Tag indian

مقبوضہ کشمیر(ایمرا نیوز آن لائن)ہیومن رائٹس واچ کی سالانہ رپورٹ میں مقبوضہ کشمیر میں بھارتی مظالم کی مذمت کی گئی ہے۔

ہیومن رائٹس واچ نے اپنی سالانہ رپورٹ میں مقبوضہ کشمیر میں مودی سرکار اور قابض بھارتی فوج کی جانب سے جاری مظالم کی مذمت کرتے ہوئے کہا گیا کہ بھارتی حکومت نے کشمیر میں مکمل شٹ ڈاؤن کے ذریعے تباہی کو چھپانے کی کوشش کی۔

ہیومن رائٹس واچ کی سالانہ رپورٹ میں کہا گیا کہ اگست 2019 میں مقبوضہ کشمیر میں بھارتی حکومت کے یک طرفہ اقدامات کی وجہ سے کشمیریوں کو بے حد تکلیف پہنچی اور ان کے حقوق پامال ہوئے، سابق وزرائے اعلیٰ ، سیاسی رہنماؤں ، کارکنوں ، وکلا،صحافیوں کو بغیر الزام کے نظربند کردیا گیا۔

ٹوکیو(ایمرا نیوز آن لائن) جاپان کے علاقے شیزؤوکا پریفیکچر میں واقع کیمورا بیوریج کمپنی کو عالمی سطح پر بہت کم لوگ جانتے ہیں مگر یہ کمپنی پورے جاپان میں اپنی تیار کردہ سافٹ ڈرنکس کے انوکھے اور اچھوتے ذائقوں کی وجہ سے مشہور ہے، ایسے ذائقے کہ جن کا تصور کوئی دوسری سافٹ ڈرنک بنانے والی کمپنی شاید ہی کرسکے۔

کیمورا بیوریج کی تیار کردہ ’’اچاری سافٹ ڈرنک‘‘ (اچار جیسے ذائقے والی سافٹ ڈرنک) پہلے ہی خاصی مشہور ہے۔ اس کے علاوہ مچھلی کے انڈوں اور آلو کے چپس جیسے ذائقے والی سافٹ ڈرنکس بھی یہی کمپنی بناتی ہے۔

عجیب و غریب ذائقوں کی فہرست یہیں پر ختم نہیں ہوجاتی بلکہ یہ کمپنی کری کولا، خربوزے اور ڈبل روٹی کی ملی جلی خوشبو والی کولا (میلن بریڈ کولا)، یہاں تک کہ ’’اِیل کولا‘‘ جیسے ذائقوں میں سافٹ ڈرنکس پچھلے کئی سال سے بنا رہی ہے۔

خاص بات یہ ہے کہ اتنے عجیب و غریب ذائقوں کے باوجود، اس کمپنی کی سافٹ ڈرنکس کو بدذائقہ نہیں کہا جاسکتا کیونکہ یہاں ریسرچ ڈیپارٹمنٹ سے وابستہ ماہرین نے ایسے ہر ایک منفرد ذائقے کو بہت تحقیق کے بعد حتمی شکل دی ہے۔

یہی وجہ ہے کہ کیمورا بیوریج کمپنی اس وقت 100 سے زائد مختلف ذائقوں میں سافٹ ڈرنکس فروخت کررہی ہے جبکہ اس سال بھی کمپنی کا ارادہ مزید نئے اور منفرد ذائقوں میں سافٹ ڈرنکس متعارف کروانے کا ہے۔

ممبئی (ایمرا نیوز آن لائن) ڈیوڈ وارنر اور ایرون فنچ نے بھارتی غرور اپنے پائوں تلے روند ڈالا، کینگروز نے گھر میں گھس کر کوہلی الیون کا شکار کرلیا۔اوپنرز کی ریکارڈ شراکت سے تقویت پاکر پہلے ون ڈے میں آسٹریلیا نے 10 وکٹ سے فتح سمیٹ لی،

ٹیم نے256 رنز کا ہدف 74 بالز قبل ہی حاصل کرلیا، وارنر 128 اور فنچ 110 رنز پر ناقابل شکست رہے، اس سے قبل میزبان ٹیم 255 رنز پر آئوٹ ہوگئی، شیکھر دھون 74 رنز کے ساتھ نمایاں رہے، مچل اسٹارک نے 3 وکٹیں لیں۔ممبئی کے وینکھیڈے اسٹیڈیم پر کینگروز نے 256 رنز کا ہدف 37.4 اوورز میں بغیر کسی نقصان کے حاصل کیا،

وارنر نے 112 بالز پر 3 چھکوں اور 17 چوکوں کی مدد سے ناقابل شکست 128 رنز بنائے، فنچ 110 رنز پر ناٹ آئوٹ رہے۔ انھوں نے 114 بالز میں سے 2 پر چھکے اور 13 پر چوکے جڑے۔ یہ بھارت کی مجموعی طور پر پانچویں جبکہ اپنے ملک میں ون ڈے میچ میں 10 وکٹ کی دوسری شکست ہے۔ آسٹریلیا نے اس مارجن سے پانچویں کامیابی حاصل کی ہے۔

لندن(وقت آن لائن)شوگر کے مریضوں کو خون میں شکر کی مقدار جانچنے کے لیے ایک بوند خون درکار ہوتا ہے جو انگلی پر باریک سوئی مار کر حاصل کیا جاتا ہے اوراسے ایک خاص پٹی پر لگا کر شکر کی مقدار جانی جاتی ہے۔لیکن جدید ٹیکنالوجی کی مدد سے اس روایتی اور تکلیف دہ طریقے سے نجات دلانے کے لیے ایک بہترین حل تلاش کرلیا گیا ہے۔متعدد ٹیکنالوجی کمپنیاں خون میں شکر کی مقدار جاننے کے لیے ایک ایسے طریقے پر کام کر رہی ہیں جس میں خون کا نمونہ دیے بغیر شکر کی مقدار معلوم کی جاسکتی ہے۔

جاپانی کمپنی کیوسیرا بھی اسی طرح کی ٹیکنالوجی پر کام کر رہی ہے جب کہ کمپنی نے اعتراف کیا ہے کہ وہ بلڈ شوگر کی پیمائش کرنے کے لیے فی الحال تیار نہیں ہے۔یہ نئی ٹیکنالوجی مصنوعی ذہانت (آرٹیفیشل انٹیلیجنس) کا استعمال کرتے ہوئے خون میں شکر کی مقدار بتائے گی، اس ٹیکنالوجی پر ابھی مزید کام ہورہا ہے جسے ’کنزیومر الیکٹرانک شو 2020‘ میں پیش کیا گیا ہے۔

کنزیومر الیکٹرانک شو میں پیش کی جانے والی ’گلوٹریک‘ جو کہ ایک اسمارٹ واچ ہے، یہ خون میں موجود شکر کی مقدار بتاتی ہے۔اس واچ کو ہانک کانگ کی ایڈکیئر کی جانب سے بنایا گیا ہے، یہ واچ دل کی دھڑکن کو جانچنے کے بعد آرٹیفیشل انٹیلیجنس کا استعمال کرتے ہوئے خون میں موجود شکر کی مقدار بتاتی ہے۔اس واچ کی پشت پر ایسے سینسرز نصب کیے گئے ہیں جو ہر 15 منٹ بعد صحت سے متعلق ڈیٹا کا ریکارڈ بناتا ہے جب کہ اس واچ میں ایک عدد فنگر سینسر بھی موجود ہے جس کے ذریعے آپ ریڈنگز حاصل کر سکتے ہیں۔

اس پورے مرحلے میں صارف کو خون کی شکر کی مقدار کو معلوم کرنے میں ایک منٹ کا وقت لگے گا۔اس ڈیوائس کو ان افراد کے لیے ڈیزائن کیا گیا ہے جو ’پری ڈائبیٹک‘ ہیں اور وہ یہ نہیں چاہتے کہ انگلی پر سوئی مار کر خون میں موجود شکر کی مقدار کو معلوم کریں۔یہ ڈیوائس ایسے لوگوں کے لیے نہیں بنائی گئی ہے جو پہلے ہی ذیابطیس کا شکار ہیں کیونکہ ذیابیطس میں مبتلا مریضوں کو خون میں موجود شکر کی مقدار کو باقاعدگی سے جاننا ہوتا ہے۔

اس ڈیوائس کو پری ڈائیبیٹک یعنی ایسے لوگوں کے لیے بنایا گیا ہے جنہیں ذیابیطس ہونے کا خدشہ ہوتا ہے۔یہ ڈیوائس متوقع طور پر اسی سال جاپان کی مارکیٹ میں پیش کی جائے گی فی الحال یہ آزمائشی مرحلے میں ہے۔

تہران(ایمرا نیوز آن لائن)ایران نے برطانوی سفیر رابرٹ میکایئر کو گرفتاری کے بعد رہا کردیا،امریکا نے ایران سے برطانوی سفیر کی گرفتاری پر معافی مانگنے کا مطالبہ کردیا۔

ایرانی حکام کے مطابق کاکہناتھا کہ رابرٹ میکایئر کو مشکوک سرگرمیوں کی بنا پر گرفتار کیاتھا،ایران کاکہناہے کہ برطانوی سفیر طلبا رہنماوَں سے ملاقات کےلئے گئے تھے،رابرٹ میکایئرکوتہران کے امیر کبیر یونیورسٹی کے طلبا کے احتجاج کے دوران گرفتارکیاگیا۔

برطانوی وزیر خارجہ سفیر کی گرفتاری عالمی قوانین اور سفارتی آداب کی کھلی خلاف ورزی ہے،مورگن ارٹیگس کا کہنا ہے کہ ایران ویانا کنونشن کی پاسداری کرتے ہوئے سفیروں کے حقوق کااحترام کرے۔جبکہ امریکا نے مطالبہ کیا ہے کہ ایران برطانوی سفیر رابرٹ میکایئر کی گرفتاری پرمعافی مانگے۔

کلکتہ(ایمرا نیوز آن لائن) بھارت کے شہر کلکتہ میں وزیراعظم نریندر مودی کی آمد پر ہزاروں مظاہرین سڑکوں پر نکل آئے اور متعصب حکومت کے خلاف شدید نعرے بازی کی جس پر وزیراعظم کو ایئرپورٹ سے گاڑی کے بجائے ہیلی کاپٹر کے ذریعے وزیراعلیٰ ممتا بنر جی کے گھر پہنچنا پڑا۔

بین الاقوامی خبر رساں ادارے کے مطابق بھارتی وزیراعظم نریندر مودی کو متنازع شہریت ترمیمی قانون کے حوالے سے شدید مزاحمت کا سامنا ہے اور ایسا ہی ریاست مغربی بنگال کے دورے پر بھی ہوا۔ ایئرپورٹ پر ہی 30 ہزار سے زائد مشتعل مظاہرین نے احتجاجی ریلی نکالی، ہاتھوں کی زنجیر بنائی اور متنازع شہریت ترمیمی قانون 2019 کے خلاف شدید نعرے بازی کی۔

ایئرپورٹ سے نکلنے والی ہر شاہراہ پر مظاہرین کے جمع ہونے پر وزیراعظم نریندر مودی مجبوراً ملٹری ہیلی کاپٹر میں مغربی بنگال کی وزیراعلیٰ اور متنازع شہریت قانون کی سخت ناقد ممتا بنرجی کے گھر پہنچے جہاں مظاہرین کی بھی بڑی تعداد پہنچنے میں کامیاب ہوگئی تاہم پولیس نے مظاہرین کو وزیراعلیٰ کے گھر جانے سے روک دیا۔

مغربی بنگال کی وزیراعلیٰ ممتا بنر جی نے ملاقات کے دوران دوٹوک موقف اپناتے ہوئے وزیراعظم مودی سے شہریت ترمیمی قانون کو منسوخ کرنے کی تجویز دی تاہم وزیراعظم مودی نے مصروفیت کا بہانہ بناتے ہوئے متنازع قانون پر تبادلہ خیال کو اگلی میٹنگ تک موخر کردیا جس کے بعد وزیراعلیٰ بنرجی مظاہرین کے ساتھ احتجاج میں شامل ہوگئیں۔

واضح رہے کہ 11 دسمبر کو بھارتی پارلیمنٹ سے شہریت ترمیمی بل منظور ہوا تھا جس کے تحت پاکستان، بنگلا دیش اور افغانستان سے بھارت آنے والے ہندوؤں، سکھوں، بدھ متوں، جین، پارسیوں اور عیسائیوں کو بھارتی شہریت دی جائےگی تاہم مسلمانوں کو محروم رکھا جائے گا جس پر بھارت بھر میں مظاہرے پھوٹ پڑے ہیں۔

کراچی(ایمرا نیوز آن لائن)ملک بھر میں مغربی ہواؤں کا نیا سسٹم داخل ہونے کے باعث کراچی سمیت دیگر شہروں میں سردی کی شدت میں مزید اضافہ ہو گیا ہے۔ملک بھر میں شدید سردی کی لہر بر قرار ہے جس کے باعث گزشتہ 24 گھنٹوں کے دوران کالام میں سب سے کم درجہ حرارت منفی 15 ڈگری سینٹی گریڈ ریکارڈ کیا گیا۔

اسکردو میں منفی 14، راولا کوٹ،گلگت، ہنزہ، دیر اور مالم جبہ میں منفی 6، کاکول اور قلات میں منفی 4 ڈگری سینٹی گریڈ ریکارڈ کیا گیا۔کوئٹہ اور مری میں منفی 3، اسلام آباد اور پشاور میں منفی ایک، لاہور، راولپنڈی، ملتان اور سرگودھا میں منفی 3 جب کہ کراچی میں کم سے کم درجہ حرارت 8 ڈگری سینٹی گریڈ ریکارڈ کیا گیا۔محکمہ موسمیات کے مطابق کراچی میں مغربی ہواؤں کے سبب سردی کی شدت میں اضافہ ہو گیا ہے اور آئندہ 24 گھنٹوں کے دوران شہر میں ہلکی بارش کا بھی امکان ہے۔

ادھر بارشیں برسانے والا نیا سسٹم بلوچستان میں داخل ہونے کے بعد مختلف شہروں میں بارش کا سلسلہ شروع ہوگیا ہے۔گوادر، آواران، واشک، خاران، پشین، ہرنائی، قلعہ عبداللہ، پشین، ژوب اور ہرنائی میں بھی موسلادھار بارش کا امکان ہے جب کہ آئندہ 24 گھنٹوں کے دوران کوئٹہ، قلات، سوراب، مستونگ اور زیارت میں برفباری ہو سکتی ہے۔

محکمہ موسمیات کے حکام نے بتایا کہ بارش سے سسٹم کے زیر اثر آنے والے اضلاع کے مقامی ندی نالوں میں طغیانی کا خدشہ ہے اس لیے تمام متعلقہ حکام کو اس دوران الرٹ رہنے کی ہدایت کر دی گئی ہے۔

نیروبی (ایمرا نیوز آن لائن) چند روز پہلے کینیا کی ایک رہائشی خاتون نے اپنے دھوکے باز شوہر کو اسی کی گرل فرینڈ کے ہاتھوں صرف 17 امریکی ڈالر جتنی معمولی رقم کے عوض فروخت کردیا۔ جو پاکستانی روپوں میں صرف 2600 روپے بنتی ہے۔

ویب سائٹ ’’اوڈیٹی سینٹرل‘‘ کے مطابق، کینیا کی رہائشی خاتون ایڈنا مکوانا کو اپنے شوہر پر شک تھا کہ اس کی کوئی گرل فرینڈ ہے۔ وہ مسلسل اس کی تاک میں رہنے لگی اور ایک روز اس نے اپنے شوہر کو اس کی گرل فرینڈ کے ساتھ رنگے ہاتھوں پکڑ لیا۔

پہلے تو اس نے اپنے شوہر کو مار پیٹ کر گھر سے نکال باہر کیا اور کہا کہ وہ ایک ہفتے تک اسے اپنی شکل نہ دکھائے۔ پھر وہ اپنے شوہر کی گرل فرینڈ کی طرف متوجہ ہوئی اور اس سے کہا کہ وہ 2000 کینیئن شلنگ (20 امریکی ڈالر، یا 3100 پاکستانی روپے) دے کر اپنا بوائے فرینڈ ہمیشہ کےلیے خرید سکتی ہے۔
حیرت انگیز طور پر، گرل فرینڈ نے بھاؤ تاؤ شروع کردیا اور بالآخر یہ سودا 1700 کینیون شلنگ (17 امریکی ڈالر، یعنی 2600 پاکستانی روپے) میں طے پاگیا۔

اس رقم سے ایڈنا مکوانا نے اپنے بچوں کےلیے نئے سال پر نئے کپڑے خرید لیے اور اب وہ اپنے شوہر کے بغیر ایک مطمئن زندگی گزار رہی ہے۔

جب سوشل میڈیا پر (فرانسیسی زبان میں) اس کا قصہ شائع ہوا تو ایک صارف نے سوال کیا کہ کیا وہ اپنے شوہر کو دوبارہ خریدنا چاہیں گی؟ تو جواب میں ایڈنا نے کہا: ’’مجھے اپنا نیا سال برباد کرنے کا کوئی شوق نہیں!‘‘

نیویارک(ایمرا نیوز آن لائن)عام طور پر کسی بھی خاتون کے ہاں سال میں ایک بار ہی بچوں کی پیدائش ہوتی ہے اور بیک وقت خواتین ایک سے زائد بچوں کو بھی جنم دیتی ہیں۔تاہم امریکا کی ایک خاتون کے ہاں ایک ہی سال میں 2 بار جڑواں بچوں کی پیدائش کے معاملے نے دنیا کو حیران کردیا۔

فلوریڈا کے شہر ویسٹ پام بیچ کی ایک خاتون کے ہاں ایک ہی سال میں 2 بار محض چند ماہ کے وقفے سے جڑواں بچوں کی پیدائش نے لوگوں کو حیران کردیا۔رپورٹ کے مطابق پہلی بار خاتون کے ہاں نارمل ڈیلیوری کے دوران مارچ 2019 میں جڑواں بیٹوں کی پیدائش ہوئی تو خاتون انتہائی خوش دکھائی دیں۔

تاہم چند ہفتوں بعد ہی ڈاکٹرز نے خاتون کو بتایا کہ وہ جڑواں بچوں کے حمل سے ہیں تو وہ حیران رہ گئیں۔رپورٹ کے مطابق الیگزینڈریا ولسن نے سال 2019 میں ہی دوسری بار 27 دسمبر کو ایک بار پھر جڑواں بچوں کو جنم دیا اور دوسری بار خاتون کے ہاں بیٹیاں پیدا ہوئیں جن کی پیدائش آپریشن کے ذریعے ہوئی۔

ایک ہی سال میں 2 بار بچوں کو جنم دینے والی خاتون کا کہنا تھا کہ ان کے خاندان میں ان کی دادی اور نانی کے علاوہ کسی نے بھی جڑواں بچوں کو جنم نہیں دیا تھا۔خیال رہے کہ امریکی خاتون سے قبل گزشتہ برس مارچ میں ایک بنگلہ دیشی خاتون کے ہاں بھی ایک ہی سال میں دوسری بار بچوں کی پیدائش ہوئی تھی۔

تہران(ایمرا نیوز آن لائن) ایرانی وزیرخارجہ جواد ظریف نے کہا ہے کہ جنگ یا کشیدگی نہیں بڑھانا چاہتے لیکن جارحیت کا جواب ضرور دیں گے۔

ایرانی وزیرخارجہ جواد ظریف نے سماجی رابطے کی ویب سائٹ ٹوئٹر پر جاری بیان میں کہا امریکی اڈوں پر حملہ اقوام متحدہ کے چارٹر کی شق 51 کے تحت اپنے دفاع میں کیا۔ انہوں نے کہا ایران نے اپنے دفاع میں مناسب قدم اٹھایا ہے اور اس چھاؤنی کو نشانہ بنایا ہے جہاں سے ایرانی شہریوں اور اعلیٰ عہدیداروں پر حملہ کیا گیا تھا۔

ایرانی وزیرخارجہ نے مزید کہا کہ ہم جنگ نہیں چاہتے اور نہ ہی کشیدگی بڑھانا چاہتے ہیں تاہم کسی بھی جارحیت کی صورت میں دفاع کا حق ضرور رکھتے ہیں۔

واضح رہے کہ گزشتہ روز ایران کی جانب سے عراق میں 2 فوجی اڈوں پر 12 سے زائد زمین سے زمین پر مار کرنے والے ایرانی میزائل داغے گئے تھے۔ ایران نے دعویٰ کیا تھا کہ ان حملوں میں 80 افراد ہلاک ہوئے ہیں۔