Tag karachi

انڈسٹری کو گیس کی بلاتعطل فراہمی کے بغیر ایکسپورٹ کے اہداف حاصل کرنا ناممکن ہے، تاجروصنعتکاربرادری
کراچی(ایمرا نیوز آن لائن)صنعتکاروں نے ایس ایس جی سی کے لوڈ مینجمنٹ پلان کر مسترد کردیاہے۔تاجروں اور صنعتکاروں نے کہا ہے کہ انڈسٹری کو گیس کی بلاتعطل فراہمی کے بغیر ایکسپورٹ کے اہداف حاصل کرنا ناممکن ہے۔انہوں نے حکومت سے انڈسٹریز کو بلاتعطل گیس کی فراہمی کامطالبہ کیا ہے۔ سوئی سدرن گیس کمپنی کی جانب سے لوڈ مینجمنٹ پلان کے تحت صنعتوں کو گیس کی فراہمی معطل کرنے پر صنعتکاروں نے برہمی کا اظہار کیا۔ایف پی سی سی آئی کے صدر انجینئردارو خان نے اس حوالے سے کہاکہ لوڈ مینجمنٹ پلان کی بھرپور مخالفت کرتے ہیں انڈسٹری بند ہونے سے ایکسپورٹ ٹارگٹ کا حصول مشکل ہوجائے گا۔اس حوالے سے سینئر نائب صدرایف پی سی سی آئی مرزا اختیار بیگ نے کہا کہ حکومت نے موسم سرما میں انڈسٹری کو لوڈ مینجمنٹ میں شامل نہ کرنے کا وعدہ کیا تھا۔ لوڈمینجمنٹ پلان کے تحت سوموار صبح 8 بجے سےمنگل صبح8 بجے تک 24 گھنٹے کیلئے انڈسٹری کو گیس کی سپلائی معطل رکھی گئی ہے۔

پاکستان کے طالب علم پاکستان کا روشن مستقبل ہیں، اعلی تعلیم اور محنت سے کامیابی حاصل کی جاسکتی ہے، چینی سفیر کا بیان
اسلام آباد(ایمرا نیوز آن لائن)پاکستان میں چین کے سفیر یا ﺅ جنگ نے کہاہے کہ پاک راہداری پاکستان کی ترقی میں اہم کردار ادا کرے گا،پاکستان کے طالب علم پاکستان کا روشن مستقبل ہیں، اعلی تعلیم اور محنت سے کامیابی حاصل کی جاسکتی ہے ۔ منگل کو ایک بیان میں انہوں نے کہاکہ چین اور پاکستان مل کر ترقی کریں گے ۔چینی سفیر نے کہا کہ پاکستان کے طالب علم پاکستان کا روشن مستقبل ہیں ۔انہوں نے کہا کہ اعلی تعلیم اور محنت سے کامیابی حاصل کی جاسکتی ہے ۔ انہوں نے کہاکہ چین پاک راہدری پاکستان کی ترقی میں اپنا کردار ادا کریگا۔ا نہوں نے کہاکہ گزشتہ پانچ برسوں میں سی پیک کے متعد منصوبے مکمل ہوئے ۔انہوںنے کہاکہ اسلام آباد پرائیویٹ سیکٹرز کے ساتھ مل کر اکنامک زون بنائیں گے۔

طبی بنیادوں پر ضمانت کے حق دار نہیں،میڈیکل گراﺅنڈ پر نواز شریف کو ضمانت نہیں دی جا سکتی سابق وزیراعظم کی درخواست مسترد کر دی جائے، نیب
اسلام آباد(ایمرا نیوز آن لائن) سابق وزیر اعظم نواز شریف کی درخواست ضمانت پر قومی احتساب بیورو(نیب) نے اپنا جواب جمع کرا دیا ہے۔
اسلام آباد ہائی کورٹ میں جمع کرائے گئے جواب میں نیب نے ضمانت کی مخالفت کرتے ہوئے کہا کہ میڈیکل گرانڈ پر نواز شریف کو ضمانت نہیں دی جا سکتی سابق وزیراعظم کی درخواست مسترد کر دی جائے۔قومی احتساب بیورو نے کہا کہ نواز شریف کی درخواست ضمانت ناقابل سماعت ہے، گرفتار مجرم نواز شریف کو دستیاب بہترین طبی سہولیات فراہم کی جارہی ہیں وہ طبی بنیادوں پر ضمانت کے حق دار نہیں۔میڈیکل گرا ﺅنڈ پر نوازشریف کی ضمانت، درخواست پر سماعت ملتوییاد رہے کہ العزیزیہ ریفرنس میں قصوروار ٹھہرائے جانے کے بعد سابق وزیراعظم نے سزا معطلی کیلئے اسلام آباد ہائی کورٹ سے رجوع کیا تھا۔ بعد ازاں نوازشریف کی طبیعت خراب ہوگئی تو ان کے وکیل خواجہ حارث نے عدالت میں میڈیکل گرانڈ پر سزا معطلی درخواست دائر کی۔میڈیکل گرانڈ پر سزا معطلی کی درخواست پر سماعت کے دوران عدالت نے سابق وزیراعظم کی رپورٹس بھی طلب کی تھیں۔ خواجہ حارث نے متفرق درخواست میں کہا ہے کہ ہم نواز شریف کی سزا معطلی والی پہلی درخواست واپس لے کر میڈیکل گرانڈ والی اپیل پر پیروی کرنا چاہتے ہیں۔

اورنگی ٹان کی رہائشی تعظیم فیضان میں کانگو وائرس کی تصدیق ہوئی تھی، تعظیم فیضان کو گزشتہ روز جناح اسپتال لایا گیا تھا، خصوصی وارڈ میں رکھا گیا تھا صبح انتقال ہو گیا
کراچی(ایمرا نیوز آن لائن) کراچی میں کانگو وائرس نے پہلی خاتون کی جان لے لی۔جناح اسپتال کی ایگزیکٹیو ڈائریکٹر ڈاکٹر سیمی جمالی کے مطابق کراچی کے علاقے اورنگی ٹان کی رہائشی تعظیم فیضان میں کانگو وائرس کی تصدیق ہوئی تھی۔ تعظیم فیضان کو گزشتہ روز جناح اسپتال لایا گیا تھا۔انہوں نے کہا کہ خاتون کو خصوصی وارڈ میں رکھا گیا تھا اور خصوصی توجہ دی جا رہی تھی تاہم تعظیم فیضان کا صبح انتقال ہو گیا۔کانگو بیماری کی اہم علامات میں شدید تھکاٹ، بخار، بے چینی، بے ہوشی، پٹھوں میں شدید کھنچا اور قوت مدافعت میں کمی شامل ہیں جس کی وجہ سے مریض کی طبیعت گری گری سی رہتی ہے اور وہ کمزوری محسوس کرتا ہے۔مریض جس وقت مرض میں مبتلا ہوتا ہے اس دوران اس کی بھوک تقریبا ختم ہوجاتی ہے۔ بخار کی شدت میں عموما تین سے چار دن میں کمی آجاتی ہے لیکن اس کے بعد بخار پھر شدت اختیار کر لیتا ہے ۔ چہرے سمیت پورے جسم پہ سرخ دانے نکل آتے ہیں، پورا منہ چھالوں سے بھر جاتا ہے جن کے پھٹنے سے خون رسنے لگتا ہے ۔

28 مارچ تک گرفتار کرکے عدالت میں پیش کرنے کا حکم
شاہ محمود قریشی ، اسد عمر ، شفقت محمود ، جہانگیر ترین کی عدالت میں حاضری سے استثنٰی کی درخواست منظور
اسلام آباد(ایمرا نیوز آن لائن) انسداد دہشتگردی کی عدالت نے پی ٹی وی و پارلیمنٹ ہاؤس حملہ کیس میں وزیر اطلاعات خیبرپختونخوا شوکت یوسفزئی سمیت تحریک انصاف کے 26 کارکنان کے ناقابل ضمانت وارنٹ گرفتاری جاری کرتے ہوئے 28 مارچ کو عدالت کے سامنے پیش کرنے کا حکم دے دیا ہے ۔ تفصیلات کے مطابق منگل کے روز وفاقی دارالحکومت اسلام آباد کی انسداد دہشتگردی عدالت میں پی ٹی وی اور پارلیمنٹ ہاؤس حملہ کیس کی سماعت ہوئی جس میں عدالت نے صوبائی وزیر اطلاعات شوکت یوسفزئی کی مسلسل عدم حاضری کے تناظر میں ان کے ناقابل ضمانت وارنٹ گرفتاری جاری کر دیئ جبکہ کیس میں مزید 26 پی ٹی آئی کے کارکنان کے بھی ناقابل ضمانت وارنٹ گرفتاری جاری کر کے شوکت یوسفزئی سمیت 28 مارچ کو عدالت کے سامنے پیش کرنے کا حکم دیا گیا ہے ۔ وزیر خارجہ شاہ محمود قریشی ، وزیر خزانہ اسد عمر ، وزیر تعلیم شفقت محمود سمیت جہانگیر ترین کی حاضری سے استثنٰی کی درخواست عدالت میں دائر کی گئی جسے عدالت نے منظور کر لیا جبکہ صدر عارف علوی ، وزیر اعظم عمران خان اور جہانگیر ترین کی بریت کی درخواست پر بحث نہ ہو سکی ۔ عدالت نے کیس کی سماعت کو 28 مارچ تک ملتوی کر دی ہے ۔ ( جاوید/ اشفاق)

ممبئی(ایمرا نیوز آن لائن)بولی وڈ اداکارہ شردھا کپور نے اپنے نئے بوائے فرینڈ کو سابق بوائے فرینڈ کے ساتھ کام کرنے سے روک دیا ہے۔ اطلاعات ہیں کہ شردھا کپور نے بوائے فرینڈ روہن شریستھا کو اداکار فرحان اختر کے ساتھ کسی طرح کا بھی کام کرنے سے روک دیا ہے۔
خیال رہے کہ شردھا کپور کے روہن شریستھا سے تعلقات سے قبل اداکار فرحان اختر سے تعلقات تھے۔بھارتی میڈیا کے مطابق فرحان اختر اور شردھا کپور کے درمیان 2018 کی پہلی سہ ماہی تک گہرے تعلقات رہے اور دونوں کو متعدد بار ایک ساتھ دیکھا گیا۔اگرچہ دونوں نے کبھی بھی شادی کی بات نہیں کی تھی، تاہم بھارتی میڈیا میں رپورٹس تھیں کہ دونوں ممکنہ طور پر شادی کرنے کا ارادہ بھی رکھتے ہیں۔تاہم اچانک ہی فرحان اختر اور شردھا کپور کے درمیان اختلافات پیدا ہوگئے اور دونوں کے درمیان علیحدگی ہوگئی۔دونوں میں علیحدگی کے بعد جہاں شردھا کپور نے اپنے دیرینہ دوست فوٹوگرافر روہن شریستھا سے تعلقات بڑھائے، وہیں فرحان اختر نے بھی گلوکار شبانی ڈنڈیکر سے تعلقات استوار کرلیے۔اطلاعات ہیں کہ فرحان اختر اور شبانی ڈنڈیکر رواں برس شادی کے بندھن میں بندھ جائیں گے اور دونوں کو متعدد بار ایک ساتھ دیکھا گیا ہے۔

واشنگٹن(ایمرا نیوز آن لائن) انڈر ٹیکر نے ڈبلیو ڈبلیو ای کو الوداع کہنے کا فیصلہ کرلیا ہے اور اس بار کچھ واضح علامات بھی نظر آرہی ہیں۔امریکی جریدے فوربس کے مطابق انڈرٹیکر نے گزشتہ سال نومبر میں سماجی رابطے کی ویب سائٹ ٹوئٹر میں شمولیت اختیار کی اور اس کے بعد سے اپنی ذاتی تفصیلات میں سے ڈبلیو ڈبلیو ای کے تمام حوالوں کو ہٹا دیا۔اب انہوں نے ایک ای میل ایڈریس اس اکاﺅنٹ پر دیا ہوا، جس کے ذریعے ان کی بکنگ کے لیے رابطہ کیا جاسکتا ہے۔رپورٹ میں مزید بتایا گیا کہ اس سال ریسل مینیا 35 میں انڈر ٹیکر کی شمولیت کا امکان نہیں اور کمپنی نے ان کے لیے کسی میچ کی منصوبہ بندی نہیں کی ہوئی، یہاں تک کہ وہ اپنے ریسلنگ کردار کا تحفظ بھی نہیں کررہے۔عام طور پر انڈر ٹیکر اپنے مخصوص انداز کا تحفظ کرتے ہیں اور بہت کم عوامی سطح پر نظر آتے ہیں مگر اب وہ میڈیا بکنگ کررہے ہیں اور یہ اس وقت ہوا ہے جب کمپنی نے ریسل مینیا میں ان کے لیے کوئی میچ شیڈول نہیں کیا۔انڈر ٹیکر اس وقت مداحوں کو آٹوگراف دینے کے عوض فی گھنٹہ 25 ہزار ڈالر (لگ بھگ 35 لاکھ پاکستانی روپے) کما رہے ہیں۔اپنے ڈیڈ مین کریکٹر سے ان کی دوری اس بات کا عندیہ ہے کہ وہ ریسلنگ سے ریٹائرمنٹ لے چکے ہیں یا اس کا اعلان کرنے کے قریب ہیں۔

بنی گالہ میں مستقل رہائش رکھیں گے اور پرائم منسٹرسیکرٹریٹ میں صرف وزارت عظمیٰ کے امور سرانجام دیں گے
اسلام آباد(ایمرا نیوز آن لائن) وزیراعظم عمران خان نے وزیراعظم ہاس میں رہائش ترک کردی ہے۔ذرائع کا کہنا ہے کہ وزیراعظم اب بنی گالہ میں مستقل رہائش رکھیں گے اور پرائم منسٹرسیکرٹریٹ میں صرف وزارت عظمی کے امور سرانجام دیں گے۔یاد رہے کہ عمران خان اس سے قبل بھی وزیراعظم ہاوس کی اسٹاف کالونی میں رہائش پذیرتھے۔ اقتدار میں آنے کے بعد عمران خان نے کہا تھا کہ وہ وزیراعظم ہاس کو رہائش کیلئے استعمال نہیں کریں گے تاکہ قومی خزانے کا بوجھ کم کیا جاسکے۔وزیراعظم نے اپنی الیکشن کمپین میں وعدہ کیا تھا کہ وہ وزیراعظم ہاس کو ایک تعلیمی ادارے میں تبدیل کردیں گے۔اسلام آباد میں وزیر اعظم ہاس 8 سو کنال پر مشتمل ہے جس میں وزیر اعظم کی رہائش گاہ 9 بیڈ رومز ہیں۔ وزیراعظم ہاس میں پرنسپل سیکریٹری، اسپیشل سیکریٹری، ملٹری سیکریٹری، ڈپٹی ملٹری سیکریٹریز، جب کہ وزیر اعظم کے دیگر سینئر اسٹاف کے لیے اپارٹمنٹس بھی ہیں۔ یہاں پر پولیس اور دیگر سیکوریٹی عملے کی رہائش گاہ بھی ہے جب کہ 10کمروں پر مشتمل کیمپ آفس بھی وزیر اعظم ہاس کا حصہ ہے۔

حضرت عثمان کے دور میں معتبر صحابی حضرت سعد ابن ابی وقاص چین آئے تو چینی شہنشاہ نے رسول اللہ کی یاد میں اس مسجد کی تعمیر کا حکم دیا،چینی سفارتکار لیجن زاہو نے چین میں موجود 14 سو سال قدیم مسجد کی تصاویر سوشل میڈیا پر پوسٹ کردیں
اسلام آباد (ایمرا نیوز آن لائن)چینی ڈپٹی مشن لیجن زاہو نے چین میں موجود 14 سو سال قدم مساجد کی تصاویر سوشل میڈیا پر پوسٹ کر دیں۔مسجد چینی شہنشاہ کے حکم پر حضرت عثمان کے دور میں تعمیر کی گئی ۔تفصیلات کے مطابق پاکستان اور چین کی دوستی اقوام عالم میں ضرب المثل کی سی حیثیت رکھتی ہے۔دونوں ممالک میں محبت ، برابری اور باہمی عزت کا رشتہ ہر گزرتے دن کے ساتھ مضبوط سے مضبوط ہوتا جارہا ہے۔جب بھی پاک چین دوستی کی بات ہو تو کہا جاتا ہے کہ پاکستان اور چین کی دوستی ہمالیہ سے زیادہ اونچی اور سمندر سے زیادہ گہری ہے۔دونوں نہایت قریبی اور مضبوط سیاسی و معاشی تعلقات کے حوالے سے دنیا بھر میں جانے اور پہچانے جاتے ہیں۔ یہ تعلقات کوئی نئے نہیں بلکہ گزشتہ سات دہائیوں پر محیط ہیں اور ان کی جڑیں بہت گہری اور مضبوط ہیں۔پاکستان اور چین دکھ سکھ کے ساتھی ہیں۔دونوں ممالک کے حکمرانوں کے ساتھ عوام بھی ہمیشہ ایک دوسرے کے ساتھ محبت اور دوستی کا دم بھرتے نظر آتے ہیں۔ تاہم سی پیک کے آنے کے بعد اس دوستی کو ایک نئی جہت ملی ہے۔جس کے بعد عوام سے عوام کا رابطہ بڑھا ہے ،یہی وجہ ہے کہ چینی شہریوں اور پاکستانی شہریوں میں شادیوں کا رشتہ بھی پنپنے لگا ہے۔اس رشتے کو پاکستان میں موجود چینی سفارتکار بھی بھرپور انداز میں مضبوط بنا رہے ہیں۔انہی میں سے ایک چینی ڈپٹی مشن لیجن زاہو ہیں تاہم ان کی حالیہ ٹوئیٹ نے صرف پاکستانیوں ہی کے نہیں بلکہ تمام مسلمانوں کے دل جیت لئیے ہیں۔انہوں نے اپنی حالیہ ٹوئیٹ میں چین میں اسلام کی تاریخ پر روشنی ڈالی ہے۔انکا کہنا ہے کہ 651 عیسوی میں مسلمانوں کے تیسرے خلیفہ حضرت عثمان کی جانب سے رسول اللہ کے صحابی اور رشتے میں انکے چچا حضرت سعد ابن ابی وقاص کو چین بھیجا گیا۔اس موقع پر چینی شہنشاہ نے حضرت محمد ﷺ کی یاد میں ایک مسجد تعمیر کرنے کا حکم دیا جس کے بعد اسلام چین میں سرکاری طور پر متعارف کروایا گیا اور چین کا نیا مذہب بن گیا۔اس موقع پر انہوں نے 14 سو سالہ پرانی مساجد کی تصاویر بھی شئیر کر دیں۔

جڑواں شہروں پنجاب اور خیبرپختونخوا کے بیشتر علاقوں میں بارش اور پہاڑوں پر برفباری ہوگی، سب سے کم درجہ حرارت استور، کالام میں منفی 9، اسکردو میں منفی 8 جب کہ مالم جب منفی 4 اور پارا چناع میں ،منفی ایک ڈگری سینٹی گریڈ ریکارڈ کیا گیا
اسلام آباد(ایمرا نیوز آن لائن)ملک بھر کے بیشتر علاقوں میں موسم سرد رہنے کا امکان ہے۔جب کہ جڑواں شہروں پنجاب اور خیبرپختونخوا کے بیشتر علاقوں میں بارش اور پہاڑوں پر برفباری کا امکان ہے۔محکمہ موسمیات کے مطابق کوئٹہ، ژوب،قلات ڈویژن، کوہاٹ میں کہیں کہیں بارش کا امکان ہے۔محکمہ موسمیات کے مطابق ملک میں شروع ہونے والا بارشوں اور برفباری کا نیا سلسلہ آئندہ دو روز تک جاری رہے گا جب کہ شمالی علاقہ جات میں سردی میں مزید اضافے کا امکان ہے۔گذشتہ 24 گھنٹے کے دوران ملک کے بیشتر علاقوں میں موسم سرد اور خشک رہا جب کہ سب سے کم درجہ حرارت استور، کالام میں منفی 9، اسکردو میں منفی 8 جب کہ مالم جب منفی 4 اور پارا چناع میں ،منفی ایک ڈگری سینٹی گریڈ ریکارڈ کیا گیا۔واضح رہے گذشتہ روز بھی بتایا گیا تھا کہ آزاد کشمیر ، گلگت بلتستان سمیت بلوچستان کے 20 سے زائد اضلاع میں بارش اور پہاڑوں پر برفباری متوقع ہے ۔محکمہ موسمیات کے مطابق آئندہ 24 گھنٹوں کے دوران کوئٹہ، قلات، زیارت، پشین، ژوب، قلعہ سیف اللہ اور مستونگ سمیت 20 سے زائد اضلاع میں بارش اور پہاڑوں پر برفباری کا امکان ہے۔محکمہ موسمیات کے مطابق کوئٹہ، زیارت، ژوب، پشین اور مستونگ شدید سردی کی لپیٹ میں رہیں گے جبکہ قلات، قلعہ عبداللہ، قلعہ سیف اللہ میں بھی سردی کی شدید لہر جاری رہنیکی پیشگوئی ہے۔وادی زیارت میں بھی شدید سردی کی لہر برقرار رہی جہاں کم سے کم درجہ حرارت منفی 5 ڈگری سینٹی گریڈ ریکارڈ کیا گیا۔دوسری جانب محکمہ موسمیات نے شہر قائد میں 2 روز بعد پھر سرد ہوائیں چلنے کی پیش گوئی کی گئی ،پنجاب کے میدانی علاقوں اور بالائی سندھ میں دھند پڑنے کا امکان ہے، کوئٹہ، پشاور، خضدار، قلات ڈویژن، کوہاٹ، مالاکنڈ اور ہزارہ ڈویژن میں پرسوں سے 3 دن تک بارش کا امکان ہے ،مری اور گلیات میں شدید برفباری کی پیش گوئی کی گئی ہے۔محکمہ موسمیات کے مطابق گزشتہ روز زیادہ سے زیادہ درجہ حرارت 18 جبکہ کم سے کم 4 سینٹی گریڈریکارڈ کیا گیا اور ہوامیں نمی کا تناسب صبح 58 جبکہ شام میں 44 فیصد رہا۔