Tag hamza shahbaz

خدشہ ہے کہ حمزہ شہباز ریکارڈ میں ردوبدل نہ کرلیں اسی لیے حمزہ شہباز سے تفتیش کی ضرورت ہے ،نیب
لاہور(ایمرا نیوز آن لائن) قومی احتساب بیورو (نیب )نے حمزہ شہباز شریف کے خلاف منی لانڈرنگ کیس کی چارج شیٹ تیار کرلی۔ نیب افسران اور نیب اسپیشل وکلاء کی ٹیم کا اہم اجلاس منعقد ہوا اس دوران ہائی کورٹ میں حمزہ شہباز شریف کیس سے متعلق اہم معاملات کا جائزہ لیا گیا۔نیب ذرائع کے مطابق نیب نے حمزہ شہباز شریف کے خلاف چارج شیٹ تیار کرلی جس میں کہا گیا ہے کہ حمزہ شہباز شریف منی لانڈرنگ میں ملوث ہیں ان کے اکاﺅنٹس میں جعلی اکاونٹس سے لاکھوں ڈالر منتقل ہوئے، حمزہ شہباز کے اثاثہ جات میں 200 فیصد تک اضافہ ہوا۔نیب ذرائع کا کہنا ہے کہ خدشہ ہے کہ حمزہ شہباز ریکارڈ میں ردوبدل نہ کرلیں اسی لیے حمزہ شہباز سے تفتیش کی ضرورت ہے جس کی وجہ سے گرفتاری انتہائی ضروری ہے۔…………..

لاہور(ایمرا نیوزآن لائن رپورٹ اظہر محمود سے) مسلم لیگ نون کے صدر میاں شہباز شریف کی لاہور کے علاقے ماڈل ٹاؤن میں واقع رہائش گاہ پر آج پھر نیب نے چھاپہ مارا ہے اس موقع پر ایڈیشنل ڈائریکٹر نیب چوہدری اصغر کا کہنا ہے کہ وہ حمزہ شہبازکو گرفتار کرنے آئے ہیں۔ایڈیشنل ڈائریکٹر نیب چوہدری اصغر نون لیگ کے وکیل عطاء تارڑ اور میڈیا سے گفتگو کر رہے تھے۔انہوں نے مزید کہا کہ ہمارے پاس حمزہ شہباز کی گرفتاری کے وارنٹ موجود ہیں،گرفتاری کے لیے ہمیں گھر کے اندر جانے دیا جائے۔واضح رہے کہ نیب کی ٹیم نے گزشتہ روز بھی شہباز شریف کی رہائش گاہ پر چھاپہ مارا تھا تاہم وہ کسی کو گرفتار نہیں کر سکی تھی۔آج نیب کی ٹیم تیاریوں کے ساتھ دوبارہ شہباز شریف کے گھر پہنچی ہے، اس کے ہمراہ پولیس اہلکار بڑی تعداد میں موجود ہیں جن میں خواتین اہلکار بھی کافی تعداد میں شامل ہیں۔نیب کی ٹیم اور پولیس اہلکاروں نے میاں شہباز شریف کی رہائش گاہ کو گھیرے میں لے رکھا ہے جبکہ وہاں مسلم لیگ نون کے کارکن بھی بڑی تعداد میں موجود ہیں۔

لاہور (ایمرا نیوز آن لائن) پنجاب اسمبلی میں قائد حزب اختلاف میاں حمزہ شہباز شریف کی صدر مصری شاہ لوہا مارکیٹ عامر صدیق چوہدری کے گھر آمد ان کے چھوٹے بھائی معروف صنعتکار چوہدری طاہر ولید کے انتقال پر اظہار تعزیت کرتے ہوئے کہا کہ اللہ تعالی مرحوم کو کروٹ کروٹ جنت نصیب فرمائے اور اہل خانہ کو یہ ناقابل تلافی نقصان برداشت کرنے کی ہمت دے۔

لاہور(نیٹ نیوز/ایمرا نیوز) لاہور ہائی کورٹ نے پنجاب اسمبلی میں قائد حزب اختلاف اور مسلم لیگ نون کے رہنما حمزہ شہباز کو 10 روز کے لیے بیرون ملک جانے کی اجازت دے دی۔لاہور ہائی کورٹ میںاپوزیشن لیڈر پنجاب اسمبلی حمزہ شہباز کی نام بلیک لسٹ میں ڈالنے کے خلاف درخواست پر جسٹس فرخ عرفان نے سماعت کی۔حمزہ شہباز نے اپنی درخواست میں مؤقف اختیار کیا ہے کہ نومبر میں برطانیہ جاتے وقت انہیں ایئرپورٹ پر پتہ چلا کہ ان کا نام بلیک لسٹ میں شامل ہے۔انہوں نے مزید کہا کہ آئین کے تحت آزادانہ نقل و حرکت بنیادی حق ہے، وزارت داخلہ کو بلاجواز کسی پاکستانی کی نقل و حرکت روکنے کا اختیار نہیں، نیب کی تمام انکوائریز میں باقاعدگی سے شامل تفتیش ہو رہا ہوں۔حمزہ شہبازنے استدعا کی ہے کہ وزارت داخلہ نے نیب انکوائریز کی بنیاد پر نام بلیک لسٹ میں ڈالا ہے، لاہور ہائی کورٹ وزارت داخلہ کو نام بلیک لسٹ سے نکالنے کا حکم دے۔لاہور ہائی کورٹ نے اس حوالے سے وفاقی حکومت سے 15 روز میں جواب بھی طلب کر لیا۔عدالت نے حمزہ شہباز کے وکیل سے سوال کیا کہ کیا حمزہ شہباز پاکستان مخالف سرگرمیوں میں ملوث ہیں؟وکیل نے عدالت کو جواب دیا کہ حمزہ شہباز محب وطن شہری ہیں اور انہوں نے پرویز مشرف کے دور میں ملک نہیں چھوڑا تھا۔عدالت عالیہ نے ایڈیشنل اٹارنی جنرل سے سوال کیا کہ شریف آدمی کا نام ای سی ایل میں کیوں ڈالا ہے؟ایڈیشنل اٹارنی جنرل نے جواب دیا کہ لاہور ہائی کورٹ کو حمزہ شہباز کی درخواست پر سماعت کا اختیار نہیں ہے۔جسٹس فرخ عرفان نے اپنے ریمارکس میں کہا کہ یہ قانون کی عدالت ہےجو سب کے لیے برابر ہے، ہم اس ملک کو بنانا ریپبلک نہیں بننے دیں گے۔

لاہور(نیٹ نیوز/ایمرا نیوز) پنجاب اسمبلی میں اپوزیشن لیڈر حمزہ شہباز نے واضح کیا کہ ان کا حکومت گرانے کاکوئی ارادہ نہیں،ان کا کہناہے کہ یہ اپنے جھوٹ کے بوجھ تلےخود گریں گے۔مسلم لیگ ن کے رہنما حمزہ شہبازحکومت پر برس پڑے، انہوں نےپنجاب اسمبلی کے باہر میڈیا سے گفتگو کرتے ہوئے کہا کہ ایٹمی طاقت کو بھکاری کے طور پر پیش کیا جارہا ہے،ہم گئے تو زرمبادلہ ذخائر 23ارب ڈالر تھے، آج 12ارب ڈالر ہیں۔انہوں نے کہا کہ رزاق داؤد کو ٹھیکہ دیا جا رہا ہے،میٹرو کو بند کرنے کا سوچا جا رہا ہے،اب تک حکومت کی بدتمیزی کا نشانہ اپوزیشن تھی اب صحافیوں پربھی اس بدتمیزی کی بجلی گررہی ہے۔انہوں نے مزید کہا کہ آج پاکستان کی معاشی صورتحال پرتشویش ہے،ڈالر کی اچھل کود سب دیکھ رہے ہیں،دنیا کی تین بہترین سروے کمپنیوں میں سے ایک نےپاکستان کی ریٹنگ کم کردی ہے،آج پاکستان کی معیشت وینٹیلیٹر پرہے،قوم سکتے میں ہے۔اسٹاک مارکیٹ دنیا کی پانچ خراب مارکیٹس میں شمار کی جارہی ہے۔حمزہ شہباز نے کہا کہ بارہ بارہ گھنٹے کی لوڈشیڈنگ پھرواپس آگئی ہے، پاکستان قوم سردی کے موسم میں 12،12 گھنٹے لوڈشیڈنگ کا سامنا کررہے ہیں،آٹوموبیل انڈسٹری کے بارہ ہزارملازمین بے روزگارہوگئےپچاس لاکھ گھردینے کاوعدہ کرنےوالوں نےعوام کے سر سےچھت چھین لی۔اپوزیشن لیڈر نے کہا کہ وزیرموصوف کہتےہیں کہ نیب وزیراعظم کے توہین کررہی ہے،نیب جواب دیگی تو پتہ چلے گا کہ یہ نیا پاکستان ہے،نیازی صاحب ہمت ہے توجے آئی ٹی بناؤ،کہاں گئے وہ جنوبی پنجاب کا نعرہ لگانےوالے،کہاں ہیں عمران نیازی،یہ صرف ڈھکوسلے کررہے ہیں،یہ مستقبل میں بھی جنوبی پنجاب صوبہ نہیں بنائیں گے۔انہوں نے کہا کہ چین کے لوگ دیکھتے ہیں کہ یہاں کا وزیرموصوف اورنج لائن منصوبے کوسفید ہاتھی کہہ رہا ہے،بیس ارکان کی کابینہ کا دعوٰی کرنےوالوں نے تینتالیس ارکان رکھے ہوئے ہیں،اس حکومت نے قوم کو نوٹیفکیشن میں پھنسایا ہوا ہے،خان صاحب آپ کونسے پاکستان کی بات کرتے ہیں جہاں دہرے معیار ہیں۔

لاہور(نیٹ نیوز/ایمرا نیوز) پنجاب اسمبلی میں اپوزیشن لیڈر حمزہ شہباز شریف نے کہا ہے کہ مجھے نیازی صاحب پر ترس آتا ہےوہ دن رات بغض اور حسد کی آگ میں جل رہے ہیں، مجھے روک کر اگر بغض اور حسد ختم ہوتا ہے تو کریں، لیکن عوام کے مسئلے حل کریں۔رہنمامسلم لیگ (ن)حمزہ شہباز نے لاہور میں میڈیاسےگفتگو کرتے ہوئے کہا کہ مجھے ایئرپورٹ پر روکا گیا اور کہا گیا کہ اوپر سے حکم ہے آپ نہیں جاسکتے ،احتساب کے نام پر عمران خان سیاسی انتقام لے رہے ہیں۔مشرف دور میں بھی مجھے شہر سے باہر جانے سے روکا جاتاتھا،میرا پیچھا کیاجاتا تھا۔انہوں نے کہا کہ شہبازشریف نے پہلے ہی کہہ دیا تھا کہ ملکی مسائل پر حکومت سے تعاون کریں گے،ہم احتساب کےحق میں ہیں، جس نےملک کا پیسا لوٹا اس کیخلاف کارروائی ہونی چاہیے،خواجہ سلمان رفیق محنتی انسان ہیں ان کے پروڈکشن آرڈر فوری جاری کرنے چاہئیں۔بتایا گیا کہ تین صوبائی اسمبلی میں پروڈکشن آرڈر کےرولز ہیں پنجاب میں نہیں۔اگر پنجاب اسمبلی میں پروڈکشن آرڈرکےرولز نہیں تو بننے چاہئیں۔تجاوزات کے حوالے سے بات کرتے ہوئےانہوں نے کہا کہ بنی گالہ میں تجاوزات کےخلاف اب تک کوئی کارروائی نہ کی جاسکی، اوکاڑہ میں ایک شخص کا گھر گرایا گیا اس کو دل کا دورہ پڑا اور انتقال کرگیا،کراچی میں تحریک انصاف کےلوگ کہتے ہیں کہ غلطی ہوئی لوگوں کےگھر اور ٹھیلے گرادیے، غریبوں کے گھروں پر بلڈوزر چلائے،بنی گالا میں تجاوزات کے خلاف کوئی کارروائی نہیں ہوئی۔حمزہ شہباز نے کہا کہ جب طالب علم تھا تو بے نظیر بھٹو کے دور میں 6 ماہ جیل کاٹی ،جب عدالت میں پیش ہوا تو جج نے کہا یہ انڈر ایج ہیں ان پر کیس بنتا ہی نہیں۔

لاہور(نیٹ نیوز/ایمرا نیوز) وفاقی تحقیقاتی ادارے(ایف آئی اے) نےاپوزیشن لیڈرپنجاب حمزہ شہباز کو لندن جانےسےروک دیا۔ذرائع کے مطابق حمزہ شہبازاپنے بھائی سے ملنےنجی ایئرلائن کی پرواز سے لندن جارہےتھے کہ ایف آئی نے بروقت پہنچ کر انہیں جانے سے روک دیا۔اس موقع پرحمزہ شہباز کا کہنا تھا کہ امیگریشن کاؤنٹر پر پہنچا تو بتایا گیا کہ میرا نام بلیک لسٹ میں ہے۔انہوں نے ایف آئی اے کو بتایا کہ نیب میں چلنے والی انکوائری میں مطلوب نہیں ہوں۔واضح رہے کہ نیب حمزہ شہباز کے خلاف آمدن سے زائد اثاثوں کے کیس کی تحقیقات کر رہا ہے، جس میں گرفتاری سے بچنے کے لیے انہوں نے حفاظتی ضمانت حاصل کر رکھی ہے۔