Tag media92tv

سرگودھا(نیٹ نیوز/ایمرا نیوز) پنجاب کے ٹہر سرگودھا میں 15ماہ کی بچی کو تیزدھار آلے سے قتل کر دیا گیا۔پولیس نے قتل کے الزام میں بچی کے والد، چچا، پھوپھی،دادا اور دادی سمیت 5افراد کو گرفتار کر لیا ہے، پولیس کی ابتدائی تفتیش کے مطابق والد نے اپنی بچی کو عامل کے کہنے پر قتل کیا۔پولیس کے مطابق ہاتھی چوک کے علاقے سے صبح ساڑھے 10بجے کے قریب ڈیڑھ سالہ سویرا کو خون میں لت پت ڈی ایچ کیو ٹیچنگ اسپتال سرگودھا لایا گیا۔ڈاکٹرز کے مطابق بچی کو تیز دھار آلے سے قتل کیا گیا ہے اور جب اس کا والد اور دیگر اہل خانہ اسے اسپتال لائے تو وہ پہلے سے مری ہوئی تھی۔پولیس کے مطابق قتل کے الزام میں بچی کے والد مطیع الرحمان، چچا، پھوپھی اور دادا، دادی سمیت 6افراد کو حراست میں لے لیا گیا ہے۔پولیس کا کہنا ہے کہ ابتدائی تفتیش کے مطابق بچی کے چچا کے یہاں 12سال سے اولاد نہیں ہو رہی تھی، جس کے لیے ایک عامل کو گھر بلایا جاتا تھا۔مقتول بچی کی والدہ نے پولیس کو بتایا کہ شوہر اور دیور اس کی بچی کو منحوس سمجھتے تھے، جس پر ناراض ہوکر اپنے میکے چلی گئی تھی۔پولیس کے مطابق ابتدائی تفتیش کے بعد مقدمہ درج کر کے تمام ملزمان کو باقاعدہ گرفتار کرلیا گیا ہے جبکہ بچی کے قتل کے معاملے میں عامل کو بھی شامل تفتیش کیا جائے گا۔

اسلام آباد:(نیٹ نیوز/ایمرا نیوز) سپریم کورٹ نے منرل واٹر کمپنیوں کو پیر تک اپنے معاملات درست کرنے کی مہلت دے دی جب کہ چیف جسٹس نے ریمارکس دیئے کہ اگر پیر تک معاملات درست نہ ہوئے تو فیکٹریوں کو بند کر دیں گے۔سپریم کورٹ میں چیف جسٹس پاکستان کی سربراہی میں منرل واٹر کمپنیوں کے پانی کی فروخت سے متعلق کیس کی سماعت ہوئی۔سماعت کے آغاز پر چیف جسٹس نے ریمارکس دیئے کہ دریائے سندھ اور نہر کا پانی منرل واٹر کے طور پر استعمال ہو رہا ہے، کمیشن رپورٹ دیکھ کر دل کرتا ہے تمام کمپنیاں بند کر دیں۔اس دوران منرل واٹر کمپنی کے وکیل نے مؤقف اپنایا کہ واٹر کمپنیوں کو بہتری کے لیے وقت دیا جائے۔اس پر جسٹس ثاقب نثار نے ریمارکس دیئے کہ پانی کسی صورت چوری نہیں کرنے دیں گے، زیر زمین پانی کی قمیت ہر صورت ادا کرنی ہو گی۔چیف جسٹس پاکستان نے کمپنیوں کو ایک ہفتے میں نظام ٹھیک کرنے کی مہلت دیتے ہوئے کہا کہ نظام ٹھیک نہ کیا تو کمپنیاں بند کردیں گے، نظام بہتر کرنے پر ہی کمپنیوں کو کام کرنے کی اجازت دیں گے۔جسٹس ثاقب نثار کا کہنا تھاکہ اپنے پیسے بنانے کے لیے لوگوں کو بے وقوف بنایا ہوا ہے، لوگوں کو منرل پانی کی کمپنیوں کا بائیکاٹ کرنا چاہیے، کمپنیاں بند ہونے سے کوئی پیاسا نہیں مرے گا۔
کراچی میں زیر زمین پانی کی سطح 1300 فٹ تک پہنچ چکی: کمیشن رپورٹ
اس موقع پر جسٹس اعجاز الاحسن نے کہا کہ کمیشن رپورٹ کے مطابق کمپنیوں کے پاس پانی ٹیسٹ کرنے کا نظام نہیں۔کمیشن کے رکن نے بھی عدالت کو بتایا کہ کراچی میں زیر زمین پانی کی سطح 1300 فٹ تک پہنچ چکی، پنجاب میں نہریں خشک ہو چکیں، سیوریج کے پانی سے سبزیاں اگ رہی ہیں، آلودہ پانی بغیر ٹریٹمنٹ زیرزمین بہا دیا جاتا ہے، 7 ارب لیٹر پانی منرل واٹر کمپنیاں ماہانہ نکالتی ہیں، سندھ میں صنعتیں نہری اور دریائے سندھ کا پانی مفت استعمال کررہی ہیں، کوئی صنعت پیسہ دے بھی رہی ہے تو وہ خزانے میں نہیں جاتا۔
کمیشن کے رکن کی بریفنگ پر چیف جسٹس نے ایک بار پھر کہا کہ صاف پانی کی کمپنیاں پیر تک اپنے معاملات درست کر لیں، اگر پیر تک معاملات درست نہ ہوئے تو فیکٹریوں کو بند کر دیں گے۔اس موقع پر کمپنی کے وکیل شاہد حامد نے کہا کہ تمام کمپنیاں پانی کی قیمت ادا کرنے کو تیار ہیں، فیکٹریاں ٹیوب ویل سے نکالے گئے پانی کا معاوضہ ادا کرنے کو تیار ہیں اور ٹیوب ویلز پر میٹر لگا دیے جائیں، ضائع شدہ پانی پر معاوضہ ادا نہیں کیا جاسکتا۔چیف جسٹس نے شاہد حامد سے استفسار کیا کہ سیدھی اور اردو میں بات کریں، کیا آپ نے پانی کے پیسے دینے ہیں یا نہیں بتائیں، اس پر وکیل نے کہا کہ ہم پیسے دینے کو تیار ہیں۔جسٹس ثاقب نثار کا کہنا تھا کہ اربوں روپے کا پانی چوری کر گئے اور لوگوں کو ایک بوند پانی میسر نہیں، 6 ارب لیٹر روز کا پانی استعمال کر رہے ہیں، اس پر ایک پائی بھی ادا نہیں کی۔
کل زیر زمین نکالے گئے پانی پر قیمت ادا کرنی ہوگی: جسٹس اعجاز الاحسن
جسٹس اعجاز الاحسن نے ریمارکس دیئے کہ آپ کو کل زیر زمین نکالے گئے پانی پر قیمت ادا کرنی ہوگی۔چیف جسٹس پاکستان نے ریمارکس دیئے کہ ہمیں ان کمپنیوں سے کوئی ہمدردی نہیں، گندہ پانی سبزیوں کے لیے استعمال کیا جارہا ہے اور وہ سبزیاں ہم کھاتے ہیں، قوم کے ساتھ دھوکا بند کیا جائے، ہم بچوں کے لیے گندہ پانی استعمال نہیں ہونے دیں گے۔جسٹس ثاقب نثار نے مزید کہا کہ ایک ہزار ارب اعتزاز احسن کے موکل سے بھی لوں گا، یہ دونوں رقوم مل جائیں تو دونوں ڈیمز کیلئے کسی اور سے پیسے لینے کی ضرورت نہیں۔چیف جسٹس نے آج پانی سے متعلق اجلاس طلب کرلیا
عدالت نے پانی سے متعلق تمام شراکت داروں کا اجلاس آج شام 5 بجے طلب کرلیا۔چیف جسٹس نے کہا کہ آج شام کو منرل واٹر کمپنیوں سے متعلق میٹنگ ہوگی، کمپنیوں کے اعتراضات، ٹیکس ادائیگیوں اور دیگر معاملات کا جائزہ لیا جائے گا، اجلاس میں چاروں ایڈووکیٹ جنرلز، وفاق،منرل واٹر کمپنیوں کے نمائندے بھی شریک ہوں۔

ممبئی(شوبز ڈیسک/ایمرا نیوز) بالی وڈ اداکارہ پریانکا چوپڑہ اور امریکی گلوکار نک جونس یکم دسمبر کو عیسائی اور 2 دسمبر کو ہندو رسوم و رواج کے مطابق رشتہ ازدواج میں منسلک ہوئے، لیکن ابھی تک ان کی شادی کی تصاویر سامنے نہیں آسکیں، جن کا مداحوں کو بے صبری سے انتظار ہے، ہاں لیکن شادی کی مختلف رسومات کی تصاویر ضرور سوشل میڈیا پر شیئر کی جارہی ہیں۔

اس سے قبل جوڑے کی مہندی کی تصاویر منظرعام پر آئی تھیں اور اب سنگیت کی تصاویر اور ویڈیوز بھی سوشل میڈیا پر وائرل ہیں، جنہیں خوب سراہا جارہا ہے۔پریانکا چوپڑہ نے گذشتہ روز اپنے انسٹاگرام اکاؤنٹ پر شادی سے قبل منعقد ہونے والی سنگیت کی تصاویر اور ویڈیو شیئر کی۔پریانکا نے سنگیت کی محفل میں ابوجانی- سندیپ کھوسلا کا ڈیزائن کردہ لباس پہنا جبکہ دولہا نک جونس نے نیلے رنگ کا کرتا زیب تن کیا تھا۔

View this post on Instagram

It all began as a fierce song & dance competition between the families but ended, as always, as a huge celebration of love.  Nick and I were looking forward to the Sangeet (musical evening), another pre wedding ritual.. and to see what each side had put together. And what a performance it was. Each family telling our stories through song and dance, filled with lots of laughter and love. We were both filled with gratitude for the effort, the love and the laughter and will carry the memories of this special evening for the rest of our lives. It is an amazing start to a lifetime of togetherness for our families and friends…#grateful @nickjonas ?/?: @calebjordanlee @josevilla @josephradhik

A post shared by Priyanka Chopra (@priyankachopra) on Dec 2, 2018 at 4:57am PST

پریانکا اور نک جونس کی رسم سنگیت جودھپور کے عمید بھوان پیلس میں منعقد ہوئی تھی، جہاں دولہا نک جونس اپنے اہلخانہ کے ہمراہ اسٹیج پر پرفارم کرتے نظر آئے۔پریانکا نے تصاویر شیئر کرتے ہوئے ساتھ میں لکھا، ‘اس محفل کا آغاز دونوں خاندانوں کے درمیان گانوں اور رقص کے مقابلے سے ہوا، لیکن اختتام محبت کے جشن کے طور پر ہوا۔’اداکارہ نے مزید لکھا کہ سنگیت کی محفل میں دولہن اور دولہے کی ٹیم نے بہت انجوائے کیا۔اس موقع پر پریانکا کی والدہ مدھو چوپڑہ اور کزن اداکارہ پرینیتی چوپڑہ بھی اسٹیج پر نظر آئیں۔

(سپورٹس ڈیسک/ایمرا نیوز)
‘دی راک’ کے نام سے مشہور ہالی وڈ اداکار ڈوائن جونسن کے لیے فلموں میں خطرناک کردار نبھانا تو شاید مشکل نہ رہا ہو، لیکن اصل زندگی میں ڈپریشن پر قابو پانے میں انہیں یقیناً مشکلات کا سامنا کرنا پڑا۔دی ایکسپریس کو دیئے گئے ایک انٹرویو میں ریسلنگ سے اداکاری کے شعبے میں آنے والے ‘دی راک’ نے بتایا کہ کس طرح انہوں نے نوعمری کے دور میں اپنے ڈپریشن پر قابو پایا۔انٹرویو کے دوران انہوں نے بتایا، ‘میں ایک ایسے مقام پر پہنچ گیا تھا جہاں میں کوئی کام نہیں کرنا چاہتا تھا اور نہ ہی میرا کہیں جانے کو دل چاہتا تھا، میں مسلسل روتا رہتا تھا۔

”دی راک’ نے بتایا، ‘جب میں 15 برس کا تھا تو میری والدہ نے میرے سامنے خودکشی کی کوشش کی، وہ کار میں سے نکلیں اور انتہائی مصروف سڑک پر گاڑیوں کے سامنے آگئیں، جس پر میں نے انہیں بازو سے پکڑ کر سڑک سے ہٹایا’۔چند سال بعد ڈوائن جونسن کا پروفیشنل فٹبالر بننے کا خواب بھی انجریز کے باعث چکنا چور ہوگیا اور اس کے بعد ان کی دوست نے بھی ان سے تعلق ختم کرلیا۔’دی راک’ کے مطابق یہ وقت ان کے لیے انتہائی بدترین تھا۔

انہوں نے بتایا کہ یہ وہ وقت تھا، جب ان کے اندر خود کو جمع کرکے زندگی کے معمولات کو جاری رکھنے کی بھی ہمت نہیں بچی تھی اور امکان تھا کہ وہ بھی اپنی والدہ کی طرح خودکشی کی کوشش کرتے۔ڈوائن جونسن نے بتایا کہ وقت کے ساتھ ساتھ ہم دونوں بہتر ہوگئے لیکن اب بھی جب ہم کسی کو تکلیف میں دیکھتے ہیں تو اپنی تکلیف کو یاد کرکے ان کی مدد ضرور کرتے ہیں اور انہیں بتاتے ہیں کہ وہ اکیلے نہیں ہیں۔واضح رہے کہ ‘دی راک’ نے 2004 کے آغاز میں ریسلنگ کو ہمیشہ کے لیے خیرباد کہہ کر ہالی وڈ میں قدم رکھا اور ‘فاسٹ اینڈ فیوریس’، ‘اسکارپین کنگ’، ‘ممی ریٹرنز’ اور ‘جمان جی’ جیسی فلموں میں اپنی اداکاری کی بناء پر شہرت حاصل کی۔ریسلنگ کے شعبے میں بھی وہ 8 بار ورلڈ چیمپیئن رہ چکے ہیں۔

اسلام آباد:(نیٹ نیوز/ایمرا نیوز) چیف جسٹس پاکستان جسٹس میاں ثاقب نثار نے خیبر پختونخوا کے اسپتالوں کے فضلے کی تلفی کے ازخود نوٹس کیس کی سماعت کے دوران ریمارکس دیے کہ کن بنیادوں پر آپ یہ دعویٰ کرتے ہیں کہ کے پی کو جنت بنا دیا گیا ہے۔چیف جسٹس پاکستان کی سربراہی میں سماعت شروع ہوئی تو صوبائی سیکرٹری صحت عدالت میں پیش ہوئے۔چیف جسٹس نے اس موقع پر استفسار کیا خیبرپختونخوا کے وزیر صحت کیوں نہیں آئے، سیکرٹری صحت ہر بار پیش ہو جاتے ہیں۔چیف جسٹس نے سیکریٹری صحت سے استفسار کیا کہ آپ نے پشاور مینٹل اسپتال کا دورہ کیا ہے جس پر انہوں نے کہا گزشتہ ہفتے گیا تھا۔چیف جسٹس نے کہا وہاں انسانوں کو جانوروں سے بھی بدتر حالت میں رکھا جا رہا ہے، لوگ اپنے گھروں میں کتوں کو بھی اس طرح نہیں رکھتے، سیکرٹری صحت خیبرپختونخوا نے کہا کہ آپ کے دورے کے بعد بہتری کے لیے کافی اقدامات کیے ہیں، ایک الگ کیمپس بھی قائم کر رہے ہیں۔چیف جسٹس نے ریمارکس دیے ‘میں سیمپل لایا تھا وہاں دوائیاں زائد المعیاد ہیں اور ڈاکٹر بھی نہیں جاتے، کن بنیادوں پر آپ یہ دعویٰ کرتے ہیں کہ کے پی کو جنت بنا دیا گیا، صوبے کی حالت بدترین ہے’۔چیف جسٹس نے کہا کہ میں تین چار دن بعد دوبارہ دورہ کر کے دیکھوں گا کہ کیا بہتری آئی ہے۔عدالت نے کیس کی سماعت 2 ماہ کے لیے ملتوی کردی۔

شاہ رخ خان:

پہلے نمبر پر کنگ خان کانام آتا ہے جو اپنی شاندار اداکاری کی وجہ سی تو پہلے ہی مشہور ہیں لیکن انہوں نے اپنے جسم پر بھی بہت محنت کی ہے. کچھ سال پہلے انہوں نے ایک فوٹو شوٹ کرایا، جس میں ان کے 8 ایبس بنا رکھے تھے، جس کو لوگوں نے بہت پسند کیا.
ٹائیگر شروف:

اگر ہم 8 ایبس کی بات کرتے ہیں تو ہم ٹائیگر شروف کی بات نہ کریں تو ایسا ہو نہیں سکتا، نوجوانوں میں بے حد مقبول ٹائیگر شروف اپنے ڈانس کی وجہ سے بہت مشہور ہیں، لیکن ڈانس اور اداکاری کے ساتھ ساتھ وہ اپنے خوبصورت جسم کی وجہ سے بھی مشہور ہیں، ٹائیگر شروف بھی بالی ووڈ میں وہ اداکار ہیں جن کے 8 ایبس ہیں.
رنویر سنگھ:

کچھ دن پہلے دیپکا سے شادی کرکے اپنی نئی زندگی کا آغاز کرکے رنویر سنگھ بہت سی خبروں کی زینت بنے، لیکن وہ اپنے 8 ایبس کی وجہ سے بہت مشہور ہیں.
سوشانت سنگھ راجپوت:

سوشانت نے اپنی اداکاری کا آغاز ٹی وی سیریل سے کیا، لوگوں نے ٹی سیریل میں اُن کی اداکاری کو بے حد پسند کیا اس کے بعد انہوں نالی ووڈ میں قدم رکھا اور وہ بالی ووڈ میں بھی ان کی اداکاری کو بھی بے حد پسند کیا، سوشانت سنگھ راجپوت کے بھی 8 ایبس ہیں.
ریتک روشن:

ریتک روشن بھی ان ادکاروں میں آتے ہیں ، جن کے 8 ایبس ہیں، شروع میں وہ بہت موٹے ہوتے تھے لیکن سلمان خان نے اُن کی مدد کی .بعد میں انہوں نے ایسے 8 ایبس بنائے کہ سب دیکھتے رہ گئے.

پیرس: فرانسیسی حکومت کے خلاف ملک بھر میں جاری احتجاج پیرس میں پہنچنے کے بعد پرتشدد صورت اختیار کر گیا جہاں مظاہرین نے کئی گاڑیوں کو آگ لگا دی۔حکومت کی جانب سے عائد ٹیکسز کے خلاف ملک بھر میں جاری احتجاج دارالحکومت پیرس تک پہنچ گیا جہاں گزشتہ روز مظاہرین اور سیکیورٹی فورسز کے درمیان جھڑپوں کے دوران کئی افراد زخمی ہوگئے۔مظاہرین نے توڑ پھوڑ اور جلاؤ گھیراؤ کیا جب کہ مشتعل افراد نے پیٹرول چھڑک کر کئی گاڑیوں کو بھی آگ لگادی، دارالحکومت میدان جنگ بنا تو صدر ایمانیول میکرون نے ہنگامی اجلاس طلب کیا اور کابینہ سے مشاورت بھی کی۔

صدارتی ہاؤس سے جاری بیان میں کہا گیا ہے کہ صدر ایمانیول میکرون نے وزیراعظم ڈوارڈ فلپ کو سیاسی رہنماؤں اور مظاہرین سے مذاکرات کا حکم دیا ہے۔بیان میں کہا گیا ہے کہ صدر میکرون نے وزیر داخلہ کو بھی ہدایت کی ہے کہ وہ مستقبل میں کسی بھی احتجاج سے نمٹنے کے لیے سیکیورٹی فورسز کو تیار رکھیں۔ صدارتی ہاؤس کے ذرائع کے حوالے سے کہا جارہا ہے کہ صدر میکرون قوم سے خطاب نہیں کریں گے اور ملک میں ایمرجنسی کے نفاذ سے متعلق اجلاس میں تجویز پر بات چیت بھی نہیں ہوئی۔دارالحکومت پیرس میں ہونے والے ہنگاموں کو اس دہائی کے بدترین مظاہرے قرار دیے جارہے ہیں جس میں سیکڑوں افراد زخمی اور بڑے پیمانے پر تباہی مچائی گئی ہے۔
فرانسیسی حکومت کا کہنا ہے کہ منگل کو سینیٹ میں ٹیکس کے خلاف احتجاج کے پرتشدد صورتحال اختیار کرنے کے حوالے سے آگاہ کیا جائے گا اور اسے روکنے کے لیے اقدامات اور نقصانات سے متعلق بھی بریف کیا جائے گا۔

ابوظہبی:(سپورٹس ڈیسک/ایمرا نیوز) نیوزی لینڈ نے پاکستان کے خلاف ابوظہبی ٹیسٹ میں ٹاس جیت کر پہلے بیٹنگ کا فیصلہ کیا ہے۔دونوں ٹیموں کے درمیان تین ٹیسٹ میچز کی سیریز کا تیسرا اور فیصلہ کن میچ اب سے کچھ دیر بعد شروع ہونے جارہا ہے جس میں کیویز کپتان کین ولیمسن نے ٹاس جیت کر بیٹنگ کا فیصلہ کیا۔قومی ٹیم میں نوجوان فاسٹ بولر شاہین شاہ آفریدی ڈیبیو کر رہے ہیں، انہیں انجری کا شکار ہونے والے فاسٹ بولر محمد عباس کی جگہ شامل کیا گیا ہے۔نیوزی لینڈ کے خلاف 12 رکنی قومی ٹیم محمد حفیظ، امام الحق، اظہر علی، بابراعظم، اسد شفیق، حارث سہیل، کپتان سرفراز احمد، حسن علی، یاسر شاہ، بلال آصف، شاہین شاہ آفریدی اور فہیم اشرف پر مشتمل ہے۔کپتان سرفراز احمد کا کہنا ہے کہ تیسرے ٹیسٹ کے لیے تیار ہیں اور یہ ہمارے لئے اہمیت کا حامل ہے، ہمیں اس بات کا اندازہ ہے کہ نیوزی لینڈ کی ٹیم مشکل حریف ہے تاہم دبئی ٹیسٹ کی جیت نے ہمارا حوصلہ بلند کیا ہے۔

لاہور:(سپورٹس ڈیسک/ایمرا نیوز) فاسٹ بولر محمد آصف کی گاڑی کو حادثہ پیش آیا جس میں وہ، ان کی اہلیہ اور 2 بچیاں زخمی ہوگئیں۔لاہور کے علاقے ڈیفنس فیز ون میں سابق کرکٹر اپنی فیملی کے ہمراہ جارہے تھے کہ اچانک گاڑی فٹ پاتھ پر چڑھ گئی۔حادثے میں محمد آصف کی فیملی اور وہ خود محفوظ رہے تاہم انہیں سر میں معمولی چوٹیں آئیں۔ کرکٹر نے جیو نیوز سے بات کرتے ہوئے بتایا کہ تیز رفتار کار سے بچتے ہوئے میری کار فٹ پاتھ پر چڑھ گئی، شکر ہے بچت ہوگئی، اہلیہ اور بچیوں کا سی ٹی اسکین کرادیا ہے۔ یاد رہے کہ محمد آصف پاکستان 23 ٹیسٹ، 38 ون ڈے اور 11 ٹی ٹوئنٹی میچز میں پاکستان کی نمائندگی کرچکے ہیں۔

لاہور:(نیٹ نیوز/ایمرا نیوز) وزیر ریلوے شیخ رشید نے سیاحت کے لیے تین ٹورسٹ ٹرینیں چلانے کا اعلان کردیا۔لاہور میں پریس کانفرنس کرتے ہوئے وزیر ریلوے شیخ رشید نے بتایا کہ ٹرین کے ذریعے سیاحت کو فروغ دینے پر توجہ دی ہے، سیاحت کے لیے 3 ٹورسٹ ٹرینیں چلارہے ہیں، سیاحت کے لیے راولپنڈی سے ٹیکسلا تک اسٹیم انجن چلائیں گے۔انہوں نے کہا کہ 90 دنوں میں ریلوے کی آمدنی میں 2 ارب روپے کا اضافہ ہواہے، ریلوے میں ایک ارب روپے کے غیر ضروری اخراجات میں کمی کی ہے، بغیر ٹکٹ مسافر کے ساتھ پولیس یا ریلوے عملہ بھی ہوا تو ملازمت سے نکال دیا جائے گا۔وزیر ریلوے کا کہنا تھاکہ ریزوریشن اوقات بڑھانے سے ریلوے کی آمدنی 20 فیصد بڑھی ہے ، 7 ڈویژنل شہروں کے اسٹیشنز پر 24 گھنٹے ریزرویشن کی جائے گی، سال میں 10 ارب روپے بزنس کاہدف ہے، اسے پورا کریں گے۔شیخ رشید نے مزید کہا کہ وقت کی پابندی کو نوے فیصد تک کور کرلیا ہے، 100 دن کے اندر 10 ٹرینیں چلانے کا وعدہ پورا کردیا، اب خراب پٹڑیوں اور خراب بوگیوں کی مرمت شروع کر رہے ہیں۔وزیر ریلوے نے اعلان کیا کہ چیف جسٹس پاکستان کے ڈیم فنڈ میں 5 کروڑ روپے دیں گے۔