Tag Nigeria

آسٹریلیا(نیٹ نیوز/ایمرا نیوز) آسٹریلیا میں شدید گرمی نے نہ صرف انسانوں بلکہ جانوروں کو بھی بے حال کردیا ہے۔ آسٹریلیا کے جنوب مشرقی علاقوں میں در جہ حرارت میں اضافہ ہوگیا ہے، شہریوں کے ساتھ ساتھ جانور بھی گرمی سے ستائے ہوئے ہیں۔سڈنی کے چڑیا گھر میں گرمی کے توڑ کے لیےجانوروں کے لیےخصوصی انتظامات کئے گئے ہیں۔

ہاتھیوں ، زرافوں، دریائی بلوں و دیگر جانوروں کو پانی سے نہلایا بھی گیا۔آسٹریلوی محکمہ موسمیات کےمطابق تسمانیہ کے علاوہ دیگر جنوبی ریاستوں میں درجہ حرارت 40 جبکہ نیو ساتھ ویلز میں 41 ڈگری سینٹی گریڈ تک جانے کی توقع ہے۔

اسلام آباد(نیٹ نیوز/ایمرا نیوز) وزیر اعظم عمران خان نے کہا ہے کہ ہمارے چند قانون ساز ECL سے اتنے خوفزدہ کیوں ہیں؟انہیں بیرون ملک جانے میں اتنی دلچسپی کیوں ہے؟عمران خان نے سوشل میڈیا پر طنزیہ بیان جاری کرتے ہوئے کہا کہ ان پارلیمنٹیرینز کو بیرون ملک جانے میں اس قدر دلچسپی ہے،پاکستان میں سیاستدانوں کے کرنے کیلئے بہت کام ہے جس سے وہ محبت کے دعوے کرتے ہیں مگریہ لوگ بیرون ملک دوروں پر جانے کے لئے بے صبرے رہتے ہیں۔

Why are some of our lawmakers so scared of the ECL? Why are they so keen to go abroad? There is so much work to be done by politicians in & for Pak – the land they claim to love but some cannot wait to take frequent trips abroad & lawmakers have iqamas or residencies abroad.

— Imran Khan (@ImranKhanPTI) January 17, 2019

انہوں نے کہا کہ بہت سے ارکان بیرون ملک اقامے اور رہائش رکھتے ہیں۔انہوں نے مزید ٹوئٹ کرتے ہوئے کہا کہ کیا کوئی ہمارے لئے، کہ جن کا حقیقی عشق پاکستان ہے اور جنہیں اپنی دھرتی پر رہنا اور اپنے ملک کیلئے دن رات کام کرنا نہایت عزیز ہے، اس عجیب و غریب رسم کی وضاحت کرسکتا ہے؟واضح رہے سپریم کورٹ نے جعلی اکاونٹس کیس میں چیئرمین پاکستان پیپلز پارٹی بلاول بھٹو زرداری اور وزیراعلی سندھ مراد علی شاہ کے نام فی الحال ای سی ایل سے نکالنےکا حکم دیدیا ہے۔دوسری جانب وزیراعظم عمران خان کی زیر صدارت وفاقی کابینہ کا اجلاس آج ہوگا جس میں پیپلز پارٹی چیئرمین بلاول بھٹو زرداری اور وزیراعلیٰ سندھ مراد علی شاہ کا نام ایگزٹ کنٹرول لسٹ (ای سی ایل) سے نکالنے اور ملک کی سیاسی، معاشی اور توانائی صورتحال سمیت 17 نکاتی ایجنڈے پر غور کیا جائے گا۔

لاہور(سپورٹس ڈیسک/ایمرا نیوز) ایشین جونیئر اسکواش چیمپئن شپ میں پاکستان نے کوریا کو ہرا دیا، پاکستان نے کوریا کے خلاف تین صفر سے کامیابی حاصل کی، عباس زیب، فرحان ہاشمی اور حارث قاسم نے اپنے اپنے میچز جیتے۔تھائی لینڈ کے شہر پتایامیں جاری ایشین جونیئر اسکواش چمپئن شپ میں پاکستانی کھلاڑیوں کی عمدہ کارکردگی کا سلسلہ جاری ہے۔پاکستان کے عباس زیب نے سیوکجن کے خلاف اسٹریٹ گیمز میںگیارہ دو، گیارہ سات اور گیارہ چار سے کامیابی حاصل کی۔فرحان ہاشمی نے جے ایم یو کو گیارہ چار، گیارہ دو اور گیارہ آٹھ سے زیر کیا۔حارث قاسم نے سخت مقابلے کے بعد ایم وی لی کے خلاف گیارہ آٹھ، تین گیارہ، تین گیارہ، گیارہ آٹھ اور تیرہ گیارہ سے فتح سمیٹی ۔شام کے سیشن میں پاکستانی ٹیم کا مقابلہ بھارت سے ہو گا۔

لاہور(نیٹ نیوز/ایمرا نیوز)
ہرے پتوں والی سبزیاں

غذاؤں میں موجود پوٹاشیم گردوں سے یورین کے ذریعے سوڈیم کی زیادہ مقدار خارج کرنے میں مددگارہوتا ہے جبکہ یہ عمل بلڈ پریشر کم کرتا ہے۔ہرے پتوں والی سبزیوں میں پوٹاشیم کی بڑی مقدار موجود ہوتی ہے۔ ان سبزیوں میں پالک اور گوبھی سمیت دیگر سبز پتوں والی سبزیاں شامل میں، جن میں نائٹریٹ مرکبات موجود ہوتے ہیں۔ دن میں ایک سے دوبار ان کا استعمال بلڈ پریشر کے مریضوں کے لیے فائدہ مند ہے۔

لہسن :

لہسن ہر گھر میں موجود ہوتا ہے اور اس کا استعمال نہ صرف کھانوں میں ذائقہ لانے کے لیے بلکہ بلڈ پریشر کے مریضوں کے لیے بھی مفید ہے، اسےکئی کھانوں میں ملاکر کھایا جاسکتا ہے۔ لہسن جسم میں نائٹرک آکسائیڈ کی سطح کو بڑھاتا ہےجبکہ اس میں موجود ایک اہم مرکب ’ایلیسین‘ دل کی رگوں کو معمول پر رکھتا ہے اور بلڈ پریشر کو بڑھنے نہیں دیتا۔

چقندر:

بلڈ پریشر کے مریضوں کے لیے چقندر کا استعمال فائدہ مند ہے۔چقندر میں پائے جانے والے فائبر،وٹامنز اور معدنیات ہائی بلڈ پریشر کے علاوہ دل کی کئی بیماریوں کے خلاف مزاحمت کرتے ہیں۔

گاجر:

ماہرین کے مطابق گاجر کھانا آنکھوں کے علاوہ بلڈ پریشر کے لیے بھی مفید ہے۔ یہی نہیں، گاجر میں موجود وٹامن سی اور میگنیشیم ہائپر ٹینشن کے خطرات کو کم کرتا ہے۔

کیلا:

کیلے میں موجود پوٹاشیم کی بڑی مقدار بلڈ پریشر کنٹرول کرتی ہے۔ اس میں سوڈیم (نمکیات) کی مقدار بھی کم ہوتی ہے، جس کے باعث ہائی بلڈپریشر کے شکار افراد کے لیےکیلا ایک بہترین پھل یا غذا بناتا ہے۔

تربوز:

امریکن ہائیپر ٹینشن میں شائع شدہ تحقیقی نتائج کے مطابق تربوز دل کی صحت کیلئے بے حد مفید ہے اور سرد موسم میں بھی دل کے مسائل کے خطرے کو کم کر تا ہے۔ اس کا استعمال ہائی بلڈ پریشر میں کمی لاتا ہے، خاص طور پر امراض قلب کے شکارفربہ جسم والے افراد کیلئے تربوزبے حد مفید ہے۔

اسٹرابیری اور بلیو بیریز:

امریکا میں بلڈ پریشر کےمریضوں پر کی گئی ایک تحقیق کے مطابق اسٹرابیری اور بلیو بیری کا استعمال ہائی بلڈ پریشر کا خطرہ 8فیصد تک کم کرتا ہے۔ اسٹرابیری میں پوٹاشیم کی بھی کافی مقدار ہوتی ہے، جو بلڈ پریشر کو کنٹرول رکھنے کیلئے اہم جزو ہے۔ تحقیق کے مطابق اسٹرابیری میں شامل اینٹی آکسیڈنٹ خون کی شریانوں کو کھولنے میں مدد فراہم کر تا ہے، جو دوران خون کو معمول پر رکھ کر ہائی بلڈ پریشر کا خطرہ کم کر سکتا ہے۔

نارنگی:

سردیاں کچھ ماہ کی دوری پر ہیں اور نارنگی سردیوں کا ایک خاص پھل ہے، جس کا استعمال بلڈ پریشر کنٹرول کرنے اور قوت مدافعت بڑھانے میں مددگار ہے۔

ممبئی(شوبز ڈیسک/ایمرا نیوز) بالی ووڈ اداکار عامر خان کے ہمشکل کی ایک تصویر آج کل سوشل میڈیا پر خوب وائرل ہورہی ہے جس نے سب کو حیران کردیاہے۔بالی ووڈ فلموں میں اکثر ہمشکل کرداروں پر مبنی کہانیاں دیکھنے میں آتی ہیں لیکن حقیقی زندگی میں بھی اکثر مشہور شخصیات کے ہمشکل سامنے آچکے ہیں ۔لیکن یہ تصویر دراصل عامر خان کے چھوٹے بھائی فیصل خان کی ہے جو ان کے اگلے پراجیکٹ کی ہے۔

تصویر میں ان کے بھائی بالکل عامر خان کی کاپی لگ رہے ہیں۔بھارتی میڈیا کے مطابق اداکار فیصل خان اپنے بھائی عامر خان کے ساتھ 2000 میں فلم’’میلہ‘‘میں نظر آئے تھے لیکن یہ فلم باکس آفس پر بری طرح ناکام ہوگئی تھی جس کے بعدفیصل خان کا کیریئر بھی ختم ہوگیاتھا۔اور اب تقریباً 19 سال بعد اداکار فیصل خان ایک بار پھر شوبز میں انٹری دے رہے ہیں لیکن اداکار کے طور پر نہیں بلکہ گلوکار کے روپ میں نظر آئیں گے۔ سوشل میڈیا پر وائرل کرنے والی تصویر اداکار فیصل خان کے نئے پراجیکٹ فلم ’’فیکٹری‘‘کی ہے جس میں فیصل خان اپنی آواز کا جادو جگائیں گے۔فیصل نے اپنی نئی فلم کے بارے میں بتاتے ہوئے کہا فلم’’فیکٹری‘‘ان کا ڈریم پراجیکٹ ہے۔

اسلام آباد(نیٹ نیوز/ایمرا نیوز) سپریم کورٹ نے 5 ہزار سے زائد فیسیں وصول کرنے والے نجی اسکولوں کی فیسوں میں 20 فیصد کمی کا تحریری حکم نامہ جاری کردیا۔عدالتی فیصلے کے مطابق پانچ ہزار سے فیس پر بیس فی صد کمی کے حکم کا اطلاق ملک بھر کے تمام اسکولوں پر ہوگا جبکہ فیس میں کمی کرنے سےاساتذہ کی تنخواہ پر کوئی اثر نہیں پڑے گا۔عدالتی حکم مییں یہ بات واضح کی گئی ہے کہ پانچ ہزار سے کم فیس لینے والے اسکولوں پر اس حکم کا اطلاق نہیں ہوگا۔عدالت کا کہناہے کہ اسکول مالکان اساتذہ کی تنخواہوں میں کمی نہیں کریں گے جبکہ اسکالر شپس اور اسکول کی سہولتوں پر بھی فرق نہیں پڑے گا۔ والدین کو تضحیک آمیز خطوط لکھنے والے اسکولوں کو توہین عدالت کے نوٹس جاری کیے جائیں گے۔وہ اسکول وضاحت کریں کہ کیوں نہ ان کے خلاف توہین عدالت کی کارروائی کی جائے۔سپریم کورٹ نے فیصلے میں ہدایت کی ہے کہ طلبہ اور والدین کم فیس جمع کرائیں اور والدین اسکول کی فیس مقررہ وقت تک ادا کریں۔تحریری فیصلے میں سپریم کورٹ نے حکم دیا ہے کہ ایف آئی اے اسکولوں کے قبضے میں لئے گئے ریکارڈ کاپی کرکے واپس کرے۔سپریم کورٹ کے فیصلے میں مزید کہا گیا ہے کہ لاء اینڈ جسٹس کمیشن نے تعلیمی اصلاحات پر رپورٹ اپنی ویب سائیٹ پر نمایاں کی ہے جس پر متعلقہ افراد کی تجاویز آرہی ہیں۔

اسلام آباد(نیٹ نیوز/ایمرا نیوز) مسلم لیگ ن کے رہنما امیر مقام نے کہا ہے کہ اللہ نے ہمارے قائد نوازشریف کو سرخرو کردیا ہے،سپریم کورٹ نے اسلام آباد ہائیکورٹ کے فیصلے کو برقرار رکھا، بہت جلد نواز شریف اور شہبازشریف قید سے باہر عوام میں ہوں گے۔کوٹ لکھپت جیل میں آج سابق وزیر اعظم میاں نواز شریف سے ملاقات کا دن ہے جس کے لئےمسلم لیگ ن کے مختلف رہ نماؤں کی کوٹ لکھپت جیل آمد کا سلسلہ جاری ہے۔مسلم لیگ ن کے رہنما امیر مقام نے کوٹ لکھپت جیل کے باہر میڈیا سے گفتگو کرتے ہوئے حکومت پر تنقید کرتے ہوئے کہا کہمیں دیکھ رہا ہوں 2020 میں دوبارہ مینڈیٹ کے لیے پیش ہونگے اور یہ خود بھاگ جائیں گے۔ انہوں نے لوگوں کو انڈوں والا کام بتایا اور مشینوں والا اصل کام صرف علیمہ باجی کو بتایا۔انہوں نے کہا کہ اس وقت ایشو پاکستان کا ہے، ہمیں ڈر ہے یہ گاڑی کھڈے میں نہ گرادیں،ہم حکومت کو گرانا نہیں چاہتے مگر یہ خود گریں گے۔امیر مقام نے کہاکہ ہائیکورٹ اور سپریم کورٹ کے فیصلوں سے ہماری بے گناہی ثابت ہورہی ہے۔

لاہور(نیٹ نیوز/ایمرا نیوز) لاہور میں 18سالہ لڑکے نے شادی شدہ خاتون کو شادی کی پیشکش کر دی، خاتون کے انکار پر اس کے 3سالہ بچے کو اغوا کر کے لے گیا لیکن چند منٹوں میں ہی پکڑا گیا، بچہ بازیاب کر کے پولیس نے مقدمہ درج کر لیا ہے۔لاہور کے علاقے جوہر ٹاؤن کی کچی آبادی بیڑھ میں 18 سالہ علی رضا کی 35 سالہ خانہ بدوش خاتون سے دوستی ہوگئی۔علی رضا خاتون کو شادی پر مجبور کرنے لگا،تاہم اس کی جانب سے انکار کیے جانے پر وہ خاتون کے 3سالہ بیٹے کو اٹھا کر بھاگ گیا۔خاتون نے ون فائیو پر کال کی، جس پر ڈولفن اسکواڈ حرکت میں آگیا جس نے خاتون کی رہائش گاہ سے اگلی ہی گلی میں ملزم علی رضا کو دھر لیا اور بچہ بازیاب کروا کر اس کی ماں کے حوالے کر دیا۔ترجمان ڈولفن اسکواڈ کے مطابق ملزم نے ابتدائی تفتیش میں اعتراف کیا ہے کہ شادی سے انکار پر خاتون کو ڈرانے کے لیے اس کے بچے کو اٹھایا تھا۔ڈولفن اسکواڈ نے گرفتار ملزم علی رضا کو مزید کارروائی کے لیے متعلقہ تھانے کے حوالے کر دیا ہے۔

لاہور(سپورٹس ڈیسک/ایمرا نیوز) دنیائے باکسنگ پر حکومت کرنیوالے لیجنڈ ری ہیوی ویٹ باکسر محمد علی کے مداح 17جنوری کو انکی 77ویں سالگرہ منا رہے ہیں جنہوں نے رنگ سے باہر نسل پرستوں کو بھی شکست دی ۔حریف باکسرز کو دھول چٹانےوالے محمد علی نے17جنوری1942ء کو امریکا کے شہر لوئسویل کے ایک مسیحی گھرانے میں آنکھ کھولی اور ان کا نام کلے رکھا گیا جنہوں نے ستر کی دہائی میں اسلام قبول کیا۔

انہوں نے 29 اکتوبر 1960ء کو آبائی قصبے لوئسویل میں پہلا مقابلہ جیتا۔ باکسنگ میں ان کا کیریئر ایک شوقیہ کھلاڑی کی حیثیت سے کامیاب رہا لیکن ان کو عظمت اس وقت حاصل ہوئی جب ساٹھ کی دہائی میں انہوں نے روم اولمپِک میں سونے کا تمغہ جیتا۔تمغہ جیتنے کے بعد محمد علی کو نسل پرستی کا سامنا رہا لیکن ان واقعات کے باوجود ان کی کامیابیوں کا سلسلہ چلتا رہا اور40 سال کی عمر میں انہوں نے ریٹائرمنٹ کا اعلان کیا۔

ریٹائر منٹ کے بعد بہت سے فلاحی کاموں میں حصہ لیا اور ایک مشہور شخصیت، ایک باغی، حقوق انسانی کے علمبردار اور شاعر، جس نظر سے بھی دیکھا جائے محمد علی نے ہمیشہ کھیل، نسل پرستی اور قومیت کو شکست دی اور ایک وقت ایسا بھی آیا جب محمد علی کرہ ارض پر بلا شبہ سب سے زیادہ شہرت یافتہ شخص بن گئے۔باکسنگ میں محمد علی کی زندگی 20 سال پر محیط رہی جس کے دوران انہوں نے 56 مقابلے جیتے اور 37 ناک آوٹ اسکور کیا ۔دنیائے باکسنگ پر کئی برس تک راج کرنے والے محمد علی 3جون 2016کو انتقال کرگئے۔

لاہور(ایمرا نیوز)
Crystal Piano
کیا آپ کو یاد ہے کہ بیجنگ میں اولمپک گیمز میں استعمال کرسٹل پیانو؟ یہ وہی پیانو ہے. منفرد اور خوبصورت Crystal Piano نے سب کی توجہ حاصل کی ہوئی تھی، یہ دیکھنے میں بہت ہی خوبصورت ہے.

آپ اس کو ایک موسیقی والے آلہ کے طور پر بھی استعمال کرسکتے ہیں . اس Crystal Piano کو حال ہی میں نیلامی میں فروخت کیا گیا ہے. ایک نجی بلڈر نے نیلامی جیت لی اور $ 3.2 ملین ڈالر میں USD میں اس تاریخی Piano کو خریدا.

ہم سوچ رہے ہیں کہ کیا اس کو استعمال کیا جارہا ہوگا یا یہ ایک شوکیس میں محفوظ طریقے سے ذخیرہ کیا گیا ہوگا؟ ہم سوچ رہے ہیں کہ اس کے انشورنس کا کتنا خرچ ہوگا؟