Tag ایمرا سپورٹس

سندھ(ویب ڈیسک)محکمہ موسمیات نے کراچی سمیت سندھ کے مختلف شہروں میں موسلا دھار بارش اور سمندری طوفان کا خدشہ ظاہر کیا ہے لہذٰا اس کے پیش نظر سندھ بورڈ آف ٹیکنیکل ایجوکیشن نے امتحانات ملتوی کردینے کا فیصلہ کیا ہے.۔سندھ بورڈ آف ٹیکنیکل ایجوکیشن کے اعلامیے کے مطابق ایسوسی ایٹ انجینیئرنگ ڈپلومہ کے آج سے 2 اکتوبر تک تمام امتحانات ملتوی کئے گئے ہیں۔اعلامیے کے مطابق ملتوی کیے گئے امتحانات اب 9 ، 11 اور 12 اکتوبر کو لیے جائیں گے۔

اسلام آباد (ویب ڈیسک) بجلی کی تقسیم کرنے والی کمپنیوں نے عوام پراوور بلنگ کا اعتراف کرلیا ہے۔تفصیلات کے مطابق نیپرا میں بجلی کی تقسیم کار کمپنیوں کی اوور بلنگ اور صارفین کی شکایات پر عوامی سماعت کی گئی۔ملتان الیکٹرک پاور کمپنی (میپکو) کے سی ای او نے عاتراف کیا کہ مئی میں صارفین کو زائد بل بھیجے گئے ،انہوں نے تفصیلات بتاتے ہوئے کہا کہ مئی میں 31 کی بجائے 37 روز کے بل بھیجے گئے، اگلے ماہ بجلی کے بل 26 دن کے بھیجے گئے، عید الفطر اور دوسری چھٹیوں کی وجہ سے اوور بلنگ کی گئی، کووڈ کی وجہ سے 8 سے 16 مئی کے دوران ریڈنگ پر اثر پڑا، 20 بیجز میں سے 8 بیجز کے صارفین اوور بلنگ سے متاثر ہوئے۔اس موقع پرچئیرمین نیپرا نے کہا کہ آپ نے 52 لاکھ صارفین میں سے بیشتر کے ساتھ زیادتی کی.سی ای او لیسکو کا کہنا تھا کہ گزیٹڈ چھٹیاں نکال کے ہمیں بڑی مشکل سے بیس دن ملتے ہیں اور جولائی میں عاشورہ اور گزیٹڈ چھٹیوں کے باعث اثر آیا۔
چئیرمین نیپرا نےبرہمی کا اظہار کرتے ہوئے کہا کہ آپ کیسے کہہ سکتے ہیں کہ اوور بلنگ نہیں ہوئی ، ایک ماہ میں 33 دن کے بل اور اگلے ماہ 37 دن تو اووربلنگ اور کیا ہوتی ہے ؟، جو نقصان کسی کا ہو گیا اس کا ازالہ کیسے کرنا ہے؟، چھٹیوں کی وجہ سے اگر صارفین کا نقصان ہوا ہے تو ان کا فائدہ بھی ضروری ہے۔
پی آئی ٹی سی کے سی ای او نے مزید بریفنگ دیتے ہوئے کہا کہ سارا معاملہ چھٹیوں کی وجہ سے ہوا، پانچ چھٹیوں کی وجہ سے ان ڈسکوز نے بل ایڈجسٹ کئے، ڈسکوز کی جانب سے معاملے کو مس مینیج کیا گیا، اوور بلنگ کا ایک ہی حل ہے کہ بلنگ دوبارہ کی جائے۔سماعت کے دوران بجلی صارفین نے رحیم یار خان میں 52 دنوں کا بجلی بل بھیجنے کا انکشاف بھی کیا۔

لندن (ویب ڈیسک)کچھ عرصےسے کھیلوں میں میچ فکسنگ کے واقعات سامنے آ رہے ہیں .اسی سلسلے میں ایک اور میچ میں فکسنگ کے انکشافات سامنے آئے ہیں .تفصیلات کےمطابق 2016 کے ریو اولمپکس کے باکسنگ مقابلے کے حوالے سے میچ فکسڈ ہونے کا انکشاف ہوا ہے۔برطانوی میڈیا کے مطابق باکسنگ میچز کی انکوائری رپورٹ میں 7 سے 10 میچ مشکوکو دکھائی دیے ہیں ،اوروہاں ممکنہ طورپر نتائج میں ہیرا پھیری کی گئی ہے۔ رپورٹ میں ایک آئرش باکسر اور روسی باکسر کی فائٹ کا بھی ذکر کیا گیا ہے جس میں آئرش باکسر کو پوائنٹس کی متنازع تقسیم کے بعد ناکام قرار دیا گیا تھا۔

ممبئی (ویب ڈیسک) دنیا بھرمیں بے شمار افراد ہیں جن کی شکلیں ایک دوسرے سے ملتی ہیں .اسی سلسلے میں بالی وڈ کی ایک مشہور اداکارہ کی ہمشکل کی تصاویر سوشل میڈیا پر وائرل ہو رہی ہیں‌.تفصیلات کے مطابق مشہوراداکارہ کترینہ کیف کی ہم شکل کی تصاویر سوشل میڈیا پربہت وائرل ہورہی ہیں۔بھارتی سوشل میڈیا اسٹار اور انفلوئنسر الینا رائے کا چہرہ اداکارہ کترینہ کیف سے بے حد مشابہت رکھتا ہے۔ الینا سوشل میڈیا پر بہت زیادہ ایکٹو ہیں اور ان کے انسٹاگرام پر 2 لاکھ سے زائد فالوورز ہیں۔ انہوں نے خود کو انسٹاگرام پر اداکارہ کے طور پر متعارف کروایا ہوا ہے۔سوشل میڈیا صارفین نے الینا رائے کو کترینہ کیف کی کاربن کاپی قراردیا ہے۔

امریکہ (ویب ڈیسک)بالاخر امریکا نے افغانستان میں جنگ میں ناکامی کا برملا اعتراف کر لیا.ذرائع کے مطابق امریکی جوائنٹ چیفس آف اسٹاف کے چیئرمین جنرل مارک ملی نے اس بات کا کھل کر اظہار کیاہے کہ امریکا اعتراف کرتا ہے کہ افغانستان میں 20 سالہ طویل “جنگ ہار” گئے.۔ ان خیالات کا اظہار انہوں نے امریکی ایوانِ نمائندگان کی کمیٹی برائے مسلح افواج کے سامنے بیٹھ کر کہی. انہوں نے کہا کہ افغان جنگ اسٹریٹجیک ناکامی تھی۔
جنرل مارک ملی کا مزید کہنا تھا کہ افغانستان میں جنگ ہماری شرائط پر ختم نہیں ہوئی۔
جنرل مارک ملی کا کہنا تھا کہ جب بھی اس طرح کا کوئی واقعہ ہوتا ہے تو اس میں بہت سارے عوامل شامل ہوتے ہیں اور ہمارے سیکھنے کے لیے بہت سارے سبق ہیں اس بات کے لیے ہمیں اندازہ لگانا ہو گا۔

اسلام آباد(ویب ڈیسک) حکومت کی طرف سے پیٹرول کی قیمت میں مزید 5 روپے 25 پیسے فی لٹر اضافہ کرنے کا امکان ظاہر کیا گیا ہے۔تفصیلات کے مطابق اوگرا نے پٹرولیم مصنوعات کی قیمتیں بڑھانےکی سمری پٹرولیم ڈویژن کو بھجوادی ہے جس میں پٹرول کی قیمت 5 روپے 25 پیسے فی لیٹر جب کہ ڈیزل کی قیمت میں ساڑھے 3 روپے فی لیٹر تک اضافے کی سفارش کی گئی ہے۔ ذرائع کا کہنا ہے کہ پٹرولیم مصنوعات کی قیمتوں میں اضافے کا حتمی فیصلہ وزارت خزانہ وزیراعظم کی مشاورت سے کرے گی جب کہ نئی قیمتوں کا اطلاق 1 اکتوبر سے ہوگا۔

کراچی (ویب ڈیسک) فیڈرل بورڈ آف ریونیو نے دفاتر کے اوقاتِ کار کے حوالے سے اہم اعلان کیا ہے. ایف بی آر نے دفاتر کے اوقات بڑھانے کا نوٹی فکیشن جاری کیا ہے۔تفصیلات کے مطابق ایف بی آر نے انکم ٹیکس ریٹرن جمع کرانے کی آخری تاریخ کے پیش نظر عوام کی سہولت کے لیے تمام دفاتر کے اوقات کار کو بڑھانے کا اعلان کیا ہے۔نوٹی فکیشن کے مطابق ایف بی آر کے تمام دفاتر 29 ستمبر کو رات 9 بجے جبکہ 30 ستمبر کی رات 12 بجے تک کام کرتے رہیں گے۔ایف بی آر کے مطابق ٹیکس اور ڈیوٹیز وصولی کے بعد مجاز برانچوں میں داخل کرائے جاسکتے ہیں۔

اسلام آباد (ویب ڈیسک) ملک بھر میں کورونا وبا سے ہزاروں ہلاکتیں ہو چکی ہیں .این سی او سی نے ویکسین لگوانے اور کورونا سے بچائو کےلیے سخت اقدامات اٹھاتے ہوئے شہروں میں پابندیاں لگائیں.اسی سلسلے میں اب این سی او سی نے 8 شہروں میں پابندیاں نرم کرنے کا اعلان کیا ہے.معاون خصوصی صحت ڈاکٹر فیصل کے ہمراہ این سی او سی کے سربراہ وفاقی وزیر اسد عمر نے پریس کانفرنس کی .کانفرنس میں اسد عمر نے کہا کہ ویکسین کورونا سے نجات کا واحد حل ہے اور دنیا سمجھ چکی ہے کہ کورونا کا مقابلہ صرف ویکسین سےممکن ہے اسی لیے اجلاس میں بھی ویکسین لگانے کے عمل کا جائزہ لیا گیا، جس کے بعد فیصلہ کیا گیا کہ 40 فیصد ویکسی نیشن والے شہروں میں پابندیاں نرم کی جائیں گی اور ان 8 شہروں کے علاوہ باقی شہروں میں پابندیاں 15 اکتوبر تک برقرار رہیں گی۔
اسد عمر نے مزید کہا کہ یکم اکتوبر سے اسکردو،پشاور،کوئٹہ،اسلام آباد،راولپنڈی سمیت8شہروں میں بندشیں کم کی جارہی ہیں، علاوہ ازیں انڈور اجتماعات میں 400 لوگوں کو شرکت کی اجازت ہوگی اور آوٹ ڈور اجتماعات میں 1000 لوگ شریک ہو سکیں گے، وہاں شادی کی تقریبات روزانہ ہوسکیں گی، جب کہ وہاں کے مزارات، سنیما اور تمام ریسٹورنٹس مکمل طور پر کھولنے کا فیصلہ کیا ہے. یکم اکتوبر سے ائر لائنز میں مسافروں کو کھانا بھی فراہم کیا جائے گا۔

لندن (ویب ڈیسک) انگلینڈ اینڈ ویلز کرکٹ بورڈ نے پاکستان سے معافی مانگ لی.تفصیلات کے مطابق انگلینڈ اینڈ ویلز کرکٹ بورڈ نے دورہ پاکستان سے دستبرداری پر معذرت کر لی .انہوں نے اگلے سال پاکستان کا دورہ کرنے کا عندیہ بھی دے دیا۔برطانوی میڈیا کےمطابق چئیرمین این واٹ مور نے کرکٹ فینز کے ساتھ اظہار افسوس کیا اور کہا کہ سکیورٹی معاملات پر تفصیل میں بات نہیں کرنا چاہتے تاہم ہم نے یہ فیصلہ کھلاڑیوں کی سکیورٹی اور فلاح کو مدنظر رکھتے ہوئے کیا۔
این واٹ مور نے اس حوالے سے مزید کہا کہ پاکستان کا دورہ نہ کرنا ایک بہت مشکل فیصلہ تھا، کرکٹرز سے بھی اس بارے میں رائے نہیں لی گئی، ہمیں اب نئے سرے سے پاکستان کرکٹ بورڈ کے ساتھ تعلقات بہتر بنانا ہیں اور ہمارا اب فوکس اگلے سال دورے کرنے پر ہوگا۔

دنئی دلی(ویب ڈیسک) بھارت میں انتہا پسندوں نے اپنی من مانی کے فیصلے صادر کرنے کی دھمکیاں دینا شروع کر دی ہیں .اسی سلسلے میں انتہا پسند ہندو رہنما سنت پرم ہنس نے ملک بھارت کو ہندو ریاست قرار دینے کا مطالبہ کیا ہے اور 2 اکتوبر کی ڈیڈ لائن دے دی ہے۔غیرملکی خبررساں ادارے کے مطابق انتہا پسند ہندو رہنما سنت پرم ہنس اچاریہ نے بھارتی حکومت کو دھمکی دی ہے کہ بھارت کو ہندو ریاست کا اعلان نہ کرنے کی صورت میں 2 اکتوبر کو جل سمادھی ہوگی۔انتہا پسند رہنما نے اعلان کیا ہے کہ اگر حکومت نے فیصلہ تسلیم نہ کیا تو مسلمانوں اور عیسائیوں کی بھارتی شہریت چھین لی جائے گی۔