Tag pakistan

مائیک پومپیو کی بھارتی سیکریٹری خارجہ سے ملاقات ‘دہشت گردوں کےخلاف کارروائی کی ضرورت پر زور
معاملے کا ذمہ دارانہ حل‘ صرف بات چیت کے ذریعے ہی ممکن ہے‘عالمی برادری مسئلہ کشمیر کی جانب بھی توجہ دے :ترجمان چینی محکمہ خارجہ
واشنگٹن(ایمرا نیوز آن لائن)اقوامِ متحدہ کی سلامتی کونسل (یو این ایس سی) میں جیشِ محمد کے سربراہ مسعود اظہر کو ”عالمی دہشت گرد“قرار دینے کی کوششوں پر امریکا نے پاکستان پر زور دیا ہے کہ دہشت گردوں کےخلاف فوری کارروائی کی جائے۔خبر رساں ادارے کی رپورٹ کے مطابق امریکی سیکریٹری اسٹیٹ مائیک پومپیو نے بھارتی سیکریٹری خارجہ وجے گوکھیل کےساتھ ملاقات کرتے ہوئے دہشت گردوں کےخلاف فوری کارروائی کی ضرورت پر زور دیا ہے ۔امریکی اسٹیٹ ڈپارٹمنٹ کے مطابق یو این ایس سی میں یہ قرار داد پیش کیے جانے کا امکان ہے۔دوسری جانب سلامتی کونسل کے مستقل رکن اور ماضی میں ان کوششوں کو روک دینے والے چین کا کہنا ہے کہ معاملے کا ذمہ دارانہ حل‘ صرف بات چیت کے ذریعے ہی ممکن ہے۔اس حوالے سے چینی وز ارت خارجہ کے ترجمان ’لو کانگ‘ نے سوال کے جواب میں عالمی برادری کو اس قسم کے مسائل اجاگر کرنے کےساتھ مسئلہ کشمیر کی جانب بھی کے ترجمان ’لو کانگ‘ نے سوال کے جواب میں عالمی برادری کو اس قسم کے مسائل اجاگر کرنے کےساتھ مسئلہ کشمیر کی جانب بھی توجہ دینے کا کہا۔ان کا کہنا تھا کہ ‘1267 پابندی کمیٹی کی جانب سے کسی دہشت گرد کی حیثیت پر چین کا موقف اصولی اور واضح ہے۔ان کا مزید کہنا تھا کہ چین نے ذمہ دارانہ رویہ اختیار کرتے ہوئے کمیٹی کے طریقہ کار اور قواعد و ضوابط پر عمل کیا جبکہ ذمہ دارانہ طریقے سے ہی بحث میں حصہ لیا۔چینی عہدیدار نے کہا کہ ’صرف بات چیت کے ذریعے ہی ہم مسائل کا ذمہ دارانہ حل نکال سکتے ہیں۔(صداقت جٹ)

لاہور(ایمرا نیوز)

لاہور(ایمرا نیوز)

کراچی(ایمرا نیوزآن لائن) کراچی کے علاقے سرجانی ٹاؤن میں حب ندی کے قریب سے ملنے والی جوڑے کی لاشوں کے قتل کا معمہ حل ہو گیا۔مقتول جوڑے نے گھر سے بھاگ کر پسند کی شادی کی تھی، لڑکی کا باپ قاتل نکلا جسے پولیس نے گرفتار کر لیا ہے۔کراچی کے علاقے سرجانی ٹاؤن سے 20 فروری کو نصیب زر خان اور عائشہ بی بی کی لاشیں ملیں تھیں جنہیں گلا کاٹ کر قتل کیا گیا تھا۔دونوں نے تقریباً 8 ماہ پہلے گھر سے بھاگ کر شادی کی تھی، پولیس نے تحقیقات کے بعد لڑکی کے باپ واجد کو قتل کے الزام میں گرفتار کر لیا ہے۔ملزم واجد کے قبضے سے آلۂ قتل، خون آلود کپڑے اور پستول برآمد کر لیا گیا ہے۔پولیس کے مطابق ملزم نے اعتراف کیا ہے کہ اس نے دونوں کو غیرت کے نام پر اپنے 4 ساتھیوں کی مدد سے قتل کیا تھا، جبکہ ملزم کے چاروں ساتھی مفرور ہیں۔ذرائع کا کہنا ہے کہ لڑکی اور لڑکے کے فرار کے بعد مبینہ طور پر لڑکی کے گھر والوں نے جرگہ بلایا تھا جس میں دونوں کو قتل کرنے کا فیصلہ کیا گیا تھا، تاہم پولیس کا مؤقف ہے کہ کسی جرگے کا ثبوت نہیں ملا۔لاشیں ملنے کے واقعے کے بعد لڑکی کے گھر والے فرار ہو گئے تھے جبکہ لڑکے کی لاش اس کے گھر والوں نے وصول کی تھی۔دہرے قتل کا مقدمہ نامعلوم افراد کے خلاف قتل اور کاروکاری کی دفعات کے تحت درج کیا گیا تھا۔

لاہور(ایمرا نیوزآن لائن رپورٹ عمر خالد سے) لاہور کے علاقے کوٹ رادھا کشن میں مانگا منڈی رائیونڈ روڈ کے قریب بستی لال شاہ میں بھٹہ مزدور نے اپنی بیوی اور 3 بچوں کو قتل کر دیا۔پولیس ذرائع کے مطابق کوٹ رادھا کشن کے علاقے دھاری وال میں گھریلوناچاقی پر خاوند نے بیوی اور 3بچوں کو ہلاک کردیا، ملزم جابر نے کدال سے وار کر کے ان چاروں کو ہلاک کیا۔پولیس ذرائع کا مزید کہنا ہے کہ ملزم جابر اینٹوں کے بھٹے پر کام کرتا تھا،ہلاک ہونے والوں میں نازیہ بی بی، 12سالہ نوید، 3 سالہ عطیہ اور 2ماہ کا نوید شامل ہے۔پولیس نے بتایا ہے کہ ملزم جابر کے وار سے زخمی ہونے والے 10 سالہ بچے شبیر کی حالت نازک ہے، واقعے کی اطلاع ملنے کے بعد پولیس کی بھاری نفری موقع پر پہنچ گئی ۔پولیس نے یہ بھی بتایا ہے کہ ملزم کو بیوی کے کردار پر شک تھا،ملزم جابر کو گرفتار کرلیا گیا ہے.

زرعی زمین بچانے کے لئے شہروں کا پھیلاؤ روکیں گے، وزیر اعظم
اسلام آباد(ایمرا نیوزآن لائن) وزیراعظم عمران خان نے کہا ہے کہ ہمارا مائنڈسیٹ پرانی حکومت سے مختلف ہے ، ملک سے غربت کم کرنے کے لیے اقدامات کر رہے ہیں، زرعی زمین بچانے کیلئے شہروں کے پھیلاؤ کو روکیں گے ،کچی آبادیوں میں فلیٹ بنائے جائیں گے اورمکینوں کو مالکانہ حقوق دینگے ، ہم 5 سال میں 50 لاکھ گھر بنانا چاہتے ہیں، پاکستان میں بے شمار افراد کے پاس اپنا گھر نہیں ہے ، چھوٹے طبقے کے لیے قرضہ لینا بڑا مشکل ہوتا ہے ،عوام کو گھر فراہم کرنا ہماری ترجیح ہے ، ہاؤسنگ سکیم کا مقصد گھروں سے محروم افراد کو گھر فراہم کرنا ہے ۔اسلام آباد میں تقریب سے خطاب کرتے ہوئے وزیراعظم نے مزیدکہا اس سکیم سے روزگار کے مواقع بھی پیدا ہوں گے ، ہمارا مقصد غربت کا خاتمہ ہے جس کیلئے چین سب سے بڑی مثال ہے ، 50 لاکھ گھروں کی تعمیر حکومت کا فلیگ شپ منصوبہ ہے جس سے نہ صرف غریبوں کو اپنا گھر ملے گا بلکہ 40 دیگر معاشی شعبوں میں بھی بہتری آئے گی،گورنر سٹیٹ بینک کی جانب سے قرضے دینے کا اعلان کیا گیا جو قابل ستائش ہے ، گورنر سٹیٹ بینک کی جانب سے فاٹا کیلئے خصوصی پیکیج بھی اچھا اقدام ہے ۔وزیراعظم نے کہا قبائلی علاقے کے لوگوں کو بھی گھروں کی ضرورت ہے ، دہشت گردی کیخلاف جنگ کے بعد فاٹاکے حالات بہت برے ہیں، قبائلی لوگوں کواس پیکج میں شامل کرنا بہت اچھی بات ہے ۔وزیر اعظم نے کہا کہ اسلام آباد کو ماڈل سٹی بنائیں گے ، اسلام آباد کی کچی آبادی کے لوگوں کو مالکانہ حقوق دیں گے ۔ تقریب سے خطاب کرتے ہوئے وزیر خزانہ اسد عمر نے کہا عوام کو روزگار کے مواقع فراہم کرنا ریاست کی ذمہ داری ہے اور مکانات کی تعمیر سے چھت کی فراہمی سمیت روزگار کے بے پناہ مواقع میسرآئیں گے ۔اس سے قبل گورنر سٹیٹ بینک نے خطاب کرتے ہوئے نچلے طبقے کیلئے آسان شرائط پر قرضوں کا اعلان کیا اور کم لاگت گھروں کیلئے فنانس پالیسی کا اجرا بھی کیا۔علاوہ ازیں وزیراعظم عمران خان نے پٹرولیم کے شعبے سے متعلق معاملات کے بارے میں اجلاس کی صدارت کرتے ہوئے کہا کہ ماضی میں ملک میں موجود تیل و گیس کے ذخائر کی دریافت پر توجہ دینے کی بجائے مہنگی درآمد کو ترجیح دی گئی جس سے نہ صرف صنعتی صارفین متاثر ہوئے بلکہ عام عوام پر مہنگائی کے بوجھ میں اضافہ ہوا۔وزیر اعظم نے ہدایت کی کہ تیل و گیس کی دریافت کے لئے نئے قوانین جلد از جلد مشترکہ مفادات کی کونسل کے سامنے پیش کئے جائیں تاکہ ان کو حتمی شکل دی جا سکے ۔ وزیراعظم نے وزارت سے منظوریوں کے عمل کو کم سے کم جبکہ غیر ضروری طوالت اور سرخ فیتے کے خاتمے کے لئے تمام عمل کو ڈیجیٹل کرنے کے ساتھ ساتھ ہر ضروری منظوری کے لئے ایک مخصوص میعاد میں تکمیل کو یقینی بنانے کی بھی ہدایت کی۔ اجلاس میں ملک میں تیل اور گیس کے ذخائر کی دریافت کے لئے موجودہ قوانین اور انتظامی اصلاحات پر غور کیا گیا۔ وزیراعظم عمران خان نے تیل و گیس کی دریافت سے وابستہ مقامی کمپنیوں کو تلاش کے سلسلے میں کوششیں تیز کرنے کی ہدایت کی۔ انہوں نے پٹرولیم ڈویژن کو تیل و گیس کے ذخائر دریافت کرنے والی غیر ملکی کمپنیوں کو ہر ممکنہ سہولت فراہم کرنے کی بھی ہدایت کی۔اجلاس میں ملک میں سکیورٹی کی موجودہ بہتر صورتحال کے ساتھ ساتھ تیل و گیس کمپنیوں کو مزیدسکیورٹی فراہم کرنے کے لئے خصوصی فورس تشکیل دینے کا فیصلہ کیا گیا۔ پاکستان میں موجود تیل اور گیس کے ذخائر کی دریافت کے لئے معروف غیر ملکی کمپنیوں کو ترغیب دینے کے لئے بیرون ممالک روڈ شوز کرانے کا بھی فیصلہ کیا گیا۔مزیدبرآں وزیراعظم سے چیف آف آرمی سٹاف جنرل قمر جاوید باجوہ نے ملاقات کی جس میں سکیورٹی کی صورتحال پر تبادلہ خیال ہوا۔صباح نیوز کے مطابق ملاقات میں ملک بھر میں کالعدم تنظیموں کیخلاف جاری کارروائی پر بھی گفتگوکی گئی، اس سلسلے میں پارلیمانی قیادت اورمذہبی جماعتوں کی قیادت کو اعتماد میں لینے کے امور بھی زیر غور آئے ۔ آرمی چیف نے وزیراعظم کو پاک فوج کی پیشہ وارانہ تیاریوں پر بریفنگ دیتے ہوئے کہاکہ مسلح افواج کسی بھی جارحیت سے نمٹنے کیلئے تیار ہیں۔وزیراعظم نے کہا پاکستان کسی کیخلاف جارحانہ عزائم نہیں رکھتا ، اپنے دفاع کا حق استعمال کرتا رہے گا، مسلح افواج نے جارحیت کو بھرپور انداز میں ناکام بنایا،قوم کو مسلح افواج کی صلاحیتوں پر مکمل اعتماد ہے ۔

پی آئی سی نے جیل میں نواز شریف کے علاج کیلئے 21 ڈاکٹرز کی ڈیوٹی لگا دی
لاہور :(ایمرا نیوزآن لائن) سابق وزیراعظم کے لئے کوٹ لکھپت جیل میں طبی سہولتیں بڑھا دی گئیں، نوازشریف کے چیک اپ کیلئے اکیس ڈاکٹروں کا روسٹر جاری کردیا گیا ہے، جو صبح، دوپہر اور شام ان کا چیک اپ کریں گے۔تفصیلات کے مطابق کرپشن مقدمات میں سزایافتہ نوازشریف کوجیل میں بھی وی وی آئی پی سہولیات فراہم کردی گئیں، کوٹ لکھپت جیل میں نواز شریف کے چیک اپ کیلئے پنجاب انسٹیٹیوٹ آف کارڈیالوجی کے اکیس ڈاکٹروں کا ڈیوٹی روسٹر جاری کردیا گیا۔نوازشریف کا صبح،دوپہراورشام چیک اپ کیاجائےگا۔پنجاب انسٹیٹیوٹ آف کارڈیالوجی کے ڈاکٹر تین شفٹوں میں نواز شریف کاچیک اپ کریں گے، ڈیوٹی روسٹرمیں ڈاکٹروں کے ہمراہ تین ای سی جی ٹیکنیشنز بھی ڈیوٹی پرموجود رہیں گے۔گذشتہ روز کوٹ لکھپت جیل میں ماہر امراض قلب پروفیسر ڈاکٹر ندیم ملک اور پروفیسر ڈاکٹر ثاقب شفیع نے سابق وزیر اعظم نواز شریف کا تفصیلی طبی معائنہ کیا تھا ، معائنے کے بعد ڈاکٹرز نے نوازشریف کو سائیکل پر ایکسرسائز کرنے کا مشورہ دیا تھا۔جس کے بعد وزیراعلیٰ پنجاب نے نوازشریف کو ایکسرسائز کیلئے سائیکل مہیا کرنے کے احکامات جاری کر دیئے تھے۔خیال رہے وزیراعظم عمران خان نےنوازشریف کی صحت یابی کے لیے نیک تمناؤں کا اظہار کرتے ہوئے وزیراعلیٰ پنجاب کو نوازشریف کے لیے طبی سہولتیں یقینی بنانے اور ان کی مرضی کے مطابق علاج کرنے کی ہدایت کی تھی اور کہا تھا نوازشریف جہاں چاہیں صحت کی سہولتیں دی جائیں۔یاد رہے ہفتے کے روز وزیراعظم کی ہدایت پر دو روز پہلےکوٹ لکھپت جیل میں ایمبولنس بھجوائی گئی تھی، جس میں تین کارڈیک ڈاکٹر اور تین ٹیکنیشن کو تعینات کیا گیا تھا۔اس سے قبل نوازشریف کی صاحبزادی مریم نوازکاکہنا تھا کہ نوازشریف کو صحت کی سہولتیں ملنی چاہئیں، ان کی زندگی بچانےکےیونٹ کاانتظام کیا جائے۔

پاکستان سپرلیگ4 کا پلے آف مرحلہ آج سے شروع ہوگا
پشاور زلمی اور کوئٹہ گلیڈی ایٹرز کے درمیان مقابلہ ہوگا اور جیتنے والی ٹیم فائنل کیلئے کوالیفائی کر لے گی، فائنل 17مارچ کو کھیلا جائیگا
کراچی(ایمرا نیوز آن لائن ) پاکستان سپرلیگ4 کا پلے آف مرحلہ آج سے شروع ہوگا۔کوئٹہ گلیڈی ایٹرز، اسلام آباد یونائٹڈ، پشاور زلمی اور کراچی کنگز کی ٹیمیں اگلے مرحلے میں پہنچ گئی ہیں۔پشاور زلمی نے گروپ مرحلے میں پہلی پوزیشن حاصل کی ہے۔ زلمی نے 10 میچ کھیل کر 14 پوائنٹس حاصل کیے ہیں۔کوئٹہ گلیڈی ایٹرز نے بھی دس میچ کھیل کر14 پوائنٹس حاصل کیے ہیں اور گروپ مرحلے میں دوسری پوزیشن حاصل کی ہے۔پی ایس ایل کا کوالیفائر مرحلہ آج 13 مارچ سے شروع ہوگا۔ کوالیفائر مرحلے میں 13 مارچ کو میگا ایونٹ کی ٹاپ ٹیمز پشاور زلمی اور کوئٹہ گلیڈی ایٹرز کے درمیان مقابلہ ہوگا اور جیتنے والی ٹیم فائنل کیلئے کوالیفائی کر لے گی۔ایلمینیٹر مرحلہ میں 14 مارچ کو کراچی کنگز اور اسلام آباد یونائیٹڈ ٹکرائیں گے۔ 14 مارچ کو جیتنے والی ٹیم کا مقابلہ کوالیفائر میچ ہارنے والی ٹیم سے 15 مارچ کو ہو گا، میچ کی فاتح ٹیم فائنل کھیلے گی اور ہارنے والی ٹیم ٹورنامنٹ سے باہر ہوجائے گی۔پاکستان سپرلیگ 4 کا فائنل 17 مارچ کو کراچی کے نیشنل اسٹیڈیم میں کھیلا جائے گااسلام آباد یونائیٹڈ کو پی ایس ایل 1 اور پی ایس ایل 3 جیتنے کا اعزاز حاصل ہے۔ پی ایس ایل کے پہلے سیزن کا فائنل کوئٹہ گلیڈی ایٹرز اوراسلام آباد یونائٹیڈ کی ٹیموں کے درمیان کھیلا گیا جس میں یونائیٹیڈ نے6 وکٹوں سے فتح سمیٹی۔پاکستان سپر لیگ کا تیسرا فائنل پشاور زلمی اوراسلام آباد یونائیٹیڈ کے درمیان کراچی میں کھیلا گیا جس میں زلمی کو 3 وکٹوں سے شکست ہوئی۔پی ایس ایل 2 کی ٹرافی پشاور زلمی نے جیتی۔ دوسرے سیزن کا فائنل لاہور کے قدافی اسٹیڈیم میں پشاور زلمی اور کوئٹہ گلیڈی ایٹرز کے درمیان کھیلا گیا جس میں گلیڈی ایٹرز کو58 رنز سے شکست ہوئی۔کوئٹہ گلیڈی ایٹرز کی ٹیم دو بار رنرزاپ رہ چکی ہے۔ لاہور قلندرز پی ایس ایل کے کسی بھی سیزن میں پلے آف مرحلے تک رسائی حاصل نہیں کرسکی اور تینوں سیزنز میں آخری پوزیشن پر رہی۔

پشاور (ایمرا نیوز) سریلی آواز میں شہیدوں کو پکارنے والے اس فرشتے کے فوجی والد دہشت گردوں کے حملے میں شہید ہوچکے اور اس کی ماں شوہر کی شہادت کا سنتے ہی اللہ کو پیاری ہوگئی یہ بچہ اس وقت آرمی بورڈنگ پبلک سکول میں پڑھ رہا ہے اور توقع ہے کہ یہ بچہ بڑا ہوکر ملک و والدین کا نام ضرور روشن کرے گا.

لاہور(ایمرا نیوز)