Tag shocking

بالٹی مور:(ایمرا نیوزآن لائن) کثیرنسلی اور وسیع آبادی پر کئے گئے ایک مطالعے سے انکشاف ہوا ہے کہ اگر کوئی جسمانی طور پر فٹ ہے اور باقاعدہ ورزش کرتا ہے تووہ کئی اقسام کے سرطانی حملوں سے بچ سکتا ہے۔ ڈیٹرائٹ کے ہینری فورڈ ہیلتھ سسٹم اور بالٹی مور کے جان ہاپکنز اسکول آف میڈیسن نے جسمانی طور پر بہترین اور فٹ افراد اور ان میں پھیپھڑوں اور آنتوں کے سرطان کے درمیان تحقیق کرکے بتایا ہےکہ ایسے لوگوں میں اول تو ان کینسر کا خطرہ کم ہوتا ہے اور دوم لاحق ہونے کی صورت میں زندہ رہنے کا امکان دیگر کے مقابلے میں بہتر ہوتا ہے۔اس سروے میں 49 ہزار سے زائد مریضوں کا ڈیٹا حاصل کیا گیا جو 1991 سے 2009 کے درمیان ورزش، اسٹریس اور فٹنس کے کئی ٹیسٹ سے گزرے تھے۔

اس گروپ میں 46 فیصد خواتین ، 64 فیصد سفید فام، 29 فیصد سیاہ فام اور ایک فیصد ہسپانوی شامل تھے۔سروے سے وابستہ کینسر کی ماہر ڈاکٹر کیتھرین مارشل نے کہا کہ یہ اپنی نوعیت کا پہلا مطالعہ ہے جس میں سفید فام کے علاوہ کثرنسلی افراد کو شامل کیا گیا ہے۔ اگرچہ ورزش اور دل کے امراض میں کمی کے درمیان گہرا تعلق دریافت ہوچکا ہے لیکن اب تک فٹنس اور ورزش اور کینسر کے درمیان تعلق دریافت نہیں کیا گیا تھا۔مطالعے میں شریک افراد کی عمریں 40 سے 70 برس تھیں اور اوسطاً ساڑھے سات سال تک ان کی ورزشی عادات مثلاً کارڈیو رسپائرٹری ورزش اور ایم ای ٹی ورزشوں کو نوٹ کیا گیا ۔

اس کے بعد ماہرین نے ان میں سرطان سے متاثرہونے کا رحجان نوٹ کیا۔سروے سے معلوم ہوا کہ انتہائی فٹ اور ورزش کرنے والے افراد میں پھیپھڑے کا کینسر لاحق ہونے کا خطرہ 77 فیصد اور آنتوں کے کینسر کا خدشہ 61 فیصد تک کم ہوجاتا ہے۔ اس کےعلاوہ تندرست اور فٹ لوگ اگر کینسر کی ان دو اقسام کے شکار ہوجائیں تب بھی ان میں بحالی اور زندہ رہنے کا امکان بہت روشن ہوتا ہے۔

واشنگٹن:(ایمرا نیوزآن لائن) ڈرون ٹیکنالوجی سے وابستہ ایک اچھی خبر آئی ہے کہ پہلی مرتبہ ڈرون کے ذریعے ایک مریض کےلیے گردے کا عطیہ اسپتال تک لے جایا گیا ہے۔یونیورسٹی آف میری لینڈ میڈیکل سینٹر کے مطابق پہلی مرتبہ آپریشن کےلیے گردے کو ڈرون کے ذریعے مقررہ اسپتال پہنچایا گیا ہے۔ ڈرون میں خاص اقسام کے سینسر لگائے گئے تھے جن کی مدد سے گردے کی افادیت پر نظر رکھی گئی تھی اور یہ واقعہ 19 اپریل کو پیش آیا ہے جس کی تفصیلات اس جمعے کو جاری کی گئی ہیں۔اس عطیے کی وصول کنندہ بالٹی مور کی ایک 44 سالہ خاتون تھیں جو مسلسل 8 برس سے ڈائلیسس کے تکلیف دہ مرحلے سے گزررہی تھیں اور عطیے کی منتظر تھیں۔

اس منصوبے کے سربراہ جوزف اسکیلا نے کہا کہ کئی سرجن، انجینئروں، ہوائی فضائی ماہرین، نرسوں اور دیگر عملے نے اپنا اہم کردار ادا کیا ہے۔اس سے قبل میری لینڈ کی اسی ٹیم نے ڈرون کے ذریعے خون کی نالیاں اور خون کے اجزا بھی ایک مقام سے دوسری جگہ تک بھیجے ہیں۔ اس طرح نازک اور حساس اشیا کی منتقلی میں بھی ڈرون کی اہمیت سامنے آئی ہے۔ واضح رہے کہ ڈرون کو امریکی ہوائی و فضائی ایجنسی ایف اے اے سے عضو لےجانے کا سرٹیفکیٹ بھی دیا گیا ہے جس کے بعد ہی گردہ منتقل کیا گیا ہے۔امریکی ماہرین کا خیال ہے کہ اس عمل سے مزید افراد بعد از مرگ عطیے کی جانب گامزن ہوں گے اور بہت سے لوگوں کی جان بچائی جاسکے گی۔

لاہور(ایمرا نیوزآن لائن) معروف سپورٹس صحافی اور تجزیہ کار سید یحیی حسینی نے دعوی کیا ہے کہ کپتان سرفرا ز احمدکو ورلڈ کپ کے دوران ہی بنچ پر بٹھانے کا پلان مکمل طور پر تیار ہے ۔ نجی ٹی وی کے پروگرام میں گفتگو کرتے ہوئے یحیی حسینی کا کہنا تھا کہ سرفراز احمد انسان تو بہت اچھے ہیں لیکن کپتان بہت کمزور ثابت ہوئے ہیں ،انہوں نے ہیڈ کوچ مکی آرتھر اور چیف سلیکٹر انضمام الحق کو بہت زیادہ چھوٹ دی جس کے باعث اب ان کے لیے مشکلات بڑھ گئی ہیں ،اگر ان کی جگہ کوئی اور کپتان ہوتا تو آسٹریلیا کے خلاف ون ڈے سیریز کے لیے آرام دیئے جانے پر انضمام الحق سے کہتا کہ ورلڈ کپ میں بھی آپ ہی کپتانی کرلیں۔یحیی حسینی کا مزید کہنا تھا کہ ورلڈ کپ کے لیے سکواڈ کو اب تک حتمی شکل نہیں دی جاسکی ہے ،پی سی بی تین کھلاڑیوں محمد رضوان ، شان مسعود اور محمد نواز کو انگلینڈ بھجو ا رہا ہے جو ٹریننگ کریں گے اور کسی کھلاڑی کے زخمی ہونے کی صورت میں ٹیم کو جوائن کرلیں گے۔یحیی حسینی کا کہنا تھا کہ سرفراز احمد نے بھی اب نوشتہ دیوار پڑھ لیا ہے اور اسی لیے ایک انٹر ویو میں کہا ہے کہ وہ ورلڈ کپ میں چوتھے نمبر پر بلے بازی کریں گے ،اگر وہ بطور بلے باز سکور نہ کرسکے تو انہیں ورلڈکپ کے دوران ہی بنچ پر بٹھادیا جائے گا اور ان کی جگہ محمد رضوان کو ٹیم میں شامل کرلیا جائے گا جبکہ شعیب ملک ٹیم کی کپتانی کریں گے۔

کرکٹ کی تاریخ کئی عجیب و غریب واقعات سے بھری ہوئی ہے
1894 میں بینبری کے میدان پر وکٹوریا اور ویسٹرن آسٹریلیا کے درمیان میچ میں بلے بازوں نے ایک گیند پر 286رنز بھاگ کر بنا ڈالے
لندن (ایمرا نیوز آن لائن) کرکٹ کی تاریخ کئی عجیب و غریب واقعات سے بھری پڑی ہے لیکن آج جس واقعے کے بارے میں آج ہم آپ کو بتانے جارہے ہیں اسے سن کر آپ کے لئے یقین کرنا بے حد مشکل ہوگا۔اگر کوئی آپ سے سوال کرے کہ ایک گیند پر زیادہ سے زیادہ کتنے رنز بن سکتے ہیں تو یقیناً آپ کا جواب ہوگا کہ اگر نو بال پر چھکا بھی لگ جائے تو کل ملا کر 7 رنز بنتے ہیں۔لیکن آج ہم آپ کو جس واقعے کے بارے میں بتانے جارہے ہیں وہ انتہائی حیران کن اور ناقابل یقین ہے، واقعہ کچھ اس طرح پیش آیا کہ 1894 میں بینبری کے میدان پر وکٹوریا اور ویسٹرن آسٹریلیا کے درمیان ایک میچ کھیلا گیا۔وکٹوریا کی ٹیم پہلے بیٹنگ کرنے میدان میں آئی تو اوپننگ بلے باز نے پہلی ہی گیند کو ہوا میں کھیل دیا، یہ گیند حیران کن طور پر میدان میں موجود ایک درخت میں جا کر پھنس گئی، ایسے میں بلے بازوں نے پچ کر رن بھاگنا شروع کردیئے۔فیلڈنگ ٹیم کی جانب سے امپائر کو گیند کھو جانے کی اپیل کی گئی تاہم امپائر نے اس اپیل کو مسترد کردیا کیونکہ گیند درخت میں اٹکی ہوئی نظر آرہی تھی۔فیلڈر گیند کو درخت سے نکالنے کی تگ و دو میں لگے رہے مگر اس دوران بلے باز بھی رنز بھاگتے ہی رہے، درخت کے طویل قامت ہونے کے باعث پھنسی ہوئی گیند کو نکالنے کا کوئی حل نظر نہ آیا تو امپائر نے درخت کاٹنے کا حکم دے دیا۔درخت کاٹنے کے لئے جب کلہاڑی کی تلاش کی گئی تو وہ نہ مل سکی، ایسے میں فیلڈنگ ٹیم نے بندوق کے ذریعے گیند پر نشانے لگائے گئے۔جب تک گیند کو درخت سے آزاد کروا کر کریز کی جانب پھینکا گیا تب تک بلے باز 286 رنز بھاگ چکے تھے جو تقریباً 6 کلومیٹر کے قریب بنتے ہیں۔

ویتنام (نیٹ نیوز/ایمرا نیوز)ویتنام میں حد سے زیادہ شراب پینے والے ایک شخص کی جان بچانے کیلئے ایک انوکھا طریقہ استعمال کیا گیا۔ غیر ملکی خبر رساں ادارے کی رپورٹ میں بتایا گیا ہے کہ مریض کے جسم میں بیئر کے 15؍ ڈبے کی ڈرپ لگائی گئی جس سے اس کی جان بچانے میں مدد ملی۔ رپورٹ کے مطابق 48؍ برس کے گویان وان نیت کو 25؍ دسمبر کی رات اسپتال لایا گیا جہاں وہ حد سے زیادہ شراب نوشی کی وجہ سے بے ہوش ہو چکا تھا۔ تشخیص سے معلوم ہوا کہ اس کے جس میں میتھنول (الکحل کی ایک قسم) کی مقدار خطرناک حد تک جا پہنچی ہے اور یہ مجوزہ حد سے ایک ہزار گنا تک پائی گئی۔

مریض کو جب اسپتال لایا گیا تو ڈاکٹر لی وان کی سربراہی میں ایمرجنسی ٹیم نے اسے تقریباً ایک لٹر بیئر کی ڈرپ لگائی۔ جس کے بعد وقتاً فوقتاً اس کے جسم میں مزید بیئر شامل کی گئی۔ مجموعی طور پر مریض کے سسٹم میں بیئر کے 15؍ کین شامل کیے گئے۔ اس عمل کی وجہ سے جگر کے میتھنول کو پراسیس کرنے کی رفتار سست ہوگئی اور مریض کی جان بچ گئی۔ میتھنول کے زہر سے متاثرہ شخص کے سسٹم میں فارمل ڈی ہائیڈ (Formaldehyde)پراسیس ہو کر فارمک ایسڈ میں تبدیل ہوتی ہے جس کی وجہ سے مریض جاں بحق ہو سکتا ہے، تاہم اس پراسیس کو روکنے یا اس کی رفتار سست کرنے کیلئے مریض کے سسٹم میں بیئر شامل کی جاتی ہے کیونکہ انسانی جگر میتھنول کی بجائے ایتھنول کے جزیات توڑنے اور ہضم کرنے کو ترجیح دیتا ہے۔ گویان وان نیت کو 15؍ بیئر کین کی ڈرپ لگانے سے ڈاکٹروں کو اتنی مہلت مل گئی وہ اس کے جسم سے خطرناک الکحل مکمل طور پر نکال سکیں۔

لاہور(ایمرا نیوز)
پیسوفک رم اور ایشیا میں چمگادڑ انسانوں کے لئے بطور خوراک کا ذریعہ ہے. انڈونیشیا، تھائی لینڈ، ویتنام، گوام، اور دیگر ایشیائی اور پیسیفک رم ممالک میں چمگارڈ کو خوراک کے طور پر استعمال کیا جاتا ہے. گوام میں، Mariana fruit bats (پیٹرپپس میرینینس) کو ایک خوشبو سمجھا جاتا ہے، اور وہاں سے شکار ہونے کی وجہ سے flying fox bat species کو خطرے میں ڈال دیا گیا تھا. انسانوں کے کھانے کے ذریعہ کے طور پر شکار ہونے کے علاوہ، چمگاڈروں کو ان کی کھالوں کے لئے بھی شکار کیا جاتا ہے. شکار کے لیے shotgun کا استعمال کیا جاتا ہے.

کھانے کے حوالے سے آکسفورڈ کے ساتھیوں کا 1999 ورژن بیان کرتا ہے کہ چمگادڑ کے گوشت کا ذائقہ بلکل چکن کی طرح ہے، اور وہ “خاص طور پر پھلوں پر رہنے والے پاک جانور” ہیں. کئی طریقوں کے ساتھ چمگادڑ تیار کی جاتی ہیں جیسے grilled، barbecued، گہری تلی ہوئی، اور stir frys. کرکے کھایا جاسکتا ہے. جبکہ چمگادڑ کا سوپ بھی کافی لوگ شوق سے پیتے ہیں. چمگادڑ کے گوشت میں کم موٹاپا موجود ہے اور پروٹین زیادہ ہے.

کھانا پکانے کے دوران، چمگادڑ کے پیشاب کی بدبو پھیل جاتی ہے جس کو لہسن، پیاز، مرچ یا بیئر شامل کرکے کم کیا ہوسکتا ہے.

آسٹریلیا:(نیٹ نیوز/ایمرا نیوز) ہم جانتے ہیں کہ ٹائپ ٹو ذیابیطس، شوگر کے مرض کی سب سے عام قسم ہے اور پورے جسم پر اس کے اثرات مرتب ہوتے ہیں۔ اب ماہرین نے پہلی مرتبہ ایک طویل سروے میں ٹائپ ٹو ذیابیطس اور دماغی انحطاط کے درمیان ایک تعلق دریافت کیا ہے۔یورپی ذیابیطس تنظیم کی اشاعت ’ڈایبیٹائلوجیا‘ میں شائع رپورٹ کے مطابق آسٹریلیا کے شہر ہوبارٹ میں تسمانیہ یونیورسٹی کے ماہرین نے مسلسل پانچ سال تک ذیابیطس کے مریضوں کا جائزہ لیا۔ اس میں انہوں نے اس مرض میں دماغی کیفیات اور دماغی سرگرمی میں کمی کو بطورِ خاص ہدف بنایا۔

ماہرین نے 55 سے 90 سال کے ایسے 705 مریضوں کا جائزہ لیا جو ڈھلتی عمر کے ساتھ ساتھ گرتی دماغی صلاحیتوں کے شکار تھے۔ان میں 348 افراد ذیابیطس کے شکار تھے جبکہ 357 کو ایسا کوئی مرض نہ تھا۔ تمام مریضوں کے ایم آر آئی اسکین لیے گئے اور ان کے دماغی حجم کا جائزہ لیا گیا۔ اس کے بعد مسلسل 5 برس تک تمام مریضوں کے 7 اقسام کے معیاری دماغی ٹیسٹ لیے گئے لیکن مرض کے ساتھ اور مرض کے بغیر دونوں گروہوں میں دماغی حجم میں کمی یکساں نوٹ کی گئی۔ماہرین نے کہا کہ جن افراد کو ذیابیطس تھا ان میں گفتگو کی تیزی اور باتوں سے متعلق یادداشت میں واضح کمی دیکھی گئی تاہم ماہرین نے کہا کہ ورزش، طرزِ زندگی اور خوراک سے اس نقصان کا ازالہ کیا جاسکتا ہے۔