Tag shoib malik

لاہور(حافظ عمر سعید)شعیب ملک 4 دہائیوں میں انٹرنیشنل کرکٹ کھیلنے والے دنیا کے آٹھویں کرکٹر بن گئے، پاکستانی اسٹارکی عمرتو 38 برس ہے مگر تکنیکی طور پر انھیں انٹرنیشنل کرکٹ کھیلتے ہوئے چوتھی دہائی شروع ہو چکی۔شعیب ملک نے ون ڈے انٹرنیشنل ڈیبیو 1999 میں ویسٹ انڈیز کے خلاف شارجہ میں کیا جبکہ ٹیسٹ کیریئر کا آغاز بنگلادیش کے خلاف ملتان میں 2001 میں کیا۔ 1999 میں ایک دہائی کا اختتام ہورہا تھا، 2009 میں دوسری، 2019 میں تیسری دہائی ختم ہوئی اور اب سابق پاکستانی کپتان کے انٹرنیشنل کیریئر کی چوتھی دہائی شروع ہوچکی ہے، جس میں انھوں نے بنگلہ دیش کے خلاف لاہور میں 2 ٹوئنٹی 20 میچز کھیلے۔

اس منفرد کلب میں شعیب ملک نے ویلفریڈ رہوڈز، ڈینس برین کلوز، فرینک وولی، سچن ٹنڈولکر، جیک ہوبز، گریگ گن اور سنتھ جے سوریا کو جوائن کرلیا۔ سری لنکا کے سابق کپتان بھی شعیب ملک کی صلاحیتوں کے معترف اور ان کی فٹنس کو سراہتے ہیں۔

جے سوریا نے کہاکہ شعیب ملک ایک ورسٹائل پلیئر ہیں، انھوں نے ہمیشہ ہی ہمارے خلاف اچھا پرفارم کیا اور بے تحاشا رنز بنائے، وہ ہمیشہ ہی گیند کے ساتھ بھی ہمارے لیے بڑا خطرہ ثابت ہوئے، اتنے طویل عرصے تک انٹرنیشنل کرکٹ جاری رکھنے میں ان کی فٹنس کا کافی عمل دخل ہے، اپنے کیریئر کو اتنا آگے لے آنا بھی بہت بڑی بات ہے۔

(ایمرا نیوزآن لائن) قومی کرکٹر شعیب ملک کی اہلیہ و بھارتی ٹینس اسٹار ثانیہ مرزا نے بیٹے اذہان کی پہلی سالگرہ پر مداحوں سے جذباتی پوسٹ شیئر کی۔

ثانیہ مرزا نے بیٹے اذہان کی پیدائش کے بعد لی گئی ایک یادگار تصویر انسٹاگرام پر شیئر کی جس میں انہوں نے بیٹے کو دعائیں اور پہلی سالگرہ کی مبارک باد پیش کی۔

ثانیہ نے اپنے جذبات کا اظہار کرتے ہوئے لکھا کہ ’جس ایک برس سے تم دنیا میں آئے تب سے تم میری دنیا بن گئے۔ جس دن تم پیدا ہوئے تم مسکرائے اور جب سے تمہاری مسکراہٹ ہر جگہ بکھر جاتی ہے جہاں تم جاتے ہو‘۔ بیٹے سے محبت کا اظہار کرتے ہوئے ثانیہ مرزا نے لکھا کہ ’میں وعدہ کرتی ہوں کہ میں اپنی زندگی کے آخری سانس تک تمہارے ساتھ رہوں گی‘۔

آخر میں ثانیہ مرزا نے بیٹے کو مستقبل کے لیے دعائیں بھی لکھیں۔ ثانیہ مرزا نے انسٹاگرام پر بھی ایک ویڈیو شیئر کی جس میں ان کی بہن اذہان کو گود میں لے کر بیٹھی ہیں اور پوچھتی ہیں کہ اذہان آپ کس برس میں داخل ہونے جارہے ہیں؟ جس پر ننھے اذہان نے بڑی معصومیت سے انگلی کو اٹھا کر اشارہ کیا۔

لاہور(ایمرا نیوزآن لائن) جیسا کہ آپ جانتے ہیں کہ حال ہی میں پاکستانی مشہور کرکٹر شعیب ملک اور ان کی اہلیہ بھارتی ٹینس سٹار ثانیہ کے ہاں ایک ننھے مہمان کی آمد ہوئی ہے جس سے وہ بہت خوش ہیں، انہوں نے اپنے بیٹے کا نام اذہان مرزا ملک رکھا ہے اور سوشل میڈیا پر ان کے مداح اس امید میں بیٹھے ہوتے ہیں کہ اذہان کی کوئی تصویر نظر آئے اب کے مداحوں کی یہ خواہش پوری ہوگئی ہے اور شعیب ملک اور ثانیہ مرزا کے بیٹے کی ایک نئی تصویر سوشل میڈیا پر وائرل ہوگئی ہے.
https://emra.tv/2019/01/28/خیر-پور-میں-آئل-ٹینکر-اُلٹ-گیا/
تصویر میں ثانیہ مرزا اپنے بیٹے کے ساتھ بہت خوش نظر آرہی ہیں، انہوں نے تصویر کے ساتھ لکھا ہے کہ ان کے بیٹے اذہان کو بھی تصاویر بنانے کا شوق ہے. انہوں نے مزید لکھا ہے کہ وہ پاکستان اور جنوبی افریقہ کا ون ڈے میچ اپنے بیٹے کے ساتھ انجوائے کررہی ہیں.

لاہور(نیٹ نیوز) ضلعی انتظامیہ کوپچیس سال بعد شہرمیں اربوں روپے کی پراپرٹی مل گئی۔ لیکن ڈسٹرکٹ محکمہ مال کی سستی کی وجہ سے 19پٹرول پمپس کی اراضی پر قبضہ مافیا تاحال براجمان۔ 19پٹرول پمپس کی سرکار زمین تاحال واگزار نہ کروائی جا سکی۔ لیزختم ہوئے پچیس سال سے زائد کا عرصہ ہوگیا۔ پٹرول پمپس واگزار نہیں کروائے گئے۔ ریونیو افسران کی کاغذی کارروائیاں۔پٹرول پمپس کی لیز ختم تو ہوئی لیکن اندرکھاتے وصولیاں جاری،مگر خزانہ میں رقم نہ آئی۔ 25 سالوں میں پٹرول پمپس کی رقم بڑھائی گئی نہ ہی زمین واپس لی گئی۔ ریلوے سٹیشن،شاہدرہ،قلعہ گجر سنگھ، والٹن روڈ، لوئرمال روڈ، میکلوڈ روڈ، ریلوے ہیڈ کواٹر، شالیمارگارڈن، موری گیٹ کے پٹرول پمپ شامل۔شملہ پہاڑی، وحدت روڈ، ٹرک سٹینڈ راوی روڈ،چلڈرن ہسپتال ،آوٹ فال روڈ کے پٹرول پمپ کی نیلامی بھی تاحال نہیں ہو سکی۔ادھر ریونیو ڈیپارٹمنٹ نے پٹرول پمپس کی نیلامی کیلئے ڈپٹی کمشنر کوخط بھی لکھ دیا ہے۔