Tag karachi

بورڈ ایک ایسے پلان پر کام کررہا ہے جس کے تحت جونیئر سطح پر راہول ڈریوڈ ماڈل متعارف کرایا جائے گا، نوجوان کرکٹرز کیلئے ماضی کے کسی عظیم کھلاڑی کو کوچ مقرر کیا جائے گا نوجوان کھلاڑیوں کو آف دی فیلڈ ڈسپلن سکھانے کیلئے انگریزی کی کلاسز دی جائیں گی، کھانے پینے اور لباس کے معاملے پر بھی قومی اکیڈمی میں خصوصی کلاسز کا اہتمام کیا جائے گا
لاہور(ایمرا نیوز آن لائن) پاکستان کرکٹ بورڈنے جونیئر سطح پر بھارتی کرکٹر راہول ڈریوڈ کی طرز کا ماڈل متعارف کرانے کا فیصلہ کیا ہے۔ پاکستان کرکٹ بورڈ ایک ایسے پلان پر کام کررہا ہے جس کے تحت جونیئر سطح پر راہول ڈریوڈ ماڈل متعارف کرایا جائے گا اور نوجوان کرکٹرز کیلئے ماضی کے کسی عظیم کھلاڑی کو کوچ مقرر کیا جائے گا۔یاد رہے کہ بھارت نے ماضی کے عظیم کھلاڑی راہول ڈریوڈ کو اپنی انڈر 19 ٹیم کا نگران مقرر کیا ہوا ہے۔اس ماڈل کے تحت نوجوان کھلاڑیوں کو آف دی فیلڈ ڈسپلن سکھانے کیلئے انگریزی کی کلاسز دی جائیں گی، کھانے پینے اور لباس کے معاملے پر بھی قومی اکیڈمی میں خصوصی کلاسز کا اہتمام کیا جائے گا۔ گزشتہ کئی سالوں سے جونیئر ٹیموں کی کوچنگ میں بندر بانٹ ہورہی ہے اور ہر سیریز میں نیا کوچ ہوتا ہے۔ انڈر19 ورلڈ کپ میں پاکستانی ٹیم کے ہیڈ کوچ منصور رانا کو پاکستانی ٹیم میں ڈیلی الانس بانٹنے اور میڈیا ہینڈلنگ کا کام سونپ دیا گیا ہے۔اپنے انٹرویو میں کرکٹ بورڈ کے چیئرمین احسان مانی کا کہنا ہے کہ بلاشبہ مکی آرتھر نے پاکستانی ٹیم کو اوپر لانے میں محنت کی، یہ تاثر غلط ہے کہ پاکستانی کرکٹرز کو غیر ملکی کوچز سے بات چیت کرنے میں مشکل پیش آتی ہے۔انہوں نے کہا کہ ہمیں غیر ملکی کوچز کے ساتھ اپنے کوچز کو تیار کرنے کی ضرورت تھی لیکن بدقسمتی سے ہم نے یہ کام نہیں کیا۔ان کا کہنا تھا کہ پاکستان کی جونیئر کرکٹ میں راہول ڈریوڈ طرز پر ایسے کوچز لائیں گے جو بڑے پائے کے کھلاڑی رہے ہوں، پی سی بی کے اصلاحاتی ایجنڈے میں یہ نکتہ اہم ہے کہ بڑے کھلاڑی بھارتی طرز کا ماڈل اپناتے ہوئے جونیئر ٹیموں کو کوچ کریں۔ احسان مانی کے مطابق کھلاڑی ملک کے سفیر ہوتے ہیں جنہیں کرکٹ کے علاوہ کھانے پینے، بول چال اور ڈریسنگ کے بارے میں کلاسز دی جائیں گی تاکہ جب یہ کھلاڑی پاکستان ٹیم میں آئیں تو انہیں کرکٹ کے ساتھ ہر چیز کی مکمل آگاہی ہو، آن اور آف دی فیلڈ کھلاڑیوں کی ڈسپلن مثالی ہو۔

اپنی زندگی میں بیک وقت اتنی لاشیں نہیں دیکھیں،پوسٹمارٹم کرنیوالی ٹیم کے ڈاکٹر کی گفتگو
لکھنو(ایمرا نیوز آن لائن) بھارت میں33گھنٹوں میں 32ڈاکٹروں نی90لاشوں کا پوسٹ مارٹم کرکے سب کو حیرا ن کردیا، بھارتی ٹی وی کے مطابق اتر پردیش کے ضلع سہارنپور میں کے سی ایم ایس ہاسپٹل کے ڈاکٹر ایس کے ورشنے مارننگ واک سے لوٹ رہے تھے کہ انہیں ڈاکٹر کونال جین کا فون آیا، بولے، سر فوراً اسپتال پہنچئے۔ایس ایس پی بھی آئے ہوئے ہیں۔یہاں زہریلی شراب پینے سے درجنوں افراد بیمار پڑچکے ہیں اور متعدد کی حالت نازک ہے۔ڈاکٹرورشنے فوری اسپتال پہنچے اور مریضوں کی حالت دیکھ کر ایمرجنسی نافذ کردی۔ڈاکٹروں کی ٹیم بیماروں کے علاج اور مرنیوالوں کے پوسٹ مارٹم کی کارروائیوں میں مصروف ہوگئی۔ ڈاکٹر ایس کے ورشنے نے بتایا کہ چند گھنٹوں میں مرنیوالوں کی تعداد 23تک پہنچ گئی۔اسپتال میں 32ڈاکٹروں کو طلب کیاگیا۔ڈاکٹروں نے 3شفٹوں میں مریضوں کا پوسٹ مارٹم کیااور رات ایک بجے تک 23لاشوں کو کھولنے اور سلائی کرنے کے بعد صفائی کارکن بیہوش ہوکر گرپڑا۔ڈاکٹرایس کے ورشنے کے مطابق گزشتہ روز رات 8بجے تک 69لاشوں کے پوسٹ مارٹم کئے گئے۔۔ آدھرمیرٹھ میں 8گھنٹوں میں 21لاشوں کا پورسٹ مارٹم کرنے والی ٹیم کے سربراہ ڈاکٹر یشویر سنگھ نے بتایا کہ اپنی زندگی میں بیک وقت اتنی لاشیں نہیں دیکھیں۔ زہریلی شراب کے واقعہ میں مرنیوالوں کے اہل خانہ زاروقطار رورہے تھے اور ہر طرف افراتفری کا ماحول برپا تھا۔ ہم نے ٹیم ورک کے ساتھ کام کیا۔لنچ بھی پوسٹ مارٹم ہاو¿س میں ہی کیا اورتمام لاشوں کے پوسٹ مارٹم مقررہ وقت پر انجام دیئے گئے۔مذکورہ2اضلاع میں اِس کارروائی میں کل33 گھنٹے صرف ہوئے۔

جرمن امدادی جہاز کا نام اپنے بیٹے کے نام پر رکھے جانے پر مسرور ہیں ،والد عبداللہ کردی
میڈرڈ(ایمرا نیوز آن لائن) بحیرہ روم میں پناہ گزینوں کی مدد کے لیے سرگرم ایک جرمن بحری جہاز کا نام بدل کر شامی بچے ایلان کردی نام پر رکھ دیا گیا ہے۔ تین سالہ کرد نڑاد ایلان کی لاش 2 ستمبر 2015 کو ترکی کے شہر بدروم کے ساحل پر ملی تھی۔میڈیارپورٹس کے مطابق اسپین کے جزیرے میں منعقد جہاز کا نام بدلنے کی تقریب میں ایلان کے والد عبداللہ کردی اور اس کی بہن تیما کردی نے بھی شرکت کی۔
اس موقع پر عبداللہ کردی کی جانب سے جاری بیان میں کہا گیا کہ وہ جرمن امدادی جہاز کا نام اپنے بیٹے کے نام پر رکھے جانے پر مسرور ہیں ، ساحل پر مردہ حالت میں پائے جانے والے ایلان کو کبھی نہیں بھلایا جانا چاہیے۔ننھا ایلان اپنے بھائی غالب اور والدہ ریحانہ کے ساتھ اس وقت موت کا شکار ہو گیا جب ان کی ربڑ کی کشتی بحیرہ ایجہ میں ڈوب گئی تھی۔ ترکی کے ایک ساحل پر ایلان کی لاش کی تصویر پوری دنیا کے ذرائع ابلاغ اور سوشل میڈیا پر پھیل گئی اور اس نے لوگوں کو غم کے سمندر میں غرق کر دیا۔

تفتیشی اہلکاروں کا طریقہ کار غیر پیشہ ورانہ تھا تاہم سانپ زہریلا نہ ہونے کے سبب ملزم کی جان کو کوئی خطرہ نہیں تھا، پولیس چیف
جکارتا(ایمرا نیوز آن لائن) انڈونیشیا پولیس نے ملزم پر دوران تفتیش جرم کا اعتراف کرانے کے لیے سانپ چھوڑنے پر معافی مانگ لی ہے۔بین الاقوامی خبر رساں ادارے کے مطابق انڈونیشیا پولیس نے سوشل میڈیا پر وائرل ہونے والی ویڈیو پر عوام سے معافی مانگ لی ہے۔ اس ویڈیو میں تفتیشی اہلکار تھانے میں ایک ملزم پرسانپ پھینک کر ڈرا دھمکا رہے تھے۔ملزم پر ایک شہری کا موبائل چھیننے کا الزام تھا تاہم ملزم اپنے جرم کا اعتراف نہیں کر رہا تھا جس پر تفتیشی اہلکاروں نے ہتھکڑی لگے ملزم پرسانپ چھوڑ دیا تاکہ وہ خوفزدہ ہوکر اپنا جرم مان لے۔مقامی پولیس چیف نے ویڈیو وائرل ہونے کے بعد عوام سے معذرت کرتے ہوئے کہا کہ تفتیشی اہلکاروں کا طریقہ کار غیر پیشہ ورانہ تھا تاہم سانپ زہریلا نہ ہونے کے سبب ملزم کی جان کو کوئی خطرہ نہیں تھا اس لیے اقدام قتل کی دفعہ عائد نہیں ہوسکتی۔انسانی حقوق کی تنظیموں نے ویڈیو وائرل ہونے پر پولیس کے تفتیش عمل کو غیر قانونی قرار دیتے ہوئے سخت احتجاج کیا تھا جب کہ سوشل میڈیا پر بھی صارفین نے پولیس کے رویے کو سخت تنقید کا نشانہ بنایا تھا۔

فریال تالپور اور وزیراعلیٰ سندھ مراد علی شاہ کو بھی طلب کیا جائے گا ، تینوں رہنما ﺅں کی طلبی نیب راولپنڈی بیورو میں ہوگی، نیب
راولپنڈی(ایمرا نیوز آن لائن) قومی احتساب بیورو(نیب) نے جعلی بینک اکانٹس کیس میں تفتیش کیلئے سابق صدر آصف علی زرداری کو طلب کرنے کا فیصلہ کر لیا ہے۔نیب ذرائع کا کہنا ہے فریال تالپور اور وزیراعلی سندھ مراد علی شاہ کو بھی طلب کیا جائے گا اور تینوں رہنماں کی طلبی نیب راولپنڈی بیورو میں ہوگی۔ ذرائع کے مطابق تینوں رہنماں کو جلد طلبی کے نوٹس جاری کیے جائیں گے اور جعلی اکانٹس کیس سے متعلق تفتیش کی جائے گی۔آصف علی زرداری، فریال تاپور اور مراد علی شاہ کے بیانات ریکارڈ کرنے کے علاوہ سوالنامہ بھی دیا جائے گا۔یاد رہے کہ نیب نے لاہور ہائی کورٹ میں سا بق صدر آصف علی زرداری کی اثاثہ جات ریفرنس میں بریت کے خلاف رخواست کی جلد سماعت کیلئے بھی رجوع کر رکھا ہے۔نیب نے اکتوبر 2017 میں احتساب عدالت کے اس فیصلے کو ہائی کورٹ میں چیلنج کیا تھا تاہم اس پر سماعت نہیں ہوئی تھی۔ نیب کی درخواست پر ہائی کورٹ نے آصف زرداری کی بریت کیخلاف درخواست کو سماعت کیلئے 6 مارچ کو مقرر کر دیا ہے۔یاد رہے کہ وفاقی تحقیقاتی ایجنسی( ایف آئی اے) بے نامی اکانٹس سے منی لانڈرنگ کیس میں 32 افراد کے خلاف تحقیقات کر رہی ہے جن میں آصف علی زرداری اور فریال تالپور بھی شامل ہیں۔ایف آئی اے نے اسی معاملہ میں نجی بینک کے سربراہ حسین لوائی اور بینکر طحہ کو گرفتار کیا تھا جو جوڈیشل ریمانڈ پر جیل میں ہیں۔ اومنی گروپ کے سربراہ جعلی بینک اکانٹس سے فائدہ اٹھانے والی کمپنیوں کے ساتھ تعلق کا اقرار بھی کر چکے ہیں۔سابق وزیر اعظم آصف علی زرداری اور فریال تالپور نے عدالت سے ضمانت قبل از گرفتاری حاصل کر رکھی ہے۔

بہت زیادہ پرجوش ہوں، یہ فلم پہلی 2 فلموں سے بھی زیادہ بڑی ہوگی‘شردہا کپور
ممبئی(ایمرا نیوز آن لائن) بولی وڈ اداکارہ شردہا کپور ایک مرتبہ پھر اداکار ٹائیگر شروف کےساتھ فلم سیریز ’باغی‘ کے تیسرے حصے میں رومانس کرتی نظر آئیں گی۔بھارتی نشریاتی ادارے کے مطابق فلم ’باغی‘ کے پروڈیوسرز اس کے تیسرے حصے پر کام کررہے ہیں، جس میں ایک مرتبہ پھر ٹائیگر شروف ہی مرکزی کردار نبھاتے نظر آئیں گے، تاہم فلم کی مرکزی اداکارہ کی کھوج جاری تھی، تاہم اب شردہا کپور کو کاسٹ کرلیا گیا ہے۔دلچسپ بات یہ ہے کہ شردہا کپور اس فلم سیریز کی پہلی فلم میں بھی ٹائیگر شروف کےساتھ کام کرچکی ہیں، جو باکس آفس پر کامیاب ثابت ہوئی تھی۔تاہم اس سیریز کی دوسری فلم باغی 2 میں شردہا کپور کی جگہ ٹائیگر شروف کی گرل فرینڈ دیشا پٹانی نے لے لی تھی۔سیریز کی تیسری فلم کے لیے بھی شردہا کپور کےساتھ ساتھ دیشا پٹانی کو کاسٹ کرنے کی خبریں سامنے آئیں تھی، تاہم شردہا کو آخر کار کاسٹ کیا گیا۔بھارتی میڈیا رپورٹس کے مطابق فلم میں کاسٹنگ کے حوالے سے شردہا کا کہنا تھا کہ میں بہت زیادہ پرجوش ہوں، یہ فلم پہلی دو فلموں سے بھی زیادہ بڑی ہوگی، پہلی فلم میں کام کرنے کا میرا تجربہ بھی بہت اچھا رہا تھا، فلم کا اسکرپٹ بھی بہت متاثر کن ہے‘۔فلم کے پروڈیوسر ساجد ناڈیہ والا نے شردہا کا فلم میں حصہ بننے پر اپنی خوشی کا اظہار کرتے ہوئے کہا کہ ’فلم باغی کی پوری ٹیم شردہا کی واپسی سے بےحد خوش ہے، ٹائیگر اور شردہا کی جوڑی کو باغی میں بےحد پسند کیا گیا تھا ۔

میشا میری اور میرا کی بیٹی ہے ‘اس کا خیال ہم سے زیادہ کوئی نہیں رکھ سکتا:اداکار
ممبئی (ایمرا نیوز آن لائن) بولی وڈ اداکار شاہد کپور کی اہلیہ میرا راجپوت نے اپنی بیٹی میشا کی ایک تصویر سوشل میڈیا پر دلچسپ سمجھ کر شیئر کی ،تاہم بعدازاں انہیں اس پر شدید تنقید کا سامنا کرنا پڑا۔بھارتی خبر رساں ادارے کے مطابق چند روز قبل میرا نے اپنے انسٹاگرام اکاو¿نٹ پر بیٹی کی تصویر شیئر کی، جس میں انہوں نے میشا کے بالوں کو رنگا ہوا تھا۔بعدازاں میرا کو اس عمل پر شدید تنقید کا سامنا کرنا پڑا، جس کے بعد انہوں نے وضاحت دی کہ میشا کے بالوں میں کیا ہوا رنگ مستقل نہیں بلکہ عارضی طور پر کیا ہے۔اس ہی حوالے سے ایک ایونٹ کے دوران جب شاہد کپور سے میڈیا نے سوال کیا تو اداکار نے اپنی اہلیہ کا ساتھ دیتے ہوئے ان پر تنقید کرنے والوں کو منہ توڑ جواب دےدیا۔شاہد کپور کا کہنا تھا کہ ہم نے ایک تھیم کو فالو کیا تھا اور بہت ایڈٹ کرکے اس تصویر کو شیئر کیا گیا ۔اداکار نے کہا کہ میشا ان کی اور میرا ی بیٹی ہے اور اس کا خیال ان دونوں سے زیادہ کوئی نہیں رکھ سکتا۔

فیصد کمپنیاں پرائیویٹ لمیٹڈ ، 24فیصد سنگل ممبر کمپنیاں رجسٹرڈ ہوئیں،جنوری میں 61کمپنیوں میں غیر ملکی سرمایہ کاری ہوئی، ترجمان
لاہور(ایمرا نیوز آن لائن)سکیورٹیز اینڈ ایکسچینج کمیشن آف پاکستان میں سال 2019 کے پہلے ماہ جنوری میں ایک ہزار 317کمپنیاں رجسٹرڈ ہوئیں جس کے بعد رجسٹرڈ کمپنیوں کی مجموعی تعداد 95ہزار ہوگئی۔ترجمان ایس ای سی پی کے مطابق جنوری میں73 فیصد کمپنیاں پرائیویٹ لمیٹڈ ، 24فیصد سنگل ممبر کمپنیاں رجسٹرڈ ہوئیں،تین فیصد کمپنیاں غیر منافع بخش اداروں ، غیر ملکی اور لمیٹڈ لائیبیلٹی پارٹنر شپس کمپنیاں ہیں۔ جنوری میں 214کمپنیاں ٹریڈنگ کے شعبے میں رجسٹر ہوئیں۔ترجمان کے مطابق خدمات میں 185، تعمیرات میں 180، انفرمیشن ٹیکنالوجی میں 128اور سیاحت میں 74کمپنیاں رجسٹرڈ ہوئیں۔جنوری میں 61کمپنیوں میں غیر ملکی سرمایہ کاری ہوئی۔

امریکی ڈالر کی قدر میں31پیسے جبکہ اوپن کرنسی مارکیٹ میںامریکی ڈالرکی قیمت خریدمیں30پیسے اور قیمت فروخت میں50پیسے کا اضافہ ریکارڈ
کراچی(ایمرا نیوز آن لائن)ملکی کرنسی مارکیٹوں میں غیرملکی کرنسی کے مقابلے میں پاکستانی روپے کی بے قدری کا تسلسل جاری ہے ۔ منگلکوانٹربینک مارکیٹ میں پاکستانی روپے کے مقابلے میں امریکی ڈالر کی قدر میں31پیسے جبکہ اوپن کرنسی مارکیٹ میںامریکی ڈالرکی قیمت خریدمیں30پیسے اور قیمت فروخت میں50پیسے کا اضافہ ریکارڈ کیاگیا۔فاریکس ایسوسی ایشن آف پاکستان کے جاری کردہ اعدادوشمار کے مطابق منگل کوانٹربینک مارکیٹ میں پاکستانی روپے کے مقابلے میں امریکی ڈالر کی قدر میں31پیسے کااضافہ ریکارڈ کیاگیا، جس کے نتیجے میں امریکی ڈالر کی قیمت خرید138.65روپے سے بڑھ کر138.96روپے اور قیمت فروخت138.75روپے سے بڑھ کر139.06روپے ہوگئی۔اوپن کرنسی مارکیٹ میںپاکستانی روپے کے مقابلے میں امریکی ڈالر کی قیمت خریدمیں30پیسے اور قیمت فروخت میں50پیسے کا اضافہ ریکارڈ کیاگیا،جس کے نتیجے میں امریکی ڈالر کی قیمت خرید138.20روپے سے بڑھ کر138.50روپے اورقیمت فروخت138.70روپی سے بڑھ کر139.20روپے ہوگئی۔یوروکی قیمت میں20پیسے اور برطانوی پاﺅنڈکی قیمت میںبھی20پیسی کااضافہ ریکارڈ کیاگیا،جس کے نتیجے میں باالترتیب یوروکی قیمت خرید156.00روپے سے بڑھ کر156.20روپے اورقیمت فروخت157.80روپے سے بڑھ کر158.00روپے جبکہ برطانوی پاﺅنڈکی قیمت خرید178.30روپے سے بڑھ کر178.50روپے اورقیمت فروخت179.80روپے سے بڑھ کر180.00روپے ہوگئی۔فاریکس رپورٹ کے مطابق سعودی ریال کی قیمت میں20پیسے اور یواے ای درہم کی قیمت میں بھی20پیسے کااضافہ ریکارڈ کیاگیا،جس کے نتیجے میں باالترتیب سعودی ریال کی قیمت خرید36.70روپے سے بڑھ کر36.90روپے اورقیمت فروخت37.00روپے سی بڑھ کر37.20روپے اوریواے ای درہم کی قیمت خرید37.60روپے سے بڑھ کر37.90روپے اورقیمت فروخت37.90روپے سے بڑھ کر38.10روپے ہوگئی۔ منگل کوچینی یوآن کی قیمت خریدمیں20پیسے اورقیمت فروخت میں50پیسے کی کمی ریکارڈ کی گئی ،جس کے نتیجے میں چینی یوآن کی قیمت خرید20.50روپے سے گھٹ کر20.30روپے اور قیمت فروخت21.80روپے سے گھٹ کر21.30روپے ہوگئی۔

فیصل آباد(آن لائن)کباڑ کی شکل میں در آمد کئے جانے والے آٹو پارٹس کے کاروبار کیلئے آسانیاں پیدا کی جائیں اور اس سلسلہ میں کسٹم انٹیلی جنس کو دیئے گئے قوانین میں بھی فوری تبدیلیاں کی جائیں۔ یہ بات فیصل آباد چیمبر آ ف کامرس اینڈانڈسٹری کے سینئر نائب صدر میاں تنویر احمد نے فیصل آباد چیمبر کی اولڈ سپیئرپارٹس بارے قائمہ کمیٹی کے اجلاس سے خطاب کرتے ہوئے کہی۔قائمہ کمیٹی کے چیئرمین محمد یعقوب اعوان نے بتایا کہ اولڈ سپیئر پارٹس مارکیٹ کا تمام تر دارومدار بیرون ملک سے بطور کباڑ آنے والے پارٹس پر ہوتا ہے۔ یہ سامان کنٹینروں کے ذریعے مختلف ڈرائی پورٹس پر آتا ہے ۔ درآمد کنندگان مجوزہ کسٹم ڈیوٹی ادا کرنے کے بعد اس سامان کو لا کر اس مارکیٹ کے ذریعے فروخت کرتے ہیں۔انہوں نے کہا کہ ڈرائی پورٹس سے خریدے گئے سامان کو راستے میں ہی کسٹم انٹیلی جنس والے پکڑ لیتے ہیں جس کی وجہ سے ہزاروں دوکانداروں کو نہ صرف مالی طور پر نقصان اٹھانا پڑتا ہے بلکہ ان پر بلا جواز مقدمات بھی بنائے جاتے ہیں۔انہوں نے تحریک انصاف کی حکومت کی طرف سے اداروں کو درست کرنے کے عزم کو سراہا اور مطالبہ کیا کہ کسٹم انٹیلی جنس کے کاروبار دشمن رویہ کو بدلنے کیلئے موجوہ قوانین میں ترمیم کی جائے۔ انہوں نے کہا کہ اس وقت محکمہ کے ظالمانہ رویہ کی وجہ سے عوام اور حکومت میں غلط فہمیاں پیدا ہو رہی ہیں جن کا فوری ازالہ کرنا ضروری ہے ۔ انہوں نے مطالبہ کیا کہ آٹو پارٹس کے کباڑ کی درآمد کے حوالے سے موجودہ قوانین کو سادہ اور آسان بنایا جائے تا کہ اس کاروبار سے وابستہ افرادبا عزت طور پر اپنی روزی کما سکتے ہیں۔اس اجلاس میں چیئرمین قائمہ کمیٹی محمد یعقوب اعوان کے علاوہ ممبران کمیٹی جنید محمود بیگ ، شاہد حیات واہلہ ، حاجی محمد اصغر، محمد نثار افضل حمد ظہور احمد، حاجی عبدالرزاق ، محمد رزاق ، مشتاق احمد ، محمد ولید رضا ، روح اللہ خان اور عبدالغفارنے بھی شرکت کی۔