Tag ایمرا سپورٹس

اسلام آباد(ویب ڈیسک)وزیراعظم عمران خان نے رحمت اللعالمین ﷺ اتھارٹی کے قیام کا اعلان کیا ہے.انہوں نے رحمت اللعالمین ﷺ اتھارٹی کے اغراض و مقاصد سے بھی آگاہ کیا.وزیر اعظم عمران خان نےاسلام آباد میں رحمت اللعالمین ﷺ کانفرنس سے خطاب کیا.جس میں انہوں نے اتھارٹی کے قیام کا اعلان کرتے ہوئے کہا کہ ہم اس کے ذریعے سیرت نبی ﷺ بچوں اوربڑوں کو پڑھانے کا طریقہ کار طے کریں گے۔
وزیراعظم عمران خان نے اتھارٹی کی نگرانی خود کرنے کا اعلان کیا اور کہا کہ ہم نے اتھارٹی کے چیئرمین کی تلاش شروع کردی ہے، دنیا کے بہترین مذہبی اسکالرز کو چیئرمین بنایا جائے گا، جو اسلام سے متعلق دنیا کو آگاہ کرے گا۔علاوہ ازیں ان کا کہنا تھا کہ اتھارٹی کے ذریعے اسکولوں کے نصاب کی نگرانی بھی کی جائے گی۔ وزیر اعظم نے 12 ربیع الاول دھوم دھام سے منانے کا بھی اعلان کیا اور کہا کہ یہ ہمارے لیے بہت خوشی کا دن ہے۔
وزیراعظم کا مزید کہنا تھا کہ رحمت اللعالمین اتھارٹی دنیا کوبتائے گی اسلام کیا ہے، بچوں کواپنےکلچرسےمتعرف کرانےکیلئےکارٹون سیریز متعارف کرائی جائیں گی، اتھارٹی کا ایک ممبر میڈیا پر نشر ہونے والے مواد پر نظر رکھے گا۔

اسلام آباد (ویب ڈیسک) ملک بھر میں سو فیصد حاضری کے ساتھ تمام تعلیمی ادارے کھول دیئے گئے۔کورونا وبا میں کمی کے بعد این سی او سی کی جانب سے تعلیمی ادارے کھولنے کے احکامات جاری کئےگئے جس کے بعد پنجاب بھر میں نجی و سرکاری اسکولوں میں طلبہ کی 100 فیصد تعداد حاضر ہو سکے گی.
سندھ بھر میں بھی طالبعلموں سمیت اساتذہ و غیر تدریسی عملہ کی 100 فیصد حاضری کو بھی یقینی بنایا گیا ہے جبکہ تعلیمی اداروں میں 12 سال اور اس سے زائد عمر کے طالبعلموں کی ویکسینیشن لازمی قرار دی گئی ہے. 31 اکتوبر تک 21 اور اس سے زائد عمر کے طلباء کی ویکسین نہ ہونے پر انتظامیہ کے خلاف کارروائی کی جائے گی۔

لاہور(ویب ڈیسک) قومی کرکٹر صہیب مقصود کے حوالے سے اہم خبر سامنے آئی ہے.قومی کرکٹر صہیب مقصود کو ٹی20 ورلڈکپ اسکواڈ سے باہرکر دیا گیا ہے۔تفصیلات کے مطابق صہیب مقصود نیشنل ٹی ٹوئنٹی کے دوران کمر کی تکلیف کا شکار ہوئے تھے جس کے بعد ان کی ورلڈکپ میں شرکت پر سوالیہ نشان اٹھایا گیا تھا کس کے بعد پاکستان کرکٹ بورڈ کے چیف میڈیکل آفیسر ڈاکٹر نجیب اور فزیو کلف ڈیکن نے صہیب مقصود کی انجری کا جائزہ لیا اور انہیں مزید آرام کا مشورہ دیا ہے۔پی سی بی کا کہنا ہے کہ صہیب مقصود کے متبادل کا فیصلہ جلد کیا جائے گا۔

لاہور(ویب ڈیسک) ٹک ٹاکرعائشہ اکرام کے کیس میں پیش رفت ہوئی ہے.۔پولیس نے عائشہ اکرام کے بیان پر کارروائی کرتے ہوئے اس کے ساتھی ریمبو کو فرگتار کیا ہے جس کے بعد اس کی ویڈیو بھی سامنے آئی ہے. ریمبو نے میڈیا کے سامنے بیان دیا ہے کہ مجھے پتا ہے اس لڑکی کو کیسے میں زندہ وہاں سے نکال کر گھر لے کے گیا اور عائشہ اکرام نے مجھے ہی کیس میں نامزد کردیا، یہ نہ میری غلطی ہے اور نہ عائشہ اکرام کی غلطی ہے، مینار پاکستان جانے کا پلان میرا نہیں بلکہ عائشہ اکرام کا تھا، اس نے کسی اور کے ساتھ جانا تھا، لیکن جس کے ساتھ جانا تھا اس کے بھائی کا انتقال ہوگیا تھا جس کی وجہ سے مجھے عائشہ کے ساتھ جانا پڑا۔
علاوہ ازیں گرفتار ملزم ریمبو نے عائشہ پر الزام عائد کیا کہ وہ مقدمے کے ملزمان سے پیسے لینا چاہتی تھیں۔عائشہ مقدمے کے ملزموں سے 5، 5 لاکھ روپے لینا چاہتی تھی جس پر انہیں کہا کہ رقم کے پیچھے نہ بھاگو ، سمجھانے پر عائشہ نے غلیظ زبان استعمال کی اور دھمکی دی کہ اگر اس کے مطابق بیان نہ دیا تو جیل کی ہوا کھانی پڑے گی۔
عدالت میں میڈیا نمائندوں سے بات چیت کرتے ہوئے ملزم ریمبو نے کہا کہ کسی کی جان بچانے کی یہی سزا ملتی ہے اور سبق یہی ملتا ہے کہ کسی کا ساتھ نہیں دینا چاہیے۔ریمبو کا مزید کہنا تھا کہ عائشہ نے نہ جانے کیوں اسےمیڈیا پر بھائی بنایا.

چین (ویب ڈیسک) چین کے صدر شی چن پنگ نے کہا ہے کہ تائیوان کو دوبارہ چین کا حصہ بنا کر رہیں گے ۔برطانوی نشریاتی ادارے کی ایک رپورٹ کے مطابق چین کے صدر شی جن پنگ نے تائیوان کو دوبارہ اپنا حصہ بنانے کا عمل پرامن طریقے سے کرنے کا اعلان کیا ہے لیکن ساتھ ہی انہوں نے خبردار بھی کیا کہ چین کے لوگ علیحدگی کے خلاف جدوجہد کی ایک عظیم داستان رکھتے ہیں۔چینی صدر کے بیان پر ردعمل دیتے ہوئے تائیوان کے صدارتی محل کی جانب سے ایک بیان جاری کیا گیا ہے جس میں کہا گیا ہے کہ جزیرے کی قسمت کا فیصلہ اس پر رہنے والے لوگوں کے ہاتھ میں ہے۔علاوہ ازیں تائیوان کی صدر سائی اینگ وین نے کہا تھا کہ تائیوان فوجی تصادم نہیں چاہتا لیکن اپنی آزادی کے دفاع کے لیے ہر قدم اٹھائیں گے.

کراچی (ویب ڈیسک)اداکارہ وینا ملک کی طبیعت اچانک بگڑ گئی انہوں نے مداحوں سے دعائوں‌ کی اپیل کر دی ہے.تفصیلات کے مطابق وینا ملک نے سوشل میڈیا اکاؤنٹس پر اپنی بیماری کی اطلاع دیتے ہوئے دو تصاویر شیئر کیں ہیں .تصاویر میں انہیں اسپتال میں موجود دیکھا جاسکتا ہے اور ان کے خون کے ٹیسٹ کے لیے سیمپل لیا جارہا ہے۔وینا ملک نے اپنی پوسٹ میں قرآنی آیت کا ترجمہ بھی لکھا ’اور جب میں بیمار ہوتا ہوں تو اللّہ تعالیٰ مجھے شفا دیتا ہے‘۔

سندھ(ویب ڈیسک)ملک بھر میں گیس کا بحران شدت اختیار کر گیا ہے جس کے بعد 3 دن کے لیے نان ایکسپورٹ صنعتوں کو گیس کی فراہمی بند کر دی گئی۔ سندھ میں بھی گیس بحران کی وجہ سے سوئی سدرن کوگیس پریشرمیں شدید دشواری پیش ہے جب کہ سوئی سدرن کو آرایل این جی سپلائی میں بھی کمی کا سامنا ہے۔تفصیلات کے مطابق گیس بحران کے پیش نظر نان ایکسپورٹ صنعتوں سمیت نجی بجلی گھروں کوبھی گیس کی سپلائی پیر تک بند کردی گئی ہے جو پیر کی صبح 8 بجے تک بحال کی جائے گی۔ترجمان سوئی سدرن کا اس حوالے سے کہنا ہے کہ سمندرمیں تیز لہروں کے باعث ایل این جی کےجہازکی آمد میں تاخیر ہے،گیس کی کمی پرلوڈ مینجمنٹ پلان کے تحت تقسیم کی جارہی ہے لہذٰا گھریلوصارفین کو بلا تعطل گیس فراہم کی جائےگی۔

اسلام آباد (ویب ڈیسک) پینڈورا پیپرز میں شامل 700 پاکستانیوں کے خلاف باضابطہ طور پر تحقیقات کا آغاز کردیا گیا ہے۔پینڈورا پیپرز میں 700 پاکستانیوں کی غیر ملکی آف شور کمپنیاں رکھنے کے بعد وزیراعظم عمران خان نے پینڈورا پیپر کی تحقیقات کا اعلان کیا تھا۔ اعلیٰ وفاقی تحقیقاتی ادارے نے اپنی تحقیقات کا آغاز کر دیا ہے۔ تحقیقات میں ملک بھر کے ریونیو ڈیپارٹمنٹ اور نادرا سے بھی مدد لی جائے گی علاوہ ازیں تحقیقات کی روشنی میں رپورٹس ایف آئی اے، نیب اور ایف بی آر کو بھی فراہم کی جائیں گی تاکہ پاکستانی قوانین کے مطابق قانونی کاروائی ہوسکے۔تفصیلات کت مطابق پینڈورا پیپرز تحقیقات کو دو حصوں میں تقسیم کیا گیا ہے، جس کے تحت موجودہ یا سابق پبلک آفس ہولڈرز اور دیگر کاروباری شخصیات کے خلاف الگ الگ تحقیقات ہوں گی۔ تحقیقات کے پہلے مرحلے میں پینڈورا پیپرز میں سامنے آنے والے تمام پاکستانیوں کے ملک میں کاروبار، بینک اکاؤنٹس اور جائیدادوں کی تفصیلات جمع کی جارہی ہیں، اس کے علاوہ ان کے روزانہ کے اخراجات، بچوں کی تعلیم اور شادیوں سم یت دیگر تفصیلات بھی اکھٹی کی جائیں گی۔

لاہور(ویب ڈیسک)پاکستان کے معروف ای کامرس پلیٹ فارم او ایل ایکس مال اور الائیڈ بینک لمیٹڈ کے مابین سٹریٹیجک پارٹنر شپ کے لیے معاہدہ طے پا گیا ہے۔ اس حوالے سے ایک تقریب او ایل ایکس پاکستان کے ہیڈ آفس میں منعقد کی گئی جس میں دونوں اداروں کے اعلیٰ عہدیداران شریک ہوئے۔ معاہدے کے تحت او ایل ایکس مال سے موبائلز، الیکٹرانکس ، ہوم اپلائنسز اور لائف سٹائل پراڈکٹس خریدنے یا ان میں سرمایہ کاری کرنے والوںکو پُرکشش ڈیلز اور ڈسکاؤنٹس دئیے جائیں گے۔
تقریب سے خطاب کرتے ہوئے او ایل ایکس پاکستان کے ڈائریکٹر مارکیٹنگ ، سید اسد رضوی نے الائیڈ بینک کے او ایل ایکس مال کے بینکنگ پارٹنر بننے کو خوش آئند قرار دیا۔ انہوں نے کہا کہ اس شراکت داری کے ذریعے دونوں ادارے پاکستان کی ای کامرس انڈسٹری کو آگے بڑھانے کے لیے مل کر کام کرتے ہوئے ترقی کی نئی منازل طے کریں گے۔ اس اشتراک سے جہاں ہمیں اپنے صارفین کی بہتر خدمت کا موقع ملے گا وہاں مزید پاکستانیوں کو آن لائن خریداری کی طرف بھی لایا جا سکے گا ۔ اس حوالے سے گفتگو کرتے ہوئے الائیڈ بینک کے کارڈز اینڈ ایکوائرنگ بزنسز کے گروپ ہیڈ محمد زمان نے کہا کہ او ایل ایکس مال کے ساتھ اشتراک اس لیے کیا ہے کیونکہ اس کا اپنے صارفین کو سہولت دینے کا نظریہ ہمارے نظریے سے ہم آہنگ ہے، اس معاہدے کے ذریعے ہمارا مقصد صارفین کو ان کی ادائیگیوں کے لیے آسان حل دینا ہے ۔ صارفین کو آسان اور باسہولت تجربات دینے کے لیے ہم اپنی خدمات کو بہتر سے بہتر بناتے رہیں گے۔

قندوز(ویب ڈیسک) افغانستان کے شہر قندوز میں نماز جمعہ کے دوران زوردار دھماکا ہوا جس کے نتیجے میں 50 سے زائد افراد ہلاک اور 200 سے زائد زخمی ہوگئے۔عالمی خبر رساں ادارے کے مطابق افغانستان کے شہر قندوز میں ایک مسجد میں اس وقت زوردار دھماکا ہوا ہے جب وہاں نماز جمعہ کی ادائیگی جا ری تھی۔ترجمان طالبان کی جانب سے دھماکے میں متعدد افراد کے ہلاک ہونے اور زخمی ہونے کا خدشہ ظاہر کیا ہے مگرمقامی میڈیا کا دعویٰ ہے کہ 50 سے زائد افراد جاں بحق جبکہ 200 سے زائد زخمی ہیں۔ریسکیو ادارے کے ایمبولینس اور اپنی مدد آپ کے تحت زخمیوں کو اسپتال منتقل کیا گیا ہے جب کہ طالبان اہلکاروں نے علاقے کا محاصرہ کرلیا ہے اور سرچ آپریشن جاری ہے۔