Tag health

لاہور(ایمرا نیوزآن لائن) لاہور چیئرنگ کراس پر مطالبات کے حق میں لیڈی ہیلتھ ورکر ز کااحتجاج تیسرے روز بھی جاری رہا،دھرنے میں موجود ایک اورلیڈی ہیلتھ ورکر بے ہوش ہوگئی۔ جس کو طبی امداد کے لئے ہسپتال پہنچا دیا گیا،گزشتہ رات تیز ہواؤں اور بوندا باندی سے مظاہرین کا کیمپ گرگیا تھا مگر مظاہرین پھر بھی وہاں موجود رہیں۔ 3 روز سے مال روڈ چیئرنگ کراس ٹریفک کے لیے بند ہے ، جس سے شہریوں کو شدید مشکلات کا سامنا ہے ۔ڈی جی ہیلتھ سے مذاکرات کے کرلیے گئے مگر نوٹیفکیشن جاری نہ ہوا۔ لیڈی ہیلتھ ورکرز نے مطالبات کی منظوری تک احتجاج جاری رکھنے کا اعلان کیا ہے اور کہتی ہیں کہ سازوسامان ساتھ لائے ہیں جب تک بیٹھنا پڑا بیٹھیں گے ،دریں اثنا ئپیپلز پارٹی کی رہنماء ثمینہ گھرکی نے دھرنے میں اظہار یکجہتی کے لیے شرکت کی اور کہا کہ ہماری پارٹی ان کے ساتھ ہے ۔ادھر یو نائٹڈ ٹیچرز کونسل پنجاب اساتذہ اتحادنے سول سیکرٹریٹ کے سامنے احتجاجی مظاہرہ کیا ، پنجاب بھر سے سینکڑوں اساتذہ نے شرکت کی۔مظاہرین سے خطاب کرتے ہوئے اساتذہ قائدین نے کہا کہ وزیرتعلیم اور سکول ایجوکیشن پنجاب کی بیوروکریسی اساتذہ کے مسائل حل کرنے میں سنجیدہ نہیں،مسائل کے حل کے وعدے اور پھر ان سے انحراف سکول ایجوکیشن پنجاب کی بیوروکریسی کا وطیرہ بن چکا ہے ۔ پرامن احتجاج ہمارا آئینی ، جمہوری اور قانونی استحقاق ہے انتظامیہ اساتذہ کو ڈرانہیں سکتی ۔ سکولوں میں اساتذہ کو چھٹی کے بعد روکنا غیر قانونی ہے اس طرح کے ہتھکنڈے پہلے بھی ناکام ہوئے اور اب بھی ہوں گے ۔ یو نائٹڈ ٹیچرز کونسل پنجاب میں شامل تمام اساتذہ تنظیمیں آج کی سی ای او کانٖفرنس کا بائیکاٹ کریں گی اور کل وزیراعلی پنجاب کی سرکاری سکولوں میں داخلہ مہم کے افتتاح کے موقع پر بھی بھرپور احتجاجی مظاہرے کیا جا ئے گا ۔ اساتذہ کے جائز مطالبات تسلیم نہ کئے گے تو اساتذہ 28 مارچ تا 30مارچ تک سول سیکرٹریٹ لاہور کے سامنے دھرنا دیں گے اور پھر بھی مطالبات تسلیم نہ ہوئے تو یکم اپریل سے طلبا سمیت سڑکوں پر ہوں گے اور مکمل تعلیمی بائیکاٹ کیا جائے گا،ان کا کہنا تھا کہ موجودہ دور حکومت کے سات ماہ میں اساتذہ کی پروموشنز اور دیگر مسائل پر رتی بھر کام نہیں ہوا ۔ پروموشنز کی موجودہ صورت حال تاریخ کی بدترین شکل ہے جس کی وجہ سے حکومت کی کارکردگی پر بھی سوالیہ نشان ہے ۔

لاہور(ایمرا نیوزآن لائن)قیدیوں کی اصلاح اور نفسیاتی امراض حل کرنے کے لئے پنجاب کی مختلف جیلوں میں17 خواتین سمیت 19سینئر ماہرنفسیات ڈاکٹرز تعینات کردیئے گئے ہیں جن کا باقاعدہ ہوم ڈیپارٹمنٹ نے نوٹیفکیشن جاری کردیا ۔جیلوں میں سینکڑوں ذہنی مسائل کا شکار قیدی جن کے لئے ماہرنفسیات ڈاکٹرز موجود نہیں تھے اور جیل انتظامیہ کی جانب سے خصوصی سفارش کرکے ماہر نفسیات ڈاکٹر کو جیل بلوا کر ان کا علا ج کیا جاتا تھا ۔تعینات ہونے والی سینئر ماہرنفسیات میں فاطمہ صدیق کو ڈسٹرکٹ جیل سیالکوٹ، الماس عرفان کو سینٹرل جیل ملتان،سیدہ فاطمہ حسین کو سینٹرل جیل گوجرانوالہ ،فاطمہ آفتاب کو سینٹرل جیل لاہور،اسد محمودبھٹی کو سینٹرل جیل بہاولپور ،وجیہ کومل ڈسٹرکٹ جیل بھکر،قرۃ العین ڈسٹرکٹ جیل جہلم ،اقصی شاہد ڈسٹرکٹ جیل سرگودھا،حرا پرویز سینٹرل جیل ساہیوال ،خیزران افتخار ڈسٹرکٹ جیل اٹک،ہیراشیخ ڈسٹرکٹ جیل لاہور،نایاب جمشید کو ڈسٹرکٹ جیل اوکاڑہ،تہمینہ صفدر ڈسٹرکٹ جیل قصور،ہیرا لیاقت کو ڈسٹرکٹ جیل فیصل آباد،عادل علی کو ڈسٹرکٹ جیل میانوالی،وجیہ عارف خان کو ڈسٹرکٹ جیل شیخوپورہ،آبلہ اخلاق کو ڈسٹرکٹ جیل گجرات ،عاصمہ اسلم کو ڈسٹرکٹ جیل راولپنڈی،نازش اختر کو ڈسٹرکٹ جیل راولپنڈی شامل ہیں۔ذرائع نے بتایا کہ تعینات ہونے والی ماہرین نفسیات خواتین نے ان تعیناتیوں کے حوالے سے تحفظات کا اظہار کرتے ہوئے کہا ہے انہیں ان کے شہرمیں تعینات کرنے کی بجائے دوردراز شہروں میں تعینات کرنے کے احکامات جاری کئے ہیں ۔خواتین ہونے کے حوالے سے ان دوردراز شہروں کی جیلوں میں اپنے فرائض انجام دینے میں مختلف مشکلات کا سامنا کرنا پڑے گااور ا س کے علاوہ ان کی تنخواہیں بھی ان کے شہر کی جیلوں سے ملنے کی بجائے تمام کی تنخواہیں سینٹرل جیل فیصل آباد سے حاصل کی جائیں گی ۔سینئرماہرنفسیات خواتین ڈاکٹرز نے حکومت پنجاب سے اپیل کی ہے کہ جن ماہرنفسیات خواتین کو ان کے شہروں میں تعینات نہیں کیا گیا ان کے تقرر و تبادلوں کے احکامات منسوخ کرکے ان ہی کے شہروں میں تعیناتی کے احکامات جاری کئے جائیں۔اس حوالے سے آئی جی جیل خانہ جات شاہد سلم نے روزنامہ92نیوز سے گفتگو کرتے ہوئے کہا کہ بعض ماہرنفسیات خواتین نے انہیں تعینانیوں کے تحفظات کے حوالے سے آگاہ کیا ہے جس پر میں نے انہیں کہا کہ وہ تحریری طورپر تعیناتی کے حوالے سے اپنی شکایات بتائیں جس کے متعلق جائزہ لیا جائے گا اور محکمہ داخلہ پنجاب کو درخواست کی جائے گی کہ ان خواتین کی تعیناتیاں ان کے شہروں یا قریبی شہروں کی جیلوں میں کی جائیں ۔

لاہور(ایمرا نیوزآن لائن) آج دنیا بھر میں ’ ڈائون سنڈروم کا عالمی دن‘‘ منایا جارہا ہے.
آپ کے جینز جسمانی ساخت اور کام کا تعین کرتے ہیں۔ آپ کے بالوں کے رنگ سے غذا کے ہضم ہونے تک ہر فعل کا تعلق آپ کے جینز سے ہے، ذرا سی غفلت دور رس اثرات مرتب کرتی ہے۔ ڈائون سنڈروم جیسی جینیاتی بیماری کے ساتھ پیدا ہونے والے افراد، زائد کروموسوم لئے اس دنیا میں آتے ہیں۔ کروموسوم جینز کا مجموعہ ہوتے ہیں، جسم میں ان کی درست تعداد پر آپ کی صحت کا انحصار ہوتا ہے۔ ڈائون سنڈروم میں زائد کروموسوم آپ کو ذہنی و جسمانی طور پر متاثر کرتے ہیں۔ دنیا بھر میں ہر سال 21مارچ کو ’ ڈائون سنڈروم کا عالمی دن‘‘ منایا جاتا ہے، جس کا مقصد اس مرض کے حوالے سے احتیاطی تدابیر کے بارے میں آگاہی دینا اور یہ باور کرانا ہوتا ہے کہ ایسے بچوں کو والدین کی توجہ نارمل زندگی کی طرف مائل کرسکتی ہے۔

اسلام آباد (ایمرا نیوزآن لائن) پاکستان میں نوجوانوں میں منشیات کے استعمال میں خطرناک حد تک اضافہ ہو رہا ہے اقوام متحدہ کے عالمی ادارہ صحت کی رپورٹ کے مطابق دنیا بھر میں 35 کروڑ سے زائد افراد اس وقت مختلف اقسام کی منشیات کا استعمال کر رہے ہیں۔ اور ان کی تعدار میں روز بروز اضافہ ہو رہا ہے ۔ ایک رپورٹ کے مطابق پاکستان میں ہر سال ڈھائی لاکھ افراد منشیات کے استعمال کے نتیجے میں موت کے منہ میں چلے جاتے ہیں۔ منشیات پاکستان کے لئے کتنا بڑا مسئلہ ہے اس کا اندازہ اس بات سے لگایا جا سکتا ہے کہ پاکستان میں پچھلے دس سال میں دہشتگردی کے نتیجے میں 60 ہزار سے زائد افراد نے اپنی جانیں قربان کیں، لیکن اس سے چار گنا زیادہ تعدار میں ہر سال پاکستان میں منشیات کی وجہ سے ہلاکتیں ہوتی ہیں۔علاوہ ازیں مختلف اداروں کے اعداد و شمار کے مطابق پاکستان میں تقریبا 46 فیصد مرد اور 9 فیصد خواتین سگریٹ نوشی کرتی ہیں جو روزانہ تقریبا 18 کروڑ سگریٹ پی جاتے ہیں جن پر مجموعی طور پر 75 کروڑ روپے روزانہ خرچ ہوتے ہیں۔ایک رپورٹ کے مطابق دنیا بھر میں 80 فیصد منشیات کا استعمال ترقی پذیر ممالک میں کیا جا رہا ہے جن میں پاکستان، بھارت، بنگلہ دیش اور سری لنکا سرفہرست ہیں۔ امریکا سمیت دیگر یورپی ممالک نے منشیات پر کافی حد تک قابو پا لیا ہے ۔ رپورٹ کے مطابق پاکستان میں نشہ کرنے والوں کی زیادہ تعداد 13 سے 24 سال کے لوگوں کی ہے یہ وہ لوگ ہیں جو ایک یا ایک سے زائد بار نشے کی طرف مائل ہوئے ہیں۔ اسی لیے پاکستان میں اپر کلاس اورمڈل کلاس کے لوگوں کے نشے میں واضح فرق موجود ہے ۔عالمی ادارہ صحت کی رپورٹ کے مطابق دنیا بھر میں ہر سال 40 لاکھ افراد منشیات کے استعمال کی وجہ سے اپنی جان سے ہاتھ دھو بیٹھتے ہیں۔ پاکستان میں منشیات اور نشہ آور ادویات کا غیر قانونی استعمال کرنے والوں کی تعداد قریب 90 لاکھ ہے ، اور ان میں بڑی تعداد پچیس سے لے کر انتالیس برس تک کی عمر کے افراد کی ہے ۔ایک اندازے کے مطابق پاکستان میں ہر سال سگریٹ اور شراب کے علاوہ منشیات جن میں چرس، افیون، ہیروئن وغیرہ شامل ہیں پر چالیس ارب روپے خرچ کیے جاتے ہیں۔ منشیات کا استعمال صرف یہی نہیں کہ مذہبی اور اخلاقی طور پر ممنوع ہے بلکہ اس کی پیداوار اس کی خریدوفروخت کرنے والے بھی مذہبی اور اخلاقی جرم کے مرتکب ہوتے ہیں۔ منشیات کے استعمال سے دل، جگر، معدہ، پھیپھڑوں کی بیماری، فالج، ایڈز اور ہیپاٹائٹس جیسے موذی امراض کا شکار ہو کر ایڑیاں رگڑ رگڑ کر مرتے ہیں۔

لاہور(ایمرا نیوز آن لائن)پنجاب میں رواں سال کتے کاٹے کے کیسز میں ہوشربا اضافے ہو رہا ہے ۔تقریباً اڑھائی ماہ کے دوران چار ہزار کتے کاٹنے کے کیسز رپورٹ ہو چکے ہیں ۔ سرکاری ہسپتالوں میں ویکسین کی عدم دستیابی کی وجہ سے مریض دوائی بازار سے خریدنے پر مجبور ہیں ۔ محکمہ سپیشلائزڈ ہیلتھ کئیر اینڈ میڈیکل ایجوکیشن کا تمام ٹیچنگ ہسپتالوں کو کتے اور سانپ کاٹنے پر مریضوں کے لیے ویکسین خریدنے او ر سٹاک کرنے کے احکامات جاری کر دیئے ہیں ۔ذرائع کے مطابق پنجاب انفارمشین ٹیکنالوجی بورڈ کی جانب سے ایک الرٹ جاری کیا گیا ہے ۔الرٹ کے مطابق علامہ اقبال میموریل ہسپتال سیالکوٹ میں 1556، عزیز بھٹی ہسپتال گجرات 922،بے نطیر بھٹو ہسپتال روالپنڈی242، چلڈرن ہسپتال لاہورمیں 130، سول ہسپتال بہاولپور 90، ڈی ایچ کیو ہسپتال روالپنڈی 61، ڈی ایچ کیو ہسپتال میاں منشی لاہور 57، ڈی ایچ کیوہسپتال فیصل آباد 34، حاجی عبدالقیوم ٹیچنگ ہسپتال ساہیوال 25،سردار بیگم ہسپتال سیالکوٹ 15، گورنمنٹ ٹیچنگ ہسپتال شاہدرہ 9اور سید مٹھا ہسپتال میں 5کیسز رپورٹ ہو چکے ہیں ۔

بڑھے ہوئے پیٹ کا پھولنا ہے۔ جب ہم غیر معیاری اور غیر صحتمندانہ کھانے کھاتے ہیں تو پیٹ میں گیس پیدا ہوتی ہے اور پیٹ پھولا ہوا بڑا بڑا محسوس ہوتا ہے۔ اس کے علاوہ مسلسل بیٹھے رہنا بھی بڑھے ہوئے پیٹ کی ایک اہم وجہ ہے۔ پیٹ کو کم کرنے اور اسے نارمل رکھنے کیلئے بے حد ضروری ہے کہ ہم اپنی غذائی عادات پر نظرثانی کریں۔ اس کے ساتھ ساتھ ورزش کو بھی اپنے معمول کا حصہ بنائیں۔
فائبر کا زیادہ استعمال بعض اوقات فائبر بھی گیس کا باعث بن جاتا ہے لیکن ایسا تب ہوتا ہے جب ہم اس کا ضرورت سے زیادہ اور ایک ہی وقت میں استعمال کرتے ہیں۔ اس کے لئے سست روی سے کام لیں اور ایک ہی بار میں فائبر کی بڑی مقدار لینے کی بجائے دن کے مختلف حصوں میں تھوڑی توڑی کر کے لیں۔ ناشتے کے لئے پورج میں تخم بالنگا کا استعمالکریں، دوپہر میں اناج کھائیں، سبزیوں کا سوپ پئیں، رات کے کھانے میں تھوڑے سے تیل میں تلی ہوئی چیزیں لیں، خشک میوہ جات یا پھر مکئی کھائیں۔
چبا کر کھائیں جب ہم تیزی سے چبا کر کھاتے ہیں تو پیٹ پھولنے کی شکایت بڑھ جاتی ہے۔ اس کی وجہ یہ ہے کہ چباتے ہوئے پیٹ پھولانے والی ہوا پیدا ہوتی ہے، کیونکہ منہ ہی سے خوراک کو ہضم کرنے والا عمل شروع ہو جاتا ہے۔ پھر خوراک کے وہ ذرے جنہیں صحیح طرح چبایا نہ گیا ہو انہیں ہضم کرنے میں معدے کو مشکل پیش آتی ہے۔ اگر آپ کو پھولنے سے بچانا چاہتے ہیں تو اطمینان سے کھانا کھائیں اور ایک لقمے کو کم از کم بیس دفعہ چبا کر نگلیں۔
پانی ضرور پئیں:خوراک جسم میں بغیر کسی مشکل کے ہضم ہو جائے اس کے لئے بے حد ضروری ہے کہ جسم پانی کی کمی کا شکار نہ ہو۔ سوڈا مشروبات کا اس میں شمار نہیں ہوتا۔ سادہ پانی پئیں اگر چاہیں تو کھیرا یا لیموں ملا کر اس کے ذائقے میں تبدیل کر سکتے ہیں۔ اس سے پیٹ پھولے گا نہیں۔
پروبائیوٹکس کا استعمال:- معدے میں اچھے اور برے دونوں بیکٹیریا موجود ہوتے ہیں۔ جب تک اچھوں کی تعداد زیادہ رہتی ہے پیٹ اور معدہ درست رہتے ہیں۔ لہٰذا پروبائیوٹک غذاﺅں کو اپنے روزمرہ معمول میں شامل رکھیں۔

میٹھاکم:- برے بیکٹیریا کی پیداوار بڑھانے میں میٹھا کار فرما ہوتا ہے۔ اسی کی وجہ سے پیٹ میں گیس پیدا ہوتی ہے اور پیٹ پھول جاتا ہے۔ آپ کی یہی کوشش ہونی چاہئے کہ میٹھے کا استعمال جہاں تک ممکن ہو کم کر دیں۔ خاص طور پر مصنوعی میٹھے کو تو بالکل ہی ترک کر دیں۔
نمک پر بھی نظرثانی ضروری ہے:- پانی سوڈیم کی جانب کشش رکھتا ہے۔ یہی وجہ ہے کہ جب آپ نمک کا زیادہ استعمال کرتے ہیں تو پیٹ پھولا محسوس ہوتا ہے۔ یہی کچھ حد سے زیادہ نمکین کھانے کھانے کی وجہ سے ہوتا ہے۔
پیٹ کم کرنے کے لئے خاص ٹپ
دن کا آغاز:- مزیدار قسم کی چائے سے کیجیے۔ گرم پانی کے ایک کپ میں پودینہ، ادرک اور لیموں شامل کریں۔ یہ نظام انہضام کو درست کرے گی۔
ہلکا پھلکا ناشتہ ناریل کیے دودھ سے بنی دہی میں رس بھریاں شامل کریں۔ اس مزیدار ناشتے سے معدے پر بوجھ نہیں پڑے گا۔ جبکہ رس بھریوں میں فائبر کی وافر مقدار موجود ہوتی ہے یا پھر دو سو ملی لیٹر پانی میں چند چمچ جٹی، ایک کپ رس بھریاں اور ایک چمچ دار چینی ملا کر بلینڈ کر لیں۔ یہ سمودی جسم میں شوگر کی مقدار کو توازن میں رکھے گی بلکہ قبض کشا بھی ہے۔ ناشتے کیلئے ایک اور انتخاب آپ کے لئے پیش ہے وہ یہ کہ دو انڈوں کو توڑ کر مکس کر لیں، انہیں ہلکا زیتون کے تیل میںف رائی کر لیں، پھر اس میں مٹھی بھر پالک اور ایک ٹماٹر شامل کر کے آملیٹ بنا لیں۔ انہیں بران بریڈ کے ساتھ کھائیں نظام انہضام بہتر ہو گا اور معدے کو سکون ملے گا۔

لاہور(ایمرا نیوزآن لائن) پنجاب فوڈ اتھارٹی نے حکومتی احکامات کے تحت لاہور میں آنے والے دودھ کی سخت چیکنگ شروع کردی ہے ، جس کے تحت سیکڑوں لیٹر دودھ تلف کردیا گیا اور اسے بنانے والوں کے خلاف مزید کاروائی کرنے کے لیے سپل حاصل کرلیے ہیں. موقع پر کیمیکل سے دودھ تیار کرنے والے گواروں نے اس اچانک کاروائی پر احتجاج کیا اور کہا کہ پہلے سپل لیا جائے اور تصدیق کے بعد دودھ کو تلف کیا جائے.

لاہور(ایمرا نیوزآن لائن) صوبائی وزیر صحت ڈاکٹر یاسمین راشد نے پنجاب بھر کے بڑے اور ٹیچنگ ہسپتالوں میں انفینٹ ڈے کئیر سنٹر قائم کرنے کا اعلان کر دیا۔ صوبائی وزیر صحت ڈاکٹر یاسمین راشد نے پنجاب اسمبلی میں انفینٹ ڈے کئیر سنٹر کے افتتاح کے موقع پر اعلان کیا۔ اس موقع پر صوبائی وزرا محمد بشارت راجہ، چوہدری ظہیرالدین، اراکین پنجاب اسمبلی کی کثیر تعداد کے علاوہ یونیسف اور پالیسی اینڈ سٹریٹیجک پلاننگ یونٹ کے افسران بھی موجود تھے۔ صوبائی وزیر صحت کا انفینٹ ڈے کئیر سنٹر کے افتتاح کے موقع پر حاضرین سے خطاب کرتے ہوئے کہنا تھا کہ نوزائیدہ بچوں کی صحت کو محفوظ بنانے کے لئے پنجاب اسمبلی سے جلد نیا ایکٹ منظور کروایا جائے گا- انفینٹ ڈے کئیر سنٹر قائم کرنے کا بنیادی مقصد نوزائیدہ بچوں کی صحت کو محفوظ بنانے کی اہمیت کو اجاگر کرنے کے ساتھ ساتھ ان کی صحت کویقینی بنانا ہے۔ پاکستان میں دوران زچگی خواتین کی اموات کی شرح میں واضح کمی لانی ہو گی۔ ایک صحت مند ماں ہی معاشرے کو صحت مند اور محفوظ نسل دے سکتی ہے- پنجاب بھر کے ہسپتالوں میں مریضوں کو بہترین طبی سہولیات پر کسی قسم کا سمجھوتہ نہ کرنے کی ہدایت کی گئی ہے۔ ہسپتالوں میں صفائی ستھرائی کو یقینی بنانے کے لئے انتظامیہ کے علاوہ لواحقین کو بھی ماحول صاف ستھرا رکھ کر اپنا کردار ادا کرنا ہو گا۔ ہسپتالوں کا صاف ستھرا ماحول مریض کے جلد صحت یاب ہونے کا زریعہ بنتا ہے۔

ہم چالیس سال کا گندایک رتا میں صاف نہیں کر سکتے، رہنما پی ٹی آئی فرخ حبیب
نوازشریف کا علاج نہیں کیا جا رہا، مائزہ حمید، طاہر عالم، پروگرام دی لاسٹ آور میں گفتگو
لاہور(ایمرا نیوز) وزیر صحت پنجاب ڈاکٹر یاسمین راشد نے کہاہے کہ نوازشریف کے علاج نہ کرنے کے حوالے سے باتیں غلط ہیں ہم نے ا نکا علاج کرنے کیلئے میڈیکل بورڈ بنائے لیکن انہوں نے انکارکردیا ، وہ جناح ہسپتال گئے وہا ں بھی علاج کرانے سے انکار کردیا۔92 نیوز کے پروگرام دی لاسٹ آور میں میزبان مہرین سبطین سے گفتگو کرتے ہوئے وزیر صحت ڈاکٹر یاسمین راشد نے کہاکہ ہم نوازشریف کو بالکل میڈیکل سہولت دیناچاہتے ہیں انکار کے حوالے سے غلط بیانی کی جارہی ہے۔ مریم نوازجومرضی کہیں ہم نوازشریف کو جوسہو لتیں موجود ہیں وہ دے رہے ہیں۔تحریک انصاف کے رہنما فرخ حبیب نے کہا ہے کہ پاکستان نے ایک ذمہ دارریاست ہونے کا ثبوت دیا جبکہ یہ بھی پیغام دیا کہ پاکستان کسی بھی جارحیت کامقابلہ کرنے کی صلاحیت رکھتا ہے اس میں ساری پارلیمان، اپوزیشن ا ور پاکستانی میڈیا نے اچھا کردارنبھایا۔ ا نہوں نے کہاکہ پولیس اصلاحات راتوں رات نہیں ہوتیں ہم چالیس سال کا گند ایک رات میں صاف نہیں کرسکتے ہم پولیس کو غیر سیاسی کررہے ہیں۔مسلم لیگ ن کی رہنما فائزہ حمید نے کہا کہ اپوزیشن نہایت ہی سنجیدگی سے حکومت اورفوج کے پیچھے کھڑی رہی اوربھارت کو بڑا زبردست جو اب دیا۔جس طرح کا رویہ موجودہ ا پوزیشن نے دکھایاہے ایسا اگر ن لیگ کی حکومت میں بھی دکھایاجاتا تو ہماری خارجہ پالیسی بہت آگے جاچکی ہوتی۔ نوازشریف کوایک ہسپتال سے دوسرے ہسپتال منتقل کیا جاتارہا ہے لیکن علاج نہیں کیا جارہاہے۔سینئر صحافی کامران خان نے کہا ہے کہ سعودی وزیر خارجہ پاکستان آرہے ہیں کہا جارہاہے کہ پاکستان اورامریکہ کے درمیان رابطے میں سعودی عرب کا کردارہے۔ا نہوں نے بتایا کہ نوازشریف کی اپیل سپریم کورٹ میں دائر کی جارہی ہے جس میں انہیں شاید طبی بنیادوں پر ضمانت مل جائے۔تجزیہ کار امتیاز گل نے کہا ہے کہ جب بھارت میں الیکشن کااعلان ہوجائے گا تو معاملات بہتری کی جانب جائیں گے۔سابق آئی جی اسلام آباد طاہرعالم نے کہا ہے کہ پولیس کی وردی تبدیل کرنے سے اس کی کارکردگی میں کوئی اضافہ نہیں ہوگا البتہ بجٹ پر بوجھ پڑے گا، پولیس کے رویے میں تبدیلی لائی جائے۔

میو ہسپتال کی بیشتر سی ٹی سکین مشینیں خراب، مریضوں کو پریشانی
لاہور(ایمرا نیوزآن لائن) شہر کے سب سے بڑے میو ہسپتال کی بیشتر سی ٹی سکین مشینیں خراب ہونے سے شہریوں کو شدید مشکلات کا سامنا، ہسپتال کی ایمرجنسی اور اولڈ ریڈیالوجی میں نصب مشینوں کی اب تک مرمت نا ہو سکی۔یہ بھی لازمی پڑھیں: یونائیٹڈ ورلڈ ریسلنگ نے بھارت کو دن میں تارے دکھا دیئے. شہر کے سب سے بڑے میو ہسپتال میں روزانہ مختلف شہروں اور صوبوں سے لوگ علاج کی آس لیے آتے ہیں، انتظامی غفلت کا یہ عالم ہے کہ ہسپتال کے شعبہ حادثات کے ساتھ لاکھوں کی لاگت سے بنائے گئے سی ٹی سکین ڈپارٹمنٹ میں مشین طویل عرصے سے بند ہے۔ جس سے ٹراما کے مریضوں کو مشکلات کا سامنا تھا اور ٹیسٹ کی سہولت حاصل کرنے کے لئے اولڈ ریڈیالوجی کا رخ کرنا پڑھتا تھا۔اب کئی ماہ سے اولڈ ریڈیالوجی میں نصب سی ٹی سکین مشین بھی خراب ہے جس سے مریضوں کا کوئی پرسان حال نہیں۔ ہسپتال میں صرف نیوسرجیکل ٹاور میں نصب سی ٹی سکین مشین لوگوں سہولیات فراہم کر رہی ہے جبکہ دیگر مشینوں کی مرمت نا ہونے سے آنے والے مریضوں کو شدید مشکلات کا سامنا ہے ۔