Tag bollywood

(وقت نی2زآن لائن) مہوش حیات نے معروف فوٹو شیئرنگ ایپ انسٹاگرام پر ایک تصویر شیئر کی جس پر انہوں نے ایک دلچسپ کیپشن لکھا۔

اداکارہ نے لکھا کہ ’کسی کو بھی اس بات کی اجازت نہ دیں کہ وہ آپ کے ساتھ اُبلے ہوئے چاولوں کی طرح سلوک کرے‘ مہوش حیات نے اپنے کیپشن میں مزید لکھا کہ ’آپ بریانی ہیں بے بی گرل‘۔ اس کیپشن میں اداکارہ نے آخر میں ہیش ٹیگ کا استعمال کرتے ہوئے اپنے پہلے پیار کے بارے میں بتایا۔

اداکارہ نے ہیش ٹیگ میں لکھا کہ ‘بریانی ہمیشہ سے ہی میرا پہلا پیار ہے‘۔ مہوش حیات کا دلچسپ کیپشن پڑھنے کے بعد ان کے مداح بھی پیچھے نہ رہے اور ان کی تصویر اور کیپشن کی داد دینے لگے۔

اداکارہ مہوش حیات سوشل میڈیا پر بہت زیادہ متحرک رہتی ہیں اور صارفین کو اپنی تمام تر سرگرمیوں کے حوالے سے آگاہ رکھتی ہیں جب کہ اپنی سرگرمیوں کی وجہ سے اداکارہ کئی بار تنقید کا سامنا بھی کر چکی ہیں۔

(ایمرا نیوزآن لائن) پاکستانی ڈرامہ انڈسٹری کی معروف اداکارہ عائزہ خان نے اپنے گھر اور پیشہ وارانہ زندگی میں توازن رکھنے کی جدوجہد مداحوں سے شیئر کی۔

عائزہ خان نے اپنے انسٹاگرام اکاؤنٹ پر ایک طویل پوسٹ مداحوں سے شیئر کی۔ اداکارہ نے اس پوسٹ کے ذریعے تمام لوگوں کو اپنی روٹین اور گھر کو ایک ساتھ لے کر چلنے کی کوشش کے بارے میں بتایا۔

عائزہ خان 2019 میں متعدد ڈراموں میں نظر آئیں جس کی وجہ سے یہ سال ان کے لیے کافی مصروف رہا۔ عائزہ نے اپنی پوسٹ میں لکھا کہ ’اس سے پہلے کہ یہ سال ختم ہو، میں ان تمام لوگوں کی بے حد شکر گزار ہوں جنہوں نے مجھے اتنا پیار دیا اور میری حوصلہ افزائی کی۔

اداکارہ جو کہ دو بچوں کی والدہ بھی ہیں، انہوں نے مداحوں کو بتایا کہ صبح سویرے 7 بجے اٹھ کر بیٹی کا لنچ باکس تیار کرکے اسے اسکول چھوڑ کر آنے کے بعد دوسرے بیٹے کو تیار کر کے اپنی والدہ کے پاس چھوڑتی ہوں۔ عائزہ نے اپنی روٹین مداحوں سے شیئر کرتے ہوئے لکھا کہ کبھی کبھی تو میں اپنی والدہ سے کہتی ہوں کہ آپ میرے گھر آجائیں تاکہ میں اپنے کام پر جا سکوں۔

عائزہ خان نے طویل کیپشن میں بتایا کہ وہ کس طرح اپنی مشکل روٹین میں سے اپنے کام اور گھر کو ساتھ لے کر چلتی ہیں اور اس میں توازن قائم رکھتی ہیں۔ اداکارہ نے خود سے سوال کرتے ہوئے لکھا کہ یہ سب کرنا مشکل ہے؟ اور اس بات کے جواب میں عائزہ نے لکھا کہ کافی مرتبہ یہ میرے لیے مشکل ہوجاتا ہے لیکن جو محبت اور حوصلہ افزائی مجھے مداحوں سے ملتی ہے یہ مجھے سپر وومن (مضبوط عورت) بنا دیتی ہے۔

عائزہ نے اپنے کیپشن کے اختتام میں لکھا کہ میرے مداحوں کا پیار ہی مجھے کام کرنے کی ہمت دیتا ہے۔ واضح رہے کہ ڈرامہ انڈسٹری میں نام کمانے والی معروف اداکارہ عائزہ خان نے 2009 میں شوبز انڈسٹری میں قدم رکھا تھا۔ عائزہ خان نے پیارے افضل، دو قدم دور تھے، میری زندگی ہے تو اور دیگر ڈراموں میں اداکاری کے جوہر دکھائے ہیں۔ عائزہ نے 2014 میں پاکستانی شوبز اور فلم انڈسٹری کے معروف اداکار دانش تیمور کے ساتھ شادی کی۔

پاکستان(ایمرا نیوزآن لائن) شوبز انڈسٹری کی معروف اداکارہ فریال محمود نے انکشاف کیا ہےکہ ان کے سوتیلے باپ نے چار سال تک انہیں ہراساں کیا۔

ادکارہ نے حال ہی میں ایک ویب شو کے دوران انٹرویو میں انکشاف کیا جب میں امریکا میں رہتی تھی تو چار سال تک سوتیلے باپ نے ہراساں کیا اور اس وقت میں صرف 8 برس کی تھی۔

اداکارہ نے بتایا کہ میں امریکا میں اپنی والدہ کے ساتھ رہتی تھی، جب 8 سال کی تھی تو سوتیلے باپ مجھے ہراساں کرتے تھے اور 11 سال کی عمر تک انہوں نے مجھے ہراساں کیا۔ انٹرویو میں گفتگو کے دوران اداکارہ نے بتایا کہ جب میں 7 سال کی تھی تو والدین کی طلاق ہوگئی جس کے بعد وہ اپنی والدہ کے ساتھ امریکا چلی گئ جہاں والدہ نے تین شادیاں کیں۔

فریال محمود کا کہنا تھا کہ میری والدہ کے دوسرے اور تیسرے شوہر مجھے ناپسند کرتے تھے۔ اداکارہ نے مزید بتایا کہ میں نے کچھ وجوہات کی بناء پر آج تک یہ بات کسی کو نہیں بتائی کہ مجھے میرے سوتیلے باپ ہراساں کرتے تھے۔ فریال نے بتایا کہ میں یہ بات نہ ہی اپنے والد کو بتا سکتی تھی اور نہ ہی اپنے کسی بھائی کو ، جب بھی میں اپنے والدین کو آپس میں لڑتے ہوئے دیکھتی تھی تو میں نے متعدد مرتبہ خود کشی کرنے کی کوشش بھی کی۔

اداکارہ نے انٹرویو میں بتایا کے میں بہت جذباتی تھی اور اپنی زندگی سے خوش نہیں تھی جس کے بعد میں نے پاکستان آنے کا فیصلہ کیا۔ فریال محمود نے کہا کہ شوبز انڈسٹری میں قدم رکھنے کے بعد مجھے میرے رنگ اور وزن کی وجہ سے بے حد مشکلات کا سامنا کرنا پڑا جس کے بعد ورزش اور خوب محنت کرنے کے بعد میں نے اپنا وزن کم کیا اور اس انڈسٹری میں اپنی جگہ بنائی، شوبز انڈسٹری میں مجھے بہت مشکل خاتون سمجھا جاتا ہے۔

اداکارہ نے وضاحت کرتے ہوئے کہا کہ میں ایسی نہیں ہوں جیسا مجھے سمجھا جاتا ہے، میں ایماندار اور وقت کی پابند ہوں اور یہ بات بہت سے لوگ نہیں سمجھ پاتے۔واضح رہے کہ اداکارہ فریال محمود معروف گلوکارہ اور اداکارہ “روحانی بانو” کی بیٹی ہیں، انہوں نے ڈرامہ تم سے ہی تعلق ہے، محبت تم سے نفرت ہے ، لال عشق ، آپ کے لیے ، میرا یار ملادے اور تیری چاہ جیسے ڈراموں میں اداکاری کی ہے۔ حال ہی میں اداکارہ ڈرامہ سیریل داسی میں بھی اداکاری کرتی دکھائی دے رہی ہیں۔

ماہرہ خان(میڈٰیا92نیوزآن لائن) نے آئی فون 11 پرو میکس کے ’سلوفی‘ فیچر سے بنائی گئی ایک مختصر ویڈیو اپنے انسٹاگرام اکاؤنٹ پر شیئر کی جو سوشل میڈیا پر وائرل ہوگئی۔

اداکارہ نے ویڈیو کے کیپشن میں لکھا’ امید ہے کہ میں اس میں بہتری لا سکوں گی لیکن ابھی کے لیے یہ میری پہلی کوشش ہے۔‘ ماہرہ کے مداحوں نے ان کی اس ویڈیو کو بے حد پسند کیا اور اس ویڈیو میں ان کی خوبصورتی کی تعریفیں بھی کیں۔ واضح رہے کہ معروف امریکی ٹیکنالوجی کمپنی آئی فون نے چند روز قبل نئے آئی فون 11، الیون پرو اور الیون پرو میکس پاکستان میں لانچ کیے تھے۔

آئی فون کی 11 کی نئی سیریز میں ایک نیا فیچر بھی شامل کیا گیا جس کا نام ’سلو فی‘ ہے جس کے ذریعے صارف سلو موشن سیلفی ریکارڈ کر سکتےہیں۔ یہ ’سلو فی‘ ایپل فون کے فرنٹ کیمرے سے ایک سیکنڈ میں 120 فریم پر ریکارڈ ہوتی ہے جو کہ سیلفی میں سلو موشن کا اثر دیتی ہے اور یہی وجہ ہے کہ اس فیچر کا نام سلوفی رکھا گیا ہے۔

حمزہ علی عباسی(ایمرا نیوزآن لائن) نے گزشتہ ماہ اپنے ٹوئٹر پیغام میں مداحوں کو اس حوالے سے اشارہ بھی دیا تھا۔

حمزہ علی عباسی نے اپنے پیغام میں کہا تھا کہ’ایک دہائی سے زائد کا سفر اب اپنے اختتام کو پہنچا، میں اس ماہ کے اختتام پر ایک ضروری اعلان بھی کروں گا، امید ہے کہ میری آواز بہت سے لوگوں تک پہنچے گی۔‘ حمزہ علی عباسی نے اپنی ویڈیو میں وضاحت کرتے ہوئے بتایا کہ میں نے یہ اعلان اکتوبر کے آخر میں کرنے کا وعدہ کیا تھا مگر کچھ مصروفیات کی بناء پر یہ اعلان کرنے میں تاخیر ہوگئی جس کے لیے میں معذرت خواہ ہوں۔

انہوں نے بتایا کہ یہ فیصلہ میری زندگی کا سب سے بڑا فیصلہ ہےجو کہ خدا کے بارے میں ہے۔ اداکار نے ویڈیو پیغام میں اس فیصلے کا پس منظر بتاتے ہوئے کہا کہ ’میں اپنی نو عمری میں ہی لادین (ملحد) ہوگیا تھا۔‘ حمزہ نے بتایا کہ لادین ہونے کے بعد میں نے تمام مذہب کو غیر جانبداری کے ساتھ دیکھا اور پرکھا تو مجھے اسلام ہی اصل مذہب لگا۔

ان کا کہنا تھا یہ حقیقت 10 سے 12سال کے طویل درد ناک سفر کے بعد میرے سامنے واضح ہوئی۔ حمزہ نے طویل ویڈیو پیغام میں بتایا کہ جب میں نے موت کی حقیقت کو سمجھا تو مجھے زندگی کی تمام چیزیں موت کی طرح ختم ہوتے ہوئے نظر آتی گئیں۔

انہوں نے کہا کہ میں اب اپنی ساری زندگی اللہ اور اس کے بتائے ہوئے اصولوں کے مطابق اور انسانیت کی خدمت میں گزاروں گا، اب میں ٹی وی اور سوشل میڈیا کا پلیٹ فارم خدا کا پیغام آگے بڑھانے کے لیے استعمال کروں گا۔ حمزہ نے کہا کہ مجھے اللہ نے جتنی شہرت اور عزت دی ہے اب میں اس کو صرف دین، اسلام اور اللہ کے بتائے ہوئے اصولوں کو لوگوں تک پہنچانے کے لیے استعمال کروں گا۔

انہوں نے اپنے آخری ڈرامہ سیریل ’الف‘ کی بات کرتے ہوئے بتایا کہ اس ڈرامے کو کرنے کا مقصد صرف یہی تھا کہ اس میں اللہ کا پیغام چھپا ہوا تھا ورنہ فلم ’دی مولا جٹ‘ ہی میرا آخری پروجیکٹ ہوتا۔ حمزہ نے ویڈیو میں پیغام میں کہا کہ میں ڈرامہ اور فلمیں بناؤں گا لیکن ایسی جن میں کسی قسم کا غیر اخلاقی اور بدکاری کا مواد شامل نہیں ہوگا، ڈرامہ اور فلم کے میڈیم کو ملک کی سلامتی اور مذہب کا پیغام دینے کے لیے استعمال کروں گا۔

ویڈیو کے آخر میں شوبز چھوڑنے والے اداکار حمزہ علی عباسی نے کہا کہ میں اب دین کا ادنیٰ طالب علم بن کر زندگی گزاروں گا۔ واضح رہے کہ اداکار حمزہ علی عباسی نے 2006میں شوبز انڈسٹری کی دنیا میں قدم رکھا تھا جس کے بعد انہوں نے ’پیارے افضل‘ اور ’من مائل‘ جیسے ڈرامہ سیریل سے شہرت حاصل کی۔

حمزہ علی عباسی نے فلم ’وار‘ ، ’میں ہوں شاہد آفریدی‘ ، اور ’جوانی پھر نہیں آنی‘ میں بھی بہترین اداکاری کی۔ حمزہ علی عباسی حال ہی میں جیو ٹی وی کے ڈرامہ سیریک ’الف‘ میں اہم کردار نبھاتے ہوئے بھی نظر آرہے ہیں۔ اداکار حمزہ علی عباسی نے رواں سال25 اگست کو نیمل خاور سے شادی کرلی تھی۔ حمزہ علی عباسی کی اہلیہ نیمل خاور نے بھی ڈرامہ سیریل انٰا کے بعد شوبز چھوڑنے کا اعلان کردیا تھا۔

(ایمرا نیوزآن لائن) کرتار پور راہداری کی افتتاحی تقریب میں شرکت کرنے والے بھارتی اداکار سنی دیول بھی پاکستان سے ملنے والی محبت کے گن گانے لگے۔

سکھ مذہب کے بانی بابا گروونانک کے 550 ویں یوم پیدائش کے موقع پر وزیراعظم عمران خان نے 9 نومبر کو کرتار پور راہداری کا افتتاح کیا تھا اور اس موقع پر بھارت سے آنے والے مہمانوں میں اداکار سنی دیول بھی شامل تھے۔ میڈیا رپورٹس کے مطابق پاکستان سے واپسی پر سنی دیول نے بھارتی میڈیا سے گفتگو کرتے ہوئے کہا کہ ’یہ ایک بہت بڑی تقریب تھی جہاں مجھے بے حد پیار ملا۔‘

انہوں نے مزید کہا کہ یہ امن کی شروعات ہے، مجھے امید ہے کہ تمام تر معاملات پہلے کی طرح ہوجائیں گے۔ بھارتی اداکار کا کہنا تھا کہ پاکستان کے لوگوں نے بے حد محبت کا اظہار کیا، یہ ایک بہت بڑا اقدام ہے اور مجھے امید ہے کہ چیزیں اسی طرح جاری رہیں گی، لڑائی کا کیا فائدہ، صرف پیار ہونا چاہیے۔

خیال رہے کہ وزیراعظم عمران خان نے گزشتہ برس 28 نومبر کو کرتارپور راہداری کا سنگ بنیاد رکھا تھا۔ 9 نومبر کو ہونے والی افتتاحی تقریب میں وزیراعظم کی دعوت پر کانگریس رہنما اور سابق بھارتی کرکٹر نوجوت سنگھ سدھو اور بھارت کے سابق وزیراعظم منموہن سنگھ نے بھی شرکت کی تھی۔

(ایمرا نیوزآن لائن) فلمی ستاروں کو پسند کرنا ایک عام سی بات ہے اور اکثر خواتین فلمی ستاروں کو بے حد پسند کرتی ہیں جس کی وجہ سے کچھ خواتین کے شوہر احساس کمتری کا شکار ہوکر حسد میں مبتلا ہوجاتے ہیں اور ایسا ہی واقعہ نیویارک میں پیش آیا جہاں شوہر نے بھارتی اداکار ریتھک روشن کو پسند کرنے پر اپنی اہلیہ کو ہی قتل کردیا۔

27 سالہ امریکی خاتون ڈون دوجوائے بالی وڈ اسٹار ریتھک روشن کی بہت بڑی مداح تھیں اور انہیں ریتھک روشن بے حد پسند تھے لیکن ان کے 33 سالہ شوہر دینیشور بدھیدت کو یہ بات بالکل بھی پسند نہیں تھی۔ مقتولہ کی دوست مالا رامدھانی نے بتایا کہ ڈون ریتھک روشن کی فلمیں دیکھ کر لطف اندوز ہوتی تھیں اور ان کے شوہر دینیشور حسد کے مارے چینل ہی تبدیل کردیا کرتے تھے۔

مالا نے مزید بتایا کہ بالی ووڈ اسٹار ریتھک روشن کی کوئی بھی فلم ریلیز ہوتی تھی تو ڈون اسے فوراً دیکھا کرتی تھیں۔ پولیس کے مطابق قتل سے ایک دن قبل ڈون کے شوہر نے ان کے ساتھ ایک فلم دیکھنے کا وعدہ کیا تھا، کچھ دیر بعد دینیشور نے اپنی اہلیہ کی بہن کو ایک پیغام بھیجا جس میں لکھا تھا کہ ’میں نے تمھاری بہن کو مار دیا ہے‘۔ پولیس نے بتایا کہ دینیشور نے اہلیہ کو قتل کرنے کے بعد لاش کو اسی حالت میں چھوڑ کر فلیٹ کی چابی باہر رکھے گلدان میں رکھ کر خود کو بھی قریب میں ہی موجود درخت سے لٹکا کر خودکشی کر لی۔

غیر ملکی خبر رساں ادارے کے مطابق 27 سالہ خاتون کو کئی مرتبہ چاقو کے وار کرکے قتل کیا گیا۔ مقتولہ کی دوست نے بتایا کہ ان کی دوست اکثر شوہر کے تشدد کا ذکر کرتی تھی اور ایک مرتبہ پولیس نے ڈون پر تشدد کے الزام میں دینیشور کو گرفتار بھی کیا تھا۔

(میڈیا 92نیوزآن لائن) شوبز انڈسٹری کی معروف اداکارہ عائشہ عمر فلم ’ڈھائی چال‘ میں شمعون عباسی کے ساتھ نظر آئیں گی۔

فلم ڈھائی چال کی کہانی پاکستان کے صوبہ بلوچستان کی ہے جس میں اداکارہ ایک صحافی کا کردار کرتی دکھائی دیں گی جو بلوچستان کے خطے کی اصل تصویر پیش کرنے کے لیے کوشاں رہتی ہے۔ حال ہی میں ریلیز ہونے والی پاکستانی فلم درج کے اداکار شمعون عباسی فلم ڈھائی چال میں ایک بھارتی ایجنٹ کا کردار نبھائیں گے۔

فلم کی کہانی کے حوالے اداکار شمعون عباسی نے ایک انٹرویو میں بتایا کہ یہ کہانی بلوچستان کے حوالے سے ہے کہ کس طرح بلوچستان کے عوام نے خطے میں امن بحال کرنے کے لیے بے شمار قربانیاں دی ہیں اور ساتھ ہی بہت مشکل وقت بھی دیکھا ہے، فلم کی کہانی صحافت کے طلبہ پر مبنی ہے۔ فلم کے ہدایت کار تیمور شیرازی ہیں اور اس کا اسکرپٹ فائزہ چوہدری نے لکھا ہے جب کہ دیگر کاسٹ میں عدنان شاہ ٹیپو، رشید ناز، سلیم معراج، ہمایوں اشرف، پاکیزہ خان اور بلوچستان کے متعدد تھیٹر آرٹسٹ بھی شامل ہوں گے۔ فلم ڈھائی چال اگلے سال فروری میں ریلیز کی جانے کہ توقع کی جارہی ہے۔

لندن(ایمرا نیوز آن لائن)فلوریڈا کے ایک شخص نے ’پاپ میوزک کی شہزادی‘ میڈونا پر تاخیر سے کانسرٹ شروع کرنے پر مقدمہ درج کرادیا۔مدعی نے دعویٰ کیا ہے کہ گلوکارہ اپنے کانسرٹ رات 10:30 بجے کے بعد شروع کرتی ہیں اس لیے جو لوگ صبح سویرے کام پر جاتے ہیں یہ ان کے لیے یہ وقت بہت دیر سے ہے۔مدعی کا کہنا ہےکہ انہوں نے 17 دسمبر کو پاپ گلوکارہ کے فلمور میامی بیچ پر منعقدہ ‘Madame X Tour’ کانسرٹ کے شومیں جانے کے لیے تین ٹکٹ خریدے تھے، اس کانسرٹ کا آغاز 8:30 بجے ہونا تھا لیکن 61 سالہ پاپ گلوکارہ 2 گھنٹے تاخیر سے پہنچی۔

میامی ڈیڈ کاؤنٹی کی وفاقی عدالت میں دائر مقدمے کے مطابق نیٹ ہولینڈر نامی مدعی کو اگلے دن صبح کام پر جانا تھا جس کی وجہ سے وہ اس کانسرٹ میں شرکت نہیں کرسکتے تھے جو کہ رات ایک بجے ختم ہوتا۔ہولینڈر نے پاپ لیجنڈ پر یہ الزام بھی لگایا کہ وہ کانسرٹ کے شیڈول کے مطابق نہیں آتیں، گلوکارہ اس سے قبل بھی متعدد کانسرٹس میں وقت کی پابندی نہ کرتے ہوئے تاخیر سے کانسرٹ شروع کرتی آرہی ہیں۔

ممبئی(ایمرا نیوز آن لائن) بالی ووڈ اسٹار سلمان خان کے والد اور معروف بھارتی فلمساز سلیم خان نے بابری مسجد پر بھارتی سپریم کورٹ کے فیصلے کا خیر مقدم کرتے ہوئے کہا ہےکہ ہمیں مسجد کی نہیں بلکہ بہتر اسکولوں کی ضرورت ہے۔بھارتی میڈیا کے مطابق بابری مسجد کیس سے متعلق سپریم کورٹ کے فیصلے پر رد عمل میں سلیم خان نے کہاکہ سپریم کورٹ نے ایودھیا میں 5 ایکڑ کی جو زمین مسجد کے لیے دینے کا حکم دیا ہے اس پر اسکول قائم ہونا چاہیے اور وہ مسلمانوں کے حوالے کیا جائے کیونکہ بھارت کے مسلمانوں کو مسجد کی نہیں اسکول کی ضرورت ہے۔سلیم خان نے سپریم کورٹ کے فیصلے کا خیر مقدم کرتے ہوئے کہا کہ نبیﷺ نے اسلام کی دو صفات بیان کیں کہ محبت اور معاف کرنا، تو اب ایودھیا کا معاملہ ختم ہونے کے بعد مسلمانوں کو ان دو صفات کے ساتھ آگے بڑھنا چاہیے، محبت ظاہر کریں اور معاف کریں۔

انہوں نے مزید کہا کہ اس طرح کی چیزوں کو اب مت دہرائیں اور بس یہاں سے آگے بڑھیں جب کہ اس طرح کے حساس فیصلوں کے بعد امن اور ہم آہنگی قائم کی جارہی ہے جو لائق تحسین ہے، اب اسے قبول کریں کیونکہ ایک برسوں پرانا تنازع حل ہوچکا ہے، میں صدقِ دل سے سپریم کورٹ کے فیصلے کا خیرمقدم کرتا ہوں۔سلیم خان کاکہنا تھا کہ مسلمانوں کو ایودھیا تنازع پر بحث نہیں کرنی چاہیے بلکہ انہیں اپنے بنیادی مسائل پر بحث کرتے ہوئے ان کا حل تلاش کرنا چاہیے، یہی وجہ ہےکہ میں کہہ رہا ہوں کہ ہمیں اسکول اور اسپتالوں کی ضرورت ہے، اگر 5 ایکڑ کی متبادل زمین پر کالج بنے گا تو یہ زیادہ بہتر ہوگا، ایودھیا میں مسجد کے لیے ایک بلڈنگ فراہم کردی جائے کیونکہ ہمیں مسجد کی ضرورت نہیں، نماز تو ہم کہیں بھی پڑھ سکتے ہیں، ٹرین میں، جہاز میں، زمین پر یا کہیں بھی، مگر ہمیں بہتر اسکولوں کی ضرورت ہے۔

انہوں نے مزید کہا کہ اگر 22 کروڑ مسلمانوں کو اچھی تعلیم ملے گی تو اس ملک کی بہت سی مشکلات حل ہوجائیں گی، ہمیں اپنے مستقبل کی طرف دیکھنا چاہیے اور اس بات کو سمجھنا چاہیے کہ بہتر مستقبل ان کے لیے ہے جو اچھے تعلیم یافتہ ہیں، اصل مسئلہ یہ ہے کہ مسلمان تعلیم میں بہت اچھے نہیں ہیں لہٰذ اس لیے یہی کہوں گا کہ ایودھیا کا مسئلہ ختم کریں اور ایک نیا آغاز کریں۔