Tag singer

لاہور(ایمرا نیوزآن لائن)بین الاقوامی شہرت یافتہ میوزک بینڈ ایکسنٹ کے بانی گلوکار اینڈرین ثانا نے پاکستان سے اظہار محبت کرتے ہوئے یوم پاکستان پر پاکستانی پرچم کیساتھ اپنی تصویر ٹوئٹر پر شیئر کی۔ گلوکار نے پاکستانی قوم کو یوم پاکستان کی مبارکباد پیش کی اور دوبارہ پاکستان آنے کی خواہش کا بھی اظہار کیا۔اینڈرین ثانا نے کہا پاکستان میں اپنے پرستاروں کو بہت مس کر رہا ہوں، جلد انکے سامنے پرفارم کروں گا۔ اس موقع پر انہوں نے ایک ویڈیو بھی جاری کی جس میں انہوں نے دورہ پاکستان کے حوالے سے اپنی یادوں کو تازہ کیا۔ ایکسنٹ میوزک بینڈ کا تعلق رومانیہ سے ہے ، گلوکار کے قریبی ذرائع نے روزنامہ 92نیوز کو بتایا کہ اینڈرین دنیا بھر میں پرفارم کرتے ہیں اور انہیں پاکستان کے دورے کے بعد یہاں کے پرستاروں سے بے پناہ محبت ہو چکی ہے ،جسکی وجہ سے عید یا یوم آزادی کا موقع ہو، وہ اس حوالے سے ٹویٹس کرتے ہیں اور اسی وجہ سے بہت سے بھارتی شہری ان کا برا بھلا کہتے ہیں، لیکن انہوں نے کبھی پروا نہیں کی اور پاکستانیوں سے مزید محبت کا ثبوت دیا جبکہ وہ رواں سال پاکستان کا دورہ بھی کر رہے ہیں۔

پرفارمنس کے بعد گلوکارہ کئی دن متحدہ عرب امارات کی سیاحت سے لطف اندوز ہوتی رہیں
دبئی(ایمرا نیوز آن لائن)معروف کینیڈین گلوکارہ ایورل لیویگن گزشتہ دنوں متحدہ عرب امارات میں موجود تھیں ،جہاں انہوں نے سالانہ ’سپیشل اولمپکس‘ کی افتتاحی تقریب میں پرفارم کیا۔ اپنی پرفارمنس کے بعد گلوکارہ کئی دن متحدہ عرب امارات کی سیاحت سے لطف اندوز ہوتی رہیں۔ اس دوران وہ اپنی مختلف مقامات پر بنائی گئی تصاویر اپنے انسٹاگرام پر پوسٹ کرتی رہیں۔ان میں سے ایک تصویر انہوں نے ایسا لباس پہن رکھا تھا کہ دنیا میں دھوم مچ گئی۔ویب سائٹ ’پڑھ لو‘کے مطابق اس تصویر میں ایورل لیویگن نے مکمل طور پر مسلم خواتین کا روپ اپنا رکھا تھا، انہوں نے سر پر دوپٹہ لے رکھا تھا اور سیاہ عبائیہ پہن رکھا تھا۔یہ تصویر پوسٹ ہونے کی دیر تھی کہ ان کی ان میں وائرل ہو گئی اور صارفین کمنٹس میں گلوکارہ کی تعریف کرنے لگے۔ ایک شخص نے لکھا کہ ”بہت خوبصورت۔“ایک اور نے کہا کہ ”تم ہر طرح کے لباس میں خوبصورت لگتی ہو۔ایک لڑکی نے لکھا کہ ”ایورل! تمہیں عبائیہ بہت جچ رہا ہے۔“ایک صارف نے کہا کہ ”تم لڑکیوں اور خواتین کے لیے رول ماڈل ہو۔“

ایسے مرد کےساتھ ہوں جو میرے لیے چادر اور حیا ہے
معروف گلوکارہ کی عورت مارچ کی مذمت
کراچی(ایمرا نیوز آن لائن)معروف گلوکارہ و اداکارہ رابی پیرزادہ نے کہا ہے کہ میں ایسے مرد کےخلاف نہیں ساتھ کھڑی ہوں جو میرے لیے چادر اور حیا ہے، میں مرد سے نفرت نہیں کر سکتی۔اپنے ٹویٹر پیغام میں لکھا کہ مجھے ماڈرن اور لبرل ہونا پسند نہیں کیونکہ کہ میں ایسے مرد کےخلاف کھڑی نہیں ہو سکتی جس کی خواہش پر عورت کو تخلیق کیا گیا۔ انہوں نے ایک اور پیغام میں کہا کہ اللہ کے نبی حضرت محمدﷺ بھی مرد تھے اور ان سے بڑھ کر دنیا میں کوئی انسان قابلِ عزت و احترام نہیں، اس لیے میں کسی مرد کو برا نہیں کہہ سکتی۔ رابی پیر زادہ پاکستان کے لیجنڈ اداکار عثمان پیرزادہ اور اداکارہ ثمینہ پیرزادہ کی بیٹی ہیں اور خود بھی ایک بہت معروف گلوکارہ ہیں۔انہوں نے یومِ خواتین پر ہونے والے عورت مارچ کی مذمت کرتے ہوئے کہا کہ مارچ میں جو دکھایا گیا وہ سب غلط تھا اور مردوں کی تذلیل کا سبب بنا۔

امریکی صدر تمام مسلمانوں سے معافی مانگیں جو یہاں اچھی زندگی کے حصول کے لیے آئے ہیں، گلوکار
نیویارک(ایمرا نیوز آن لائن) امریکا کے مقبول ترین گلوکار جان راجر اسٹیفن المعروف جان لیجنڈ نے سانحہ کرائسٹ چرچ کا ذمہ دار صدر ڈونلڈ ٹرمپ کو قراردیتے ہوئے ٹرمپ پر زور دیا ہے کہ وہ مسلمانوں سے معافی مانگیں۔امریکی گلوکار جان لیجنڈ نے ایک انٹرویو کے دوران امریکی صدر ڈونلڈ ٹرمپ پر زور دیا کہ وہ ان تمام مسلمانوں سے معافی مانگیں جو یہاں اچھی زندگی کے حصول کے لیے آئے ہیں۔ انہوں نے کہا کہ ڈونلڈ ٹرمپ کے نفرت انگیز بیانات مسلمانوں کو بدنام کرتے ہیں اور لوگوں کو سانحہ نیوزی لینڈ جیسے واقعات کرنے کے لیے اکساتے ہیں، لہذا ٹرمپ کو مسلمانوں سے معافی مانگنی چاہئے۔جان لیجنڈ نے اپنے ایک ٹوئٹ میں کہا کہ صدرٹرمپ واقعے کےبراہ راست ذمہ دارنہیں ہیں لیکن ان کے بیانیے نے قاتل کو نیوزی لینڈ جیسے واقعے کے لیے اکسایا ہے۔ انہیں یہ تسلیم کرناہوگا کہ وہ ایسی بیان بازی کرکے غلط کررہےہیں۔ امریکی صدربرائی کے اس نظریے کی مذمت کریں اوراس کامقابلہ کرنے کے لیے حقیقی اقدامات کریں۔ڈونلڈ ٹرمپ مہاجرین کے لیے اکثر اشتعال انگیز زبان استعمال کرتے ہیں، 2016 میں اپنی انتخابی مہم کے دوران بھی ٹرمپ نے امریکا میں رہنے والے میکسیکو کے شہریوں کے لیے نہایت غلط زبان استعمال کرتے ہوئے انہیں منشیات کا اسمگلر قرار دیا تھا۔واضح رہے کہ اس سے قبل بھی جان لیجنڈ نے ٹوئٹر پر سانحہ کرائسٹ چرچ کی شدید الفاظ میں مذمت کرتے ہوئے اس واقعے کو خوفناک قرار دیتے ہوئے کہا تھا کہ یہاں اوربیرون ممالک یہ سفیدفاموں کی برتری کی دہشت گردانہ تحریک تباہ کن ہے ہمیں اس کے خلاف متحد ہونے کی ضرورت ہے۔

ہانیہ وہ ہیں جو میری زندگی میں بہت سی خوشگوار اور مثبت چیزیں لاتی ہے:گلوکار
کراچی(ایمرا نیوز آن لائن) گلوکار عاصم اظہر نے کہا ہے کہ ہانیہ وہ انسان ہیں جو میری زندگی میں بہت سی خوشگوار اور مثبت چیزیں لاتی ہے۔ایک انٹرویو میں گلوکار کا کہنا تھا کہ ہانیہ عامر سے تعلق پر کچھ نہیں کہہ سکتا ،تاہم اس سوال پر میرا دل بہت تیزی سے دھڑک رہا ہے، مجھے ایسا لگتا ہے کہ ہانیہ وہ انسان ہے جو میرے لیے بہت سی مثبت چیزیں لاتی ہے، اور جب بھی ہانیہ کےساتھ ہوتا ہوں مجھے بہت اچھا محسوس ہوتا ہے۔

لاہور(ایمرا نیوزآن لائن)

لاہور (ایمرا نیوز آن لائن)معروف فوک گلوکار عارف لوہار نے کہا ہے کہ بھارتی پائلٹ رہا کر کے پاکستان نے دنیا بھر میں امن پسند ملک ہونے کا ثبوت دیا ہے ، ہماری فوج ہمارا مان ہے ، کلمے کے نام پر حاصل کیے گئے ملک پاکستان کی حفاظت خدا کے سپاہی خود کرتے ہیں اس ملک کی طرف میلی آنکھ سے دیکھنا بھی مہنگا پڑتا ہے ۔ انہوں نے این این آئی سے خصوصی گفتگو کرتے ہوئے کہا کہ ہم فنکار امن کے سفیر ہوتے ہیں جو دنیا میں امن ، محبت اور بھائی چارے کی بات کرتے ہیں ، ہم اپنے پڑوسی ممالک کے ساتھ ہمیشہ اچھے تعلقات کے خواہاں رہے ہیں مگر بھارت نے ہمیشہ ہماری امن پسندی کو کمزوری تصور کیا ہے ۔انہوںنے کہا کہ امن سے بڑھ کر کوئی طاقت نہیں ،امن کے راستے پر چل کر ہی دنیا کے ہر مسئلے کا حل نکل سکتا ہے ۔انہوں نے کہا کہ یہ ملک امن پسند لوگوں کا ہے اور ہم بلا وجہ جنگ جیسے خطرناک سے نہیں گزرنا چاہتے ۔ہماری افواج کا شمار دنیا کی پانچ بہترین افواج میں ہوتا ہے اور ہمارے وطن کے جوان ہمارا مان ہیں جو اپنے وطن کے چپے چپے کا دفاع کرنا جانتے ہیں ۔عارف لوہار نے کہا کہ میں بھارتی وزیر اعظم کو کہتا ہوں کہ وہ صرف امن کی بات کریں کیونکہ امن سے ہی دونوں ممالک کے عوام میں خوشحالی آسکتی ہے ۔ اگر خدانخواستہ ہم پر جنگ مسلط کی گئی تو پھر ہم اپنے دفاع کا حق محفوظ رکھتے ہیں ۔انہوں نے کہا کہ ہم نے خیر سگالی طور پر بھارتی پائلٹ کو رہا کر کے دنیا میں ثابت کر دیاہے کہ پاکستان امن پسند ملک ہے ۔

عربی زبان پر بھی عبور حاصل ہے، وہ گلوکاری کے ساتھ عربی زبان میں وائس اوور کا فری لانس کام بھی کرتے ہیں
ریاض (ایمرا نیوز آن لائن) پاکستان اور سعودی عرب کے تاریخی ثقافت کو مزید ایک دوسرے کے قریب لانے کے لیے جہاں دونوں ممالک ریاستی سطح پر بھی کوشاں ہیں، وہیں سعودی عرب میں مقیم پاکستانی نژاد گلوکار نعیم سندھی بھی اس تعاون کو بڑھانے میں اپنا کردار ادا کر رہے ہیں۔نعیم سندھی گزشتہ کئی سال سے سعودی عرب میں گلوکاری کے ذریعے نہ صرف اپنے صوبہ سندھ بلکہ پاکستان کے چاروں صوبوں کی موسیقی کے ساتھ ساتھ عرب موسیقی کو بھی پیش کرکے ایک نمایاں مقام بنانے کے لیے کوشاں ہیں۔23 سالہ نعیم سندھی اس وقت سعودی عرب کے ساحلی اور پر رونق شہر جدہ میں رہتے ہیں اور وہیں ان کی پیدائش ہوئی تھی۔نعیم سندھی کے والدین کا تعلق صوبہ سندھ کے ضلع جامشورو کے شہر سن سے ہے اور وہ پچاس سال قبل روزگار کے سلسلے میں سعودی عرب منتقل ہوگئے تھے۔
شہریت نہ لینے کے حوالے سے پوچھے گئے سوال پر نعیم کا کہنا تھا کہ دراصل ان کے دادا نہیں چاہتے تھے کہ ان کی نسلیں اپنے وطن کو بھلا کر سعودی عرب کے ہوکر رہ جائیں، اس وجہ سے نہ تو ان کے والدین نے شہریت لی اور نہ ہی انہوں نے کبھی اس حوالے سے سوچا۔سعودی عرب میں تعلیم اور تربیت لینے والے نعیم سندھی نے اگرچہ باضابطہ طور پر نہ تو سندھی زبان کی تعلیم حاصل کی ہے اور نہ ہی انہوں نے اردو، پنجابی، سرائیکی اور بلوچی زبان کو باقاعدگی سے پڑھا ہے، لیکن پھر بھی وہ روانی سے یہ زبانیں بول لیتے ہیں۔پاکستان کی بڑی زبانوں کے ساتھ نعیم سندھی کو عربی زبان پر بھی عبور حاصل ہے، وہ گلوکاری کے ساتھ عربی زبان میں وائس اوور کا فری لانس کام بھی کرتے ہیں۔چوں کہ انہوں نے تعلیم و تربیت بھی سعودی عرب میں حاصل کی، اس وجہ سے ابتدائی طور پر ان کی دلچسپی بھی صرف عربی میوزک میں ہی تھی، تاہم انہیں بڑھتی عمر نے احساس دلایا کہ اپنی مادری زبان اور اپنے ملک کی ثقافت ہی انسان کو منفرد شناخت فراہم کرتی ہے۔نعیم سندھی نے بتایا کہ ابتدائی طور پر انہیں عربی ہپ ہاپ میوزک میں دلچسپی تھی اور انہوں نے اس پر کافی عبور بھی حاصل کرلیا تھا۔جیسے جیسے نعیم سندھی کی عمر بڑھتی گئی ان کی میوزک میں دلچسپی بھی بڑھتی گئی اور ان کی توجہ عربی ہپ ہاپ سے ہٹ کرپاکستانی موسیقی کی طرف ہوگئی اور انہوں نے کسی خاص استاد کے بغیر ہی پاکستان کی مختلف زبانوں میں گلوکاری کی شروعات کردی۔

عدالت نے گلوکار پر کم سے کم 4 خواتین اور نابالغ لڑکیوں کو ریپ اور جنسی تشدد کا نشانہ بنائے جانے کی فرد جرم عائد کی تھی
الینوائے (ایمرا نیوز آن لائن)کم سے کم 50 خواتین اور کم عمر لڑکیوں کو ریپ اور جنسی تشدد کا نشانہ بنانے والے گلوکار 52 سالہ رابرٹ سلویسٹر کیلی (آر کیلی) پر امریکی عدالت نے 2 دن قبل ہی فرد جرم عائد کی تھی۔عدالت نے گلوکار پر کم سے کم 4 خواتین اور نابالغ لڑکیوں کو ریپ اور جنسی تشدد کا نشانہ بنائے جانے کی فرد جرم عائد کی تھی۔عدالت کی جانب سے فرد جرم عائد کیے جانے کے بعد آر کیلی نے 23 فروری کو ہی خود پولیس تھانے پہنچ کر گرفتاری پیش کی تھی۔ تاہم اب عدالت نے ان کی ضمانت منظور کردی۔ ریاست الینوائے کی کک کانٹی کی عدالت نے گلوکار کی ضمانت منظور کی۔کک کانٹی کے جج جوہن فٹزگیرالڈ نے گلوکار کی ضمانت 10 لاکھ امریکی ڈالر کے عوض منظور کرتے ہوئے انہیں فوری طور پر ایک لاکھ ڈالر جمع کرانے کی ہدایت کی۔عد الت نے حکم دیا کہ آر کیلی کو ایک لاکھ ڈالر نقد جمع کرانے کے بعد رہا کیا جائے، تاہم گلوکار کے وکیل نے ضمانت منظور ہونے کےبعد بتایا کہ لگتا نہیں کہ ان کے مکل ایک لاکھ ڈالر کا انتطام کر پائیں گے۔عدالت نے آر کیلی کی ضمانت منظور کرتے ہوئے انہیں متاثرہ خواتین سے رابطہ کرنے سے بھی روک دیا۔عدالت نے آر کیلی اور ان کے وکیل کو واضح طور پر ہدایت کی کہ وہ کسی بھی متاثرہ خاتون سے رابطہ نہیں کریں گے اور خصوصی طور پر وہ کسی بھی نابالغ لڑکی سے رابطہ کرنے کی کوشش نہ کریں۔عدالت نے آر کیلی کی ضمانت منظور کرتے ہوئے ان کا پاسپورٹ بھی ضبط کرلیا۔تاہم گلوکار کی ضمانت منظور ہونے کے بعد ان کے وکیل نے میڈیا کو بتایا کہ ان کے مکل ایک لاکھ ڈالر کا انتظام کرنے کے اہل نہیں ہیں۔

لیڈی گاگا نے 19 اکتوبر 2018 کو خود سے 17 سال بڑے اور ٹیلنٹ ایجنٹ 49 سالہ کرسٹیئن کرنیو سے منگنی کرلی تھی
لاس اینجلس (ایمرا نیوز آن لائن) ہالی وڈ اداکارہ اور گلوکارہ لیڈی گاگا کی منگنی ٹوٹنے کی تصدیق ہو گئی۔ لیڈی گاگا نے 19 اکتوبر 2018 کو خود سے 17 سال بڑے اور ٹیلنٹ ایجنٹ 49 سالہ کرسٹیئن کرنیو سے خاموشی سے منگنی کرلی تھی۔اگرچہ ان دونوں کی مگنی کی خبریں بھی کئی ماہ سے گردش میں رہیں ،تاہم اکتوبر میں گلوکارہ نے پہلی بار خود اعتراف کیا کہ انہوں نے کرسٹیئن کرنیو سے منگنی کرلی ہے۔لیڈی گاگا کی کرسٹن کیرینو کے ساتھ دوستی دو سال قائم رہی تاہم اختلافات کے باعث علیحدگی پر منتج ہوئی۔ذرائع ابلاغ کے مطابق گلوکارہ لیڈی گاگا کے نمائندے نے ان کے منگیتر کرسٹن کیرینو کےساتھ منگنی ٹوٹنے کی تصدیق کر دی۔ ان کا اس خبر کی تصد یق کرتے ہوئے کہنا تھا کہ کچھ رشتوں کا ختم ہونا قائم رہنے سے بہتر ہوتا ہے۔ قبل ازیں لیڈی گاگا سابق منگیتر کرسٹن کو اپنی زندگی کے اہم حصے کے طور پر متعارف کروایا کرتی تھیں۔