All posts by EMRA

کراچی(وقت ٹی وی آن لائن) پاکستان پیپلز پارٹی کی قیادت پر سنگین ترین الزامات لگانے والی امریکی خاتون سنتھیارچی کے خلاف معروف ڈرامہ نگار خلیل الرحمان بھی میدان میں آگئے۔

سماجی رابطے کی ویب سائٹ ٹویٹر پر کی گئی ایک پوسٹ میں خلیل الرحمان قمر نے کہا کہ “مس سنتھیارچی یہ می ٹو تماشا بند کرو، اگر آپ نو سال قبل ریپ کا شکار ہوئی تو اس کا اظہار اب کیوں کیا جارہاہے؟ کیا اب آپ حاملہ ہوگئی ہیں؟

خلیل الرحمان قمر کے ٹویٹ پر لوگوں کی بڑی تعداد نے اپنی آرا پیش کیں۔

ریاست علی پنجابی نے لکھا “خلیل صاحب فرض کریں کہ وہ سچ بول رہی ہے ، اور اس وقت کسی بھی وجہ سے خاموش رہی ، تو کیا اسے اب بھی خاموش ہی رہنا چائیے ؟؟”

شائستہ نے تبصرہ کیا ” انویسٹیگیشن ہونی چاہیے اس معاملے کی ۔ پیپلز پارٹی کے کرتوت سب جانتے ہیں ۔ حیرت ہے لوگ اتنی جلدی کیسے بھول گئے ایان علی کو. اور اس کسٹم آفیسر کو جسے پیپلز پارٹی نے مروادیا تھا ایان علی کو بچانے کے لیے”

رانا فیصل نے اس معاملے پر کچھ یوں اظہارخیال کیا کہ ” ایسے ہی چلتا ہے سر…. مرضی سے سالہا سال چلتا رہے, تو بھی ذاتی تعلق… کسی بات پر بات بگڑ جائے تو… زبردستی و زیادتی وغیرہ وغیرہ اور پھر سالوں بعد اسکا احساس”

خیال رہے ڈرامہ نگار خلیل الرحمان قمر اس سے قبل بھی می ٹو مہم کیخلاف اپنے سخت بیانات کی وجہ سے سوشل میڈیا پر تنقید کا نشانہ بنتے رہیں۔ البتہ ان کی حمایت کرنے والوں کی ایک نمایاں تعداد بھی موجود ہے۔

اسلام آباد (وقت ٹی وی آن لائن) پاکستان میں مقیم امریکی صحافی خاتون سنتھیا ڈان رچی نے خود کے ساتھ پیش آنے والے زیادتی کے واقعے کی مزید تفصیلات بیان کردیں۔

سنتھیا ڈان رچی نے الزام عائد کیا ہے کہ ان کے ساتھ زیادتی کا واقعہ 2011 میں اسامہ بن لادن کی ہلاکت کے بعد منسٹرز انکلیو میں وزیر داخلہ کے گھر پیش آیا۔ ” میں نے سوچا کہ یہ میرے ویزہ سے متعلق میٹنگ ہے لیکن اس میں مجھے پھول اور نشیلا مشروب پلایا گیا ، میں خاموش رہی کیونکہ پی پی کی حکومت میں پی پی کے وزیر داخلہ کے خلاف کون ایکشن لیتا؟ حال ہی میں انہوں نے میری فیملی پر حملہ کیا۔”

سنتھیا رچی کے مطابق انہوں نے خود کے ساتھ پیش آنے والے زیادتی کے واقعے کے بارے میں 2011 میں امریکی سفارتخانے کو آگاہ کیا تھا لیکن اس وقت پاکستان اور امریکہ کے تعلقات کشیدہ ہونے کی وجہ سے مناسب جواب نہیں دیا گیا۔

سنتھیا رچی نے اپنی ذاتی زندگی کے بارے میں بات کرتے ہوئے بتایا کہ ان کی پاکستان میں انتہائی زبردست شخصیت سے ملاقات ہوئی ، اسی نے انہیں اس بارے میں بات کرنے کیلئے ہمت بندھائی ، کیونکہ اس بارے میں بات کرنے سے ہمیں بطور جوڑا زندگی میں آگے بڑھنے میں مدد ملے گی۔

خاتون صحافی کا کہنا تھا کہ اس بارے میں بات کرنے کو بہت کچھ ہے لیکن انہیں اپنے منگیتر کے ساتھ وقت گزارنے کیلئے کچھ دنوں کے آرام کی ضرورت ہے۔ ” میں پی پی کے قائد بلاول بھٹو زرداری سے کہتی ہوں کہ وہ اپنے لوگوں سے کہیں کہ میری فیملی کو اکیلا چھوڑ دیں۔ میں کسی بھی یا تمام تحقیق کاروں سے قانون کے مطابق ملنے کیلئے تیار ہوں ۔”

خیال رہے کہ اس سے قبل اپنے ایک ویڈیو پیغام میں پاکستان میں مقیم امریکی خاتون صحافی سنتھیا ڈان رچی نے کہا کہ وہ پیپلز پارٹی کے خلاف اس لیے زیادہ بولتی ہیں کیونکہ 2011 میں سابق وزیر داخلہ رحمان ملک نے ان کا ریپ کیا تھا۔ اس وقت کے وزیر صحت مخدوم شہاب الدین اور وزیر اعظم یوسف رضا گیلانی نے ایوان صدر میں انہیں جسمانی طور پر ہراساں کیا۔

سنتھیا ڈان رچی نے کہا کہ وہ اس واقعے کی مزید تفصیلات بتانے کیلئے بھی تیار ہیں لیکن وہ یہ تفصیلات تحقیقاتی صحافیوں کے سامنے بیان کریں گے۔ انہوں نے اس واقعے کی ساری تفصیلات سے اپنے بھروسہ مند دوستوں کو بھی آگاہ کردیا ہے تاکہ کل کو کچھ ہوجائے تو معاملہ سامنے آسکے۔

کراچی (وقت ٹی وی آن لائن)کراچی انسٹی ٹیوٹ آف ہارٹ ڈیزیز کے 6 ڈاکٹر کورونا وائرس کاشکارہو گئے،متاثرہ ڈاکٹروں کو گھروں میں آئسولیٹ کردیاگیا۔

نجی ٹی وی کے مطابق کراچی انسٹی ٹیوٹ آف ہارٹ ڈیزیز کے 6 ڈاکٹر وں میں کورونا وائرس کی تشخیص ہوئی ہے جبکہ ہسپتال کا ایک ڈرائیور گزشتہ روز کورونا کے باعث دم توڑ گیا،جس کی وجہ سے ہسپتال کابیشترطبی اورغیرطبی عملہ غیر حاضر رہنے لگا۔

سینئر ڈائریکٹر میڈیکل اینڈ ہیلتھ سروسزڈاکٹر بیربل کاکہنا ہے کہ متاثرہ شعبوں کو سیل کیا جائے گاجبکہ متاثرہ ڈاکٹروں کو گھروں میں آئسولیٹ کی ہدایت کردی ۔

لاہور(وقت ٹی وی آن لائن) پاکستان فلور ملز ایسوسی ایشن پنجاب نے آٹے کی قیمت میں مزید اضافہ کر دیا۔

مہنگائی کے ستائےعوام کے لیے بُری خبر آ گئی۔ پاکستان فلور ملز ایسوسی ایشن پنجاب زون نے آٹے کی قیمت میں مزید اضافہ کر دیا۔20 کلو آٹے کا تھیلا 50 روپے اضافے کے بعد 975 روپے کا ہو گیا۔ لاہور میں گزشتہ 10 روز میں آٹے کی قیمت میں دوسری مرتبہ اضافہ ہوا ہے۔

ہم نیوز کے مطابق 10 روز قبل آٹے کا بیس کلو کا تھیلا 805 روپے میں فروخت کیا جا رہا تھا۔ جو اب 170 روپے اضافے کے ساتھ 975 روپے میں فروخت ہو رہا ہے۔ذرائع کے مطابق مشیر خزانہ عبدالحفیظ شیخ کی زیر صدارت اقتصادی ماہرین کے اجلاس کو بریفنگ میں بتایا گیا کہ کورونا وائرس نے ملکی معیشت کے ہر شعبے کو بری طرح متاثر کیا ہے۔

ملکی معیشت کا حجم 440 کھرب سے سکڑ کر 415 کھرب تک رہ گیا اور کورونا کے باعث معیشت 25 کھرب روپے سکڑ گئی۔ذرائع نے انکشاف کیا کہ رواں سال جی ڈی پی گروتھ 3 فیصد ہدف کے مقابلے میں منفی 0.4 رہی اور مجموعی طور پر جی ڈی پی کی مد میں نقصان 3.6 فیصد تک ریکارڈ کیا گیا۔

ممبئی (ڈیلی پاکستان آن لائن )بھارتی ریاست کیرالہ میں شوہر نے اپنے دوستوں کے ساتھ مل کر اپنے ہی بیٹے کے سامنے بیوی کو شراب پلا کر گینگ ریپ کردیا۔

بھارتی میڈیا کے مطابق پولیس نے بیوی کو زبردستی شراب پلانے کے بعد دوستوں کے ہمراہ ریپ کرنے کے الزام میں شوہر سمیت 6 افراد کو گرفتار کرلیا۔بھارتی پولیس کے مطابق واقعہ 4 جون کو پیش آیا اور 25 سالہ خاتون کو اس کے 5 سالہ بیٹے کے سامنے ریپ کیا گیا۔

پولیس نے بتایا کہ خاتون کے شوہر اور اس کے 6 دوستوں کو گرفتار کرلیا گیا جبکہ ایک فرار ہونے میں کامیاب ہوگیا۔علاوہ ازیں پولیس نے بتایا کہ متاثرہ خاتون کے 5 سالہ بیٹے نے واقعے کی تصدیق کردی ہے۔

پولیس نے بتایا کہ خاتون کے شوہر اور ا س کے دوستوں کے خلاف تشدد، گینگ ریپ اور اغوا کا مقدمہ درج کرلیا گیا جبکہ مفرر ملزم کی گرفتاری کے لیے چھاپے مارے جارہے ہیں۔انہوں نے بتایا کہ چونکہ واقعہ بچے کے سامنے پیش آیا اس لیے چائلڈ پروٹیکشن ایکٹ کی شق بھی مقدمے میں شامل کی گئی۔

دوسری جانب کیرالہ اسٹیٹ ویمن کمیشن نے بتایا کہ خاتون کا شوہر اپنی بیوی اور دو چھوٹے بچوں کو پہلے ساحلی پٹی پر لے کر گیا اور اس کے بعد اپنے دوست کے گھر پہنچا جہاں اس نے اپنی بیوی کو زبردستی شراب پلائی اور اس کا گینگ ریپ کیا۔

انہوں نے بتایا کہ خاتون نیم بےہوشی کی حالت میں فرار ہونے میں کامیاب ہوگئی اور ایک نوجوان سے مدد طلب کی۔ان کا کہنا تھا کہ بعد ازاں نوجوان نے پولیس کو مطلع کیا۔

کراچی ( وقت ٹی وی آن لائن ) پاکستانی شہریوں کے لیے مالی سال 2020 بدترین ثابت ہوا جس میں انہوں نے دنیا کی سب سے بلند مہنگائی کا مشاہدہ کیا اور پالیسی ساز شرح سود میں اضافے پر مجبور ہوئے۔

اسٹیٹ بینک پاکستان کی جانب سے اپریل کے لیے جاری کردہ مہنگائی کی جائزاتی رپورٹ میں کہا گیا کہ ’نہ صرف دنیا کی ترقی پذیر بلکہ ترقی یافتہ معیشتوں کے مقابلے میں پاکستان نے بلند ترین افراطِ زر کا مشاہدہ کیا‘۔

رواں مالی سال کے دوران اسٹیٹ بینک نے مہنگائی کے دباؤ کو کم کرنے کے لیے شرح سود میں اضافہ کیا لیکن بلند شرح سود کا الٹا اثر ہوا اور اسے نہ صرف مہنگائی میں اضافہ ہوا بلکہ نجی شعبے نے صنعتی نمو اور خدمات میں رکاوٹ بننے والی مہنگی رقم کا قرض لینا بند کردیا۔

رپورٹ کے مطابق جنوری میں دوران میں افراطِ زر کی شرح 12 سال کی بلند ترین سطح پر یعنی 14.6 فیصد تھی اور قیمتوں میں اضافے کے ردِ عمل میں اسٹیٹ بینک نے شرح سود 13.25 فیصد تک بڑھا دی تھی۔

تاہم کورونا وائرس کے پھیلاؤ کے سبب پورا معاشی منظر نامہ الٹ گیا اور طلب میں کمی کے باعث اسٹیٹ بینک صرف 3 ماہ کے دورن شرح سود کو 5.25 فیصد تک کم کرنے پر مجبور ہوگیا۔

شرح سود میں کمی کا اعلان اس وقت سامنے آیا جب مئی کے دوران مہنگائی کم ہو کر 8.2 فیصد ہوگئی جو اسٹیٹ بینک کے اندازے سے بھی کم تھی۔

اسٹیٹ بینک کے مہنگائی کے جائزے کے تفصیلی گراف کو دیکھا جائے تو ترقی پذیر معیشتوں مثلاً چین، تھائی لینڈ، بنگلہ دیش، بھارت اور سری لنکا کے مقابلے پاکستان کی افراطِ زر میں عالمی وبا کے بعد سے کمی واقع ہوئی ہے۔

رواں مالی سال کے جولائی سے لے کر مئی تک کے عرصے میں مہنگائی اسٹیٹ بینک کے 1.94 تا 11 فیصد کے تخمینے سے بھی کم رہی جس میں جون کے دوران مزید کمی کا امکان ہے۔

گزشتہ 2 ماہ کے دوران حکومت نے 2 مرتبہ پیٹرولیم مصنوعات کی قیمتوں میں کمی جس سے پیدواری لاگت اور نقل و حمل کی لاگت کم ہوئی اور اس سے افراطِ زر بھی کم ہوگئی۔

ٹی وی چینل پر ایک انٹرویو میں معروف صنعتکار زبیر موتی والا نے حکومت سے مطالبہ کیا کہ معاشی سرگرمیوں کو فروغ دینے کے لیے شرح سود کو 5.25 فیصد سے بھی کم کیا جائے۔

تجارتی اور صنعتی شعبہ جات جہاں شرح سود میں کمی کا مطالبہ کرتے ہیں وہیں انہیں معلوم ہے کہ معیشت کی مکمل بحالی کے لیے 30 سے 40 کھرب روپے درکار ہیں۔

تاہم معاشی سست روی کے ساتھ اس سال ریونیو کلیکشن بھی ہدف سے کم رہی یوں اتنے بڑے پیمانے پر حکومت کے لیے رقم کا بہاؤ شامل کرنا نامکمن ہے۔

اسٹیٹ بینک کی جانب سے قرضوں کی اصل رقم کی ادائیگی موخر ، قرضوں کی ری شیڈولنگ اور صنعتی شعبوں میں نوکریوں کے خاتمے سے بچانے کے لیے آسان شرائط پر قرض فراہم کر کے اربوں روپے کا ریلیف دیا گیا۔

لاہور (وقت ٹی وی آن لائن ) پاکستان میں اب عالمی سطح پر انسانی آبادی کو متاثر کرنے والے نوول کورونا وائرس کے پھیلاؤ میں تیزی سے اضافے کا رجحان دیکھا جارہا ہے جس کے باعث ملک میں یومیہ ہزاروں کیسز اور درجنوں اموات سامنے آرہی ہیں۔

ملک میں اب تک کورونا وائرس سے 98 ہزار 943 متاثر ہوئے ہیں جبکہ اس سے ہونے والی اموات کی تعداد 2002 تک جاپہنچی ہے۔

سرکاری سطح پر فراہم کردہ اعداد و شمار کے مطابق آج (7 جون کو) پاکستان میں کورونا وائرس کے نئے 2498 کیسز رپورٹ ہوئے جبکہ مزید 28 اموات بھی ہوئیں۔

واضح رہے کہ پاکستان میں کورونا وائرس کی اس عالمی وبا کو آئے 3 ماہ سے زیادہ کا عرصہ گزر چکا ہے جس کے پھیلاؤ میں ہر گزرتے دن کے ساتھ مزید اضٖافہ ہوتا چلا جارہا ہے۔

ملک میں عالمی وبا کا پہلا کیس 25 فروری کو سامنے آیا تھا جس کے بعد اسی ماہ کے اواخر اور مارچ کے دوران پاکستان میں مصدقہ کیسز کی تعداد 2 ہزار تھی اور اس دوران 26 اموات بھی ہوئی تھیں۔

جس کے بعد اپریل میں متاثرہ افراد ساڑھے 16 ہزار سے زائد جبکہ اموات بڑھ کر 385 ہوگئی تھیں تاہم مئی میں کیسز میں اچانک تیزی آئی تھی جس کے باعث سیکڑوں میں رپورٹ ہونے والے کیسز ہزاروں تک پہنچ گئے جبکہ یومیہ اموات درجنوں ہوگئی۔

اس اضافے کی وجوہات میں حکومت کی جانب سے لاک ڈاؤن میں نرمی، کاروباری مراکز کھولنے کے فیصلے کے بعد عوام کی جانب سے اسٹینڈرڈ آپریٹنگ پروسیجرز (ایس او پیز) کی خلاف ورزی اور ملکی سطح پر ٹیسٹنگ کی صلاحیت میں اضافہ ہے۔

علاوہ ازیں رواں ماہ جون کے آغاز ہی سے ملکی صورتحال خطرناک ہورہی ہے اور صرف گزشتہ روز ملک میں ریکارڈ 5080 نئے کیسز اور 75 اموات کی تصدیق ہوئی تھی۔

پنجاب
آج صوبہ پنجاب میں کورونا وائرس کے 1782 کیسز اور مزید 24 اموات کی تصدیق ہوئی ہے۔

کورونا وائرس کے سرکاری اعداد و شمار فراہم کرنے والی ویب سائٹ کے مطابق 1475 کیسز کی تصدیق کے بعد پنجاب میں متاثرہ افراد کی مجموعی تعداد 35 ہزار 308 سے بڑھ کر 37 ہزار 90 ہوگئی۔

اس کے ساتھ ہی 24 افراد کے انتقال کے بعد صوبے میں عالمی وبا سے اموات کی مجموعی تعداد 659 سے بڑھ کر 683 تک پہنچ گئی۔

اسلام آباد
وفاقی دارالحکومت اسلام آباد میں آج کورونا وائرس کے ریکارڈ 656 کیسز سامنے آئے جبکہ 4 اموات بھی واقع ہوئیں۔

سرکاری سطح پر فراہم کردہ اعداد و شمار کے مطابق اسلام آباد میں مزید 656 افراد کے عالمی وبا سے متاثر ہونے کے بعد مجموعی تعداد 4323 سے بڑھ کر 4979 ہوگئی۔

علاوہ ازیں گزشتہ 24 گھنٹوں کے دوران مزید 4 افراد کے انتقال کے بعد وفاقی دارالحکومت میں اموات کی تعداد 45 سے بڑھ کر 49 تک جا پہنچی۔

گلگت بلتستان
ادھر گلگت بلتستان میں بھی کیسز میں اضافہ دیکھا جارہا ہے اور آج مزید 30 افراد میں کورونا وائرس کی تصدیق ہوئی ہے۔

کورونا وائرس کے اعداد و شمار فراہم کرنے والی ویب سائٹ کے مطابق نئے کیسز کے بعد گلگت بلتستان میں اب تک اس وبا سے متاثر ہونے والوں کی تعداد 897 سے بڑھ کر 927 ہوگئی۔

آزاد کشمیر
دوسری جانب آزاد کشمیر میں بھی کورونا وائرس کے مزید 30 کیسز رپورٹ ہوئے۔

یوں تو آزاد کشمیر اس وقت ملک میں وبا سے سب سے کم متاثر ہوا ہے تاہم وہاں بھی اب یومیہ کیسز کی تعداد بڑھ رہی۔

مذکورہ 30 کیسز کے اضافے کے بعد آزاد کشمیر میں عالمی وبا سے متاثرہ افراد کی مجموعی تعداد 331 سے بڑھ کر 361 ہوگئی۔

صحتیاب افراد
تاہم ایک طرف ملک میں عالمی وبا کے کیسز کی تعداد بڑھ رہی ہے تو دوسری طرف صحتیاب ہونے والوں کی تعداد میں بھی اضافہ ہورہا ہے۔

ملک میں گزشتہ 24 گھنٹوں کے دوران مزید 884 افراد صحتیاب ہوئے۔

جس کے بعد مزید 884 افراد کے اضافے سے پاکستان میں اب تک عالمی وبا کو شکست دینے والوں کی تعداد32 ہزار 581 سے بڑھ کر 33 ہزار 465 ہوگئی۔

مجموعی صورتحال
ملک میں عالمی وبا کے کیسز، اموات اور صحتیاب افراد کی تعداد میں اضافے کے بعد اگر مجموعی صورتحال پر نظر ڈالیں تو وہ کچھ اس طرح ہے:

مصدقہ کیسز: 98943

اموات: 2002

صحتیاب: 33465

فعال کیسز: 63476

اس وقت پاکستان میں زیادہ صوبہ پنجاب متاثر ہے جہاں کیسز کی تعداد 37 ہزار 90 ہے جس کے بعد سندھ میں کیسز کی تعداد 36ہزار 364 ہے۔

خیبرپختونخوا میں کورونا وائرس سے 13001 افراد متاثر ہوچکے ہیں جبکہ بلوچستان میں وبا میں مبتلا ہونے والوں کی تعداد 6 ہزار 221 ہے۔

علاوہ ازیں اسلام آباد میں 4979، گلگت بلتستان میں 927 اور آزاد کشمیر میں361 افراد عالمی وبا کا شکار ہوچکے ہیں۔

ملک میں اموات کی صورتحال کچھ یوں ہے:

پنجاب: 683

سندھ: 634

خیبرپختونخوا: 561

بلوچستان: 54

اسلام آباد: 49

گلگت بلتستان: 13

آزاد کشمیر: 08

پاکستان میں کورونا وائرس
خیال رہے کہ ملک میں کورونا وائرس کا پہلا کیس 26 فروری 2020 کو کراچی میں سامنے آیا تھا اور 25 مارچ تک کیسز کی تعداد ایک ہزار تک پہنچ چکی تھی۔

تاہم اس کے بعد مذکورہ وائرس نے پاکستان میں اپنے پنجے گاڑنا شروع کردیے اور اب تک 97 ہزار سے زائد افراد کورونا وائرس سے متاثر ہوچکے ہیں۔

پاکستان میں اموات
ملک میں کورونا وائرس سے پہلی موت 18 مارچ کو خیبرپختونخوا میں ہوئی تھی جس کے بعد 31 مارچ تک اموات کی مجموعی تعداد 26 ہوگئی تھی۔

تاہم یکم اپریل سے لے کر 30 اپریل تک مزید 359 اموات ریکارڈ کی گئیں، بعد ازاں مئی میں یہ تعداد 1400 سے تجاوز کرگئی تھی۔

کراچی (وقت ٹی وی آن لائن ) محکمہ تعلیم سندھ نے پرائمری اسکولوں کیلئے آن لائن ایجوکیشن متعارف کرادی۔

محکمہ تعلیم سندھ کے مطابق کے جی سے 5 ویں جماعت تک کے طلبہ کو آن لائن ایجوکیشن دی جائے گی جس کیلئے ایس ای ایل ڈی لرننگ نام کی ایپ تیار کر لی گئی ہے۔

محکمہ تعلیم کا کہنا ہے کہ یونیسیف اور مائیکروسافٹ کی مدد سے آن لائن ایجوکیشن کا منصوبہ تیار کیا گیا ہے۔

محکمہ تعلیم نے بتایا کہ ریاضی، سائنس، انگلش اور اردو کے مضامین آن لائن پڑھائے جائیں گے جب کہ آن لان کورس انگریزی، اردو اور سندھی زبان میں موجود ہیں۔

محکمہ تعلیم سندھ کے مطابق چھٹی سے 12 ویں جماعت تک آن لائن ایجوکیشن پر ابھی کام جاری ہے۔

خیال رہے کہ کورونا وائرس کی وجہ سے مارچ کے آغاز سے ملک بھر کے تعلیمی ادارے بند ہیں اور 15 جولائی تک بندش میں اضافہ کر دیا گیا ہے جب کہ اس دوران میٹرک اور انٹر سمیت او اور اے لیول کے سالانہ امتحانات بھی منسوخ کر دیے گئے ہیں۔

ٌلاہور ( وقت ٹی وی آن لائن ) سری لنکن کرکٹ ٹیم کےسابق کپتان کمار سنگاکارا نے لاہور میں ٹیم کی بس پر ہونے والے حملے کو یاد کرتے ہوئے بس ڈرائیور کو ایک بار پھر ہیرو قرار دیا ہے۔

3مارچ 2009کے واقعے کو یاد کرتے ہوئے کمار سنگاکارا نے کہا کہ ہم معمول کے مطابق بس میں اسٹیڈیم کی جانب رواں دواں تھے، گاڑی میں سفر کے دوران کھلاڑی ایک دوسرے سے گپ شپ کررہے تھے۔

اپنے حالیہ انٹرویو میں سنگاکارا نے انکشاف کیا ہے کہ بس کے اندر ایک فاسٹ بولر یہ کہہ رہا تھا کہ ‘وکٹ بہت زیادہ فلیٹ ہے، مجھے یوں لگتا ہے کہ مجھے اسٹریس فریکچر نہ ہوجائے ، وہ کھلاڑی گپ شپ کے دوران کہہ رہا تھا کہ کاش کوئی بم دھماکا ہوجائے اور ہم لوگ گھر کو واپس لوٹ جائیں’۔

سنگا کارا نے انکشاف کیا کہ اس کھلاڑی کی بات ابھی مکمل ہوئے 20 سیکنڈز ہی گزرے تھے کہ اچانک فائرنگ کی آوازیں آنا شروع ہوگئیں ، ہم سمجھے کہ کوئی آتش بازی کررہا ہے ، اتنے میں ایک کھلاڑی چلایا کہ ‘نیچے لیٹ جائو ، حملہ آور بس کو نشانہ بنارہے ہیں’، تلکارتنے دلشان سامنے ہی بیٹھے ہوئے تھے ، میں وسط میں بیٹھا ہوا تھا ، مہیلا جے وردھنے اور مرلی دھرن میرے عقب میں تھے ، مرلی دھرن، تھیلان سماراویرا کے درد کی آواز سن سکتے تھے ، مجھے یاد ہے اوپنر تھرنگا بھی سامنے ہی موجود تھے ، ہم بس کی نشستوں کے بیچ میں چھپے ہوئے تھے۔

سنگاکارا نے بتایا کہ حملہ آوروں نے بس پر کئی گولیاں برسائیں، گرنیڈز بھی پھینکے اور راکٹ لانچر بھی استعمال کیا ، میں نہیں جانتا ہم کس طرح سے بچ گئے ، تھیلان زخمی ہوچکے تھے ، مجھے بھی کندھے پر لوہے وغیرہ کے کئی ٹکڑے لگے ، اجینتھا مینڈس بھی زخمی تھے، تھرنگا کے سینے سے خون بہہ رہا تھا اور اس دوران وہ گر گئے کہ شاید انہیں گولی لگی ہے ، ہمیں ایک دوسرے کی تکلیف سے چلانے کی آوازیں سنائی دے رہی تھیں۔

انہوں نے بتایا کہ بدقسمتی سے ہماری سیکورٹی پر مامور تمام افراد مارے جاچکے تھے ، یہ بہت ہی تکلیف دہ عمل تھا ، حملہ آوروں نے ہمارے ڈرائیور کو کئی بار نشانہ بنانے کی کوشش کی ، وہ کئی مرتبہ بال بال بچے ، وہی ہمارے اصل ہیرو تھے ، ہم صرف اسی لیے زندہ بچ گئے کیوں کہ وہ زندہ تھے اور وہ وہاں سے ہمیں زندہ نکال لائے۔