے سیکیورٹی افسر سے اجازت لینے کے بعد ہی اندر داخل ہوئی اور ویڈیو بنانے پر بھی مجھے کسی نے نہیں روکا۔ ان کا کہنا تھا کہ وہ پاکستان تحریک انصاف اور وزیراعظم عمران خان کی حمایتی ہیں اور پارٹی سے منسلک بھی ہیں۔ حریم شاہ نے بتایا کہ اس سے قبل وہ نوازشریف کے دور میں بھی میں وزیر اعظم آفس میں آتی جاتی تھیں۔

اسلام آباد (ایمرا نیوز آن لائن) وزیراعظم عمرا ن خان نے جمعہ کو علما سے ملاقات میں مولانا فضل الرحمن کے بارے میں لب و لہجہ تبدیل کا مطالبہ یکسر مسترد کردیا۔اس موقع پر انہوں نے یہ بھی واضح کردیا کہ مذہبی رہنماؤں سے اس ملاقات کا مقصد دھرنے کے خلاف ان کی حمایت کے حصول کی استدعا کرنا ہر گز نہیں ہے۔ مولانا سمیع الحق مرحوم کے صاحبزادے حامدالحق حقانی نے عمران خان کی خطیبانہ صلاحیتوں کو سراہا۔

اجلاس میں مفتی تقی عثمانی ، مفتی رفیع عثمانی اور حنیف جالندھری نہ آئے تاہم وزیر مذہبی امور نورالحق قادری نے کہا کہ ان کے انکار کی خبریں درست نہیں۔علماء کو بتایا گیاکہ دوست ملک نے اسرائیل سے تعلقات قائم کرنے کے بارے میں خواہش کا اظہار کیا ہے تاہم مسئلہ فلسطین کے حل تک اسرائیل کو تسلیم نہیں کیا جائے گا ۔مولانا فضل الرحمان نے اسلام کو نقصان پہنچایا ہے: وزیراعظم کا مؤقف گزشتہ جمعرات کو ایک تقریب میں خطاب کے موقع پر وزیراعظم کی جانب سے مولانا فضل الرحمن کے خلاف قابل اعتراض زبان کے استعمال پر حامدالحق نے کہا کہ وزیراعظم کو اپنے مخالفین کو نام دینے کی پالیسی سے اجتناب کرنا چاہئے جس پر انہوں نے 15، 20 منٹ کا لیکچر دے ڈالا۔

بتایا جاتا ہے کہ وزیراعظم نے فضل الرحمن کے بارے میں اپنا انداز گفتگو ترک کرنے سے انکار کردیا اور کہا کہ انہوں نے اسلام کو نقصان پہنچایا ہے، میں نے انہیں بیروزگار نہیں کیا،ووٹ نہ دینے پر وہ مجھے نہیں لوگوں کو الزام دیں۔کہا جاتا ہے کہ عمر ان خان نے کہا وہ کسی سے نہیں ڈرتے، علماء کو دھرنے کے خلاف حمایت کے حصول کے لئے نہیں بلکہ مدرسہ اصلاحات پر مشاورت کے لئے بلایا ہے۔ماحول کشیدہ ہونے پر نورالحق قادری نے گفتگو کا رخ موڑنے کی کوشش کی ماحول کشیدہ ہونے لگا تو وزیر مذہبی امور نورالحق قادری نے گفتگو کا رخ موڑنے کی کوشش کی۔ انہوں نے شرکا سے خوشگوار گفتگو کی استدعا کی۔

جب اس نمائندے نے اجلاس میں موجود فردوس عاشق اعوان اور شفقت محمود سے حکومتی موقف جاننے کی کوشش کی تووہ دستیاب نہیں ہوئے۔ مولانا کو روکنے کیلئے حکومت کی نئی حکمت عملی اس موقع پر مفتی منیب الرحمن، ظاہر اشرفی، قبلہ ایاز اور دیگر مذہبی رہنما بھی موجودتھے۔ یہ جمعرات کو ایک اجلاس کا فالو اپ تھا جس میں مفتی تقی عثمانی، مفتی رفیع عثمانی، حنیف جالندھری اور فضل الرحمن موجودتھے۔ تاہم وہ وزیراعظم کے ساتھ اجلاس میں شریک نہیں ہوئے۔

لاہور(ایمرا نیوز آن لائن )پنجاب اسمبلی کے اپوزیشن لیڈر حمزہ شہباز کا نیب کو تحقیقات میں تعاون سے صاف انکار، آمدن سے زائد اثاثہ جات، منی لانڈرنگ اور رمضان شوگر ملز میں لیگی رہنما نیب حکام کے سامنے ڈٹ گئے اور اپنے خلاف تمام تر الزامات کو جھوٹ کا پلندہ قرار دے دیا۔ ذرائع کے مطابق حمزہ شہباز کسی بھی سوال کا سیدھے منہ جواب نہیں دے رہے اور الزامات کی صحت جرم سے مکمل انکاری ہیں۔ ان کے عدم تعاون سے تحقیقات آگے بڑھانے میں مشکلات ہو رہی ہیں۔ نیب نے جب انہیں لاکھوں ڈالرز منتقل ہونے کی تفصیلات دکھائیں تو وہ غصے میں لال پیلے ہو گئے اور کہا مجھے نہیں معلوم سب سلمان شہباز کو پتہ ہے۔