Tag media92tv

ممبئی(شوبز ڈیسک/ایمرا نیوز) بھارت کے معروف اداکار انوپم کھیر کی نئی فلم ’دی ایکسیڈینٹل پرائم منسٹر ‘کو پاکستان میں ریلیز کی اجازت مل گئی۔پاکستان سنسربورڈ کے چیئرمین دانیال گیلانی نے فلم ’’دی ایکسیڈنٹل پرائم منسٹر‘‘ کی پاکستان میں نمائش کی تصدیق کرتے ہوئے کہا ہے کہ سنسربورڈ نے فلم کوپاکستان میں ریلیزکے لیے کلیئر کردیا ہے۔’’دی ایکسیڈنٹل پرائم منسٹر‘‘ میں اداکار انوپم کھیر نے سابق بھارتی وزیر اعظم من موہن سنگھ کا مرکزی کردارنبھایا ہے ۔

The Accidental Prime Minister movie Anupam Kher as Manmohan Singh!

حیدرآباد(نیٹ نیوز/ایمرا نیوز) سندھ کے شہر حیدرآباد کے علاقے ٹنڈو آغا میں واقع ایک پلاسٹک کا سامان بنانے والی فیکٹری میں آگ لگ گئی۔ریسکیو ذرائع کے مطابق پلاسٹک فیکٹری میں لگنے والی آگ پھیل گئی، ہے جس نے فیکٹری سے ملحقہ ایک اسکول کی عمارت کو بھی اپنی لپیٹ میں لے لیا ہے۔ریسکیوذرائع نے بتایا ہے کہ اس صورت حال کا اندازہ ہونے پر مذکورہ اسکول کی عمارت کو پہلے ہی خالی کرا لیا گیا تھا۔ریسکیوذرائع کا یہ کہنا ہے کہ محکمہ فائر بریگیڈ کی 4گاڑیوںنے فیکٹری کی آگ پر قابو پانے کی کارروائی میں حصہ لیا ہے اور آگ بجھانے کی کوشش جاری ہے، امید ہے اس پر جلد قابو پا لیا جائے گا۔فوری طور پر فیکٹری میں آگے لگنے کی وجہ اور اس سے ہونے والے نقصان کی تفصیلات سامنے نہیں آسکی ہیں۔

ہنگو(نیٹ نیوز/ایمرا نیوز) خیبر پختون خوا کے شہر ہنگو کے علاقے قاضی پمپ کے قریب حساس اداروں نے کارروائی کی ہے جس کے دوران اہم کمانڈر سمیت 3دہشت گرد ہلاک ہوگئے۔سیکیورٹی ذرائع کے مطابق حساس اداروں کی کارروائی میں ہلاک ہونے والے دہشت گردوں کے نام کمانڈر اسلام، لائق اور محب اللہ معلوم ہوئے ہیں۔سیکیورٹی ذرائع کا کہنا ہےکہ ہلاک کمانڈر اسلام کلایہ بم دھماکے سمیت دیگر دہشت گردی کی کارروائیوں میں بھی ملوث تھا۔سیکیورٹی ذرائع نے مزید بتایا کہ حساس اداروں کی کارروائی کے دوران دہشت گردوں نے ہنگو میں نئی زیر تعمیر جیل کے قریب واقع شاہد نامی شخص کے گھر میں پناہ لی تھی۔سیکیورٹی ذرائع کا یہ بھی کہنا ہے کہ کارروائی کے دوران فائرنگ کی زدمیں آکر گھر کا مالک شاہد بھی جاں بحق ہو گیا۔

لاہور(نیٹ نیوز/ایمرا نیوز) عالمی مالیاتی فنڈ (آئی ایم ایف) کا کہنا ہے کہ پاکستان نے معاشی ڈیٹا اکھٹا کرنے کے لیے آئی ایم ایف کے طریقہ کار کو اپنایا ہے، اس سے پاکستان میں معاشی ڈیٹا مزید شفاف ہوسکے گا۔آئی ایم ایف کا کہنا ہے کہ درست معاشی ڈیٹا سے پاکستان کو اقتصادی ترقی میں مدد ملے گی، یہ درست معاشی ڈیٹا لوگوں کو بہتر سہولتیں فراہم کر سکتا ہے۔عالمی مالیاتی فنڈ کا مزید کہنا ہے کہ آئی ایم ایف کے طریقہ کار کو اپنانا پاکستان کا اہم سنگ میل ہے، درست ڈیٹا سے پاکستان میں انسانی وسائل کی ترقی میں مدد ملے گی۔آئی ایم ایف کی جانب سے یہ بھی کہا گیا ہے کہ درست معاشی ڈیٹا سے اسٹیٹ بینک، وزارت خزانہ اور ادارہ شماریات کے درمیان رابطہ بہتر ہوگا۔

اسلام آباد(نیٹ نیوز/ایمرا نیوز) اٹھارہویں ترمیم سے متعلق سندھ حکومت کی درخواست سپریم کورٹ نے مسترد کردی۔چیف جسٹس نے اٹھارہویں ترمیم کے حوالے سے فیصلہ سناتے ہوئے کہاکہ سندھ حکومت کی درخواست مسترد کرنے کی وجوہات سپریم کورٹ کے تفصیلی فیصلے میں دی جائیں گی۔واضح رہے سندھ حکومت نے صوبائی اختیارات سے متعلق سپریم کورٹ میں درخواست دائر کر رکھی تھی،سپریم کورٹ نے سندھ حکومت کی درخواست مسترد کرتے ہوئے کیس نمٹادیا۔یاد رہے کہ پاکستان کے آئین میں اٹھارویں ترمیم 8 اپریل 2010 کو قومی اسمبلی نے منظور کی گئی جس کے تحت صدر کے پاس موجود تمام ایگزیکٹو اختیارات پارلیمان کو منتقل ہوئے۔اس ترمیم کے ذریعے پاکستان کے شمالی مغربی سرحدی صوبے (سرحد) کا نام تبدیل کر کے خیبر پختونخوا رکھا گیا اور وفاق سے زیادہ تر اختیارات صوبوں کو منتقل ہوئے۔

لاہور(نیٹ نیوز/ایمرا نیوز) گوگل نے راتوں رات پاکستانی کرنسی کی قدر بڑھا دی، گوگل سرچ انجن ڈالر اور یورو سمیت غیر ملکی کرنسی کے غلط ریٹس دکھانے لگا، میڈیا پر خبر نشر ہوئی تو چند گھنٹوں بعد غلطی درست کرلی گئی۔مارکیٹ میں ڈالر کی قیمت بھلے 139 روپے ہی کیوں نہ ہو، مگر سرچ انجن میں ایک امریکی ڈالر کی قدر 76 روپے 25 پیسے دکھائی گئی۔گوگل کرنسی کنورٹر پر امارتی درہم 20 روپے 76 پیسے نظر آیا جبکہ گوگل کے مطابق ایک یورو 87 روپے 3 پیسے کا خریدا جاسکتا تھا۔گوگل نے اسی طرح ہر کرنسی کے مقابلے میں پاکستانی کرنسی کی شرح بڑھا دی، نومبر میں ایک ہی دن میں ڈالر کی قدر میں ریکارڈ اضافہ ہوا تھا، مگر گوگل نے ڈالر کی قدر میں کمی کے سب ریکارڈ توڑ ڈالے۔گوگل کے کرنسی کنورٹر پر پاکستانی روپے اور دیگر کرنسیوں کے شرح مبادلہ کے غلط نتائج پروگرامنگ کی غلطی کا نتیجہ ہوسکتے ہیں، لیکن یہ کارنامہ سوشل میڈیا پر وائرل ہونے سے لوگ ضرور تجسس میں مبتلا ہوگئے ہیں۔

دبئی(سپورٹس ڈیسک/ایمرا نیوز) پاکستان سپر لیگ (پی ایس ایل) فور کے ٹکٹوں کی آن لائن فروخت شروع ہو گئی۔پاکستان کرکٹ بورڈ کے تحت کھیلے جانے والی کامیاب ٹی 20 سیریز کا اگلا ایونٹ پاکستان سپر لیگ فور 14فروری سے شروع ہو گا۔پہلے مرحلے میں شارجہ اور ابوظبی کے میچز کے آن لائن ٹکٹ دستیاب ہیں، دبئی اور پاکستان کے میچز کے ٹکٹوں کی فروخت کے شیڈول کا جلد اعلان کیا جائے گا۔پی ایس ایل 4 ایونٹ 14 فروری سے شروع ہوگا جبکہ اس کا فائنل میچ 17 مارچ کو کراچی میں کھیلا جائے گا،اس ایونٹ کے 8 میچز پاکستان میں ہوں گے۔پی ایس ایل 4 کا افتتاحی میچ اسلام آباد یونائیٹڈ اور لاہور قلندرز کے درمیان ہوگا، 3 میچز لاہوراور 5 میچز کراچی میں ہوں گے۔لاہورمیں9، 10 اور 12مارچ کو کراچی میں7، 10، 13 اور 15مارچ کو میچز شیڈول ہیں، ٹورنامنٹ کی چھٹی ٹیم کے نام کا فیصلہ 18 دسمبر کو ہوگا۔آن لائن بکنگ کے لیے دستیاب ٹکٹوں کی قیمت 20، 30، 65 اور 100 درہم مقرر کی گئی ہے۔

کراچی(نیٹ نیوز/ایمرا نیوز) چیئرمین پیپلز پارٹی بلاول بھٹو زرداری کو بچہ کہنے پرمرکزی ترجمان پاکستان پیپلز پارٹی سینیٹر مولابخش چانڈیو نے وزیراطلاعات فواد چوہدری کو جواب دیتے ہوئے کہا ہے کہ بلاول بھٹو پاکستان کا مستقبل ہیں، بچہ کہنے والوں کو میرے چیئرمن بلاول بھٹو نے ہر جگہ شکست دی ہے۔مولابخش چانڈیو کا کہنا ہے کہ فواد چوہدری صاحب آپ کے سیاسی بڑوں کو بھی بلاول بھٹو سے سیاست سیکھنے پڑے گی۔ آج کے حکمرانوں میں ضیا الحق کی روح داخل ہو چکی ہے۔انہوں نے کہا کہ آصف علی زرداری جیل سے باعزت بری ہوچکے، نواز شریف جیل میں ہیں اب جیل جانے کی باری حکمرانوں کی ہے۔جب موجودہ حکمران جیل جائیں گے تو فواد کس پارٹی میں جائو گے؟انہوں نے مزید کہا کہ عمران خان غروب ہو رہا ہے، بار بار پارٹیاں بدلنے والے تیرا کیا ہوگا کالیا، حکمران قومی اسمبلی سے اپنے پہلے خطاب سے آج تک بلاول بھٹو سے شکست کھاتے آ رہے ہیں، بلاول بھٹو کے ہاتھوں شکست کی شرمندگی چھپانے کیلئے بچہ بچہ کہہ رہے ہیں۔مولابخش چانڈیو نے کہا کہ درست ہے کہ تمہاری عمریں بڑی ہیں، مگر قیادت کیلئے فہم و فراست اور تدبر چاہئے، مولابخش چانڈیو قوم کی قیادت کیلئے تدبر، وطن پرستی اور قربانی کا جذبہ چاہئے سینیئا رٹی نہیں۔بلاول بھٹو اس خاندان کے چشم و چراغ ہیں جس نے چھوٹی عمر میں پاکستانی سیاست کے سامری جادوگروں کو شکست دی۔انہوں نے کہا کہ سندھ فتح کرنے کا خواب دیکھنے والے خود اپنے لئے ڈرائونا خواب بن چکے ہیں، سندھ کے عوام نے پی پی اور ہمارے قائد نے مراد علی شاہ پر اعتماد کا اظہار کیا ہے، مراد علی شاہ کو غیرآئینی طریقے سے ہٹانے کے ہتھکنڈے وفاق کے ساتھ کھلواڑ ہوگا۔رہنما پیپلز پارٹی نے کہا کہ آصف علی زرداری پہلے بھی مقدمات سے باعزت بری ہوئے اب بھی سرخرو ہوں گے، فواد چوہدری دبئی، نیوجرسی کے جائیدادوں اور پارٹی فنڈ کا حساب تو دیں۔

لاہور(نیٹ نیوز/ایمرا نیوز) امریکی کمپنی نے حال ہی میں ‘Kitchen manipulatorنامی روبوٹ شیف تیار کیا ہے ۔جو نہ صرف کھانا پکانے کی صلاحیت رکھتا ہے بلکہ ساتھ ہی برتن دھونے سمیت کچن کے دیگر امور بھی بخوبی انجام دے سکتا ہے۔

مصنوعی ذہانت والا یہ روبوٹ با آبانی مصالحے جات و دیگر چیزوں کو پہچان سکتا ہے جبکہ کچن کاونٹر کی درازوں سمیت دروازیں بند کرنے کھولنے جیسے کام بھی کر سکتا ہے۔واضح رہے kitchen manipulatorپر مزید کام کیا جا رہا ہے جسے آنے والے وقتوں میں انسانی کے مختلف کاموں کیلئے استعمال کیا جا سکے گا جو اسپتالوں، فیکٹریوں وغیرہ میں ایک اہم کردار ادا کر سکیں گے۔

اسلام آباد(نیٹ نیوز/ایمرا نیوز) چیف جسٹس پاکستان میاں ثاقب نثارنے کہا ہے کہ مجھےنہیں لگتا حکومت ڈیم بنانے پر سنجیدہ ہے،بیوروکریسی کے پاس کام کرنے کا جذبہ اور نیت نہیں۔سپریم کورٹ میں نئیں گاج ڈیم سے متعلق کیس کی سماعت ہوئی۔ وفاقی وزیر خزانہ اسد عمر سپریم کورٹ میں پیش ہوئے۔اسد عمر نے عدالت میںکہا کہ کل نئیں گاج ڈیم کے حوالے سے ایکنک میں درخواست آئی، یہ معاملہ جب ایکنک میں آتا ہے تو میرے علم میں آتا ہے، ہم نے نئیں گاج معاملہ کابینہ کو بھجوا دیا۔چیف جسٹس نے ریمارکس دیئے کہ پھر آپ کی حکومت میں کوآرڈینیشن نہیں۔
اسد عمر نے جواب دیا کہ ہو سکتا ہے جناب۔
چیف جسٹس نے اسد عمر سے مکالمہ کرتے ہوئے کہا کہ حکومت کا مطلب حکومت ، وفاق کا مطلب وفاق ہے،جس تیزی سے مسئلہ حل کرنے کی کوشش کر رہے ہیں ہو نہیں رہا،آپ لوگ کام نہیں کر سکتے۔اس ملک کے لیے آپ لوگوں کی محبت کم ہو گئی ہے، بیوروکریسی کے پاس کام کرنے کا جذبہ اور نیت نہیں۔جسٹس اعجازالاحسن نے ریمارکس دیئے کہ ایکنک اجلاس ہوگیا تو منٹس پر دستخط ہونے میں کتنا ٹائم لگتا ہے۔چیف جسٹس ثاقب نثار نے کہا کہ ہم اس حکومت کو ڈکٹیٹ نہیں کرنا چاہتے،نہ ہی ہم حکومت چلانا چاہتے ہیں، ہم نے بنیادی حقوق سے متعلق کام کیا ہے۔وفاقی وزیر خزانہ اسد عمر نے کہا کہ میں آپ کے کردار کا معترف ہوں،25 جنوری کو ایکنک کا اجلاس ہے اس میں معاملہ زیرغور لائیں گے۔سپریم کورٹ نے حکم جاری کرتے ہوئے کہا کہ ایکنک اجلاس کے فوراً بعد عدالت کو فیصلوں سے آگاہ کریں۔چیف جسٹس نے اسد عمر سےمکالمہ کرتے ہوئے کہا کہ تاریخ میں ڈیم کے حوالے سے آپ کو یاد رکھا جائے گا۔فیصل صدیقی ایڈووکیٹ نے چیف جسٹس سے کہا کہ 25 جنوری کو آپ کو اس بنچ میں مس کریں گے۔نئیں گج ڈیم تعمیر سے متعلق کیس کی سماعت دو ہفتوں کیلئے ملتوی کر دی گئی۔