Tag imran khan

اسلام آباد(وقت نیوز آن لائن)وزیراعظم عمران خان نے آئی جی سندھ پولیس کو وفاق میں اہم ذمہ داریاں دینے کا عندیہ دیدیا،کلیم امام کو سیکرٹری نارکوٹکس کنٹرول لگائے جانے کا امکان ہے۔

نجی ٹی وی کے مطابق وزیراعظم عمران خان سے آئی جی سندھ کلیم امام نے وزیراعظم ہاﺅس میں ملاقات کی،ملاقات میں سندھ کے امن وامان پر بات چیت ہوئی،ذرائع کاکہناہے کہ آئی جی سندھ نے اپنے اوپر لگے الزامات پر وزیراعظم کو بریفنگ دی،ذرائع کے مطابق آئی جی سندھ نے صوبائی حکومت کے افراد کیخلاف ہونے والی کارروائی سے متعلق آگاہ کیا،آئی جی سندھ کاکہنا ہے کہ کابینہ ارکان کیخلاف کارروائی کی توسندھ حکومت میرے خلاف ہو گئی ۔

کلیم امام نے کہا کہ اپناکام نیک نیتی سے کیا میراٹریک ریکارڈ سب کے سامنے ہے ،میں نے کبھی ذاتیات کو میرٹ پر ترجیح نہیں دی،انہوں نے کہاکہ حکومت پاکستان کا ملازم ہوں آئین کے مطابق کام کرنے کا پابند ہوں،حکومت پاکستان جہاں چاہے تعینات کرے مجھے کوئی اعتراض نہیں ۔

ذرائع کاکہنا ہے کہ وزیراعظم عمران خان نے کلیم امام کو وفاق میں اہم ذمہ داریاں دینے کا عندیہ دیدیا،کلیم امام کو سیکرٹری نارکوٹکس کنٹرول لگائے جانے کا امکان ہے۔

لاہور(وقت نیوز آن لائن)وزیراعظم عمران خان نے ملک میں مہنگائی بڑھنے کے معاملے پر معاشی ٹیم پر برہمی کا اظہار کیا ہے۔

ذرائع کے مطابق وفاقی کابینہ کے اجلاس میں وزیراعظم نے معاشی ٹیم پر برہمی کا اظہار کرتے ہوئے کہا کہ ملک میں مہنگائی کنٹرول نہیں ہو رہی، اور مجھے اس معاملے پر مِس گائیڈ کیا جا رہا ہے۔

عمران خان نے کہا کہ معاشی ٹیم میں شامل رزاق داؤد، حماد اظہر، حفیظ شیخ، اسد عمر سمیت پانچ وزراء بیٹھیں اور مطمئن کریں کہ مہنگائی کیوں بڑھ رہی ہے۔

خیال رہے کہ وزیر ریلوے شیخ رشید سمیت تحریک انصاف کی حکومت میں شامل اتحادی جماعتیں ق لیگ اور ایم کیو ایم بھی ملک میں بڑھتی ہوئی مہنگائی کے حوالے سے اپنے تحفظات کا اظہار کر چکی ہیں۔

کراچی (وقت نیوز آن لائن)وزیراعظم عمران خان سے وزیراعلیٰ سندھ مرادعلی شاہ نے گورنر ہاﺅس میں ملاقات کی،وزیراعلیٰ اوروزیراعظم کی ملاقات میں آئی جی سندھ کامعاملہ بھی زیرغورآیا،وزیراعظم عمران خان نے سندھ میں آئی جی تبدیل کرنے کی درخواست منظورکرلی۔

میڈیارپورٹس کے مطابق وزیراعظم عمران خان سے وزیراعلیٰ سندھ مرادعلی شاہ نے گورنر ہاﺅس میں ملاقات کی،گورنر عمران اسماعیل بھی ملاقات میں شریک تھے،وزیراعلیٰ سندھ نے سند ھ میں امن ومان کی صورتحال سے وزیراعظم کو آگاہ کیا،وزیراعلیٰ اوروزیراعظم کی ملاقات میں آئی جی سندھ کامعاملہ بھی زیرغورآیا،وزیراعظم عمران خان نے سندھ میں آئی جی تبدیل کرنے کی درخواست منظورکرلی،گورنر عمران اسماعیل نے بھی آئی جی کو تبدیل کرنے کے مطالبے کی حمایت کی،وزیراعلیٰ سندھ نے سندھ کابینہ کے فیصلوں اورتحفظات سے بھی وزیراعظم کو آگاہ کیا۔

وزیراعظم عمران خان نے وزیراعلیٰ مرادعلی شاہ کو بڑی پیشکش کرتے ہوئے کہا کہ وفاق کے زیرانتظام منصوبوں میں سندھ حکومت کی تجاویز شامل کریں گے،گورنر عمران اسماعیل نے کہاکہ کراچی کو ترقی دیئے بغیر معاشی ترقی کے اہداف پورے نہیں ہوسکتے،ملاقات میں اتفاق کیا گیا کہ وفاق کراچی کیلئے فنڈنگ میں سندھ حکومت کے ساتھ مل کرکام کرے گا۔

کراچی (وقت نیوز آن لائن)سندھ اوروفاقی حکومت کے درمیان تلخیوں میں کمی پروزیراعلیٰ سندھ مرادعلی شاہ آج وزیراعظم عمران خان سے گورنرہاﺅس کراچی میں ملاقات کریں گے۔

تفصیلات کے مطابق سندھ اوروفاقی حکومت کے درمیان تلخیوں کم ہونے لگیں،وزیراعلیٰ سندھ مرادعلی شاہ آج وزیراعظم عمران خان سے گورنرہاﺅس کراچی میں ملاقات کریں گے،سندھ حکومت کے مطالبے پروفاق نے آئی جی سندھ پولیس کی تبدیلی کاعندیہ دیدیا، وزیراعلیٰ سندھ اوروزیراعظم کی ملاقات میں دیگرشعبوں میں بھی پیشرفت کاامکان ہے،ملاقات میں کے فور،گرین لائن میٹرو بس منصوبے کیلئے وفاق سے مزید فنڈنگ کااعلان بھی متوقع ہے،وزیراعلیٰ سندھ مرادعلی شاہ، وزیراعظم عمران خان کو امن ومان کی مجموعی صورتحال پر بریفنگ دیں گے۔

لاہور(وقت نیوز آن لائن)وزیر اعظم عمران خان نے پی ٹی آئی کے ارکان صوبائی و قومی اسمبلی کو واضح طور پر کہا ہے کہ عثمان بزدارہی وزیراعلیٰ پنجاب رہیں گے، اجلاس میں وزیراعظم نے عثمان بزدارکی تبدیلی کے حوالے سے قیاس آرائیوں کومسترد کردیا، انہوں نے کہا کہ وزیر اعلیٰ پنجاب سردار عثمان بزدار پر بھرپور اعتماد ہے، مجھے پتہ ہے سازش کون کررہا ہے اور اس کے پیچھے کون ہے، عثمان بزدارکو کسی صورت نہیں ہٹاؤں گا،عثمان بزدارہی وزیراعلیٰ پنجاب رہیں گے۔عثمان بزدارکی تبدیلی سے پنجاب میں پارٹی ختم ہوجائے گی۔عثمان بزدارکو ہٹایا تو نئے وزیراعلیٰ کو بھی ایسے ہی ہٹادیا جائے گا، وہ 20 روز بھی نہیں چل سکے گا۔

تفصیلات کے مطابق لاہور میں وزیر اعظم عمران خان سے ملاقات کے دوران تحریک انصاف کے ارکان قومی و صوبائی اسمبلی نے شکایتیوں کے انبار لگادیئے۔ وہ اپنے اپنے حلقوں میں ترقیاتی کام نہ ہونے اور بیوروکریسی کے رویے کیخلاف پھٹ پڑے۔ اراکین اسمبلی نے ویلج کونسل کے انتخابات کرانے کے بارے میں وزیراعظم کواپنے تحفظات سے آگاہ کیا، انہوں نے کہا کہ حلقے میں لوگوں کے کام نہ ہونے کی وجہ سے پارٹی کومشکلات کا سامنا ہوسکتا ہے۔

اجلاس کے دوران ملتان سے رکن قومی اسمبلی ملک احمد حسین ڈیہر نے وزیر خارجہ شاہ محمود قریشی اور عامر ڈوگر پر الزام لگایا کہ دونوں ارکان اسمبلی ان کے حلقے میں مداخلت کررہے ہیں۔ شاہ محمود سارے فنڈز لے جاتے ہیں اور ہمیں کچھ نہیں ملتا۔ جس پر شاہ محمود قریشی نے کہا کہ یہ الزام غلط ہے، حقیقت یہ ہے کہ 2018 کے عام انتخابات میں انہوں نے ہی احمد حسین کو پارٹی ٹکٹ دینے کی سفارش کی تھی۔

تحریک انصاف کے رکن قومی اسمبلی راجا ریاض نے بجلی کے زائد بلوں پر شدید تنقید کی، انہوں نے کہا کہ حلقے میں ہماری اور بزرگوں کی 100 سال کی عزت تھی وہ بھی چلی گئی ، حلقے کے عوام ہمیں مارنے کے درپے ہیں۔وزیر اعظم نے کہا کہ ہمیں مہنگائی کا بھی احساس ہے،ہم قرضوں کے بوجھ تلے دبے ہوئے ہیں۔ سابق حکومتوں نے پاکستان کو بے دردی سے لوٹا اور عوام کو غربت اور بے روزگاری کے اندھیروں میں دھکیل دیا، جو انتظامی، سماجی، معاشی اور اقتصادی تبدیلیاں ہم لے کر آ رہے ہیں ان سے ملک ترقی و خوشحالی سے ہمکنار ہوگا، قوموں کی زندگیوں میں نشیب و فراز آتے ہیں۔ لیکن ہمیں ہمت اور دلیری سے حالات کا مقابلہ کرنا ہے۔ پاکستان درست سمت میں رواں دواں ہے، 2019 معیشت کو سنبھالنے اور استحکام کا سال تھا۔ 2020 انشا اللہ ترقی کا سال ہوگا۔

اسلام آباد(میڈیا 92 نیوز آن لائن)پاکستان میںکرپشن میں اضافے سے متعلق رپورٹ پر ٹرانسپیرنسی انٹرنیشنل کا وضاحتی بیان سامنے آگیا۔چیئرمین ٹرانسپیرنسی انٹرنیشنل نے کہاہے کہ انڈیکس 2019میں یہ نہیں کہاکہ بدعنوانی بڑھ گئی ہے۔انڈیکس میں شامل ڈیٹاٹرانسپیرنسی انٹرنیشنل کانہیں ہوتا۔کچھ سیاستدانوں ن اور میڈیا نےرپورٹ کو غلط پیش کیا۔ ہررپورٹ میں غلطی کاامکان 2.46فیصد ہوتا ہے۔

رپورٹ میں 13 مختلف ذرائع کے اعدادو شمارشامل ہوتے ہیں،پاکستان کا سکور تینتیس سے کم ہو کر بتیس پر آگیالیکن اس کا یہ مطلب نہیں ہوتا کہ کرپشن بڑھ گئی ہے۔چیئرمین ٹرانسپرنسی انٹرنیشنل نے کہا غلط بیانی سے پاکستان کی ساکھ کونقصان پہنچ سکتاہے۔جھوٹے اعدادوشمار سے پاکستان کو بدنام کرنے کی کوشش کی گئی۔وضاحتی بیان میں مزید کہا گیا ہے کہ بدعنوانی کیخلاف حکومتی اقدامات قابل ستائش ہیں، موجودہ حکومت میں نیب کارکردگی بہترہوئی۔

واضح رہے کہ ٹرانسپرنسی انٹرنیشنل کی رپورٹ پر اپوزیشن کی جانب سے حکومت پر شدید تنقید کی گئی تھی اور الزام لگایا گیا تھا کہ ملک میں عمران حکومت میں کرپشن میں بہت زیادہ اضافہ ہوا ہے۔ دوسری جانب حکومت نے ٹرانسپرنسی انٹرنیشنل کی شفافیت پر سوال اٹھادیئے تھے۔حکومت نے اسے اپوزیشن کے ساتھ مل کر کی گئی سازش، کچھ سیاستدانوں نے اسے گزشتہ حکومت کے اعدادوشمار جبکہ شیخ رشید نے اس رپورٹ کو بکواس اور جھوٹ لا پلندہ قراردیا تھا۔

لاہور (وقت نیوز آن لائن )گزشتہ روز پاکستانی تاریخ میں اب تک سب سے زیادہ مشہور ہونے والے ڈرامہ ” میرے پاس تم ہو “ اختتام کو پہنچ گیا ہے جس میں ڈرامے کا ہیرو ” دانش “ انتقال کر گیا ہے جس کے بعد ٹویٹر پر لمبے عرصہ کے بعد ” میمز“ کا ایک نیادور بھی شروع ہوا لیکن اسی گہما گہمی کے دوران سوشل میڈیا پر ایک اور ویڈیو بھی وائرل ہو رہی ہے جس دیکھ کر ہر طرف ہنسی کا طوفان برپا ہو گیاہے جو کہ سرکار کیلئے ایک لمحہ فکریہ بھی ہے کیونکہ یہ مہنگائی سے تنگ عوام کا ایک طرح سے غصہ بھی ہے ۔

تفصیلات کے مطابق سوشل میڈیا پر پشاور کے ایک علاقے میں نماز جنازہ پڑھائے جانے کی ویڈیو وائرل ہو رہی ہے جس میں درجنوں افراد ایک میت کے گرد جمع ہیں ، یہ علامتی جنازہ ڈرامے کے کردار دانش کا نہیں ہے بلکہ ’ عمران خان ‘ کا ہے ۔ویڈیو میں دیکھا جا سکتاہے کہ لکڑی کا ایک عارضی سا تابوت تیار کیاگیا ہے جس میں عمران خان کی تصویر والا بینر رکھا گیاہے ۔

ملک میں جاری مہنگائی کے طوفان نے عوام کی چیخیں نکلوا دیں ہیں اور آٹے کی قیمت تو ایک دم اتنی زیادہ بڑھ گئی ہے کہ غریب عوام کیلئے د و وقت کی روٹی بھی مشکل ہدف بن گئی ہے اور عوام مختلف طریقوں سے حکومت پر اپنا غصہ نکالتے ہوئے دکھائی بھی دیتے ہیں ۔

حکومت کی جانب سے مسلسل یہ یقین دہانی کروائی جارہی ہے کہ مہنگائی کو کم کرنے کیلئے اقدامات کیے جارہے ہیں لیکن تاحال اس کے ثمرات عوام تک نہیں پہنچ پا رہے ہیں ۔ یہاں یہ امر بھی قابل ذکر ہے کہ ٹرانسپیرنسی انٹرنیشنل نے اپنی حالیہ رپورٹ میں کرپشن میں اضافے کی نوید بھی سنا دی ہے تاہم حکومت نے اسے مسترد کرتے ہوئے ن لیگی ایجنڈا قرار دیاہے ۔

راولپنڈی(وقت نیوز آن لائن)وفاقی وزیر ریلوے شیخ رشید احمد کا کہنا ہے کہ عمران خان کہتے ہیں کہ ملکی مسائل 2020 تک حل کر دیں گے لیکن میں پنڈی کے عوام کو مسائل کے حل کے لیے 2021 تک کا وقت دیتا ہوں۔راولپنڈی میں میڈیا سے گفتگو کرتے ہوئے وزیر ریلوے شیخ رشید نے کہا کہ وزیر اعظم عمران خان اور وزیر اعلی پنجاب عثمان بزدار کہیں نہیں جا رہے، حکومت کو کوئی خطرہ نہیں ہے صرف افواہیں پھیلائی جا رہی ہیں۔

شیخ رشید نے کہا کہ ماضی میں چوروں اورڈاکوؤں نے ملک کو لوٹا جس کی وجہ سے ہمیں آئی ایم ایف کے پاس جانا پڑا جو ہماری مجبوری تھی۔ایک بار پھر مہنگائی کا اعتراف کرتے ہوئے شیخ رشید نے کہا کہ عمران خان کی حکومت میں مہنگائی ختم کریں گے اور عمران خان کہتے ہیں کہ ملکی مسائل 2020 تک حل ہو جائیں گے لیکن پنڈی کے لوگوں سے کہتا ہوں کہ پریشان نہ ہوں مسائل 2021 تک حل ہوں جائیں گے۔

ایک سوال پر اُن کا کہنا تھا کہ بڑے نام سمجھتے ہیں کہ وزارت اعلیٰ پر اُن کا حق ہے جب کہ جو کرپٹ ہو گا عمران خان کی کیبنٹ میں نہیں ہو گا۔حکومت کی اتحادی جماعتوں کے تحفظات سے متعلق بات کرتے ہوئے شیخ رشید کا کہنا تھا کہ ایم کیو ایم کی باتیں جائز ہیں جب کہ چوہدری برادران بھائیوں کی طرح ہیں اور دونوں ہی جماعتیں عمران خان کے ساتھ کھڑی رہیں گی۔

بعدازاں ملک میں آٹا بحران کے حوالے سے بات کرتے ہوئے انہوں نے بتایا کہ میں نے کابینہ میں ڈٹ کر مخالفت کی کہ آٹا درآمد نہ کریں، کابینہ میں تجویز بھی دوں گا کہ منتخب لوگوں کی پرائس کنٹرول کمیٹی ہونی چاہیے۔

لاہور(وقت نیوز آن لائن)عمران خان کا کہنا ہے کہ مسئلہ کشمیر اتنا آسان نہیں ہے جتنا دنیا اسے سمجھ رہی ہے۔وزیراعظم عمران خان کا غیر ملکی ٹی وی کو انٹرویو دیتے ہوئے کہنا تھا کہ مسئلہ کشمیر کے پُرامن حل کے لیے ہر ممکن کوشش کر رہے ہیں۔

انہوں نے کہا کہ مسئلہ کشمیر کے حل کے لیے کوششوں کے نتائج کا علم نہیں لیکن امریکی صدر ڈونلڈ ٹرمپ کو مسئلے کی حساسیت سے آگاہ کر دیا ہے۔بھارتی آرمی چیف کے کشمیر پر قبضے کے بیان کو غیر مناسب قرار دیتے ہوئے عمران خان نے کہا کہ آر ایس ایس کا نظریہ، نازی نظریے سے متاثر ہے۔

قبل ازیں عمران خان نے سوشل میڈیا پر اپنے بیان میں کہا تھا کہ دنیا اب تسلیم کر رہی ہے کہ کشمیر اور بھارت میں جمہوریت دشمن اور فسطائی نظریہ مسلط کیا جا رہا ہے جو علاقائی امن اور استحکام کے لیے سب سے بڑا خطرہ ہے۔
وزیراعظم کا کہنا تھا کہ مودی کی فسطائی پالیسیوں کی وجہ سے پہلے ہی 80 لاکھ کشمیری اور بھارت میں بسنے والے مسلمان تکلیف میں مبتلا ہیں۔

ڈیووس(وقت نیوز آن لائن )وزیر اعظم عمران خان نے تحریک انصاف کی حکومت کو شفاف ترین قرار دیتے ہوئے کہاہے کہ وہ تنقید سے گھبرانے والے نہیں اورنہ ہی اپنے نظریہ پر سمجھوتہ کریں گے ،حکومت کو گزشتہ ڈیڑھ سال سے میڈیا کی شدیدتنقید کا سامنا ہے اس لئے میں لوگوں کو کہتا ہوں کہ وہ اخبار نہ پڑھیں اور شام کو ٹی وی ٹاک شوز ہرگز نہ دیکھیں ‘سب ٹھیک ہوجائے گا۔

ان خیالات کا اظہار انہوں نے ڈیووس میں پاکستان بریک فاسٹ میٹ میں اہم کاروباری شخصیات سے گفتگواورامریکی چینل کو انٹرویومیں کیا۔کاروباری شخصیات سے گفتگوکرتے ہوئے عمران خان نے کہا کہ یہاں آنے کا مقصد کاروباری شخصیات کو پاکستان میں سرمایہ کاری کے ماحول سے آگاہ کرنا ہے‘۔

ان کاکہناتھاکہ کامیابی کیلئے پیچھے مڑنے کا کوئی راستہ نہیں‘ اس کیلئے کوئی پلان بی نہیں ہونا چاہیے‘ بڑے ہدف کو پانے کیلئے کشتیاں جلانا پڑتی ہیں‘ ہمارے لئے سب سے بڑاچیلنج کرپشن اور کرپٹ مافیا ہے ۔ہمارے اورفوج کے درمیان کوئی ایشو نہیں ‘ ملٹری انٹیلی جنس ایجنسیوں کو سابقہ حکومت کی کرپشن کا پتہ ہوتاتھا اس لئے وہ ڈری سہمی رہتی تھیں اور فوج کو کنٹرول کرنا چاہتی تھیں ۔

ضرور پڑھیں: ”وزیراعلیٰ پنجاب کو تبدیل کر دیں تو ۔۔“ تحریک انصاف کے ناراض گروپ نے بڑا اور واضح اعلان کر دیا
ملک میں سول اور فوجی حکمراں میوزیکل چیئرکھیلتے رہے ‘بدعنوانی مافیا نہیں چاہتی کہ میری حکومت کامیاب ہو اس لئے روز نئی افواہ پھیلائی جاتی ہے ‘اصلاحات ایک دردناک عمل ہے جس سے گزرے بغیر ملک ترقی نہیں کرسکتا،عوام کو درپیش مشکلات کااحساس ہےمگرفرسودہ نظام میں اصلاحات لانا آسان نہیں ہوتا۔