Category انٹرنیشنل

روسی وزیر خارجہ سرگئی لاروف نے کہا ہے کہ شمالی افغانستان بین الاقوامی دہشت گردی کے مرکز میں تبدیل ہورہاہے۔

یہ بات روسی وزیرخارجہ نے اقوام متحدہ سلامتی کونسل کےاجلاس میں گفتگو کرتے ہوئے کہی اور ساتھ یہ بھی کہا کہ شمالی حصےمیں داعش کا افغان ونگ قیادت کر رہا ہے۔

لاروف کا کہنا تھا کہ صورتحال ممالک کو کمزور اور نوجوان نسل کو متاثر کر رہی ہے اور اس خطرے سے نمٹنا ہوگا جبکہ ایران نیو کلیر ڈیل امریکا کے بغیر جاری نہیں رہ سکتا ہے۔

انہوں نے کہا کہ کسی ایک فریق کی دستبرداری کی صورت میں جوہری معاہدے پر عمل درآمد نہیں ہوسکتا جبکہ امریکا کی دستبرداری سے ایران جوہری معاہدہ ختم ہوجائے گا تاہم ٹرمپ نے ڈیل میں موجود خامیاں دور کرنےکی بات کی اور یہ فیصلہ کن لمحہ ہے۔

مصرکے صدر عبدالفتاح السیسی نے رواں سال مارچ میں ہونے والے صدارتی انتخابات میں باضابطہ طورپر حصہ لینے کا اعلان کیا ہے۔

سرکاری ٹی وی پر نشرایک بیان میں صدر عبدالفتاح السیسی نے کہا کہ ’میں عہد کرتا ہوں کہ آنے والے صدارتی انتخابات شفافیت اور غیرجانب داری کی عمدہ مثال ہوں گے۔‘

ان کا مزید کہنا تھا کہ قوم نے مجھے جو ذمہ داری سونپی تھی میں نے اسے پوری ایمانداری کے ساتھ ادا کیا۔ عوام کے تحفظ کے لیے جو بن سکا کیا اور میں یقین دلاتا ہوں کہ مصری قوم کی مرضی کے خلاف اقتدار پر فائز نہیں رہوں گا۔

انہوں نے کہا کہ کسی چور اور کرپٹ کومصر کے ایوان اقتدار تک آنے کی اجازت نہیں دی جائے گی۔

خیال رہے کہ مصرمیں مارچ 2018ء کو صدارتی انتخابات کا اعلان کیا گیا ہے۔ مختلف مراحل میں ہونے والے صدارتی انتخابات 26 مارچ سے 21 اپریل تک جاری رہیں گے۔

دلی کے سرکاری سکولوں میں سی سی ٹی وی کیمرے نصب کیے جا رہے ہیں، والدین موبائل فون ایپ کے ذریعے سی سی ٹی کیمرے کی ویڈیو لائیو دیکھ سکتے ہیں۔

دلی کے وزیر اعلیٰ اروند کیجروال کا کہنا ہے کہ تمام سرکاری سکولوں میں کیمروں کی تنصیب تین مہینے میں مکمل ہو جائے گی۔

غریب ترین بچے، اعلیٰ ترین تعلیم

انھوں نے کہا کہ حکومت کے ان اقدامات کے ذریعے سرکاری نظام تعلیم کو شفاف اور جوابدہ بنایا جا رہا ہے۔

سکولوں میں کیمرے لگانے سے بچوں کو حفاظت کو بھی یقینی بنایا جائے گا۔

یاد رہے کہ گذشتہ سال ستمبر میں ایک سکول کے باتھ روم میں بچے کا گلا کاٹا گیا تھا۔

یہ افسوسناک واقعہ دلی کے قریب ایک نجی سکول میں ہوا تھا۔ اس واقعے کے چند روز بعد ایک اور سکول میں ایک پانچ سالہ بچی کا ریپ ہوا تھا۔

حکومت کی جانب سے کیمرے لگانے کے اس منصوبے کا جہاں کچھ والدین نے خیر مقدم کیا وہیں بعض والدین نے اس پر اعتراض بھی کیا۔

مقبوضہ کشمیر کی مشترکہ مزاحمتی قیادت نے حریت رہنماؤں کے خلاف بھارتی انویسٹی گیشن ایجنسی کی چارج شیٹ کو جھوٹ کا پلندہ قرار دے دیا۔

سید علی گیلانی،میر واعظ عمر فاروق اور یاسین ملک نے مشترکہ پریس کانفرنس کرتے ہوئے کہا کہ چارج شیٹ میں تمام الزامات جھوٹے ہیں، کشمیریوں کی پر امن جدوجہد کو دہشت گردی سے جوڑنا، کشمیریوں کے قتل عام کیلئے جواز پیدا کرنا ہے۔

ان کا کہنا تھا کہ فنڈنگ کیس میں گرفتار تمام افراد کا کوئی جرائم ریکارڈ نہیں۔

سید علی گیلانی نے کہاہے کہ بھارتی یوم جمہوریہ 26 جنوری کو کشمیر بھر میں مکمل ہڑتال کی جائے گی۔

سعودی عرب کے ایک ممتاز عالم دین الشیخ عبدالعزیز بن صالح التویجری کو افریقی ملک گنی میں نامعلوم مسلح افراد نے گولیاں مار کر قتل کردیا۔

العربیہ ٹی وی کے مطابق گنی کے سیکورٹی اور طبی ذرائع نے تصدیق کی ہے کہ سعودی عالم دین الشیخ صالح التویجری کو کروانی شہر میں کانکان کے مقام پر نامعلوم مسلح افراد نے فائرنگ کا نشانہ بنایا جس کے نتیجے میں ان کی موت واقع ہوگئی۔

ابتدائی اطلاعات کے مطابق الشیخ تویجری ایک مقامی شہری کے ہمراہ موٹر سائیکل پر سوار تھے کہ نامعلوم افراد نے پر ان پر گولیاں چلائیں۔

ذرائع کے مطابق ان کے سینے میں دو گولیاں لگیں جو جان لیوا ثابت ہوئیں۔ موٹرسائیکل پر سوار دوسرا شخص شدید زخمی ہوا ہے اور اسے کانکان کے صوبائی اسپتال منتقل کردیا گیا ہے۔

واشنگٹن (اے این این)امریکی صد ر ڈونلڈ ٹرمپ نے روس پر الزام عائد کیا ہے کہ وہ پابندیوں کے باوجود شمالی کوریا کی مدد جاری رکھے ہوئے ہے ۔شمالی کوریا امریکا تک مار کرنے والے میزائل کے حصول کے قریب ہوتا جارہاہے ۔برطانوی خبر ایجنسی کو انٹرویو دیتے ہوئے ڈونلڈ ٹرمپ نے کہا کہ روس اس معاملے میں ذرا بھی تعاون نہیں کررہا، چین ہماری مدد کررہا ہے تو اس کی جگہ روس شمالی کوریا کا ساتھ دے کر اس کی کمی پوری کر رہاہے ۔امریکی صدر نے کہاکہ شمالی کوریا کے پاس اب تک امریکا کو نشانہ بنانے کی صلاحیت نہیں مگر وہ اس کے نزدیک ہیں اور روز بروز آگے بڑھتے جارہے ہیں۔

الخلیل (اے این این)انسانی جسم میں دل جیسے انتہائی حساس اور نازک عضو کا علاج بھی انتہائی احتیاط کا متقاضی ہے۔ امرض دل کے بہت سے کیسز میں سرجری کے بغیر علاج ممکن نہیں، مگر ایک فلسطینی ڈاکٹر نے دل کے اسقفی صمام [Mital Valve] یعنی تاج دار والو کی پیوند کاری بغیر سرجری کر کے حیران کردیا۔اسقفی صِمام (mitral valve) اصل میں قلب میں پایا جانے والا ایک صمام [valve] ہوتا ہے جو بائیں اذن اور بائیں بطین کے درمیانی راستے پر ایک یک رخی دروازے یا کواڑ کی صورت موجود ہوتا ہے اور دوران خون کو الٹا بہنے سے روکتا ہے۔ اسقفی صمام کو — اسقفی — دراصل اسکی شکل کو تاجِ اِسقف (bishop’s crown یعنی miter) سے تشبیہ دینے کی وجہ سے کہا جاتا ہے یعنی اسکے کواڑ کا آپس میں ملاپ یوں ہوتا ہے کہ جیسے کسی پادری (اسقف) کے سر پر موجود تاج کی پٹیاں 45 کے زاویئے پر مل رہی ہوں۔ اس کو دو کواڑ ہونے کی وجہ سے — دوگوشہ صمام (bicuspid valve)— بھی کہتے ہیں ، جبکہ بعض اوقات اسی کو — بائیاں اذنی بطنی صمام (left atriobentricular valve) — بھی کہا جاتا ہے۔اردن کے دارالحکومت عمان میں قائم امراض قلب کے اسپتال میں کنسلٹنٹ ڈاکٹر عماد عبدالحفیظ الحداد نے سعودی مریض کا بغیر آپریشن علاج کیا۔ڈاکٹر الحداد نے بغیر سرجری سعودی مریض کے دل میں تاج دار والو ڈال کر طب کے میدان میں اپنی کمال مہارت کا ثبوت دیا ہے۔یہاں یہ واضح رہے کہ تاج دار صمام دل کا انتہائی پیچیدہ اور سب سے مشکل حصہ ہوتا ہے۔ ایک انسان کے دل میں چار تاج دار صمام پائے جاتے ہیں۔ یہ پہلا کیس ہے جس میں ڈاکٹر نے ایک مریض کے دل کا آپریشن کیے بغیر محض نلکی یعنی قاسطیری عمل کے ذریعے مریض کے دل میں تاج دار والو کی پیوند کاری کی ہے۔خیال رہے کہ ڈاکٹر الحداد فلسطین کے مقبوضہ مغربی کنارے کے علاقے الخلیل سے تعلق رکھتے ہیں انہویں نے ابتدائی تعلیم الخلیل شہر کے حسین بن علی اسکول سے حاصل کی۔ اس کے بعد عمان میں جامعہ الاردن میں داخلہ کیا جب کہ ایم بی بی ایس اور پی ایج ڈی نیوکاری یونیورسٹی سے کی۔ وک اب اردن میں امراض قلب کے معالج کے طور پر خدمات انجام دیتے ہیں۔انہوں نے پہلی بار سنہ 2009 میں قساطیری طریقہ علاج سے ایک مریض کے دل میں والو ڈالا تھا۔ چند روز قبل انہوں نے دو گھنٹے کے عمل کے دوران ایک سعودی مریض کے دل میں تاج دار صمام ڈال کر دنیا کے بڑے بڑے معالجین کو حیران کردیا۔ڈاکٹر الحداد نے قسطرہ یعنی نکلے کیلئے 2008 کے بعد دسیوں مریضوں کے دلوں میں والو ڈالے۔ بعض لوگ ان کے اس طریقہ علاج کو جنونیت قرار دیتے ہیں لیکن ان کا کہنا ہے کہ وہ کئی سال سے کامیابی کے ساتھ دل کے امراض کا علاج کرتے چلے آ رہے ہیں۔اب تک تاج دار والو کی پیوندکاری محض سرجری کے ذریعے کی جاتی رہی ہے، مگرانہوں نے قساطیری عمل کے ذریعے بغیر سرجری کے یہ والو ڈالا ہے۔علاج کے چوبیس گھنٹے کے بعد سعودی عرب کا وہ مریض ڈسچارج کردیا گیا جس کے دل میں تاج دار والو ڈالا گیا تھا۔ڈاکٹرالحداد نے کہا کہ وہ دل کے امراض کا بغیر سرجری علاج کے حوالے سے ان تھک محنت کررہے ہیں۔

واشنگٹن: افغانستان کے صدر اشرف غنی نے عندیہ دیا ہے کہ امریکی امداد کے بغیر افغان حکومت کا وجودہ باقی نہیں رہے گا اور افغان نیشنل آرمی کی بنیادیں 6 ماہ سے زیادہ عرصے تک قائم نہیں رہ سکیں گی۔غیر ملکی ٹیلی ویژن کے پروگرام سی بی ایس شو میں انٹرویو میں انہوں نے اقرار کیا کہ افغانستان کی حکومت مکمل طورپر واشنگٹن کے رحم و کرم پر ہے ۔دوسری جانب افغانستان میں امریکی فوج کے کمانڈر جنرل جون نیکولسن نے کہا کہ امریکا کی نئی تزویزاتی حکمت عملی کے تحت پاکستان پر ‘تعاون’ کے لیے سخت دباؤ ڈالا جارہا ہے۔انہوں نے مذکورہ پروگرام میں یقین کا اظہارکیا کہ افغانستان میں امریکا کا 16 واں برس ہے تاہم واشنگٹن طویل جنگ میں یقیناً کامیابی حاصل کرےگا۔افغان صدر اشرف غنی نے ایک سوال کے جواب میں کہا ‘مختلف ماہرین کا نقطہ نظر بالکل ٹھیک ہے، حکومت ابھی اس قابل نہیں کہ اپنی فوج کو امریکی امداد کے بغیر 6 ماہ تک چلا سکیں، اگر امریکا امداد سے ہاتھ کھنیچ لیتا تو ہماری حکومت تیسرے روز ہی گر جائے گی۔اسی دوران ‘کابل حملے میں اور امریکا کی طویل جنگ ’ نامی رپورٹ میں انکشاف کیا گیا کہ امریکا نے افغانستان میں جنگی محاذ پر اپنے ڈھائی ہزار فوجیوں سمیت 10 کھرب ڈالر کی خطیر رقم کی قربانی دے چکا ہے لیکن افغانستان کا دارالحکومت تاحال نشانے پر ہے جبکہ جنگ کے اختتام کا دور دور تک کوئی امکان نہیں۔اشرف غنی نے اقرار کیا کہ پشتون بیلٹ کے بڑے حصے پر طالبان کا کنٹرول ہے اور کابل حکومت انہیں بے دخل کرنے کی صلاحیت نہیں رکھتی۔افغان صدر نے بتایا کہ افغانستان کو 21 بین الااقوامی دہشت گرد تنظمیوں سے خطرہ ہے اور درجنوں خودکش حملہ آوار افغانستان بھیجے جارہے ہیں۔اشرف غنی کا کہنا تھا کہ ‘ادھر خودکش حملہ آور پیدا کرنے کی فیکٹری ہے اور ہم محاذ جنگ میں ہیں، طالبان نے عوام کو اتنا خوفزدہ کردیا ہے کہ وہ حکومت پر یقین کرنےپر آمادہ نہیں ہیں۔صحافی نے افغان صدر سے سوال کیا کہ ‘اگر آپ اپنے دارالحکومت کو محفوظ نہیں بنا سکتے تو کیسے پورے ملک کو بچا سکتے ہیں’، جس پر اشرف غنی نے کہا کہ ‘آپ مجھے بتائیں کیا نیوریارک پر حملہ روک سکتے ہیں؟ کیا آپ لندن کو حملوں سے بچا سکتے ہیں۔افغان صدر کی طرح جنرل نیکولسن نے اس امر پر امید کا اظہار کیا کہ نئی پالیسی کے تحت وہ جنگ کو اختتامی مرحلے میں دھکیل دیں گے اور اسی پالیسی سے جیت ممکن ہو گی۔واضح رہے کہ گزشتہ ہفتے ٹرمپ انتظامیہ نے 1 ہزار عسکری مشیروں کو افغانستان میں بھیجنے کا فیصلہ کیا تھا۔
(بشکریہ ڈان نیوز اردو)

تہران (اے این این)ایران کے صدر حسن روحانی نے کہا ہے کہ امریکا کی قیادت میں فلسطینیوں اور القدس کے خلاف ایک نئی اور خطرناک سازش تیار کی جا رہی ہے۔ ان کا کہنا ہے کہ القدس کو اسرائیل کا دارالحکومت تسلیم کرنا امریکا کا عالمی قوانین سے علم بغاوت بلند کرنے کے مترادف ہے۔ فلسطینی میڈیا رپورٹس کے مطابق اسلامی تعاون تنظیم او آئی سی کے زیرانتظام اسلامی پارلیمانی اتحاد کے 13 ویں اجلاس سے خطاب میں ایرانی صدر نے کہا کہ خطے میں دہشت گردی کے واقعات میں اضافے نے القدس اور فلسطین کو عدم توجہی کا شکار کیا ہے۔ انہوں نے فلسطین اور القدس کو درپیش خطرات کا مقابلہ کرنے کے لیے فلسطینی قوتوں کی صفوں میں اتحاد کی ضرورت پر زور دیا۔صدر روحانی کا کہنا تھا کہ امریکی صدر ڈونلڈ ٹرمپ کا اعلان القدس باطل، باغیانہ اور فلسطینی قوم پر حملے کے مترادف ہے۔اس موقع پر اسلامی پارلیمانی اتحاد کی مرکزی کمیٹی نے القدس اور فلسطینی قوم کے ساتھ مکمل یکجہتی کا اظہار کیا اور کہا کہ بیت المقدس ارض فلسطین کا اٹوٹ انگ ہے اور اس کے دفاع کیلئے فلسطینی قوم کی تحریک انتفاضہ کو مزید مستحکم کیا جائے گا۔اس موقع پر اسلامی پارلیمانی اتحاد نے اقوام متحدہ سے مطالبہ کیا کہ وہ القدس اور فلسطین کے حوالے سے اپنی قراردادوں پر سختی سے عمل درآمد کرائے اور فلسطین پر اسرائیل کا ناجائز قبضہ ختم کرانے کے لیے موثر حکمت عملی وضع کرے۔

واشنگٹن (اے این این)امریکی صدر ڈونلڈ ٹرمپ نے امیگریشن پالیسی کے حوالے سے یوٹرن لیتے ہوئے اب کہا ہے کہ ہم چاہتے ہیں دنیا کے تمام خطوں سے لوگ امریکا آئیں ۔صحافی نے ان سے وضاحت چاہی تو ٹرمپ نے اسے وائٹ ہائوس سے باہر نکلنے کو کہہ دیا ۔وائٹ ہائوس میں قازقستان کے صدر نورسلطان نذربایوف سے ملاقات کے بعد میڈیا بریفنگ میں صدر ٹرمپ نے کہا کہ وہ چاہتے کہ دنیا کے تمام خطوں سے لوگ امریکا آئیں ۔چند افریقی ممالک کے حوالے سے استعمال کیے گئے بے ہودہ الفاظ کے بارے میں صدر ٹرمپ نے ڈیموکریٹ سینیٹر ڈک ڈربن کو تنقید کا نشانہ بناتے ہوئے کہا کہ انہوں نے ان کے بیان کو مکمل طور پر غلط انداز میں پیش کیا ۔