Category بزنس

اسلام آباد: یوٹیلیٹی اسٹورز پر ایک بار پھر مختلف اشیاء مہنگی کر دی گئیں۔ صابن، ٹشو پیپر، ٹائلٹ کلینر سمیت دیگر اشیاء کی قیمتوں میں اضافہ ہواہے۔ نہانے والے صابن کی قیمت 10 روپے تک بڑھادی گئی۔ ٹشو ٹائلٹ رول کی قیمت میں 3 روپے تک اضافہ ہوا۔ کچن ٹشو رول کی قیمت 4 روپے تک بڑھادی گئی ۔
ٹشو پیپر کی قیمت میں 13 روپے تک اضافہ کردیا گیا ۔ 550 ملی لیٹر ٹائلٹ کلینر کی قیمت میں 7 روپے تک اضافہ ہوا۔ 500 ملی لیٹر گلاس کلینر کی قیمت 12 روپے بڑھا دی گئی۔ ایک لیٹر فنائل کی بوتل میں 6 روپے مہنگی ہو گئی۔ 200 گرام کھانے کی کریم کی قیمت میں 10 روپے تک کا اضافہ ہوا۔ قیمتوں میں اضافے کا نوٹیفیکیشن جاری کرتے ہوئے فوری اطلاق کردیا گیا۔

لاہور (ویب ڈیسک)اسٹیٹ بینک آف پاکستان کی جانب سے آئندہ 2 ماہ کے لیے مانیٹری پالیسی کا اعلان کردیا گیا ہے۔تفصیلات کے مطابق اسٹیٹ بینک نے شرح سود میں اضافہ کرتے ہوئے شرح سود 25 بیسز پوائنٹس بڑھا کر اگلے دو ماہ کے لیے 7.25 فیصد کردی ہے۔اسٹیٹ بینک نے تفصیلات کی وضاحت کرتے ہوئے کہا ہے کہ مانیٹری پالیسی کمیٹی نےنوٹ کیا کہ معاشی بحالی کی رفتار توقع سے زیادہ بڑھی ہے اور اجناس کی عالمی قیمتیں اور درآمدات بڑھنے سے کرنٹ اکاؤنٹ خسارہ بڑھ رہا ہے۔
اس کے علاوہ جون سے سال در سال مہنگائی کم ہوئی ہے،کرنٹ اکاؤنٹ خسارے میں ردوبدل کا بوجھ روپے کی قدر پر پڑا ہے،رواں مالی سال نمو 4 تا 5 فیصد پیش گوئی کی بالائی حد میں رہنے کا امکان ہے۔

لاہور(ویب ڈیسک)پاکستان کے سب سے بڑے رئیل اسٹیٹ پورٹل زمین ڈاٹ کام کی جانب سےلاہور کے نجی ہوٹل میں دو روزہ پراپرٹی سیلز ایونٹ کا کامیاب انعقاد کیا گیا جس میں ویکسین شدہ شہری ایس او پیز کی پیروی کرتے ہوئے اپنی فیملیز کے ہمراہ شریک ہوئے۔ ایونٹ میں زمین ڈاٹ کام کے سینئر ڈائریکٹر سیلز لاہور چوہدری لئیق افتخار سمیت ڈائریکٹرز سیلز باسل حفیظ، حافظ عثمان سرور اور علی ریحان نے بھی شرکت کی۔ پراپرٹی سیلز ایونٹ میں ریذیڈنس 15، ستارہ سرین ٹاور، آئیکن ویلی فیز-2، پلاٹینم ہومز، سٹی سٹار شاپنگ سنٹر، آئیکن ہومز، زی ایونیو، سگنیچر بائی آئیکن اور مخبتین ہائٹس سمیت مجموعی طور پر 32 تعمیراتی منصوبے عوام الناس کی دلچسپی کیلئے پیش کئے گئے ۔ ایونٹ میں پیش کئے جانے والے منصوبوں کی مارکیٹنگ اور فروخت کے تمام حقوق صرف زمین ڈاٹ کام کو حاصل ہیں۔ اس ایونٹ میں شرکاء کو بہترین ڈیلز اور خصوصی آفرزبھی پیش کی گئیں۔
اس موقع پر گفتگو کرتے ہوئے زمین ڈاٹ کام کےسینئر ڈائریکٹر سیلز لاہور چوہدری لئیق افتخار نے کہا کہ زمین ڈاٹ کام کی جانب سے پیش کردہ منصوبے بہترین اور قابل اعتماد ہونے کی بدولت شہریوں میں یکساں مقبول ہیں ۔زمین ڈاٹ کام نے پراجیکٹ سیلز کی دنیا میں اپنی شاندار خدمات سرانجام دی ہیں جس کی وجہ سے آج ملکی معیشت میں رئیل اسٹیٹ سیکٹر ایک مرکزی شعبے کی حیثیت رکھتا ہے، اس ایک شعبے کی مزید تعمیر وترقی سے پچاس سے زائد دیگر منسلک صنعتیں بھی ترقی کی منازل طے کریں گی۔
پراپرٹی سیلز ایونٹ کے دوران زمین ڈاٹ کام کی باخبر سیلز ٹیم نے مارکیٹ کی صورتحال، تحقیق اور مکمل اعداد و شمار پر مشتمل پریزنٹیشن کے ذریعے صارفین کو محفوظ سرمایہ کاری کے حوالے سے رہنمائی اور معلومات بھی فراہم کیں۔ ایونٹ کے آخری روز عوام الناس کا رش بھی دیکھنے میں آیا جنہوں نے زمین ڈاٹ کام کی اس کوشش کو سراہا۔

اسلام آباد (ویب ڈیسک)حکومت کی جانب سے پیٹرولیم مصنوعات پر سیلز ٹیکس کی شرح میں تبدیلی کا فیصلہ کیا گیا ہے.تفصیلات کے مطابق حکومت نے پیٹرولیم مصنوعات پر سیلز ٹیکس کی شرح میں کمی کرتے ہوئے باقاعدہ نوٹی فکیشن بھی جاری کردیا گیا ہے۔نوٹی فکیشن کے مطابق پیٹرول پر سیلز ٹیکس کی شرح 10.54 فیصد، مٹی کے تیل پر 6.70 فیصد جب کہ لائٹ ڈیزل پر سیلز ٹیکس کی شرح 0.20 فیصد برقرار رکھی گئی ہے. تاہم ہائی اسپیڈ ڈیزل پر سیلز ٹیکس 5.36 فیصد کم کرکے 11.64 فیصد مقرر کی گئی ہے۔
خیال رہے کہ حکومت نے 15 ستمبر کو پیٹرول کی قیمت میں 5 روپے فی لیٹر، ڈیزل کی قیمت میں 5 روپے ایک پیسے، مٹی کے تیل کی قیمت میں 5 روپے 46 پیسے فی لیٹر اور لائٹ ڈیزل آئل کی قیمت میں 5 روپے 92 پیسے فی لیٹر کا اضافہ کیا ہے۔

اسلام آباد(ویب ڈیسک)پٹرول اورخوردنی تیل پر لگنے والے اس ٹیکس کی وجہ سے ہی ان کی قیمتیں ملکی تاریخ کی بلند ترین سطح پر پہنچ گئیں۔
حکومت نے رواں مالی سال کے پہلے دومہینوں جولائی اوراگست کے دوران درآمدی اشیاء پر وصول کیے جانے والے ٹیکسوں میں سے ایک تہائی ٹیکس پٹرول اور خوردنی تیل کی درآمدات سے اکٹھا کیا جو 149ارب روپے بنتا ہے۔
تیل اورخوردنی تیل کی درآمد سے اکٹھا کیا جانے والا یہ ٹیکس گزشتہ سال کے اسی عرصہ کے دوران ان اشیاء پروصول کیے جانے والے ٹیکس سے 132فیصد زیادہ ہے ۔گزشتہ سال کے اس عرصہ کے دوران پٹرول اور خوردنی تیل کی درآمد سے 64 ارب روپے ٹیکس اکٹھا کیا گیا تھا۔
پٹرول اورخوردنی تیل پر لگنے والے اس ٹیکس کی وجہ سے ہی ان کی قیمتیں ملکی تاریخ کی بلند ترین سطح پر پہنچ گئی ہیں۔ڈالرکے مقابلے میں روپے کی قدر میں کمی بھی قیمتوں میں اضافہ کا سبب بنی ہے۔پٹرول کی قیمت 123 روپے لٹر کرنے کی منظوری خود وزیراعظم نے دی۔
حکومت کی طرف سے پٹرولیم مصنوعات پر کسٹم ڈیوٹی میں اضافہ سے بھی ان کی قیمتیں بڑھی ہیں۔خام تیل کی درآمد پر17 فیصد سیلزٹیکس لگایا گیا،پٹرول پرکسٹمزڈیوٹی بھی پانچ فیصد سے بڑھا کر10فیصد کردی گئی۔
اسی طرح پام آئل کی درآمد پر ٹیکس ریٹس میں بھی اضافہ کیا گیا۔ان اشیا کے مہنگا ہونے سے غریب اورمتوسط طبقات بری طرح متاثر ہورہے ہیں۔مختلف عوامل کی وجہ سے پاکستان کی درآمدات میں بھی بہت تیزی سے اضافہ ہورہا ہے۔
اسٹیٹ بینک نے رواں مالی سال کی درآمدات کا تخمینہ 61 ارب ڈالر لگایا ہے لیکن وزارت تجارت 72ارب ڈالر کا اندازہ لگا رہی ہے۔رواں مالی سال کے پہلے دوماہ کے دوران تجارتی خسارہ 2.3 ارب ڈالر تر پہنچ گیا ہے۔
ماہ جولائی اوراگست کے دوران حکومت نے پٹرول کی درآمد اوراس پردیگرٹیکسوں کی مد میں28.6 ارب روپے اکٹھے کیے جو پٹرول کی درآمد میں کمی کے باوجود 80 فیصد یا12.8ارب روپے زیادہ تھے۔پٹرول کی درآمد پرکسٹم ڈیوٹیوں کی مد میں 12.1 ارب روپے اکٹھے کیے گئے۔

ایف بی آراعداد وشمارکے مطابق درآمدات کی مد میں گیس دوسری سب سے بڑی آئٹم تھی جس سے 25.6 ارب روپے ٹیکس اکٹھے کیے گئے جو گزشتہ سال کے اسی عرصہ کے مقابلے میں 16.8ارب روپے یا 190 فیصد زیادہ تھے۔

خام تیل کی درآمد سے 22 ارب روپے سے زائد ٹیکس اکٹھا کیا گیا،اس میں سیلزٹیکس سے اکٹھا ہونے والا ریونیو18.6ارب روپے تھا۔ہائی سپیڈ ڈیزل سے 17.5ارب روپے ٹیکس اکٹھا کیا گیا۔ڈیزل کی قیمتوں میں اضافہ کی وجہ سے باقی اشیاء بھی مہنگی ہورہی ہیں۔
حکومت نے دوماہ کے دوران کوئلے کی درآمد سے بھی 12.2 ارب روپے ریونیواکٹھا کیا۔خوردنی تیل کیلئے پام آئل کی درآمدات سے بھی 12.1ارب روپے ٹیکس کی مد میں اکٹھے کیے گئے۔اس کی بدولت ککنگ آئل کے مختلف برانڈزکی قیمتیں بڑھ کر 330 تا360 روپے لٹر تک پہنچ گئی ہیں۔حکومت نے فرنس آئل کی درآمد سے بھی دوماہ میں 11.8ارب روپے ٹیکس اکٹھا کیا ہے جوگزشتہ سال کے اسی عرصہ کے مقابلے میں 9 ارب روپے زیادہ ہے۔

لاہور(ویب ڈیسک) پاکستان کے سب سے بڑے پراپرٹی ادارے زمین ڈاٹ کام نے گلبرگ لاہور میں تعمیر ہونے والے جدید کثیر المنزلہ منصوبے ٹی سکوائر کی مارکیٹنگ اور سیلز کے حقوق حاصل کر لئے ہیں۔ اس حوالے سے زمین ڈاٹ کام کے ہیڈ آفس میں تقریب منعقد کی گئی، جس میں زمین ڈاٹ کام کے سینئر ڈائریکٹرسیلز لئیق چوہدری، ڈائریکٹرز سیلز باسل حفیظ، علی ریحان اور محمد عثمان جبکہ ٹی سکوائر کے ڈائریکٹرز سجاد علی چوہدری اور عمار خان سمیت دیگر عہدیداران شریک ہوئے۔ گلبرگ لاہور کی پرائم لوکیشن پر تعمیر ہونے والا ٹی سکوائر گراؤنڈ سمیت دس فلورز پر مشتمل ہو گا، جس میں شہر لاہور کے سب سے شاندار اور الٹرا ماڈرن لگژری اپارٹمنٹس پیش کئے جائیں گے۔

اس حوالے سے گفتگو کرتے ہوئے زمین ڈاٹ کام کے سینئر ڈائریکٹر سیلز لئیق چوہدری نے کہا کہ ٹی سکوئر میں پیش کئے جانے والے الٹرا ماڈرن لگژری اپارٹمنٹس اپنی جدید اور عالمی معیار کے مطابق سہولیات کی بدولت رئیل اسٹیٹ مارکیٹ میں ایک منفرد اضافہ ثابت ہوں گے۔ انہوں نے کہا کہ ایسے بے مثال منصوبے متعارف ہونے کے بعد شہر لاہور میں اب اپارٹمنٹ لیونگ کا کلچر فروغ پا رہا ہے جو کہ رئیل اسٹیٹ مارکیٹ کے لئے خوش آئند ہے۔
ٹی سکوائر کے ڈائریکٹرزسجاد علی چوہدری اور عمار خان نے کہا کہ اس منصوبے کے تمام الٹرا ماڈرن لگژری اپارٹمنٹس کو عالمی معیار کے مطابق نہ صرف جدید اور منفرد سہولیات دستیاب ہوں گی بلکہ شہر کے وسط میں پرائم لوکیشن کی وجہ سے یہاں سے تمام اہم مقامات تک رسائی بھی آسان ترین ہو گی۔

لاہور (ویب ڈیسک)ملک میں بڑھتی مہنگائی کے باعث عوام کا برا حال ہے اب پٹرول کے نرخوں میں اضافے کے بعد لاہور میں دیگر اشیائے ضروریات کی قیمتوں کو بھی پر لگ گئے یں .ادویات، آٹا، پٹرول، چینی اور متعدد دیگر ضروریات اشیاء کی قیمتیں تاریخ کی بلند ترین سطح پر پہنچ گئی ہیں۔ایک ہی دن میں 13 سبزیوں کے نرخوں میں اضافہ ہوا ہے علاوہ ازیں پھل بھی انتظامیہ کے مقرر کردہ نرخوں سے زائد پر فروخت ہورہا ہے.۔ برائلر کے گوشت کے نرخ 7 روپے اضافے کے بعد 291 روپے کلو تک جا پہنچے۔ لاہور میں پرائس کنٹرول مجسٹریٹس کی تعداد 53 سے بڑھا کر 68 کر دینا مسئلے کا حل نہیں .

لاہور (ویب ڈیسک)بجلی کی قیمتوں میں اضافے کے بعد اب لیسکو کی جانب سے ایک اور جھٹکا عوام کو دینے کا فیصلہ کیا گیا ہے .تفصیلات کے مطابق
لاہورالیکٹرک سپلائی کمپنی (لیسکو) نے ریکوری کو بڑھانے کے لیے بلوں کی اقساط کرنے پر مکمل پابندی عائدکردی ہے۔لیسکو کی جانب سے یہ پابندی گھریلو ،کمرشل اور تجارتی صارفین کے لیے ہو گی. علاوہ ازیں 30 ستمبر تک تمام بقایا جات والے کنکشنزکوبھی منقطع کرنے کا حکم دیا گیا ہے.۔
لیسکو حکام کا اس حوالے سے کہنا ہےکہ بجلی کے بلوں کی ریکوری اس وقت 94 فیصد ہے جوکہ کم ترین سطح پر ہے لہذٰا اسے ہر صورت 100 فیصد تک لایا جائے گا۔ان کا مزید کہنا تھا کہ 2 ماہ سے زائد کے بقایا جات والوں کو اقساط کی سہولت نہیں دی جائے گی. 4 ماہ پہلے بھی اس حوالے سے پابندی لگائی گئی تھی لیکن اس پر عمل درآمد نہیں ہوسکا تھا۔

کراچی(ویب ڈیسک)امریکی ڈالرکی اونچے اڑان کو ایک زور دار جھٹکا لگ گیا.انٹربینک مارکیٹ میں پاکستانی روپے کے مقابلے ڈالرمیں ایک روپے 41 پیسے کی کمی آئی ہے۔ امریکی ڈالر1.41 روپے کی کمی کے بعد انٹربینک میں ڈالر 167روپے70 پیسے پر فروخت ہوا. سنگل سیشن میں ڈالر 0.8 فیصد گراوٹ کا شکار رہا ہے۔ دوسری طرف اوپن مارکیٹ میں ڈالر ڈیڑھ روپے سستا ہو کر 169 روپے پر ٹریڈ ہوا۔خیال رہے کہ گذشتہ روز ڈالر کی قیمت میں مسلسل اضافہ دیکھنے میں آیا تھا اور 18 پیسے کی بڑھوتری کے بعد 168 روپے 94 پیسے سے بڑھ کر ڈالر 169 روپے 12 پیسے پررکا تھا۔

لاہور(پ.ر) پاکستان کے سب سے بڑے پراپرٹی ادارے زمین ڈاٹ کام نےڈی ایچ اے لاہور میں نجی طور پر تعمیر ہونے والے پہلے کثیر المنزلہ منصوبے ڈی بی-32 کی مارکیٹنگ اور سیلز کے حقوق حاصل کر لئے ہیں۔ جبکہ اس کی مینجمنٹ کے حقوق معروف انٹرنیشنل ہوٹل چین سوئس انٹرنیشنل ہوٹلز اینڈ ریزارٹس کو تفویض کرنے کی تقریب زمین ڈاٹ کام کے ہیڈ آفس میں منعقد کی گئی۔ تقریب میں زمین ڈاٹ کام کے سینئر ڈائریکٹرسیلز لئیق چوہدری، ڈائریکٹر سیلز باسل حفیظ، علی ریحان اور محمد عثمان جبکہ ڈی بی-32 کی جانب سے مشہود عامر سمیت دیگر عہدیداران شریک ہوئے۔
اس حوالے سے گفتگو کرتے ہوئے زمین ڈاٹ کام کے سینئر ڈائریکٹر سیلز لئیق چوہدری نے کہا کہ ڈی بی-32 ڈی ایچ اے لاہور میں نجی طور پر تعمیر ہونے والا کثیر المنزلہ ہوٹل اپارٹمنٹس کا ایک ایسا منصوبہ ہے جس کی ضرورت ایک عرصے سے محسوس کی جارہی تھی۔ یہ منصوبہ ڈیفنس ہاؤسنگ اتھارٹی اور سول ایوی ایشن سے منظور شدہ ہے، ڈی بی -32 خیابان اقبال ڈی ایچ اے کی پرائم لوکیشن، سرمایہ کاری پر پُرکشش منافع اور اسٹیٹ آف دی آرٹ عالمی معیار کی سہولیات کا حامل ہو گا۔ ہم پُرامید ہیں کہ ملک کے نامور اور قابل اعتماد اداروں کی جانب سے پیش کیا جانے والا یہ منصوبہ اپنی منفرد سہولیات اور جدید طرز تعمیر کی بدولت جلد صارفین کی توجہ کا مرکز بن جائے گا۔

ڈی بی -32 کے ڈائریکٹر مشہود عامر نے اس عزم کا اظہار کیا کہ ڈی بی-32 میں ہر طرح کی عالمی معیار کی سہولیات اور ہوٹل اپارٹمنٹ سروسز بہترین انداز میں فراہم کریں گے۔ ان کا کہنا تھا کہ ڈی بی -32 ڈی ایچ اے لاہور میں نجی طور پر تعمیر ہونے والا پہلا کثیر المنزلہ منصوبہ ہے جو کہ ہوٹل اپارٹمنٹس کی دنیا میں ایک سنگ میل کی حیثیت رکھتا ہے۔