Tag sports

(سپورٹس ڈیسک/ایمرا نیوز)
انڈر ٹیکر وہ 24 مارچ 1965 کو پیدا ہوا اُس کا اصلی نام مارک ولیم کیلاوےہے۔ریسلنگ میں ڈر اور خوف کا راج اینڈر ٹیکر سے تھا، اُس کے آنے کا انداز ہی اپنے حریف پر نفسیاتی دبائو ڈال دیتا تھا۔

اپنے کیرئیرکا آغاز اس نے 1984 میں کیا۔’ریسل مینیا‘ میں اس نے 23 میچز جیتے۔اپنے حریف کے ہار جانے پر اس نے کئی دفعہ تابوت میں بند کر کے آگ بھی لگائی۔اکثر میچز میں انڈر ٹیکر اپنے گلے پر نام ’سارہ‘ لکھا ہوتا تھا جو اِن کی بیوی کا نام تھا۔ اِن کی تین بیویاں تھیں، پہلی کا نام جوڈی لین، دوسرا کا سارہ فرینک اور تیسری مشل میک کول تھا۔ انڈر ٹیکر کا قد چھ فٹ دس انچ ہے۔ان کی ٹرینگ ڈون جارڈن نے کی۔ان کے خطرناک میچز میں ایک میچ ’ہیل ان دا سیل ‘ہوا کرتا تھا۔ وہ متعدد بار ورلڈ ہیوی ویٹ چمپئن بھی رہے۔ہر ریسلر کا کوئی نہ کوئی آخری دائو ضرور ہو تا ہے ، انڈر ٹیکر کا آخری دائو بھی ایسا ہی ہو ا کرتا تھا کہ شاید ہی کو ئی دوبارہ اس دائو کہ بعد اُٹھ سکا ہو۔

لاہور:(سپورٹس ڈیسک/ایمرا نیوز) پاکستان سپر لیگ کے چوتھے ایڈیشن کے لیے ایونٹ میں شامل چھٹی ٹیم کے لیے پیشکشیں طلب کرلی گئیں۔ پاکستان کرکٹ بورڈ کے مطابق پی ایس ایل کی چھٹی ٹیم کی نیلامی میں حصہ لینے کے لیے فارم 14 دسمبر تک لیے جاسکتے ہیں جسے 18 دسمبر تک جمع کرایا جاسکے گا۔پی سی بی کا کہنا ہے کہ نیلامی کے نتائج کا اعلان 18 دسمبر کی سہہ پہر کیا جائے گا۔یاد رہے کہ پاکستان سپر لیگ کے تیسرے ایڈیشن میں شامل ہونے والی چھٹی ٹیم ‘ملتان سلطان’ 52 کروڑ میں فروخت ہوئی تھی، اس سال ڈرافٹ سے قبل پی سی بی کو بینک گارنٹی اور فرنچائز فیس نہ دینے کے باعث مالکانہ حقوق سے دست بردار ہو گئی تھی۔تحریک انصاف کے رہنما جہانگیر ترین کے صاحبزادے علی ترین نے چھٹی ٹیم کی خریداری میں دلچسپی ظاہر کی ہے اور اس حوالے سے وہ پرامید ہیں کہ اگر وہ ٹیم کے مالکانہ حقوق حاصل کرنے میں کامیاب رہے تو اس کا نام ملتان سلطان برقرار رہے گا۔

لاہور(ایمرا نیوز) اسٹون کولڈ 90 کی دہائی میں ڈبلیو ڈبلیو ای کا وہ جانا پہچانا نام تھے جنہوں نے ادارے کو اپنے مدمقابل ڈبلیوسی ڈبلیو کو پیچھے چھوڑنے میں بھرپور مدد کی تھی۔ یہ آسٹن ہی تھے جنہوں نے ریسلنگ کو ایک سحر میں تبدیل کردیا۔ اور ان کی دیکھا دیکھی دیگر ریسلر بھی کوئی نہ کوئی منفرد انداز اپناتے نظر آئےجیسا کہ ڈبلیو ڈبلیو ای کے سپر اسٹار انڈر ٹیکر جو کہ آسٹن کی تقلید میں ہیوی بائیک پر رنگ میں انٹری دینے لگے۔آسٹن چھ مرتبہ ڈبلیو ڈبلیو ای چیمپئین رہ چکے ہیں اور آج بھی ان کی پہچان سمجھی جانے والی شیشہ ٹوٹنے کی آواز اگر آتی ہے تو ریسلنگ ارینا میں ناظرین آسمان سرپراٹھالیتے ہیں۔اسٹون کولڈ کے لیے 2003 سے مشکلات کا آغاز ہوا جب وہ گھٹنوں کی انجری کا شکار ہوئے اور اسکے بعد انہیں گردن میں انجری بھی سہنا پڑی لیکن انہوںنے ہمت نہیں ہاری اور کسی نا کسی طرح رنگ میں اپنی موجودگی کو برقرار رکھا۔سن 2005 سے انہوں نے اپنے فلم کیریئر کا آغاز کیا اور 2007 میں وہ ’دی کنڈیمنڈ نامی فلم میں مرکزی کردار کے طور ہر جلوہ گر ہوئے اور اسکے بعد دی ایکسپینڈیبلز اور گرون اپ 2 میں بھی شاہکار پرفارمنس دی۔اسٹون کولڈ ایک دہائی سے زیادہ عرصے سے ریٹائرمنٹ کی زندگی گزار رہے ہیں لیکن ابھی بھی وہ کبھی کبھی سرپرائز انٹری دیتے ہیں اور اس شو کی ریٹنگ آسمان کی بلندیوں کو چھوتی ہے جیسے کہ ریسلیمینا وغیرہ۔

(سپورٹس ڈیسک/ایمرا نیوز) بھارتی کرکٹ کپتان ویرات کوہلی شارٹس پہن کر ٹاس کے لئے آئے تو ٹوئٹر پر نا صرف ان کا مذاق بنا بلکہ ان کی خوب کھنچائی بھی ہوئی۔بھارتی کرکٹ کپتان ویرات کوہلی کے لئے مشہور ہے کہ وہ بہت دنت تنقید سے دور نہیں رہ سکتے۔کرکٹ آسٹریلیا سے وارم اپ میچ کے موقع پر شارٹس پہن کر ٹاسکیلئے آنے والے بھارتی کپتان ویرات کوہلی سوشل میڈیا ویب سائٹ ٹوئٹر پر تنقید کا نشانہ بن گئے۔بھارتی کرکٹ بورڈ(بی سی سی آئی)نے ٹوئٹر پر کوہلی کی تصویر شیئر کی جس میں وہ شارٹس پہنے ہوئے تھے جس کے بعد شائقین کرکٹ نے اس حرکت کو جینٹل مین گیم کی بے ادبی قرار دے دیا ۔کچھ صارفین نے انہیں یاد دلایا کہ ایشیا کپ میں کیپ درست نہ پہننے پر کس طرح سنیل گاوسکر نے پاکستانی اوپنر فخر زمان پر اعتراض کیا تھا۔ایک صارف نے کہا کہ آپ بہت زبردست کھلاڑی ہیں ، ہم آپ کا احترام کرتے ہیں مگر اس کا یہ مطلب نہیں کہ آپ اخلاقیات بھول جائیں، وارم اپ میچ میں دوران ٹاس شارٹس پہننامکمل طور پر نا قابل قبول ہے۔

(نیٹ نیوز/ایمرا نیوز)
جان سینا نے ڈبلیو ڈبلیو ای میں 2002 میں کرٹ اینگل کے خلاف میچ سے ڈیبیو کیا تھا اور اب وہ سب سے زیادہ چاہے جانے والے ریسلرز میں سے ایک ہیں۔جان سینا نہ صرف 15 بار ورلڈ چیمپئن رہ چکے ہیں بلکہ فلاحی کاموں میں بھی وہ پیش پیش ہیں جس کی ایک مثال یہ ہے کہ وہ اب تک میک اے وش فاﺅنڈیشن کی 400 سے زائد خواہشات پوری کرچکے ہیں۔

22 سال کی عمر میں ریسلر بن جانے والے جان سینا کے بارے میں پرستار بہت کچھ جانتے ہیں مگر ان کے چند پہلو ایسے ہیں جن سے ہوسکتا ہے آپ واقف نہ ہو۔مکڑیاں جان سینا کو ڈرا دیتی ہیں، جی ہاں یہ بات صحیح ہے رنگ میں بڑے بڑے ریسلرز کو خاک چٹانے والے جان سینا خود ایک چھوٹی سی مکڑی سے ڈر جاتے ہیں۔جان سینا نے ویٹ لفٹنگ اس وقت شروع کی جب وہ اسکول میں بدزبانی کا شکار ہونے لگے جس سے بچنے کے لیے وہ جسمانی طور پر خود کو مضبوط بنانے میں لگ گئے۔

جان سینا کو ڈبلیو ڈبلیو ای میں بطور ریسلر نہیں بلکہ ریپر کے طور شامل کیا گیا تھا تاہم وہ جلد اپنا لوہا منوا کر رنگ کا حصہ بن گئے۔ریسل مینیا میں سب سے زیادہ ٹائٹل جیتنے کا اعزاز بھی جان سینا کے پاس ہے جو انہوں نے چار دفعہ ٹائٹل جیت کر اپنے نام کیا۔جان سینا کو ایک اور عالمی اعزاز بھی حاصل ہے اور وہ میک اے وش فاﺅنڈیشن کے بچوں کے لیے چار سو سے زائد خواہشات پوری کرنے کا ریکارڈ ہے۔جان سینا امریکی نہیں بلکہ ان کے والد اطالوی جبکہ والدہ فرنچ کینیڈین ہیں، جبکہ ان کے چار بھائی اور ہیں۔ریسلنگ میں انجریز ہوتی رہتی ہیں مگر 2007 میں مسٹر کینیڈی کے خلاف میچ میں جان سینا نے اپنے مسلز کی انجری کے باوجود میچ کو مکمل کیا اور اسے جیتا بھی۔دلچسپ بات یہ ہے کہ جان سینا نے ابتداءمیں ریسلنگ کی دنیا میں اپنا نام دی پروٹوٹائپ رکھا تھا جب وہ الٹی میٹ پرو ریسلنگ نامی لیگ کا حصہ تھے۔جان سیناکو ایک عام شخص کیون فیڈرلائن یا کے فیڈ نے بھی ریسلنگ مقابلے میں شکست دی ہے، درحقیقت کے فیڈ ایک امریکن ڈانسر، ریپر، فیشن ماڈل اور اداکار ہیں جو ایک بار جان سینا سے ٹکرائے اور سینا کو شکست کا سامنا کرنا پڑا۔جان سینا کو مسلز گاڑیاں جمع کرنے کا شوق ہے اور ان کے پاس ایسی گاڑیوں کا کافی بڑا ذخیرہ ہے۔

لاہور:(سپورٹس ڈیسک/ایمرا نیوز) وزیراعظم عمران خان نے احسان مانی کو فری ہینڈ دے دیا جب کہ پی سی بی کے معاملات میں ایک بار بھی مداخلت کی ضرورت محسوس نہیں کی۔وزیراعظم اور پی سی بی کے چیف پیٹرن عمران خان دنیائے کرکٹ کا بہت بڑا نام اورکھیل کی باریکیوں کو بہت اچھی طرح سمجھتے ہیں، انھوں نے گورننگ بورڈ میں آئی سی سی کے سابق صدر احسان مانی کو نامزد کیا جو پی سی بی کی کمان سنبھال چکے ہیں، ابھی تک بہت بڑی تبدیلی تو دیکھنے میں نہیں آئی لیکن بتدریج معاملات پر غور کرتے ہوئے پاکستان کرکٹ کو درست سمت میں گامزن کرنے کیلیے کام ضرور ہورہا ہے۔ذرائع کے مطابق احسان مانی کو ذمہ داری سونپتے ہوئے عمران خان نے اپنے ویژن پر بات ضرور کی تھی لیکن بعدازاں انتظامی امور اور تقرریوں کے معاملے میں انھوں نے کبھی فون پر بھی مداخلت کی ضرورت محسوس نہیں کی، چیف پیٹرن نے بھرپور اعتماد کا اظہار کرنے کے بعد احسان مانی کو فری ہینڈ دے رکھا ہے۔عمران خان کے ویژن کو پیش نظر رکھتے ہوئے پی سی بی میں شفافیت کا نعرہ لگانے والے چیئرمین خود کو بھی احتساب سے بالاتر نہیں سمجھتے، وہ اپنے اثاثہ جات کی تفصیل بورڈ کی ویب سائٹ پر ڈالنے کی تیاری کر رہے ہیں۔یاد رہے کہ انھوں نے پہلی پریس کانفرنس میں کیے گئے وعدے کے مطابق پی سی بی کی آمدنی اور اخراجات کی مکمل تفصیل ویب سائٹ پر جاری کر دی تھی، شاہ خرچیوں کی تفصیل سامنے لائے جانے پر سابق چیئرمین نجم سیٹھی نے قانونی محاذ بھی کھول رکھا ہے۔

لاہور(سپورٹس ڈیسک/ایمرا نیوز) پاکستان ویمنز کرکٹ ٹیم کی سابق کپتان بسمہ معروف بھی ازدواجی رشتے میں بندھ گئیں۔سابق کپتان بسمہ معروف سافٹ وئیرانجینئرابراراحمد کی دلہن بن گئیں جو ان کے خالہ کے بیٹے ہیں۔

لاہور کے مقامی شادی ہال میں منعقدہ شادی کی پروقار تقریب میں اہلخانہ، عزیز و اقارب سمیت ساتھی کھلاڑیوں نے بھی شرکت کی۔تقریب میں ساتھی خواتین کرکٹرز بھی شریک ہوئیں جنہوںنے خوبصورت لمحات کی تصاویر بنوائیں۔ساتھی کرکٹرز نے ان یادگار لمحات کی تصاویر سوشل میڈیا پر جاری کی ہیں جو وائرل ہوچکی ہیں۔

سنگاپور(میڈیا نائن ٹو ڈاٹ ٹی وی ) پاکستان کی سانیہا غفور نے 57 کلوگرام ویٹ کیٹگری میں 4 جب کہ ٹونکل سہیل نے 70 کلوگرام میں سونے کا 1 تمغہ حاصل کیا۔سنگاپور میں جاری ایشیا پیسیفک پاور لفٹنگ چیمپئن شپ میں پاکستان نے 5 گولڈ میڈل حاصل کرلئے ہیں، پاکستان کی جانب سے سنیہا غفور نے 57 کلوگرام ویٹ کیٹگری میں 4 سونے کے تمغے جیت کر اپنی برتری ثابت کی۔ سنیہا غفور نے اسکواٹ، بینچ پریس، ڈیڈلفٹ اور مجموعی وزن میں گولڈ میڈل جیتے ۔پاکستانی ویٹ لفٹر نے اسکواٹ میں 115، بینچ پریس میں 55 اور ڈیڈ لفٹ میں 110 کلووزن اٹھایا جبکہ مجموعی طور پر انہوں نے 280 کلووزن اٹھایا۔ پاکستان کی دوسری ویٹ لفٹر ٹوئنکل سہیل نے 70 کلوگرام کیٹگری میں گولڈ میڈل حاصل کیا جس کے بعد پاکستان نے مجموعی طور پر 5 تمغے حاصل کرلئے ہیں۔ ٹوئنکل سہیل 2015 میں بھی ایشن پاورلفٹنگ چیمپئن شپ میں گولڈ میڈل حاصل کرچکی ہیں۔واضح رہے کہ سنگاپور میں ہونے والے مقابلوں میں 4 خواتین اور 3 مرد پاکستان کی نمائندگی کررہے ہیں۔