Tag Multan

فرح خان کی ہدایت کاری میں بننے والی اس فلم میں دپیکا پڈوکون کو مرکزی کردار کے لیے کاسٹ کرنے کا فیصلہ
ممبئی (ایمرا نیوز آن لائن) بھارتی کوریو گرافر فرح خان کی ہدایت کاری میں بننے والی اس فلم میں دپیکا پڈوکون کو مرکزی کردار کے لیے کاسٹ کرنے کا فیصلہ رپورٹ کے مطابق فلم کی ٹیم نے دپیکا پڈوکون کو کردار کی پیش کش بھی کی ہے اور ابتدائی طور پر وہ کام کرنے کے لیے بھی تیار ہوگئی ہیں، تاہم تاحال دونوں فریقین کسی نتیجے پر نہیں پہنچے۔رپورٹ میں بتایا گیا ہے کہ آئندہ کچھ ہفتوں میں دپیکا پڈوکون اور فلم کی ٹیم معاہدہ کرنے میں کامیاب ہوجائیں گے، جس کے بعد باقاعدہ اعلان بھی کیا جائے گا۔اطلاعات ہیں کہ کامیڈی ایکشن فلم میں مرکزی کردار بھی ایک خاتون کا ہوگا جس کے کردار کے لیے دپیکا پڈوکون کو راضی کرنے کی کوششیں جاری ہیں۔خیال ظاہر کیا جا رہا ہے کہ یہ فلم بھی ’گول مال‘ اور ’سمبا‘ کی طرح ایکشن کامیڈی فلم ہوگی اور ممکنہ طور پر اس پڈوکون ایک لیڈی پولیس انسپکٹر کا کردار ادا کرتی دکھائی دیں گی۔خیال رہے کہ دپیکا پڈوکون نے اداکاری کی شروعات فلم ساز فرح خان کی میوزیکل رومانٹک فلم اوم شانتی اوم سے 2007 میں کی تھی.اس فلم میں دپیکا پڈوکون کے ساتھ شاہ رخ خان نظر آئے تھے، اس فلم کے بعد فرح خان اور دپیکا پڈوکون نے 2014 کی کرائم ڈرامہ فلم ہیپی نیو ایئر میں بھی ایک ساتھ کام کیا تھا، اس فلم میں بھی شاہ رخ خان ان کے ساتھ رومانس کرتے دکھائی دیے.۔

ممبئی (ایمرا نیوز آن لائن) بالی ووڈ اداکارہ عالیہ بھٹ کا کہنا تھا کہ وہ تنگ نظر گرل فرینڈ نہیں ہیں اور نہ ہی وہ اپنے بوائے فرینڈ پر حکم چلانے کی عادی ہیں۔’گلی بوائے‘ کی تشہیر کے دوران پوچھے گئے سوال کے جواب میں عالیہ بھٹ نے وضاحت کی کہ وہ حقیقی زندگی میں فلم میں دکھائی گئی گرل فرینڈ سے محتلف ہیں۔اداکارہ کا کہنا تھا کہ اگرچہ ’گلی بوائے‘ میں وہ رنویر سنگھ کی تنگ نظر گرل فرینڈ دکھائی دیں گی، تاہم حقیقی زندگی میں وہ ایسی نہیں۔عالیہ بھٹ نے کسی کا نام لیے بغیر کہا کہ وہ حقیقی زندگی میں محبت میں بڑے دل اور خیالات کا مظاہرہ کرتی ہیں اور اپنے بوائے فرینڈ کو یکساں حقوق اور مواقع دینے پر یقین رکھتی ہیں۔عالیہ بھٹ کا کہنا تھا کہ ان کے خیال میں سب انسان یکساں ہوتے ہیں اور وہ اسی لیے محبت میں بھی اپنے بوائے فرینڈ کو ایک جتنے حق دینے پر یقین رکھتی ہیں۔

*سید خورشید شاہ کا علیم خان کرپشن کیس میں وزیراعظم کو شامل تفتیش کرنے کا مطالبہ
علیم خان عمران خان کے خرچے اٹھاتا رہا، انہیں شامل کئے بنا احتساب دکھاوا ہوگا، خورشید شاہ
فیض آباد دھرنے کیس فیصلے پر عمل ہونا چاہئے، معاملا پارلیمنٹ میں اٹھائیں گے، خورشید شاہ
*
لاہور( پریس ریلیز) قومی اسمبلی کے سابق قائد حزب اختلاف پیپلز پارٹی کے مرکزی رہنما سید خورشید شاہ نے علیم خان کے کیس میں وزیراعظم عمران خان کو بھی شامل تفتیش کرنے کا مطالبہ کردیا اور کہا ہے کہ اگر بلاول بھٹو کی لانڈری کے بل کی تحقیقات ہو سکتی ہے تو پھر عمران خان کے انتخابات کا خرچہ اٹھانے والے شخص پر کرپشن کا الزام ہونے کے بعد تحقیقات کو عمران خان تک بھی جانا چاہئے، ورنہ احتساب دکھاوا ہی سمجھا جائے گا۔ سید خورشید شاہ لاہور میں پیپلز پارٹی پنجاب کے پارلیمانی لیڈر سید حسن مرتضیٰ کی جانب سے دئے گئے ناشتے پر صحافیوں سے گفتگو کر رہے تھے، اس موقع پر پیپلز پارٹی کے رہنما نوید چودھری، علامہ یوسف اعوان بھی موجود تھے۔ سید حسن مرتضیٰ نے اپنی رہائش گاہ پر آمد پر سید خورشید شاہ کو خیرمقدم کیا۔ سید حسن مرتضیٰ اور نوید چودھری کے ہمراہ صحافیوں سے گفتگو کرتے ہوئے سید خورشید شاہ نے کہا کہ علیم خان کی گرفتاری پر تو بظاہر یہ تاثر بنا ہے کہ ان کی گرفتاری دکھاوا اور اپوزیشن رہنمائوں کے خلاف جاری کارروایوں میں توازن پیدا کرنے کیلئے کی گئی ہے۔ انہوں نے کہا کہ اگر یہ تاثر درست نہیں تو پھر تحقیقات اور کارروائی علیم خان تک نہیں رکنی چاہئے، اور لوگوں کے نام بھی آ رہے ہیں، خاص طور پر وہ جن کے اخراجات علیم خان اٹھاتے رہے ہیں، جن کے جہازوں، الیکشن اور عمرے کا خرچہ تک علیم خان ادا کرتے رہے ، علیم خان جن کے اے ٹی ایم مشہور ہیں ان کے خلاف بھی کارروائی ہونی چاہئے۔ جب ان سے سوال کیا گیا کہ کیا آپ چاہتے ہیں کہ علیم خان کے خلاف تحقیقات میں وزیراعظم عمران خان کو بھی شامل تفتیش کیا جائے کیوں کہ علیم خان کو عمران خان کا ہی اے ٹی ایم کہا جاتا تھا ؟، اس کے جواب میں خورشید شاہ نے کہا کہ بلکل عمران خان تک تحقیقات کو جانا چاہئے اگر بلاول بھٹو کی لانڈری کے بل کی بنیاد پر جے آئی ٹیز بن جاتی ہیں تو پھر یہاں پر تحقیقات ہونی چاہیئں، کیوں کہ علیم خان کے ساتھ ان کے نام بھی جڑے ہیں، جب تک علیم خان کے ساتھ جڑے ناموں تک تحقیقات نہیں جائے گی اس احتساب دکھاوا ہی سمجھا جائے گا۔ نیب قوانین کے متعلق سوال کے جواب میں خورشید شاہ نے کہا کہ نیب کے قوانین میں ترمیم ہونی چاہئے، یہ ہمارا دیرینہ مطالبہ تھا اب اگر تمام جماعتیں اصلاحات کیلئے آمادہ ہیں تو اس پر آگے بڑھا جا سکتا ہے۔ ایک سوال کے جواب میں انہوں نے کہا کہ این آر او کسی نے نہیں مانگا، حکمران اگر این آر او کی باتیں کر رہے ہیں تو بتائیں کہ این آر او کس نے مانگا ہے اور کون دے رہا ہے، انہوں نے کہا اپوزیشن نے این آر او نہیں مانگا، حکومت نام لے کر بتائے کہ کس نے این آر او مانگا ہے۔ فیض آباد دھرنے سے متعلق سپریم کورٹ کے فیصلے پر سوال کے جواب میں سابق قائد حزب اختلاف خورشید شاہ نے کہا کہ سپریم کورٹ کے فیصلے پر عمل ہونا چاہئے اور ہم یہ معاملا پارلیمنٹ میں اٹھائیں گے۔ خورشید شاہ نے کہا کہ یہ حکومت ملک کو چلانے میں سنجیدہ نہیں ہے، بجٹ سے قبل ٹیکس نافذ کرنے سمیت اہم فیصلے چند گھنٹے قبل تک بھی میڈیا کو نہیں بتائے جاتے مگر اس حکومت نے منی بجٹ سے ڈیڑھ ماہ قبل خبریں دے دی تھیں کہ کتنا ٹیکس لگایا جا رہا ہے اور کیا کیا اقدامات کئے جا رہے ہیں، جس سے کئی لوگوں کو اربوں کا نقصان اور کئی کو فائدہ ہوا ہے۔ اس سے بھی غیرسنجیدہ بات یہ ہوئی کہ منی بجٹ پیش کر کے بحث کروائے بنا اجلاس ملتوی کیا گیا، ایسا کبھی نہیں ہوتا۔ انہوں نے کہا کہ ہم پارلیمنٹ میں یہ معاملہ اٹھائیں گے کہ ایوان کے ساتھ یہ مزاق کیوں کیا گیا ہے۔ خورشید شاہ نے افغانستان کا مسئلہ پرامن مذاکرات کے ذریعے حل کرنے پر زور دیا اور کہا کہ پرامن افغانستان پاکستان کے مفاد میں ہے اسی سے خطے میں دیرپا امن قائم ہوگا۔ خورشید شاہ نے کہا کہ حکومت پختون تحفظ موومنٹ کے بات سن کر جائز مطالبات ماننے اور مسائل حل کرنے چاہئیں۔

اس دن کے منائے جانے کا مقصد جدید دور میں خبروں اور معلومات کے حصول کیلئے ریڈیو کی اہمیت کو اجاگر کرنا ہے
جہانیاں(ایمرا نیوز آن لائن) پاکستان سمیت دنیا بھر میں ریڈیو کا عالمی دن 13فروری کو منایا جائے گااس دن کے منائے جانے کا مقصد ٹیکنالوجی کے اس جدید دور میں خبروں اور معلومات کے حصول کیلئے ریڈیو کی اہمیت کو اجاگر کرنا ہے اس دن کے حوالے سے پاکستان بھر کے تمام ریڈیو اسٹیشنز سے مختلف پروگرام نشر کیے جائیں گے جس میں ترقی کے اس جدید دور میں بھی ریڈیو کی اہمیت کو اجاگر کیا جائے گا ۔پاکستان بھر میں اس وقت اسلام آباد،لاہور،کراچی،فیصل آباد،پشاور،راولپنڈی،گجرانوالہ،کوئٹہ،سرگودھا،حیدر آباد،بہاولپور اور ملتان سمیت دیگر شہروں میں پاکستان ریڈیو اور ایف ایم کے علاقائی اسٹیشن قائم ہیں جہاں سے مختلف علاقائی،معلوماتی،کرنٹ افیئرز اور دیگر پروگرام نشر کیے جاتے ہیں جو کہ ریڈیو کی وساطت سے سامعین تک پہنچتے ہیں۔ترقی کے اس جدید دور میں جبکہ ریڈیو کی جگہ موبائل فون نے لے لی ہے لیکن آج بھی ریڈیو کی اہمیت میں کوئی کمی واقع نہ ہوئی ہے شہروں سے دور دراز واقع علاقوں میں آج بھی خبروں اور معلومات کے حصول کیلئے ریڈیو ہی عوام میں بے پناہ مقبول ہے۔

خراب موسمی صورت حال کی وجہ سے عام لوگ تمام تر بنیادی سہولیات سے محروم ہیں ، خطاب
سرینگر(ایمرا نیوز آن لائن) کل جماعتی حریت کانفرنس ”ع“ گروپ کے چیئرمین میرواعظ ڈاکٹر مولوی محمد عمر فاروق نے ریاستی حکومت کو ہر سطح پر ناکام اور اس برفیلے موسم میں بجلی ، پانی جیسے لوگوں کے روزمرہ کے مسائل کے حل کرنے میں ناکام نظر آ رہی ہے وہاں یہ حکومت صرف ایک ہی کام میں پیش پیش ہے اور وہ CASO کی آڑ میں یہاں کے نوجوانوں کی پکڑ دھکڑ ، ان کو اپنے عتاب کا نشانہ بنانا اور انہیں طاقت اور قوت کے بل پر پشت بہ دیوار کرنا اور جس کا مظاہرہ آج صبح بانڈی پورہ میں اس وقت نظر آیا جبکہ برف کی وجہ سے تمام راستے مسدود ہونے کی بنا پر لوگ گھروں میں محصور ہو کر رہ گئے تھے وہاں لوگوں کے بچانے اور ان کو راحت پہنچانے کے بجائے CASO کی آڑ میں پکڑ دھکڑ کا سلسلہ شروع کیا گیا ۔ مرکزی جامع مسجد سرینگر میں بھاری اجتماع سے خطاب کرتے ہوئے میرواعظ نے اس بات پر شدید ردعمل کا اظہار کیا کہ ریاستی انتظامیہ کی جانب سے شہرو دیہات میں لوگوں کے تئیں مکمل بے حسی اور سنگدلی کا مظاہرہ کیا جا رہا ہے ۔ انہوں نے خراب موسمی صورت حال کی وجہ سے لوگ پچھلے دو مہینوں سے انتظامی سطح پر کسی بھی طرح کے سہولیات سے محروم ہیں اور لوگ انتہائی مشکلات سے دوچار ہونے کے ساتھ ساتھ اشیائیہ ضروریہ کی فراہمی سے بھی محروم ہیں ۔ میرواعظ نے کہا کہ ہنگامی صورت حال سے نپٹنے کے لائحہ عمل دور کی بات ہے کشمیری عوام بجلی اور پینے کے پانی جیسے بنیادی سہولیات کے بغیر بیشتر مقامات پر زندگی گزارنے پر مجبور ہیں انہوں نے کہا کہ حالیہ دنوں میں پیش آئے واقعہ جس میں سڑک بند ہونے کی وجہ سے ایک حاملہ خاتون اور اس کے بچے کو جان سے ہاتھ دھونا پڑا ایک ایسا دلخراش واقعہ ہے جس نے انسانیت کو جھنجھوڑ کے رکھ دیا ہے ۔ میرواعظ نے جموں و کشمیر کو باقی دنیا سے ملانے والی تمام قدرتی راستوں کو کھولنے کا مطالبہ کرتے ہوئے کہا کہ ای ک طرف جہاں کشمیر کو باقی دنیا سے جوڑنے والے تمام زمینی راستے انتظامیہ کی جانب سے بند کئے گئے ہیں وہیں دوسری جانب جموں وکشمیر سرینگر شاہراہ کے بند ہونے سے وادی کا باقی دنیا سے زمینی رابطہ منقطع ہو جاتا ہے اور شاہراہ پر ہر سال ہزاروں کی تعداد میں مسافروں ، خواتین اور بچوں کو بنیادی ضروریات کے بغیر درماندہ ہونا پڑتا ہے ۔ انہوں نے کہا کہ اس صورت حال سے یہاں کے فطری اور پرانے راستے کھولنے سے ہی بچا جا سکتا ہے ۔ میرواعظ نے کہا کہ المیہ یہ ہے کہ اس مشکل صورت حال میں ہوائی سفر کے کرایہ میں بھی بے تحاشا اضافہ کیا گیا ہے ۔( جاوید)

وزیراعلیٰ کے سانحہ ساہیوال کے زخمیوں کی عیادت کے موقع پر ہسپتال کے باہر لوگوں کی بھیڑ جمع ہوگئی تھی
راولپنڈی(ایمرا نیوز آن لائن)وزیراعلیٰ پنجاب عثمان بزدار نے گوجرانوالہ، میانوالی، اور ساہیوال کے دورے کے موقع پر ناقص سیکیورٹی انتظامات پر برہمی کا اظہار کرتے ہوئے انسپکٹر جنرل پولیس (آئی جی پی) پنجاب کو آئندہ گرین بک کے مطابق سیکیورٹی اہلکاروں کی تعیناتی یقینی بنانے کی ہدایت کردی۔آئی جی کو کی جانے والی ہدایت میں وزیراعلیٰ نے ڈسٹرک ہیڈکوارٹر ہسپتال گوجرانوالہ اور ساہیوال کے دورے کے دوران مختلف مقامات پر بدانتظامی کی نشاندہی کی جس کے باعث افراتفری کی صورتحال پیدا ہوگئی تھی۔چناچہ آئی جی نے صوبے کے تمام ڈویڑنل اور ڈسٹرک پولیس سربراہان کو وی آئی پی دوروں کے دوران سیکیورٹی کے حوالے سے ضابطہ اخلاق یا اسٹینڈرڈ آپریٹنگ پروسیجر (ایس او پی) پر عمل کرنے کا حکم دے دیا۔اس کے علاوہ پولیس کو یہ بھی ہدایت کی گئی کہ ضلعی پولیس، ایلیٹ فورس کمانڈوز اور سادہ لباس میں ملبوس اہلکاروں کی مناسب تعداد میں نفری تعینات کی جائے۔علاوہ ازیں وی آئی پی دوروں کے دوران تمام مقامات پر اسپیشل برانچ کی تعیناتی یقینی بنانے اور میڈیا انتظامات پر خصوصی توجہ دینے کی بھی ہدایت کی گئی۔اس ضمن میں ایک اعلیٰ سیکیورٹی افسر نے نام ظاہر نہ کرنے کی درخواست پر مےڈےا سے گفتگو کرتے ہوئے کہا کہ گورنر اور وزیراعلیٰ سمیت تمام وی آئی پیز کو گرین بک کی ہدایات کے مطابق سیکیورٹی فراہم کی جاتی ہے۔انہوں نے بتایا کہ ’سیکیورٹی کے ان اقدامات کے دوران عوام کو براہِ راست گورنر یا وزیر اعلیٰ تک رسائی کی اجازت نہیں دی جاتی لہٰذا پولیس اہلکار عوام کو ایک مناسب فاصلے تک محدود رکھتے ہیں‘۔اس کے علاوہ وی وی آئی پی دوروں کے دوران راستوں پر بھی پولیس تعینات ہوتی لیکن وی آئی دورے میں ایسا نہیں کیا جاتا۔انہوں نے بتایا کہ وی آئی پی دورے کے لیے پولیس کو راستوں پر تعینات نہیں کیا جاتا بلکہ راستے کی صرف میٹل ڈیٹیکٹر اور سراغ رساں کتوں کی مدد سے جانچ کی جاتی ہے تاکہ کسی قسم کا دھماکا خیز مواد موجود نہ ہونے کو یقینی بنایا جاسکے۔ واضح رہے کہ 20 جنوری کو ڈی ایچ کیو ہسپتال ساہیوال میں سانحہ ساہیوال میں زخمی ہونے والے بچوں کی عیادت کے لیے وزیراعلیٰ پنجاب کے دورے کے موقع پر عوام کی بڑی تعداد ہسپتال کے باہر جمع ہوگئی تھی۔

دکاندارنے دودھ کی بقایا رقم میں دس روپے واپس نہیں دیے تھے، والد
فیصل آباد(ایمرا نیوز آن لائن)فےصل آباد کے علاقے ڈی ٹائپ میں دودھ فروش کے ہاتھوں 7 سالہ بچی زیادتی کے بعد قتل کردی گئی۔پولیس کے مطابق فیصل آباد کے علاقے ڈی ٹائپ میں دودھ فروش سلیم کے ہاتھوں 7 سالہ بچی زیادتی کے بعد قتل کردی گئی۔ بچی کی لاش قریبی فیکٹری سے ملی جب کہ واقعے کے زیادتی اورقتل کا مقدمہ درج کرلیا گیا ہے۔ پولیس کا کہنا ہے کہ دودھ فروش نے بچی کو دس روپے واپس دینے کے بہانے دوبارہ بلایا اورزیادتی کا نشانہ بنایا۔ ملزم فرارہونے میں کامیاب ہوگیا جس کی تلاش کے لیے چھاپے مارے جارہے ہیں۔والد کا اس حوالے سے کہنا ہے کہ دکاندارنے دودھ کی بقایا رقم میں دس روپے واپس نہیں دیے تھے، بچی دکاندارسے بقیہ پیسے لینے گئی تھی جس کے بعد وہ واپس نہیں آئی۔

اسلام آباد(ایمرا نیوز آن لائن)سابق وزیر اعظم نوازشریف کانام ایگزٹ کنٹرول لسٹ سےنکالنےکی استدعامسترد کر دی گئی ہے۔ وزارتِ داخلہ نے نوازشریف کانام ای سی ایل سے نکالنے کی استدعامستردکی۔ مےڈےا رپورٹس کے مطابق گزشتہ اکتوبرمیں ای سی ایل سے نام نکالنے کی درخواستیں وزارت داخلہ کودی گئی تھیں اور نوازشریف،مریم نواز اور کیپٹن صفدر نے درخواستیں الگ الگ جمع کرائی تھیں۔ درخواستیں نوازشریف،مریم نواز،کیپٹن(ر)صفدر کی ضمانت پررہائی کے وقت جمع کرائی گئیں۔درخواست میں کہا گیا ہے کہ ایگزٹ فرام پاکستان رولز2010کے رول 2میں بیان کردہ وجوہات ہم پرلاگونہیں ہوتی اورکسی معاشی جرم،دہشتگردی یا اس کی سازش جیسے جرم میں ملوث نہیں ہیں ۔

قصور(ایمرا نیوز آن لائن)پنجاب کے شہرقصور میں پیش آنے والے ٹریفک حادثے میں 3افرادجاں بحق اور 3 ہی زخمی ہو گئے۔ریسکیوذرائع کے مطابق حادثہ قصور کے علاقے چھانگا مانگا روڈ پر پیش آیا جس میں ایک ٹریکٹر ٹرالی اور کارکے درمیان تصادم ہو گیا جس کے نتیجے میں 3افراد جاں بحق ہوگئے۔ ریسکیو ذرائع نے بتایا ہے کہ حادثے کے تینوں زخمی افراد کو طبی امداد کے لیے اسپتال منتقل کیا گیا ہے۔

ترک حکام کی جانب سے اجازت ملتے ہی میت پاکستان منتقل کر دی جائے گی،ترجما ن پاکستانی سفارتخانہ
اسلام آباد(ایمرا نیوز آن لائن)معروف اداکارہ روحی بانو کی میت کو پاکستان منتقل کرنے کے لیے انقرہ میں پاکستانی سفارت خانے نے 2 سے 4 ماہ کا وقت مانگ لیا۔اداکارہ روحی بانو کی میت ترکی سے پاکستان منتقل کرنے کے معاملے پر ترجمان پاکستانی سفارت نے کہا ہے کہ انقرہ میں پاکستانی سفارت خانہ روحی بانو کے اہل خانہ سے رابطے میں ہے۔ ترکی کے طبی ماہرین کے مطابق روحی بانو کی میت کو پاکستان منتقل کرنے کے لیے دو سے چار ماہ درکار ہیں۔ترک حکام کی جانب سے اجازت ملتے ہی میت پاکستان منتقل کر دی جائے گی، جبکہ اس کے سارے اخراجات حکومت پاکستان اٹھا رہی ہے۔روحی بانو کی بہن روبینہ نے بتایا ہے کہ انقرہ میں پاکستانی سفارت خانے نے معلومات سے آگاہ کر دیا ہے، میت پاکستان منتقل ہونے تک ترکی میں ہی قیام کریں گی۔