Category بزنس

کراچی(نیٹ نیوز/ایمرا نیوز)کراچی کے علاقے نارتھ کراچی میں پاکستان تحریک انصاف (پی ٹی آئی) اور متحدہ قومی موومنٹ ( ایم کیو ایم) پاکستان کے کارکنوں میں تصادم کے نتیجے میں پی ٹی آئی کے انتخابی امیدوار سمیت متعدد کارکن زخمی ہو گئے۔رہنما تحریک انصاف فردوس نقوی نے ایم کیو ایم پاکستان کو تنقید کا نشانہ بناتے ہوئے کہا کہ مخالفین ووٹ سے مقابلہ نہیں کر سکتے اس لیے تشدد پر اتر آئے ہیں۔فردوس نقوی نے پی ایس 123 میں پی ٹی آئی کے امیدوار فیضان مسلم پر تشدد کی مذمت کرتے ہوئے کہا کہ ایم کیو ایم نے اپنی پرانی روش نہیں بدلی۔پی ٹی آئی امیدوار اشرف قریشی کا کہنا ہے کہ ایم کیو ایم ہماری امن پسندی کو کمزوری نہ سمجھے، عوام اس ظلم کا بدلہ 25 جولائی کو ووٹ کی طاقت سے لیں گے۔

اسلام آباد:(ایمرا نیوز) آصف زرداری اور فریال تالپور کے گرد گھیرا تنگ
سپریم کورٹ نے سمٹ بینک، سندھ بینک اور یو بی ایل کے سربراہان کے نام ای سی ایل میں ڈالنے کا حکم دیتے ہوئے کہا ہے کہ جعلی بینک اکاؤنٹس اور ان سے ہونے والی منی لانڈرنگ کی تحقیقات کیلئے پاناما طرز پر جے آئی ٹی بنائی جائے جس میں مالیاتی ماہرین بھی شامل ہوں۔
چیف جسٹس پاکستان میاں ثاقب نثار کی سربراہی میں سپریم کورٹ کے تین رکنی بینچ نے جعلی بینک اکاؤنٹس ازخود نوٹس کی سماعت کی۔ ڈی جی ایف آئی اے بشیر میمن عدالت میں پیش ہوئے اور بتایا کہ 2010 میں خفیہ اطلاعات کی بنیاد پر انکوائری شروع کی، 4 اکاوٴنٹس کی نشاندہی ہوئی، بعدازاں 29 اکاوٴنٹس کا پتہ چلا جن میں سے 16 سمٹ بینک، 8 سلک بینک اور 5 یو بی ایل کے اکاوٴنٹ تھے، یہ اکاوٴنٹس 7 لوگوں سے متعلق تھے جن سے 35 ارب روپے کی ٹرانزیکشنز ہوئیں، میرے احکامات پر سمٹ بینک کا سندھ بینک میں انضمام روکا گیا۔
یہ بھی پڑھیں: منی لانڈرنگ کیس؛ آصف زرداری اور فریال تالپور کے گرد گھیرا تنگ
چیف جسٹس نے 29 اکاؤنٹ ہولڈرز کے نام پوچھے، تو بشیر میمن نے بتایا کہ 7 ملزمان کے نام پر یہ 29 اکاؤنٹس ہیں۔ طارق سلطان کے نام پر 5 اور ارم عقیل کے نام پر دو اکاوٴنٹس ہیں۔ یہ دونوں افراد ایک دوسرے سے رابطے میں ہیں، محمد اشرف کے نام پر ایک ذاتی اور 4 لاجسٹک ٹریڈ کے اکاؤنٹس ہیں، محمد عمیر بیرون ملک ہیں اور ان کا ایک ذاتی اور 6 اکاؤنٹس حمیرا اسپورٹس کے نام پر ہیں، عدنان جاوید کے 3 اکاوٴنٹس لکی انٹرنیشنل کے نام پر ہیں، قاسم علی کے تین اکاؤنٹس رائل انٹرنیشنل کے نام سے ہیں، محمد اشرف سمیت 6 افراد نے سندھ ہائیکورٹ سے رجوع کررکھا ہے، سمٹ بینک کے عدیل ارشد کو ایف آئی اے سے تعاون کرنے کا کہا گیا ہے، ہم ان تمام افراد کو طلب کررہے ہیں۔
ڈی جی ایف آئی اے نے بتایا کہ یہ وہ لوگ ہیں جن کا سرکاری بینک نکلتا ہے، جعلی اکاؤنٹس سے7 کروڑ روپے انصاری شوگر مل کو گئے، اومنی کو 50 لاکھ، پاک ایتھانول ڈیڑھ کروڑ، چمبڑ شوگر 20 کروڑ، ایگرو فارم کو 57 لاکھ روپے اور زرداری گروپ پرائیویٹ لمیٹڈ کو ڈیڑھ کروڑ روپے دیے گئے۔
چیف جسٹس نے کہا کہ 35 ارب روپے کے فراڈیے کو آپ نے بلایا بھی نہیں، اب تک تفتیش کے مطابق ان کے پیچھے کون ہے؟ْ بشیر میمن نے کہا کہ ہم نے سب کو نوٹس جاری کیے، مقدمہ بھی درج کروادیا ہے، حسین لوائی گرفتار ہوچکے ہیں۔
اس خبرکوبھی پڑھیں: آصف زرداری کے قریبی ساتھی حسین لوائی گرفتار
چیف جسٹس نے کہا کہ کتنے دن میں یہ انکوائری مکمل کرلیں گے؟، جن لوگوں سے آپ لڑنا چاہ رہے ہیں وہ آپ کے قابو میں نہیں آئیں گے، آپ کو سپریم کورٹ کی مدد درکار ہوگی، وائٹ کالر کرائم کو پکڑ لیا تو تمام مسائل حل ہوجائیں گے، سمٹ، سندھ اور یو بی ایل بینک کے سربراہان کو بلا لیتے ہیں، اگر وہ ریکارڈ فراہم نہیں کرتے تو ہم دیکھ لیں گے، کیا نیب اور ایف آئی اے کی جوائنٹ ٹیم نہیں بن سکتی؟، پاناما طرز پر جے آئی ٹی بنائیں جس میں فنانشل ماہرین بھی ہوں۔
سپریم کورٹ نے سمٹ بینک، سندھ بینک اور یو بی ایل کے سربراہان اور سی ای او کو نوٹس جاری کرتے ہوئے ان کے نام ای سی ایل میں ڈالنے کا حکم دیتے ہوئے کہا کہ یہ لوگ انکوائری مکمل ہونے تک بیرون ملک نہیں جاسکتے۔ اسٹیٹ بنک کے سنیئر حکام کو بھی نوٹس جاری کردیے گئے۔ سپریم کورٹ نے 7 ملزمان محمد عمیر، عدنان جاوید، قاسم علی، طارق سلطان ،ارم عقیل ، محمد اشرف اور محمد اقبال آرائیں اور دیگر 13 بینفیشریز کو 12 جولائی کو طلب کرتے ہوئے زرداری گروپ کے آصف زرداری اور فریال تالپور کو بھی نوٹس جاری کردیے۔ عدالت نے قرار دیا کہ آئی جی سندھ ان تمام لوگوں کی حاضری یقینی بنائیں۔
ڈی جی ایف آئی اے نے درخواست کی کہ ان اکاوٴنٹس سے سمٹ بنک کو آنے والا سات ارب منجمد کیا جائے، جو کرپشن کا پیسہ ہے۔ عدالت نے احکامات جاری کیے کہ وزارت داخلہ اکاؤنٹ ہولڈرز اور اسکینڈل میں ملوث لوگوں کے نام ای سی ایل میں ڈالے، اسٹیٹ بینک ایف آئی اے کو متعلقہ ریکارڈ کی حوالگی یقینی بنائے، سمٹ بیک کے اسٹیٹ بینک میں موجود 7 ارب کی ضمانت کی رقم کو منجمد کردیا جائے، آئی جی سندھ ان تمام لوگوں کی حاضری عدالت میں یقینی بنائے،
جعلی بینک اکاوٴنٹس کیس کی سماعت بارہ جولائی تک ملتوی کردی گئی۔

اسلام آباد:(ایمرا نیوز) اشیا کی قیمتوں میں اضافہ
ملک میں مہنگائی کی شرح 4 سال کی بلند ترین سطح پر پہنچ گئی ہے۔
شماریات ڈویژن کی جانب سے جاری کردہ تفصیلات کے مطابق گزشتہ مالی سال کے دوران پیاز کی قیمت میں 67.64فیصد، مٹی کا تیل 17.37فیصد، چاول 13.10فیصد، تعلیم 12.33 اور پٹرول کی قیمت میں 11.19 فیصدکا اضافہ ہوا۔
جاری کردہ اعدادوشمارکے مطابق جولائی تا جون 2017-18 کے دوران مرغی کے گوشت کی قیمت میں اس عرصے کے دوران 9.60فیصد، ڈرگز اور ادویہ 8.99فیصد ٹماٹر 8.27فیصد، گوشت 8.15فیصد، تعمیراتی اخراجات کی شرح میں 8.11فیصدکا اضافہ ہوا ہے۔
گزشتہ مالی سال کے دوران چائے 8.10 فیصد، ٹٰیلرنگ 8.10فیصد، ڈاکٹر کے کلینک کی فیس میں 7.36فیصد میڈیکل ٹیسٹ 6.85فیصد اور اخبارات کی قیمت میں 6.85فیصد کا اضافہ ہوا ہے۔ گزشتہ مالی سال کے دوران دال ماش کی قیمت میں 25.57 فیصد، دال چنا 19.44فیصد، سگریٹ 17.32فیصد، دال مسور 16.89فیصد، چینی 16.23فیصد اور بیسن کی قیمت میں 13.95فیصدکی کمی ہوئی ہے۔ اسی عرصے کے دوران گڑ کی قیمت میں 7.40 فیصد، چنے4.32فیصد اور تازہ سبزیاں 3.89 فیصد سستی ہوئی ہیں۔
ماہانہ بنیادوں پر ٹماٹر کی قیمت میں 41.67فیصد، بس کے کرائے 27.91فیصد، کیلے 24.59فیصد، بچوں کے جوتے 16.69فیصد،آلو 6.78 فیصد، ڈیزل 6.63فیصد، آٹو رکشا کے کرائے کی شرح میں 6.50فیصد، پیاز 6.17اور گیس سلنڈر کی قیمت میں 4.91فیصد کا اضافہ ہوا ہے۔ ماہانہ بنیادوں پر پٹرول 4.86فیصد، سیمنٹ 2.63فیصد، مٹی کاتیل 1.98فیصد اور ٹیکسی کے کرائے میں 1.51فیصد کا اضافہ ہوا ہے۔
ماہانہ بنیادوں پر لیموں کی قیمت میں 10.55فیصد، قلمی آم 10.11فیصد، لہسن 9.05 فیصدسبز مرچ 6.33فیصد، انڈے 3.75فیصد، دال مسور 1.78فیصد، دال ماش 1.66فیصد اور چنوں کی قیمت میں 0.85فیصد کی کمی ہوئی ہے۔
شماریات ڈویژن کی جانب سے جاری کردہ تفصیلات کے مطابق سالانہ بنیادوں پر جن اشیا کی قیمتوں میں اضافہ ہواہے ان میں مٹی کاتیل 34.37ٰفیصد، بس کے کرائے 33.58فیصد، ڈیزل 29.37فیصد، ٹرین کے کرائے 28.57فیصد، پٹرول 26.32فیصد، گیس سلنڈر 24.08 فیصد، ٹماٹر 16.77فیصد اور پیاز کی قیمت میں 14.17 فیصد کا اضافہ ہوا ہے۔
جاری ہونے والے اعدادوشمار کے مطابق سالانہ بنیادوں پر لہسن کی قیمت میں 36.92 فیصد، دال ماش 26.57فیصد ، آلو25.61 فیصد، دال مسور 13.68 فیصد، دال چنا 12.58 فیصد، کالے چنے 10.03 فیصدسستے ہوئے ہیں بیسن کی قیمت میں 8.65 فیصد ، گڑ 6.42فیصد چینی 6.35فیصد اور انڈوں کی قیمت میں 1.82فیصد کی کمی ہوئی ہے۔

اسلام آباد: (ایمرا نیوز) سرکاری کمپنیوں اورنجی بجلی گھروں کوگیس اورایل این جی کی فراہمی
گردشی قرضوں کے بارے میں سینیٹ خصوصی کمیٹی میں انکشاف ہواہے کہ سابقہ حکومت نے قرضے کے180ارب روپے عوام سے بجلی کے بلوں میں سے وصول کیے۔
کمیٹی نے بجلی پیدا کرنے والی سرکاری کمپنیوںاورنجی بجلی گھروں کو گیس اورایل این جی کی فراہمی کی تفصیلات طلب کر لیں،گردشی قرضوں کے بارے میںخصوصی کمیٹی کا اجلاس کنوینیئرشبلی فراز کی زیرصدارت ہوا۔وزار ت خزانہ کے حکام نے بتایاکہ دسمبر2017 تک گردشی قرضہ 514 ارب روپے تھااور حکومت نے گردشی قرض کی ادائیگی کیلیے 180 ارب کاقرض لیااور یہ رقم بھی صارفین سے بجلی بلوں کے ذریعے وصول کی گئی۔
کنوینئر کمیٹی نے کہاکہ گردشی قرضہ کامعاملہ انتہائی تشویشناک ہے اگرگردشی قرضہ کامعاملہ حل ہوجائے توایک فوج اور تیار ہو سکتی ہے ۔حکام نے بتایاکہ بلوچستان میں ایگریکلچرکیلیے نوارب کی سبسڈی دی جائیگی ،کے الیکڑک کو 21 ارب کی اور انڈسٹریل سپورٹ پیکیج کے تحت 15 ارب کی سبسڈی دی جائے گی۔
کنوینیئرنے کہاکہ صارفین کیلیے ٹیرف کے تعین کا کوئی نیا نظام نہیں،انھوں نے کہاکہ نیپرا اتھارٹی کیاکر رہی ہے؟ جو بڑے لینڈ لارڈ ہیں انکو سبسڈی کی مد میں زیادہ بلنگ کرنی چاہیے ۔متبادل توانائی بورڈکے سی ای او امجد اعوان نے اعتراف کیاکہ متبادل ذرائع سے بجلی کی پیداوارکیلیے عوام میں کوئی آگاہی مہم نہیں چلائی گئی۔
کمیٹی کے کنوینیئرنے کہاکہ حکومت نے جان بوجھ کر نجی شعبے کو متبادل توانائی کی پیداوارکی حوصلہ شکنی کی ہے اور ایسا جان بوجھ کرکیاگیا ہے تاکہ مہنگے زرایع کوہی چلایاجائے ۔کمیٹی نے گردشی قرضوں کے خاتمے کیلیے زرعی ٹیوب ویلز سولرسسٹم پر منتقل کر نیکی سفارش کردی۔
علاوہ ازیں سینیٹ کی قائمہ کمیٹی برائے آبی ذخائرنے(ارسا) کی جانب سے صوبہ سندھ کوکوٹہ سے کم پانی فراہم کرنیکا نوٹس لے لیا،ا مام الدین شوقین نے سینیٹ میںدائر پٹیشن میں مطالبہ کیاکہ 1991کے صوبوں کیساتھ پانی کی تقسیم کے حوالے سے معاہدے کے مطابق سندھ کواسکے حصے کاپورا پانی فراہم کیا جائے،کمیٹی نے بلوچستان میں پٹ فیڈر کینال کے فراڈ اور اس حوالے سے نیب میں 2014 سے جاری تحقیقات کے حوالے سے بھی سیکریٹری آبپاشی بلوچستان سے جواب طلب کر لیا۔

(میڈیا 92نیوز)اسٹیٹ بینک نے ٹیکس کے لیے اوقات کار بڑھادیئے
کراچی: (میڈیا 92نیوز)اسٹیٹ بینک نے ٹیکس وصولیوں کے لیے مخصوص بینکوں کی برانچز کے اوقات کار بڑھادیئے۔
اسٹیٹ بینک کے مطابق رواں مالی سال کے آخری چند دنوں میں ٹیکس وصولیوں کی غرض سے مخصوص بینک کے اوقات کار بڑھادیئے گئے ہیں۔
اسٹیٹ بینک کا کہنا ہےکہ ٹیکس وصولیوں کےلیے مخصوص بینکوں کی برانچیں کل رات 11 بجے تک کھلی رہیں گی۔
واضح رہےکہ اسٹیٹ بینک کے مطابق 2 جولائی کو بینک عملہ مالی سال کی کلوزنگ کرے گا لہٰذا اس روز بینک عوامی لین دین نہیں کریں گے۔

واشنگٹن(میڈیا 92نیوز) امریکی سپریم کورٹ نے امریکی ریاستوں کو اشیا کی ائن لائن فروخٹ پر ٹیکس عائد کرنے کی اجازت دے دی۔امریکی سپریم کورٹ نے انٹرنیٹ کے دور کے آغاز پر 25سال قبل کیا گیا فیصلہ کالعدم قرار دیتے ہوئے امریکی ریاستوں کو اشیا وخدمات کی ائن لائن فروخٹ پر ٹیکس عائد کرنے کی اجازت دے دی۔9 رکنی بنچ نے فیصلہ 4 کے مقابلے میں 5 ووٹوں سے دیا جس کے تحت 1992کا پرانا فیصلہ بدل دیاگیا جس میں کہا گیا تھا کہ ریاست صرف فزیکلی موجود کاروبار پر سیلزٹیکس عائد کرسکتی ہے۔ اس تاریخ ساز فیصلے سے امریکی ریاستوں کو ای کامرس سیکٹر سے ریونیو کمانے کا موقع ملے گا۔سپریم کورٹ نے یہ فیصلہ ساوتھ ڈاکوٹا کے کیس میں دیا جسے 35 ریاستوں کے ساتھ وفاق کی بھی حمایت حاصل تھی۔

کراچی (میڈیا 92 نیوز) امریکی ڈالر نے ایک بار پھر اونچی اڑان بھرتے ہوئے روپے کی بے قدری کی نئی تاریخ رقم کردی ہے، ایک ڈالر 124 روپے کی بلند ترین سطح پر پہنچ گیا ہے۔

میڈیا 92 نیوز کے مطابق اوپن مارکیٹ میں ڈالر کی قدر میں آج (جمعرات کو) 3روپے 60 پیسے کا اضافہ ہوا ہے جس کے بعد اس کی قیمت 124 روپے ہوگئی ہے جو تاریخ کی بلند ترین سطح ہے۔ دوسری جانب انٹر بینک مارکیٹ میں ڈالر کی قیمت میں ایک روپے 61 پیسے کا اضافہ ہوا ہے جس کے بعد اس کی قیمت 122 روپے ہوگئی ہے۔

تجزیہ کاروں کا کہنا ہے کہ عید کی آمد سے پہلے ڈالر کی قیمت میں اضافے سے بیرون ملک مقیم پاکستانیوں کے خاندانوں کو رقوم کی وصولی کی مد میں فائدہ ہوسکتا ہے لیکن ملک کی مجموعی معیشت کیلئے یہ اضافہ انتہائی نقصان دہ ہے کیونکہ ڈالر کی قیمت میں معمولی سا اضافہ بھی پاکستان کے بیرونی قرضوں میں اربوں روپے کا اضافہ کردیتا ہے۔

زرمبادلہ کے ذخائر میں کمی کے بعد ملکی تاریخ میں پہلی مرتبہ روپے کے مقابلے ڈالر کی قدر 119.35 روپے کی ریکارڈ ترین سطح پر جا پہنچی ہےاور یوں روپیہ پاکستان کی تاریخ کی کم ترین سطح پر آگیاہے۔
فاریکس ایسوسی ایشن آف پاکستان کے مطابق رواں ہفتے کے دوران اوپن مارکیٹ میں ڈالر کی قدر میں بتدریج اضافہ ہوا ہے اور ڈالر کی قدر119روپے کی ریکارڈ سطح کوچھو گئی ہے۔
جمعہ کو اوپن مارکیٹ میں 10پیسے کے اضافے سے ڈالر کی قیمت خرید 118.40روپے سے بڑھ کر118.50روپے اور قیمت فروخت 118.90روپے سے بڑھ کر119.35 روپے ہو گئی تاہم انٹربینک مارکیٹ مستحکم رہی اور سٹیٹ بینک کے ڈیٹا کے مطابق ڈالر 115.61 روپے کی سطح پر برقراررہا۔
ادھر 50پیسے کے اضافے سے یورو کی قیمت فروخت 140روپے سے بڑھ کر140.50روپے ہو گئی جبکہ برطانوی پائونڈ کی قیمت خرید 158روپے اور قیمت فروخت159.50روپے پر بدستور برقرار رہی۔
دوسری جانب انٹر بینک میں بھی روپے کے مقابلے ڈالر2پیسے مہنگا ہو گیا جس سے ڈالرکی قیمت خرید115.62روپے سے بڑھ کر115.64روپے اور قیمت فروخت 115.67روپے سے بڑھ کر115.69روپے ہو گئی۔

(میڈیا 92 نیوز)عید کے موقع پر نئے کرنسی نوٹوں کی ضرورت کسے نہیں ہوتی،ہر شخص کی خواہش ہوتی ہے کہ عید کے پر مسرت موقع پر جو عیدی تقسیم کی جائے وہ نئے کرنسی نوٹوں میں دی جائے پرانے نوٹوں میں عیدی کا لطف پھیکا پھیکا سا رہتا ہے۔

عیدی تقسیم کرنے والوں میں پاکستانیوں کا بھی کوئی ثانی نہیں اور اسٹیٹ بینک کی رپورٹوں کے مطابق پاکستانی ہر سال اربوں روپے کی عیدی تقسیم کرتے ہیں۔

اسی ضرورت کے تحت اسٹیٹ بینک اپنے صارفین کیلئےہر سال نئے کرنسی نوٹوں کا اجراء کرتا ہے لیکن نوٹوں کی تقسیم پرہر مرتبہ اعتراضات کے انبارلگائے گئے ،کبھی کوئی الزام عائد کیا گیا تو کبھی کوئی الزام۔

اسٹیٹ بینک نے چند سالوں سے نئے نوٹوں کی منصفانہ تقسیم کو یقینی بنانے کیلئے ایس ایم ایس سروس کاجو طریقہ اختیار کیا ہے اس طریقہ سے صارفین کی شکایات دور ہو ئی ہیں اور اب یہ طریقہ کار مقبول بھی ہواہے۔

اسٹیٹ بینک کی جانب سے اس سال بھی عید الفطر کے موقع پر نئے کرنسی نوٹ جاری کرنے کا اعلان کیا گیا ہےاور ان کو حاصل کرنے کا طریقہ کار بھی جاری کیا ہے، جس کے تحت صارفین کو اپنا کمپیوٹرائزڈ شناختی کارڈ نمبر اور بینک کا برانچ کوڈ 8877 پر ایس ایم ایس کرنا ہوگا۔

اسٹیٹ بینک نے صارفین کی آسانی کیلئے منتخب بینک برانچز کی فہرست بھی جاری کی ہے جس کا پتہ اور برانچ کوڈ بھی ان کے ساتھ درج ہے،یہ فہرست درج ذیل ہے۔
LST-SMS-8877-Eid-2018

اسلام آباد(میڈیا 92 نیوز) بیرونی قرضوں کے بوجھ تلے دبے پاکستان میں قرض معاف کرانے والوں کی ایک طویل فہرست موجود ہے۔ جس کے مطابق گزشتہ 27 برسوں میں چار کھرب روپے سے زائد کے قرضے معاف کروائے گئے ہیں۔

27 برسوں کے دوران 988 سے زائد کمپنیوں اور شخصیات نے چار کھرب 30 ارب چھ کروڑ روپے سے زائد کے قرضے معاف کرائے ہیں۔ ایک ارب روپے سے زائد قرض معاف کرانے والی کمپنیوں اور شخصیات کی تعداد 19 ہے۔
پاکستان اس وقت مجموعی طور پر 28 ہزار ارب روپے سے زائد بیرونی قرضوں کے بوجھ تلے دبا ہوا ہے۔
حکومت کی جانب سے ایوان بالا میں پیش کی گئی فہرست کے مطابق 1990 سے 2015 تک قرضے معاف کروائے گئے ہیں۔ قرض معافی کے معاملے میں عبداللہ پیپرز پرائیویٹ لمیٹڈ نے سب کو پیچھے چھوڑ دیا ہے۔ جس نے 2015 میں ایک کھرب 54 ارب 84 کروڑ 73 لاکھ روپے کے قرضے معاف کرائے ہیں۔
مہران بینک اسکینڈل کے مرکزی کردار یونس حبیب نے 1997 میں دو ارب 47 کروڑ روپے معاف کرائے ہیں۔ ریڈ کو ٹیکسٹائل کے مالک اور سابق چیئرمین احتساب بیورو سیف الرحمان خان نے 2006 میں ایک ارب 16 کروڑ 67 لاکھ روپے معاف کرائے۔
فوجی سیمنٹ نے 2004 میں پانچ کروڑ روپے سے زائد کا قرضہ معاف کرایا جب کہ سپیریئر ٹیکسٹائل ملز پرائیویٹ لمیٹڈ نے 24 کروڑ 75 لاکھ روپے کے قرضے معاف کرائے۔
حکومتی رپورٹ کے مطابق سابق رُکن قومی اسمبلی سردار جعفر خان لغاری کی چوٹی ٹیکسٹائل ملز نے 2008 میں 30 کروڑ روپے کے قرضے جب کہ سابق اسپیکر قومی اسمبلی فہمیدہ مرزا کی مرزا شوگر ملز نے 2007 میں سات کروڑ روپے کا قرضہ معاف کروایا۔
2002 میں صادق ٹیکسٹائل ملز نے پانچ کروڑ روپے سے زائد کا قرضہ معاف کروایا تھا جن کے مالکان میں تحریک انصاف کی رکن قومی اسمبلی شیریں مزاری بھی شامل ہیں۔