Category تعلیم

 لاہور : پنجاب بھر کے سکولز آج جمعہ سے بند رہیں گے ، حکومت نے سموگ کے باعث جمعہ اور ہفتے کے روز سکولزمیں چھٹیاں دے رکھی ہیں جبکہ موسم 24دسمبر بروز ہفتہ سے موسم سرما کی چھٹیاں شروع ہو جائیں گی۔تفصیلات کے مطابق محکمہ سکول ایجوکیشن پنجاب نے موسم سرما کی چھٹیوں کا نوٹیفیکیشن بھی جاری کردیا ہے،محکمہ سکول ایجوکیشن پنجاب کی جانب سے جاری کیے گئے نوٹیفکیشن کے مطابق 2 جنوری 2023 کو صوبہ بھر کے سکولوں میں دوبارہ تعلیمی سرگرمیوں کا آغاز ہو گا ۔

کراچی: سندھ حکومت نے صوبے میں 26 دسمبر کو جزوی جبکہ 27 دسمبر کو عام تعطیل کا اعلان کردیا۔چیف سیکریٹری سندھ سہیل راجپوت کی جانب سے صوبے میں جزوی اور عام تعطیل کا نوٹیفیکیشن جاری کردیا گیا۔نوٹیفکیشن کے مطابق 26 دسمبر کو مسیحی برادری سے تعلق رکھنے والے سرکاری ملازمین کی چھٹی ہوگی۔ یہ چھٹی کرسمس کے سلسلے میں دی جائے گی۔ سابق وزیراعظم بے نظیر بھٹو کی برسی کے موقع پر 27 دسمبر کو صوبے میں عام تعطیل ہوگی۔نوٹیفکیشن میں مزید کہا گیا ہے کہ 26 دسمبر کی جزوی اور27 دسمبر کی صوبائی تعطیل کا اطلاق لازمی سروسز، کووڈ کی ایمرجنسی ڈیوٹی اور سیلاب زدگان کی بحالی کے کاموں میں شامل ملازمین پر نہیں ہوگا۔

لاہور : لاہور ہائیکورٹ کے حکم کی روشنی میں ڈسٹرکٹ ایجوکیشن اتھارٹی لاہور نے نجی اور سرکاری سکولوں کی ہفتہ میں جمعہ ،ہفتہ اور اتوار تین دن بندش کا نوٹیفکیشن جاری کر دیا ہے جسے پنجاب حکومت کے وکیل نے لاہور ہائیکورٹ میں پیش کر دیا ہے۔ نوٹیفکیشن کا اطلاق صرف لاہور کے سرکاری اور نجی سکولوں پر لاگو ہو گا واضح رہے کہ گزشتہ جمعہ کے روز لاہور ہائیکورٹ نے سموگ سے تدارک سے متعلق کیس کی سماعت کے دوران شہر کے تمام سکولز ہفتہ میں تین روز بند رکھنے کا حکم جاری کیا تھا

قربان ڈگری کالج برائے خواتین لاہور چھٹے کانووکیشن کا انعقاد کیا گیا۔ جس میں وائس چانسلر پنجاب یونیورسٹی سمیت مختلف شعبوں سے تعلقہ رکھنے والے افراد نے شرکت کی۔ اس تقریب میں بی۔ اے، بی ۔ ایس ۔ سی اور بی کام کی طالبات کو رول آف آرنرز ، سرٹیفکیٹس اور ڈگریاں دی گئیں۔ کالج میں نصابی و ہم نصابی سرگرمیوں میں بہترین کارکردگی کا مظاہرہ کرنے والی طالبات میں اسناد اور سرٹیفکیٹس تقسیم کئے گئے۔مہمانوں نے ادارے کی ترقی کے سفراور اسکی تعلیمی خدمات کو سراہا، کالج پرنسپل ناہید نعیم نے اپنی رپورٹ میں طالبات ان کے اساتذہ اور والدین کو مبارکباد پیش کی اور خواتین کی مجموعی تعلیمی صوتحال اور اہمیت پر روشنی ڈالی۔ ادارے کی ایڈمنسٹریٹر عابدہ محمود نے اپنے ووٹ آف تھینکس میں مہمانوں کا شکریہ ادا کیا، طالبات کو عملی زندگی میں ترقی اور خودمختاری حاصل کرنے کے لئے مفید رائے سے بھی نوازا۔

ملک بھر میں کورونا وائرس کے نئے ویرینٹ اومی کرون کے کیسز میں اضافے کے بعد تعلیمی اداروں کو ہفتے میں 3 دن کرنے کی تجویز سامنے آگئی ہے۔

نیشنل کمانڈ اینڈ آپریشن سنٹر (این سی او سی ) کا دوسرا اہم اجلاس ہوا جس میں تعلیمی اداروں کی صورتحال کا بھی جائزہ لیا گیا جبکہ اجلاس میں نئی بندشوں کے حوالے سے مختلف تجاویز زیر غورآئیں۔

اجلاس میں ‏تعلیمی اداروں کو ہفتے میں 3 دن کرنے اور اسلام آباد میں 7 روز کے لیے سکولز کو آن لائن کرنے کی بھی تجویز زیر غور آئی۔

ذرائع کے مطابق این سی او سی اجلاس میں تعلیمی اداروں میں جاری ٹیسٹنگ پر بریفنگ ‏دی گئی ، ایس او پیز پر عمل درآمد نہ کرنے والے تعلیمی اداروں کو سیل کرنے کا فیصلہ کیا گیا جبکہ تعلیمی اداروں میں سٹوڈنٹس و ٹیچرز کی لازمی ویکسینیشن کے لیے اقدامات پر زور دیا گیا ۔

سکولوں سے متعلق فیصلے کیلئے بین الصوبائی وزرائے تعلیم کا ہونے والا اجلاس ملتوی ہو گیا۔
اجلاس میں کرونا وائرس کے پیش نظر سکولوں کی ممکنہ بندش سے متعلق صورت حال کا جائزہ لیا جانا تھا، وفاقی وزیر تعلیم شفقت محمود کو مختلف امور پر بریفنگ دی جانی تھی،، تعلیمی اداروں میں حفاظتی اقدامات کا جائزہ لینا اجلاس کے ایجنڈے میں شامل تھا،،حکومت نے بیرون ملک سے آنے والوں کیلئے سینٹرل قرنطینہ پالیسی بھی منسوخ کر دی،، نئی ہدایات میں آزاد کشمیر سمیت تمام صوبوں اور پاکستان سول ایوی ایشن اتھارٹی کو کہا گیا ہے کہ بیرون ملک سے پہنچنے والے کرونا پازیٹو مسافر گھر پر قرنطینہ کریں گے،، مسافروں گھر پر 10روز قرنطینہ کریں گے جبکہ سرکاری قرنطینہ سنٹرز میں موجود مسافروں کو گھر منتقل کیا جائے گا۔

پنجاب میں سکولوں کی موسم سرما تعطیلات میں 20 جنوری تک توسیع کا امکان۔
سردی کی شدت میں اضافے کے باعث محکمہ سکول ایجوکیشن پنجاب کی جانب سکولوں کی موسم سرما کی چھٹیاں20جنوری تک بڑھانے پر غور کیا جارہا ہے،ذرائع کے مطابق محکمہ سکول ایجوکیشن پنجاب کی جانب سکولوں کی موسم سرما کی تعطیلات کے حوالے سے ایک دو روز میں حتمی فیصلہ متوقع ہے۔

خیبرپختونخوا میں موسم سرما کی تعطیلات کا آغاز ہوگیا، جبکہ سندھ میں تعلیمی ادارے کُھل گئے۔
خیبرپختونخوا میں نجی و سرکاری تعلیمی ادارے آج سے 12جنوری تک بند رہیں گے، اعلامیہ میں کہا گیا ہے کہ بالائی علاقوں میں 24 دسمبر سے 28 فروری تک تعطیلات دی جاچکی ہیں۔
سندھ میں موسم سرما کی تعطیلات ختم ہوگئیں، تمام سرکاری اور نجی تعلیمی ادارے کھل گئے، پہلے روز حاضری میں نمایاں کمی رہی، سکولز کالجز و جامعات میں کرونا ایس او پیز کو یقینی بنانے کی ہدایت کی گئی ہے۔
محکمہ تعلیم سندھ نے صوبے بھر میں 20 دسمبر سے موسم سرما کی چھٹیاں دی تھیں۔

سال 2021تعلیمی لحاظ سے مشکلات کا شکار، کرونا نے سب سے زیادہ متاثر کیا

سال 2021 تعلیمی لحاظ سے اچھا نہیں رہا، کرونا نے سب سے زیادہ تعلیمی نظام کو متاثر کیا،
سال 2021 بھی کرونا کی لپیٹ میں ہی رہا جس کے باعث تمام شعبہ زندگی کیساتھ تعلیمی سرگرمیاں متاثر رہیں، کبھی پچاس فیصد حاضری ہوئی تو کبھی تعلیمی ادارے مکمل بند کردیئے گئے، وزیر تعلیم سندھ سردار شاہ کا کہنا ہے کہ تعلیمی اعتبار سے رواں سال تعلیم کا حرج ہوا تو ضرور ہے، آن لائن پڑھنا سکول میں بیٹھ کر پڑھنے کا متبادل نہیں ہوسکتا،،آئے روز کرونا کیسز میں اضافے کے سبب میٹرک اور انٹر کے امتحان میں صرف اختیاری مضامین کے پرچے ہی دیئے جا سکے، 5جولائی سے میٹرک کے امتحان ہوئے تو 26جولائی سے انٹر کے امتحانات تاخیر کا شکار ہوئے، نتیجے کا اعلان بھی دیر سے ہوا تو نیا تعلیمی سال بھی تاخیر سے شروع ہوا،،وزیر تعلیم نے یقین دہانی کروائی ہے کہ سال 2022میں تعلیمی سرگرمیوں کو جاری رکھنے کی ہر ممکن کوشش کریں گے۔

سکول ہیڈ ماسٹرز کا 18 سال بعد ترقیوں کا دیرینہ مسئلہ حل ہوگیا۔ وزیر اعلی سندھ مراد علی شاہ نے 4 ہزار 401 ہیڈ ماسٹرز کو ترقی دینے کی سمری منظور کرلی۔
17 سے 20 گریڈ کے ہیڈ ماسٹرز کو ترقیاں دی جائیں گی۔ 17 گریڈ کے 3 ہزار 974، گریڈ 18 کے 293 ہیڈ ماسٹرز شامل ہیں۔ گریڈ 19 کے 130، گریڈ 20 کے 4 ہیڈ ماسٹرز بھی ترقی پانے والوں میں شامل ہیں۔