Tag on

ممبئی(ایمرا نیوزآن لائن) لاکھوں دلوں میں دھڑکنے والی بھارتی فلم انڈسٹری کی منجھی ہوئی اداکارہ دیپکا پیڈوکون نے ماؤں کے عالمی دن پر انکشاف کرتے ہوئے بتایا ہے کہ اُنہوں نے اداکاری میں مہارت کہاں سے حاصل کی ہے ۔انڈیا ٹوڈے کے مطابق اداکارہ دپیکا پڈوکون نے سماجی رابطے کی ویب سائٹ انسٹاگرام پر ماؤں کے عالمی دن پر ایک ویڈیو شیئر کی ہے جس میں اُنہوں نے اپنی والدہ کو خراجِ تحسین پیش کیا ہے اور انکشاف کیا ہے کہ اُنہوں نے اداکاری میں مہارت کہاں سے حاصل کی ہے۔

View this post on Instagram

Now we know where I get my acting chops from… To my friend,guide,anchor,disciplinarian & role model…Happy Mother’s Day!❤️#UjjalaPadukone @anjubhavnani (apologies @nikhilsosale for exposing you like this!???)

A post shared by Deepika Padukone (@deepikapadukone) on May 12, 2019 at 10:19am PDT

بھارتی فلم انڈسٹری کو رام لیلا، باجی راؤ مستانی اور پدماوت جیسی بلاک بسٹر فلمیں دینے والی اداکارہ دیپکا پیڈکوون نے اپنے انسٹاگرام اکاؤنٹ پر ایک ویڈیو شیئر کی ہے جس میں اُن کی والدہ اُجالا پڈوکون ایک فیملی ڈنر کے دوران کچھ ڈانس ٹپس دیتی نظر آ رہی ہیں، اسی دوران وہاں موجود دپیکا پڈوکون سمیت سبھی لوگ خوب محظوظ ہو رہے ہیں۔ویڈیو شیئر کرتے ہوئے دپیکا پڈوکون نے ساتھ میں لکھا کہ ’ اب ہمیں پتا چلا کہ میں نے اداکاری میں مہارت کہاں سے حاصل کی۔ میری دوست، میری رہنما، اینکر اور نظم و ضبط کی پابند اور میری رول ماڈل، ماؤں کا عالمی دن مبارک۔‘

لاہور:(ایمرا نیوزآن لائن) چیف سلیکٹر انضمام الحق کا کہنا ہے کہ ٹیم کا فائٹ بیک کرنا خوش آئند ہے، اسپنر شاداب خان کی رپورٹس مثبت آئی ہیں، امید ہے ورلڈ کپ سے قبل فٹ ہوجائیں گے، محمد حفیظ بھی فٹ ہیں اور جلد ایکشن میں دکھائی دیں گے۔لاہور پریس کلب میں پولیو کے خلاف جنگ کے حوالے سے سیمینار میں شرکت کے بعد میڈیا سے بات کرتے ہوئے انضمام الحق نے کہا کہ ہم میچ تو نہیں جیت سکے لیکن 373 رنز بننے کے باوجود گرین شرٹس نے جس عمدگی کے ساتھ کم بیک کیا ہے، یہ بڑی خوش آئند بات ہے، پلیئرزنے زبردست فائٹ کی ہے، عممومی طورپراتنے بڑے ہدف پر ٹیم کا مورال گرجاتا ہے لیکن پاکستانی ٹیم نے شاندار مقابلہ کیا ،یہ اچھی علامت ہے، چیف سلیکٹر نے امید ظاہر کی کہ جس طرح پاکستانی ٹیم نے دوسرے میچ میں عمدہ کھیل پیش کیا، اس کے بعد گرین شرٹس کو سیریز کا تیسرے میچ جیتنا چاہیے، دوسروں کی طرح میری بھی خواہش ہے کہ پاکستان جیت کر ورلڈ کپ کا حصہ بنے۔

چیف سلیکٹر نے کہا کہ ابھی سیریز کے تین اور میچز ہیں، ان میں دیکھیں گے کہ آگے کیا کرنا ہے، ویسے تو ورلڈ کپ کے لیے ٹیم کا اعلان کر رکھا ہے، اگر کوئی کھلاڑی اچھی کارکردگی دکھاتا ہے تو ورلڈ کپ کے حتمی اسکواڈ میںاس کے نام پر ضرور غور کریں گے لیکن کسی بھی کھلاڑی کے بارے میںا بھی کوئی رائے دینا قبل ازوقت ہوگا۔انضمام الحق نے کہا کہ اسپنر شاداب خان کی اب تک کی رپورٹس بہت مثبت ہیں، آئندہ دو چار روز میں ان کے مزید ٹیسٹ ہو نگے، امید ہے ورلڈ کپ سے قبل شاداب خان مکمل فٹ ہو جائیں گے،ایک اور سوال پر انضمام الحق نے کہا کہ محمد حفیظ نے پاکستان میں ہی بیٹنگ اور بولنگ شروع کردی تھی، میری رپورٹس کے مطابق محمدحفیظ فٹ ہیں، وہ جلد ایکشن میں دکھائی دے گا۔

لاہور(ایمرا نیوزآن لائن) وزیراعظم عمران خان نے آئی ایم ایف اور وزارت خزانہ کے درمیان ہونے والے اسٹاف لیول معاہدے کے مسودے کو مسترد کردیا ہے۔ذرائع کے مطابق وزیراعظم نے ہدایت کی ہے کہ ٹیکس استثنیٰ سے متعلق آئی ایم ایف سے مزید رعایت لی جائے جبکہ ٹیکس وصولی ہدف کم کرنے کے لیے بھی آئی ایم ایف کو راضی کرنے کی ہدایت کی گئی۔وزیراعظم افراط زر کے معاملے پر آئی ایم ایف کی شرائط میں نرمی چاہتے ہیں۔ذرائع وزارت خزانہ کے مطابق وزارت خزانہ اور آئی ایم ایف اسٹاف لیول معاہدے مکمل کرچکے تھے۔وزارت خزانہ کے ذرائع کا مزید کہنا ہے کہ مذاکرات میں پیش رفت ہوئی ہے تاہم بات چیف آئندہ دو روز تک جاری رہے گی۔

جامشورو(ایمرا نیوزآن لائن) سندھ یونیورسٹی جامشورو میں شعبہ پلانٹ سائنس کی طالبات کی جانب سے اپنے استاد پر جنسی ہراساں کیے جانے کا الزام لگائے جانے کے بعد وائس چانسلر ڈاکٹر فتح محمد برفت نے تین رکنی کمیٹی تشکیل دے دی۔یونیورسٹی انتظامیہ کے مطابق جام شورو یونیورسٹی کے پروفیسر عبدالجبار پیرزادہ پر طالبات کو جنسی ہراساں کرنے کا الزام عائد کیا گیا تھا، جس پر شعبہ پلانٹ سائنس کی ڈائریکٹر رابعہ میمن نے 6 مئی کو تحریری درخواست وائس چانسلر کو ارسال کی تھی۔

درخواست پر ایکشن لیتے ہوئے یونیورسٹی کے وی سی نے تین رکنی کمیٹی کے لئے نوٹیفکیشن جاری کر دیا، کمیٹی معاملہ کی تحقیقات کرے گی، نوٹیفیکیشن کے مطابق تحقیقاتی کمیٹی 3 روز میں رپورٹ مرتب کرے گی۔ذرائع کے مطابق تین رکنی کمیٹی کے کنونیئر فیکلٹی آف لاء کے ڈین ایڈووکیٹ جھمٹ جیٹھانند مقرر کیے گئے ہیں ، کمیٹی کے ممبران میں سنڈیکیٹ رکن جسٹس ریٹائرڈ سائین ڈنو میتلو اور سابق وائس چانسلر مہران یونیورسٹی عبدالاحد ابڑو شامل ہیں۔

کراچی(ایمرا نیوزآن لائن) سابق کرکٹر معین خان کا کہنا ہے کہ سرفراز احمد بہترین کھلاڑیوں میں سے ایک ہے، سرفراز ٹیم کی ضرورت کے مطابق بیٹنگ کے لیے آئیں۔معین خان نے کہا کہ ورلڈ کپ میں پاکستان ٹیم کو بلاخوف کرکٹ کھیلنا ہوگی، پاکستان کے پاس اچھے پلیئرز ہیں، اچھے نتائج دے سکتے ہیں، اگر اعتماد کے ساتھ میدان میں اترے تو یقینی طور پر جیت ہوگی، کھلاڑی یہ سوچ کر میدان میں اتریں کہ وہ جیت سکتے ہیں۔

سابق کرکٹر کا کہنا تھا کہ رمضان ٹورنامنٹس پی ایس ایل فرنچائز کو ایمرجنگ ٹیلنٹ بھی مہیا کرسکتا ہے، رمضان ٹورنامنٹس پاکستان میں صنعت کا درجہ اختیار کرچکے ہیں۔انہوں نے کا کہا کہ دوسری انڈسٹری کے لوگ بھی رمضان ٹورنامنٹس سے مستفید ہوتے ہیں۔

لاہور(ایمرا نیوزآن لائن) اپنے کسی پیارے کو کھو دینے کا غم بھلایا نہیں جاسکتا اور یہ کہنا کہ وقت ہر زخم بھردے گا بھی ہر بار صحیح نہیں ہوتا۔اپنے اس ہی دکھ کو پاکستانی اداکارہ صنم سعید نے انسٹاگرام پر ایک پوسٹ کے ذریعے شیئر کیا۔صنم سعید نے اپنی والدہ کے انتقال کے دو سال بعد ان کے لیے اپنے انسٹاگرام پر ٹریبیوٹ پیش کیا۔اس پوسٹ میں صنم سعید نے مداحوں کو بتایا کہ وہ خود کو خوش قسمت سمجھتی ہیں کہ وہ اپنی والدہ کے آخری لمحات میں ان کے ساتھ وقت گزار سکیں۔

اداکارہ نے اپنی والدہ کی تصاویر شیئر کرنے کے ساتھ لکھا کہ ’میں نے کبھی سوچا نہیں تھا کہ میں اپنی والدہ کے لیے اس طرح پوسٹ شیئر کروں گی، لیکن میرے لیے مشکل ہے کہ میں ان کو یاد نہ کروں یا ان کی بات نہ کروں، ان کی ہنسی، ان کی طاقت، ان کا صاف دل، انہوں نے ہمیشہ میرا حوصلہ بڑھایا اور مجھے لوگوں کی عزت کرنا سکھایا، مجھے شکرگزار بنایا‘۔صنم سعید کے مطابق ان کی والدہ نے انہیں سکھایا کہ اپنے اندر کے بچے سے ہمیشہ تعلق رکھنا چاہیے، جبکہ انہوں نے اداکارہ کو ایماندار رہنا سکھایا۔اداکارہ کا کہنا تھا کہ ’جب لوگ مجھ سے ملاقات کرتے اور میری والدہ کی بات کرتے ہیں اور ان کی تعریف کرتے ہیں تو مجھے بےحد خوشی ہوتی ہے، آپ سب کا شکریہ انہیں یاد رکھنے کے لیے، آج ان کے انتقال کو دو سال مکمل ہوگئے‘۔

ممبئی(ایمرا نیوزآن لائن) بھارتی فلم عشق زادے سے اپنے کیریئر کاآغاز کرنے والے خوبرواداکار ارجن کپور نےارباز خان کی سابقہ بیوی ملائیکہ اروڑاخان سے شادی سے انکار کرتے ہوئے کہاکہ وہ شادی نہیں کر رہے ہیں۔بھارتی میڈیا رپورٹس کے مطابق ارجن کپورنےایک انٹرویو میں ملائیکہ اروڑاسے شادی کی افواہوں سے متعلق سوال کے جواب میں ہنستے ہوئے کہا کہ ’عام طور پر مرد شادی کے بعد ’’گنجے ‘‘ہو جاتے ہیں ، پھر میں اداکار ہونے کے ناطے شادی کیوں کرنا چاہوں گا ؟‘

اُنہوں نے مزید کہا کہ اگر میں گنجا ہو گیا تو میری تصاویر ہر جگہ پھیل جائیں گی اور میں ایسا نہیں چاہتا۔عشق زادےاداکارنے کہا کہ میں بہت سنجیدہ ہوں، ابھی شادی نہیں کر رہا، انہوں نے مزید کہا کہ میں نے کسی سے کچھ نہیں چھپایااور مجھے لگتا ہے کہ میری ذاتی زندگی اور پرائیویسی کی عزت کی جانی چاہیے۔اُن سے ایک اور سوال پوچھا گیا کہ آپ کسی سےمحبت کرتے ہیں، آپ خوش ہیں؟جس کے جواب میں ارجن نے کہا کہ میری ذاتی اور پیشہ ورانہ زندگی بہت اچھی گزر رہی ہے ،مجھے رات میں نیندبھی اچھی آتی ہے اور میں چاہوں گا کہ سب ایسا ہی رہے ۔انٹرویو کے اختتام میں انہوں نے مزید کہا کہ میں بہت خوش ہوں اور میرے لیے میری خوشی بہت اہمیت رکھتی ہے۔

نئی دہلی:(ایمرا نیوزآن لائن) ناموربالی ووڈ شاعر اوراسکرپٹ رائٹر جاوید اختر برقع کے ساتھ گھونگھٹ پرپابندی لگانے کے بیان کے بعد ہندوانتہا پسندوں کی جانب سے دی جانے والی دھمکیوں پر طیش میں آگئے۔جاوید اخترکا برقع کے ساتھ گھونگھٹ پرپابندی کا تنازع ختم ہونے کا نام ہی نہیں لے رہا، ہندو انتہا پسندوں نے جاوید اختر کے گھونگھٹ پر پابندی کے مطالبے پر ایک ویڈیو پیغام جاری کیا تھا جس میں انہیں دھمکاتے ہوئے کہا گیا تھا کہ جاوید صاحب اپنے بیان پر معافی مانگ لو ورنہ ہم تمہاری آنکھیں نکال دیں اور زبان کھینچ لیں گے اورتمہارے گھر میں گھس کر تمہیں ماریں گے۔ انتہا پسندوں کی اس دھمکی کے بعد جاوید اختر کو سخت سیکیورٹی فراہم کی گئی ہے۔

حال ہی میں ایک انٹرویو کے دوران جاوید اختر برقع اور گھونگھٹ تنازع پر ہندو انتہاپسندوں کی جانب سے ملنے والی دھمکیوں پر پھٹ پڑے اورانتہاپسندوں کو شدید تنقید کا نشانہ بناتے ہوئے کہا کہ اگر آپ کو میری کوئی بات بری لگی ہے یا مجھ سے کوئی شکایت ہے توعدالت جاؤ اورمجھ پر مقدمہ کرو لیکن یہ کوئی طریقہ نہیں ہے کہ مجھے اس طرح کی دھمکیاں دی جارہی ہیں اور معافی مانگنے پر مجبور کیا جارہا ہے۔جاوید اختر نے مزید کہا یہ وہ بھارت نہیں ہے جہاں میں بڑا ہوا، جہاں ہم ایک دوسرے کے ساتھ تعاون کرنے کے لیے پہچانے جاتے ہیں۔

مجھے اپنے آئین پر فخر ہے جو مجھے اظہار رائے کی آزادی دیتا ہے لیکن اب مجھے تھوڑا افسوس ہوتا ہے۔واضح رہے کہ چند روز قبل ہندو انتہا پسندوں اورحکمران جماعت بی جے پی نے بھارتی خواتین کے برقع پہننے اورنقاب پر پابندی لگانے کا مطالبہ کیا تھا جس پر جاوید اختر نے بیان دیتے ہوئے کہا تھا اگر برقع پر پابندی لگی تو راجستھان کی ہندو خواتین کے گھونگھٹ پر بھی پابندی لگنی چاہئے۔

لاہور(ایمرا نیوزآن لائن) پاکستان کے مڈل آرڈربیٹسمین حارث سہیل انگلینڈ کےخلاف جاری ون ڈےسیریز میں عمدہ کارکردگی دکھانےکےلئے پُرعزم ہیں۔حارث سہیل کا کہنا ہے کہ کوشش کروں گا کہ آسٹریلیاکےخلاف سیریز کی طرح یہاں بھی پرفارم کروں۔ انگلینڈ نمبر ون سائیڈ ہے،اس کی بولنگ بھی اچھی ہے۔ ورلڈ کپ سے قبل انگلینڈ میں انگلینڈ کےخلاف کھیل کر بہت فائدہ ہوگا۔پہلے میچ سے متعلق حارث سہیل نے کہا کہ کنڈیشنز بولرز کو سپورٹ کررہی تھیں لیکن بعدمیں امام اور وہ سیٹ ہوگئے تھے پر بارش کی وجہ سے پورا موقع نہ مل سکا،بقیہ میچز میں بہتر کھیل کا مظاہرہ کریں گے۔

گزشتہ روز پاکستان اور انگلینڈ کے درمیان کھیلاجانے والا پہلا ون ڈے میچ بارش کے باعث منسوخ کردیا گیا تھا جس میں پاکستان نے19اوورز میں 2وکٹ پر 80رنز بنا لئے تھے۔میچ منسوخی سے قبل امام الحق 42 اور حارث سہیل 14 رنز پر کریز پر موجود تھے۔جب کہ فخر زمان 3 اور بابر اعظم نے16رنز بنائےتھے۔دونوں ٹیموں کے درمیان دوسرا ون ڈے انٹرنیشنل میچ 11مئی کو ساؤتھمپٹن میں کھیلا جائے گا۔

اسلام آباد: (ایمرا نیوزآن لائن) پاکستان ایران کے ساتھ گیس پائپ لائن مکمل کرنے کا خواہشمند، حکومت نے امریکا، یورپی کونسل اور دیگر فورمز کو قانونی یادداشت بھیجنے کا فیصلہ کرلیا۔وزیراعظم نے وزارت خارجہ کو ایران کے ساتھ تناؤ ختم کرنے کیلئے اقدامات کی ہدایت کر دی۔ عمران خان نے کہا کہ ایران کے ساتھ گیس منصوبے کیلئے مفاہمتی طریقہ اختیار کیا جائے، گیس کی قیمت خرید نظرثانی کا عمل بھی شروع کیا جائے، منصوبے پر عملدرآمد کیلئے ایران کیساتھ مل کر امکانات تلاش کئے جائیں۔عمران خان کا کہنا تھا ایران پر عالمی پابندیاں منصوبے پر ذمہ داریاں پوری کرنے میں رکاوٹ ہیں۔