Category شوبز

سندھ ہائیکورٹ میں جسٹس عمر سیال پر مشتمل سنگل بنچ نے عامر لیاقت کی نازیبا ویڈیوز وائرل کرنے کے مقدمے میں دانیہ شاہ کی درخواست ضمانت پر سماعت ہوئی۔

دوران سماعت ملزمہ دانیہ کے وکیل لیاقت گبول ایڈووکیٹ نے مؤقف اختیار کیا کہ دانیہ کے خلاف کوئی شواہد نہیں ہیں، ایف آئی اے نے ناقص تفتیش کی ہے۔

عدالت نے دانیہ کے وکیل کے دلائل پر فیصلہ سناتے ہوئے ملزمہ کی درخواست ضمانت منظور کر لی اور دانیہ کو 2 لاکھ روپے کے ضمانتی مچلکے جمع کرانے کا حکم دیا۔

اس سے قبل سیشن عدالت نے ملزمہ کی درخواست ضمانت مسترد کر دی تھی۔

 یاد رہے کہ دانیہ شاہ کو دسمبر 2022 میں دعائے زہرہ کی شکایت پر لودھراں سے گرفتار کر کے کراچی منتقل کیا گیا تھا، دانیہ شاہ پر الزام عائد کیا گیا تھا کہ انہوں نے عامر لیاقت کی نازیبا ویڈیوز بنا کر انہیں وائرل کیا ہے۔

ممبئی: بالی ووڈ کی و اداکارہ راکھی ساونت کے شوہر عادل درانی پر ایرانی لڑکی نے زیادتی کا مقدمہ درج کروا دیا۔عادل درانی ان دنوں اہلیہ کی جانب سے درج فراڈ اور تشدد کے مقدمے میں جیل میں قید ہیں تاہم ان کی مشکلیں اب ختم ہونے کا نام نہیں لے رہیں۔ رپورٹس کے مطابق بھارتی شہر میسور میں ایرانی طالبہ نے عادل درانی پر ریپ کا مقدمہ درج کرایا ہے۔مقدمے میں کہا گیا ہے کہ مقامی ریسٹورنٹ کھانا کھانے جاتی تھی جہاں اس کی دوستی عادل سے ہوئی، عادل شادی کے بہانے 5 ماہ تک زیادتی کا نشانہ بناتا رہا اور بعدازاں شادی سے انکار کردیا۔لڑکی کا کہنا ہے کہ شادی کے اصرار پر عادل نے ناقابل اعتراض تصاویر اور ویڈیوز دکھا کر بلیک میل کیا اور جان سے مارنے کی دھمیاں دیں۔ پولیس نے مختلف دفعات کے تحت مقدمہ درج کرکے تحقیقات کا آغاز کردیا ہے۔

ممبئی : بالی ووڈ اداکار عامر خان کے بھانجے عمران خان ایک بار پھر خبروں میں چھائے ہوئے ہیں جس کی وجہ ان کی کوئی نئی فلم نہیں بلکہ ایک افیئر ہے۔ بھارتی میڈیا رپورٹس کے مطابق اداکار عمران خان اہلیہ اونتیکا سے طلاق کے بعد ایک اور لڑکی کی محبت میں گرفتار ہوگئے ہیں، ساؤتھ انڈین اداکارہ کیساتھ ان کی تصاویر اور ویڈیوز سوشل میڈیا پر وائرل ہو رہی ہیں۔اس اداکارہ کا نام لیکھا واشنگٹن ہے جو تیلگو کے علاوہ بالی ووڈ فلموں میں بھی کام کرچکی ہیں ، رپورٹس کے مطابق عمران خان اور لیکھا کی پہلی ملاقات بالی وڈ فلم ’مٹرو کی بجلی کا منڈولا‘ کی شوٹنگ کے دوران ہوئی۔ اب عمران خان کے ساتھ ان کے معاشقے کی خبریں گردش کر رہی ہیں۔دوسری جانب عمران خان نے2011 میں اپنی بچپن کی دوست اونتیکا ملک سے شادی کی تھی، ان کی ایک بیٹی امارہ بھی ہے ، تاہم سال 2019 میں دونوں کے درمیان طلاق ہوگئی تھی

کراچی:پاکستان شوبز انڈسٹری کی ابھرتی ہوئی اداکارہ حرا خان اور ماڈل و اداکار ارسلان خان رشتہ ازدواج میں منسلک ہوگئے۔ ان کی شادی کی مختلف تقریبات سے ویڈیو سوشل میڈیا پر خوب وائرل ہو رہی ہیں۔شیندی سے قبل مہندی
لگائی اور مہندی نائٹ کا اہتمام کیا گیا جس میں شوبز انڈسٹری کے کئی ستاروں نے اپنے رقص کے جلوے بکھیرے۔مہندی لگائی کے موقع پر حرا خان سبز جبکہ ارسلان خان نے سرمائی رنگ کے جوڑے کا انتخاب کیا جس میں دونوں خوب جاذب نظر آئے۔مہندی نائٹ میں ناصرف حرا خان اور ارسلان خان بلکہ کئی فنکاروں نے دھمال ڈالا جن میں اداکارہ درفشاں اور اداکار شان شاہد کی بھتیجی اور ماڈل نتالیہ شاہد قابل ذکر ہیں۔ اس موقع پر حرا خان اور ارسلان خان نے نارنجی رنگ کی تھیم کو اپنایا

انقرہ : ترکیہ زلزلہ ،کورولش عثمان کے اہم اداکار اہلیہ سمیت ملبے تلے دب کر انتقال کرگئے۔جاگدس جانکایا اور ان کی اہلیہ زلان ٹگرس بھی ان ہزاروں افراد میں شامل ہیں جو زلزلے کے ملبے تلے دب کر انتقال کرگئے۔پروڈکشن کمپنی بوزداغ فلم کی جانب سے انسٹاگرام پر جاگدس اور ان کی موسیقار اہلیہ زلان کی موت کی تصدیق کی گئی ہے۔پروڈکشن کمپنی کی جانب سے دونوں کی تصویر شیئر کی گئی اور افسوس کا اظہار کرتے ہوئے لکھا گیا کہ اداکار جاگدس جانکایا اہلیہ سمیت ترکیہ میں آنے والے زلزلے کے ملبے تلے دب کر جاں بحق ہوگئے جب کہ ساتھ ہی ان کی مغفرت کے لیے دعا بھی کی گئی۔جاگدس جانکایا نے اسلامی فتوحات پر مبنی شہرہ آفاق ترک ڈرامہ سیریز عثمان غازی المعروف کورولش عثمان میں قونیہ محل کے ایک اہم سپاہی کا کردار نبھایا تھا۔

اداکارہ زارا نور نے ٹوئٹر پر شام اور ترکیہ میں ہونے والی جانی نقصان پر دکھ کا اظہار کرتے ہوئے لکھا کہ ‘میں نے اپنا بیٹا کھویا ہے، مجھے معلوم ہے کہ کیسا محسوس ہوتا ہے۔’

انہوں نے لکھا کہ مگر میں یہ تصور بھی نہیں کرسکتی کہ شام اور ترکیہ میں آنے والے زلزلے نے  بچوں اور فیملی ممبرز کو اپنی لپیٹ میں لے لیا، میں دل کی گہرائیوں سے ان کے ساتھ ہوں۔

اداکارہ نے کہا کہ میں ایک ایسی تنظیم اور لوگوں کو ڈھونڈ رہی ہوں جو اعتماد کے قابل ہوں اور شام اور ترکیہ کے متاثرین کو امداد پہنچا سکیں۔

واضح رہے شام اور ترکیہ میں آنے والے زلزلے میں اب تک 23 ہزار سے زائد اموات ہوچکی ہیں۔

لندن : نوبل انعام یافتہ ملالہ یوسف زئی کی آسکر کیلئے شارٹ لسٹ فلم ’اسٹرینجر ایٹ دی گیٹ‘ کی لندن میں اسکریننگ ہوئی۔فلم میں اسلاموفوبیا، نسل پرستی اور معاف کردینے کی طاقت کو موضوع بنایا گیا ہے۔ملالہ یوسف زئی نے کہا کہ انہوں نے فلم کی ایگزیکٹو پروڈیوسر بننے کا فیصلہ اس لیے کیا کہ ہم آہنگی اور معافی کے پیغام کو عام کیا جاسکے۔ملالہ یوسفزئی نے پاکستان کی مذہبی اور سیاسی قیادت پر زور دیا ہے کہ وہ بڑھتی عسکریت پسندی کے خلاف امن کی خاطر متحد ہوجائیں۔یہ دستاویزی فلم امریکی میرین میک کینی کی سچی کہانی پر بنائی گئی ہے جس نے مسجد پر حملے کا منصوبہ بنایا لیکن پھر اسلام قبول کرلیا

ممبئی : معروف بھارتی پبلشر ویسٹ لینڈ بْکس نے آنجہانی بھارتی اداکارہ سری دیوی کی زندگی پر ایک کتاب شائع کرنے کا اعلان کردیا۔بھارتی میڈیا کی رپورٹ کے مطابق اداکارہ سری دیوی کی زندگی پر سری دیوی دی لائف آف اے لیجنڈ‘ کے نام سے ایک کتاب جلد شائع کی جائے گی۔ اس کتاب میں اداکارہ کی ان تمام خدمات کی ایک مختصر تصویر ہوگی جو اْنہوں نے ہندی سینما کے لیے انجام دیں۔سری دیوی کے شوہر، فلمساز بونی کپور کا کتاب کے بارے میں کہنا ہے کہ سری دیوی فطرت کی طاقت تھیں۔ اْنہوں نے کہا کہ جب وہ اسکرین پر اپنے فن کو اپنے مداحوں کے ساتھ بانٹتی تھیں تو انہیں سب سے زیادہ خوش ہوتی تھیں لیکن یہ بھی حقیقت ہے کہ اْنہیں اپنی نجی زندگی کو میڈیا کے سامنے لانا بالکل بھی پسند نہیں تھا۔اْنہوں نے کتاب کے مصننف دھیرج کمار کے بارے میں کہا کہ دھیرج کمار ایک ایسا شخص ہے جسے وہ خاندان سمجھتی تھیں۔ اْنہوں نے کہا کہ دھیرج کمار ایک محقق، مصنف اور کالم نگار ہیں، ہمیں خوشی ہے کہ وہ ایک ایسی کتاب لکھ رہے ہیں جوکہ سری دیوی کی غیر معمولی زندگی کے لیے موزوں ہے۔دھیرج کمار نے کتاب کے حوالے سے بتایا کہ مجھے خوشی ہے کہ ویسٹ لینڈ بْکس میری پہلی کتاب شائع کرے گی۔اْنہوں نے کہا کہ یہ سب کچھ صرف میرے ادبی ایجنٹ انیش چانڈی کی کوشش کی وجہ سے ممکن ہوا۔اْنہوں نے مزید کہا کہ میں اس کتاب کو لکھنے کے لیے بونی کپور اور ان کے خاندان، لتھا، سنجے رامسوامی، سوریہ کلا، مہیشوری، کارتک، رینا اور سندیپ ماروا کی اجازت اور حمایت کے لیے شکر گزار ہوں

کراچی: کسمپرسی کی زندگی گزارنے والی خاتون نے دعویٰ کیا ہے کہ وہ وہ کلاسیکل گلوکار غلام علی کی پوتی اور سجاد علی کی سگی بہن ہیں اور بھیک مانگ کر یا لوگوں کے گھروں میں پیسے مانگ کر گزار کررہی ہیں۔نجی پروڈکشن کے میزبان سے گفتگو کرتے ہوئے خاتون نے بتایا کہ اْن کا نام بشریٰ اختر ہے اور تعلق کلاسیکل موسیقی کے گھرانے سے ہے۔ انہوں نے بتایا کہ بڑے غلام علی میرے رشتے کے دادا ہیں کیونکہ معروف غزل گائیک اور لیجنڈری گلوکار اْن کے دادا کے سگے بھائی تھے۔بشریٰ نے دعویٰ کیا کہ وہ معروف گلوکار سجاد علی کی بہن ہیں، اس کے ساتھ ہی انہوں نے کہا کہ میں ہمیشہ سجاد کی صحت اور خوشیوں کیلیے دعا کرتی ہوں اور کیوں نہ کروں کیونکہ ہمارا ایک ہی خاندان ہے۔خاتون نے کہا کہ میاں قادر بخش کے خاندان کیوجہ ہم موسیقی کی دنیا میں قدم نہیں رکھ سکے تاہم دادا کے بھائی بڑے غلام علی کے خاندان نے بھرپور طریقے سے میوزک کا کام کیا اور آج بھی کررہا ہے۔ان کا مزید کہنا تھا کہ وہ گانا چاہتی ہیں اور ان کی کوشش ہے کہ موقع ملے تاکہ پیسہ اور نام کما سکیں۔ خاتون نے چند لوگوں جیسے طافو کا نام لے کر بتایا کہ وہ میرے دادا کے شاگرد تھے۔بشریٰ نے کہا کہ شاید سجاد علی ہم سے ملنا چاہتے ہیں لیکن وہ ہمارے گھر کے بارے میں نہیں جانتے، میں جانتی ہوں کہ وہ بہت مہربان انسان ہیں خاتون کا کہنا تھا کہ وہ گزر بسر کیلیے بھیک مانگنے اور گھروں پر کام کرنے پر مجبور ہیں جبکہ وہ درباروں میں کمائی کے لیے گاتی ہیں اور پیسے شوہر کے علاج سمیت دو بچوں پر خرچ کرتی ہیں۔

کراچی : سندھ ہائیکورٹ نے معروف ٹی وی اینکر پرسن عامر لیاقت حیسن کی نازیبا ویڈیوز وائرل کرنے سے متعلق مقدمے میں دانیہ شاہ کی گرفتاری کیخلاف درخواست مسترد کردی۔رپورٹ کے مطابق جسٹس نعمت اللہ پھلپھوٹو کی سربراہی میں دو رکنی بینچ کے روبرو عامر لیاقت حسین کی نازیبا ویڈیوز وائرل کرنے کے مقدمے میں دانیہ شاہ کی گرفتاری کیخلاف درخواست کی سماعت ہوئی۔درخواستگزار کے وکیل لیاقت گبول ایڈوکیٹ نے موقف دیا کہ دانیہ شاہ کو پنجاب کے علاقے لودھراں سے غیر قانونی طریقے سے گرفتار کیا گیا ہے۔ دانیہ شاہ کی گرفتاری کے وقت قانونی تقاضے پورے نہیں کیے گئے۔عدالت نے استفسار کیا کہ کیا مقدمے کا چالان جمع ہوچکا ہے۔ درخواستگزار کے وکیل نے موقف دیا کہ جی مقدمے کا عبوری چالان جمع ہوچکا ہے۔ ٹرائل کورٹ نے ایف آئی اے کے تفتیشی افسر کو شوکاز نوٹس جاری کیا تھا مگر کوئی کارروائی نہیں کی۔ ٹرائل کورٹ کو ہدایت جاری کی جائیں کے ایف آئی اے کیخلاف کارروائی کرے۔ عدالت نے ریمارکس دیئے کہ ملزمہ کیخلاف مقدمے کا چالان جمع ہو چکا ہے، مداخلت کا کیس نہیں بنتا۔ عدالت نے محفوظ فیصلہ سْناتے ہوئے دانیہ شاہ کی گرفتاری کیخلاف درخواست مسترد کردی۔