Tag health

لاہور(ایمرا نیوزآن لائن) سینڈفلائی کے کاٹنے سے پھیلنے والی بیماری لشمینیا کی روک تھام کیلئے ڈائریکٹر جنرل ہیلتھ سروسز اور عالمی ادارہ صحت کے تعاون سے پنجاب میں اقدامات شروع کر دیئے گئے ہیں۔ اس سلسلہ میں صوبے کے حساس اضلاع کے اینٹامالوجسٹ اور متعدی امراض کے ماہرین کی انسٹی ٹیوٹ آف پبلک ہیلتھ میں تربیتی ورکشاپ کا اہتمام کیاگیا جس میں چکوال، خوشاب، میانوالی، ملتان، جہلم، جھنگ، منڈی بہائوالدین اور لاہور کے اینٹامالوجسٹ کے علاوہ ڈین پی ایچ ڈاکٹر زرفشاں طاہر، عالمی ادارہ صحت کے ڈاکٹر عرفان ، کنسلٹنٹ ڈاکٹر عبدالباسط، ڈاکٹر منیر اور ڈائریکٹر سی ڈی سی ڈاکٹر شہناز نعیم نے بھی شرکت کی۔
ڈین انسٹی ٹیوٹ آف پبلک ہیلتھ نے کہاکہ لشمینیا کا آئوٹ بریک بلوچستان میں ہوا تھا جبکہ پنجاب کے کچھ اضلاع بھی اس بیماری حساس قرار دیئے گئے ہیں۔
پنجاب میں اس بیماری کی روک تھام کیلئے اقدامات شروع کر دیئے گئے ہیں اور اینٹامالوجسٹ کی ورکشاپ اسی سلسلہ کی کڑی ہے۔ انہوں نے بتایاکہ اس مکھی کے کاٹنے سے جلد پر زخم ہوجاتا ہے جو مناسب علاج نہ ہونے سے پھیلتا ہے اور اگر یہ وائرس خون میں شامل ہوجائے تو جگر اور تلی کو بھی متاثر کرتا ہے۔
ڈاکٹر زرفشاں کا کہنا تھا کہ تربیتی ورکشاپ میں اینٹامالوجسٹ کو سینڈفلائی ختم کرنے کیلئے سپرے، ریسرچ کیلئے سینڈفلائی کو پکڑنے اور بیماری بچائو کیلئے عوام میں آگاہی کے بارے ڈبلیو ایچ او کے ایکشن پلان کے مطابق ٹریننگ دی جائے گی۔ اس موقع پر ڈائریکٹر سی ڈی سی ڈاکٹر شہناز نعیم کاکہنا تھا کہ اس بیماری کے بلوچستان میں کافی کیس رپورٹ ہوئے ہیںاور محکمہ صحت پنجاب اور پی ایچ لاہور بلوچستان کے ماہرین کو بھی تربیت فراہم کرنے کیلئے تیار ہے۔ ڈین پی ایچ ڈاکٹر زرفشاں کا کہنا تھا کہ انسٹی ٹیوٹ آف پبلک ہیلتھ بیماریوں کی روک تھام اور آگاہی پیدا کرنے کیلئے مؤثر کردار ادا کرے گا۔

لاہور(ایمرا نیوزآن لائن) پنجاب یونیورسٹی انسٹی ٹیوٹ آف سوشل اینڈ کلچرل سٹڈیز کی ڈائریکٹر پروفیسر ڈاکٹر روبینہ ذاکر نے کہا ہے کہ کم عمری میں ہونے والی شادیوں کی روک تھام سے خواتین میں سرویکل کینسر کی بڑھتی شرح پر قابو پایا جاسکتا ہے. انہوں نے کہا کہ روزانہ 20 خواتین میں سرویکل کینسر ڈائیگناز ہورہا ہے. وہ نیو کیمپس میں منعقدہ پاکستان میں سرویکل کینسر کی روک تھام سے متعلق آگاہی سیمینار سے خطاب کررہی تھیں. سیمینار میں مختلف این جی اوز کے نمائندوں ، اساتذہ اور طالبات نے شرکت کی. سیمینار سے خطاب کرتے ہوئے ڈاکٹر روبینہ ذاکر نے خواتین میں سرویکل کینسر کی سکریننگ اور حفاظتی اقدامات کی اہمیت پر تفصیلی بریفنگ دی. انہوں نے کہا کہ سرویکل کینسر سے بچنے کے لئے ہمیں کم عمری کی شادی ،سگریٹ نوشی جیسے رسک فیکٹرز پر قابو پانا ہوگا اور صحت مند طرز زندگی اپنانا ہوگا.انہوں نے کہا کہ حفاظتی تدابیر اختیار کرنے سے سرویکل کینسر سے ہونے والی اموات پر بھی کنٹرول کیا جاسکتا ہے.

لاہور(ایمرا نیوزآن لائن)پنجاب ہیلتھ کیئر کمیشن نے گزشتہ روز کیٹگری ون کے 29 ہسپتالوں کی فراہمی صحت کے کم سے کم معیارات پر تین روزہ تربیت مکمل کردی ۔زیر تربیت معالجین اور شعبہ صحت کے ماہرین کیٹگری ون کے سرکاری و نجی ہسپتالوں میں فرائض انجام دے رہے ہیں۔ انھیں مریضوں کی متعلقہ سہولتوں اور شعبوں تک دسترس، تشخیص کی سہولیات اور دیکھ بھال کی تربیت دی گئی۔

اوپی ڈی بند ، آپریشن بھی نہیں کیے جارہے ، مطالبات منظور ہونے تک احتجاج جاری رہے گا، ینگ ڈاکٹر ز کا اعلان
کراچی(ایمرا نیوز آن لائن)سرکاری اسپتالوں میں ینگ ڈاکٹرز کی ہڑتال کے باعث مریض رل گئے، اوپی ڈی بند ہیں جبکہ آپریشن بھی نہیں کیے جارہے ہیں ، مطالبات منظور ہونے تک احتجاج جاری رکھنے کا اعلان کردیا گیا ، ینگ ڈاکٹروں کا کہنا ہے کہ وزیر اعلیٰ سندھ کا ڈاکٹرز کی تنخواہوں سے متعلق بیان لالی پاپ دینے کے مترادف ہے ، تفصیلات کے مطابق اپنے مطالبات کے حق میں احتجاج کرنے والے ینگ ڈاکٹرز اپنے موقف پر ڈٹ گئے ان کا کہنا ہے کہ حکومت کی جانب سے تنخواہوں اور الاؤنسز میں اضافے کا نوٹیفکیشن جاری نہیں کیا گیا تو بدھ سے احتجاج کریں ، ینگ ڈاکٹرز ایسوسی ایشن سندھ نے اعلان کیا کہ سندھ بھر کے اسپتالوں میں بدھ کی صبح اوپی ڈی بند کردی گئیں اور معمول کے آپریشن بھی ملتوی کردیے گئے ہیں،ڈاکٹرز کا کہنا ہے کہ اوپی ڈی شٹ ڈاؤن کی ذمہ دار سندھ حکومت ہے ، ینگ ڈاکٹرز عہدیداروں کا کہنا ہے کہ ہمارا مطالبہ ہے کہ تنخواہیں پنجاب کے ڈاکٹروں کے برابر کی جائیں وزیر اعلیٰ سندھ نے 30 جنوری کو ہونے والے مذاکرات میں تنخواہوں میں اضافے کا عندیہ دیا تھا لیکن سمری اب تک وزیر اعلیٰ ہاؤس میں موجود ہے جس پر عملدرآمد میں تاخیر کی وجہ نہیں بتائی جارہی ہے انہوں نے کہا کہ جب تک تنخواہوں میں اضافہ نہیں ہوگا احتجاج جاری رکھا جائے گا ، ڈاکٹروں کے اعلان کے بعد سرکاری اسپتالوں میں کام بند ہے جبکہ ایمرجنسی میں مریضوں کو دیکھا جارہا ہے ۔

لاہور(ایمرا نیوزآن لائن) نیا سال شروع ہوتے ہی جہاں ہر کوئی خوش ہوتا ہے وہیں نیا سال بہت سے چیلنجز اور مشکلات بھی لے کر آتا ہے. عالمی دارہ صحت نے کہا ہے 2019 میں دنیا کو صحت کے حوالے سے چیلنجز درپیش ہیں.
ان چیلنجز میں سے کچھ چیلنجز درج ذیل ہیں:
https://emra.tv/2019/01/25/ذیشان-کے-اہلخانہ…لکت-سے-ملاقات-کی/
1: فضائی آلودگی کا چیلنج: فضائی آلودگی دنیا کے بڑے مسائل میں سے ایک بڑا مسئلہ ہے اس کی وجہ سے ہر سال ہزاروں کی تعداد میں لوگ اپنی جان کھو دیتے ہیں، فضائی آلودگی کی وجہ سے لوگوں کو سانس لینے میں مشکلات کا سامنا ہوتا ہے جس کی وجہ سے ان کی جان بھی چلی جاتی ہے. اگر فضائی آلودگی کے چیلنج کو کنٹرول نہ کیا گیا تو 2019 میں اس کی وجہ سے 70 لاکھ افراد ہلاک ہوسکتے ہیں.
https://emra.tv/2019/01/25/نیول-چیف-کی-اُرد…-ایئر-فورس-سربرا/
2: ذیابیطس،کینسر: یہ دونوں بیماریاں دنیا کی خطرناک بیماریوں میں سے ایک ہیں، ان بیماریوں کی وجہ سے ہر سال لاکھوں کی تعداد میں لوگ ہلاک ہوجاتے ہیں. 2019 میں بھی دنیا کو ان خطرناک بیماریوں کا چیلنج درپیش ہو گا.
3: ڈینگی اور ایڈز : یہ دونوں خطرناک بیماریاں اس سال بھی لوگوں میں خوف کا سبب بنی رہیں گی. لوگوں کی جانوں کو ان دونوں بیماریوں سے کافی خطرہ ہے، اور بڑی تعداد میں ان بیماریوں سے لوگوں کی جان جا سکتی ہیں.
4: ویکسین نہ لینا: ویکسین نہ لینے سے لوگوں کی جان کو بڑا خطرہ لاحق ہے، اس کی وجہ سے لاکھوں کی تعداد میں لوگوں کی اموات ہوسکتی ہیں.

لاہور(ایمرا نیوزآن لائن) آج کل لوگوں میں بہت سی بیماریاں پیدا ہورہی ہیں، خاص طور پر شوگر اور دل کی بیماریوں کا شکار ہورہے ہیں. بہت کم عمر کے لوگ بھی ان خطرناک بیماریوں کا شکار ہورہے ہیں لیکن ان بیماریوں سے بچنے کے لیے ایک ایسی تحقیق سامنے آگئی ہے کہ جان کر آپ بھی حیران رہ جائیں گے، اس تحقیق کے مطابق لوگوں کو زیادہ سے زیادہ کالے چاول کھانے چاہیے،کالے چاول بھی چاولوں کی ایک قسم ہے بہت کم لوگ اس کے بارے میں جانتے ہیں.اس میں آئرن، وٹامن ای اور اینٹی آکسائڈنٹ کثیر تعداد میں پائی جاتی ہے.
https://emra.tv/2019/01/24/سانحہ-ساہیوال-،ج…ٹی-ارکان-4-فروری/
ان چاولوں کے استعمال سے شوگر اور دل کی بیماریوں سے بچا جاسکتا ہے. پاکستان میں بہت سے لوگ سفید چاول بہت شوق سے کھاتے ہیں لیکن اس کے زیادہ استعمال سے وہ بہت سی بیماریوں کا شکار ہوجاتے ہیں جیسا کہ موٹاپا اور بہت سی بیماریاں. لیکن کاے چاول انسان کی صحت کے حوالے سے بہت اچھے ہیں. ان میں فائبر کی بڑی تعداد موجود ہے.اب آپ یہ سوال پوچھ رہے ہوں گے کہ یہ چاول کہاں پائے جاتے ہیں تو ہم آپ کو بتاتے ہیں کہ یہ چاول انڈونیشیا، تھائی لینڈ اور بھارت وغیرہ میں بڑی تعداد میں پائے جاتے ہیں.

لاہور(نیٹ نیوز/ایمرا نیوز) آج کل ایروبک ایکسرسائز عورتوں میں کافی مقبول ہیں۔ یہ ورزشیں صرف ہاضمہ درست کرنے میں مددگار ثابت نہیں ہوتیں بلکہ بہت سے ایسے فوائد بھی دیتی ہیں، جس سے طویل عمر پانے اور خوشگوار زندگی گزارنے میں مدد ملتی ہے۔ اگر ہاضمہ درست رہے، موٹاپا نہ آئے، پٹھے ٹھیک کام کریں اور ذہنی تناؤ وغیرہ نہ ہو تو زندگی ویسے ہی حسین لگتی ہے۔ضروری نہیں کہ ایکسر سائز صرف موٹاپا کم کرنے کے لیے ہی کی جائے، اگر آپ اسمارٹ ہیں تو بھی روزانہ کم ازکم آدھا گھنٹہ ایکسرسائز ضرور کریں تاکہ وزن بڑھنے نہ پائے اور آپ کی ”فٹنس“ بر قرار رہے۔

ویسے بھی ایکسرسائز کرنے والے بہت سی بیماریوں سے محفوظ رہتے ہیں، خاص طور پر یوگا میں تو مکمل میڈیکیشن (Medication) موجود ہے۔ ایکسرسائز کرتے وقت جب آپ ناک سے سانس لے کر منہ کے ذریعے باہر نکالتی ہیں یعنیExhaleکرتی ہیں تو یہ عمل خون کی صفائی میں مدد کرتا ہے اور گردوں کے ذریعے زہریلے مادوں کا اخراج ہوتا ہے۔ دیکھا جائے تو یوگا اور ایروبکس وغیرہ کسی ”میڈیکل ٹریٹمنٹ“ سے کم نہیں۔ وہ تمام ورزشیں جو فرش پر بیٹھ کر یا لیٹ کر کی جاتی ہیں، جسم کے نچلے حصے مثلاً پیٹ، تھائیز (ران) وغیرہ کو شیپ میں لانے کیلئے اور کیلوریز کم کرنے میں معاون ہوتی ہیں اورجو ورزشیں کھڑے ہو کرکی جاتی ہیں وہ کندھوں ، بازوؤں اور کمر کے لئے بہترین ہوتی ہیں۔ ایروبکس میں زُمباایروبکس (Zumba Aerobics) ایک نئی چیز ہے، جو ڈانس کے اسٹیپس (Steps) پر مبنی ہے۔ بہت تیزی سے کی جانے والی ”زُمباایروبکس“ خاص طور پر پیٹ اور تھائز کے لیے ہے۔ اس ایکسرسائز کے کرنے سے چونکہ کیلوریز فوری طور پر استعمال (Burn) ہو جاتی ہیں، اس لئے وزن بھی تیزی سے کم ہوتا ہے۔ورزش صرف عضلات کو مضبوط بنانے اور امراض قلب سے محفوظ رکھنے کاکام ہی نہیں کرتی بلکہ سائنس یہ بھی بتاتی ہے کہ اس سے دماغی قوت میں بھی اضافہ ہوتا ہے۔ ورزش کے حوالے سے ایک نئی سائنسی تحقیق نے مختلف اعصابی امراض مثلاً الزائمر سے نمٹنے کی امید بھی پیدا کردی ہے۔ چارلس بلمین ایک نیورو سائنٹسٹ ہیں، انھوں نے اپنے تجربے سے ثابت کیا ہے کہ ورزش نہ صرف عضلات بلکہ دماغ کے لیے بھی مفید ہے۔ انھوں نے اسکول کے259طلباء کو ایک تجربے سے گزارا، ان کا ’باڈی ماس انڈیکس‘ معلوم کیا اور پھر روزمرہ کی ورزشیں شروع کرادیں۔ ان ورزشوں میں بہت سی ایروبک ایکسرسائز بھی شامل تھیں۔ دیکھا یہ گیا کہ جو بچے جسمانی طور پر سب سے زیادہ فٹ تھے ان کے دماغ بھی سب سے زیادہ اچھے تھے۔ اس تحقیق میں سماجی اور اقتصادی عوامل کو بھی پیش نظر رکھا گیا۔ بلمین کا کہنا ہے کہ غالباً صرف سخت ورزش نے ہی طالب علموں کی ذہنی صلاحیت کو بڑھا دیا۔ حالیہ دنوں کے دوران سائنس نے یہ بتایا ہے کہ ورزش لوگوں کو زیادہ اسمارٹ بنادیتی ہے۔آئیں کچھ ایروبک ایکسرسائز کے بارے میں جانتے ہیں کہ کون سی ایکسرسائز آپ کے لیے مفید ثابت ہوسکتی ہے۔

لاہور(نیٹ نیوز/ایمرا نیوز)
ہرے پتوں والی سبزیاں

غذاؤں میں موجود پوٹاشیم گردوں سے یورین کے ذریعے سوڈیم کی زیادہ مقدار خارج کرنے میں مددگارہوتا ہے جبکہ یہ عمل بلڈ پریشر کم کرتا ہے۔ہرے پتوں والی سبزیوں میں پوٹاشیم کی بڑی مقدار موجود ہوتی ہے۔ ان سبزیوں میں پالک اور گوبھی سمیت دیگر سبز پتوں والی سبزیاں شامل میں، جن میں نائٹریٹ مرکبات موجود ہوتے ہیں۔ دن میں ایک سے دوبار ان کا استعمال بلڈ پریشر کے مریضوں کے لیے فائدہ مند ہے۔

لہسن :

لہسن ہر گھر میں موجود ہوتا ہے اور اس کا استعمال نہ صرف کھانوں میں ذائقہ لانے کے لیے بلکہ بلڈ پریشر کے مریضوں کے لیے بھی مفید ہے، اسےکئی کھانوں میں ملاکر کھایا جاسکتا ہے۔ لہسن جسم میں نائٹرک آکسائیڈ کی سطح کو بڑھاتا ہےجبکہ اس میں موجود ایک اہم مرکب ’ایلیسین‘ دل کی رگوں کو معمول پر رکھتا ہے اور بلڈ پریشر کو بڑھنے نہیں دیتا۔

چقندر:

بلڈ پریشر کے مریضوں کے لیے چقندر کا استعمال فائدہ مند ہے۔چقندر میں پائے جانے والے فائبر،وٹامنز اور معدنیات ہائی بلڈ پریشر کے علاوہ دل کی کئی بیماریوں کے خلاف مزاحمت کرتے ہیں۔

گاجر:

ماہرین کے مطابق گاجر کھانا آنکھوں کے علاوہ بلڈ پریشر کے لیے بھی مفید ہے۔ یہی نہیں، گاجر میں موجود وٹامن سی اور میگنیشیم ہائپر ٹینشن کے خطرات کو کم کرتا ہے۔

کیلا:

کیلے میں موجود پوٹاشیم کی بڑی مقدار بلڈ پریشر کنٹرول کرتی ہے۔ اس میں سوڈیم (نمکیات) کی مقدار بھی کم ہوتی ہے، جس کے باعث ہائی بلڈپریشر کے شکار افراد کے لیےکیلا ایک بہترین پھل یا غذا بناتا ہے۔

تربوز:

امریکن ہائیپر ٹینشن میں شائع شدہ تحقیقی نتائج کے مطابق تربوز دل کی صحت کیلئے بے حد مفید ہے اور سرد موسم میں بھی دل کے مسائل کے خطرے کو کم کر تا ہے۔ اس کا استعمال ہائی بلڈ پریشر میں کمی لاتا ہے، خاص طور پر امراض قلب کے شکارفربہ جسم والے افراد کیلئے تربوزبے حد مفید ہے۔

اسٹرابیری اور بلیو بیریز:

امریکا میں بلڈ پریشر کےمریضوں پر کی گئی ایک تحقیق کے مطابق اسٹرابیری اور بلیو بیری کا استعمال ہائی بلڈ پریشر کا خطرہ 8فیصد تک کم کرتا ہے۔ اسٹرابیری میں پوٹاشیم کی بھی کافی مقدار ہوتی ہے، جو بلڈ پریشر کو کنٹرول رکھنے کیلئے اہم جزو ہے۔ تحقیق کے مطابق اسٹرابیری میں شامل اینٹی آکسیڈنٹ خون کی شریانوں کو کھولنے میں مدد فراہم کر تا ہے، جو دوران خون کو معمول پر رکھ کر ہائی بلڈ پریشر کا خطرہ کم کر سکتا ہے۔

نارنگی:

سردیاں کچھ ماہ کی دوری پر ہیں اور نارنگی سردیوں کا ایک خاص پھل ہے، جس کا استعمال بلڈ پریشر کنٹرول کرنے اور قوت مدافعت بڑھانے میں مددگار ہے۔

کوئٹہ(نیٹ نیوز/ایمرا نیوز) کوئٹہ میں سینئرنیورو سرجن ابراہیم خلیل کےاغوا ہوجانے کے سبب بلوچستان میں صحت عامہ کی صورتحال شدید خراب ہوگئی ہے، اُن کی عدم بازیابی کےخلاف شہر کےتمام سرکاری اسپتالوں کی اوپی ڈیز بند اور ڈاکٹرز احتجاج پر ہیں۔ذرائع کے مطابق کوئٹہ میں سینئرنیورو سرجن ابراہیم خلیل کےاغوا کو ایک ماہ سےزائد عرصہ گزرگیاہے اور اُن کی عدم بازیابی کےخلاف ڈاکٹرزایکشن کمیٹی کی کال پر شہر کےتمام 7سرکاری اسپتالوں کی اوپی ڈیز بند ہیں اور ڈاکٹراحتجاج پر ہیں۔ڈاکٹرز رہنماوں کاکہنا ہے کہ سینئرڈاکٹر کی ایک ماہ بعد بھی عدم بازیابی متعلقہ اداروں کی کارکردگی پرسوالیہ نشان ہےاور وہ اس کےخلاف انتہائی قدم اٹھانے پر غور کررہےہیں۔انہوں نے مزید کہا کہ ڈاکٹروں کاصبر جواب دے چکا ہے، ہم پر ڈاکٹروں کابہت پریشر ہے کہ وہ انتہائی قدم اٹھائیںاور نا صرف سرکاری اسپتال بلکہ پرائیویٹ اورنجی اسپتال اور ایمرجینسی بھی بند کردی گئی ہیں۔ 35دن ہوگئے حکومت اور سکیورٹی اداروں کی بےحسی ہےکہ اب تک ان کی کوئی خبر نہیں ہے۔دوسری جانب سرکاری اسپتالوں میں علاج کےلیے آنے والے غریب مریضوں کو شدید پریشانی اور مشکلات کاسامنا ہے، او پی ڈیز بند ہونے سے شعبہ حادثات میں رش میں اضافہ ہوگیاہے۔متعلقہ حکام کا کہناہے کہ مغوی نیورسرجن کی بازیابی کے سلسلے میں کوئی خاطر خواہ پیشرفت نہیں ہوسکی، تاہم اس سلسلے میں کوششیں جاری ہیں۔

لاہور(نیٹ نیوز/ایمرا نیوز) محکمہ صحت پنجاب نے امراض قلب کے انجیو پلاسٹی کروانے والے مریضوں کے لیے اسٹنٹس کی قیمت مقرر کر دی ہے۔محکمہ صحت پنجاب کی جانب سے مقرر کی گئی اسٹنٹ کی نئی قیمت کے مطابق ڈرگ اسٹنٹ ساڑھے 30ہزار اور بیئر میٹل اسٹنٹ 13 ہزار250 روپے میں دستیاب ہو گا۔محکمہ صحت پنجاب کا کہنا ہے کہ سینٹرل پرچیز کمیٹی کی نگرانی میں اسٹنٹس کی بڈنگ کی گئی ہے۔واضح رہے کہ امراض قلب کے مریضوں میں انجیو پلاسٹی نامی آپریشن کے دوران اسٹنٹ ڈالا جاتا ہے۔