Category کرکٹ

لاہور: ایمرا ممبران اور ان کے بچوں کے لیے خوشخبری ایمرا سنٹر سمیت لاہور کے تین علاقوں سبزہ زار،مرغزاراور ایمرا سنٹر میں کرکٹ نیٹ بنائیں گے ہیں. سبزہ زار اور مرغزار گراؤنڈ میں کرکٹ نیٹ پریکٹس جاری ہے. دس مارچ سے ایمرا سنٹر میں کرکٹ نیٹ پریکٹس کے لئے وکٹ بنائی جائے گی .جو دس مارچ کو مکمل ہوجائے گی اس حوالے سے ایمراباڈی کی جانب سے صدر ایمرا محمد آصف بٹ اور سیکرٹری ایمرا سلیم احمد شیخ اور پاک کرکٹ اکیڈمی کی جانب سے طارق منیراوروسیم احمد نے ایم او یو پر دستخط کیے ہیں. اس موقع پر سئنیر صحافی عامر مرزا اور ایمرا کے جوائنٹ سیکرٹری خواجہ قادر، ممبر گورننگ باڈی اسرار خان بھی موجود تھے.

لاہور: پنجاب یونیورسٹی آفیسرز ویلفیئر ایسوسی ایشن کے زیر اہتمام سپورٹس میلے کا انعقاد کل ہو گا۔ جس میں ہفتے کے روز ایڈمن بلاک گراونڈ میں کرکٹ میچز ہوں گے۔
سپورٹس میلے میں مختلف شعبوں پر مبنی 6 ٹیمیں کرکٹ میچ میں حصہ لیں گی۔ رجسٹرار آفس کی ٹیم رجسٹرار قلندرز،کنٹرولر آفس کی ٹیم کنٹرولر کنگز ،ٹریڑار آفس کی ٹیم ٹریڑرار سلطان،آئی ٹی آفس کی ٹیم آئی ٹی یونائیٹڈ ،اولڈ کیمپس کی ٹیم اولڈ کیمپس زلمے اورآر او ون، ٹو انجینئنرنگ شعبہ کی ٹیم گلیڈئیٹرز کے نام سے کرکٹ میچ کھیلے گی۔
پنجاب یونیورسٹی میں کھیلوں مقابلے صبح 9:30 سے شام 5 بجے تک جاری رہیں گے۔ سپورٹس میلے کے دوران کرونا ایس اوپیز پر عمل درآمد کو یقینی بنایا گیا ہے۔

راولپنڈی میں جال بچھاکر بکی کو دھر لیا گیا ، حکام نے مشکوک شخص کا ایکریڈیشن کارڈ جان بوجھ کر بننے دیا تاکہ اس کیخلاف ثبوت حاصل کرسکیں اور نیٹ ورک کا پتا چلایا جا سکے،وہ دبئی میں کسی کے ساتھ رابطے میں تھا، بکی کے کسی کھلاڑی یا بورڈ آفیشل سے تعلق کا ابھی کوئی ثبوت نہیں ملا۔

ایکسپریس نیوز کے مطابق پاک جنوبی افریقہ راولپنڈی ٹیسٹ میں ایک مشکوک شخص کو گراؤنڈ سے پکڑا گیا تھا، وہ موبائل فون پر مسلسل کسی کو میچ کی معلومات دے رہا تھا، اسے بعد میں ایف آئی اے کے حوالے کر دیا گیا۔پی سی بی کے ڈائریکٹر سیکیورٹی اینڈ اینٹی کرپشن لیفٹیننٹ کرنل (ر) آصف محمود نے بتایا کہ ہمیں مذکورہ شخص کی مکمل معلومات حاصل تھیں، ہم چاہتے تو اسے سٹیڈیم میں داخل ہی نہ ہونے دیتے مگر اس سے کوئی فائدہ نہیں ہوتا، ہم نیٹ ورک تک پہنچنا چاہتے تھے، ثبوت کے حصول کیلیے اسے آنے دیا، ایکریڈیشن کارڈ بھی بننے دیا، اگر پہلے ہی پکڑ لیتے تو وہ معلومات حاصل نہ ہوتیں جو ہمیں ملیں، اس کا دبئی کے کسی شخص سے رابطہ تھا جس کا ہم نے پتا چلا لیا۔
اس سوال پر کہ کیا بکی کا کسی پاکستانی کرکٹر یا پی سی بی آفیشل سے بھی تعلق ہے؟ آصف محمود نے کہا کہ ابھی تک اس حوالے سے کوئی ثبوت نہیں ملا بعد کا کچھ پتا نہیں ہے، اس سے قانون نافذ کرنے والی ایجنسیز بھی پوچھ گچھ کر رہی ہیں۔ ایک سوال پر انھوں نے کہا کہ پاکستانی کھلاڑی اب مشکوک روابط کی اطلاع کرتے ہوئے نہیں جھجکتے ،ہم ان کی معلومات ظاہر نہیں کرتے،اس لیے اعتماد بڑھ گیا ہے، ہمیں مشکوک رابطے کا بتا کروہ اپنی ذمہ داری پوری کردیتے ہیں۔انھوں نے کہا کہ کھیلوں میں کرپشن روکنے کا قانون جب بن جائے گا تو اس سے ہمیں بڑی مدد ملے گی، جیسے قتل کی سزا موت ہے تو لوگ ڈرتے ہیں، اسی طرح فکسنگ پر جیل اور جرمانے و جائیداد کی ضبطگی کا خطرہ ہو تو بکیز ایسا کرتے ہوئے ڈریں گے،پولیس اور ایف آئی اے کو بھی کارروائی میں مدد ملے گی، آصف محمود نے کہا کہ گوکہ ہمارے پاس کھلاڑیوں کے بینک اکاؤنٹس اورجائیداوں کے بارے میں جاننے کا اختیار نہیں لیکن پھر بھی کوئی غیرمعمولی سرگرمی ہو تو اس کا علم ہو جاتا ہے، شک کی صورت میں ہم خود بھی کسی کرکٹر کا موبائل فون لے کر چیک کر سکتے ہیں۔

بھارتی شہر پونے میں کرکٹ میچ کے دوران بلے باز دل کا دورہ پڑنے سے جان کی بازی ہار گیا۔
بھارتی میڈیاکے مطابق جونار سٹی میں کھیلے جانے والے ایک مقامی ٹورنامنٹ کے دوران نان اسٹرائیک اینڈ پر موجود بیٹسمین نے ڈلیوری کے بعد امپائر سے پوچھا کہ کتنی بالز باقی ہیں، پھر اچانک ہی ان کی حالت خراب ہوئی اور وہیں گرپڑے ، امپائر اور ساتھی بیٹسمین نے سینے کو دبایا مگر انھوں نے فیلڈ پر ہی اپنی آخری سانس لے لی۔ اس سے قبل جنوری میں بھی بھارت میں ایک 25 سالہ کرکٹر نے دوران میچ جان گنوا دی تھی۔

پاکستان سپرلیگ 6 کی آن لائن ٹکٹوں کی فروخت شروع کر دی گئی ہے اور شائقین کرکٹ اپنی نشست پکی کرنے کیلئے ٹوٹ پڑے لیکن ویب سائٹ کرکٹ کے دیوانوں کے جذبے کا وزن نہ اٹھا سکی اور سرور ڈاون ہو گیا تاہم جلد ہی بحال ہو جائے گی لیکن اگر آپ ٹکٹ خریدنا چاہتے ہیں تو جلدی کریں کیونکہ وقت اور ٹکٹیں کم ہیں لیکن خریدار بہت زیادہ۔
نجی ٹی وی اے آر وائی نیوز کے مطابق پاکستان سپر لیگ 6 کے ٹکٹس بک می ڈاٹ پک کے نامی ویب سائٹ پر ٹکٹ خریدے جا سکتے ہیں ،ٹکٹس کی قیمت 500 روپے سے 5000 روپے تک ہے ،نیشنل سٹیڈیم میں صرف 7 ہزار 500 افراد کو بیٹھنے کی اجازت ہے،ابتدائی مراحل میں صرف کراچی کے میچز کی ٹکٹ دستیاب ہے ۔
نجی ٹی وی سما نیوز کے مطابق افتتاحی میچ کراچی کنگز بمقابلہ کوئٹہ گلیڈی ایئرز کیلئے ٹکٹیں دستیاب ہونگی،پہلے میچ کیلئے ٹکٹ کی کم ازکم قیمت 2000 اورزیادہ سے زیادہ 5000 ہزارمقررکی گئی ہے،آن لائن ٹکٹ خریدنے کیلئے شناختی کارڈ اورموبائل نمبر دینا ہوگا۔موبائل نمبر پر ویب سائٹ کی جانب سے ٹوکن نمبر بھیجاجائے گا،رقم کی ادائیگی بذریعہ موبائل اکاﺅنٹ یا آن لائن کرنا ہوگی ۔

جنوبی افریقن ٹیم کے ہیڈکوچ مارک باﺅچر کاکہناہے کہ پاکستان میں سب سے بڑا مسئلہ سکیورٹی کا تھالیکن ہم نے خودکوجنوبی افریقہ سے بھی زیادہ محفوظ پایا۔
نجی ٹی وی دنیا نیوز کے مطابق مارک باﺅچر کا کہناتھا کہ دورہ پاکستان سے بہت کچھ سیکھا،یہاں سب کچھ ایک خواب کی مانند لگا،ہیڈ کوچ جنوبی افریقہ ٹیم نے کہاکہ ہمیں یہاں ریورس سوئنگ اورگیند کے سپن ہونے کی توقع تھی،ان کاکہناتھا کہ محمدرضوان نے دونوں فارمیٹ میں بہترکھیل پیش کیا۔

پاکستان کرکٹ ٹیم کے مایہ ناز سابق فاسٹ باﺅلر شعیب اختر نے پاکستان سپر لیگ (پی ایس ایل) کے چھٹے ایڈیشن کے آفیشل گانے پر شدید خفگی کا اظہار کرتے ہوئے کہا ہے کہ اسے سن کر میرے بچے ڈر گئے تھے اور تین دن تو انہوں نے مجھ سے بات ہی نہیں کی۔
تفصیلات کے مطابق شعیب اختر نے پی ایس ایل کے رواں مہینے شیڈول ایڈیشن کے آفیشل گانے پر ناراضگی کا اظہار کرتے ہوئے منتظمین کو سخت تنقید کا نشانہ بنایا ہے۔ ان کا کہنا تھا کہ پی ایس ایل کا گانا اتنا برا بنایا گیا ہے کہ اسے سن کر میرے بچے ڈر گئے تھے، ترانہ سنانے کے بعد میرے بچوں نے تین دن تک مجھ سے بات نہیں کی کہ آپ نے گانا کیوں سنایا، ترانے کی شاعری سمیت ایک بھی چیز ایسی نہیں جس کی تعریف کی جائے۔
انہوں نے ترانہ بنانے والوں کو مخاطب کرتے ہوئے کہا کہ گروو میرا کیا ہوتا ہے، اس کے لفظی معانی تو پتہ کر لیتے، پاکستان کرکٹ بورڈ (پی سی بی) کے سب لوگ نااہل ہیں، ان کو گانا کیوں نہیں بنانا آتا، ڈرامے بازی کیوں کرتے ہو، محمد وسیم اچھا بھلا انسان ہے لیکن اسے جوکر والے کپڑے پہنا دئیے گئے۔
سابق فاسٹ باﺅلر نے پی ایس ایل کے گانے کو ’گندا‘ قرار دیتے ہوئے اس کیخلاف مہم جاری رکھنے کا اعلان کیا اور طنز کرتے اس حوالے سے مقدمہ درج کروانے کا بھی بولا، ان کا کہنا تھا کہ اتنا گھٹیا گانا ہے کہ اس سے بہتر میں خود گا سکتا ہوں۔

جنوبی افریقہ ٹی 20 ٹیم کے کپتان ہینری کلاسن نے ’بی ٹیم‘ کا تاثر مسترد کرتے ہوئے کہا ہے کہ ہم سب ملک کی نمائندگی کیئے منتخب ہوئے ہیں اور پاکستان کیخلاف اچھی کرکٹ کھیلتے ہوئے ٹی 20سیریز جیتنے کیلئے پرعزم ہیں۔
تفصیلات کے مطابق پاکستان سے ٹیسٹ سیریز ختم ہونے کے بعد کوینٹن ڈی کوک، ریسی وینڈر ڈوسن، کاگیسو ربادا، لونگی نگیڈی اور اینرچ نورکیا جیسے ٹاپ سٹارز جنوبی افریقہ واپس روانہ ہو چکے ہیں، اس کے باوجود نو آموز کپتان ہینری کلاسن نے ٹی 20سیریز کیلئے منتخب ٹیم کو ’بی کیٹیگری‘ کی قرار دینے کا تاثر مسترد کردیا ہے جن کا کہنا ہے کہ چند کھلاڑی سکواڈ کا حصہ نہیں کیونکہ کورونا وائرس کی وجہ سے پیدا ہونے والی صورتحال میں ان کو آرام کا موقع دینا بھی ضروری ہے لیکن اس کا قطعی طور پر یہ مطلب نہیں کہ دوسرے درجے کی ٹیم میدان میں اترے گی۔
انہوں نے کہا کہ ٹاپ سٹارز کی عدم موجودگی میں یہ نوجوان کرکٹرز کیلئے صلاحیتیں منوانے کا بہترین موقع ہے، ان میں سے بیشتر گزشتہ 2 سال میں مختلف پلیٹ فارمز پر اچھی کرکٹ کھیلتے آئے ہیں، ہم سب اپنے ملک کی نمائندگی کررہے ہیں، صلاحیتوں کا بہترین استعمال کرتے ہوئے سیریز جیتنے کی پوری کوشش کریں گے۔
ان کا کہنا تھا کہ لاہور میں اچھی تیاری کرنے کی کوشش کی ہے، سینئر بیٹسمین ڈیوڈ ملر نوجوان کرکٹرز کی رہنمائی کررہے ہیں اور اس سے ان کے اعتماد میں اضافہ بھی ہوا ہے، حالیہ سیزن میں صرف 4میچز کھیل پانے پر خاصی مایوسی ہوئی،اب ٹریننگ سے مختلف کنڈیشنز سے ہم آہنگ ہونے میں مدد ملی ہے، ہم میزبان ٹیم کا مقابلہ کرنے کیلئے تیار ہیں۔

پاکستان جنوبی افریقہ کیخلاف ٹیسٹ سیریز میں 0-2 سے کامیابی حاصل کرنے کے بعد نئی آئی سی سی ٹیسٹ رینکنگ میں 5ویں پوزیشن پر آگیا ہے۔ تفصیلات کے مطابق پاکستان 8 ریٹنگ پوائنٹس حاصل کرنے کے بعد ٹاپ 5 میں شامل ہوگیا ہے۔قومی ٹیم نے 82 پوائنٹس سے 90 پوائنٹس پر چھلانگ لگائی،پاکستان اب جنوبی افریقہ(89) سے ایک پوائنٹ اوپر ہے جو سیریز ہارنے کے ساتھ ہی ٹیسٹ رینکنگ میں پانچواں مقام بھی گنوا بیٹھی ہے۔
نیوزی لینڈ آئی سی سی ٹیسٹ رینکنگ میں پہلی پوزیشن پر موجود ہے جس کے بعد بھارت ، آسٹریلیا اور انگلینڈ کا نمبر ہے۔ پاکستان نے راولپنڈی میں پانچویں اور آخری دن دوسرے ٹیسٹ میچ میں 95 رنز سے فتح حاصل کرکے 2003 کے بعد جنوبی افریقہ کے خلاف اپنی پہلی ٹیسٹ سیریز 0-2 سے جیت لی۔ جنوبی افریقہ کو جیتنے کے لئے 370 رنز کا ہدف ملا تھا جس کے جواب میں مہمان ٹیم 274 رنز پر آؤٹ ہوگئی جبکہ فاسٹ بولر حسن علی نے دوسری اننگز میں 60 رنز کے عوض 5 اور میچ میں مجموعی طور پر 114 رنز دیکر 10 وکٹیں حاصل کیں۔ اوپنر ایڈن مارکرم نے 108 اور ٹمبا باوما نے 61 رنز بنائے۔ یاد رہے کہ پاکستان نے جنوبی افریقہ کے خلاف کراچی میں پہلا ٹیسٹ سات وکٹوں سے جیتا تھا۔
جبکہ دوسری طرف بدترین تنقید کے باوجود قومی ٹیم کے ہیڈ کوچ مصباح الحق اور کپتان بابر اعظم تاریخ میں امر ہوگئے، ایسا شاندار اعزاز اپنے نام کر لیا جو آج تک کوئی پاکستانی کپتان یا کوچ حاصل نہ کر سکا۔ بابر اعظم جنوبی افریقہ کیخلاف ٹیسٹ سیریز میں کلین سوئپ کرنے والے واحد ملکی کپتان جبکہ مصباح الحق واحد پاکستانی کوچ ہیں۔
اس کے علاوہ بابراعظم بطور کپتان اپنی ڈیبیو ٹیسٹ سیریز جیتنے والے پاکستان کے 5ویں کپتان بھی بن گئے۔ پاکستان نے دوسرے ٹیسٹ میچ میں جنوبی افریقہ کو 95 رنز سے شکست دیکر 2 میچوں پر مشتمل سیریز میں کلین سویپ مکمل کیا۔ پنڈی سٹیڈیم میں کھیلے جانیوالے میچ میں حسن علی اور شاہین شاہ آفریدی کی عمدہ گیند بازی کی بدولت قومی ٹیم نے جنوبی افریقہ کو شکست دی۔
پاکستان نے ٹیسٹ کرکٹ کی تاریخ میں پہلی بار جنوبی افریقہ کو وائٹ واش جب کہ دوسری بار ٹیسٹ سیریز میں شکست دی ۔ اس سے قبل 2003ء میں پاکستان نے جنوبی افریقہ کو0-1 سے ٹیسٹ سیریز میں شکست دی تھی۔ یہ بابراعظم کی بطور ٹیسٹ کپتان پہلی ٹرافی تھی ، وہ بطور کپتان ڈیبیو ٹیسٹ سیریز جیتنے والے پاکستان کے 5ویں کپتان بھی بن گئے ہیں، اس سے قبل فضل محمود نے ویسٹ انڈیز کے خلاف 1959ء میں بطور ٹیسٹ کپتان اپنی پہلی ہی ٹیسٹ سیریز میں کامیابی حاصل کی، مشتاق محمد نے 1976ء میں نیوزی لینڈ کے خلاف یہ کارنامہ سرانجام دیا، جاوید میانداد نے 1980ء میں آسٹریلیا کے خلاف بطور کپتان اپنی پہلی ہی ٹیسٹ سیریز میں کامیابی سمیٹی جب کہ سلیم ملک نے 1994ء میں نیوزی لینڈ کے خلاف بطور کپتان اپنی پہلی ٹیسٹ سیریز جیتی ۔

انگلینڈ کرکٹ ٹیم کے کپتان جو روٹ کیرئیر کے 100 ویں ٹیسٹ میچ کے دوران ڈبل سنچری بنانے والے دنیا کے پہلے بلے باز بن گئے ہیں اور پاکستان کے لیجنڈ بلے باز انضمام الحق کا ریکارڈ بھی توڑ دیاہے۔
تفصیلات کے مطابق انگلینڈ اور بھارت کے درمیان چدم برم سٹیڈیم چنائی میں ٹیسٹ میچ جاری ہے اور یہ جو روٹ کے کیرئیر کا 100 واں ٹیسٹ میچ ہے جس میں وہ انتہائی عمدہ کارکردگی کا مظاہرہ کرتے ہوئے ڈبل سنچری مکمل کرنے والے دنیا کے پہلے بلے باز بن گئے ہیں۔
30 سالہ جو روٹ نے 2012ءمیں انگلینڈ کی جانب سے اپنے کیرئیر کا آغاز کیا تھا اور اب تک وہ بطور کپتان تین مرتبہ ڈبل سنچری بنا چکے ہیں اس کے علاوہ انہوں نے 100 ویں ٹیسٹ میچ میں سنچری بنا کر دنیا کا نوواں بلے باز ہونے کا اعزاز بھی اپنے نام کیا ہے۔
پاکستان کرکٹ ٹیم کے مایہ ناز سابق کپتان اور لیجنڈ بلے باز انضمام الحق نے اس سے قبل اپنے کیرئیر کے 100 ویں ٹیسٹ میچ میں 184 رنز بنائے تھے جبکہ آسٹریلیا کے سابق کپتان رکی پونٹنگ دنیا کے واحد کھلاڑی ہیں جنہوں نے اپنے 100 ویں ٹیسٹ میچ کی دونوں اننگز میں سنچری سکور کر رکھی ہے۔