Category کھیل

راشد خان کوئٹہ گلیڈی ایٹرز کے خلاف میچ کے لیے قلندرز کو دستیاب ہوں گے۔

کوئٹہ گلیڈی ایٹرز اور لاہور قلندرز کا میچ منگل کو ہوگا۔

واضح رہے کہ افغانستان کے اسپنر قومی ذمہ داریوں کی وجہ سے اب تک قلندرز کو دستیاب نہیں تھے۔

کیپ ٹائون :پاکستان کی جانب سے ٹی ٹوئنٹی انٹرنیشنل میں اولین سنچری بنانے والی منیبہ علی کا کہنا ہے کہ سنچری بنانے پر بہت خوش ہوں، پلان کے مطابق بیٹنگ کی۔قومی ویمنز ٹیم کی وکٹ کیپر بیٹر منیبہ علی کا کہنا تھا کہ وہ اچھی اننگز کے لیے پر اعتماد تھیں، ٹیم آئرلینڈ کے خلاف اچھا اسکور کرنے میں کامیاب ہوئی۔منیبہ علی نے کہا کہ ایکسٹرا کور پر کھیلنا میرا پسندیدہ اسٹروک ہے، آج میں نے بغیر کسی دباو کے اپنی بیٹنگ کو انجوائے کیا جس کی وجہ سے سنچری بنی۔واضح رہے کہ پاکستانی کرکٹر منیبہ علی نے آئر لینڈ کے خلاف میچ
میں تاریخ رقم کردی، ویمنز ٹی ٹوئنٹی انٹرنیشنلز اور ویمنز ورلڈ کپ میں پاکستان کی طرف سے سنچری اسکور کرنے والی پہلی کھلاڑی بن گئی ہیں۔آئرلینڈ ویمن کے خلاف ٹی ٹوئنٹی ورلڈ کپ 2023 کے گروپ میچ میں منیبہ نے رنز کے انبار لگادیے۔منیبہ نے تاریخی اننگز کھیلتے ہوئے ٹی ٹوئنٹی کرکٹ میں سنچری داغ دی، انہوں نے 68 گیندوں پر 102 رنز کی شاندار اننگز کھیلی جس میں 14 چوکے بھی شامل تھے۔

کراچی:گورنر سندھ کامران ٹیسوری سے چیئرمین پی سی بی مینجمنٹ کمیٹی نجم سیٹھی نے ملاقات کی ہے۔کراچی میں ہونے والی اس ملاقات کے دوران گورنر سندھ نے کہا کہ ملک میں کرکٹ کے فروغ کے لیے پی سی بی کی کاوشیں لائق تحسین ہیں۔گورنر سندھ نے کہا کہ کراچی معاشی حب ہونے کے ساتھ ساتھ کرکٹ کا مرکز بھی ہے۔انہوں نے کہا کہ پی ایس ایل اب ایک بین الاقوامی برانڈ بن چکا ہے۔اس موقع پر نجم سیٹھی نے کہا کہ گورنر سندھ کی پاکستان میں کرکٹ کے فروغ میں دلچسپی قابل تحسین ہے۔نجم سیٹھی نے مزید کہا کہ پی ایس ایل کے کامیاب انعقاد کو یقینی بنائیں گے۔

کراچی :پشاور زلمی کے کپتان بابر اعظم کی میچ کے بعد سٹیڈیم میں صفائی کرنے کی ویڈیو وائرل ہوگئی۔سوشل میڈیا پر پشاور زلمی اور کراچی کنگز کے پہلے میچ کے بعد کی ایک ویڈیو وائرل ہورہی ہے جس میں بابر اعظم کو گرانڈ مین اور دیگر کھلاڑیوں کے ہمراہ گرانڈ کی صفائی کرتے دیکھا جاسکتا ہے۔ویڈیو میں دیکھا جاسکتا ہے کہ بابر گرانڈ کی بانڈری کے پاس پڑی بوتلوں اور ٹشوز کو ڈسٹ بن میں ڈال رہے ہیں۔دوسری جانب بابر کے عقب میں کھڑے کراچی کنگز اور پشاور زلمی کے دیگر کھلاڑیوں کو بھی سٹیڈیم میں پڑے کچرے کو ڈسٹ بن کرتے دیکھا جاسکتا ہے

لندن :دفاعی چیمپئن مانچسٹر سٹی نے انگلش پریمیئر فٹ بال لیگ میں آرسنل کو شکست دے کر پوائنٹس ٹیبل پر پہلی پوزیشن چھین لی ، یہ مانچسٹر سٹی کی 16 ویں فتح ہے۔پریمیئر لیگ کے دلچسپ مقابلے انگلینڈ میں جاری ہیں ، ایمریٹس سٹیڈیم، لندن میں کھیلے گئے میچ میں دفاعی چیمپئن مانچسٹر سٹی اور آرسنل کی ٹیمیں آمنے سامنے تھیں جس میں مانچسٹر سٹی کے کیون ڈی بروئن نے میچ کے 24 ویں منٹ میں ایک گول کر کے اپنی ٹیم کو 0-1 کی برتری دلائی۔42 منٹ میں ملنے والی پنالٹی کک پر آرسنل کے بکائیو ساکا نے ایک گول کر کے مقابلہ 1-1 گول سے برابر کر دیا، یوں پہلے ہاف پر دونوں ٹیموں کے درمیان مقابلہ1-1 گول سے برابر تھا۔دوسرے ہاف میں دفاعی چیمپئن مانچسٹر سٹی نے قدرے بہتر کھیل پیش کیا اور جیک گریش نے 72 ویں اورایرلنگ ہالینڈ نے 82 ویں منٹ میں ایک ایک گول کر کے مقابلہ 1-3 کر دیا جو میچ کے اختتام تک برقرار رہی۔اس کامیابی کے ساتھ ہی دفاعی چیمپئن مانچسٹر سٹی کی لیگ میں 16 فتوحات ہوگئی ہیں اور اس نے آرسنل سے پوائنٹس ٹیبل پر پہلی پوزیشن بھی چھین لی ہے۔دفاعی چیمپئن مانچسٹر سٹی 51 پوائنٹس کے ساتھ ای پی ایل ٹیبل پر پہلے جبکہ آرسنل کی ٹیم 51 پوائنٹس کے ساتھ دوسرے نمبر پر پہنچ گئی ہے ، مانچسٹر یونائیٹڈ کی ٹیم 46 پوائنٹس کے ساتھ تیسرے نمبر پرموجود ہے

سابق ویسٹ انڈین کرکٹر اور گلوکار ڈیوائن براوو المعروف ڈی جے براوو  ایک مرتبہ  پھر  پی ایس ایل میں کوئٹہ گلیڈی ایٹرز کا  آفیشل گیت گائیں گے۔ 

ٹوئٹر پر جاری ویڈیو پیغام میں ڈی جے براوو نے اعلان کیا کہ وہ پی ایس ایل 8 میں ایک مرتبہ پھر فرنچائز کا گانا گائیں گے۔

براوو نے فی الحال گانا ریلیز ہونے کی تاریخ تو نہیں بتائی البتہ انہوں نے یہ ضرور بتایا کہ گانا جلد مداحوں کے لیے پیش کردیا جائےگا۔

اس سے قبل 2019 میں بھی براوو نے کوئٹہ کے لیے ‘وی دی گلیڈی ایٹرز’ گایا تھا جسے کافی پذیرائی ملی تھی، اس سال سرفراز احمد کی کپتانی میں کوئٹہ نے سیزن جیتا تھا جب کہ براوو بھی چیمپئن ٹیم کا حصہ تھے۔

کوئٹہ گلیڈی ایٹرز اسکواڈ:

محمد نواز، افتخار احمد، جیسن رائے، محمد حسنین، سرفراز احمد (کپتان)، نوین الحق، عمر اکمل، وِل اسمیڈ، ونندو ہسارنگا، ، نسیم شاہ، اوڈین اسمتھ، احسن علی، عمید آصف، محمد زاہد، عبدالبنگل زئی، ایمل خان، مارٹن گپٹل، عمیر بن یوسف۔

واضح رہے کہ کوئٹہ کی ٹیم اپنا افتتاحی میچ 15 فروری کو ملتان سلطانز کے خلاف ملتان میں کھیلے گی

پریس کانفرنس سے خطاب کرتے ہوئے بابراعظم نے کہا کہ وقت کے تقاضوں کے مطابق اپنی بیٹنگ میں نئے خطوط پر کام کر رہا ہوں، لیگ میں مقابلے دلچسپ اور سخت ہوں گے، سپنرز کو کم کھیلنے کا موقع ملتا ہے اس لیے سپن بولنگ کے خلاف پریکٹس پر توجہ دی ہے۔

بابراعظم نے کہا بیٹنگ میں کچھ نیا کرنے کی کوشش ہے، پریکٹس میں کچھ تجربات کیے ہیں جن پر عمل کروں گا،کراچی کنگز کے پاس کوالٹی بولرز موجود ہیں، کوالٹی بولرز کیخلاف کھیلنے کا مزہ آتا ہے، سیکھنے کا عمل ہمیشہ جاری رہتا ہے۔

فاسٹ بولر محمد عامر کے مدمقابل آنے کے حوالے سے سوال پر انہوں نے کہا کہ ہر ٹیم میں اچھے بولر اور اچھے بیٹر ہوتے ہیں۔

پشاور زلمی کے کپتان کا کہنا تھا کہ وہاب ریاض پی ایس ایل کے لیے دستیاب ہیں، تمام ٹیمیں مضبوط ہیں، جو اچھا کھیلے گی وہ جیتے گی، چند نئے شارٹس کی پریکٹس کی ہے، تمام فرنچائز ٹیموں کے لیے دعاگو ہوں، ایک دوسرے کیخلاف کھیلنے کا الگ ہی مزہ ہوتا ہے،پشاور زلمی کیساتھ پہلا سال ہے کوشش یہی ہے کہ ہم جیتیں۔
 

ملتان: پاکستان سپر لیگ ( پی ایس ایل ) کے 8 ویں ایڈیشن کے افتتاحی میچ میں دفاعی چیمپئن لاہور قلندرز نے ملتان سلطانز کو 1 رن سے شکست دے کر ایونٹ میں فاتحانہ آغاز کر لیا، ملتان سلطانز 176 رنز کے ہدف کے تعاقب میں مقررہ 20 اوورز میں 6 وکٹوں پر 174 رنز بناسکی، فاتح ٹیم کے کھلاڑی فخر زمان پلیئر آف دی میچ قرار پائے۔

ملتان کرکٹ سٹیڈیم میں کھیلے گئے پہلے میچ میں لاہور کی جانب سے دیے گئے 176 رنز کے ہدف کے تعاقب میں محمد رضوان اور شان مسعود نے اننگز کا آغاز کیا لیکن شان 100 کے مجموعے پر 35 رنز بنا کر آؤٹ ہوگئے، محمد رضوان نے ذمہ دارانہ بیٹنگ کا سلسلہ جاری رکھتے ہوئے اپنی ففٹی مکمل کی لیکن پھر وہ بھی 75 رنز بنا کر شاہین شاہ آفریدی کی گیند پر بولڈ ہوگئے۔

رضوان کے آؤٹ ہونے کے بعد ڈیوڈ ملر 20 گیندوں پر 25 رنز بناکر پویلین لوٹے جبکہ پولارڈ بھی 12 گیندوں پر 20 رنز بناکر ٹیم کا ساتھ چھوڑ گئے تاہم میچ کے اختتامی مراحل میں خوشدل شاہ نے کچھ مزاحمت کی ۔

اننگ کی آخری 2 گیندوں پر ملتان سلطانز کو جیت کے لیے 10 درکار تھے لیکن خوشدل شاہ ان دونوں گیندوں پر صرف باؤنڈری ہی لگا سکے اور یوں میزبان ٹیم صرف 1 رنز شکست کھا گئی۔

فاتح ٹیم کی جانب سے شاہین آفریدی، حارث رؤف ، زمان خان اور حسین طلعت نے ایک ، ایک وکٹ حاصل کی۔

قبل ازیں لاہور قلندرز نے 6 وکٹوں پر 175 رنز بنائے تھے، فخر زمان اور طاہر بیگ نے اننگز کا آغاز کیا ، 61 کے مجموعی سکور پر طاہر بیگ 32 رنز بنا کر آؤٹ ہو گئے جبکہ فخر زمان نے ٹورنامنٹ کی پہلی ففٹی سکور کی اور 66 رنز بنا کر اسامہ میر کی گیند پر آؤٹ ہوئے، شائی ہوپ 19 اور کامران غلام 3 رنز کی اننگ کھیل سکے۔

دیگر بیٹرز میں حسین طلعت 20 رنز بنا کر آؤٹ ہوئے جبکہ سکندر رضا 19 رنز بنا کر ناٹ آؤٹ رہے، لاہور کی ٹیم مقررہ 20 اوورز میں 6 وکٹوں کے نقصان پر 175 رنز بنا سکی، سلطانز کی جانب سے اسامہ میر اور احسان اللہ نے دو، دو کھلاڑیوں کو آؤٹ کیا۔

قبل ازیں ملتان سلطانز کے کپتان محمد رضوان نے ٹاس جیت کر بولنگ کا فیصلہ کیا تھا۔

لاہور قلندرز اور ملتان سلطان کے درمیان میچ 15 منٹ تاخیر سے 8 بج کر 30 منٹ پر شروع ہوا تھا، میچ شروع ہونے سے پہلے ترکیہ میں جاں بحق افراد کےلیے دعائے مغفرت کی گئی۔ 

اسلام آباد یونائیٹڈ کے کھلاڑی حسن علی کا کہنا ہے کہ شاداب خان شادی کے بعد انہیں تنگ کرتے ہوئے زن مرید کہتے تھے۔

جیو سوپر سے گفتگو کے دوران حسن علی نے کہاکہ ’شاداب نے مجھے شادی کے بعد بہت تنگ کیا تھا اور میں اب شاداب کو تنگ کرتا  ہوں، میری  شادی کے بعد شاداب مجھے  زن مرید کہا کرتا تھا اب شاداب کی باری ہے، اب یہ خود بھی زن مرید بن گیا ہے، اگر نہیں بنا تو بن جائے گا اب ہم نے بھی شاداب کو  تنگ کرنا ہے کیوں کہ  دوستوں میں یہی سب چلتا ہے‘۔

پی ایس ایل 8  کے حوالے سے گفتگو کرتے ہوئے حسن علی کا کہنا تھا کہ ’پی ایس ایل ہمارا ایک برانڈ ہے جس کیلئے سارے پلیئر  بہت پرجوش ہیں، اگر انفرادی طور پر دیکھیں تو پچھلے کچھ مہینوں سے میری پرفارمنس اچھی نہیں تھی لہٰذا اب پی ایس ایل میرے لیے بہترین موقع ہے کہ میں پرفارم کروں اور لوگوں کو بتاؤں کہ ٹائیگر ابھی زندہ ہے، میرا مقصد  بھی یہی ہے کہ پرفارمنس دے کر وائٹ بال کرکٹ میں واپس آجاؤں‘۔

میچ کے دوران سیلیبریشن  اور انرجی پر بات کرتے ہوئے کرکٹر نے کہا کہ ’کرکٹ کیلئے انرجی میرے خون میں شامل ہے ،کوئی بھی برانڈ کبھی اپنی چیزیں تبدیل نہیں کرتا، میرا سیلیبریشن اسٹائل وہی ہے، سیلیبریشن سے لے کر ہر چیز میری نیچرل ہے‘۔

کوئٹہ :کوئٹہ گلیڈی ایٹرز کے کپتان سرفراز احمد، کوچ معین خان اور دیگر کھلاڑیوں نے اسپانسر شپ معاہدے کے لیے فلمی انداز میں انٹری دی۔گلیڈی ایٹرز کے مالک ندیم عمر سمیت کپتان سرفراز احمد، کھلاڑی سعود شکیل اور کوچ معین خان ہیلی کاپٹر میں معاہدے کی تقریب میں پہنچے۔ایچ بی ایل پی ایس ایل سیزن 8 کے لیے کوئٹہ گلیڈی ایٹرز اور رئیل اسٹیٹ کمپنی کی شراکت داری ہوئی
ہے۔مقامی رئیل اسٹیٹ کمپنی پورے سیزن میں کوئٹہ گلیڈی ایٹرز کے لیے باضابطہ اسپانسر رہے گی۔ اسپانسر شپ معاہدے کی تقریب میں کوئٹہ گلیڈی ایٹرز کے مالک ندیم عمر اور دونوں فریقین کی سرکردہ شخصیات نے شرکت کی۔اس موقع پر کوئٹہ گلیڈی ایٹرز اور کمپنی کے نمائندے نے مفاہمتی یادداشت پر دستخط کیے۔