Tag ایمرا سپورٹس

اسلام آباد(ویب ڈیسک) قومی کرکٹ ٹیم کے سابق اسپنر سعید اجمل نے کہا ہے کہ بھارت کے پاس پیسہ اور تگڑے اسپانسرز ہیں جس کی وجہ سے ان کا کرکٹ بورڈ بہت مضبوط ہے۔سابق اسپنر سعید اجمل ایک شو بولنگ ایکشن ’دوسرا‘ سے متعلق گفتگو کی۔لگنے والی پابندی سے متعلق سعید اجمل نے بتایا کہ انٹرنیشنل کرکٹ کونسل (آئی سی سی) نے ہر چیز میں سائنس کو ڈال دیا ہے اور کہا ہے کہ ہم ایسا نہیں ہونے دیں گے۔
انہوں نے مزید کہا کہ مجھ پر الزام لگانے سے قبل انھوں نے بھارتی اسپنر روی چندرن ایشون کو 6 ماہ کے لیے بولنگ سے روکا، ایشون کوبھی 6 ماہ ریسٹ کا کہا ، پھر بعد ازاں مجھے اور حفیظ کو سائیڈ لائن کر دیا گیا۔ بھارتی کرکٹ ٹیم کے فاسٹ بولر جسپریت بھمراہ اور بولر ہربھجن سنگھ کے ساتھ بھی مسئلہ تھا لیکن چونکہ وہ دونوں بھارتی کرکٹر ہیں اور پھر ان کے کرکٹ بورڈ کے پاس پیسہ اور اسپانسر دونوں تگڑے ہیں، اور پیسہ سر چڑھ کر بولتا ہے۔

(ویب ڈیسک)جموں کشمیر کی سابق وزیراعلیٰ اور پیپلز ڈیموکریٹک پارٹی کی صدرمحبوبہ مفتی نے منشیات کیس میں گرفتاراداکار شاہ رخ خان کے بیٹے کے حوالے سےاہم بیان جاری کیا ہے۔تفصیلات کے مطابق محبوبہ مفتی نے ٹوئٹر پر جاری اپنے پیغام میں کہا کہ قانون نافذ کرنے والے ادارے آریان کو اس کے سَر نیم کی وجہ سے نشانہ بنا رہے ہیں۔
انہوں نے انتہا پسند حکمران جماعت بی جے پی پر تنقید کرتے ہوئے لکھا کہ ملک کی ایجنسیاں یونین وزیر اجے مشرا کے بیٹے پر 4 کسانوں کو قتل کرنے کے جرم پر نظر ثانی کرنے کی بجائے 23 سالہ لڑکے کے پیچھے پڑگئی ہیں کیونکہ اس کا سَر نیم ‘خان’ ہے۔محبوبہ مفتی نے مزید لکھا کہ یہ انصاف کی توہین ہے کہ بی جے پی اپنے ووٹ بینک کی خوشی اور تسکین کیلئے مسلمانوں کو نشانہ بنا رہی ہے۔

اسلام آباد (ویب ڈیسک)وزیراعظم عمران خان نے کہا ہے کہ داعش سے چھٹکارا پانے کیلئے طالبان واحد اور بہترین آپشن ہیں۔انہوں نے ایک غیر ملکی جریدے کو انٹرویو دیا جس میں ان کا کہنا تھا کہ افغانستان میں امن اور استحکام خطے کے لیے ناگزیر ہے، افغانستان تمام ہمسایہ ممالک کے لیے اہم ترین تجارتی گزرگاہ ہے، وسط ایشیائی ممالک افغانستان کےراستے پاکستان تک رسائی حاصل کرسکتے ہیں، پاکستان افغانستان کا ہمسایہ ملک ہے، وہاں کے حالات ہم پر اثرانداز ہوتے ہیں، ہم کسی کا ساتھ نہیں دے رہے ، ہم امن کی بات کرتے ہیں۔
انکا مزید کہنا تھا کہ افغانستان میں افغانوں کو مختلف قسم کے مسائل کا سامناہے، امریکی فوج کے انخلا کے بعد افغانستان میں انسانی بحران کا خدشہ پیدا ہوا، افغانستان میں طالبان کی عبوری حکومت آچکی ہے، جواس صورتحال سے نمٹنے کی کوشش کررہی ہے، صورت حال پر قابو پانے کے لیے طالبان کو موثر اقدامات اٹھانا ہوں گے، افغانستان میں مضبوط طالبان حکومت دہشت گرد تنظیموں سے نمٹ سکتی ہے.

لاہور(ویب ڈیسک) پاکستان مسلم لیگ ن لاہور کے صدر اور ممبر قومی اسمبلی پرویز ملک انتقال کر گئے۔ذرائع کے مطابق پرویز ملک گزشتہ کچھ عرصے سے علیل تھے. انہیں دل کی تکلیف کے باعث اچانک اسپتال منتقل کیا گیا تاہم وہ جانبر نہ ہو سکے۔پارٹی ذرائع کے مطابق پرویز ملک مسلم لیگ کے قائد نواز شریف اور پارٹی صدر شہباز شریف کے بہت قریب تھے اور پارٹی میں ان کی تجاویز کو بھی بہت زیادہ اہمیت دی جاتی تھی۔ پرویز ملک این اے 133 لاہور سے مسلم لیگ ن کے رکن قومی اسمبلی تھے جبکہ پرویز ملک کے بیٹے علی پرویز ملک اور ان کی اہلیہ شائستہ پرویز ملک بھی رکن قومی اسمبلی ہیں۔

اسلام آباد (ویب ڈیسک)پیٹرولیم ڈویژن نے تیل اور گیس کی پیداوار کے حوالے سے اہم فیصلہ کیا ہے.تفصیلات کے مطابق پیٹرولیم ڈویژن نے ملک میں تیل اور گیس کی تلاش کیلئے لائسنس جاری کرنے کا فیصلہ کیا ہے۔پیٹرولیم ڈویژن کے مطابق نئے لائسنس کے اجرا کا مقصد ملک میں تیل اور گیس کی پیداوار کو بڑھانا ہے ۔ذرائع کے مطابق لائسنس کل جاری کیے جائیں گے.

فارو(ویب ڈیسک) کرسٹیانو رونالڈو نے ایک اور اعزاز اپنےنام کرا لیا.تفصیلات کے مطابق کرسٹیانو رونالڈو نے 181 واں میچ کھیل کر انٹرنیشنل شرکت کا یورپیئن ریکارڈ قائم کردیا ہے۔یہ کارنامہ کرسٹیانو رونالڈو نے گذشتہ ورلڈ کپ کے میزبان قطر کیخلاف دوستانہ میچ میں شریک ہوکر انجام دیا، پرتگال نے یکطرفہ مقابلہ 0-3 سے اپنے نام کرلیا۔علاوہ ازیں مانچسٹر یونائیٹڈ کے اسٹار فٹبالر نے سرجیو راموس کو پیچھے چھوڑدیا، اس سے قبل وہ یورپی اقوام کی جانب سے سب سے زیادہ 180 میچز کھیل چکے تھے.

اسلام آباد (ویب ڈیسک) پاکستان تحریک انصاف نے مسلم لیگ (ن) اور پیپلز پارٹی کے پارٹی فنڈنگ تک رسائی کیلئے الیکشن کمیشن کو درخواست دی تھی جسے منظور کر لیا گیا ہے.تفصیلات کے مطابق الیکشن کمیشن نے پاکستان تحریک انصاف کو مسلم لیگ (ن) اور پیپلز پارٹی کے پارٹی فنڈنگ ریکارڈ تک رسائی دے دی۔مسلم لیگ (ن) اور پیپلزپارٹی فارن فنڈنگ کیس پرالیکشن کمیشن میں سماعت ہوئی.جس کے بعد الیکشن کمیشن نے وزیر مملکت فرخ حبیب کی درخواست منظور کرتے ہوئے مسلم لیگ (ن) اور پیپلزپارٹی کے پارٹی فنڈنگ ریکارڈ تک رسائی دے دی۔
سماعت کے بعد فرخ حبیب کا کہنا تھا کہ آج الیکشن کمیشن میں (ن) لیگ اور پیپلز پارٹی کو شکست ہوئی ہے، (ن) لیگ کے 7 اور پیپلزپارٹی کے 12 ایسے اکاؤنٹس نکل آئے ہیں جو الیکشن کمیشن سے چھپائے گئے تھے.
انہوں نے مزید کہا کہ بلاول بھٹو زرداری اور مریم نواز کے جعلی اکاؤنٹس سامنے لائیں گے، یہ وہ لوگ ہیں جو التوا کے پیچھے چھپ جاتے تھے لیکن ہم انہیں اب بھاگنے نہیں دیں گے، مسلم لیگ (ن) اور پیپلز پارٹی کے ریکارڈ کا جائزہ لے کر الیکشن کمیشن کی اسکروٹنی کمیٹی کے سامنے رکھیں گے۔

ڈاکٹرعبدالقدیرخان کے قلم سے ….

دیکھئے اللہ تعالیٰ نے جو بے شمار نعمتیں ہمیں عطا کی ہیں وہ ہم کبھی دنیا بھر کے درختوں کے قلموں اور سمندروں کی سیاہی یا روشنائی سے بھی مکمل طور پر نہیں لکھ سکتے۔ آپ سے چند چیزوں کا ذکر کرتا ہوں مثلاً ہدایت، رزق، صحت، مال و دولت، قوّت و طاقت، عزت وغیرہ۔ سب سے زیادہ اہم نعمت ہدایت ہے۔

سورۃ کہف، آیت 17میں اللہ تعالیٰ فرماتا ہے کہ ’’جس کو اللہ ہدایت دے وہ ہدایت یاب ہے اور جس کو وہ گمراہ کرے تو تم اس کے لئے کوئی دوست ہدایت دینے والا، راہ دکھانے والا نہ پائو گے‘‘۔ کلام مجید میں بار بار ان چیزوں کا ذکر ہے جن کا میں نے ابھی اوپر ذکر کیا ہے۔ آج آپ کی خدمت میں غورو خوض کے لئے ان ہی چند باتوں کی جانب توجہ دلانا چاہتا ہوں۔

آپ جانتے ہیں کہ ہندو ایک نہایت تعلیم یافتہ قوم ہے ان کی تاریخ و تہذیب بہت پرانی ہے۔ یہ دنیا میں اپنی عقل و فہم کے بارے میں مشہور ہیں۔ اتنی پرانی تہذیب، اعلیٰ تعلیم، عقل و فہم کے باوجود اللہ تعالیٰ کی ہدایت سے محروم ہیں۔ گائے کا پیشاب پیتے ہیں۔ گوبر کھا لیتے ہیں۔ یہی نہیں بلکہ خود مٹی اور لکڑی کی مورتیاں بناتے ہیں اور ان کو نعوذ باللہ خدا مان کر پوجتے ہیں جو چیز آپ خود بنائیں خود اس کے خالق ہوں وہ آپ کا خالق کیسے ہوسکتا ہے؟

ٍیہی حال مسیحیوںکا ہے۔ ایک صلیب، کراس بناتے ہیں اس پر حضرت عیسیٰ ؑ کی مورتی بناتے ہیں اور اس کو پوجتے ہیں۔ اعلیٰ تعلیم یافتہ عیسائی دیوار پر ایسی ہی لگی مورتی کو پوجتے ہیں، بیمار ہوتے ہیں تو اس کراس اور مورتی کو لپٹ کر پکڑتے ہیں اور دعائیں مانگتے ہیں یہ جانتے ہوئے بھی کہ یہ پیتل کا ٹکڑا نا ان کی فریاد سن سکتا ہے اور نا ہی فائدہ پہنچا سکتا ہے۔

مسلمان بھی ایسی باتوں سے مبرّا نہیں ہیں لاتعداد رسم و رواج بنا رکھے ہیں جو اسلام کے بنیادی اصولوں کے خلاف ہیں۔ مثلاً رسول اللہﷺ کے وصال کے بعد ہی مسیلمہ بن کذّاب نے نبوّت کا دعویٰ کردیا، حالانکہ ابھی اسلام کی تعلیم، اللہ کے فرمان، احادیث تازہ تھیں۔ حضرت ابوبکر صدیقؓ نے فوراً اس فتنے کا سر کچلنے کا حکم دیا، ہزاروں مسلمان جن میں تقریباً 1200جیّد صحابی تھے شہید ہوگئے مگر اس فتنہ کا سر کچل دیا گیا۔ آپ سوچئے کلام مجید یعنی فرمان اِلٰہی کی موجودگی میں بھی کیا یہ ممکن تھا! جی تھا، جب ہی تو ہوا اور سورۃ کہف کی آیت کی سچائی ثابت ہوئی۔ کلام مجید میں بار بار آیا ہے کہ اللہ اور اس کے رسول (محمدؐ) کی اطاعت کرو ان کے فرمان کی نافرمانی کروگے تو سخت عذاب اور عتاب نازل ہوگا۔ اس پر مزید روشنی ڈالنے اور اہمیت بتانے کے لئے اللہ پاک نے فرمایا ہے کہ اللہ کے رسول اور اللہ کے احکامات کی تعمیل کرو۔ پھر کلام مجید میں صاف صاف فرمایا کہ محمدؐ اللہ کے آخری رسول ہیں اور مہر لگادی گئی ہے کہ اب کوئی اور نبی نہیں آئے گا۔

خود رسول اللہ صلی اللہ علیہ وسلم نے خطبہ حجۃ الوداع میں صاف صاف فرمایا کہ لوگوسنو! اب میرے بعد کوئی نبی نہیں آئے گا اور نا ہی کوئی نئی اُمت آئے گی۔ پھر انسان اپنی فطرت (جھگڑالو، جلدباز اور احسان فراموشی وغیرہ) کی وجہ سے ایسی باتیں کرتا ہے جو اللہ اور اس کے فرمان کے سخت خلاف ہیں۔ دیکھئے ایسے رویے ایسے کردار کے لئے اللہ تعالیٰ نے کلام مجید میں کئی جگہ فرمایا ہے۔ ’’بہرے، گونگے، اندھے ہیں پس یہ اپنی گمراہی سے باز نہیں آسکتے، بہرے گونگے اندھے ہیں پس یہ دیکھتے نہیں، بہرے گونگے اندھے ہیں پس یہ سمجھتے نہیں ہیں۔ ہم نے ان کے دلوں پر مہر لگادی ہے یعنی سوچنے اور سمجھنے کی قوّت کو سلب کرلیا ہے اور ان کو اب کوئی صحیح راہ نہیں دکھا سکتا۔

دیکھئے آج بھی وہی المیہ ہے جو 1400سال سے کچھ پہلے موجود تھا۔ یعنی ہم تو وہی کرینگے جو ہمارے آبائو اجداد کرتے آئے ہیں۔ آج کی نئی جوان قوم کے دماغ او ر دل میںبھی یہی چیز سما گئی ہے۔ اگر والدین غلط راہ، یعنی دین اسلام اور احکامات اِلٰہی کے منافی کاموں میں مصروف ہیں تو اس کو صحیح اور جائز سمجھ کر اس کی پیروی کرتے ہیں۔ نماز نہ پڑھنا، شراب پینا اور دوسرے غلط کاموں کی نقل عام ہے۔

میں نے اپنے پچھلے کالم میں ایک مفید مشورہ دیا تھا کہ ریڈیو پاکستان صبح 7بجے سے رات تک صوت القرآن کے نام سے تلاوت قرآن مع اردو ترجمہ پیش کرتا ہے یہ بہت ہی اعلیٰ پروگرام ہے آپ دکان میں، بڑے ڈیپارٹمنٹل اسٹورز میں نرم آواز یعنی ہلکی آواز میں اس کو لگائیں۔ آواز اُونچی، لوگوں کو ہراساں کرنے والی نہ ہو۔ آپ اللہ کے احکامات سن سن کر ان پر عمل کرنے لگیں گے۔ اور عوام بھی۔

(نوٹ) پچھلے کالم میں سورہ یوسف کی جگہ سورہ کہف لکھ دیا گیا تھا اور سورہ قمر کی جگہ سورہ حجرات شائع ہوگیا تھا۔ صحیح کرلیں، معذرت خواہ ہوں۔

اب تک مجھے روز ہزاروں ہمدردوں کی نیک خواہشات اور دُعائیں بذریعہ ای میل، ایس ایم ایس، واٹس ایپ موصول ہورہی ہیں اللہ پاک قبول فرمائے۔ آپ سب کا تہہ دل سے شکرگزار ہوں۔ الحمداللہ اب پہلے سے صحت بہت بہتر اور خطرے سے باہر ہے صرف تھوڑی کمزوری ہے ان شااللہ وہ بھی جلد دور ہوجائے گی۔ حقیقت یہ ہے کہ میرا رب کبھی مجھے تنہا نہ چھوڑے گا۔
بشکری جیو نیوز

ممبئی (ویب ڈیسک) اداکارشاہ رخ خان کے بیٹے آریان کے خلاف منشیات کا کیس چل رہا ہے.اس معاملے میں مختلف شوبز شخصیات نے اپنا موقف بیان کیاہے .اسی حوالے سے اداکارہ کنگنا رناوت نے بھی شاہ رخ پر شدید تنقید کی ہے. کنگنا رناوت نے شاہ رخ خان کو بیٹے کی گرفتاری پر طنز کا نشانہ بنایا اور انسٹاگرام پر ایک پوسٹ شیئر کی جس میں انہوں نے ماضی کا واقعہ یاد دلایا کہ کس طرح جیکی چن نے اپنے بیٹے جیسی چن کی منشیات اسکینڈل میں 2014 میں گرفتاری پر معافی مانگی تھی۔جیسی چن کو 7 سال پہلے پولیس نے 100 گرام چرس اپنے اپارٹمنٹ میں رکھنے کے جرم میں گرفتار کیا تھا۔
بیٹے کی گرفتاری کے بعد جیکی چن نے سوشل میڈیا پر جاری پیغام میں کہا تھا کہ ایک عوامی شخصیت ہونے پر دکھی ہوں، بیٹے کی صحیح دیکھ بھال نہ کرنے پر خود سے شرمندہ ہوں، اس کی ماں بھی کرب کا شکار ہے اور میں اس پر معافی کا طلب گار ہوں۔کنگنا نے اس سٹوری کو لگا کر ایک ہیش ٹیگ استعمال کیا جس سے ظاہر ہوتا ہے کہ وہ شاہ رخ خان کو بیٹے کی حرکت پر معافی مانگنے کا مشورہ دے رہی ہیں۔

نیو جرسی (ویب ڈیسک)دنیابھرمیں نسل پرستی کے واقعات سامنے آتے رہتے ہیں .ایسا ہی ایک واقعہ امریکا میں پیش آیا ہے.امریکی ریاست نیوجرسی میں ایک نسل پرست اسکول ٹیچر نے مسلم طالبہ کا زبردستی نقاب اتار دیا جس سے وہ طالبہ خوف زدہ ہوگئی۔ تفصیلات کے مطابق امریکا میں 7 سالہ سمعیہ معمول کے مطابق نقاب لگا کر اسکول گئی تو ٹیچر نے بچی سے زبردستی نقاب اتروالیا اور خوب ڈانٹ ڈپٹ بھی کی جس سے بچی خوف زدہ ہوگئی۔
سمعیہ کی والدہ نے میڈٖیا سے گفتگو کرتے ہوئے بتایا کہ دوسری جماعت کی میری بیٹی کو ایک ایسا دنیا اور رویے کا سامنا کرنا پڑا جس سے میں نے ہمیشہ اسے بچانے کی کوشش کی تھی۔کونسل آن امریکن اسلامک ریلیشنز نے اس واقعے کی مذمت کرتے ہوئے کہا کہ اسکول ٹیچر کے اس ناروا سلوک کا بچی کے ذہن پر پڑنے والے اثرات اسے زندگی بھر پریشان کریں گے۔
سمعیہ کی والدہ نے اسکول کے خلاف کیس دائر کرنے کا فیصلہ کیا ہے جس کی مسلمان کمیونٹی نے بھرپور حمایت کی ہے.