Tag pakistan

لاہور(ایمرا نیوز عمر خالد سے) آسیہ بی بی کی بریت کے فیصلے کیخلاف نظر ثانی اپیل کی اہم سماعت آج سپریم کورٹ میں ہوگی.عدالت عظمیٰ کا تین رکنی بنچ توہین مذہب کے مقدمے میں آسیہ بی بی کی بریت کے فیصلے کے خلاف نظر ثانی کی اپیل کی سماعت آج کرے گا۔یاد رہے کہ پچھلے سال سپریم کورٹ نے آسیہ بی بی کو جیل سے رہائی کا حکم دیا تھا جس کے بعد پورے ملک میں لوگ سڑکوں پر نکل آئے تھے اور سپریم کورٹ کے فیصلے کے خلاف احتجاج شروع کردیا تھا جس کے بعد سپریم کورٹ نے آسیہ بی بی کا نام ای سی ایل میں ڈال دیا تھا.
توہین مذہب کے مقدمے میں سپریم کورٹ سے رہائی پانے والی مسیحی خاتون کے وکیل سیف الملوک اپنی خود ساختہ جلا وطنی ختم کرکے اپنی موکلا کی عدالت میں وکالت کرنے کیلئے پاکستان پہنچ گئے ہیں۔ بیچ کی سربراہی سپریم کورٹ کے چیف جسٹس آصف سعید کھوسہ کریں گے ۔ جسٹس فائز عیسیٰ اور جسٹس مظہر عالم میاں خیل بھی بینچ کا حصہ ہوں گے۔

لاہور(ایمرا نیوز اظہر محمود سے) پاکستان میں فائرنگ کے واقعات میں دن با دن اضافہ ہوتا جارہا ہے، جس کی وجہ سے ہر دن کوئی ناکوئی شخص اپنی جان کھو دیتا ہے، کچھ ایسا ہی آج پشاور میں ہوا ہے، پشاور کے کگہ ولہ کے علاقے سے دو نوجوانوں کی جانیں برآمد ہوئی ہیں.پولیس کے مطابق ان دونوں نوجوانوں کو فائرنگ کرکے قتل کیا گیا ہے. پولیس کا کہنا ہے نامعلوم ملزمان ان دونوں نوجوانوں کو فائرنگ کر کے قتل کر دیا اور باآسانی فرار ہوگئے۔
پولیس نے ان نوجوانوں کے قتل کی تحقیقات کا آغاز کردیا ہے، پولیس کے مطابق ان میں سے ایک نوجوان کی عمر 22 سال اور دوسرے کی 30 سال ہے اور پولیس نے ان دونوں نوجوانوں کی لاشیں پوسٹ مارٹم کے لیے اسپتال منتقل کر دی ہیں۔اس طرح کے واقعات آئے روز پاکستان کے کسی ناکسی علاقے میں ہوتے رہتے ہیں اور پولیس اس طرح کے واقعات کو کنٹرول میں ناکام نظر آتی ہے.

لاہور(ایمرا نیوزآن لائن) پاکستان کی مشہور اداکارہ ریما نے اپنے بارے میں حیران کن انکشاف کیا ہے، ریما کا کہناہے کہ انہیں لالی ووڈ کی ایک اداکارہ کی طرف سے زہر دینے کی کوشش کی گئی ہے لیکن اللہ کا شکر ہے کہ میں بال بال بچ گئیں. ریما کے اس انکشاف نے سوشل میڈیا پر تحلکہ مچا دیا ہے اور سب لوگ یہ سوچنے لگے ہیں کہ ان کو کس اداکارہ نے زہر دینے کی کوشش کی ہوگی اور کیوں؟
https://emra.tv/2019/01/28/رشی-کپور-نے-اپنی…-بیماری-کا-سچ-سب/
ریما نے مزید انکشاف کیا کہ لالی ووڈ میں اداکارائوں کو ہراساں بھی کیا جاتا ہے. ریما کا کہنا تھا کہ جو شخص ان کو زہر دینے آیا تھا اس نے ان کو بتایا تھا کہ اس کو زہر دینے کے لیے ایک اداکارہ نے ایک لاکھ روپے دیے تھے.یاد رہے کہ ریما نے لالی ووڈ کی بے شمار فلموں میں اپنی اداکاری کے جوہر دیکھے تھے. لیکن شادی کے بعد انہوں نے شوبز انڈسٹری کو خیرباد کہہ دیا تھا.

لاہور(ایمرا نیوزآن لائن) گزشتہ کئی سالوں سے پاکستان میں دہشتگردی کے واقعات میں کافی کامی واقع ہوئی ہے لیکن اس پر ابھی بھی پوری طرح قابو نہیں پایا جاسکا اور دہشت گردوں کو جب بھی موقع ملتا ہے تو پاکستان میں حملہ کرنے کا سوچتے ہیں اور ان کے کارندے اسی موقع کی تلاش میں بیٹھے ہوتے ہیں.لیکن پولیس وقت پر کاروائی کرکے ان کے اس منصوبے کو ناکام بنا دیتی ہے.جیسا کہ خیبر پختون خوا پولیس نے آج لکی مروت بروقت کاروائی کرکے دہشت گردی کا ایک بڑا منصوبہ ناکام بنا دیا ہے،زمین میں چھپے ہوئے راکٹ گولے اور کارتوس برآمد کرلیے گئے۔
https://emra.tv/2019/01/28/پنجاب-کے-کئی-شہر…ند-سے-حد-نگاہ-سم/
پولیس کا کہنا ہے کہ بم ڈسپوزل اسکواڈ نے کارروائی کر کے دونوں راکٹ گولے ناکارہ بنا دیے ہیں۔تفصیل کے مطابق پولیس نے لکی مروت میں انڈس ہائی وے روڈ پر زمین میں چھپائی گئی پلاسٹک کی بوری سے دو راکٹ گولے اور 180 کارتوس برآمد کر لئے گئے ہیں۔اس طرح پولیس نے بروقت کاروائی کرکے کئی لوگوں کی جان کو محفوظ بنادیا ہے.پولیس کا یہ بھی کہنا ہے کہ واقعے کی ابتدائی تحقیقاتی رپورٹ درج کرکے اس ضمن میں مزید تفتیش شروع کر دی گئی ہے۔

لاہور(ایمرا نیوزآن لائن) جیسا کہ آپ جانتے ہیں کہ حال ہی میں پاکستانی مشہور کرکٹر شعیب ملک اور ان کی اہلیہ بھارتی ٹینس سٹار ثانیہ کے ہاں ایک ننھے مہمان کی آمد ہوئی ہے جس سے وہ بہت خوش ہیں، انہوں نے اپنے بیٹے کا نام اذہان مرزا ملک رکھا ہے اور سوشل میڈیا پر ان کے مداح اس امید میں بیٹھے ہوتے ہیں کہ اذہان کی کوئی تصویر نظر آئے اب کے مداحوں کی یہ خواہش پوری ہوگئی ہے اور شعیب ملک اور ثانیہ مرزا کے بیٹے کی ایک نئی تصویر سوشل میڈیا پر وائرل ہوگئی ہے.
https://emra.tv/2019/01/28/خیر-پور-میں-آئل-ٹینکر-اُلٹ-گیا/
تصویر میں ثانیہ مرزا اپنے بیٹے کے ساتھ بہت خوش نظر آرہی ہیں، انہوں نے تصویر کے ساتھ لکھا ہے کہ ان کے بیٹے اذہان کو بھی تصاویر بنانے کا شوق ہے. انہوں نے مزید لکھا ہے کہ وہ پاکستان اور جنوبی افریقہ کا ون ڈے میچ اپنے بیٹے کے ساتھ انجوائے کررہی ہیں.

لاہور(ایمرا نیوز )پاکستان میں حادثات میں بے تحاشا اضافہ ہوتا جارہا ہے یہ یقین بہت پریشانی کی بات ہے اس کی وجہ سے لوگوں کی جانیں غیر محفوظ ہیں. اب سندھ کے شہر خیر پور میں قومی شاہراہ پرآئل ٹینکر الٹ گیا ہے. نیشنل ہائی وے اینڈ موٹر وے پولیس کے مطابق واقعہ خیرپور میں قومی شاہراہ پر شاہ حسین کے قریب پیش آیا،آئل ٹینکر الٹنے کے بعد پیٹرول کی لیکیج شروع ہو گئی۔ جس سے لوگوں میں خوف پھیل گیا ہے اور اس کی وجہ سے بڑا نقصان بھی ہو سکتا ہے.
https://emra.tv/2019/01/28/زرداری-اور-فریال…یم-کورٹ-کے-فیصلے/
موٹر وے پولیس کے مطابق ٹینکر کراچی سے لاہور جارہا تھا اس وقت یہ حادثہ پیش آیا. .موٹر وے پولیس نے حادثے کے مقام پر پہنچ کر سڑک کو بند کرکے علاقے کو سیل کردیا ہے. جبکہ ریسکیو آپریشن شروع کردیا گیا ہے۔پولیس کے مطابق ٹینکر میں 50ہزار لیٹر پٹرول موجود ہے جس کی وجہ سے کوئی ناخوشگوار واقعہ پیش آسکتا ہے. پولیس نے سڑک بند کرکے متبادل راستے سے ٹریفک کی روانی بحال کر دی ہے۔

لاہور(ایمرا نیوزعمر خالد سے) آصف علی زرداری اور ان کی ہمشیرہ فریال تالپور کے خلاف آج کل گھیرا بہت تنگ ہے اور آئے روز ان کی پیشیاں جاری ہیں لیکن اب زرداری اور فریال تالپور نے سپریم کورٹ کے فیصلے کے خلاف نظر ثانی اپیل دائر کر دی ہے.
https://emra.tv/2019/01/28/صدر-عارف-علوی-کا-فیملی-کے-ساتھ-ڈنر/
جعلی اکاؤنٹس اور منی لانڈرنگ کیسز میں سابق صدر اور پاکستان پیپلز پارٹی کے شریک چیئرمین آصف علی زرداری اور ان کی ہمشیرہ فریال تالپور نے سپریم کورٹ کے فیصلے کے خلاف نظر ثانی اپیل دائر کر دی۔ایڈووکیٹ لطیف کھوسہ نے آصف زرداری اور فریال تالپور کی فیصلے پر نظرثانی کی اپیل تیار کی ہے جس میں کہا گیا ہے کہ ایف آئی اے بینکنگ کورٹ میں فائنل چالان داخل کرنے میں ناکام رہا ہے۔نظر ثانی اپیل میں کہا گیا ہے کہ چاہتے تھے کہ معاملہ صاف شفاف انداز سے منطقی انجام تک پہنچے، ایف آئی اے تمام اداروں کی مدد کے باوجود کوئی قابل جرم شواہد تلاش نہیں کر سکا ہے۔
نظرثانی اپیل میں مزید کہا گیا ہے کہ ایف آئی اے کی استدعا پر سپریم کورٹ نے جے آئی ٹی تشکیل دی، جس کے بعد آصف زرداری اور فریال تالپور نے جے آئی ٹی کے سامنے پیش ہو کر تحریری جواب دیا، مگر جے آئی ٹی ان کےخلاف براہ راست شواہد تلاش نہ کر سکی۔نظرثانی اپیل میں یہ بھی کہا گیا ہےکہ جے آئی ٹی نے ہمارے مؤقف کو شامل کیے بغیر رپورٹ سپریم کورٹ میں پیش کی، جے آئی ٹی کی یہ رپورٹ مفروضوں اور شکوک و شبہات پر مبنی تھی، جس کے بعد جے آئی ٹی نے بھی معاملے کی مزید انکوائری کی شفارش کی۔نظرثانی اپیل میں درخواست گزاروں نے اپنے مؤقف میں کہا ہے کہ عدالت عظمیٰ نے تسلیم کیا کہ جے آئی ٹی قابل قبول شواہد نہیں لاسکی، مرادعلی شاہ کا نام جےآئی ٹی سے نکالنے کا زبانی حکم فیصلے کا حصہ نہیں بنایا گیا۔نظر ثانی اپیل میں مزید کہا گیا ہے کہ آصف علی زرداری کو ساری زندگی سیاسی انتقام کا نشانہ بنایا گیا، مقدمہ کراچی سے اسلام آباد منتقل کرنے کا کوئی جواز نہیں تھا، قانون کی عدم موجودگی میں مختلف اداروں پر مشتمل جے آئی ٹی نہیں بنائی جا سکتی۔نظرثانی اپیل میں آصف علی زرداری اور ان کی ہمشیرہ فریال تالپور نے استدعا کی ہے کہ سپریم کورٹ کے حکم سے فیئر ٹرائل کا حق متاثر ہو گا، لہٰذا عدالت عظمیٰ 7جنوری کے اپنے فیصلے پرنظر ثانی کرے۔

لاہور(ایمرا نیوزآن لائن) صدر پاکستان ڈاکٹر عارف علوی سیاست کے ساتھ ساتھ تفریح کا بھی بہت شوق رکھتے ہیں اور وہ اپنے اچھے اخلاق کی وجہ سے جانے جاتے ہیں. وہ اپنی فیملی کے ساتھ بھی خوب وقت گزارتے ہیں پھر چاہے ان کے ساتھ کسی سینما گھر میں فلم دیکھنا ہو یا پھر کسی مشاعرے میں شرکت کرنا ہو، کچھ اسی چیز کا ثبوت انہوں نے گزشتہ رات دیا جہاں صدر پاکستان ڈاکٹر عارف علوی اپنی فیملی کے ساتھ پروٹوکول کی صرف تین گاڑیوں کے ساتھ کراچی کے ایک ریسٹورنٹ میں کھانا کھایا.
https://emra.tv/2019/01/28/نیٹ-ورک-صارفین-کے-لیے-خوشخبری/
صدر پاکستان ڈاکٹر عارف علوی ریسٹورنٹ میں لوگوں کے ساتھ بہت گل مل گئے اور شہریوں کے ساتھ خوب سیلفیاں بھی بنائیں۔ اس موقع پر وہ بہت خوشگوار موڈ میں نظر آرہے تھے.یاد رہے کہ اس موقع پر ان کے ساتھ پروٹوکول کی صرف تین گاڑیاں ساتھ تھیں کیونکہ اس سے پہلے وہ اپنے پروٹوکول کی وجہ سے کافی تنقید کا سامنا کر چکے ہیں.

لاہور(ایمرا نیوزآن لائن) تیز انٹرنیٹ استعمال کرنے والوں کے لیے خوشخبری، 3G اور 4Gکے بعد اب 5G بھی دھوم مچانے کے لیے تیار، موبائل اور اسمارٹ فون صارفین 5G کا استعمال 2020 میں کرسکیں گے، اکثر جو لوگ انٹرنیٹ استعمال کرتے ہیں انہیں اس بات کی بہت شکایت ہوتی کہ انٹرنیٹ بہت آہستہ چل رہا ہے اور انہیں کوئی ویڈیو دیکھتے ہوئے بفرنگ کا سامنا کرنا پڑتا ہے لیکن اب ان صارفین کے لیے 5G اچھی خبر لے کر آئے گا، کیونکہ اس کے استعمال کے دوران صارفین کو کوئی بفرنگ کا سامنا نہیں کرنا پڑے گا اور وہ فل سپیڈ میں انٹرنیٹ استعمال کرسکیں گے.یاد رہے کہ امریکہ میں اس سال 5G آجائے گا جس کے بعد 2020 میں اس کو دنیا بھر میں استعمال کیا جاسکیں گا، 5G نیٹ روک سے آپ صرف موبائل اور اسمارٹ فون استعمال کرنے کے ساتھ ساتھ اس سے آپ خودکار گاڑیوں، روبوٹس، اور بہت سی چیزیں باآسانی سے چلا سکیں گے.آپ سوچ رہے ہوں گے کہ یہ 5G آخر ہے کیا؟ تو ہم آپ کو بتاتے ہیں کہ 5G ایک ففتھ جنریشن وائرلیس ہے جو سیلولر ٹیکنالوجی کی ایک نئی قسم ہے اس کی سپیڈ 3G اور 4G کے مقابلے میں بہت زیادہ تیز ہے بلکہ پانچ گنا زیادہ ہے. اس کی بدولت موبائل صارفین کسی کسی بھی دوسرے ملک باآسانی اور تیز سپیڈ میں بات کرسکیں گے، اور موبائل صارفین کو اسکرولنگ کی شکایت بھی نہیں ہوگی.یہ صرف موبائل اور اسمارٹ فون صارفین کے لیے اچھی خبر نہیں لایا بلکہ اس سے کاروباری افراد بھی فائدہ اُٹھا سکتے ہیں اور اس کی مدد سے خودکار گاڑیاں تیز رفتاری سے کام کرسکیں گی.

کراچی(ایمرا نیوزآن لائن) کراچی میں شادی ہال مالکان بھی سڑکوں پر آگئے. شادی ہال مالکان کا سندھ بلڈنگ کنٹرول اتھارٹی کے خلاف احتجاج جاری ہے، شادی ہال مالکان نے کل شادی ہال بند رکھنے کی دھمکی دے دی ہے. واضع رہے ایس بی سی اے نے شادی ہال مالکان کو تین دن کے اندر شادی ہالز کسی اور جگہ منتقل کرنے کا کہا ہے ورنہ وہ شادی ہالز گرادیں گے.اس کے خلاف شادی ہال مالکان احتجاج کررہے ہیں اور انہوں (ایس بی سی اے) کے مرکزی دفتر سوک سینٹر کے باہر دھرنا دیا ہوا ہے.
https://emra.tv/2019/01/26/بارش-کا-نیا-سسٹم…-داخل-،-محکمہ-مو/
یاد رہے سپریم کورٹ کے حکم پر ایس بی سی اے نے کمرشل پلاٹس پر قائم شادی ہالز کو نوٹس بھیجے ہیں اور کہا ہے کہ وہ تین کے اند شادی ہالز کو کہیں اور منتقل کریں. قانونی کمرشل شادی ہالز کو غیر قانونی قرار دینے کے خلاف شادی ہال مالکان شدید احتجاج کررہے ہیں.شادی ہال مالکان یہ سوال کررہے ہیں کہ وہ شادی ہالز کو کہاں منتقل کریں؟
شادی ہال مالکان نے مزید کہا ہے کل ہونے والی تمام تقریبات بھی منسوخ سمجھیں، اس کی وجہ سے کراچی کے لوگوں میں پریشانی کی لہر دوڑ گئی ہے.
https://emra.tv/2019/01/26/بھارت-میں-پھنسی-…اکستانی-خاتون-کی/
یاد رہے سپریم کورٹ نے کراچی کےمتعدد شادی ہالز ، کنٹونمنٹ ایریاز میں تمام سینما گھروں، کمرشل پلازے اور مارکیٹس گرانے کا حکم دے رکھا ہے.