Category کرکٹ

سلمان بٹ کو تصاویر کا غلط استعمال کرنے والے بلیک میلر نے پریشان کردیا۔

سوشل میڈیا پر اپنے پیغام میں انہوں نے بتایا کہ اپنی ٙٹریننگ کے بعد کی تصاویر شیئر کیں جن کو استعمال کرتے ہوئے ایک شخص جعلی اکائونٹس کے ذریعے غیر اخلاقی ویڈیوز ڈال رہا ہے، وہ مجھے ہراساں کرتے ہوئے رقم کا تقاضا کررہا ہے،کتنی شرمناک بات ہے۔

سلمان بٹ نے ایف آئی اے سائبر کرائم کو آن لائن درخواست جمع کرادی جس میں انہوں نے کہا ہے کہ بلیک میلر میری تصاویر کو ایڈٹ کرکے مجھے سے 900ڈالر ٹرانسفر کرنے کا مطالبہ کررہا تھا، اس کا کہنا تھا کہ رقم نہ دی تو بدنام کروں گا۔

قومی کرکٹرامام الحق اورشاداب خان پاکستان پہنچ گئے۔

دوحا سے امام الحق کی لاہورجبکہ شاداب خان اسلام آباد کی فلائٹ تھی، دوحا ایئرپورٹ پربنگلہ دیش کے شہرڈھاکہ میں تین ملکی ٹورنامنٹ جیتنے والی پاکستان بلائنڈ کرکٹ ٹیم نے بھی دونوں کھلاڑیوں سے ملاقات کی اورتصاویربنوائیں۔

جنوبی افریقا کے خلاف سیریز میں شاداب خان فٹنس مسائل کی وجہ سے واپس ٓآئے ہیں، جبکہ امام الحق ون ڈے سیریز مکمل ہونے پر لوٹے ہیں، امام ٹی ٹوئٹی اسکواڈ میں شامل نہیں تھے۔

قومی کرکٹ ٹیم کے نوجوان فاسٹ باؤلر شاہین شاہ آفریدی پاکستان کی جانب سے تیز ترین 50 وکٹیں مکمل کرنے والے باؤلرز کی فہرست میں شامل ہوگئے۔

شاہین شاہ آفریدی ون ڈے میچز میں 50 وکٹیں مکمل کرنے والے پاکستانی باؤلرز کی فہرست میں دوسرے نمبر پر آگئے، 21 سالہ شاہین شاہ آفریدی نے 24 میچز میں 50 وکٹیں حاصل کیں، حسن علی نے بھی 24 میچوں میں ہی 50 وکٹیں لینے کا اعزاز اپنے نام کیا۔ قومی کرکٹ ٹیم کے بولنگ کوچ وقار یونس نے یہ اعزاز 26 اننگز کھیلنے کے بعد اپنے نام کیا تھا۔

واضح رہے کہ جنوبی افریقہ کیخلاف سیریز جیتنے میں شاہین شاہ آفریدی نے اہم کردار ادا کیا، شاہین شاہ آفریدی نے 3 میچوں میں 194 رنز دے کر 6 وکٹیں حاصل کیں، انہوں نے پہلے میچ میں 61 رنز دے کر 2 جبکہ دوسرے میچ میں 75 رنز کے عوض صرف ایک وکٹ اپنے نام کی، تیسرے مقابلے میں 58 رنز دے کر 3 کھلاڑیوں کو پویلین کی راہ دکھائی۔

دوسری جانب شاہد آفریدی نے سماجی رابطے کی ویب سائٹ ٹوئٹر پر پاکستان ٹیم کو جیت پر مبارکباد دیتے ہوئے کپتان بابر اعظم اور ٹیم کے فاسٹ باؤلرز کی بھی تعریف کی۔

شاہد آفریدی نے اپنے پیغام میں جنوبی افریقا کی ٹیم سے متعلق بھی خیالات کا اظہار کرتے ہوئے لکھا کہ حیرت ہے کہ جنوبی افریقا نے پاکستان کے خلاف سیریز کے درمیان ہی اپنے کھلاڑیوں کو آئی پی ایل کھیلنے کے لئے جانے کی اجازت دی۔ یہ دیکھ کر دکھ ہو رہا ہے کہ ٹی20 لیگز بین الاقوامی کرکٹ پر اثر انداز ہو رہی ہیں، اس حوالے سے دوبارہ سوچنے کی ضرورت ہے۔

جنوبی افریقا کے سابق کپتان شان پولاک کا کہنا ہے کہ بابراعظم کی کپتانی سے متاثر ہوا ہوں۔

سابق کپتان جنوبی افریقہ شان پولاک نے کہا ہے کہ کوویڈ 19 کے چیلنجز میں مثبت کرکٹ کھیلنا آسان نہیں ہوتا، پاکستان کرکٹ ٹیم نے مجموعی طور پر زبردست کھیل کا مظاہرہ کیا، پاکستان کے ٹاپ آرڈر نے شاندار بیٹنگ کی، فخر زمان، امام الحق اور بابراعظم کی کارکردگی بہترین رہی۔

شان پولاک کا کہنا تھا کہ بابراعظم کی کپتانی سے متاثر ہوا ہوں لیکن بیرون ملک سیریز سے ہر کپتان کو بہت کچھ سیکھنے کا موقع ملتا ہے جب کہ کسی نوجوان کرکٹر کو بیٹنگ کی تکنیک سیکھنی ہیں تو بابراعظم کو دیکھیں۔

دوسری جانب جنوبی افریقی اوپنر ایڈم مارکرم نے کہا ہے کہ فخر زمان نے ایک میچ میں تقریباََ ڈبل سنچری اور دوسرے میں سنچری بنائی، فخر زمان کی اننگز سے بہت کچھ سیکھنے کا موقع ملا، بحثیت حریف ٹیم ہم پاکستانی بلے بازوں کی بیٹنگ سے بہت متاثر ہوئے، جنوبی افریقی کنڈیشنز سے ہم آہنگ ہونے پر بابراعظم اور ان کی ٹیم داد کی مستحق ہے۔

لمبے چھکوں کی بدولت شہرت رکھنے والے وکٹ کیپر بیٹسمین اعظم خان نے 10 روز میں اپنا وزن 5 کلو کم کر لیا۔

لیگز کرکٹ سے شہرت پانے والے اعظم خان کی فٹنس پر ان دنوں نیشنل ہائی پرفارمنس سینٹر لاہور میں کام کیا جا رہا ہے، اعظم خان کو زیادہ وزن، فٹنس مسائل اور فیلڈنگ کی وجہ سے تنقید کا نشانہ بنایا جاتا رہا ہے لیکن ان کے جارحانہ انداز میں بیٹنگ کا ہر کوئی معترف ہے۔

‏ سابق ٹیسٹ کرکٹر معین خان کے بیٹے اعظم خان کا کہنا ہے کہ فٹنس میں بہتری لانے کے لیے مشکل کا سامنا نہیں کرنا پڑا، محنت کروں گا تو فٹنس بہتر ہو گی اور اچھا پرفارم کرپاؤں گا، کم محنت کرکے زیادہ کی توقع نہیں کی جا سکتی اس لیے جتنی محنت کروں گا اتنا اچھا پرفارم کروں گا، مجھے ڈومیسٹک کرکٹ میں پرفارم کر کے قومی ٹیم میں جگہ بنانی ہے ۔

‏انہوں نے کہا کہ میں نیشنل ہائی پرفارمنس سینٹر میں بہت محنت کررہا ہوں اور پہلے سے زیادہ فٹ اور بہتر محسوس کر رہا ہوں، مجھے لیجنڈز کی نگرانی میں ٹریننگ کا موقع مل رہا ہے اور اس کا بہت فائدہ ہو رہا ہے، میری فٹنس پر کام ہو رہا ہے اور ڈائٹ پلان تیار کیا گیا ہے، میرا 10 روز میں 5 کلو وزن کم ہوا ہے لیکن ابھی مجھے مزید فٹنس پر کام کرنا ہے اور اسے پاکستان ٹیم کے معیار کے مطابق لے کر آنا ہے۔

جنوبی افریقہ سے ٹی ٹوئنٹی سیریز میں فخرزمان مڈل آرڈر میں بھی بیٹنگ کیلیے تیار ہیں۔

جنوبی افریقہ سے ون ڈے میچز میں 2سنچریاں بنا کر مین آف دی سیریز قرار پانے والے فخرزمان کا کہناہے کہ کنڈیشنز کو پیش نظر رکھتے ہوئے ابتدائی 6اوورزمیں وکٹ بچائے رکھنے کی حکمت عملی اپنائی،ورچوئل میڈیا کانفرنس میں انھوں نے کہا کہ نئی گیند کا میرٹ پر سامنا کیا، سیٹ ہونے کے بعد اپنے نیچرل انداز سے بیٹنگ کی، اسی وجہ سے وکٹ پر زیادہ دیر قیام اور پرفارم کرنے کا موقع ملا۔

انھوں نے کہا کہ ٹیم انتظامیہ نے افریقی کنڈیشنز میں کارکردگی بہتر بنانے کے مشورے دیے تھے،ڈریسنگ روم میں مصباح الحق اور یونس خان جیسے پرفارمرز کی موجودگی سے بہت کچھ سیکھنے اور فائدہ اٹھانے کا موقع مل رہا ہے، اکیڈمی میں سخت محنت کرنے کا صلہ اچھی پرفارمنس کی صورت میں حاصل ہوا، بْرے وقت میں سپورٹ کرنے والوں کا شکریہ ادا کرتا ہوں، سنچری یا ڈبل سنچری نہیں بلکہ اس بات پر توجہ مرکوز ہوتی ہے کہ اننگز ٹیم کے کام آئے۔
اوپنر نے کہاکہ پاکستان ٹیم کو اس سیریز میں جیت کی بہت ضرورت تھی، پروٹیز کو ہوم کنڈیشنز میں ہرانا بہت بڑی بات ہے،اس زبردست فتح سے سب کے اعتماد میں بے پناہ اضافہ ہوگیا۔

فخرزمان نے کہا کہ بابر اعظم دوسرے اینڈ پر موجود ہوں تو بڑی شراکت قائم کرنے میں مدد ملتی ہے، کپتان مشکل کنڈیشنز کو بھی آسان بنانے کے ماہر ہیں، وہ ڈریسنگ روم اور میدان میں سب کو بہت سپورٹ کرتے ہیں،اسی طرح میرا ساتھی اوپنر امام الحق کے ساتھ بھی کافی اچھا تال میل ہے جس کی وجہ سے ہم اچھا آغاز فراہم کرنے میں کامیاب رہتے ہیں۔

فخر زمان نے شرجیل خان کو اپنے فیورت کرکٹرز میں شمار کرتے ہوئے کہا کہ ٹی ٹوئنٹی میں ان کے ساتھ اننگز کا آغاز کرنے کا موقع ملا تو کافی اچھا لگے گا، وہ بہت زبردست بیٹسمین اور جارحانہ اسٹروکس آسانی سے کھیلتے ہیں، بابر اعظم اور محمد رضوان کی بطور اوپنرز عمدہ کارکردگی کو دیکھتے ہوئے میں مڈل آرڈر سمیت کسی بھی بیٹنگ نمبر پر کھیلنے کو تیار ہوں، یہ فیصلہ کرنا ٹیم انتظامیہ کا کام ہے کہ کسے کس نمبر پر کھلانا ہے۔

کراچی: جاوید میانداد نے ’ذہین‘ ڈی کک کو ہی درست قرار دے دیا جب کہ فخر زمان کے متنازع رن آؤٹ پر سابق عظیم کرکٹر نے کہاکہ بیٹسمین کو اپنی وکٹ پہلی محبت کی طرح عزیز ہونی چاہیے۔

دوسرے ون ڈے کے آخری اوور میں جنوبی افریقی وکٹ کیپر کوئنٹین ڈی کک نے جعلی فیلڈنگ سے پاکستانی اوپنر فخر زمان کو رن آؤٹ کرانے کی راہ ہموار کردی تھی،وہ صرف 7 رنز کی کمی سے ون ڈے کرکٹ میں اپنی دوسری ڈبل سنچری مکمل نہیں کرپائے تھے، ڈی کک کی اس حرکت کو شدید تنقید کا نشانہ بنایا جا رہا ہے،البتہ سابق کپتان اور عظیم بیٹسمین جاوید میانداد اسے درست سمجھتے ہوئے انھیں اسمارٹ کرکٹر قرار دیتے ہیں۔

ایک نیوز ایجنسی کو انٹرویو میں انھوں نے کہا کہ کوئی بھی کرکٹر کسی بھی قسم کی صورتحال میں اپنی نگاہیں گیند سے نہیں ہٹا سکتا، آپ کو اپنی وکٹ اتنی ہی عزیز ہونا چاہیے جتنا کسی مرد کو اپنی محبت ہوتی ہے، جب آپ ایسا کرتے ہیں تو پھر ایسے رن آؤٹ نہیں ہوتے۔

سابق کپتان نے کہاکہ سنا ہے پاکستانی ٹیم خود بھی حریف سائیڈ کی آنکھوں میں دھول جھونکنے کیلیے ایسے حربے استعمال کرتی رہی ہے، انھوں نے کہا کہ ہم بھی ایسا کرتے تھے، میں خود یہ ظاہر کرتا تھا کہ جیسے گیند بولر اینڈ کی جانب پھینک رہا ہوں مگر اصل میں وکٹ کیپر کی جانب پھینک کر حریف پلیئر کو رن آؤٹ کرنے کی کوشش کرتاا، اسے چالاکی سمجھنا چاہیے۔

یاد رہے کہ دوسرے ون ڈے میں پاکستان ٹیم کو 17 رنز سے شکست ہوئی جس کی وجہ سے سیریز 1-1 سے برابر اور تیسرا میچ فیصلہ کن حیثیت اختیار کرگیا ہیے، پہلے میچ میں پاکستان ٹیم نے بابر اعظم کی سنچری سے بمشکل فتح حاصل پائی تھی۔

لاہور: جنوبی افریقہ اور پاکستان کے درمیان ون ڈے سیریز کا تیسرا اور فیصلہ کن میچ آج سنچورین میں کھیلا جائے گا۔

سنچورین میں جنوبی افریقہ کیخلاف ون ڈے سیریز کا فاتحانہ آغاز کرتے ہوئے پاکستان نے 3وکٹ سے فتح سمیٹی تھی، بولرز نے ابتدا میں جلد وکٹیں حاصل کرتے ہوئے پروٹیز کو روایتی جارحانہ انداز اختیار کرنے کا موقع نہیں دیا، ریسی وان ڈر ڈوسین اور ڈیوڈ ملر کی اچھی شراکت سے میزبان ٹیم معقول ہدف دینے میں کامیاب ہوئی۔

جواب میں بابر اعظم اور امام الحق نے بڑی پارٹنرشپ سے فتح کی بنیاد رکھی، مڈل آرڈر کی ناکامی کے باوجود پاکستان نے آخری گیند پر ہدف حاصل کرلیا۔ دوسرے میچ میں جنوبی افریقی بیٹنگ لائن کی فارم لوٹ آئی،کوئنٹن ڈی کک، ٹیمبا باووما، ریسی ون ڈر ڈوسین اور ڈیوڈ ملر نے اچھا رن ریٹ برقرار رکھتے ہوئے پہاڑ جیسا مجموعہ حاصل کیا۔
جواب میں گرین شرٹس کی بیٹنگ استحکام کو ترستی رہی لیکن فخرزمان نے غیر معمولی اننگز کھیلتے ہوئے آخری اوور میں متنازع رن آؤٹ تک فتح کی امیدیں برقرار رکھیں،دونوں میچز میں اینرچ نورکیا مہمان بیٹسمینوں کیلیے مشکل ترین بولر ثابت ہوئے، سیریز1-1سے برابر ہونے کے بعد اب بدھ کو دونوں ٹیمیں فیصلہ کن معرکے کیلیے ایک بار پھر سنچورین میں مقابل ہوں گی۔

5ٹاپ اسٹارز کی آئی پی ایل کیلیے رخصتی کے بعد کمزور پڑنے والی جنوبی افریقی ٹیم کو زیر کرتے ہوئے سیریز کی ٹرافی پر قبضہ جمانے کا سنہری موقع گرین شرٹس کے ہاتھ آگیا،اس سے قبل پلیئنگ الیون کے حوالے سے چند اہم فیصلے کرنا ہوں گے،ٹاپ4میں شامل فخرزمان، امام الحق، بابر اعظم اور محمد رضوان اچھی فارم میں ہیں،پاکستان کی توقع ہوگی کہ ان میں سے کم ازکم ایک سنچری اسکور کرے۔

گزشتہ دونوں میچز میں پرفارم نہ کرنے والے دانش عزیز اورآصف علی کی جگہ خطرے میں ہے، اگر ان میں سے کوئی ڈراپ ہوا تو خلا پْر کرنے کیلیے حیدر علی اور سرفراز احمد امیدوار ہیں، سابق کپتان وکٹ کیپر بیٹسمین کو میدان میں اتارے جانے کا امکان کم ہے، انجری کے باعث سیریز سے باہر ہونے والے شاداب خان کی جگہ سنبھالنے کیلیے عثمان قادر مضبوط امیدوار ہیں،محمد نواز کا آپشن بھی موجود ہوگا۔

فہیم اشرف پیس بولنگ کے ساتھ بیٹنگ میں بھی ٹیم کیلیے مفید ثابت ہوسکتے ہیں،شاہین شاہ آفریدی اور حارث رؤف کے ساتھ محمد حسنین کی جگہ برقرار رہنے کا امکان ہے، حسن علی کو شامل کرنے پر بھی غور کیا گیا لیکن کورونا سے نجات پانے والے پیسر کی میچ فٹنس کا مکمل جائزہ لیا جائے گا۔

دوسری جانب آئی پی ایل کیلیے ریلیز کیے جانے کے بعد جنوبی افریقہ ان فارم بیٹسمینوں کوئنٹن ڈی کک اور ڈیوڈ ملر کے ساتھ پاکستانی بیٹنگ لائن کیلیے مشکلات کا سبب بننے والے پیسر اینرچ نورکیا کی خدمات سے محروم ہوچکا، کاگیسو ربادا اور لونگی نگیڈی کا خلا پْر کرنے کیلیے متبادل تلاش کرنا ہوں گے۔

تیسرے ون ڈے میں ایڈن مارکرم، ٹیمبا باووما، ریسی ون ڈر ڈوسین اور ہینری کلاسن کو بیٹنگ کا بوجھ اٹھانا پڑے گا،ڈی کک کی عدم موجودگی میں ہینری کلاسن کو وکٹ کیپنگ گلوز بھی سنبھالنا ہیں، ایڈم مارکرم کے ساتھ جنیمن ملان اننگز کا آغاز کریں گے، ڈیوڈ ملر کی جگہ کائل ویرائن سنبھالیں گے، اسپن کا شعبہ تبریز شمسی کے سپرد ہوگا۔

فاسٹ بولرز کی کمان گذشتہ میچ میں اچھی بولنگ کرنے والے اینڈل فیلکوایو کے پاس ہوگی، لیتھو سمپالا اور ڈوپاویلون ساتھ دیں گے، لیفٹ آرمر بیوران ہینڈرکس یا دوسرے اسپنر کے طور پرکیشو مہاراج کا انتخاب ہوگا۔

سنچورین کی پچ پر صبح کے وقت نمی سے پیسرز کو مدد ملتی ہے، اس لیے ٹاس جیتنے والی ٹیم بولنگ کو ترجیح دے گی،پیشگوئی کے مطابق بارش کی مداخلت کا خدشہ بھی موجود ہے۔

لاہور: جنوبی افریقہ اور پاکستان کے درمیان ون ڈے سیریز کا تیسرا اور فیصلہ کن میچ آج سنچورین میں کھیلا جائے گا۔

سنچورین میں جنوبی افریقہ کیخلاف ون ڈے سیریز کا فاتحانہ آغاز کرتے ہوئے پاکستان نے 3وکٹ سے فتح سمیٹی تھی، بولرز نے ابتدا میں جلد وکٹیں حاصل کرتے ہوئے پروٹیز کو روایتی جارحانہ انداز اختیار کرنے کا موقع نہیں دیا، ریسی وان ڈر ڈوسین اور ڈیوڈ ملر کی اچھی شراکت سے میزبان ٹیم معقول ہدف دینے میں کامیاب ہوئی۔

جواب میں بابر اعظم اور امام الحق نے بڑی پارٹنرشپ سے فتح کی بنیاد رکھی، مڈل آرڈر کی ناکامی کے باوجود پاکستان نے آخری گیند پر ہدف حاصل کرلیا۔ دوسرے میچ میں جنوبی افریقی بیٹنگ لائن کی فارم لوٹ آئی،کوئنٹن ڈی کک، ٹیمبا باووما، ریسی ون ڈر ڈوسین اور ڈیوڈ ملر نے اچھا رن ریٹ برقرار رکھتے ہوئے پہاڑ جیسا مجموعہ حاصل کیا۔
جواب میں گرین شرٹس کی بیٹنگ استحکام کو ترستی رہی لیکن فخرزمان نے غیر معمولی اننگز کھیلتے ہوئے آخری اوور میں متنازع رن آؤٹ تک فتح کی امیدیں برقرار رکھیں،دونوں میچز میں اینرچ نورکیا مہمان بیٹسمینوں کیلیے مشکل ترین بولر ثابت ہوئے، سیریز1-1سے برابر ہونے کے بعد اب بدھ کو دونوں ٹیمیں فیصلہ کن معرکے کیلیے ایک بار پھر سنچورین میں مقابل ہوں گی۔

5ٹاپ اسٹارز کی آئی پی ایل کیلیے رخصتی کے بعد کمزور پڑنے والی جنوبی افریقی ٹیم کو زیر کرتے ہوئے سیریز کی ٹرافی پر قبضہ جمانے کا سنہری موقع گرین شرٹس کے ہاتھ آگیا،اس سے قبل پلیئنگ الیون کے حوالے سے چند اہم فیصلے کرنا ہوں گے،ٹاپ4میں شامل فخرزمان، امام الحق، بابر اعظم اور محمد رضوان اچھی فارم میں ہیں،پاکستان کی توقع ہوگی کہ ان میں سے کم ازکم ایک سنچری اسکور کرے۔

گزشتہ دونوں میچز میں پرفارم نہ کرنے والے دانش عزیز اورآصف علی کی جگہ خطرے میں ہے، اگر ان میں سے کوئی ڈراپ ہوا تو خلا پْر کرنے کیلیے حیدر علی اور سرفراز احمد امیدوار ہیں، سابق کپتان وکٹ کیپر بیٹسمین کو میدان میں اتارے جانے کا امکان کم ہے، انجری کے باعث سیریز سے باہر ہونے والے شاداب خان کی جگہ سنبھالنے کیلیے عثمان قادر مضبوط امیدوار ہیں،محمد نواز کا آپشن بھی موجود ہوگا۔

فہیم اشرف پیس بولنگ کے ساتھ بیٹنگ میں بھی ٹیم کیلیے مفید ثابت ہوسکتے ہیں،شاہین شاہ آفریدی اور حارث رؤف کے ساتھ محمد حسنین کی جگہ برقرار رہنے کا امکان ہے، حسن علی کو شامل کرنے پر بھی غور کیا گیا لیکن کورونا سے نجات پانے والے پیسر کی میچ فٹنس کا مکمل جائزہ لیا جائے گا۔

دوسری جانب آئی پی ایل کیلیے ریلیز کیے جانے کے بعد جنوبی افریقہ ان فارم بیٹسمینوں کوئنٹن ڈی کک اور ڈیوڈ ملر کے ساتھ پاکستانی بیٹنگ لائن کیلیے مشکلات کا سبب بننے والے پیسر اینرچ نورکیا کی خدمات سے محروم ہوچکا، کاگیسو ربادا اور لونگی نگیڈی کا خلا پْر کرنے کیلیے متبادل تلاش کرنا ہوں گے۔

تیسرے ون ڈے میں ایڈن مارکرم، ٹیمبا باووما، ریسی ون ڈر ڈوسین اور ہینری کلاسن کو بیٹنگ کا بوجھ اٹھانا پڑے گا،ڈی کک کی عدم موجودگی میں ہینری کلاسن کو وکٹ کیپنگ گلوز بھی سنبھالنا ہیں، ایڈم مارکرم کے ساتھ جنیمن ملان اننگز کا آغاز کریں گے، ڈیوڈ ملر کی جگہ کائل ویرائن سنبھالیں گے، اسپن کا شعبہ تبریز شمسی کے سپرد ہوگا۔
فاسٹ بولرز کی کمان گذشتہ میچ میں اچھی بولنگ کرنے والے اینڈل فیلکوایو کے پاس ہوگی، لیتھو سمپالا اور ڈوپاویلون ساتھ دیں گے، لیفٹ آرمر بیوران ہینڈرکس یا دوسرے اسپنر کے طور پرکیشو مہاراج کا انتخاب ہوگا۔

سنچورین کی پچ پر صبح کے وقت نمی سے پیسرز کو مدد ملتی ہے، اس لیے ٹاس جیتنے والی ٹیم بولنگ کو ترجیح دے گی،پیشگوئی کے مطابق بارش کی مداخلت کا خدشہ بھی موجود ہے۔

لاہور: قومی ٹیم کے ہیڈکوچ مصباح الحق نے تیسرے اور فیصلہ کن ون ڈےمیچ کےلیے ٹیم میں دو سے تین تبدیلیوں کا اشارہ دےدیا۔
مصباح کا کہناہے کہ شاداب خان کے متبادل سمیت ٹیم کمبی نیشن کے لیے جو تبدیلی ضروری ہوئی کریں گے۔ مڈل آرڈر بیٹنگ میں بہتری کی ضرورت ہے۔ سنچورین اور وانڈررز کی پچز جنوبی افریقی کنڈیشنز کی حقیقی ترجمانی کرتی ہیں، ان باؤنسی پچز پر ہمارے ٹاپ آرڈر بیٹسمین کا سنچری کرنا بہت خوش آئند ہے۔
ہیڈکوچ نے بولرز کی کارکردگی کے حوالےسے اس یقین کا اظہار کیاہے کہ ہمارے باؤلرز تیسرے ون ڈے انٹرنیشنل میں بہترین کم بیک کریں گے، ڈریسنگ روم کا ماحول بہت حوصلہ افزاء ہے، لڑکے سیریز جیتنے کے لیے پرامید ہیں۔ نوجوان کھلاڑیوں پر مشتمل اس ٹیم کے لیے ہر جیت بہت اہم ہے۔