Tag lahore

لاہور (ایمرا نیوز آن لائن)پاکستان اسٹیٹ آئل ( پی ایس او ) کو رواں مالی سال کی پہلی ششماہی میں 4.2 بلین روپے کا بعد از ادائیگی ٹیکس منافع حاصل ہوا۔رپورٹ کے مطابق روپے کی قدر میں کمی کی وجہ سے سست اقتصادی رحجان اور ادائیگیوں کے عدم توازن کی وجہ سے مجموعی طور پر ایندھن مارکیٹ کی نمو منفی27 فیصد رہی جس میں وائٹ اور بلیک آئل کا منفی رجحان بالترتیب12فیصد اور 60 فیصد تک رہا۔
ملک میں بجلی کی پیداوار کے لئے پاور پلانٹس آر ایل این جی پر منتقل کرنے کے رحجان کے باعث بلیک آئل کے والیم پر نمایاں اثرات مرتب ہوئے۔مشکل اقتصادی حالات کے باوجود پی ایس او نے مالی سال 2019 کی پہلی ششماہی کے دوران9 .40 فیصد مجموعی شیئر( گزشتہ سہ ماہی ستمبر کے مقابلے میں0.7فیصد اضافہ ہوا)کے ساتھ ایندھن کی مارکیٹ میں اپنی برتری برقرار رکھی۔

وزیرخارجہ سے بھارت میں پاکستانی ہائی کمشنرسہیل محمودکی ملاقات ‘پلوامہ واقعہ کے بعد کی صورتحال پر تبادلہ خیال
اسلام آباد(ایمرا نیوز آن لائن)وزیر خارجہ شاہ محمود قریشی نے کہا ہے کہ پاکستان خطے میں قیام امن کاخواہاں ہے‘بدامنی کسی کے مفادمیں نہیں۔منگل کو وزیر خارجہ شاہ محمود قریشی سے بھارت میں پاکستانی ہائی کمشنر سہیل محمود نے ملاقات کی ،جس میں پلوامہ واقعہ پر پاکستان پر بھارتی الزامات اور خطے کی صورتحال پر تفصیلی تبادلہ خیال کیا گیا ۔اس موقع پر وزیرخارجہ نے کہا کہ پاکستان خطے میں قیام امن کاخواہاں ہے،بدامنی اورہیجان انگیزی کسی کے مفادمیں نہیں۔شاہ محمود قریشی نے کہا کہ صورتحال کاسنجیدگی سے جائزہ لے رہے ہیں،تمام صورتحال سے سیکرٹری جنرل اقوام متحدہ کوآگاہ کردیاہے۔واضح رہے کہ پاکستان نے پلوامہ واقعہ کے بعد صورتحال کشیدہ ہونے پر بھارت میں پاکستانی ہائی کمشنر سہیل محمود کو مشاورت کیلئے واپس بلالیا تھا۔(صداقت جٹ)

کراچی (ایمرا نیوز آن لائن) پاکستان ویمن ٹیم کی سابق کپتان ثنا میر نے ویمن پی ایس ایل شروع کرنے کا مطالبہ کردیا۔پاکستان کی سینئر وومن کھلاڑی ثنامیر نے ایک بار پھر خواتین کی پی ایس ایل شروع کرنے کا مطالبہ کیا ہے، وہ کہتی ہیں کہ پی ایس ایل پاکستان کی ایک حیران کن پروڈکٹ ہے، میں سمجھتی ہوں کہ خواتین کی پاکستان سپر لیگ متعارف کرانے کا بھی یہ مناسب ترین وقت ہے۔انھوں نے تجویز دی کہ ابتدائی مرحلے میں پی ایس ایل کے دوران ہی خواتین کے نمائشی میچز رکھے جانا چاہیے، ٹاپ لیول پر ویمنز ٹیموں کا مقابلہ کرنے کیلیے ہماری لڑکیوں کو بھی اس قسم کے ایونٹ کی ضرورت ہے۔

لاہور (ایمرا نیوز آن لائن) فہیم اشرف نے پی ایس ایل کو ورلڈکپ کی تیاری کا بہترین موقع قرار دیدیا۔آل راونڈر فہیم اشرف کا کہنا ہے کہ دورہ جنوبی افریقہ میں بہت کچھ سیکھنے کا موقع ملا، سخت محنت کا صلہ ملنا شروع ہو گیا، میگا ایونٹ میں بہترین کارکردگی دکھانے کیلیے پر عزم ہوں۔ کرکٹ پاکستان کو دیے گئے خصوصی انٹرویو میں فہیم اشرف نے کہا ہے کہ بیشتر ساتھی کرکٹرز کی طرح میرا بھی جنوبی افریقی کنڈیشنز میں کھیلنے کا پہلا تجربہ تھا، توقعات کے مطابق کارکردگی پیش نہیں کر پایا لیکن سخت محنت کی اور بہت کچھ سیکھنے کا موقع ملا، اس کا صلہ بھی ملنا شروع ہو گیا، پی ایس ایل کے آغاز میں اچھی فارم کا مظاہرہ کرنے میں کامیاب ہوا۔

پاور کمپنیوں نے فیول ایڈجسمنٹ کے لئے نیپرا میں درخواست جمع کرا دی
اسلام آباد (ایمرا نیوز آن لائن)بجلی کی قیمت میں 1 روپے 93 پیسے فی یونٹ اضافے کا خدشہ پیدا ہوگیا۔ پاور کمپنیوں نے فیول ایڈجسمنٹ کے لئے نیپرا میں درخواست جمع کرا دی۔عوام کے لئے بری خبر، بجلی مزید مہنگی ہونے کا خدشہ پیدا ہوگیا، پاور کمپنیوں نے نیپرا میں درخواست دائر کرا دی۔ پاور کمپنوں نے موقف اختیار کیا ہے کہ جنوری میں فیول کی لاگت 7 روپے 69 پیسے رہی جبکہ وصول 5 روپے 75 پیسے کیے گئے، اس لئے فیول ایڈجسمنٹ کی مد میں بجلی کی قیمت میں 1 روپے 93 پیسے بڑھائی جائے۔ نیپرا نے فیول ایڈجسٹمنٹ سے متعلق پاور کمپنیوں کی درخواست کی شنوائی 20 فروری کو رکھی ہے۔تجزیہ کاروں کے مطابق شمالی علاقہ جات میں برف باری سے دریاوں میں پانی کے بہاوں میں کمی واقع ہوئی ہے جس کے باعث پانی سے بجلی کی پیداوار بھی گھٹ گئی، ضرورت کو پورا کرنے کی خاطر پاور کمپنوں نے فرنس آئل اور دیگر ذرائع سے بجلی پیدا کی۔

لاہور(ایمرا نیوز آن لائن) شہر میں پرچون سطح پر برائلر گوشت کے نرخ 204روپے،زندہ برائلر مرغی 141روپے فی کلو جبکہ فارمی انڈوں کے نرخ 105روپے فی درجن پر مستحکم رہے۔

مشترکہ ورکنگ گروپس کا قیام سعودیہ پاک معاہدوں کی عملی تکمیل کیلئے پیشرفت کا ذریعہ ثابت ہوں گے سعودی ولی عہد کے دور ے میں زراعت کی ترقی کیلئے بھی سرمایہ کاری اور تعاون کرنے پر اتفاق کیا گیا ہے:رہنما تحریک انصاف
لاہور(ایمرا نیوز آن لائن) پاکستان تحریک انصاف کے مرکزی رہنما جمشید اقبال چیمہ نے کہا ہے کہ وزیر اعظم عمران خان کی قیادت میں ان کی ٹیم کی دن رات کی محنت اور مثبت اقدامات کی وجہ سے دم توڑتی معیشت کی سانسیں بحال ہونا شروع ہو گئی ہیں،مشترکہ ورکنگ گروپس کا قیام سعودی عرب او رپاکستان کے درمیان طے پانے والے معاہدوں کی تکمیل کیلئے پیشرفت کا ذریعہ ثابت ہوں گے،انشا اللہ وہ وقت دور نہیں جب دنیا میں سبز پاسپورٹ کی اہمیت ہو گی اور اسے عزت کی نگا ہ سے دیکھا جائیگا۔منگل کو اپنے ایک بیان میں انہوں نے کہا کہ سابقہ حکمرانوں نے ملک کی بہتری کیلئے عملی اقدامات کے برعکس جھوٹی تشہیر پر توجہ مرکوز رکھی۔ گزشتہ پانچ سالوں میں ہرماہ کرپشن کا ہوشربا سکینڈل سامنے آتا تھا لیکن آ ج حکومت کو آئے ہوئے چھ ماہ سے زیادہ کا عرصہ گزر گیا ہے اور حکومت کی سطح پر کرپشن کا کوئی سکینڈل سامنے نہیں آیا۔وزیر اعظم عمران خان کا واضح موقف ہے کہ کرپشن کے خلاف زیرو ٹالرنس پالیسی جاری رہے گی اوراسی عزم سے ملک ترقی کی منازل طے کرے گا۔جمشید اقبال چیمہ نے کہا کہ وزیر اعظم عمران خان دور اندیش لیڈرہیں اور دنیا بھر میں ان کے اصلاحاتی ایجنڈے کوسراہا جارہا ہے۔ وزیر اعظم کی قیادت میں ان کی اقتصادی ٹیم معیشت کی بحالی کیلئے دن رات کوشاں ہے جس کے نتائج بھی سامنے آنا شروع ہو گئے ہیں۔ اپوزیشن حکومت کی کامیابیوں کی وجہ سے بوکھلا کر بے بنیاد پراپیگنڈا کررہی ہے ،جس کا مقصدصرف اپنی سیاست کی ڈوبتی کشتی کو بچانا ہے۔انہوں نے کہا کہ آج معتبر بین الاقوامی ادارے بھی پاکستان کے درست سمت میں گامزن ہونے کا عندیہ دے رہے ہیں جو پوری قوم کیلئے خوشی اور اطمینان کا باعث ہے۔ جمشید اقبال چیمہ نے کہا کہ حکومت زراعت کی ترقی کیلئے بھی اقدامات تجویز کر رہی ہے اور سعودی ولی عہد کے حالیہ دور ے میں زراعت کی ترقی کیلئے بھی سرمایہ کاری اور تعاون کرنے پر اتفاق کیا گیا ہے۔

لاہور(ایمرا نیوز آن لائن) ایکزونوبل پاکستان مینوفیکچررز اور آپریٹرز کو جدید کوٹنگ سسٹم فراہم کرتا ہے اور ٹرانسپورٹیشن کے شعبے میں اہم کردار ادا کرتا ہے۔ ایکزونوبل پاکستان کی اسپیشل کوٹنگز مصنوعات صارفین کی ضروریات کے مطابق کوٹنگز کی سہولیات فراہم کرتی ہیں اور ان کے ذریعے آٹو او ای ایم مینوفیکچررز، مسافر گاڑیاں، کمرشل گاڑیاں، ٹریکٹرز، موٹر سائیکلیں، ایرواسپیس جیسے شعبوں کی مظلوبہ ضروریات پوری کی جاتی ہیں۔ایکزونوبل پاکستان کی مصنوعات اپنے صارفین پر مستحکم توجہ دینے کی وجہ سے کامیاب ہیں اور پروڈکشن کے مختلف مراحل میں انہیں استعمال کیا جاسکتا ہے جیسے پری ٹریٹمنٹ، پرائمر، ٹاپ کوٹ اور پلاسٹک پارٹس۔ اپنے صارفین کو عالمی معیار کی ٹیکنالوجیز کی فراہمی کی مہم میں انہوں نے دنیا کی صف اول کی سرفیس ٹریٹمنٹ کیمیکل فراہم کرنے والے جاپانی ادارے نیہون پارکرائزنگ کیساتھ اہم اشتراک کیا ہے۔گزشتہ 80 سال سے زائد عرصے سے کام کرنے والی نیہن پارکرائزنگ سرفیس ٹریٹمنٹ کیمیکلز کی فراہمی سے مختلف صنعتوں جیسے آٹوموٹو، الیکٹرانک ایپلائنسز وغیرہ کے اسٹیل کو حفاظت فراہم کررہا ہے۔ ان تمام سالوں میں وہ اپنی تکنیکی جدتوں کے باعث دنیا کی جدید ترین ٹیکنالوجیز میں پیش پیش رہے ہیں۔ نیہن پارکرائزنگ عالمی سطح پر اپنی ٹیکنالوجیز کو پھیلانے کیلئے بھی فعال کردار ادا کررہا ہے اور دنیا کے تقریبا 15 ممالک میں اسکے مشترکہ منصوبے کام کررہے ہیں۔نیہن پارکرائزنگ کے چیئرمین اور سی ای او کازوچی نے کہا، ’’ہم ایکزونوبل پاکستان کیساتھ اشتراک پر خوشی محسوس کرتے ہیں اور ایسے تعلق کے قیام کی امید کرتے ہیں ،جس کے نتیجے میں وسیع اقسام کی جدت انگیز مصنوعات اور خدمات کے ذریعے پاکستانی مارکیٹ میں سرفیس ٹریٹمنٹ کی ضروریات پائیدار انداز سے پیش کرنے کی سہولت فراہم کی جائیگی۔ ایکزونوبل پاکستان کے بزنس منیجر کوٹنگز بزنس اسماعیل نقوی نے بتایا، ’’ایکزونوبل پاکستان اور نیہن پارکرائزنگ کے درمیان اشتراک اہمیت کا حامل ہونے کیساتھ دو دہائیوں پر پھیلے ہوئی ایکزونوبل کی اسپیشل کوٹنگز کی پروڈکٹ رینج کا امتزاج بھی ہے۔نیہن پارکرائزنگ اسی تصور کی پاسداری کرتا ہے ،جس پر ہم کام کرتے ہیں اور اسکی سرفیس ٹریٹمنٹ کیمیکلز رینج کے ذریعے ہم بہترین خدمات کی فراہمی کیلئے پرعزم ہیں۔ ہم پراعتماد ہیں کہ اس اتحاد کی بدولت آنے والے سالوں میں اس انڈسٹری کی تکنیکی ضروریات پوری کرنے کیلئے ہم مارکیٹ میں بہتر انداز سے خدمات فراہم کرسکیں گے۔

لاہور(ایمرا نیوزآن لائن رپورٹ اظہر محمود سے) لاہور کے علاقے سمن آباد میں سوتیلی ماں نے مبینہ طور پر 10 سالہ بچی کو تشدد کا نشانہ بنا ڈالا۔پولیس کے مطابق سوتیلی ماں عائشہ دس سالہ بچی کو لوہے کی راڈ گرم کر کے جسم کو داغتی رہی، تشدد سے کمسن بچی کے جسم کے نازک اعضاء پر نشانات اور آنکھوں پر نیل پڑ گئے جبکہ محلے داروں نے بچی کی چیخ و پکار سن کر پولیس کو اطلاع دی۔محلے داروں کی درخواست پر پولیس نے بچی کو بازیاب کر کے مقدمہ درج کر لیا، خاتون عائشہ اور بچی کے باپ ندیم کو گرفتار کر لیا گیا۔پولیس کا کہنا ہے کہ دس سالہ مناہل کی میڈیکل رپورٹ آنے پر مزید کارروائی کی جائے گی۔

پاکستان اور سعودی عرب مل کر علاقائی اور خطے کی ترقی میں اہم کردار ادا کر سکتے ہیں، سپیکر قومی اسمبلی اسد قیصر
اسلام آباد (ایمرا نیوز آن لائن)سعودی ولی عہد محمد بن سلمان نے کہا ہے کہ سعودی عرب اور پاکستان برادر دوست ملک ہیں ، دونوں ہر مشکل حالات میں ہمیشہ ساتھ ساتھ رہے ہیں۔ سپیکر قومی اسمبلی اسد قیصر کی قیادت میں پارلیمانی وفد نے سعودی ولی عہد محمد بن سلمان سے ملاقات کی ۔وفد میں ڈپٹی اسپیکر قاسم خان سوری، چیف وہپ عامر ڈوگر اور وزیر پارلیمانی امور علی محمد خان شامل تھے۔ملاقات میں دو طرفہ تعلقات کو مزید پختہ بنانے کا عزم کا اظہار کیا گیا ۔سپیکر قومی اسمبلی اسد قیصر نے کہا کہ پاک سعودی دیرینہ اور برادرانہ تعلقات پر پوری قوم کو فخر ہے۔ سپیکر قومی اسمبلی نے کہا کہ سعودی عرب ہر مشکل گھڑی میں پاکستان کے شانہ بشانہ کھڑا رہا ہے ۔اسد قیصر نے کہا کہ آپ کے دورہ سے پاکستان میں معاشی ترقی کے نئے دور کا آغاز ہو گا۔سپیکر قومی اسمبلی نے کہاکہ پاکستان اور سعودی عرب مل کر علاقائی اور خطے کی ترقی میں اہم کردار ادا کر سکتے ہیں۔اسد قیصر نے کہا کہ پاکستان میں سعودی سرمایہ کاری اور شراکت داری سے باہممی تعلقات مزید مستحکم ہوں گے ۔ سعودی ولی عہد نے کہاکہ سعودی عرب اور پاکستان برادر دوست ملک ہیں ۔ سعودی ولی عہد نے کہا کہ دونوں ہر مشکل حالات میں ہمیشہ ساتھ ساتھ رہے ہیں۔