All posts by News Editor

بالی وڈ اداکار سیف علی خان آج اپنی 51 ویں سالگرہ منارہے ہیں۔

بھارتی میڈیا رپورٹس کے مطابق سیف علی خان اہلیہ کرینہ کپور اور دونوں بیٹوں تیمور اور جہانگیر سمیت سیروتفریح کے لیے مالدیپ میں موجود ہیں۔

سیف علی خان کی سالگرہ پر اداکار کرینہ کپور کی جانب سے بھی انسٹاگرام پر فیملی کی تصاویر شیئر کرتے ہوئے شوہر کو سالگرہ کی مبارکباد دی گئی ہے۔

ایک تصویر میں سیف اور کرینہ کے ہمراہ دونوں بیٹوں تیمور اور جہانگیر کو بھی دیکھا جاسکتا ہے جب کہ تصویر مالدیپ کے ساحل پر لی گئی ہے۔

کرینہ نے اپنی پوسٹ میں سیف کو مبارکباد دیتے ہوئے لکھا کہ میری زندگی کی محبت سالگرہ مبارک ہو۔

کرینہ کی پوسٹ کو کچھ ہی گھنٹوں میں 6 لاکھ سےزائد مرتبہ پسند کیا جاچکا ہے۔

لاہور: واپڈا نے ٹوکیو اولمپکس میں بہترین کارکردگی کا مظاہرہ کرنے والے ارشد ندیم اور طلحہ طالب کو 25،25 لاکھ روپے کے نقد انعام سے نواز دیا۔

واپڈا ہاؤس لاہور میں ٹوکیو اولمپکس میں عمدہ کارکردگی کا مظاہرہ کرنے والے اتھلیٹ ارشد ندیم اور ویٹ لفٹر طلحہ طالب کے اعزاز میں تقریب ہوئی، جس میں چیئرمین واپڈا لیفٹیننٹ جنرل ریٹائرڈ مزمل حسین نے جیولین تھرو میں پانچویں پوزیشن پانے والے ارشد ندیم اور ویٹ لفٹنگ میں پانچویں نمبر پر آنے والے طلحہ طالب کو پچیس پچیس لاکھ روپے کےانعامی چیک دئیے گئے۔ ارشد ندیم کے کوچ فیاض بخاری کو پانچ لاکھ روپے دئیے گئے۔ جونیئر ٹینس چیمپیئن ابوبکر طلحہ کو پچاس ہزار کا چیک دیا گیا۔

چئیرمین واپڈا کا کہنا تھا کہ ادارے کو اولمپکس میں نمیاں کارکردگی دکھانے والے ان کھلاڑیوں پر فخر ہے۔ ارشد ندیم اور طلحہ طالب پر فخر ہے ارشد ندیم اور طلحہ طالب نے دنیا میں پاکستان کا پرچم لہرایا۔ دونوں اتھلیٹس نے محدود وسائل کے باوجود بہترین کارکردگی کا دکھائی ۔ پاکستان واپڈا کھلاڑیوں کی بہبود اور کھیلوں کے فروغ میں اہم کردار ادا کررہا ہے۔
اس موقع پر ارشد ند یم اور طلحہ طالب کا کہنا تھا کہ حوصلہ افزائی کرنے پر چییرمین واپڈا کا شکر گزار ہیں۔ ان کی حوصلہ افزائی سے مستقبل میں مزید اچھی پرفارمنس دینے کی کوشش کریں گے۔

بارسلونا فٹ بال کلب کی الوداعی پریس کانفرنس میں آنسو پونچھنے کیلئے لیونل میسی کا استعمال شدہ ٹشو پیپر 1 ملین ڈالر( 16کروڑ پاکستانی روپے سے زائد) میں فروخت ہونے کیلئے تیار ہے۔

ارجنٹائن کے اسٹار فٹبالر لیونل میسی نے کچھ روز قبل ایک پریس کانفرنس میں مشہور ہسپانوی فٹبال کلب بارسلونا کو الوداع کہنے کا اعلان کیا تھا۔

پریس کانفرنس میں جب میسی نے بارسلونا کے ساتھ اپنے 21 سال کے سفر کے اختتام کا اعلان کیا تو وہ آبدیدہ ہوگئے اور جیسے ہی میسی کی اہلیہ نے اپنے شوہرکی آنکھوں میں آنسو دیکھے تو انہوں نے میسی کو ایک ٹشو پیپر دیا جس سے میسی نے آنسو صاف کیے اور پھینک دیا۔

تاہم پھینکا گیا ٹشو پیپر کوئی اٹھا لےگا اور اسے بیچنےکا اشتہار بھی لگا دے گا یہی کسی نے نہیں سوچا بھی نہیں ہوگا۔

غیر ملکی میڈیا رپورٹس کے مطابق پریس کانفرنس کے دوران ہال میں بیٹھے ایک شخص نے وہ ٹشو پیپر اٹھالیا اور اسے انٹرنیٹ پر ایک آن لائن ویب سائٹ پر 1 ملین ڈالر یعنی 16کروڑ پاکستانی روپے سے زائد میں بیچنےکا اشتہار دےدیا ۔

اس شخص نے دعویٰ کیا کہ ٹشو پیپرمیں میسی کا خالص جینیاتی مواد موجود ہے جو آپ کو ان جیسا فٹ بال کھلاڑی بننے میں مدد دے گا، اشتہار دینے والے شخص کا نام معلوم نہیں ہوسکا ۔

یاد رہے کہ ارجنٹائن کے معروف فٹبال اسٹار لیونل میسی نے ہسپانوی فٹ بال کلب بارسلونا سے جدا ہونے کے بعد قطری ملکیت کے فرانسیسی کلب پیرس سینٹ جرمین (پی ایس جی) سے دو سال کا معاہدہ کرلیا ہے۔

میلبورن: آئی پی ایل پر ایک اور انٹرنیشنل سیریز نچھاور کردی گئی، آسٹریلیا اور افغانستان نے باہمی ون ڈے سیریز ملتوی کردی, مجوزہ ٹی 20 ٹرائنگولر سیریز کیلیے بھی نئی تاریخیں طے کی جائیں گی, کرکٹ آسٹریلیا نے اپنے پلیئرز کو انڈین لیگ کھیلنے کیلیے این او سی دے دی, ٹاپ کھلاڑی اپنے ڈومیسٹک ایونٹ کے بھی آغاز پر دستیاب نہیں ہوں گے۔

تفصیلات کے مطابق بھارتی کرکٹ بورڈ نے دنیا کے ٹاپ کرکٹرز کی اپنی ری شیڈول آئی پی ایل میں شرکت کی راہ سے آخری کانٹا بھی نکال دیا ہے, اس کی فرمائش پر آسٹریلیا اور افغانستان نے بھارت میں ہی شیڈول 3 ون ڈے میچز کی سیریز ملتوی کردی ہے, یہ میچز ٹی 20 ورلڈ کپ سے قبل کھیلے جانے تھے, جس کے بعد مجوزہ طور پر افغانستان, آسٹریلیا اور ویسٹ انڈیز کے درمیان ٹی 20 ٹرائنگولر سیریز بھی کھیلی جانا تھی۔

افغان کرکٹ بورڈ کا کہنا ہے کہ ورلڈ کپ کے متحدہ عرب امارات منتقل ہونے کی وجہ سے پیدا ہونے والے لاجسٹک مسائل اور سفری پابندیوں کی وجہ سے اس سیریز کو ملتوی کیا جارہا ہے جبکہ ٹی 20 ٹرائنگولر سیریز کیلیے نئی تاریخ اور وینیو کو جلد فائنل کرلیا جائے گا۔
ون ڈے سیریز کے التوا کے ساتھ یی کرکٹ آسٹریلیا نے اپنے ہلیئرز کی یو اے ای میں ہی ری شیڈول ہونے والی آئی پی ایل میں شرکت کا راستہ صاف کردیا یے, اس کیلیے باقاعدہ این او سی بھی جاری کردی گئی ہے, آئی پی ایل کے باقی 36 میچز 19 ستمبر سے 15 اکتوبر کے دوران 27 روز میں کھیلے جائیں گے, اس طرح بھارتی ایونٹ کا اختتام ورلڈ کپ سے صرف 2 دن قبل ہوگا۔

ابتدائی مرحلے میں شریک ہونے والے آسٹریلیا کے ٹاپ 7 کھلاڑیوں کی واپسی اب یقینی ہے, ان میں ڈیوڈ وارنر, گلین میکسویل, اسٹیون اسمتھ, مارکس اسٹوئنس, جھے رچرڈسن, کین رچرڈز سن اور ڈینیئل سیمز شامل ہیں, فاسٹ بولر پیٹ کمنز پہلے ہی واضح کرچکے کہ اس عرصے میں ان کے پہلے بچے کی پیدائش متوقع اور وہ گھر پر ہی رہیں گے, ان کے علاوہ جوش ہیزل ووڈ، ریلی میریڈیتھ، ڈین کرسٹیان، موسس ہینرکس، مچل مارش، جیسن بہرنڈروف، ایڈم زمپا، اینڈریو ٹائی، ناتھن کولٹرنیل، کرس لین، بین کٹنگ اور جوش فلپس کے بھی مختلف آئی پی ایل فرنچائزز کے ساتھ معاہدے ہیں۔ ہیزل ووڈ، مارش اور فلپ نے کورونا وائرس کی وجہ سے رواں برس پہلے مرحلے میں لیگ میں حصہ نہیں لیا تھا مگر وہ بدستور آئی پی ایل میں واپسی کے اہل ہیں۔

یہ لگاتار دوسرا سیزن ہے جس میں آسٹریلیا کے ٹاپ پلیئرز اپنے ڈومیسٹک مقابلوں کے ابتدائی راؤنڈز میں شریک نہیں ہوں گے جن کا آغاز 11 ستمبر سے مارش ون ڈے کپ سے ہورہا ہے، آئی پی ایل اور اس کے بعد ٹی 20 ورلڈ کپ کھیلنے والا کوئی بھی آسٹریلوی کرکٹر اپنے ملک میں افغانستان کے خلاف 27 نومبر سے شروع ہونے والے واحد ٹیسٹ سے قبل کوئی مسابقتی کرکٹ نہیں کھیل سکے گا۔

کنگسٹن: کنگسٹن ٹیسٹ میں حسن علی کو آؤٹ کرنے کے بعد نامناسب زبان استعمال کرنے والے ویسٹ انڈین بولر جیڈن سیلس کی سرزنش کردی گئی۔

آئی سی سی نے انھیں کوڈ آف کنڈیکٹ کی خلاف ورزی کا مرتکب قرار دیتے ہوئے ان کے ڈسپلنری ریکارڈ میں ایک ڈی میرٹ پوائنٹ بھی شامل کردیا ہے۔

یہ واقعہ پاکستان کی پہلی اننگز کے 70 ویں اوور میں پیش آیا جب سیلس نے حسن علی کو آؤٹ کرنے کے بعد انھیں نامناسب الفاظ کہے جوکہ حریف کرکٹر کو بھڑکانے کا باعث بن سکتے تھے، آن فیلڈ امپائرز گریگوری بریتھ ویٹ، جوئیل ولسن، نائجل ڈوگیڈ اور ٹی وی امپائر لیسلی ریفر نے ان ان پر کوڈ آف کنڈیکٹ کی شق 2.5 کی خلاف ورزی کا چارج عائد کیا۔
میچ ریفری رچی رچرڈسن نے اس پر ان کی سرزنش کی جس کی آئی سی سی کرکٹ آپریشن ڈیپارٹمنٹ نے توثیق کی، جیڈن سیلس نے اپنی غلطی کا اعتراف کرتے ہوئے سزا بھی قبول کی جس کی وجہ سے باقاعدہ سماعت کی ضرورت نہیں پڑی۔

اننگز میں 5 وکٹیں، جیڈن سیلس ویسٹ انڈیز کے کم عمر بولر بن گئے

جیڈن سیلس ٹیسٹ اننگز میں 5 وکٹوں کا کارنامہ انجام دینے والے کم عمر ترین ویسٹ انڈین بولر بن گئے، انھوں نے یہ کارنامہ پاکستان کے خلاف پہلے ٹیسٹ کے دوران انجام دیا، سیلس نے 19 برس اور 336 دن کی عمر میں یہ کارنامہ انجام دیا، جیڈن نے 55 رنز کے عوض 5 وکٹیں لیں۔

اس سے قبل ویسٹ انڈیز کی جانب سے اننگز میں 5 وکٹیں لینے والے کم عمر ترین بولر کا اعزاز الفریڈ لوئس ویلنٹائن کے نام تھا، جنھوں نے 20 برس اور 41 دن کی عمر میں انگلینڈ کے خلاف 1950 میں یہ کارنامہ انجام دیاتھا۔

جمیکا: ویسٹ انڈیز نے پاکستان کو پہلے ٹیسٹ میچ میں ایک وکٹ سے شکست دے دی۔

جمیکا میں ویسٹ انڈیز اور پاکستان کے درمیان کھیلے گئے پہلے ٹیسٹ میچ میں ویسٹ انڈیز نے 168 رنز کا ہدف 9 وکٹوں کے نقصان پر حاصل کرلیا۔ پاکستانی ٹیم دوسری اننگ میں 203 رنز بناکر پویلین لوٹ گئی تھی۔ چوتھے دن پاکستان کے پانچ کھلاڑی صرف 43 رنز کا اضافہ کرسکے۔

میچ میں جیرمین بلیک ووڈ نے 55 رنزکی اننگز کھیلی جب کہ روسٹن چیز 22 رن، جیسن ہولڈر 16 رن اور جوشنوا ڈی سلوا 13 رن بنا کر آؤٹ ہوئے۔ نکروم بونز 5، کیرن پاؤل 4 اور کپتان کریگ براتھویٹ 2 رنز بناسکے۔

پاکستان کی جانب سے شاہین آفریدی نے 4 کھلاڑیوں کو آؤٹ کیا۔ حسن علی 3 اور فہیم اشرف نے 2 وکٹ حاصل کیں۔

قبل ازیں دوسری اننگز میں بابر اعظم 55، عابد علی 34 رنز بنا کر نمایاں رہے جب کہ شاہین آفریدی بغیر کوئی رن بنائے آوٹ ہوگئے۔ پاکستان کی ساتویں وکٹ 170 رنز جب کہ نویں وکٹ 192 رنز پر گر گئی۔ ویسٹ انڈیز کی طرف سے جے ڈن سیلز نے پانچ وکٹیں حاصل کیں۔

کنگسٹن ٹیسٹ کے تیسرے روز کھیل کے اختتام تک پاکستان نے دوسری اننگز میں ویسٹ انڈیز پر 124 رنز کی برتری حاصل کی۔ ویسٹ انڈیز نے اپنی پہلی اننگز 251 رنز 8 وکٹوں کے نقصان پر دوبارہ شروع کی لیکن اس کی دونوں وکٹیں صرف 2 رنز کے اضافے کے ساتھ ہی گر گئیں، اس طرح ویسٹ انڈیز کی پہلی اننگز کا اختتام 253 رنز پر ہوا۔

پاکستان نے اپنی دوسری اننگز کا آغاز 36 رنز کے خسارے کے ساتھ کیا۔ قومی ٹیم کا اوپننگ پیئر دوسری اننگز میں بھی ناکام ہوا، عمران بٹ اور عابد علی دونوں ایک بار پھر کوئی قابل ذکر کارکردگی دکھانے میں ناکام رہے، عمران بٹ بغیر کوئی رن بنائے پویلین لوٹ گئے۔ ون ڈاؤن پوزیشن پر آنے والے اظہر علی نے عابد علی کے ساتھ مل کر 55 رنز کی شراکت قائم کی، 56 رنز کے مجموعی اسکور پر اظہر علی آؤٹ ہوئے، انہوں نے 23 رنز بنائے، ان کے بعد فواد عالم میدان میں اترے لیکن وہ بھی اپنا کھاتہ کھولے بغیر واپس لوٹ گئے، تھوڑی دیر بعد عابد علی کی مزاحمت بھی ختم ہوگئی وہ 34 رنز پر میدان بدر ہوئے۔

65 رنز کے مجموعی اسکور پر پاکستان کی 4 وکٹیں گر چکی تھیں ، ایسے موقع پر کپتان بابر اعظم اور محمد رضوان نے قومی ٹیم کو سہارا دیا۔ دونوں نے 56 رنز کی شراکت قائم کی۔ محمد رضوان کی صورت میں پاکستان کو پانچواں نقصان برداشت کرنا پڑا۔

رضوان کے آؤٹ ہونے کے بعد فہیم اشرف میدان میں اترے اور دونوں نے مل کر ٹیم کے اسکور کو آگے بڑھانے کا بیڑا اٹھایا، کھیل کے اختتام تک پاکستان نے 5 وکٹوں پر 160 رنز بنائے تھے اور اسے میزبان ویسٹ انڈیز پر 124 رنز کی برتری حاصل تھی۔ بابر اعظم 54 جب کہ فہیم اشرف 12 رنز پر بیٹنگ کر رہے ہیں۔

کراچی: ڈالر کے انٹربینک ریٹ 164 روپے سے بھی تجاوز کرگئے۔

افغانستان میں تبدیل ہوتی ہوئی صورتحال اور افغان کرنسی میں لین دین بند ہونے کے منفی اثرات پاکستان میں پیر کو زرمبادلہ کی دونوں مارکیٹوں پر بھی مرتب ہوئے۔ ڈالر کے مقابلے میں روپیہ مزید کمزوری سے دوچار ہوا اور ڈالر کا انٹربینک ریٹ 164 روپے سے بھی تجاوز کرگیا۔

پیر کو انٹربینک مارکیٹ میں ڈالر کی قدر مزید 19پیسے کے اضافے سے 164.19روپے پر بند ہوئی جبکہ اوپن کرنسی مارکیٹ میں بھی ڈالر کی قدر 20پیسے کے اضافے سے 164.50 روپے پر بند ہوئی۔

کراچی: عالمی و مقامی مارکیٹوں میں سونے کی قیمتوں میں اضافہ ہوگیا۔

بین الاقوامی بلین مارکیٹ میں فی اونس سونے کی قیمت 33 ڈالر کے اضافے سے 1785 ڈالر کی سطح پر پہنچنے کے باعث مقامی صرافہ مارکیٹوں میں بھی پیر کو فی تولہ اور فی دس گرام سونے کی قیمتوں میں بالترتیب 500 روپے اور 428 روپے کا اضافہ ہوگیا۔

سونے کی قیمتوں میں اضافے کے نتیجے میں کراچی، حیدرآباد، سکھر، ملتان، لاہور، فیصل آباد، راولپنڈی، اسلام آباد، پشاور اور کوئٹہ کی صرافہ مارکیٹوں میں فی تولہ سونے کی قیمت بڑھ کر 109600روپے اور فی دس گرام سونے کی قیمت بڑھ کر 93964 روپے ہوگئی۔
تاہم اسکے برعکس فی تولہ چاندی کی قیمت بغیر کسی تبدیلی کے 1400روپے اور دس گرام چاندی کی قیمت بغیر کسی تبدیلی کے1200.27روپے پر مستحکم رہی۔

لاہور: پاکستانی معیشت بتدریج کے مرحلے میں داخل ہورہی ہے۔ تاہم رسد کی فراہمی میں رکاوٹوں کی وجہ سے قیمتوں پر دباؤ بڑھ رہا ہے۔

کووڈ کی بار بار آنے والی لہریں خام مال، مشینری اور تیار مصنوعات کی ہموار رسد میں رکاوٹیں پیدا کررہی ہیں۔ ان رکاوٹوں کی وجہ سے شپنگ فریٹ ریٹس بھی بڑھ گئے ہیں جو کووڈ سے پہلے برائے نام ہوا کرتے تھے۔ سپلائی چین میں آنے والی رکاوٹوں اور تعطل کی وجہ سے ٹرانزیکشن کی لاگت میں اضافہ ہوگیا ہے۔

حکومت نے گذشتہ مالی سال میں پی ایس ڈی پی کے تحت 680 ارب روپے خرچ کیے۔ اخباری رپورٹوں کے مطابق لائن ایجنسیز سے کیے گئے وعدوں کو پورا کرنے کے لیے ترقیاتی فنڈز ترقیاتی منصوبوں کے بجائے لائن ایجنسیوں کو منتقل کیے گئے۔

کووڈ کی وجہ سے غیریقینی صورتحال پیدا ہونے کے باعث سرمایہ کاروں نے ریئل اسٹیٹ میں سرمایہ کاری کو ترجیح دی۔ حکومت کی لائی گئی ایمنسٹی اسکیم کی وجہ سے بھی اس سیکٹر میں سرمایہ کاری میں اضافہ ہوا۔ اس کے نتیجے میں ملکی معیشت میں بحالی کے آثار نمودار ہونے لگے ہیں۔

اسٹیٹ بینک نے زرمبادلہ کے ذخائر کو برقرا رکھنے پر توجہ مرکوز کرتے ہوئے روپے کی قدر میں کمی ہونے دی۔ شرح مبادلہ لچکدار ہے۔ اس اپروچ کی وجہ سے درآمدی افراط زر میں مارچ سے مسلسل اضافہ ہورہا ہے۔ اس کی وجہ سے مقامی سطح پر بھی اشیائے صرف مزید مہنگی ہونے کا خطرہ ہوگا۔

کراچی: فنانشل ایکشن ٹاسک فورس (ایف اے ٹی ایف) کی سفارشات کی تعمیل میں پاکستان میں کام کرنے والے بینک، سرکاری اور نجی مالیاتی ادارے، مالیاتی امور سے نمٹنے والی تنظیمیں اور یہاں تک کہ پراپرٹی ڈیلرز نے حال ہی میں تیار کردہ ڈیٹا بیس، جس کے ذریعے ملک میں ایک لاکھ سے زائد ‘سیاسی طور پر بے نقاب افراد’ (پی ای پیز) کی شناخت کی گئی ہے، کی مدد سے اپنے صارفین پر نظر رکھنا شروع کر دی ہے۔

رپورٹ کے مطابق حکام اور ذرائع نے بتایا کہ جون 2021 کے بعد اس رجحان میں اضافہ دیکھنے میں آیا جب یہ اعلان کیا گیا کہ پاکستان 27 ایف اے ٹی ایف اہداف میں سے 26 کو ‘بڑی حد تک مکمل’ کرنے کے باوجود اپنی گرے لسٹ میں مزید ایک سال تک رہے گا اور اینٹی منی لانڈرنگ/دہشت گردی کی مالی معاونت (اے ایم ایل/سی ایف ٹی) کی خامیوں کو دور کرنے کے لیے سات نئے متوازی ایکشن پوائنٹس پر کام کرے گا۔

ان کا کہنا تھا کہ بینک اور دیگر ادارے ریگولیٹری باڈیز اور مالیاتی مارکیٹ کے نگرانوں کی ہدایات کے تحت اس مشق پر عمل کر رہے ہیں۔

ایک مقامی مالیاتی ادارے کے ایک سینئر عہدیدار نے بتایا کہ ان کے ادارے نے حال ہی میں مقامی طور پر تیار کردہ ڈیٹا بیس کی سروسز حاصل کی ہیں جس میں ایف ای ٹی ایف کے طے شدہ طریقہ کار کے تحت پی ای پیز کی تفصیلات درج ہیں۔

ان کا کہنا تھا کہ ‘لہذا ہم اپنے روز مرہ کے کاروبار اور لین دین میں اب اس ڈیٹا بیس کے ذریعے ان افراد کی جانچ کرتے رہتے ہیں، پی ای پیز سے نمٹنے کے دوران ہم چوکس رہتے ہیں اور تمام احتیاطی تدابیر اختیار کرتے ہیں جن کی مقامی حکام اور ریگولیٹری باڈیز نے وضاحت کی ہے’۔

انہوں نے کہا کہ ‘یہ مشق ایک طرف ہمیں محفوظ رکھتی ہے اور دوسری طرف (ملک) کو ایف اے ٹی ایف کی تعمیل کو پورا کرنے میں مدد دیتی ہے’۔

ایف اے ٹی ایف کے مطابق پی ای پی ایک ایسا فرد ہے جو عوامی طور پر نمایاں ہے۔

اس کی مزید وضاحت کرتے ہوئے ‘سیاسی طور پر نمایاں افراد’ کے بارے میں ایف اے ٹی ایف کہتا ہے کہ ‘ان کی پوزیشن اور اثر و رسوخ کی وجہ سے یہ تسلیم کیا گیا ہے کہ بہت سے پی ای پی ایسے عہدوں پر ہیں جن کا ممکنہ طور پر منی لانڈرنگ (ایم ایل) جیسے جرائم کا ارتکاب کرنے اور متعلقہ پیشگی جرائم بشمول بدعنوانی اور رشوت خوری کے ساتھ ساتھ دہشت گردوں کی مالی معاونت (ٹی ایف) سے متعلق سرگرمیوں کو انجام دینے میں غلط استعمال کیا جا سکتا ہے’۔

فرسٹ پیراماؤنٹ مضاربہ (ایف پی ایم) جو پیراماؤنٹ انویسٹمنٹ لمیٹڈ (پی آئی ایل) کے زیر انتظام ایک غیر بینکاری مالیاتی ادارہ ہے اور تقریبا ایک لاکھ 10 ہزار مقامی پی ای پیز کا ڈیٹا بیس تیار کرچکا ہے، کا کہنا ہے کہ یہ پاکستان میں متعدد کاروباروں کے ساتھ وسیع پیمانے پر منسلک ہے اور ان کی اے ایم ایل/سی ایف ٹی کی تعمیل میں درپیش چیلنجز سے نمٹنے میں مدد کر رہا ہے۔

ایف پی ایم کے چیف ایگزیکٹو آفیسر سید وجیہ حسن نے کہا کہ ‘اس وقت ایف پی ایم نے انڈسٹری کی اسکریننگ کے عمل کے بارے میں قیمتی معلومات حاصل کی ہیں اور ان رکاوٹوں کی نشاندہی کرنے میں کامیاب رہا ہے جو کاروباری اداروں کو مالی جرائم اور دہشت گردی کی مالی معاونت سے متعلقہ خطرات کو مناسب طریقے سے کم کرنے میں ناکام رہتے ہیں’۔