Tag media92tv

اسلام آباد(نیٹ نیوز/ایمرا نیوز) اپوزیشن لیڈر شہبازشریف نے وزیراعظم عمران خان کی جانب سے اپوزیشن کے این آر او لینے کے بیان کو بے بنیاد قرار دے دیا۔پارلیمنٹ ہاؤس آمد پر اپوزیشن لیڈر شہبازشریف سے ایک صحافی کی جانب سے سوال کیا گیا کہ وزیر اعظم کہہ رہے ہیں کہ آپ واک آؤٹ این آر او لینے کے لیے کررہے ہیں؟اس پر شہبازشریف نے جواب دیا کہ عمران خان کا یہ الزام اتنا بے بنیاد ہے کہ اس کا جواب دینا بھی مناسب نہیں۔انہوںنے مزیدکہا کہ اپوزیشن کے ساتھ جن امور پر مشاورت ہوگی اس سے میڈیا کو آگاہ کریں گے۔اس موقع پر پیپلز پارٹی کے سینئر رہنما خورشید شاہ نے کہا کہ عمران خان اہم پوزیشن پر ہیں کوئی بھی بات کرتے ہوئے خیال کرنا چاہیے۔انہوں نے کہا کہ عمران خان خوش قسمتی سے پاکستان کے وزیراعظم بن چکے ہیں ،ہم ماننے کیلئے بھی تیار ہیں کہ عمران خان وزیراعظم ہیں، کم از کم عمران خان کویہ علم ہوناچاہیےسیاستدان بائیکاٹ کرتےہیں تو کیوں کرتے ہیں۔انہوں نے مزید کہا کہ ایک تو بات یہ کہ حکومت نے جو ماحول پیدا کیا ہوا ہے ایک وہ وجہ ہے،ہم پارلیمنٹ آتے ہیں بائیکاٹ کرتے ہیں،آپ سے پوچھتا ہوں آپ کیوں نہیں پارلیمنٹ آتے،آپ تو پارلیمنٹ کا احترام نہیں کرتے ہم تو پارلیمنٹ پھر بھی آتے ہیں،عمران خان آپ کو ہر ہفتے پارلیمنٹ آنا تھا سوالات کے جوابات دینے تھے۔سابق قائد حزب اختلاف نے کہا کہ کم از کم ایسی بات تو نہ کریں ،جس میں جگ ہنسائی ہو ،ہم این آر او مانگنے والے نہیں ہیں ،عمران خان نے پتہ نہیں این آر او کا لفظ کہاں سے سیکھ لیا ،کس نے کوئی این آر او نہیں مانگا۔انہوں نے کہا کہ تمام سیاستدان پارلیمنٹ میں آئیں گے، بیٹھیں گے، بات کریں گے،جو اس ملک کی سیاست ہے سب اسی حساب سے چلیں گے۔

ممبئی(شوبز ڈیسک/ایمرا نیوز) بالی ووڈ اداکار رنبیر کپور اور عالیہ بھٹ کے مداح بے چینی سے اُن کی شادی کا انتظار کررہے ہیں، کچھ روز قبل یہ خبر منظر عام پر آئی تھی کہ رنبیر اور عالیہ رواں سال جون میں منگنی کرلیں گے جبکہ جوڑے کا کہنا ہے کہ منگنی کے حوالے سے تمام خبریں جھوٹی اور بے بنیاد ہیں۔بالی ووڈ کے چاکلیٹی ہیرو رنبیر کپور اور نٹ کھٹ اداکارہ عالیہ بھٹ تقریباً ڈیڑھ سال سے ایک دوسرے کے ساتھ نظر آرہے ہیں اور پچھلے کئی ماہ سے اُن کی شادی کی خبریں گردش کررہی ہیں لیکن ابھی تک دونوں کی جانب سے اس حوالے سے کوئی حتمی اعلان نہیں کیا گیا ہے۔بھارتی میڈیا میں کچھ روز قبل یہ خبر پھیل گئی تھی کہ رنبیر اور عالیہ نے رواں سال جون میں منگنی کرنے کا فیصلہ کرلیا ہے تاہم اب اُن کا کہنا ہے کہ انہوں نے ابھی منگنی کے بارے میں کچھ نہیں سوچا ہے۔ میڈیا رپورٹس کے مطابق رنبیر اور عالیہ ایک دوسرے سے شادی کے خواہش مند ہیں لیکن ابھی فلحال وہ اپنے والدکی صحت کو لے کر کافی پریشان ہیں۔ یہ جوڑا رشی کپور کی جلد صحت یابی کے لیے دعا گو ہے اور جیسے ہی وہ مکمل صحت یاب ہوجائیں گے پھر یہ دونوں اپنے رشتے کو اگلے لیول پر لے کر جائیں گے۔ رپورٹ میں یہ بھی کہا گیا ہے کہ رنبیر اور عالیہ کی رواں سال جون میں منگنی کی خبروں میں کوئی صداقت نہیں ہے۔

رنبیر کپور کے خاندانی ذرائع کا کہنا ہے کہ رنبیر اور عالیہ اپنے رشتے کو کافی سنجیدگی سےنبھا رہے ہیں، جبکہ اس قبل انہوں نے رنبیر کو کبھی کسی لڑکی کے لیے اتنا سنجیدہ نہیں دیکھا۔ دوسری جانب عالیہ بھٹ کو بھی آج کل کپور فیملی کے ساتھ بہت زیادہ دیکھا جارہا ہے۔واضح رہے عالیہ بھٹ اور رنبیر کپور آج کل اپنی نئی فلم ’براہمسترا‘ کی شوٹنگ میں مصروف ہیں، اس کے علاوہ عالیہ بھٹ رنویر سنگھ کے ساتھ فلم ’گلی بوائے‘ میں بھی جلد نظر آئیں گی۔

اسلام آباد(نیٹ نیوز/ایمرا نیوز) ڈائریکٹر جنرل آف پرائیویٹ اسکولز ڈاکٹر منسوب حسین صدیقی نے سپریم کورٹ آف پاکستان کے احکامات کے تحت تمام پرائیویٹ اسکول انتظامیہ کو جون جولائی کی فیس نہ لینے کے احکامات جاری کردیئے ۔ڈائریکٹر جنرل آف پرائیویٹ اسکولز نکی جانب سے جاری کردہ نوٹیفیکیشن میں پرائیویٹ اسکولز کو پچھلے جون جولائی کی فیسیں ایڈجسٹمنٹ کرنے کے بھی احکامات جاری کئے گئے ہیں۔نوٹیفکیشن میں یہ بھی کہا گیا ہے کہ اگر کوئی پرائیویٹ اسکول انتظامیہ ان احکامات کو نظر انداز کرتے ہوئے زبردستی جون جولائی کی فیسیں لیں گی تو ان کا اسکول رجسٹریشن منسوخ کردیا جائے گا۔

اسلام آباد(نیٹ نیوز/ایمرا نیوز) سپریم کورٹ نے ملک میں بڑھتی ہوئی آبادی سے متعلق کیس کافیصلہ سنا دیا۔سپریم کورٹ نے اپنے فیصلے میں کہا کہ بڑھتی ہوئی آبادی وسائل پر دباؤ ہے،مذہبی اسکالرز،سول سوسائٹی، حکومت آبادی میں اضافہ روکنے کے لیے اقدامات کریں۔چیف جسٹس پاکستان میاں ثاقب نثار نے کہا کہ آبادی کی منصوبہ بندی کے لیے پوری قوم کو ساتھ چلنا ہے اور پوری قوم کو اس کے خلاف جنگ لڑنا ہوگی۔واضح رہےبڑھتی ہوئی آبادی سے متعلق کیس کی گزشتہ روز سماعت کے دوران چیف جسٹس پاکستان نے سیکریٹری صحت کو اس حوالے سے ہر تین ماہ بعد پیشرفت رپورٹ دینے کی ہدایت کی تھی۔سیکریٹری صحت نے عدالت کو بتایا تھا کہ آبادی پر قابو پانے کے لیے ایکشن پلان مرتب کرکے جمع کرادیا ہے، 2025 تک آبادی میں اضافے کی شرح 1.5 فیصد تک لانا ہے۔

الہ آباد(نیٹ نیوز/ایمرا نیوز) بھارتی شہرالہ آبادمیں ہندوؤں کا سب سے بڑا اجتماع قرار دیا جانے والا کمبھ میلہ سج گیا ، میلے کے دوران کروڑوں افرادگنگا اور جمنا کے سنگم پر جمع ہوکر عقیدے کے مطابق اپنے گناہ دھوئیں گے۔بھارتی میڈیا کے مطابق کمبھ میلے کا آج مقدس ترین دِن ہے، اس میلے کے دوران کم از کم 12 کروڑ افراد الہ آبار کا رخ کریں گے اور گنگا اور جمنا کے سنگم پر جمع ہوں گے جن میں دس لاکھ کے قریب غیرملکی بھی شامل ہیں۔یہ میلہ 49 دن تک جاری رہے گا اور چار مارچ کو اپنے اختتام کو پہنچے گا، میلے کے پہلے دن ڈیڑھ کروڑ افراد کی آمد متوقع ہے۔اس موقع پر الہ آباد کے ضلع پریا گنج کے تمام اسکول اور کالجز تین دن کے لیے بند کر دیے گئے ہیں۔شہر کو آنے والی تمام سڑکوں پر بھی رکاوٹیں کھڑی کر دی گئیں ہیں اور گاڑیوں کو شہر سے باہر روک لیا گیا ہے جہاں سے لوگوں کو شٹل بسوں اور رکشوں کے ذریعے میلے کے مقام تک پہنچایا جا رہا ہے۔واضح رہے کمبھ مذہبی میلہ ہے جسے بھارت میں ’زمین پر منعقدہ عظیم تقریب‘ بھی قرار دیا جاتا ہے۔

یہ میلہ ہر 12 سال بعد منعقد ہوتا ہے۔ کمبھ کے میلے کے موقع پر زائرین دریائے گنگا میں نہاتے ہیں۔ ہندو عقائد کے تحت اس رسم سے گناہ دھلتے ہیں اور جنت کا راستہ کھلتا ہے۔بھارتی میڈیا کے مطابق اس مرتبہ میلے کی سرگرمیاں 45 مربع کلومیٹر کے علاقے میں پھیلی ہوئی ہیں جبکہ ماضی میں یہ علاقہ 20 مربع کلومیٹر تک ہوتا تھا۔میلے میں 300 کلومیٹر سڑک بنائی گئی ہے۔ شہر کے چاروں طرف وسیع پیمانے پر کار پارکنگ بنائی گئی ہے تاکہ تقریباً پانچ لاکھ گاڑیوں کو پارک کیا جا سکے۔
حکام کے مطابق اس سال میلے کے انتظامات پر چار ہزار کروڑ روپے سے زیادہ لاگت آئی ہے۔میلے کے منتظم وجے کرن آنند کا کہنا تھا کہ ’پہلا مقدس غسل 15 جنوری کو صبح سوا پانچ بجے ہو گا اور ہر گھاٹ پر 45 منٹ کے دورانیے کے لیے اشنان ہو گا اور یہ سلسلہ شام چار بجے تک چلے گا‘۔کمبھ میلہ الہ آباد میں صدیوں سے منعقد ہو رہا ہے لیکن گذشتہ دو دہائیوں سے یہ ایک میگا ایونٹ کی شکل اختیار کر گیا ہے۔برطانوی نشریاتی ادارے کے مطابق اس برس یہ میلہ بہت بڑا ہے اور خیال کیا جاتا ہے کہ ملک کی ہندو قوم پرست حکومت نے اس کا انتظام ملک میں ہونے والے عام انتخابات کو نظر میں رکھ کر کیا ہے۔

اسلام آباد(نیٹ نیوز/ایمرا نیوز) وزیراعظم عمران خان نے کہا ہے کہ ٹیکس دہندگان کے اربوں روپے سے چلنے والی پارلیمنٹ سے اپوزیشن واک آؤٹ کر رہی ہے،یہ ہتھکنڈے استعمال کر کے اپوزیشن این آر او چاہتی ہے۔سوشل میدیا سے جاری ایک بیان میںوزیراعظم عمران خان نے اپوزیشن پر برہمی کا اظہار کرتے ہوئے واضح کیاکہ اپوزیشن کے خلاف کرپشن کے یہ کیسز پی ٹی آئی نے نہیں بنائے۔گزشتہ روز قومی اسمبلی میں اپوزیشن رہنما آصف زرداری کی تقریر کے بعد اور وفاقی وزیر فیصل واوڈا کے خطاب سے قبل قومی اسمبلی کے اجلاس میں شورشرابہ اور ہنگامہ آرائی دیکھنے میں آئی۔
اس موقع پر سابق وفاقی وزیر خواجہ آصف نےکہا کہ دھمکیاں دینے سے ایوان نہیں چلے گا،6 ماہ ہوچکے ہیں نہ وزیراعظم اور نہ ہی وزیر خزانہ ایوان میں آتے ہیں جبکہ اپوزیشن لیڈر شہباز شریف رکن قومی اسمبلی کی طرف سے ایوان میں گالم گلوچ دیے جانے پر احتجاجاً واک آوٹ کرگئے تھے۔

ممبئی:(شوبز ڈیسک/ایمرا نیوز) ’ریس3‘ کی ناکامی کے بعد ’ریس4‘ کے لیے سلمان خان کی جگہ ایک بار پھر سیف علی خان کو کاسٹ کیے جانے پر غور کیا جارہا ہے۔گزشتہ برس ریلیز ہونے والی فلم’ریس3‘ پر کمزور کہانی اور بیکار اسکرپٹ کی وجہ سے شائقین اور تجزیہ نگاروں کی جانب سے شدید تنقید کی گئی تھی، عید الفطر پر ریلیز ہونے کی وجہ سے فلم کو فائدہ پہنچا اور فلم نے اپنی لاگت پوری کرلی لیکن فلم شائقین کے معیار پر پوری اترنے میں مکمل ناکام ہوگئی، یہاں تک کہ ’ریس 3‘ گزشتہ برس دنیا بھر میں ریلیز ہونے والی 100 بدترین فلموں میں سے ایک قرار دے دی گئی۔

ریس 3‘کی ریلیز کے وقت سلمان خان فلم کی کامیابی کے حوالے سے اتنے پُر امید تھے کہ انہوں نے ’ریس4‘ بنانے کا بھی اعلان کردیا تھا لیکن فلم پر ہونے والی تنقید کے بعد ’ریس4‘ کے لیے سلمان خان کی جگہ ایک بار پھر سیف علی خان کو کاسٹ کیے جانے پر غور کیا جارہا ہے۔ میڈیا رپورٹس کے مطابق فلم پروڈیوسر رمیش تورانی کوشش کررہے ہیں کہ سیف علی خان دوبارہ ’ریس فرنچائز‘ میں شامل ہوجائیں۔واضح رہے کہ سیف علی خان ’ریس ‘اور’ریس2‘ میں اداکاری کے جوہر دکھاچکے ہیں یہ دونوں فلمیں باکس آفس پر کامیاب رہی تھیں۔

واشنگٹن:(نیٹ نیوز/ایمرا نیوز) امریکا میں پاکستان کے نئے تعینات ہونے والے سفیر ڈاکٹر اسد مجید خان کی امریکی صدر ڈونلڈٹرمپ سے ملاقات ہوئی۔امریکا میں پاکستان کے نئے تعینات ہونے والے سفیر ڈاکٹر اسد مجید خان کی امریکی صدر ڈونلڈٹرمپ سے ملاقات ہوئی۔ملاقات میں نئے پاکستانی سفیر ڈاکٹر اسد مجید خان نے اپنی سفارتی اسناد صدرڈونلڈ ٹرمپ کو پیش کیں اورسفیر ڈاکٹر اسد مجید خان نے پاکستانی قیادت کی جانب سے صدر ٹرمپ کو نیک خواہشات کا پیغام پہنچایا۔

کراچی(نیٹ نیوز/ایمرا نیوز) وفاقی وزیر خزانہ اسد عمر کہتے ہیں کہ 23 جنوری کو منی بجٹ پیش کیا جائے گا۔وزیر خزانہ اسد عمر نے کراچی چیمبر آف کامرس میں صنعت کاروں سے ملاقات کی، اس موقع پر خطاب کرتے ہوئے انہوں نے کہا کہ ایف بی آر کے ایس آر او کے اجراء کا اختیار ختم کر دیا گیا ہے۔ان کا مزید کہنا ہے کہ وزیر اعظم عمران خان نے بیرون ملک جانا ہے تو اب 23 جنوری کو فنانس بل پیش کیا جائے گا، منی بجٹ میں ٹیکس ایناملیز کو دور کیا جائے گا۔اسد عمر نے مزید کہا کہ ٹیکسوں کے حوالے سے ہر قسم کی تبدیلی پارلیمنٹ کی منظوری سے ہو گی۔اس موقع پر تاجروں نے وزیرخزانہ اسد عمر سے کڑے سوالات کیے، ایک تاجر نے کہا کہ کراچی میں 16دن انڈسٹری کو گیس نہ مل سکی، حالانکہ دسمبروہ مہینہ ہوتا ہے جب شپمنٹس جاتی ہیں۔اسدعمرنے کہا کہ تاجر برادری اپنی ٹیم اسلام آباد بھیج دیں، وہاں مسائل پر مزید بات کریں گے،ٹیکسز پر کوئی تبدیلی چاہتے ہیں تو یہ فیصلے فوری نہیں ہونے چاہئیں،ٹیکسز کوپارلیمنٹ میں بحث کےبعد تبدیل ہونا چاہیے، میں کراچی چیمبر کا رکن رہ چکا ہوں، اکیسویں ویں صدی میں معیشت کا پہیہ پرائیویٹ سیکٹر چلاتا ہے۔انہوں نے کہا کہ ہمارے منشور میں یہ لکھا تھا کہ کاروبار کی آسانی کے لیے مواقع پیدا کریں گے، کراچی پاکستانی معیشت کا دل ہے، نئے مالیاتی بل میں کاروباری طبقے کے لیے آسانیاں نظر آئیں، سرمایہ کاری ہوگی تومعیشت آگے بڑھے گی، سرمایہ کاری بڑھے گی تو نوکریاں پیدا ہوں گی، سرمایہ کاری کے لیے سہولتیں دی جائیں گی۔وزیر خزانہ نے کہا کہ ریاست کی بنیادی ذمہ داری ہے کہ ایسی معاشی پالیسی بنائے جس سے کمزورطبقے کی مشکلات دور ہوں، ہمیں ترجیحات کے مطابق فیصلے کرنا چاہئیں، اکیسویں صدی میں نجی شعبہ معیشت چلاتا ہے، کاروبار کرنے کے لیے مشکل پیدا کی جاتی رہی ہے،جسے آسان کرنے کے لیے ہر مہینے اجلاس کیا جا رہا ہے ۔انہوں نے کہا کہ پاکستان میں مقامی بچت اور سرمایا کاری کم ترین سطح تک آگئی ہے،منی بجٹ میں کھپت کو کم اور سرمایہ کاری بڑھانے کے اقدامات ہوں گے، ترکی سے ہمارے تعلقات اچھے ہیں لیکن تجارت نہ ہونے کے برابر ہے،اپریل میں پاک ترکی سرمایہ کاری سے متعلق معاہدے پر دستخط ہوں گے۔اسد عمر نے کہا کہ قائد اعظم ملک کے اندر بھی اور خطے میں بھی امن چاہتے تھے، اسی لیے وزیراعظم عمران خان نے اپنی پہلی تقریرمیں مذاکرات کی بات کی تھی، بھارت سے کشمیر اور تجارت بڑھانے پر بات کرنا چاہتے ہیں، پاکستانی فوج اس بات پر یقین رکھتی ہے کہ بھارت سے تمام معاملات بات چیت کے ذریعے طے کیے جائیں۔انہوں نے مزید کہا کہ افسوس کی بات ہے کہ بھارت نے پاکستانی اعلان کا مثبت جواب نہیں دیا، وزارت خارجہ نےتمام سفیروں کومعاشی سفارتکاری کے فروغ دینےکے لیے اقدامات کیے ہیں، آرمی چیف بھی چاہتے ہیں کہ پاکستان اور بھارت کے مسائل بات چیت سے حل ہوں، گیس کا مسئلہ منصوبہ بندی کی کمی سے پیدا ہوا، منصوبہ بندی کی کمی اور فوری ایکشن نہ لینے پرہی کارروائی کی گئی، جوگیس کےمسائل سامنے آئے وہ بلکل نہیں آنے چاہیے تھے۔وزیر خزانہ نے یہ بھی کہا کہ روزانہ مختلف اداروں کے وفود آتے ہیں کہ ہمارے اتنے پیسے پھنسے ہوئے ہیں، پرانے پاکستان کے قرضے آسمان سے باہرنکل رہے ہیں، آئندہ مالیاتی بل میں اسٹاک ایکسچینج کے لیے اچھی خبر ہوگی، پاکستان پیپلز پارٹی کی حکومت جے آئی ڈی سی لے کر آئی، تاجر ایسی تجاویز لے کر آئیں جس سے حکومت کا کاروبار بھی چلتا رہے اور مسئلہ بھی حل ہو جائے۔اس موقع پر تاجر رہنما سراج قاسم تیلی نے کہا کہ ایف بی آر میں نچلے درجے کے افسروں تک طاقت منتقل کی گئی، ایف بی آر افسروں نے طاقت رشوت لینے کے لیے استعمال کی۔انہوں نے یہ بھی کہا کہ ایف بی آر کو تالہ لگا دیں، شرطیہ 15 فیصد ریونیو بڑھ جائے گا۔

نئی دہلی(سپورٹس ڈیسک/ایمرا نیوز) بھارتی کپتان ویرات کوہلی کا پانڈیا اور راہول سے متعلق کہنا ہے کہ بھارتی ٹیم اس طرح کے بیانات کے حق میں نہیں ہے ، جو باتیں دونوں نے کیں وہ نامناسب تھیں۔کوہلی نے کہا کہ ٹیم انڈیا راہول اور پانڈیا کے ٹی وی شو کے دوران خواتین پر نامناسب تبصرہ کرنے کی حمایت نہیں کرتی۔انہوں نے کہا کہ اس تنازع سے ڈریسنگ روم کا ماحول متاثر نہیں ہوگا، دونوں کھلاڑیو ں کا یہ نظریہ پوری طرح سے ذاتی ہے اور ٹیم انڈیا اس کی حمایت نہیں کرتی۔واضح رہے کہ بھارتی کرکٹ بورڈ نے بھی دونوں کرکٹرز ہاردک پانڈیا اور کے ایل راہول کو خواتین کے بارے میں نازیبا ریمارکس دینے پر معطل کردیا ہے، جس کے بعد وہ آسٹریلیا کے خلاف شروع ہونے والی ون ڈے سیریز سے باہر ہوگئے ہیں۔