Tag pakistan

جہانیاں،خاوند نے روٹھی بیوی کو منانے میں ناکامی پر گولیاں مار دیں
جہانیاں(ایمرا نیوز آن لائن) خاوند نے روٹھی بیوی کو منانے میں ناکامی پر گولیاں مار دیں ،شدید زخمی حالت میں ہسپتال داخل ،پولیس نے خاوند کو گرفتار کر لیا۔تفصیل کے مطابق جہانیاں کے چک96دس آر کی رہائشی ناہید بی بی کی شادی پانچ برس قبل سبزی منڈی فیصل آباد کے رہائشی عمر دراز سیال کے ساتھ ہوئی تھی ،ناہید بی بی چند روز قبل ناراض ہو کر اپنے والدین کے گھر چک96دس آر آئی ہوئی تھی ۔خاتون ناہید بی بی کا خاوند عمر دراز فیصل آباد سے جہانیاں اپنی بیوی کو لینے آیا ہوا تھا جہاں ان کے درمیان جھگڑا ہو گیا طیش میں آکر عمردراز نے پسٹل سے اپنی بیوی پر فائرنگ کر دی گولیاں لگنے سے خاتون ناہید بی بی شدید زخمی ہو گئی ۔اطلاع ملنے پر پولیس تھانہ جہانیاں نے ملزم عمردراز کو حراست میں لے لیا ہے جبکہ خاتون ناہید بی بی کو ٹی ایچ کیو ہسپتال جہانیاں داخل کروا دیا گیا ہے.

لاہور(ایمرا نیوز)

لاہور(ایمرا نیوز)

سیکیورٹی فورسز کی بھاری نفری کو شہر کے مرکزی علاقوں قیصر گنج اور بھوسمنڈی میں تعینات کردیا گیا
مقامی افراد نے پولیس پر مکانات کو آگ لگانے کا ذمہ دار قرار دیا
میرٹھ(ایمرا نیوز آن لائن)بھارتی ریاست اترپردیش کے شہر میرٹھ میں مبینہ تجازوات کے خلاف کارروائی کے دوران مظاہرین اور پولیس کے درمیان تصادم سے 10 افراد زخمی ہوگئے جبکہ ایک مسجد سمیت مسلمانوں کے کئی گھروں کو نذر آتش کردیا گیا۔بھارتی اخبار ٹائمز آف انڈیا کی رپورٹ کے مطابق میرٹھ کے علاقے قیصر گنج میں پولیس اور شہریوں کے درمیان تصادم میں کم ازکم 10 افراد زخمی ہوئے اورکئی گاڑیوں کو بھی نقصان پہنچا, جبکہ پولیس کی بھاری نفری وہاں موجود تھی اور اسی دوران کئی جگھیوں پر آگ لگی جس میں ایک مسجد بھی شامل تھی۔رپورٹ کے مطابق مظاہرین نے پولیس کی خلاف شدید احتجاج کیا جس کے بعد مزید سیکیورٹی فورسز کی بھاری نفری کو شہر کے مرکزی علاقوں قیصر گنج اور بھوسمنڈی میں تعینات کردیا گیا جس میں کنٹونمنٹ بورڈ اور پولیس کی مشترکہ ٹیمیں شامل تھیں۔انتظامیہ کا کہنا تھا کہ مقامی افراد فوج کی زمین پر 150 سے زائد گھر بنا کر ٹھہرے ہوئے ہیں جبکہ مقامی افراد نے پولیس کو واقع کا ذمہ دار قرار دیتے ہوئے کہا کہ سیکیورٹی اہلکاروں نے گھروں اور مسجد کو آگ لگا دی۔مقامی شہری محسن احمد کا کہنا تھا کہ ‘سب سے پہلے کنٹونمنٹ بورڈ کے عہدیداروں کے ساتھ صدر تھانے سے پولیس کی دو گاڑیاں پہنچیں, انہوں نے کچی آبادی کے رہائشیوں سے پیسوں کا مطالبہ کیا جنہوں نے ایک مکان کی تعمیر شروع کی تھی’۔ان کا کہنا تھا کہ ‘جب ہم نے احتجاج کیا تو انہوں نے بدتمیزی کی اور ایک لمحہ ضائع کیے بغیر مزید فورس کو طلب کیا اور جھگیوں اور مسجد کو ا?گ لگانا شروع کردیا جس کے بعد تصادم ہوگیا’۔انتظامی عہدیدار انیل ڈھینگرا کا کہنا تھا کہ ‘ہماری پہلی ترجیح آگ بجھانا تھی اور وہاں پھنسے افراد کو بچانا تھا اور تصادم کے حوالے سے ہم انکوائری کریں گے اور اس میں ملوث ہر کسی کے خلاف مقدمہ درج کریں گے’۔ان کا کہنا تھا کہ ‘اس وقت صورت حال کنٹرول میں ہے اور سیکیورٹی فورسز کی بھاری نفری کو علاقے میں امن بحال رکھنے کے لیے تعینات کیا گیا ہے’۔میڈیا کی رپورٹس کے مطابق مسلمانوں کے 200 گھروں کو نذر آتش کیا گیا ہے جس کا الزام مقامی مسلمان سیکیورٹی فورسز پر عائد کررہے ہیں۔پولیس کی کارروائی کے بعد علاقے میں کئی گاڑیوں کو بھی نقصان پہنچا اور بس سروس کو بھی معطل کردیا گیا ہے۔ایک بس ڈرائیور محمد اسد کا کہنا تھا کہ ‘میں آنند وہاڑ سے آرہا تھا اور بس اسٹینڈ میں پہنچنے والا ہی تھا کہ مشتعل افراد نے بس کو نشانہ بنایا جس سے بس کو نقصان پہنچا’.

(ایمرا نیوزآن لائن)
تھائی لینڈ میں پہلی بار مخنث خاتون وزیراعظم کی امیدوار
سیاحت اور تفریح کے حوالے سے دنیا بھر میں شہرت رکھنے والے متعدد جزائر پر مشتمل ملک تھائی لینڈ میں رواں ماہ 24 مارچ کو عام انتخابات ہونے جا رہے ہیں۔تھائی لینڈ میں ہونے والے عام انتخابات پر دنیا بھر کی نظریں جمی ہوئی ہیں کیوں کہ یہ انتخابات 2014 میں ہونے والی فوجی بغاوت کے بعد پہلی بار ہونے جا رہے ہیں۔اور ان انتخابات میں حالیہ وزیر اعظم اور2014 میں اقتدار پر قبضہ کرنے والے سابق فوجی سربراہ پریوتھ چینوچا بھی وزیر اعظم کے امیدوار ہوں گے۔جہاں اس بار شاہی خاندان کی شہزادی 67 سالہ اوبولرتنا ماہیدول نے بھی وزیر اعظم کے لیے انتخاب لڑنے کا اعلان کیا تھا۔تاہم بعد ازاں ان کے بھائی بادشاہ ماہا وجیرالونگ کورن نے ان کی جانب سے انتخابات میں حصے کو غیر آئینی قرار دیتے ہوئے ان کی سیاست میں انٹری پر پابندی عائد کی تھی۔وہیں اب تھائی لینڈ کی تاریخ میں پہلی بار مخنث خاتون بھی وزیر اعظم کے انتخاب لڑنے کے لیے سامنے آئی ہیں۔اس بار 49 سالہ پالینے گارپرنگ بھی انتخابات میں وزیر اعظم کے لیے میدان میں اتریں گی۔سنگاپور کے خبر رساں ادارے ’اسٹریٹ ٹائمز‘ کے مطابق 49 سالہ پالینے گارپرنگ تھائی لینڈ کی تاریخ کی پہلی مخنث خاتون ہوں گی جو وزیر اعظم کے عہدے کے لیے 24 مارچ کو انتخابی میدان میں اتریں گی۔رپورٹ کے مطابق پالینے گارپرنگ سمیت تھائی لینڈ بھر سے دیگر 20 مخنث افراد بھی انتخابی میدان میں اتریں گے، تاہم وزیر اعظم کے عہدے کے لیے وہ اکیلی مخنث خاتون ہیں۔پالینے گارپرنگ نے برطانوی خبر رساں ادارے سے بات کرتے ہوئے کہا کہ وہ تھائی لینڈ میں تاریخ رقم کرنے کے لیے تیار ہیں، تاہم ان کا ملک انہیں قبول کرنے کے لیے تیار نہیں۔پالینے گارپرنگ نے تھائی لینڈ میں مخنث افراد سمیت خواتین کو سیاست میں مرد حضرات جیسا مقام نہ دینے کا شکوہ کرتے ہوئے کہا کہ یہاں کا عوام تاحال خواتین اور انہیں سیاسی میدان میں قبول کرنے کے لیے مکمل طور پر تیار نہیں۔پالینے گارپرنگ کو انسانی حقوق اور تھائی لینڈ میں صنفی مساوات کا نعرہ بلند کرنے والی سیاسی جماعت ’مہاچون پارٹی‘ کی جانب سے میدان میں اتریں گی۔ پالینے گارپرنگ کے علاوہ اسی جماعت نے دیگر 2 افراد کو بھی وزیر اعظم کا امیدوار منتخب کیا ہے اور انتخابات میں پارٹی کے تینوں امیدوار میدان میں اتریں گے۔اگرچہ مہاچون پارٹی پالینے گارپرنگ کو پہلے اور ترجیحی امیدوار کے طور پر نہیں دیکھ رہی، تاہم پارٹی کا کہنا ہے کہ اگر وہ اچھے ووٹ حاصل کرنے میں کامیاب جاتی ہے تو وہ مخنث خاتون کو وزیر اعظم بنا کر نئی تاریخ رقم کرے گی۔خیال رہے کہ پالینے گارپرنگ نے بطور نیوز رپورٹر کیریئر کا آغاز کیا اور وہ تھائی لینڈ کے اچھے صحافیوں میں شمار ہوتی تھیں۔ بعد ازاں انہوں نے اسپورٹس پروموٹر کے طور پر بھی خوب نام کیا۔پالینے گارپرنگ کو کم عمری سے ہی جنسی مسائل کا سامنا تھا، جس وجہ سے کچھ سال قبل انہوں نے سرجری کے ذریعے اپنی جنسی تبدیل کروادی تھی۔

کراچی(ایمرا نیوزآن لائن رپورٹ اظہر محمود سے) کراچی میں سی ویو کے ساحل پر پولیس اہلکاروں کی جانب سے میاں بیوی کو تشدد کا نشانہ بنانے کا واقعہ پیش آیا ہے۔واقعے کی ویڈیو منظر عام پر آنے کے بعد پولیس حکام نے ملوث اہلکاروں کو معطل کر دیا ہے۔سی ویو کے ساحل پر پولیس نے شہریوں کو ہراساں کرنا نہیں چھوڑا، پولیس اہلکاروں نے ایڈیشنل آئی جی کے احکامات کی دھجیاں اڑادیں۔ساؤتھ زون کے 4 پولیس اہلکاروں نے سی ویو پر میاں بیوی کو ہراساں کیا اور شہری کی جانب سے اس واقعے کی بنائی گئی ویڈیو منظر عام پر آگئی جس میں پولیس اہلکاروں کو مرد اور عورت پر تشدد کرتے دیکھا جا سکتا ہے۔ویڈیو میں مرد چلاتا رہا ہے کہ ہم میاں بیوی ہیں اس کے باوجود پولیس اہلکار کو خاتون سے دست درازی کرتے دیکھا جاسکتا ہے۔ایڈیشنل آئی جی نے واقعے میں ملوث چاروں اہلکاروں کو معطل کردیا ہے۔ایڈیشنل آئی جی کے مطابق چاروں اہلکاروں کو نوکری سے برطرف بھی کیا جا رہا ہے۔

لاہور(ایمرا نیوزآن لائن رپورٹ عمر خالد سے) پنجاب حکومت نے سرکاری ٹھیکوں میں شفافیت کے لیے ’ای ٹینڈرنگ سسٹم‘ متعارف کرانے کا فیصلہ کیا ہے۔وزیر اعلیٰ پنجاب سردار عثمان بزدار نے ’ای ٹینڈرنگ سسٹم‘ متعارف کرانے کے فیصلے کی منظوری دے دی۔وزیر اعلیٰ پنجاب کہتے ہیں کہ سرکاری محکموں میں ای ٹینڈرنگ سسٹم جلدمتعارف کرا دیا جائے گا اور مرحلہ وار پروگرام کے تحت نافذ کیا جائے گا۔انہوں نے کہا کہ نئے مالی سال سے تمام محکمے مکمل طور پر ای ٹینڈرنگ سسٹم کے تحت ٹھیکے دینے کے پابند ہوں گے۔عثمان بزدار نے یہ بھی کہا ہے کہ ای ٹینڈرنگ سسٹم کے ذریعے شفافیت آئے گی اور بدعنوانی کا خاتمہ ہو گا۔

جنوری اور فروری میں دو ماہ میں صوبے بھر میں 159 بچوں کے اغوا کی وارداتیں ہوئیں
لاہور (ایمرا نیوز آن لائن) لاہور سمیت پنجاب کے مختلف اضلاع میں بچوں کے اغواءکی وارداتوں میں اضافہ ہو گیا ہے۔ اس حوالے سے اعداد و شمار کے مطابق رواں سال کے پہلے دو ماہ میں صوبے بھر میں 159 بچوں کے اغوا کی وارداتیں ہوئیں۔ جن میں سے تاحال 55 بچوں کو بازیات نہیں کروایا جا سکا جبکہ اسی عرصے میں لاہور سے 66 بچوں کو اغوا کیا گیا جن میں سے 26 بچے تاحال لاپتہ ہیں۔ اعداد و شمار کے مطابق بچوں کے اغوا کے سب سے زیادہ کیس لاہور میں درج ہوئے جبکہ اس حوالے سے فیصل آباد دوسرے نمبر پر رہا جہاں دو میاں میں 24 بچے اغوا کئے گئے جن میں سے 4 بچے تاحال لا پتہ ہیں اور تیسرے نمبر پر آنے والے ضلع سرگودھا میں گزشتہ دو ماہ کے دوران 10 بچوں کے اغوا کے مقدمات درج کئے گئے جن میں سے 6 بچے تاحال اپنے والدین کو نہیں مل سکے۔ (قیوم زاہد)

مقالہ نگاروں کی جانب سے ابسٹریکٹ جمع کرانے کی آخری تاریخ 15مارچ ہے
اسلام آباد (ایمرا نیوز آن لائن)علامہ اقبال اوپن یونیورسٹی شاعر مشرق ‘ڈاکٹر علامہ محمد کی دانشورانہ خیالات افکار اور تعلیمات کے فروغ کے لئے “اقبال کی فکری و فنی آفاقیت”کے زیر عنوان 2۔روزہ عالمی کانفرنس21۔اپریل کو منعقد کرے گی۔ فکر اقبال کی ترویج کے لئے عالمی کانفرنس منعقد کرنے کا فیصلہ وائس چانسلر پروفیسر ڈاکٹر ضیاءالقیوم کے زیر صدارت اجلاس میں کیا گیا۔ اس کانفرنس میں قومی اور بین الاقوامی ماہرین اقبالیات اور دیگر شعبوں سے تعلق رکھنے والے مفکرین کو شرکت کی دعوت دی جائے گی۔معتمد کانفرنس ڈاکٹر سید شیراز علی زیدی کے مطابق شعبہ اقبالیات کے زیر اہتمام منعقد ہونے والی اس کانفرنس کے لئے ابسٹریکٹ 15۔مارچ تک وصول کئے جائیں گے اور مقالہ نگار کو ابسٹریکٹ کی منظوری کی اطلاع 25۔مارچ تک کردی جائے گی۔کانفرنس کے حوالے سے بات کرتے ہوئے وائس چانسلر پروفیسر ڈاکٹر ضیاءالقیوم نے کہا ہے کہ اقبال کے نام سے منسوب ہونے پرفکر اقبال کی ترویج یونیورسٹی کی قومی ذمہ داری ہے اور ہم یہ ذمہ داریاں تعلیمی اور ادبی سرگرمیوں کے ذریعہ بہ حسن و خوبی نبھاتے رہےں گے۔ انہوں نے کہا کہ اقبال کو پڑھنے اور سمجھنے اور ہر شعبہ زندگی میں شاعر مشرق کے افکار سے رجوع کرنے کی ضرورت ہے۔

لاہور(ایمرا نیوز)
WhatsApp Video 2019-03-07 at 16.05.49 (1)