Tag ispr

راولپنڈی (ایمرا نیوز آن لائن) آرمی چیف جنرل قمر جاوید باجوہ کو امریکی وزیر دفاع ڈاکٹرمارک ٹی ایسپر سے فون پر ایران امریکا کشیدہ صورتحال پر بات چیت کی۔

پاک فوج کے شعبہ تعلقات عامہ (آئی ایس پی آر) کے مطابق پاک فوج کے سربراہ جنرل قمر جاوید باجوہ کو امریکی وزیردفاع ڈاکٹر مارک ٹی ایسپر نے ٹیلی فون کیا اور امریکا ایران کشیدگی و مشرق وسطی کی موجودہ صورتحال پر تبادلہ خیال کیا۔

آرمی چیف جنرل قمر جاوید باجوہ کا کہنا تھا کہ ہم سب نے دہشت گردی کے خلاف جنگ کرکے خطے میں قیام امن کے لئے بہت کام کیا ہے، ہم چاہتے ہیں کہ حالات مزید کشیدہ نہ ہوں، خطے میں امن کیلئے ہرقسم کی کاوش کی حمایت کریں گے۔

سربراہ پاک فوج نے مزید کہا کہ ہم افغان مفاہمتی عمل کی کامیابی کے لئے اپنا تعمیری کردار ادا کرتے رہیں گے، چاہتے ہیں افغان امن عمل پٹڑی سے نہ اترے اور خطہ نئے تنازعات کی بجائے تنازعات کے حل کی طرف گامزن ہو۔

آئی ایس پی آر کے مطابق امریکی وزیر دفاع مارک ایسپر کا کہنا تھا کہ امریکا بھی جنگ نہیں چاہتا لیکن اگر جواب ضروری ہوا تو امریکا بھرپور قوت سے جواب دے گا۔

(ایمرا نیوز آن لائن) پاک فوج کے شعبہ تعلقات عامہ (آئی ایس پی آر) کے ڈائریکٹر جنرل میجر جنرل آصف غفور کی آج ہونے والی پریس کانفرنس ملتوی ہو گئی ہے۔

ذرائع کے مطابق ڈی جی آئی ایس پی آر میجر جنرل آصف غفور آپریشنل مصروفیات کی وجہ سے پشاور روانہ ہوگئے ہیں جس کے باعث آج ہونے والی ان کی پریس کانفرنس ملتوی کر دی گئی ہے۔

خیال رہے کہ گزشتہ روز آرمی چیف جنرل قمر جاوید باجوہ کی زیر صدارت کور کمانڈرز کانفرنس ہوئی تھی جس میں اہم قومی معاملات زیر غور آئے تھے۔ ترجمان پاک فوج کو آج کور کمانڈرز کانفرنس میں ہونے والے فیصلوں کے حوالے سے بریفنگ دینا تھی جو ملتوی کر دی گئی ہے۔

لاہور(ایمرا نیوز)

لاہور(ایمرا نیوزآن لائن) بھارتی میڈیا کا ایک اور جھوٹ سامنے آگیا، گزشتہ روز بھارتی میڈیا پر ایک جھوٹا پروپیگنڈا گردش کررہا تھا کہ پاکستانی آرمی چیف جنرل قمر جاوید باجوہ نے بھارتی آرمی چیف سے رابطہ کیا ہے اور کہا ہے کہ وہ بھارتی آرمی چیف کے ساتھ کانگو میں ملاقات کریں گے اور خدمات بھی انجام دے گے بعدازا ترجمان پاک فوج نے کہا ہے کہ یہ آرمی چیف جنرل قمر جاوید باجوہ کے خلاف بھارتی میڈیا کا ایک اور جھوٹا پروپیگنڈا ہے اور آرمی چیف نے نہ ہی بھارتی آرمی چیف سے رابطہ کیا ہے اور نہ ہی کانگو میں ملاقات کا کہا ہے.
https://emra.tv/2019/01/24/سیف-علی-خان-نے-ا…-سارہ-علی-خان-کے/
بھارت کے ایک اور جھوٹے پروپیگنڈے پر ڈی جی آئی ایس پی آر میجر جنرل آصف غفور کا کہنا تھا کہ آرمی چیف جنرل قمر جاوید باجوہ نے بھارتی آرمی چیف سے نہ کبھی رابطہ کیا ہے اور نہ ہی کبھی کوشش کی ہے ، ڈی جی آئی ایس پی آر کا مزید کہنا تھا آرمی چیف نے بھارتی ہم منصف سے اقوام متحدہ کے امن مشن میں اکٹھے کوئی خدمات انجام نہیں دیں، دونوں ملکوں کے درمیان بات چیت کا اختیار صرف حکومتوں کو حاصل ہے.

راولپنڈی: (نیٹ نیوز/ایمرا نیوز) پاک فوج کے شعبہ تعلقات عامہ (آئی ایس پی آر) کے ڈائریکٹر جنرل میجر جنرل آصف غفور نے کہا ہے کہ فوجی عدالتیں پاک فوج کی خواہش نہیں بلکہ یہ قو می ضرورت تھیں ، پارلیمنٹ نے قومی سیاسی اتفاق رائے سے فوجی عدالتوں کے قیام کی منظوری دی تھی ، اگر پارلیمنٹ نے فوجی عدالتوں کی مدت میں توسیع کافیصلہ کیا تو یہ عدالتیں آگے اپنا کام جاری رکھیں گی تاہم یہ دیکھنا ہو گا کہ کیا ملک کا فوجداری نظام اب موثر ہو گیا ہے؟ ۔وہ جمعہ کو نجی ٹی وی چینل کو انٹرویو دے رہے تھے ۔ ڈی جی آئی ایس پی آر نے کہا کہ پاکستان میں دہشتگردی کی لہر تھی جس کے خلاف 2008 سے آپریشنز میں تیزی آئی ۔ ملٹری کورٹس کا فیصلہ پارلیمنٹ نے قومی سیاسی اتفاق رائے سے لیا تھا اور یہ دو مرتبہ پارلیمنٹ نے یہ فیصلہ کیا ۔ دہشتگردی کے خلاف ہم نے 20 سال سے جنگ لڑی ۔ 21 ویں ترمیم کے تحت دوبار2،2 سال کے لئے ملٹری کورٹس کے قیام کی منظور ی پارلیمنٹ نے دی تھی ۔ اب اگر تیسری بار فوجی عدالتیں بھی برقرار رہیں گی تو یہ بھی فیصلہ پارلیمنٹ ہی کرے گی ۔ سانحہ اے پی ایس پشاور کے بعد سیاسی اتفاق رائے سے پارلیمنٹ کی منظور ی کے بعد فوجی عدالتیں بنی تھیں ۔ انہوں نے واضح کیا کہ ملٹری کورٹس فوج کی خواہش نہیں بلکہ یہ قوم کی ضرورت تھیں ۔ اب یہ دیکھنا ہوگا کہ کیا ہمارا فوجداری نظام موثر ہوگیاہے ؟۔ انہوں نے کہاکہ اپنے قیام کے 4 سال کے دوران فوجی عدالتوں میں 717 مقدمات آئے ۔ میجر جنرل آصف غفور نے کہا کہ 4 سال میں ملٹری کورٹس نے 646 کیسز کے فیصلے کئے ۔ ملٹری کورٹس نے 345 مجرمان کو موت کی سزا سنائی ۔ فوجی عدالتوں سے سزا ملنے پر 56 مجرمان کو پھانسی ہوئی ۔