Tag islamabad

اسلام آباد(نیٹ نیوز/ایمرا نیوز) سپریم کورٹ نے 5 ہزار سے زائد فیسیں وصول کرنے والے نجی اسکولوں کی فیسوں میں 20 فیصد کمی کا تحریری حکم نامہ جاری کردیا۔عدالتی فیصلے کے مطابق پانچ ہزار سے فیس پر بیس فی صد کمی کے حکم کا اطلاق ملک بھر کے تمام اسکولوں پر ہوگا جبکہ فیس میں کمی کرنے سےاساتذہ کی تنخواہ پر کوئی اثر نہیں پڑے گا۔عدالتی حکم مییں یہ بات واضح کی گئی ہے کہ پانچ ہزار سے کم فیس لینے والے اسکولوں پر اس حکم کا اطلاق نہیں ہوگا۔عدالت کا کہناہے کہ اسکول مالکان اساتذہ کی تنخواہوں میں کمی نہیں کریں گے جبکہ اسکالر شپس اور اسکول کی سہولتوں پر بھی فرق نہیں پڑے گا۔ والدین کو تضحیک آمیز خطوط لکھنے والے اسکولوں کو توہین عدالت کے نوٹس جاری کیے جائیں گے۔وہ اسکول وضاحت کریں کہ کیوں نہ ان کے خلاف توہین عدالت کی کارروائی کی جائے۔سپریم کورٹ نے فیصلے میں ہدایت کی ہے کہ طلبہ اور والدین کم فیس جمع کرائیں اور والدین اسکول کی فیس مقررہ وقت تک ادا کریں۔تحریری فیصلے میں سپریم کورٹ نے حکم دیا ہے کہ ایف آئی اے اسکولوں کے قبضے میں لئے گئے ریکارڈ کاپی کرکے واپس کرے۔سپریم کورٹ کے فیصلے میں مزید کہا گیا ہے کہ لاء اینڈ جسٹس کمیشن نے تعلیمی اصلاحات پر رپورٹ اپنی ویب سائیٹ پر نمایاں کی ہے جس پر متعلقہ افراد کی تجاویز آرہی ہیں۔

اسلام آباد(نیٹ نیوز/ایمرا نیوز) مسلم لیگ ن کے رہنما امیر مقام نے کہا ہے کہ اللہ نے ہمارے قائد نوازشریف کو سرخرو کردیا ہے،سپریم کورٹ نے اسلام آباد ہائیکورٹ کے فیصلے کو برقرار رکھا، بہت جلد نواز شریف اور شہبازشریف قید سے باہر عوام میں ہوں گے۔کوٹ لکھپت جیل میں آج سابق وزیر اعظم میاں نواز شریف سے ملاقات کا دن ہے جس کے لئےمسلم لیگ ن کے مختلف رہ نماؤں کی کوٹ لکھپت جیل آمد کا سلسلہ جاری ہے۔مسلم لیگ ن کے رہنما امیر مقام نے کوٹ لکھپت جیل کے باہر میڈیا سے گفتگو کرتے ہوئے حکومت پر تنقید کرتے ہوئے کہا کہمیں دیکھ رہا ہوں 2020 میں دوبارہ مینڈیٹ کے لیے پیش ہونگے اور یہ خود بھاگ جائیں گے۔ انہوں نے لوگوں کو انڈوں والا کام بتایا اور مشینوں والا اصل کام صرف علیمہ باجی کو بتایا۔انہوں نے کہا کہ اس وقت ایشو پاکستان کا ہے، ہمیں ڈر ہے یہ گاڑی کھڈے میں نہ گرادیں،ہم حکومت کو گرانا نہیں چاہتے مگر یہ خود گریں گے۔امیر مقام نے کہاکہ ہائیکورٹ اور سپریم کورٹ کے فیصلوں سے ہماری بے گناہی ثابت ہورہی ہے۔

لاہور(نیٹ نیوز/ایمرا نیوز) لاہور میں 18سالہ لڑکے نے شادی شدہ خاتون کو شادی کی پیشکش کر دی، خاتون کے انکار پر اس کے 3سالہ بچے کو اغوا کر کے لے گیا لیکن چند منٹوں میں ہی پکڑا گیا، بچہ بازیاب کر کے پولیس نے مقدمہ درج کر لیا ہے۔لاہور کے علاقے جوہر ٹاؤن کی کچی آبادی بیڑھ میں 18 سالہ علی رضا کی 35 سالہ خانہ بدوش خاتون سے دوستی ہوگئی۔علی رضا خاتون کو شادی پر مجبور کرنے لگا،تاہم اس کی جانب سے انکار کیے جانے پر وہ خاتون کے 3سالہ بیٹے کو اٹھا کر بھاگ گیا۔خاتون نے ون فائیو پر کال کی، جس پر ڈولفن اسکواڈ حرکت میں آگیا جس نے خاتون کی رہائش گاہ سے اگلی ہی گلی میں ملزم علی رضا کو دھر لیا اور بچہ بازیاب کروا کر اس کی ماں کے حوالے کر دیا۔ترجمان ڈولفن اسکواڈ کے مطابق ملزم نے ابتدائی تفتیش میں اعتراف کیا ہے کہ شادی سے انکار پر خاتون کو ڈرانے کے لیے اس کے بچے کو اٹھایا تھا۔ڈولفن اسکواڈ نے گرفتار ملزم علی رضا کو مزید کارروائی کے لیے متعلقہ تھانے کے حوالے کر دیا ہے۔

لاہور(سپورٹس ڈیسک/ایمرا نیوز) دنیائے باکسنگ پر حکومت کرنیوالے لیجنڈ ری ہیوی ویٹ باکسر محمد علی کے مداح 17جنوری کو انکی 77ویں سالگرہ منا رہے ہیں جنہوں نے رنگ سے باہر نسل پرستوں کو بھی شکست دی ۔حریف باکسرز کو دھول چٹانےوالے محمد علی نے17جنوری1942ء کو امریکا کے شہر لوئسویل کے ایک مسیحی گھرانے میں آنکھ کھولی اور ان کا نام کلے رکھا گیا جنہوں نے ستر کی دہائی میں اسلام قبول کیا۔

انہوں نے 29 اکتوبر 1960ء کو آبائی قصبے لوئسویل میں پہلا مقابلہ جیتا۔ باکسنگ میں ان کا کیریئر ایک شوقیہ کھلاڑی کی حیثیت سے کامیاب رہا لیکن ان کو عظمت اس وقت حاصل ہوئی جب ساٹھ کی دہائی میں انہوں نے روم اولمپِک میں سونے کا تمغہ جیتا۔تمغہ جیتنے کے بعد محمد علی کو نسل پرستی کا سامنا رہا لیکن ان واقعات کے باوجود ان کی کامیابیوں کا سلسلہ چلتا رہا اور40 سال کی عمر میں انہوں نے ریٹائرمنٹ کا اعلان کیا۔

ریٹائر منٹ کے بعد بہت سے فلاحی کاموں میں حصہ لیا اور ایک مشہور شخصیت، ایک باغی، حقوق انسانی کے علمبردار اور شاعر، جس نظر سے بھی دیکھا جائے محمد علی نے ہمیشہ کھیل، نسل پرستی اور قومیت کو شکست دی اور ایک وقت ایسا بھی آیا جب محمد علی کرہ ارض پر بلا شبہ سب سے زیادہ شہرت یافتہ شخص بن گئے۔باکسنگ میں محمد علی کی زندگی 20 سال پر محیط رہی جس کے دوران انہوں نے 56 مقابلے جیتے اور 37 ناک آوٹ اسکور کیا ۔دنیائے باکسنگ پر کئی برس تک راج کرنے والے محمد علی 3جون 2016کو انتقال کرگئے۔

لاہور(ایمرا نیوز)
Crystal Piano
کیا آپ کو یاد ہے کہ بیجنگ میں اولمپک گیمز میں استعمال کرسٹل پیانو؟ یہ وہی پیانو ہے. منفرد اور خوبصورت Crystal Piano نے سب کی توجہ حاصل کی ہوئی تھی، یہ دیکھنے میں بہت ہی خوبصورت ہے.

آپ اس کو ایک موسیقی والے آلہ کے طور پر بھی استعمال کرسکتے ہیں . اس Crystal Piano کو حال ہی میں نیلامی میں فروخت کیا گیا ہے. ایک نجی بلڈر نے نیلامی جیت لی اور $ 3.2 ملین ڈالر میں USD میں اس تاریخی Piano کو خریدا.

ہم سوچ رہے ہیں کہ کیا اس کو استعمال کیا جارہا ہوگا یا یہ ایک شوکیس میں محفوظ طریقے سے ذخیرہ کیا گیا ہوگا؟ ہم سوچ رہے ہیں کہ اس کے انشورنس کا کتنا خرچ ہوگا؟

لاہور(سپورٹس ڈیسک/ایمرا نیوز)
Franklin Roberto Lashley
فرینکن روبرٹو لشلی 16 جولائی 1976 کو امریکہ میں پیدا ہوا. ایک امریکی پیشہ ورانہ پہلوان اور ایک مارشل آرٹ کا کھلاڑی ہے جو فی الحال ڈبلیو ای ای میں کام کررہا ہے، جہاں وہ ring کے نام بوبی للی کے تحت برانڈ raw میں کام کردہا ہے. وہ اپنے پہلے اقتدار میں موجودہ انٹر کنٹینٹل چیمپیئن بھی رہا ہے.

2004 میں Lashley ڈبلیو ڈبلیو ای کے منسلک ہوا،اور دیکھتے ہی دیکھتے بہت مشہور ہوگیا.اُن کا ایک میچ بہت زیادہ مقبول ہوا تھا.جس میں انہوں نے امریکی صدر Donald Trump کی طرف سے ریسلنگ کا میچ کھیلا تھا ،اُس میچ کا نام “Battle of the Billionaires” تھا اور یہ میچ انہوں نے Vince McMahon کی طرف سے بھیجے گئے ریسلر Umaga کے خلاف لڑا تھا اور اس میچ میں Lashley اور Donald Trump نے Vince McMahon اور Umaga کو ہرا دیا تھا. اور اس میچ میں Trump نے Vince کو گنجا بھی کردیا تھا، یہ میچ آج تک سب کو یاد ہے.اس کے علاوہ Lashley نے یو ایف سی میں بھی ریسلنگ کی تھی.لیکن Lashley یوایف سی میں اتنے کامیاب ثابت نہ ہوسکے.

Lashley ڈبلیو ڈبلیو ای میں واپسی سے پہلے دو بار ECW ورلڈ چیمپیئن اور ایک بار United States Champion بھی رہے ہیں. لشلی کو ان کے وقت کے لئے امپیکٹ کشتی میں جانا جاتا ہے، جہاں وہ چار بار اثر ورلڈ چیمپیئن رہے، ایک بار ایکس ڈویژن چیمپیئن اور ایک بار ماؤنٹین چیمپئن شپ بھی رہے ہیں.لشلی نے WWE اور Impact ریسلنگ کے درمیان، لشلی نے کل 10 چیمپئن شپ جیتیں تھیں.

ممبئی(شوبز ڈیسک/ایمرا نیوز) معروف بھارتی اداکارہ دپیکا پڈوکون شادی کے بعد اپنا سر نیم تبدیل کرنے کا کوئی ارادہ نہیں رکھتیں تاہم سر نیم تبدیل کرنے کی خواہش کا اظہاران کے شوہر رنویر سنگھ نے کر دیا۔آج کل دپیکا کے سر نیم تبدیل نہ کرنے کی خبریں میڈیا پرگردش کر رہی ہیں ، اس حوالے سے کئے گئے ایک سوال پر بالی ووڈ کے جوشیلے اداکار رنویر سنگھ نے مذاقاً کہا کہ اگر دپیکا اپنا سر نیم تبدیل کرنا نہیں چاہتیں تو کیوں نہ میں کر لوں ، ویسے بھی یہ لیجنڈری نام ہے۔

واضح رہے ایک انٹرویو میں دپیکا کا کہنا تھا کہ انہیں نے کبھی اپنا نام تبدیل کرنے کے بارے میں نہیں سوچا اور نا ہی کبھی رنویرسنگھ نے ان پر دبائو ڈالا کہ وہ اپنا نام تبدیل کریں۔ان کا مزید کہنا تھا کہ انہوں نے نا صرف بالی ووڈ بلکہ پوری دنیا میں اپنا نام بہت محنت سے بنایا ہے، خاص طور پرسنجے لیلا بھنسالی کی فلم ’پدماوت‘ میں رانی پدماوت کا کردار اُن کے لیے کافی مشکل تھا اتنی جدوجہد اور محنت سےاپنا نام بنانے کے بعداُسےتبدیل کر لینا وہ نہیں سمجھتیں کہ درست ہے۔

کراچی(نیٹ نیوز/ایمرا نیوز) کراچی کے مختلف علاقوں میں پیش آنے والے ٹریفک حادثات کے نتیجے میں 2افراد جاں بحق جبکہ ایک شخص زخمی ہو گیا۔کراچی میں ٹریفک حادثات ڈیفنس اور سپر ہائی وے کے علاقوں میں پیش آئے ہیں۔کراچی کے علاقے ڈیفنس میں خیابان شمشیر کے قریب ایک گاڑی کی ٹکر سے موٹر سائیکل پر سوار ایک شخص جاں بحق جبکہ دوسرا زخمی ہوگیا۔جاں بحق ہونے والے شخص کی شناخت ابرار کے نام سے ہوئی ہے، جس کی لاش اور زخمی کو اسپتال منتقل کیا گیا۔ادھر سپرہائی وے پر بس اور ٹرالر میں تصادم کے نتیجے میں ایک شخص جاں بحق ہو گیا،جاں بحق شصخ کی لاشوں کو ضابطے کی کارروائی کے لیے اسپتال منتقل کیا گیا۔

حیدرآباد(نیٹ نیوز/ایمرا نیوز) سندھ کے شہر حیدرآباد کے علاقے ٹنڈو آغا میں واقع ایک پلاسٹک کا سامان بنانے والی فیکٹری میں آگ لگ گئی۔ریسکیو ذرائع کے مطابق پلاسٹک فیکٹری میں لگنے والی آگ پھیل گئی، ہے جس نے فیکٹری سے ملحقہ ایک اسکول کی عمارت کو بھی اپنی لپیٹ میں لے لیا ہے۔ریسکیوذرائع نے بتایا ہے کہ اس صورت حال کا اندازہ ہونے پر مذکورہ اسکول کی عمارت کو پہلے ہی خالی کرا لیا گیا تھا۔ریسکیوذرائع کا یہ کہنا ہے کہ محکمہ فائر بریگیڈ کی 4گاڑیوںنے فیکٹری کی آگ پر قابو پانے کی کارروائی میں حصہ لیا ہے اور آگ بجھانے کی کوشش جاری ہے، امید ہے اس پر جلد قابو پا لیا جائے گا۔فوری طور پر فیکٹری میں آگے لگنے کی وجہ اور اس سے ہونے والے نقصان کی تفصیلات سامنے نہیں آسکی ہیں۔

ہنگو(نیٹ نیوز/ایمرا نیوز) خیبر پختون خوا کے شہر ہنگو کے علاقے قاضی پمپ کے قریب حساس اداروں نے کارروائی کی ہے جس کے دوران اہم کمانڈر سمیت 3دہشت گرد ہلاک ہوگئے۔سیکیورٹی ذرائع کے مطابق حساس اداروں کی کارروائی میں ہلاک ہونے والے دہشت گردوں کے نام کمانڈر اسلام، لائق اور محب اللہ معلوم ہوئے ہیں۔سیکیورٹی ذرائع کا کہنا ہےکہ ہلاک کمانڈر اسلام کلایہ بم دھماکے سمیت دیگر دہشت گردی کی کارروائیوں میں بھی ملوث تھا۔سیکیورٹی ذرائع نے مزید بتایا کہ حساس اداروں کی کارروائی کے دوران دہشت گردوں نے ہنگو میں نئی زیر تعمیر جیل کے قریب واقع شاہد نامی شخص کے گھر میں پناہ لی تھی۔سیکیورٹی ذرائع کا یہ بھی کہنا ہے کہ کارروائی کے دوران فائرنگ کی زدمیں آکر گھر کا مالک شاہد بھی جاں بحق ہو گیا۔