Tag pakistan

فلم ”کیپٹن مارول“کا دوسرے ہفتے بھی 6 کروڑ 93 لاکھ ڈالر کا بزنس
نیویارک (ایمرا نیوز آن لائن) خاتون سپر ہیرو باکس آفس پر چھا گئی، فلم”کیپٹن مارول“ کا دوسرے ہفتے بھی چھ کروڑ93 لاکھ ڈالر کے بزنس کےساتھ پہلی پوزیشن پر قبضہ برقرار ہے۔خاتون سپر ہیرو کی فلم ”کیپٹن مارول“ کی ریکارڈ کمائی، دوسرے ہفتے بھی باکس آفس میں چھ کروڑ93 لاکھ ڈالر کما لئے۔ اینی میٹڈ فلم ونڈر پارک کا دوسرا نمبر رہا جس نے ایک کروڑ 60 لاکھ ڈالر کمائی کی۔” فائیو فیٹ اپارٹ“ ایک کروڑ 32 لاکھ ڈالر کما کر باکس آفس پر تیسرے نمبر پر رہی۔

ہانیہ وہ ہیں جو میری زندگی میں بہت سی خوشگوار اور مثبت چیزیں لاتی ہے:گلوکار
کراچی(ایمرا نیوز آن لائن) گلوکار عاصم اظہر نے کہا ہے کہ ہانیہ وہ انسان ہیں جو میری زندگی میں بہت سی خوشگوار اور مثبت چیزیں لاتی ہے۔ایک انٹرویو میں گلوکار کا کہنا تھا کہ ہانیہ عامر سے تعلق پر کچھ نہیں کہہ سکتا ،تاہم اس سوال پر میرا دل بہت تیزی سے دھڑک رہا ہے، مجھے ایسا لگتا ہے کہ ہانیہ وہ انسان ہے جو میرے لیے بہت سی مثبت چیزیں لاتی ہے، اور جب بھی ہانیہ کےساتھ ہوتا ہوں مجھے بہت اچھا محسوس ہوتا ہے۔

بھارت جاکر اچھا تجربہ نہیں اچھا سبق ملا‘اداکارہ
کراچی (ایمرا نیوز آن لائن) پاکستانی اداکارہ و ٹی وی میزبان وینا ملک نے کہا ہے کہ اب اگر بھارت سے فلموں میں کام کرنے کی پیش کش موصول بھی ہو تو کام کے لیے نہیں جاؤں گی،چاہے کتنی بھی بڑی پیش کش کی جائے یا انہیں سلمان خان اور شاہ رخ کے ساتھ کام کرنے کا کہا جائے پھر بھی پاکستان چھوڑ کر کام کے لیے بھارت نہیں جاوں گی۔منگل کو ایک انٹرویو میں انہو ں نے کہا کہ بھارت میں کام کرنا اپنی مرضی سے چھوڑا،اگرچہ اس دوران مجھے دھمکیاں بھی ملتی رہیں، لیکن میں نے کبھی دھیان نہیں دیا ۔۔وینا ملک نے بتایا کہ بھارتی فلم انڈسٹری میں مرضی سے کام نہ کرنے کی مختلف وجوہات اور مسائل تھے۔اداکارہ نے کہا کہ اگر کوئی پاکستانی اداکار پوری زندگی بھی بھارتی فلم انڈسٹری کو دے دے گا تو بھی وہاں اس کا نام نہیں ہوگا جبکہ پاکستان میں تھوڑا بھی کام کرنے کے بعد اس کے مرنے کے بعد بھی اس کا نام پاکستانی انڈسٹری میں یاد رکھا جائےگا۔انہوں نے کہا کہ بھارت سے کام ملنے کی پیشکش بند نہیں ہوئی، ہر کسی کو اپنے تجربات سے سیکھنا چاہیے اور میں نے بھی تجربات سے ہی سیکھا ہے۔وینا ملک نے کہا کہ اب بھارت کی بجائے اپنے ملک میں رہ کر محنت کروں گی ، بھارت جا کر اچھا تجربہ نہیں بلکہ اچھا سبق ملا۔

لاہور(ایمرا نیوزآن لائن رپورٹ عمر خالد سے) لاہور میں پتنگ بازوں اور پولیس کے درمیان آنکھ مچولی جاری ہے، رات گئے تک گرفتار پتنگ بازوں کی تعداد 96 ہو گئی۔لاہور پولیس کے ترجمان کے مطابق پتنگ بازی پر مختلف تھانوں میں 93 مقدمات درج کیے گئے ہیں۔لاہور کے علاقے کینٹ ڈویژن سے 41، ماڈل ٹاؤن سے26، سٹی سے 16، اقبال ٹاؤن سے3، صدر ڈویژن سے 7 اور سول لائن سے 3 پتنگ باز پکڑے گئے۔ان گرفتار کیے گئے ملزمان کے قبضے سے بڑی تعداد میں پتنگیں، چرخیاں اور ڈور برآمد کی گئی ہے۔

ایمرا نیوز رپورٹ رضا ملک سے)
وزیر اعظم عمران خان نے کہا ہے کہ پاکستان کو نیوزی لینڈ کے شہر کرائسٹ چرچ میں حملہ آور کودہشت گردی سے روکنے کی کوشش کرنے والے نعیم رشید پر فخر ہے۔ سماجی رابطے کی ویب سائٹ ٹوئٹر پر اپنے پیغام میں وزیر اعظم عمران خان نے کہا کہ ’ہم کرائسٹ چرچ دہشت گرد حملے کی زد میں آنے والے پاکستانیوں کے اہل خانہ کو مکمل معاونت فراہم کرنے کے لیے تیار ہیں۔‘

We stand ready to extend all our support to the families of Pakistani victims of the terrorist attack in Christchurch. Pakistan is proud of Mian Naeem Rashid who was martyred trying to tackle the White Supremacist terrorist & his courage will be recognized with a national award.

— Imran Khan (@ImranKhanPTI) March 17, 2019

عمران خان نے اپنے ٹوئٹ میں کہا کہ ’پاکستان کو میاں نعیم رشید پر فخر ہے جنہوں نے سفید فام دہشت گرد پر قابو پانے کی کوشش میں جام شہادت نوش کیا۔ ان کے حوصلے کو قومی انعام کے ساتھ یادگار بنایا جائے گا۔‘ واضح رہے کہ نیوزی لینڈ میں دہشت گردی کے واقعے میں شہید ہونے والے پاکستانیوں کی تعداد 9 ہوگئی ہے۔

ترجمان دفتر خارجہ ڈاکٹر فیصل کے مطابق کرائسٹ چرچ کی مساجد پر ہونے والے دہشت گرد حملوں میں شہید ہونے والے پاکستانیوں میں ذیشان رضا، ان کے والد غلام حسین اور والدہ کرم بی بی ،سہیل شاہد، سید جہانداد علی،سید اریب ،محبوب ہارون ،نعیم راشد اور ان کے بیٹے طلحہ نعیم شامل ہیں۔

بلاول بچہ ہے بچ کر کھیلے تو اچھا ہے کہیں میرے ہاتھوں سیاسی طور پر مارا نہ جائے ،نواز شریف اور زرداری کے رنگ پسٹن اور پلگ گھس چکے ہیں، انکا انجن دھواں دے رہا ہے، رواں ماہ سے ریلوے مزدوروں کو وزیر اعظم کی جانب سے 3،3 ہزار تنخواہ پر اضافی ملیں گے،ریلوے کے مزدوروں کیلئے ہاﺅسنگ کی سہولتوں کو دیکھ رہے ہیں، وزیر ریلوے
کراچی(ایمرا نیوز آن لائن)وفاقی وزیر ریلوے شیخ رشید احمد نے کہا ہے کہ دینی مدارس کو پاکستان کو قلعہ سمجھتا ہوں،بلاول بچہ ہے بچ کر کھیلے تو اچھا ہے کہیں میرے ہاتھوں سیاسی طور پر مارا نہ جائے۔ نواز شریف اور زرداری کے رنگ پسٹن اور پلگ گھس چکے ہیں، انکا انجن دھواں دے رہا ہے، رواں ماہ سے ریلوے مزدوروں کو وزیر اعظم کی جانب سے 3،3 ہزار تنخواہ پر اضافی ملیں گے۔ےریلوے کے مزدوروں کےلئیے ہاوسنگ کی سہولتوں کو دیکھ رہے ہیں۔ان خیالات کا اظہار وفاقی وزیر ریلوے نے کراچی کینٹ اسٹیشن کے دورے کے موقع پر میڈیا سے گفتگو کرتے ہوئے کیا۔ شیخ رشید کی کینٹ اسٹیشن آمد پر ریلوے ملازمین نے احتجاج بھی کیا اور مستقل کرنے کے حوالے سے بینرز اٹھا رکھے ہیں، ملازمین کا مطالبہ تھا کہ اسسٹنٹ پیکج کے تحت بھرتی ہونے والے ملازمین کو مستقل کیا جائے، اس موقع پر شیخ رشید نے لوکو شیڈز ورکشاپ کا دورہ کیا، بعد ازاں میڈیا سے گفتگو کرتے ہوئےشیخ رشید احمد نے چیئرمین پیپلزپارٹی پر کڑی تنقید کرتے ہوئے کہا کہ بلاول نےکل کچھ بیان دیا ہے، بلاول نے جو کہا اس پر لوگ کہتے ہیں کہ چھوڑو بچہ ہے،لوگ بیچ بچاؤ کروا رہے ہیں۔ میں نے ایک بار پھر بلاول کو معاف کیا، اگر بلاول بچہ ہے تو بچہ بچ کرکھیلے تو اچھا ہے کہیں میرے ہاتھوں سیاسی طور پر مارا جائے گا۔ میں نے تو بلاول کو ابھی کچھ کہا ہی نہیں ہے، مجھےڈر ہے کہ کہیں کپڑے پھاڑ کر تھانے نہ چلا جائے۔ انہوں نے کہا کہ اگر سندھ میں چوری ڈاکو لٹیروں کا خاتمہ ہوجائے تو سندھ ترقی کرے گامیں نے جوانی میں جیل کاٹی ہے نواز شریف اور زرداری کے رنگ پاٹن بیٹھ چکے ہیں نواز شریف اور زرداری کے رنگ پسٹن اور پلگ گھس چکے ہیں، انکا انجن دھواں دے رہا ہے۔انکو بچ کر رہنا چاہیےزرداری بڑا پتے باز ہےزرداری نے اب بلاول کو ا?گے کر دیا ہے۔ زرداری نے 8 سال تک بے نظیر بھٹو قتل کیس نہیں چلایا۔انہوں نے کہا کہ کوشش کریں گے کم سے کم خرچ میں زیادہ کام کریں، غریب 3ہزار پر خوش ہیں اور لٹیروں نے 3 ارب روپے لوٹ کھائےچوروں، ڈاکوؤں اور لٹیروں نے ملک کو لوٹا ہے،غریبوں کو گیس کے بلوں میں سزا مل رہی ہے، مزدوروں کیلئے گھروں کی اسکیم پر کام کررہےہیں، چور فالودہ والے کے نام پر اربوں روپے کھا گئے۔انہوں نے کہا کہ جناح ایکسپریس تین بجے تیس مارچ کو نکلے گی۔جناح ایکسپریس کا سات سے آٹھ ہزار کرایہ ہوگاتمام ٹریک کو نیا کرنے کا ٹینڈر دیا ہےایم ایل ون اب اے بڑا ٹریک ہےایم ایل ون کا منصوبہ 17 سو کلو میٹر پر مشتمل ہوگا۔ایم ایل ون ٹریک پر ٹرین کی رفتار 160 کلو میٹر فی گھنٹہ ہوگی۔ ایم ایل ون کے تحت کراچی سے پشاور تک ٹریک ڈبل کیا جا رہا ہے، ریلوے کے تمام ٹریک بہتر کرنے پر کام کر رہے ہیں، امید ہے ایم ایل ون کا معاہدہ 27 اپریل کو وزیر اعظم کے دورہ چین میں ہوجائے گا، منصوبے میں ایک چینی اور 9 پاکستانیوں کی شمولیت کا معاہدہ طے پایا ہے۔شیخ رشید احمد نے کہا کہ اسلام سے تعلق ہونا بری بات ہے تو مجھے فخر ہے،دینی مدارس کو پاکستان کو قلعہ سمجھتا ہوں،دہشتگردی اور دہشت گردوں کے خلاف ہوں،وزارت آنی جانے والی شے ہےوزیر ریلوے نے کہا کہ جو بھی ریلوے کی زمین ہر قابض ہوگا اوپر کارروائی ہوگی سندھ حکومت ساتھ آئے ہم کے سی آر پر کام کرنے کےلئیے تیار ہیں، کے پی ٹی کے ساتھ کام کر رہے ہیں، کے سی آر پر زمینیں خالی کروائیں۔ سندھ حکومت ہمارے ساتھ ا? کر بیٹھے۔ ابھی تک سندھ حکومت نے پیپر ورک نہیں کیا۔اس سے قبل شیخ رشید احمد کا ریلوے مزدوروں سے گفتگو کرتے ہوئے کہنا تھا کہ کہ مجھے آپ پر فخر ہےپاکستان ریلوے اللہ کے بعد آپ پر چل رہی ہےچھ ماہ کے عرصے میں سب نے بہت محنت کی ہےآٹھ سو مزدور دن رت کام کررہے ہیں ہر مزدور کو وزیر اعظم عمران خان کی جانب سے تین ہزار روپے اس ماہ کی تنخواؤں میں اضافی ملیں گےانہوں نے کہا کہ دس ہزار نوکریاں نکالی ہیں میرٹ پر مزید دس ہزار نوکریاں نکالیں گےریلوے ملازمین کو ہر گریڈ مین ایک درجہ ترقی دیں گےریلوے کے مزدوروں کےلئیے ہاوسنگ کی سہولتوں کو دیکھ رہے ہیں ڈیڑھ لاکھ پینشن والے مزدور ہیں ایسے پروگرام پر کام کررہے ہیں کہ مالی بوجھ کم ہو اور غریب مزدور کے سر پر چھت ہو.

غیر ملکی کھلاڑیوں اور آفیشلز کی سیکورٹی مزید سخت کردی گئی
کراچی(ایمرا نیوزآن لائن) کراچی میں سیکورٹی ہائی الرٹ، پی ایس ایل فور کے میچز کھیلنے کے لیے کراچی آنے والے غیر ملکی کھلاڑیوں اور آفیشلز کی سیکورٹی سخت کردی گئی۔ ہفتے کے روز کراچی کے ہوٹل پرل کانٹی نینٹل اور مووان پک کی سیکورٹی بھی بڑھا دی گئی، ہوٹل میں غیر متعلقہ افراد کا داخلہ بند کر دیا گیا۔ سیکورٹی اداروں نے دو روز قبل سہراب گوٹھ سے چوری ہونے والا ٹرک دہشت گردی میں استعمال ہونے کا خدشہ ظاہر کر دیا جس کے بعد شہر بھر میں سیکورٹی ہائی الرٹ کرکے غیر ملکی کھلاڑیوں کی سیکورٹی مزید بڑھا دی گئی، شہر کے دونوں بڑے ہوٹلوں کے اطراف پولیس اور رینجرز کی بھاری نفری تعینات ہے اور تمام داخلی و خارجی راستوں کی کڑی نگرانی کی جارہی ہے۔ ہوٹلوں کے اطراف نظر آنے والے مشکوک افراد کو فوری حراست میں لینے کے احکامات بھی جاری کیے گئے ہیں۔ جبکہ دہشت گردی کے خطرات کے پیش نظر نیشنل اسٹیڈیم کے اطراف بھی سیکورٹی میں اضافہ کر دیا گیا ہے۔ ذرائع سے ملنے والی اطلاعات کے مطابق سہراب گوٹھ سے چوری ہونے والے ٹرک کا ممکنہ طور پر دہشت گردی میں استعمال کیے جانے کا خدشہ ظاہر کیا گیا ہے۔لوڈنگ ٹرک نمبر جے وی 4635 دو روز قبل سپرہائی وے پر الاصف اسکوائر کے عقب سے چوری کیا گیا تھا۔ جبکہ پولیس کراچی بھر میں ٹرک کو تلاش کر رہی ہے،ٹرک کی تصاویر کے ساتھ مختلف علاقوں میں اشتہارات بانٹے گئے ہیں۔ کراچی پولیس نے چوری کیے گئے ٹرک کی تصاویر کا اشتہار سوشل میڈیا پر بھی وائرل کردیا۔ دریں اثنا ایڈیشنل آئی جی پولیس کراچی ڈاکٹر امیر احمد شیخ کی جانب سے ٹرک کی اطلاع دینے والے کیلئے نقد انعام کا اعلان کیا گیا ہے۔ جبکہ پاکستان سپر لیگ میچز کیلئے آنے والے غیر ملکیوں کو فول پروف سیکورٹی انتظامات کو مزید سخت کر دیاگیا اور جمعے اور ہفتے کی درمیانی شب ہیلی کاپٹر کے ذریعے فضائی نگرانی بھی جاری رکھی گئی۔ حساس اداروں نے جمعے اور ہفتے کی درمیانی شب شہر کے مختلف علاقوں سمیت مضافاتی علاقوں میں بھی ٹارگٹڈ کارروائیاں جاری رکھیں، اس دوران متعدد مشتبہ افراد کو حراست میں لیے جانے کی اطلاعات بھی ہیں جن میں سے بیشتر کو بائیو میٹرک تصدیق کے بعد رہا کر دیا گیا۔ اس سے قبل گزشتہ روز نیوزی لینڈ کی دو مساجد میں دہشت گردی کے واقعہ کے بعد قانون نافذ کرنے والے ادارے اورپی سی بی حکام ہائی الرٹ ہو گئے تھے، پی ایس ایل میں مصروف ملکی و غیر ملکی کھلاڑیوں اور آفیشلز کی حفاظت یقینی بنانے کے لیے ان کی سیکورٹی میں مزید اضافہ کر دیا گیا تھا۔ جمعہ کے روز نیشنل اسٹیڈیم کی مسجد میں آنے والوں پر خصوصی نظر رکھی گئی تھی سیکورٹی عملہ پوری طرح چوکس رہا۔ سیکورٹی اداروں نے نجی اسپتال کی جانب سے نیشنل اسٹیڈیم پیدل آنے والوں کو بھی روک دیا تھا جس سے میچ کے ٹکٹ رکھنے والے شائقین کو بھی پریشانی کا سامنا کرنا پڑا۔ سیکورٹی اہلکاروں نے پی سی بی کی جانب سے فراہم کردہ ایکریڈیٹیشن کارڈ رکھنے والے صحافیوں کو بھی روک کر ان سے پوچھ گچھ کی اور بعد میں جانے کی اجازت دی گئی۔

یہ شہر فن و ادب اور ثقافت کا گڑھ ہے ،یہاں کے اداکار وں،گلوکار ،رائٹرز اور ڈائریکٹرز نے صلاحیتو ں کا لوہا منوایا ہے:سینئر اداکار
لاہور(ایمرا نیوز آن لائن) کراچی سے تعلق رکھنے والے سینئر اداکار عدنان صدیقی نے کہا ہے کہ جب بھی کسی پراجیکٹ کے سلسلہ میں لاہور آتا ہوں مجھے یہاں بے پناہ عزت ،محبت اور چاہت ملتی ہے ،ہر دور ے میں لاہور کے کھانوں اور تاریخی مقامات کی سیر سے ضرور لطف اندوز ہوتا ہوں۔ایک انٹرویو میں عدنان صدیقی نے کہا کہ لاہور فن و ادب اور ثقافت کا گڑھ ہے اور اس شہر نے بڑے بڑ ے اداکار ،گلوکار ،رائٹرز اور ڈائریکٹرز پیدا کئے ہیں جنہوں نے اپنی صلاحیتوں کا لوہا منواہا ہے۔انہوں نے کہا کہ لاہور شہر پر خصوصی مہربانی ہے کہ دوسرے شہر سے آنے والا کبھی ناکامی کا منہ نہیں دیکھتا اور یہ میرا ذاتی مشاہدہ بھی ہے۔ عدنان صدیقی نے کہا کہ لاہور والے جتنی محبت اور چاہت سے پیش آتے ہیں اسے لفظوں میں بیان نہیں کیا جا سکتا اور میں کراچی میں اکثر و بیشتر اس کا ذکر کرتا ہوں۔

انڈونیشی دوسرے، ہندوستانی تیسرے نمبر پر ہیں،سعودی وزارت حج و عمرہ
ریاض(ایمرا نیوز آن لائن)پاکستان سے امسال اب تک 1031253معتمر ارض مقدس پہنچے، عمرہ موسم کے آغاز سے لیکر اب تک پاکستانی معتمرین ہی اول ہیں۔غیرملکی خبررساں ادارے کے مطابق وزارت حج و عمرہ نے تازہ ترین اعدادوشمار جاری کرکے بتایا کہ 7رجب1440ھ تک 4790512عمرہ ویزے جاری ہوئے۔ ان میں سے 4308105 ارض مقدس آچکے ہیں۔ پاکستانی سب سے زیادہ ہیں۔ انڈونیشی دوسرے اور ہندوستانی تیسرے نمبر پر ہیں۔

لاہور(ایمرا نیوز) وزیر صحت ڈاکٹر یاسمین راشد نے کہا ہے کہ محکمہ صحت لیڈی ہیلتھ سپروائزرز اور لیڈی ہیلتھ ورکرز کی ترقی کے حوالہ سے سنیارٹی لٹ پر پہلے سے ہی ورکنگ مکمل کر چکا ہے۔ ان حالات میں لیڈی ہیلتھ سپروائزرز اور لیڈی ہیلتھ ورکرز کے احتجاجی اور دھرنے کی کال دینا کسی سیاست یا بلیک میلنگ سے کم نہیں۔ ان خیالات کا اظہار انہوں نے گزشتہ روز ڈی جی پی آر میں ایک پریس کانفرنس سے خطاب کرتے ہوئے کیا۔ اس موقع پر سیکرٹری پرائمری اینڈ سیکنڈری ہیلتھ پنجاب زاہد اختر زمان، سپیشل سیکرٹری مدثر ریاض، ایڈیشنل سیکرٹری فاطمہ شیخ اور ڈائریکٹر جنرل ہیلتھ سروسز پنجاب ڈاکٹر منیر احمد بھی موجود تھے۔ وزیر صحت پنجاب ڈاکٹر یاسمین راشد نے اس موقع پر مزید کہا کہ تحریک انصاف کی حکومت نے ہمیشہ ڈاکٹرز اور لیڈی ہیلتھ ورکرز سمیت ہر شعبہ میں ملازمین کے جائز مطالبات کو تسلیم کیا ہے۔ پنجاب بھر میں اس وقت 44ہزار لیڈی ہیلتھ ورکرز فرائض سر انجام دے رہی ہیں۔2009ءکے بعد پہلی مرتبہ پورے پنجاب میں لیڈی ہیلتھ سپروائزرز اور لیڈی ہیلتھ ورکرز بھرتی کی جا رہی ہے۔ محکمہ صحت پنجاب نے لیڈی ہیلتھ ورکرز کی ترقی کے حوالہ سے جلد خوشخبری دے گا۔ پنجاب بھر میں لیڈی ہیلتھ ورکرز کی بھرتی کا باقاعدہ سلسلہ رواں سال شروع کر دیا جائے گا۔ علاوہ ازیں دوران سروس ساڑھے چار ہزار لیڈی ہیلتھ ورکرز کے انتقال کے بعد محکمہ صحت ان کے لواحقین کو واجبات کی ادائیگی میں مکمل مدد کر رہا ہے۔ پنجاب میں تحریک انصاف کی حکومت قائم ہونے کے بعد کوئی ایسا دن نہیں جب ہسپتالوں میں ڈاکٹروں کیحضاری، ادویات اور بہترین طبی سہولیات کے بارے میں پوچھا دورہ کر کے جائزہ نہ لیا گیا ہو۔ سابقہ حکومتوں نے آبادی بڑھنے کے ساتھ ساتھ نئے ہسپتالوں کی تعمیر سمیت جدید تقاضوں کے مطابق سہولیات فراہم نہیں کیں جس کی وجہ سے آج عوام چند نجی ہسپتالوں میں علاج کروانے پر مجبور ہیں۔