Tag lahore

اتنے مضبوط شک کی بنیاد پر سزا کا فیصلہ برقرار نہیں رکھ سکتے، چیف جسٹس
اسلام آباد (ایمرا نیوز آن لائن)سپریم کورٹ آف پاکستان نے قتل کیس میں محمد زمان کو شک کا فائدہ دیتے ہوئے بری کرنے کا حکم دیدیا۔پیر کو سپریم کورٹ میں راولپنڈی کے علاقے چونترہ میں قتل سے متعلق کیس کی سماعت چیف جسٹس آصف سعید کھوسہ کی سربراہی میں تین رکنی بنچ نے کی ۔ملزمان محمد زمان،محمد آزاد اور محمد شہزاد پر 2011 میں اورنگزیب کو گولیاں مار کر قتل کرنے اور اسکے بیٹے محمد عدنان کو زخمی کرنے کا الزام تھا۔سپریم کورٹ نے تفصیلی سماعت کے بعد محمد زمان کو شک کا فائدہ دیتے ہوئے بری کرنے کا حکم دیدیا۔ چیف جسٹس نے کہاکہ چار گھنٹے تک زخمی کو کسی نے نہیں ہٹایا۔چیف جسٹس نے کہا کہ جب پولیس پہنچی تو زخمی نے تحریر شدہ ایف آئی اے پولیس کو دی۔چیف جسٹس نے کہا کہ پوسٹ مارٹم میں مقتول کی موت کا وقت بھی نہیں لکھا گیا۔چیف جسٹس نے کہا کہ ایک زخم تین ضرب تین سینٹی میٹر ہے۔چیف جسٹس نے کہاکہ یہ بہت بڑا زخم ہے اسے تو قوما میں ہونا چاہیے تھا۔چیف جسٹس نے کہاکہ زخمی مدعی کیسے اتنا ہوش میں تھا کہ ایف آئی آر درج کرا دی۔چیف جسٹس نے کہا کہ میڈیکل رپورٹ اور گواہ کے بیان میں تضاد ہے جس سے شک پیدا ہوتا ہے۔چیف جسٹس نے کہ اکہ اتنے مضبوط شک کی بنیاد پر سزا کا فیصلہ برقرار نہیں رکھ سکتے۔ یاد رہے کہ ٹرائل کورٹ نے تینوں ملزمان کو سزائے موت سنائی تھی۔ہائیکورٹ نے محمد زمان اور محمد آزاد کی سزا برقرار رکھی جبکہ محمد شہزاد کو بری کر دیا ۔محمد آزاد دوران قید انتقال کر گئے جبکہ محمد زمان نے سزا کیخلاف سپریم کورٹ میں اپیل دائر کی ۔

ایڈمن بلاک سے ایم سی ایچ تک احتجاجی واک تین دن تک مطالبات نہ مانے گئے تو پمز کو بند کردیں گے،پمز کی نجکاری نہیں ہونے دینگے، ڈاکٹر اسفند یار
اسلام آباد (ایمرا نیوز آن لائن)بورڈ آف گور نرز کے خلاف پمز ملازمین نے کام چھوڑ کر ہڑتال شروع کر دی ،ایڈمن بلاک سے ایم سی ایچ تک احتجاجی واک کیا ۔پیر کو بورڈ اف گورنرز کے خلاف پمز ملازمین نے احتجاجا کام چھوڑ کر ہڑتال شروع کر دی۔ ملازمین وی سی افس کے سامنے جمع ہو کر انتظامیہ کہ خلاف شدید نعرے بازی کی ۔ اس موقع پر ڈاکٹراسفندیار نے خطاب کرتے ہوئے کہا کہ پمز 4ہزار ملازمین کا گھر ہے۔انہوںنے کہاکہ یہ ہم سب کا مسئلہ ہے،ڈاکٹرز اور پروفیسرز بھی ہمارے احتجاج کا ساتھ دیں۔ انہوں نے کہاکہ تین دن تک مطالبات نہ مانے گئے تو پمز کو بند کردیں گے۔انہوںنے کہاکہ ہم پمز کی نجکاری نہیں ہونے دینگے۔اسفند یار نے کہا کہ چند دن میں بھرپور احتجاج کا لائحہ عمل دیں گے۔انہوںن ے کہا کہ پریس کلب تک ریلی، سڑکیں بلاک اور کام چھوڑ ہڑتال کا آپشن موجود ہے۔ انہوںنے کہاکہ دوران احتجاج آپریشن تھیٹر اور وارڈز بند نہیں ہونگی۔ انہوں نے کہاکہ اگر کوئی ملازم احتجاج کی بجائے کام پر نظر آیا تو نقصان کا ذمہ دار خود ہوگا۔

جج کی رخصت کے باعث کارروائی کے بغیر سماعت ملتوی
اسلام آباد (ایمرا نیوز آن لائن)احتساب عدالت میں اشتہارات کا غیر قانونی ٹھیکہ سے متعلق کیس کی سماعت بغیر کاررائی کے ملتوی کر دی گئی ۔پیر کو جج ارشد ملک رخصت پر ہونے کے باعث ڈیوٹی جج محمد بشیر نے کیس کی سماعت کی ۔یوسف رضا گیلانی احتساب عدالت میں پیش ہوئے تاہم کیس کی سماعت بغیر کارروائی 11 مارچ تک ملتوی کر دی گئی جس کے بعد یوسف رضا گیلانی واپس چلے گئے ۔

ہر سال ایوان بالا کیلئے کروڑوں روپے کا بجٹ خرچ کیا جاتا ہے،بارش نے کرپشن عیاں کر دی
‘ پارلیمنٹ ہاﺅس کے چھتوں سے بارش کا پانی اندر داخل ، مختلف دیواروں پر پانی گرنے سے دراڑیں پڑ چکی ،پارلیمانی کمیٹیوں کا واویلا شروع،سی ڈی اے افسران نے چپ سادھ لی
ایف آئی اے کا سی ڈی اے مینٹیننس افسران کی کرپشن کے خلاف تادیبی کارروائی کا فیصلہ
اسلام آباد (ایمرا نیوز آن لائن) موسم سرما کی بارش نے ایوان بالا کی چھتوں میں دراڑیں ڈال دیں ‘ چھتوں نے ٹپکنا شروع کردیا‘ ہر سال ایوان بالا کے لئے کروڑوں روپے کا بجٹ خرچ کرنے کا دعویٰ کرنے والے سی ڈی اے حکام کی کرپشن بارش نے منظر عام کردی ‘ پارلیمنٹ ہاﺅس کے چار کونے چھتوں سے بارش کا پانی اندر داخل ہوگیا مختلف دیواروں پر پانی گرنے سے دراڑیں بھی پڑ چکی ہیں پارلیمانی کمیٹیوں نے واویلا شروع کردیا۔ سی ڈی اے افسران نے چپ سادھ لی۔ ایف آئی اے نے سی ڈی اے مینٹیننس افسران کی کرپشن کے خلاف تادیبی کارروائی کا فیصلہ کرلیا۔ تفصیلات کے مطابق وفاقی ترقیاتی ادارے کی طرف سے اسلام آباد کی سرکاری عمارتوں جس میں پارلیمنٹ ہاﺅس‘ پارلیمنٹ لاجز اور سرکاری کوارٹروں کی مینٹیننس اور تزئین و آرائش کیلئے سالانہ تین ارب سے زیادہ کا بجٹ مختص کیا جاتا ہے جبکہ پارلیمنٹ ہاﺅس‘ پارلیمنٹ لاجز کیلئے اس بجٹ کا نصف سے زیادہ حصہ خرچ کرنے کا دعویٰ کیاجاتا ہے۔ اس کے باوجود جونہی بارشں شروع ہوتی ہے ، پارلیمنٹ ہاﺅس کی چھتیں ٹپکنا شروع ہو جاتی ہیں۔ اس مقصد کیلئے سی ڈی اے اپنے من پسند ٹھیکیداروں کو فرضی ٹھیکے دے کر سالانہ کروڑوں روپے کا بجٹ آپس میں خرچ کرکے آپ میں بانٹ لیتے ہیں یہی وجہ ہے کہ کئی عرصہ سے پارلیمنٹ کی بوسیدہ اور خراب حالت درست نہیں کی جاسکتی ذرائع نے بتایا کہ گزشتہ سال پارلیمنٹ ہاﺅس اور لاجز کی مرمت کیلئے 80 کروڑ مختص کئے گئے اور مرمتی کام میں جس ٹھیکیدار کو نوازا گیا اس ٹھیکیدار کا سی ڈی اے کے کنٹریکٹ لسٹ میں نام ہے اور نہ ہی ادارے میں یہ کنٹریکٹر رجسٹرڈ ہے اس کے باوجود من پسند شخص سے کروڑوں روپے کی ڈیل کردی گئی۔ ذرائع نے بتایا کہ مذکورہ بلڈنگ کی چھتوں پر مٹھی بھر سیمنٹ لگا کر فرضی کام کرتے ہوئے سرکاری خزانہ کو 80 کروڑ کی پھکی دے دی گئی ہے جبکہ ایم این اے ہاسٹل لاجز کے رنگ و رغن کیلئے مختص کی گئی سولہ کروڑ روپے کی رقم کو بھی ملی بھگت سے غبن کردیا گیا ہے ایم این اے ہاسٹل کے سال کے اندر صرف تین کمرے سفارشی بنیادوں پر رنگ و روغن کئے جاسکے ہین باقی درجنوں کمرے شدید خستہ حالی کا شکار ہیں جہاں پر سیمنٹ پھوٹ پڑی ہے جبکہ دیواریں دیکھنے کے قابل نہیں ہیں ذرائع نے بتایا کہ پارلیمانی کمیٹی نے اس ہوالے سے چیئرمین سی ڈی اے ممبر انجینئرنگ کو اگلے دو روز میں طلب کرکے اس معاملے کا فوری حل نکالنے کا حکم دیا ہے جبکہ وفاقی تحقیقاتی ادارے نے سی ڈی اے کے شعبہ مینٹیننس کے خلاف گزشتہ سال پارلیمنٹ ہاﺅس اور لاجز پر خرچ کئے گئے تمام کوائف کی رپورٹ مانگ لی ہے جس کے مطابق 80 کروڑ روپے کی جاری کی گئی رقم کہاں اور کس کے ذریعے خرچ کی گئی ہے، کی رپورٹ کے بارے میں مکمل انکوائری عمل میں لائی جائے گی ایف آئی اے ذرائع کے مطابق سی ڈی اے کے گزشتہ سال میں جن جن ٹھیکیداروں کو من پسند ٹھیکے جاری کئے گئے ان کے حوالے سے بھی انکوائری عمل میں لائی جارہی ہے اس حوالے سے ذرائع نے بتایا کہ ایف آئی اے کو ایک رپورٹ ملی ہے جس کے مطابق سی ڈی اے کے شعبہ مینٹیننس نے گزشتہ سال روڑوں کی کارپٹنگ ‘ مکانات کی مینٹننس اور رنگ و روغن کی مد میں ملی بھگت سے کروڑوں روپے کی کرپشن کی ہے جبکہ مطلوبہ ترقیاتی کام صرف کاغذی کارروائی مین ڈال رک قومی خزانے کو لوٹا گیا ہے ۔ موقع پر ان ترقیاتی کاموں کا وجود نہیں ہے۔ اس کرپشن کی تحقیقات ایف آئی اے نے کرنے کی لئے تمام ثبوت حاصل کرلیے ہیں اور آئندہ ایک ہفتے تک ملوث افسران کےخلاف گھیرا تنگ کردیا جائے گا۔ ٬

پاکستان سے تعلقات ایک نئی جہت کو پہنچ رہے ہیں، یہا ں سرمایہ کاری کے بے پناہ مواقعے موجود ہیں، صرف ان کی تشہیر کرنا ہے پاکستان اور سعودی عرب میں برادرانہ تعلقات مگر تجارت کا حجم کچھ خاص نہیں ، تجارت کے حجم کو باہمی مذاکرات سے ممکن بنا یا جا سکتا ہے ،سعودی عرب اورپاکستان کے تذویراتی تعلقات خطے کے لیے اہم ہیں،سعودی وزیر تجارت ماجد بن عبداللہ
اسلام آباد(ایمرا نیوز آن لائن ) وزیراعظم عمران خان کے مشیر تجارت عبدالرزاق داﺅد نے کہاہے کہ سعودی عرب، پاکستان میں مختلف شعبوں میں سرمایہ کاری کر رہا ہے، سعودی سرمایہ کاروں کو تمام سہولیات فراہم کی جائیں گی، سعودی وزیر تجارت ماجد بن عبداللہ نے کہا کہ پاکستان سے تعلقات ایک نئی جہت کو پہنچ رہے ہیں، پاکستان میں سرمایہ کاری کے بے پناہ مواقعے موجود ہیں، صرف ان کی تشہیر کرنا ہے پاکستان اور سعودی عرب میں برادرانہ تعلقات ہیں مگر تجارت کا حجم کچھ خاص نہیں ہے تجارت کے حجم کو باہمی مذاکرات سے ممکن بنا یا جا سکتا ہے ،سعودی عرب اورپاکستان کے تذویراتی تعلقات خطے کے لیے اہم ہیں۔اسلام آباد میں سرمایہ کاری بورڈ کے زیر اہتمام پاکستان سعودی عرب سرمایہ کاری کانفرنس ہوئی جس میں دونوں ممالک کے تاجروں، سرمایہ کاروں اور دیگر کاروباری شخصیات نے شرکت کی۔ کانفرنس میں پاکستان میں سعودی سرمایہ کاری کو فروغ دینے پر بات چیت کی گئی۔ کا نفرنس میں مشیر تجارت عبدالرزاق داﺅد نے پاکستان میں سعودی عرب کی سرمایہ کاری پر شکریہ ادا کرتے ہوئے کہا کہ پاکستان میں سعودی عرب کی سرمایہ کاری بہت اہم ہے اور دونوں ممالک کے تعلقات کا نیا باب شروع ہورہا ہے، پاک سعودی تعلقات ہر آزمائش پر پورا اترے ہیں، سعودی عرب پاکستان کی ترقی کے سفر میں ہمیشہ شریک تھا اور رہے گا ،کانفرنس میں فوڈ ، ٹرانسپورٹ، کیمیکل سمیت دیگر اہم شعبوں کی شخصیات شرکت کررہی ہیں، پاکستان سعودی سرمایہ کاروں کو تمام سہولیات فراہم کرے گا اور سرمایہ کاری کے بہترین مواقع پیش کرے گا، خلیج تعاون کونسل (جی سی سی) کے آزاد تجارتی معاہدے کیلئے بھی مختلف تجاوز زیر غور ہیں۔اس موقع پر سعودی وزیر تجارت ماجد بن عبداللہ نے کانفرنس سے خطاب کرتے ہوئے کہا کہ سعودی عرب اور پاکستان کے اسٹریٹجک تعلقات خطے کے لیے اہم ہیں اپنے دورہ پاکستان کے حوالے سے ان کا کہنا تھا کہ دورے میں پاکستان کے ساتھ مختلف مسائل اور چیلنجز پر بات ہوئی، سعودی عرب اور پاکستان درپیش چیلنجز سے مل کر نمٹ سکتے ہیں۔انہوں نے کہا کہ باہمی روابط سے مختلف شعبوں میں تعاون کو فروغ ملے گامخلصانہ تعلقات پر وزیراعظم عمران خان کے مشکور ہیں پاکستان کادورہ میرے لیے اعزاز کی بات ہے، پاکستان سے تعلقات ایک نئی جہت کو پہنچ رہے ہیںسعودی عرب پاکستان میں مختلف شعبوں میں سرمایہ کاری کررہاہے، جی سی سی کے آزادتجارتی معاہدے کے لیے مختلف تجاویز بھی زیر غور ہیںپاکستان اور سعودی عرب کے درمیان قریبی تعلقات مزید مضبوط ہو گئے ہیں اور پاکستان میں سعودی سرمایہ کاری نئی بلندیوں کو چھو رہی ہے، سرمایہ کاری پیٹرولیم، توانائی، معدنیات اور دیگر شعبوں میں آرہی ہے اور پاکستان سعودی سرمایہ کاروں کو کاروبار کے یکساں مواقع فراہم کرےگا ۔ انہو ں نے مزید کہا کہ پاکستان میں سرمایہ کاری کے بے پناہ مواقعے موجود ہیں، صرف ان کی تشہیر کرنا ہے پاکستان اور سعودی عرب میں برادرانہ تعلقات ہیں مگر تجارت کا حجم کچھ خاص نہیں ہے تجارت کے حجم کو بڑھانا ہے جو باہمی مذاکرات سے ممکن ہے ،سعودی عرب اورپاکستان کے تذویراتی تعلقات خطے کے لیے اہم ہیں.

سندھ حکومت سے 20 کروڑ روپے لئے ۔ حکومت سے محاذ آرائی والی کوئی بات نہیں البتہ پالیسی کے مسائل ہیں جو وقت کے ساتھ ٹھیک ہو جائیں گے،بریگیڈیئر (ر) خالد سجاد کھوکھر
اسلام آباد(ایمرا نیوز آن لائن)پاکستان ہاکی فیڈریشن کے صدر بریگیڈیئر (ر) خالد سجاد کھوکھر نے کہا ہے کہ نومبر 2017 سے حکومت کی طرف سے مالی معاونت نہیں ملی ۔ اپنی کوششوں سے سندھ حکومت سے 20 کروڑ روپے لئے ۔ حکومت سے محاذ آرائی والی کوئی بات نہیں البتہ پالیسی کے مسائل ہیں جو وقت کے ساتھ ٹھیک ہو جائیں گے وہ گزشتہ روز صحافیوں کے ایک گروپ سے گفتگو کر رہے تھے انہوں نے کہا کہ میں پی ایچ ایف کا منتخب صدر ہوں ۔ دھونس سے کوئی استعفٰی نہیں لے سکتا ۔ تاہم کوئی اس یقین دہانی کے ساتھ آئے کہ وہ ہم سے بہتر ہاکی چلا سکتا ہے ۔ ارجنٹائن ، بیلجیئم ، ہالینڈ ، آسٹریلیا کو شکست دے سکتا ہے ۔ فنڈز میں فیڈریشن کو خود کفیل کر سکتا ہے تو پی ایچ ایف اس کے حوالے کی جا سکتی ہے ۔ انہوں نے کہاکہ ہر جگہ وقار سے کام کیا ہے عہدوں کی پرواہ کی بجائے عزت کو اولیت دیتا ہوں ۔ جب سے پی ایچ ایف کا صدر بنا ہوں ۔ذاتی کوششوں سے کروڑوں روپے کے فنڈز لایا ہوں ۔ جس کا آڈٹ بھی کرایا ہے ۔ لیکن ہماری راہ میں ہر جگہ رکاوٹیں کھڑی کی گئیں ۔ آخری وقت تک یہ معلوم نہیں ہوتا تھا کہ ٹیم بین الاقوامی مقابلوں کے لئے جائے گی یا نہیں ۔ ادھار لے کر ذاتی ذمہ داری پر بین الاقوامی کمٹمنٹس پوری کرتے رہے ہیں اب بھی کروڑوں روپے کے قرض دار ہیں ۔ ہمارے مقابلے میں بھارت کا نہ صرف ہاکی کے لئے اربوں روپے کا بجٹ ہے بلکہ ملک بھر میں بہترین انفراسٹرکچر بھی بنا رکھا ہے ۔ منظوری کے باوجود تبدیل کی جانے والی مصنوعی گھاس کی گراؤنڈز کی حالت دگرگوں ہے ۔پرولیگ کے بارے میں سوال کے جواب میں انہوں نے کہا کہ ہم نے ایگریمنٹ سائن کیا تھا لیکن بجٹ نہ ہونے کی وجہ سے ہم کیمپ تک نہ لگا سکے ۔ ہمارے ٹرینر اور کوچ فنڈز کی عدم دستیابی کی وجہ سے چھوڑ کر چلے گئے ۔ انہوں نے کہا کہ پرولیگ چھوڑنے کی وجہ سے ہمیں جرمانہ اور پابندی کا سامنا ہو سکتا ہے لیکن اس کے لئے ہم اپنا کیس پیش کریں گے اپنی مجبوریاں بتائیں گے ۔ جس کی وجہ سے امید ہے کہ ہمیں زیادہ مشکل کا سامنا نہیں کرنا پڑے گا ۔ انہوں نے بتایا کہ کراچی ہاکی سٹیڈیم کی لیز پاکستان آرمی سے ہمیں مل گئی ہے جس کی وجہ سے مستقبل میں ہم مالی طور پر خودکفیل ہو سکتے ہیں ۔پاکستان نیوی نصیر بندہ ہاکی سٹیڈیم میں ٹرف سمیت سٹیڈیم کی تعمیر اور دیگر سہولیات دینے کو تیار ہے ۔ لیکن اس کے لئے پاکستان سپورٹس بورڈ کو منظوری دینا ہو گی ۔ پاکستان آرڈیننس فیکٹری واہ نے ہمارے ساتھ ہاکی اکیڈمی اور اپنی ہاکی ٹیم بنانے پر رضامندی ظاہر کی تھی لیکن ہم معاہدے کے مطابق انہیں کچھ نہ دے سکے ۔جس کی وجہ سے معاملہ تعطل کا شکار ہے۔ انہوں نے کہاکہ پاکستان آرمی ، پاک نیوی ہاکی کے فروغ کے لئے پوری طرح ہمارے ساتھ کھڑی ہے ۔ حکومت کی سپورٹ سے ہم آگے بڑھ سکتے ہیں ہم تو یہاں تک کہتے ہیں کہ حکومت ہمیں کچھ دینے کی بجائے خود خرچہ کرے تو بھی ہم تیار ہیں ۔ انہوں نے کہا کہ کچھ لوگ سیٹوں کے لئے گند ڈالنے کی کوشش کر رہے ہیں اگر انہیں سیٹ مل جائے تو سب اچھا ہے ۔ گفتگو کے دوران پی ایچ ایف کے سیکرٹری شہباز سینئر اور خزانچی اخلاق عثمانی بھی موجود تھے ۔( جاوید/ ناصر اسلم راجہ )

زاہد نون کے ساتھ شادی تقریب کو خفیہ رکھا گیا ،شوبز انڈسٹری شخصیات کو مدعو نہیں کیا گیا
کراچی (ایمرا نیوز آن لائن)پاکستان کی نامور ماڈل و اداکارہ آمنہ بابر نے شادی کرکے اپنی زندگی کے نئے سفر کا آغاز کردیا۔آمنہ بابر نے زاہد نون سے شادی کی ہے، ان دونوں کی تصاویر سوشل میڈیا پر بھی وائرل ہورہی ہیں، جبکہ ان کی جوڑی کو بھی خوب پسند کیا جارہا ہے۔ماڈل نے اپنے انسٹاگرام اکانٹ پر خود اس خوشی کی خبر کا اعلان کیا۔اداکارہ نے تصاویر شیئر کرنے کے ساتھ اپنی شادی شدہ ہونے کی خبر بتائی۔آمنہ بابر نے اپنے نکاح کی تقریب میں نہایت سادہ لباس کا انتخاب کیا، جبکہ خوبصورت جیولری پہنی۔جوڑے نے اپنی شادی کی تقریب کو خفیہ رکھتے ہوئے انڈسٹری سے تعلق رکھنے والی شخصیات کو مدعو نہیں کیا۔

راولا کوٹ روٹ پر تمام تجارتی سرگرمیاں بھی ختم
راولا کوٹ(ایمرا نیوز آن لائن) بدحواس بھارت نے راولا کوٹ پونچھ میں بس سروس کو معطل کرنے کے ساتھ ساتھ اس روٹ پر تمام تجارتی سرگرمیاں کو بھی معطل کر دیا ۔ تفصیلات کے مطابق پلوامہ میں بھارتی فوج پر خودکش دھماکے کے بعد نریندر مودی سرکار دن بدن بدحواسی کا شکار ہوتی جار ہی ہے ۔ بھارتی میڈیا کے مطابق ہندوستان نے راولا کوٹ پونچھ بس سروس کو بھی معطل کر دیا ہے اور اس روٹ پر تمام تجارتی سرگرمیوں کو بھی معطل کر دیا گیا ہے تاکہ پاکستان کو سبق سکھایا جا سکے ۔( جاوید)

بھارت سے تجارت ختم ہونے سے کوئی فرق نہیں پڑتا،پاکستان کو ساٹھ ارب جبکہ بھارت کو چار سو ارب روپے سالانہ نقصان ہو گا،شاہد رشید بٹ
اسلام آباد (ایمرا نیوز آن لائن)اسلام آباد چیمبر آف سمال ٹریڈرز کے سرپرست شاہد رشید بٹ نے کہا ہے کہ بھارت نے مہم جوئی کی تو اسکا وجود صحفہ ہستی سے مٹ جائے گا۔ پاکستان کا موسٹ فیورڈ نیشن (پسندیدہ ریاست) کا درجہ ختم کرنے سے پاکستانی معیشت پر منفی اثر نہیں پڑے گا بلکہ نقصان بھارت کا ہے کیونکہ تجارتی توازن بھارت کے حق میں ہے ۔بھارت نے پاکستانی برامدات پر دو سو فیصد تک کسٹم ڈیوٹی عائد کر دی ہے اس لئے پاکستان بھی جوابی اقدام کرے۔ شاہد رشید بٹ نے یہاں جاری ہونے والے ایک بیان میں کہا کہ بھارت نے پاکستان کو تئیس سال قبل پسندیدہ ریاست قرار دیا تھا مگر ساتھ ہی مختلف محصولاتی و غیر محصولاتی رکاوٹیں بھی عائد کر دی تھیں اس لئے دو طرفہ تجارت چند ارب ڈالر تک محدود رہی جس کا توازن ہمیشہ بھارت کے حق میں ہی رہا۔تجارت کے خاتمہ سے پاکستان کو ساٹھ ارب روپے جبکہ بھارت کو چار سو ارب روپے تک کا سالانہ نقصان ہو گا۔ پاکستانی برامدات میں فروٹ، سیمنٹ، چمڑا، کیمیکل اور مصالحے وغیرہ شامل ہیں جبکہ بھارت سے کپاس، رنگ، کیمیکل، سبزیاں، لوہا اورفولاد درامد کیا جاتا ہے۔ تجارتی کشمکش سے پاکستان کے سیمنٹ کے شعبہ پر معمولی اثر پڑے گا جبکہ ٹیکسٹائل کی صنعت کی کاروباری لاگت میں کچھ اضافہ ممکن ہے۔ انھوں نے کہا کہ بھارت پاکستان کی عالمی تنہائی کیلئے کوشاں ہے مگر اسکی سازشیں ناکام ہونگی۔

نیب حکام نے چیئرمین کادستخط شدہ خط عدالت میں جمع کرا دیا ،عدالت نے ملزمان کے وکلاکو 20 فروری کیلئے نوٹس جاری کردیا
راولپنڈی (ایمرا نیوز آن لائن) قومی احتساب بیورو(نیب) کے چیئرمین جسٹس ریٹائرڈ جاوید اقبال نے میگا منی لانڈرنگ کیس بینکنگ کورٹ کراچی سے احتساب عدالت راولپنڈی منتقل کرنے کا حکم دیا ہے یہ انکشاف کراچی کی بینکنگ عدالت میں سماعت کے دوران ہوا اور نیب حکام نے نیب چیئرمین سے دستخط شدہ دستاویزات بینکنگ کورٹ میں جمع کرا دیئے ہیں۔دستاویزات میں استدعا کی گئی ہے کہ سپریم کورٹ نے نیب منی لانڈرنگ کیس کہ تفتیش کا حکم دیا ہے، کیس نیب کورٹ راولپنڈی منتقل کیا جائے۔جاوید اقبال نے نیب آرڈیننس کے شق 16 اے تحت احکامات دیئے ہیں ۔ نیب نے چودہ فروری کو بینکنگ کورٹ میں کیس منتقل کرنے سے متعلق عدالت کو آگاہ کیا تھا۔عدالت نے نیب چیئرمین کی درخواست پر سابق صدر آصف زرداری، فریال ٹالپور اور دیگر کو 20 فروری کیلئے نوٹسز جاری کر دیے ہیں۔میگا منی لانڈرنگ کیس کراچی سے پنجاب منتقلی کا حکم سابق چیف جسٹس پاکستان میاں ثاقب نثار نے دیا تھا ۔یاد رہے بنکنگ کورٹ کراچی میں ہونے والی گزشتہ سماعت میں تفتیشی افسر نے عدالت کو آگاہ کیا تھا کہ کیس میں کافی پیش رفت ہوئی ہے۔ جے آئی ٹی نے رپورٹ سپریم کورٹ میں جمع کرائی ہے جب کہ سپریم کورٹ کی ہدایت پر کیس کا ریکارڈ نیب کو منتقل کررہے ہیں۔عدالت نے تفتیشی افسر کو ہدایت کی تھی کہ آپ جو بھی کہہ رہے ہیں وہ لکھ کردیں۔ جس پر تفتیشی افسر محمد علی ابڑو نے کہا کہ وہ لکھ کر دے دیتے ہیں۔فاروق ایچ نائیک نے مقف اختیار کیا تھا کہ سپریم کورٹ نے اپنے حکم میں کہیں نہیں کہا کہ نیب میں ریفرنس فائل کیا جائے۔ صرف مزید تفتیش کا کہا ہے۔عدالت نے آصف علی زرداری اور فریال تالپور کی درخواست ضمانت میں توسیع کرتے ہوئے سماعت پانچ مارچ تک ملتوی کر دی تھی۔