All posts by emra

جڑانوالہ:فیصل آباد آل پاکستان کلرکس ایسوسی ایشن مہنگائی کے خلاف سڑکوں پر آگئی ۔ ایپکا محکمہ تعلیم ونگ نے بڑھتی ہوئی مہنگائی اور تنخواہوں میں اس تناسب سے اضافہ نہ ہونے پر احتجاجی ریلی نکالی۔ ڈویژنل وائس چیئرمین ایپکا میاں جمیل اور صدر ایپکا سکولز ونگ امان اللہ کی قیادت میں سی ای او ایجوکیشن آفس سے ڈی گراؤنڈ تک احتجاجی ریلی نکالی گئی۔ مہنگائی پر قابوپانے، تنخواہ میں مہنگائی کیتناسب سے اضافیکا مطالبہ کیا گیا۔ ایپکا کی احتجاجی ریلی میں کلرکوں کی بڑی تعداد نے شرکت کی اور حکومت کے خلاف نعرے بازی کرتے ہوئے آئے روز مہنگائی میں اضافے کی مذمت کی اور حکومت سے مہنگائی کنٹرول کرنے کا مطالبہ کیا۔

جڑانوالہ :محکمہ جیل خانہ جات پنجاب کی جانب سے فیصل آباد سمیت صوبے بھر کی جیلوں میں دنیاوی تعلیم کے ساتھ ساتھ دینی تعلیم کی فراہمی کے اقدامات کے مثبت نتائج سامنے آئے ہیں، بتایا گیا ہے کہ گزشتہ ایک سال میں پنجاب کی جیلوں میں 2 ہزار 458 قیدیوں نے دینی کورس مکمل کیا جبکہ 10 قیدیوں نے جیل میں رہ کر قرآن پاک حفظ کیا

جڑانوالہ:محکمہ تعلیم پنجاب نے فنڈز جاری کئے بغیر سرکاری سکولوں میں سکول بیس اسیسمنٹ کروانے کا حکم دے دیا۔جڑانوالہ کے سرکاری سکولوں میں زیرتعلیم 8 لاکھ بچوں سے پیپر لینا مشکل ہوگیا۔ سالانہ امتحانات لینے پر کم سے کم پانچ کروڑ روپے سوالیہ پرچوں کی پرنٹنگ یا فوٹو کاپی پر لگیں گے۔ سکول سربراہان اور اساتذہ تنظیموں نے پیپروں کے انعقاد کو یقینی بنانے کیلئے فنڈز کی فراہمی کا مطالبہ کردیا۔ پنجاب ٹیچر یونین کے صدر رانا لیاقت کہتے ہیں سکول بیس اسیسمنٹ کے لیے محکمہ تعلیم سرکاری سکول کو اضافی فنڈز فراہم کرے۔ اس وقت ایک فوٹو کاپی 6 سے 7 روپے میں ہو رہی ہے۔ سکول بیس اسیسمنٹ کا پیپر 5 سے 7 صفحات پر مشتمل ہوتا ہے۔ پچھلے سال بھی سکول بیس اسیسمنٹ کے امتحان پر کروڑوں روپے خرچ ہوئے۔ سکول بیس اسسمنٹ سالانہ امتحان کے لیے سکولوں کو کوئی اضافی فنڈز یا گرانٹ جاری نہیں کی گئی۔ مہنگائی کی وجہ سے نان سیلری بجٹ سے تو یوٹیلیٹی بلز کی ادائیگی بھی پوری طرح ممکن نہیں۔ سکول بیس اسسمنٹ کے لئے سرکاری سکولوں کو فی الفور اضافی فنڈز دیئے جائیں۔

کراچی: پاکستان شوبز کے معروف اداکار فیروز خان نے فنکاروں کے نمبرز کیوں لیک کئے یاسر حسین نے انکشاف کر دیا۔ ایک نجی ٹی وی پروگرام میں انہوں نے فیروز خان کے ساتھ تنازع کے معاملے پر کھل کر بات کی۔فیروز خان نے یاسر حسین اور دیگر فنکاروں کے نمبرز اور نجی معلومات کیوں لیک کی اس سوال پر یاسر حسین نے انکشاف کیا کہ ان کی اہلیہ اقراء عزیز نے فیروز کے ساتھ مزید کسی بھی ڈرامے میں کام کرنے سے انکار کر دیا تھا اس لئے فیروز نے بدلہ لیتے ہوئے میرا نمبر اور نجی معلومات لیک کیں۔یاسر حسین نے مزید بتایا کہ انہیں تاحال ان کے فون پر کالز اور پیغامات موصول ہوتے رہتے ہیں جس کی وجہ سے انہیں مشکلات کا سامنا ہے۔

اسلام آباد : وزیراعظم کے مشیر انجینئر امیر مقام نے کہا ہے کہ عمران نیازی صرف جیب بھر سکتا ہے، جیل نہیں، جیل بھرو تحریک، جیل سے بھاگو تحریک بن گئی ، جیل بھرو تحریک ختم اور ضمانت کراؤ تحریک شروع ہوچکی ہے۔جیل بھرو تحریک پر اپنے رد عمل میں امیر مقام کا کہنا تھا کہ عمران نیازی صرف جیب بھر سکتا ہے، جیل نہیں، جیل بھرنے کی بڑھکیں رونے، “رہا کرو” اور “بیمار ہوں” کی منتوں میں بدل گئی ہیں، پولیس ہر روز زمان پارک کے باہر جیل بھرو تحریک کا اعلان کرے۔امیر مقام نے کہا کہ سوات میں محمود خان کے گھر کے باہر جیل بھرو کی دعوت دی جاتی رہی لیکن وہ گھر سے باہر نہ نکلے ، عمران کے لئے جان حاضر ہونے کے دعویدارجیل جانے کے خوف سے بھاگ چکے، پی ٹی آئی کے دیگر رہنما “پلستر نیازی” کی طرح بیماریوں کے پیچھے چھپ گئے ہیں۔

اوکاڑہ :اوکاڑہ کے نواحی گاؤں میں واقع گھر کی خستہ حال چھت گرنے سے 3 افراد ملبے تلے دب گئے جس کے نتیجے میں ایک خاتون جاں بحق ہوگئی۔ریسکیو زرائع کے مطابق مقامی افراد نے چھت کے نیچے سے دبنے والے افراد کو فوری نکال لیا ، واقعے کی اطلاع ملنے پر اوکاڑہ سے 2 ایمبولینسںز اور ریسکیو وہیکل فوری جائے حادثہ کی طرف روانہ کی گئیں۔ریسکیو ذرائع کے مطابق حادثے میں ایک خاتون جاں بحق جبکہ خاتون اور مَرد سمیت دو افراد زخمی ہو گئے، ریسکیو ٹیموں نے زخمیوں کو ابتدائی طبی امداد فراہم کرنے کے بعد ڈی ایچ کیو سٹی ہسپتال منتقل کردیا جبکہ نعش کو ضروری کارروائی کرنیکے بعد لواحقین کے حوالے کر دیا گیا۔ریسکیو ذرائع کا بتانا ہے کہ جاں بحق ہونے والی خاتون کی شناخت عابدہ زوجہ ندیم (35سال تقریباً) سکنہ 23/1RB کے نام سے ہوئی ہے ، زخمیوں میں ارشد ولد اصغر (28 سال تقریباً) اور نجمہ زوجہ ریاض (40 سال تقریباً) سکنہ 23/1RB کے نام سے ہوئی ہے۔

شیخوپورہ:پاکستان تحریک انصاف کے ایڈیشنل جنرل سیکرٹری چوہدری فیض الرسول گجرنے کہا ہے کہ حکمرانوں نے مہنگائی کا طوفان برپا کر کے غریب عوام کاجینا دوبھر کردیا ہے، خدارا آئی ایم ایف اور اپنے غیر ملکی آقاؤں کو خوش کرنے کیلئے عوام کو مسائل کی
دلدل میں نہ دھکیلیں،ملک دیوالیہ کرنے والے محب وطن ہوتے تو یہ کبھی بھی رجیم چینج کاحصہ نہ بنتے ،اقتدار کے بھوکوں سے ایک ایماندار محب وطن لیڈر برداشت نہیں ہورہا ،قوم جان چکے ہیں کہ عمران خان کا پونے چار سالہ دوراقتدار مفاد پرستوں کے11گیارہ مہینوں کے اقتدار برانہیں تھا،چیئرمین تحریک انصاف کے دور حکومت میں انڈسٹری کا جام پہیہ رواں ہوگیا تھا،انڈسٹریز کے دروازے کھلے اورمزدوروں کی قلت ہوتی جارہی تھی،تعمیراتی کاموں میں تیزی سے کام شروع ہوچکے تھے مہنگائی سابق حکمرانوں کے لیے قرضوں کی اقساط دینے اور عالمی وبا کرونا کی وجہ سے تھی عمران خان نے نہ ہی ملکی دولت کو سابقہ حکمرانوں کی طرح لوٹ کر بیرون ممالک دولت بھیجی اورنہ ہی ذاتی مفادات لیے بلکہ عام آدمی کی جنگ مافیا کے ساتھ لڑنا شروع کی ،قومی وسائل لوٹ کر بیرون ممالک میں 11سواارب بھیجنے والوں نے لوگوں کی آنکھوں میں دھول جھونکنے کے لیے توشہ خانہ ریفرنس کو ھوا دی جس سے کچھ نہیں نکلا،انتخابات سے راہ فرار اختیار کرنے ہرگز نہیں دیاجائے گا ۔

نیو یارک: اسی سے زائد خواتین سے جنسی زیادتی کے الزامات کے بعد گرفتاری دینے والا ہالی وڈ کا جنسی درندہ ہاروی وائن اسٹین اپنے انجام کو پہنچ گیا۔غیر ملکی خبر رساں ادارے کے مطابق سابق ڈائریکٹر اور پروڈیوسرہاروی وائن اسٹین کو 16 برس قید کی سزا سنائی گئی ہے، وائن کو لاس اینجلس میں اداکاراؤں کے ساتھ زیادتی کاجرم ثابت ہونے پر سزا سنائی گئی۔ اکتوبر 2017 میں شائع ہونے والی نیویارک ٹائمز کی تہلکہ خیز تحقیقاتی رپورٹ میں ہاروی وائن اسٹین کے خلاف اسکینڈل کا انکشاف ہوا تھا جس کے بعد خواتین کی بڑی تعداد نے ہالی وڈ پروڈیوسر سے متعلق ہوش رْبا حقائق سے پردہ اٹھایا تھا۔ان ہی انکشافات کے بعد می ٹو مہم کا بھی آغاز ہوا تھا

واشنگٹن: امریکی وزیر خارجہ نے کہا ہے کہ روس کی جانب سے اْس کے خود مختار پڑوسی مْلک یوکرین پر ظالمانہ حملہ کا ایک سال مکمل ہونے کے موقع پر ریاستہائے متحدہ امریکہ ، اس کے اتحادی اور دنیا بھر سے تمام شراکت دار یوکرین کی حمایت اور روس کے جوابدہ ہونے پر متحد ہیں۔ اپنے ایک بیان میں امریکی وزیر خارجہ کا کہنا تھا کہ یوکرین کی جنگ کی نوعیت بہت بڑی ہے اور امریکی عوا م جانتے ہیں کہ آزادی ، جمہوریت ،خودمختاری اور علاقائی سالمیت کے اصولوں پر ایسی صریح جارحیت پر خاموشی اختیار کرنا دنیا کو سنگین نتائج کی جانب دھکیل دے گا۔یوکرین کے لوگوں کی مدد پر مرکوز ہماری اس کوشش کو شْمالی امریکہ اور یورپ سے لے کر ایشیا تک پچاس سے زائد مْمالک کی حمایت حاصل ہے او ر وہ اس سلسلے میں عسکری، معاشی اور انسانی ہمدردی کی بنیاد پر مدد فراہم کرنے میں مصروف عمل ہیں۔پیوٹن کا خیال تھاکہ وہ یوکرین کو روند ڈالے گا، لیکن یہ اْس کی غلط فہمی تھی۔ ایک برس بیت چْکا ہے تاہم ہمارے عزم میں کوئی کمی نہیں آئی۔ یوکرین کی قوم نے اپنی آزادی کے دفاع کے عزم اور میدانِ جنگ میں اپنی مہارتوں کا لوہا منوایا ہے۔ ریاستہائے متحدہ امریکہ، ہمارے اتحادی اور شراکت دار اس امر کومسلسل یقینی بنائیں گے کہ یوکرین کے پاس جب تک ضرورت ہو اپنے شہریوں اور علاقوں کو روسی جارحیت سے محفوظ رکھنے کے لیے درکار اشیاء موجود ہوں۔

اسلام آباد : قومی اسمبلی کے اجلاس میں انٹر بورڈ کوآرڈینیشن کمیشن بل متفقہ طور پر منظور جبکہ زکوٰتہ عشر ترمیمی بل 2023 اور گیس چوری روک تھام اور بازیابی ترمیمی بل 2023 پیش کر دیئے گئے ہیں قومی اسمبلی کا اجلاس جمعہ کے روز ڈپٹی سپیکر زاہد اکرم دورانی کی سربراہی میں منعقد ہوا اجلاس میں زکوتہ و عشر ترمیمی بل 2023 اور گیس (چوری روک تھام اور بازیابی ترمیمی بل 2023 پیش کردیئے گئے اجلاس میں وفاقی وزیر رانا تنویر حسین نے انٹر بورڈ کوارڈینیشن کمیشن بل پیش کیا اور قومی اسمبلی نے بل اتفاق رائے سے منظور کرلیا۔قومی اسمبلی کا اجلاس پیر کو شام پانچ بجے تک ملتوی کردیا گیا۔